قصص و روايات - قصص رومانسية :

رواية وخضعت للحب الجزء الأول للكاتبة أروى الشرقاوي الفصل الثالث

رواية وخضعت للحب الجزء الأول للكاتبة أروى الشرقاوي الفصل الثالث

رواية وخضعت للحب الجزء الأول للكاتبة أروى الشرقاوي الفصل الثالث

ذهبت ميرال إلى الجامعه وهى تريد النيل ممن فعلو هكذا بإبنة عمها.

وصلت إلى الجامعه وذهبت إلى رفيف وقامت بمسح دموعها وأردت معرفت أين هؤلاء البنات أخبرتها رفيف أن لديهم محاضره وهى لم تدخلها أخدتها ميرال من يديها وذهبت إلى مكان المحاضره لم تدق الباب ولم تستأذن أحد قامت بفتح الباب ودخلت هى ورفيف أراد الدكتور الاعتراض أشارت له بالصمت تعجب من قوة نظرتها ولكنه أراد معرفة هذه الفتاه القويه وسبب دخولها المحاضره بهذا الشكل.

ميرال بصوت عالى وقوى يخبر الجميع من هى صاحبة هذا الصوت: مين إلى أتجرأت ورفعت إيديها وصوتها على رفيف الجمال
المفروض الى عملت كده مترفعش عنيها وتحطها في عين رفيف مش ترفع أيديها بس ملحوقه هعرفها مقامها كويس
إرتبكت الفتيات من إسم الجمال بالفعل لم يكونو على علم بذالك فارفيف لم تخبر أحد بهويتها.

أشارت لها رفيف على الفتيات
ميرال بقوه وغضب: إنتى وهى تيجو هنا بدل ما أجيبكو بطريقتى
خرجت الفتيات ووقفنا أمامها فصوتها أخافهم بشده لديه قوه غير طبيعيه من يسمعه يريد تحليله لانه غامض مثل صاحبته
ميرال بسخريه: ومين بقا الى ضربت رفيف بالقلم
أشارت لها رفيف على رودى ودون أى مقدمات قامت ميرال بصفعها مما أربك الجميع فصوت الصفعه كان قوى بشده وكانت صفعه قويه جعلت الدماء تنزف من فم رودى.

تدخل الواقف ينظر إليها بدهشه هذه ليست أنثى هكذا قال كيف لها أن تأتى بهذه القوه والثقه
أدهم بغضب: إنتى إتجننتى دخلتى المحاضره من غير إذن وكمان ضربتى البنت إنتى مجنونه
إلتفتت له ميرال بثقه: هعتبر نفسى مسمعتش الكلام ده وبعدين أنا رايحه مكتب العميد علشان أخد الإذن والبنات دول يترفدو من هنا
أدهم بتعجب من ثقتها التي لم يراها في أنثى من قبل: يترفدو مره واحده نفسى أعرف جايبه الثقه دى منين.

ميرال بتحدى: ممكن تيجى معايا وهتعرف الثقه دى جايه منين
وبالفعل ذهبت ميرال وأدهم والبنات إلى مكتب العميد وقامت بالاتصال بمازن فهو أيضا دكتور في الجامعه
وصلو جميعا الى مكتب العميد وقصت عليه ميرال المشكله وماتريده
العميد ببعض الخوف: ميرال هانم حضرتك الى عملوه هيتعاقبو عليه أكيد بس أنتى مش هترضى تضيعى مستقبلهم
تعجب أدهم بشده من هى هذه الميرال التي يهابها الجميع ويخشونها بهذه الطريقه.

ميرال بتفكير فهى لم تحب الظلم ابدأ ولا تدمير أحد فهى أعتطهم درس لن ينسوه أبدا: موافقه بس بشرط
العميد بفرحه: إيه الشرط
ميرال بخبث فهى معتاده على ذلك: أهاليهم يعتذرو من رفيف وبكده نخلص الموضوع
إرتبكت الفتيات بشده لو علم أهاليهم لن يمررو ماحدث
العميد بتوتر ووجه حديثه للفتيات يريد أنهاء هذا الشئ: اتصلو بأولياء أموركم
وبالفعل أنصاعت الفتيات وقامو بالاتصال بأهاليهم.

أتى مازن ليعلم ماذا حدث وماسبب مجئ ميرال الجامعه
مازن ينظر للجميع بدهشه: ميرال إيه الى بيحصل هنا فيه إيه.

ميرال بغضب تحاول إخفائه حتى لاتهين أخاها أمام الجميع: مشكله والمفروض حضرتك تبقى عندك علم من قبلي رفيف البنات دول أهانوها وكانت الصدمه من حق الفتيات وأدهم لم يعلم أن صديقه لديه أخت بهذه القوه
ورفيف للمره الثانيه لم تخبر أحد بقرابتها مع مازن تعامله رفيف كأى شخص.

مازن بغضب وخضه: وليه يارفيف مقولتليش وأنا أجبلك حقك ده غلط في حقى أنا كمان إن حد يهين أختى وإنتى يارودى مش ناويه تهدى مشاكلك كترت في الجامعه وإنتى ياأميره هتفضلى ماشيه وراهم هتضيعى فكرى في مستقبلك رودى وشيرى عندهم فلوس تجبلهم الشهاده وهوما في فيلتهم انما أنتى محتاجه الشهاده مستواكى كويس في التعليم.

ميرال بتعجب: إنتا تعرفهم
مازن بتوضيح: أميره بنت عم حسن الى بيشتغل عندك في الشركه ورودى وشيرى طبعا ولاد رجال أعمال
ميرال وهى توجه حديثها إلى أميره: إنتى بنت عم حسن الراجل الطيب
خافت أميره بشده وأيقنت أن والدها خسر عمله بسببها
وفى هذا الوقت أتى والد رودى ووالد شيرى وتضايقو من فعلت بناتهم فمن هوما ليتحدو ميرال ودخل عم حسن الذى تفاجأ من وجود ميرال وعلم ماحدث وإنصدم ممافعلت إبنته.

عم حسن بصدمه: ميرال هانم أنا أسف بنتى مكنتش تصدق
ميرال بصوت هادى: أميره زى رفيف ياراجل ياطيب ومفيش داعى تتأسف أنا من الاول لو كنت عرفت إنها بنتك مكنتش عملت حاجه
تعجب الجميع فبالأخير هو عامل عندها كيف تعامله هكذا هى لم تعامل رجال الاعمال بهذا الشكل ماهذه الميرال الغريبه العجيبه التي لم يفهمها أحد حتى الأن.

العميد بتعجب: يعنى كده المشكله إنتهت ياميرال هانم
ميرال بثبات: علشان خاطر عم حسن الراجل الطيب أنا مسمحاهم
خرج الجميع من مكتب العميد وهو متعجب من ثورت ميرال التي هدأت بوجود عم حسن
رحلت رودى وشيرى وأبائهم أيضا وتبقى عم حسن وأميره ورفيف وميرال ومازن
ميرال: أميره انا سامحتك علشان عم حسن وهنصحك نصيحه إوعى تقلدى حد خليكى نفسك وأوعى تقولى أنا فقيره يعنى هبقى إيه الى عايز ينجح بينجح اوعى تيأسى.

أميره بتعجب وصدمه من ميرال: أنا مش بقلد حد بس بحب رودى
ميرال: وهى بتحبك عايزه تفهيمنى إنها مبتنتقدش لبسك ولا مستواكى هى عايزاكى وراها لانك أجمل منها وأذكى منها وكل شويه تفكرك بالفرق مبينكم
أميره بصدمه كيف عرفت ميرال
ميرال: متستغربيش أن بفهم إلى قدامى كويس مش كنتى عايزه تشتغلى أنا عندى ليكى وظيفه تجيلى بعد الجامعه ياله ياعم حسن مش إنتا رايح الشركه هوصلك معايا.

ووجهت حديثها إلى مازن بأسلوب تحذير: مش هسمح بلغطه تانيه في حق رفيف
وتركتهم ورحلت وتركت خلفها من يفكر فيها بتعجب كيف تتحول مشاعرها بين لحظه والثانيه كيف خضعت لرجل فقير ولم تخضع لرجل أعمال مثل والد رودى
أميره تريد الاعتذار من رفيف: رفيف أنا أسفه جدااا صدقينى كنت ماشيه ورا رودى
رفيف بحب: مفيش حاجه بس رودى هتضيعك بلاش تقلديها حتى لبسك بقا زيها الاول كنتى أحلى.

أميره بأسف على ماوصلت إليه: لا خلاص ولو وافقتى نبقى أصاحب من النهارده تبقى كده فله
رفيف بحب مماثل: طبعا موافقه
مازن بسخريه وكوميديا: ترانى تأثرت ياله إنتى وهيا من هنا مش عندكم محاضره وإنتى ياست رفيف لما يحصل حاجه بعد كده بلاش تقولى لهولاكو قوليلى أنا ياأخت
رفيف
رفيف بخجل: حضرتك كان عندك محاضره وانتا بتقفل التليفون وقت المحاضره ولو حد قطعك في المحاضره بتزعق فلجأت لميرال أسفه ياأبيه.

مازن بضيق: خلاص محصلش حاجه
أوامت له رفيف بالموافقه ورحلت هى وأميره
أدهم بتعجب: هى دى أختك طب هى في أصلا واحده بالقوه والتركيبه دى غريبه أوى
مازن بجديه: هى كده ميرال كل يوم تفاجأ الكل بتصرفاتها ومحدش يقدر يتوقع ردت فعلها أو ناويه على أيه جبل شايل العيله كلها ولو وقعت كله هيقع معاها هى الى ماسكه الشغل كله وقدرت في وقت بسيط تحول الشركه لشركات وفى كل أنحاء العالم
أدهم بذهول: طب ليه إنتا مش بتشتغل معاها.

مازن عكس مابداخله: انا بحب مجالى ده
أدهم بسخريه: مش بتحب مجالك أنتا خايف تفشل أو الناس تقول أخو ميرال الجمال دنا صاحبك إلى بفهمك
مازن يحاول تغير الموضوع: هتعملى فيها دكتور نفسانى حضرتك.

أدهم بثبات: مش دكتور نفسانى ولا حاجه أنا كمان هبدأ شغل مع والدى لانه تعب وأخويا ماسك الشغل الى في لندن وإنتا حاول تبقى جمب أختك دى مهما كان بنت برغم قوتها هتلاقى جواها جزء ضعيف رغم إحتياجها لحد جمبها هتلاقيها بتعامل الكل بقسوه لانها وحيده.

تركه أدهم يفكر هل بالفعل ميرال تحتاجه هل كام قاسى معها وعديم المسؤليه بتلفعل هى تحتاج الجميع بجنبها أعتقد أنها قويه بمايكفى وأنها لاتحتاج أحد برغم إصرارها على وجودهم معه بالعمل لم يلاحظ هو أمها تفعل ذلك لانها بحاجتهم
وعزم أمره على مساندتها.

عند رفيف تجلس مع أميره ورودى وشيرى يقفون من بعيد ينظرون إليهم بكره وفى هذا الوقت أتت أسماء صديقة رفيف ولكنها لم تأتى مبكرا بسبب والدها
(أسماء الجيار: إبنه عصام الجيار فتاه جميله ورقيقه تحب المرح بشده وتعشق زوجة أبيها وتتضايق من والدها بسبب معاملته لها رفيف صديقتها الوحيده تحبها وهى ترتدى الحجاب )
ذهبت إلي رفيف وتعجبت من وجود أميره.

أسماء بشكل درامى: يا لهذه الصدمه كم أتمنى الموت في هذه الحظه قبل رؤية خيانتك بعينى قلبى يؤلمنى بشده أكاد أموت من هول الموقف
رفيف واميره ضحكو بشده على منظرها
رفيف: مجنونه مالك يابنتى
أسماء بطريقه كوميديا: وأهون عليكى يافرنسا تخونينى وكمان مع البت الموزه دى
رفيف بصدمه: أخونك يابنتى أقعدى يخربيت جنانك.

أسماء: قعدنا إيه النظام إيه لم الشامى على المغربى بت يااأميره سيبتى رودى وشيرى إزاى دانتو كنتو أنتيم مع بعض
أميره: حصلت مشاكل انهارده وإتفرقنا
أسماء: لا مشاكل وأتفرقتو بصو بقا أنا جيت متأخر منك لله ياعصام يابن أم عصام محضرتش المذبحه بسببك
أميره بصدمه: مذبحه ومين عصام ده
رفيف بضحك: لا متعلقيش دى هربانه منها.

أسماء: متسمعيش منها بصى ياستى عصام ده أبويا بس إيه مخلينى ماشيه عنيه في وسط راسى مش عجباه في حاجه كل حاجه زعيق وأمبارح كان جيبلى عريس وطفشته فزعل مينى حطيت للعريس شطه في القهوه طفش قوم ياستى عصام زعل أنا غلطانه يعنى طلع نفسه مش طويل مخدش معايا غير مقلب
أميره بصدمه وعنيها مبحلقه: أنتى بجد يانهار أبيض.

أسماء بضحك على منظرها: هى البت دى مالها يارفيف دى هتنفع معايا في المقالب إنتى أتعودتى أنما هى لسه أهوه نتسلى شويه بس قولولى إتلميتو على بعض إزاى.

قصت عليها رفيف ماحدث
أسماء بتفهم: من الاول ياأميره أنتى مش شبههم دول بتوع مشاكل أنما انتى طيبه حتى لبسك بقى زيهم إرجعى أميره بتاعت زمان الى أول مادخلت الجامعه كانت ملتزمه وفى حالها.

تعجبت أميره من أسماء برغم ضحكه ألا أنها تعطى النصائح بهدوء
رفيف: أسماء مالك برغم ضحكك شكل أبوكى تقل المره ديه
أسماء بضحك: لا منا نحست خلاص مش عارفه ياختى محسسنى أنى باكل كتير ياختى ولا حاجه مع انه معاه فلوس ياختى وعلى قلبه قد كده
أميره بضحك: لا والله إنتى مشكله كبيره
أسماء: يابنتى إنتى قاعده مع أسماء الجيار
دعونا نعمل في صمت بلاش تصقفو أنا بؤحرج
رفيف: والله مجنونه ياله عندنا محاضره.

أسماء: دنا جايه مخصوص علشان المحاضره دى أنا قتيلة المحاضره ديه هو دكتور مازن جيه حد شافه
رفيف: لا كده كتير يامجنونه
أسماء بطريقه مضحكه: بحبه ياأماى عريس ياااماى مش إبن عمك
وأكملت بشكل مضحك جوزينى الواد ديه وأديكى ٢٠ بقره
أميره: لا كده زى الفل دانتى في الطراوه.

أسماء: أعمل إيه البعيد لوح مبيحسش تسبيل وسبلنا جمال وإهتمينا بنفسنا مذاكره وتفوق وإتفوقنا أهبب أيه في أمه يخربيت بروده ده ينطبق عليه أغنيه المغنيه المبجله سعاد حسنى ياواد ياتقيل
أميره بضحك: دمك خفيف أوى ياأسماء
أسماء: ياختى كل يوم بحطله مايه كتير لحد ماجاب نتيجه اهوه الحمدلله
أميره بتعجب: هو إيه ده
أسماء: دمى
أميره: لا بجد إنتى عسل
أسماء: هو أنا مقولتلكيش يقطعنى ماهو وانا بحط المايه بحط شويه سكر كمان.

رفيف شدتها وقالت لا كده كتير عندنا محاضره ولازم أكشف عليكى الجنان بقى عندك صعب ياله ياأميره.

دخلو المحاضره وقعدو جمب بعض
بعد فتره دخل مازن إلى المحاضره وقام ببدأ الشرح ولكنه لاحظ أنا أسماء شارده في شيئا ما لم يريد اهانتها وسط زملائها وعزم على معرفة أسبابها بعد إنهاء المحاضره.

وصلت ميرال الشركه وهى تفكر في أدهم ونظرته التي تحمل التحدى لم يسبق أنا رأتها ولم ينظر أحد لها بهذا الشكل مسبقا
لماذا تفكر به هكذا لماذا أرادت أن تثبت له من هى لماذا كان بالشئ الأهم لديها إمحاء نظرة التحدى التي كان ينظر إليها بها
أخرجتها من تفكيرها هذه الصغيره التي تعشقها كعشقها أختها التي وجعت قلبها منذ إنعازلها عن العالم والأكتفاء بالعيش مفردها والهروب من الواقع.

غسق: مامى غثق تعبت ش قادله عايزه تنام
ميرال أخذتها بين أحضانها وبعد فتره وجدت أنفاسها منتظمه علمت أنها غفت
وضعتها على الأريكه وذهبت مره أخرى إلى عملها وهى تفكر في أدهم
قاطع تفكيرها دخول السكرتيره تعلمها بأن
أحدهم يريد مقابلتها سمحت له ميرال بالدخول
دخل وجلس أمامها
ميرال بضحكه: أنا مش مصدقه عينى عمار الجيار هنا أكيد بحلم ولا متهيألى
عمار بشر: المناقصه تلزمنى ياميرال أبعدى.

ميرال بسخريه: شكلك نسيت بتكلم مين أنا ميرال الجمال فوق ياعمار دنا أمحيك من على وش الأرض
عمار بضيق من تصرفاتها: أكيد أتجننتى مش عمار إلى يتعمل معاه كده ياميرال أنا بقولك تبعدى بالذوق تصرفى مش هيعجبك
ميرال بنفس طريقتها: صدق خوفت ياعمار إنتا لو مش واثق أنى هاخد المناقصه مكنتش جيت هنا أنا عارفه أنتا عايزينى أنسحب من المناقصه علشان نفسك تاخدها من توفيق الشاذلى بس أنا أسفه هاخدها منكم إنتو الاتنين.

غضب الواقف أمامها بشده فكر في كسب ميرال لصفه ولكن هيهات هذه الميرال تفهم الاشخاص من نظراتهم: خلاص نتشارك فيها
ميرال: مبحبش الشراكه وخصوصا مع واحد زيك سمعته سبقاه وهاخدها منكم أنتو الإتنين وهعرفك ياعمار ميرال هتعمل ايه
تركها ورحل وهو غاضب بشده من تصرف ميرال وتوعد بهلاكها
وهو خارج خبط في أحدهم وكان هذ الشخص شادى
شادى بتعجب: عمار كان بيعمل إيه هنا
ميرال بثبات: كان بيهددنى
شادى: بيهددك إنتى.

ميرال بسخريه: عمار ده حشره دنا أفعصه برجلى جاى يهددنى في مكتبى اتجنن أكيد
شادى: عمار مش سهل أنا عارفه ده داهيه والشر مالى قلبه
ميرال بخبث واضح: المشكله انى هحرق قلبه يستاهل علشان يعرف يتعامل معايا إزاى
شادى وهو يعرف معنى هذه النبره وعلم أن ميرال لن تمرر مافعله عمار: حاسس انك هتقلبى الترابيزه عليه بس عمار كلب وتوقعى منه أى حاجه.

ميرال: عمار هحاسبه على الى عمله وهخليه يندم بس بطريقتى ومتخافش ده بيهوش ميقدرش يعمل حاجه
شادى: أنا بعرفك بس لأنه مش سهل
ميرال: متخافش أهم حاجه ياشادى أبعد عن القرف الى أنتا عايش فيه ده هيضيعك
شادى بتلبك: هو أنا بعمل ايه يعنى بتسلى ياميرال
ميرال بهدوء لكى تفعل ماتريده: ده مش تسليه ده حرام ياشادى بلاش تغضب ربنا.

أنتا عارف انه حرام شرب وبنات وحاجه تقرف تبقى نصيبه لو مش عارف انه حررام تبقا مش عارف دينيك وأنه من الكبائر أنا هجبلك أحاديث عن الرسول وأيات من القرأن يمكن أقنعك وتفوق لنفسك.

بسم الله الرحمن الرحيم.

قال تعالى في سورة الإسراء: {وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا} [٣]. وقال تعالى في سورة المؤمنون: {وَالَّذِينَ هُمْ لِفُرُوجِهِمْ حَافِظُونَ إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ} [٤]. وقال تعالى في سورة الفرقان: {وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَنْ يَفْعَلْ ذَلِكَ يَلْقَ أَثَامًا يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانً} [٥]. وقال تعالى في سورة النور: {إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنْتُمْ لَا تَعْلَمُونَ} [.

وكمان في أحاديث عن الرسول صلى الله عليه وسلم
فمن هذه الأحاديث قوله صلى الله عليه وسلم: لايزنى الزانى حين يزنى وهو مؤمن رواه البخاري ومسلم.

ومن ذلك أيضا ما رواه ابن مسعود رضي الله عنه قال: سألت رسول الله صلى الله عليه وسلم: أى الذنب عند الله أكبر؟قال: أن تجعل لله ندا وهو خلقك. قلت: ثم أى؟قال: أن تقتل ولدك خشيه أن يطعم معك قلت: ثم أى؟قال: أن تزانى بحليلة جارك. متفق عليه.

ومن ذلك قوله صلى الله عليه وسلم: أذا زنى العبد خرج منه الأيمان فكان على رأسه كالظله فإذا أقلع رجع أليه. رواه أبو داود والترمذي وصححه الألباني.

ومن ذلك قوله صلى الله عليه وسلم: إذا ظهر الزنا والربا في قريه فقد أحلو بأنفسهم عذاب الله. رواه الطبراني وغيره وصححه الالبانى.
وأكملت حديثها معه: يعنى عايش بتغضب ربنا والمشكله الاكبر إن إنتا مش عارف انه حرام دى نصيبه لوحدها ترضاها لحد مننا أحنا أخواتك ترضى نعمل كده
شادى بأندفاع ؛دنا كنت قطعت رقابتكم
ميرال بضحك على أبن عمها لخوفه عليهم وغيرته على أهل بيته: راجع نفسك ياشادى كله إلأ غضب ربنا.

خرج من عندها وهو يفكر فيما يفعله بالفعل هو يفعل ماحرمه الله وعزم أمره على ترك هذه المعاصى
كان يستمع أليهم ولم يراه شادى وهو خارج من المكتب.

الفصل التالي
جميع الفصول
روايات الكاتب
روايات مشابهة