رواية وخضعت للحب الجزء الثاني للكاتبة أروى الشرقاوي الفصل الحادي عشر والأخير
يوووه زهقت منك يابنى انزل، هكذا قالت روان لطفلها الذى يبلغ من العمر سبع سنوات
ليث بتحدى: والله انتى وليه مفتريه واخده مينى التليفون طب والله منا نازل
روان: وانا وخداه ليه يافاشل يابن الفشله
ليث: يعنى طالعلك مش جايبه من بره ليه بقا الرخامه دى هاتى التليفون
روان: اه التليفون ياصايع علشان تكلم البنات يافاشل والله اموتك يابن عمار وارتاح منك.
ليث: مانتى وليه مفتريه بثبت في الموزه بقالى شهرين وانتى في لحظه كده تطيريها من أيدى مكنش العشم ياام ليث هنقطع على بعض طب انا عملت معاكى كده قبل كده لما بقفشك انتى وجوزك
روان: واطي والله لقتلك ياحيوان
ليث: انا هنزل خلاص بس علشان اروح عند اسماء عندنا اجتماع طارئ في مستقبل بنحدده
ونزل الفتى تحت نظرات روان المصدومه
روان لنفسها: هو ده طفل عنده سبع سنين ولا راجل عجوز لله الأمر من قبل ومن بعد.
في قصر حسام
عائشه: لا كده كتير يابنتى ليه متبقيش عاقله زى أختك ديه أقتلك يعنى
نغم الطفله ذو السبع سنوات: تقتلينى يالها من صدمه كبيره أننى أتألم بشده يالكى من أم قاسيه أنا طفلتك الصغيره البريئه
وجدت من يصفر وراءها: الله الله فنانه يابنتى
عائشه: لا كده كتير شوفلك حل في بنتك دى والله اقتلها.
نغم: ماتشوف مراتك ياحسام ال تقتلنى ال ايه هو انا فرخه البلد فيها حكومه وشرطه والشرطه في خدمة الشعب وانا الشعب ولا أيه ياأخ حسام
حسام: طفله متشرده والله حاسس بتكلم مع ست عجوزه يابنتى الى زيك لسه بيعملوها على روحهم شوفى أختك تؤامك مؤدبه أزاى
نغم: بنمسى على روما حبيبتى قلبى من جوه ماتحضرينا وتشوفى حل في أمك المفتريه دى
روما: في إجتماع طارئ عند أسماء هتروحى.
نغم: أيوا بقا انا قولت مفيش غير أسماء الى تحل المشاكل دى ياله ياسطى نروح نشوف
عائشه: خدى هنا رايحه فين يابت انتى استنى اربيكى الأول
نغم: تربى مين شوفى وراكى إيه ياحاجه ولا أهتمى بنفسك شويه علشان الراجل الغلبان الى جمبك ده ياله ياروما نشوف مصالحنا
رحلت الصغيره وتركت وراءها من يضحك بشده على أفعالها.
عند أسماء كانت تجلس والأطفال يرتصون جمبها
أسماء: كده الكل حضر
كيان: لا ياكبيره فاضل نغم ومروان
أسماء: لا مينفعش نبدأ من غير نغم مين هيشاركنا في الحلول البت بتدينى أفكار لوز
هو ده العشم بردك ياكبيره هكذا قالت نغم وهي تدخل
أسماء: أقعدى بقا علشان نبدأ أقعدى ياروما
روما بملل: ماليش في الجو ده انا جيت بس علشان اخرج شويه وأبقا مع نغم عن أذنكم هقعد بره
أسماء: خدى يابت مش عارفه طالعه لمين يابنت أش.
سراج بنحنحة: طب اروح اسلى روما ياأسماء علشان متقعدش لوحدها
أسماء: اقعد ياله مكانك
سراج: اتغيرتى ياسوسو كنت عايز أشوف البت مالها الحق عليا
أسماء: حونين خلونا في المهم عملتوه أيه مع أهاليكم التقرير اليومى بسرعه نبدأ باأنس
أنس: أنا قاعد بس علشان أروى وجاى علشان أشوفها غير كده أنا مبعملش الشغب ده
مالك بعصبيه: ماتتلم ياله هتعاكسها وأنا قاعد
أنس ببرود: والله إما تكبر هتجوزها أتكلم براحتى.
أسماء: إبن ميرال هتجيبه من بره خلونا في المهم نبدأ من كيان ورامى
كيان: أنا والواد رامى كسرنا البيت كله اه والله ياسوسو وماما قعدت تصوت وبهدلنا الدنيا
أسماء بفخر: جدعه يابت تربيتى إلى بعده فهد وسراج
فهد: زى كل مره نفس الحوار نفسنا في شقه ونجيب بنات ياسوسو أنحراف مبكر
أسماء: واطي يابن بيسان خف شويه انتا وهو ومايا وريم عملتو ايه.
مايا: مدرسة الرقص الشرقى وأنه رياضه جننا ادم ورفيف ياله ولاد حلال ويستاهلو كل خير
أسماء: والله يابت احسن متطلعتيش زى أمك خدت مينى وقت طويل على ماعلمتها الانحراف والأخ ليث
ليث: عيب عليكى دنا خليت روان هتموت كنت بكلم موزه جديده زعلت
أسماء: إبن عمار الغالى حبيب عمتو ياناس
المهم كلكم عاملين الواجب ده العشم المهم محدش يعلم عليكم ونخف الاسبوع ده قلة ادب وبوجه الكلام ليكم أنتم وأشارت إلى سراج وفهد وليث.
سراج: أنا عيب عليكى دنا إسمى الشيخ سراج ياظالمه
فهد: أه ده بيختم القرأن مرتين في اليوم
أسماء: انتو دانتو معداش عليكم حاجه اسمها تربيه
فهد بنحنحه: مش قدام الموزه ياسوسو
أسماء: سيبك من الموزه دلوقتى
كيان: يسيبه من الموزه في أيه ياسوسو هو انا بقطع عليكى وجوزك بيسبلك ماتسيبنا نشوف مستقبلنا
أسماء: نكتم بقا ونشوف مصالحنا المستقبل أهم من كل حاجه
وهكذا درات الايام بينهم
وأسماء هي ملجأ الاطفال.