رواية وبقيت أسيرة لمغرور للكاتبة ميادة مصطفى الفصل الأول
في احد المناطق الشعبية في شقة صغيرة تجلس اسرة مكونة من ست افراد بنت اسمها ملك وعمتها وزوج عمتها وابنتة عمتها وهيا في نفس سن ملك وابن عمتها وهو طفل صغير.
في صباح شمس يوم جديد الجميع نائم ثم يرن احد الهواتف
امممم مين اللي بيرن دلوقتي ثم ترد بنعاس بدون النظر لمن يرن الو مين
المتصل باستغراب: اييييه بتقولي مين مش عارفة صوتي يا ملك ولا انتي مش ملك ولا في اية بظبط.
استوعبت ملك ثم قامت مخضوضة: ها مين احمد لا طبعا عارفة بس فتحت عليك من غير ما ابص علي الاسم كنت نايمة اسفة يا حبيبي متزعلش.
احمد ويصتنع الزعل: لا زعلان حتى لو مبصتيش علي الاسم كنتي عرفتيني من صوتي
ملك بلماضة: يا سلام ايوا ايوا اعمل فيها زعلان اعمل مانت برضو معرفتنيش وقولتلي انتي ملك ولا مين ازعل انا بقي.
احمد بضحك: عندك حق بس انتي اللي شككتيني فيكي المهم وحشتيني
ملك بابتسامة: وانت كمان وحشتني ها جاي انهاردة عندنا ولا لا
احمد بتنهيدة: انتي عارفة طبعا نفسي جداااا اجي بس اديكي بتشوفي كل ما اجي جوز عمتك يسمعني كلام زي الزفت امتي بقي نتجوز ونعيش بعيد عن الناس دي.
ملك بحزن: امتي يا احمد نفسي في اليوم دا اوي معرفش ليه كل شوية ياءجل بس انت لازم تيجي انت خطيبي.
احمد: بس بلاش انهاردة هحاول بكرة لان صهيب بية عايزني اودي مشوار انهاردة بلعربية.
ملك: مرتاح في الشغلانة الجديدة دي
احمد: اهو كويسة احسن من غيرها هو الرجل اللي شغال معا صعب شوية وشايف نفسة بس اهو احسن من غيره.
ثم ياتي صوت من الخارج: هو في ايه كلكم مخمودين متقومو تعملولنا طفاح نتطفحو
ملك بخضة: احمد احمد اقفل دلوقتي جوز عمتي صحي وبيزعق سلام
احمد بحزن: سلام
ثم دخل زوج عمتة ملك عليها: ايه هتفضلي ترغي كتير مع حبيب القلب ولا ايه قولتلك 100 مرة نخف كلام في التليفونات شوية بدل ما اخدو منك.
جاءت مسرعا عمتة ملك: ها في ايه يا سعيد علي الصبح مالك بتزعق ليه
سعيد بصوت عالي: هو ايه اللي بزعق علي الصبح دي بيتي وانا حر في ازعق اعمل اللي اعملو.
سميرة عمتة ملك: لا طبعا براحتك انا بس خوفت عليك
هنا ابنة عمة ملك: هو كل يوم نصحي علي الزعيق والقرف دا
سعيد: امشي يا بت انتي وهيا غوري حضرو الفطار وانا نازل اجيب علبة سجاير
سميرة: ماشي يا خويا انزل انت هات السجاير واحنا هنحضر الفطار
ذهب سعيد إلى الاسفل ليشتري السجائر ثم بكت ملك بحرقة قربت منها سميرة
سميرة بحزن علي ابنة اخيها اليتيمة: بتعيطي ليه يا روح عمتك.
ملك ببكاء: هو ليه جوز عمتي بيعمل كدا معايا ودايما يقول بيتي وانا حر في اعمل ايه طيب انا ماليش غيركم وبشتغل وبعمل اللي عليا عشان ما احسش اني تقيلة علي حد.
سميرة باحراج: لا طبعا يا ملوكة عمك سعيد ميقصدش اللي انتي فهمتي دا هو معتبرك زي هنا بظبط.
مسحت ملك دموعها: صح معتبرني زي هنا منا عارفة المهم انا قايمة عشان نحضر الفطار والبس عشان متاخرش علي الشغل.
في الحارة عند محل جزارة
سعيد بخوف: ازيك يا معلم عبده عامل ايه
المعلم عبده بصوت خشن: ها ازيك يا سعيد ايه محدش بيشوف وشك يعني
سعيد: ها اهو موجود والله انت اللي مش بتبقي موجود في المحل
المعلم عبده: انا اللي مش ببقي موجود برضو ولا انت اللي بتستخبي عشان مقولكش علي الفلوس اللي عليك.
سعيد: فلوس ايه بس يا معلم مخلاص مفيش فلوس قولتلك هجوزك البت ملك مش انت عايزها انا هجوزهالك.
المعلم عبده بسخرية: ها ههههاو تجوزهالي ازاي واللطخ اللي بتحبه ومخطوباله دا
سعيد: - بطفشو يا معلم متقلقش ملك ليك ومش لغيرك
المعلم عبده: خلينا وراء الكداب لحد الباب منشوف للجواز لما الفلوس لما هحبسك دول 100 الف جنية يا لص.
سعيد: من غير اهانة يا معلم قولتلك ملك يعني ملك خلصت
في احد الشركات الكبري
يجلس شاب في اواخر العشرينات علي مكتبة وينظر إلى اوراق امامه ثم يدق باب مكتبة ثم تدخل السكرتارية.
السكرتارية: مستر صهيب ممكن تمضيلي هنا
صهيب: ....
تنتظر السكرتيرة بضع دقائق وهو لم يرد ولا ينظر لها: مستر صهيب عايزه حضرتك تمضيلي هنا.
صهيب بغضب: انتي مبتفهميش طلامة مرديتش ابقي مش فاضي قدامي حاجة مهمه ايه هتفهمو امتي غوري بره مش عايزة اشوف وشك.
السكرتيرة باحراج: انا اسفة مك، يقاطعها صوت صهيب العالي قولت غوري بره.
خرجت مسرعأ إلى الخارج ودخل علي صوت صهيب احد اصدقاءه: في ايه يا بني انت علي طول صوت عالي ومتنرفز كدا.
صهيب يلف بلكرسي الذي يجلس عليه ويمسح وجهه بعصابية ويتنهد: بشوفهم بيركبني 100 عفريت وبذات البت السكرتيرة دي بحسها بت مش كويسة بتفضل تتدلع وتعمل حركات مش طبيعية.
يونس بضحك: والله يا بني انت مريض مريض في حد يكرهه الكائنات الجميلة دي هو احنا نساوي ايه من غيرهم.
صهيب بقرف: انه فعلا متسويش حاجة من غير الحريم لكن انا من غيرهم ملك زماني لكن بيهم ابقي مسواش فعلا.
يونس: انا مش هتكلم معاك كتير لاني تعبت من كتر الكلام معاك
بس والله بيصعب عليا انك تبقي واد مز كدا ومحدش معبرك
ضحك صهيب باعلي صوته: محدش ايه قولها تاني كدا وبنسبال للشمال اللي كل يوم بنام معاهم وارميهم زي الكلاب دول ايه.
يونس باستغراب: اولا انا بستغراب ازاي بتشوفهم بيركبك 100 عفريت تاني حاجة مش كل البنات شمال زي مانت بتقول كدا في بنات ولاد ناس اووووووي.
ضحك صهيب بسخرية: يعني مقبلتش انا ليه ولاد الناس دول ايه مستخبين مني ولا ايه
يونس: والله مش مشكلتنا انك مش بتتلم الا علي الشمال وبس
صهيب بغضب: قصدك ايه يا يونس انطق
يونس: قصدي ان الطيور علي اشكالها تقع انا اسف يا صاحبي عن اذنك
صهيب بغل: ايوا غور انت كمان من وشي عشان صحبيتنا مضعش في وقت غضب وانادمك
يونس: مشكلتك غرورك يا صاحبي
في الحارة في شقة سعيد.
سعيد خلص فطار وجلس يشرب السجائر ثم خرجت ملك من غرفتها مرتديا ملابسه لتذهب إلى عمالها: ايه رايحة الشغل.
ملك: ايوا عن اذنك عشان اتاخرت
سعيد: ايه بتردي عليا ناشف كدا ليه هو لحق سلطك علينا
ملك باستغراب: هو مين دا يا جوز عمتي
سعيد: حبيب القلب احمد باشا ههههه
ملك بتنهيدة: والله ما كلمني ولا سلطني عليكم وعلي طول بيوصيني عليكم احمد كويس بس حضرتك مش مديلو فرصة تعرفة وكرهه.
سعيد: بصراحة بكرهه لله في لله معرفش ليه الواد دا مش بينزلي من زور
ملك: اقولك انا ليه عشان عايز تجوزني معلم عبده اللي انت مستلف منه شي وشويات وعايزو يخودني تخليص حق لا انسي انا هتجوز احمد وبس وعمري ما هتجوز واحد زي معلم عبده دا عايز بقي تخلصلو الفلوس اللي عليك جوزو بنتك هيا احق بي.
سعيد بضحك: هنشوف يالا شوفي كنتي رايحة في بلاهم بت وش فقر
نزلت ملك إلى عملها ثم خرجت سميرة كانت داخل المطبخ تستمع لحديثهم: انت في ايه عايز تشيلها شيلتك ليه هيا مالها تتجوز واحد زي دا عشان حاجة انت عملتها ليه.
سعيد: يعني عايزة ابو ولادك يتحبس عشان بنت اخوكي ترتاح مش كفاية عايشة معانا من يوم ما ابوها وامها ماتو في حادثة وهيا ام وش فقر فضلت عايشة وقاعدة في وشنا اكله نايمة شربة.
سميرة: بفلوسها قاعدة نايمة بفلوسها مصرفتش عليها جنية البت من يومها وهيا طافحة الكوطة.
سعيد مسك سميرة بغل من شعرها: بقولك ايه اتظبطي كدا واتظبطي عشان مارمكيش في الشارع انتي وعيالك لكلاب السكك واجيب من بكرة واحدة مكانك وعلي سريرك.
سميرة بوجع: اااه اوعي ايدك دي جتك قطع ايدك يا بعيد
في المحل التي تعمل في ملك
تجلس ملك حزينة جداااا تقرب منها احد زملائها في العمل: مالك يا ملوك ايه مزعلك كدا.
ملك بحزن: هو في غيره الزفت جوز عمتي مسود عشتي
زميلتها: متتجوز يا بنتي وابعدي عن القرف دا
ملك: ياريت هو جاهز ومستعد نتجوز انهاردة قبل بكره بس اللي واقف في الجواز جوز عمتي.
زميلتها: لا اوقفيلو قوليلو لومجوزتناش برضاك هنتجوز من وراءكم وانت ملكش حكم عليا.
ملك: مش عايز يجهزني وواخد كل فلوسي
زميلتها: انتي غلطانة انك مكنتيش بتسيبي علي جنب جزء من مرتبك بس معلش لو خطيبك دا بيحبك يخدك بالهدوم اللي عليكي بلا جهاز بلا زفت قصاد اللي بيحصل فيكم وحبكم اللي بيدمر كل يوم.
ملك بسرحان: عندك حق انا هقول كدا لاحمد لو قال ميهمنيش العزال والكلام دا انا هقف بقي في وش جوز عمتي واللي يكون يكون عشان انا جبت اخري.
زميلتها: جدعة يا بت ايوا كدا استقوي متبقيش هبلة
في شركة صهيب الغزولي بعد يوم عمل طويل يدق الباب
صهيب بتعب: ادخل
احمد: العربية جاهزة حضرتك
صهيب شاور براسه بالموافقة: روح انت وانا جاي
احمد: ماشي يا باشا في انتظارك وعند الخروج من مكتب صهيب رن هاتف احمد وكان المتصل ملك.
ازيك يا حب
ملك: خلصت شغل ولا لسه
احمد: اه خلصت بس هودي الباشا البيت وهروح علي طول
ملك: ماشي وانا جاي عدي عليا ماشي
احمد: مانا قولتلك مش هينفع
ملك بزعل: وانا زهقت من اللي انا في دا بقي لو مجتش يبقي كل واحد يروح لحاله
احمد بغضب: ايه اللي بتقولي دا
ملك بانفعال: اللي سمعته انا عايزة راجل اتحما في مش يبقي خايف يجي يشوفني عشان خايف من كلام جوز عمتي اثبتلي انك عايزني بقي وانك سندي زي ما بتقول.
احمد: انا مش عارف مالك وايه الكلام اللي بتقولي دا
ايه هنفضل نرغي في التليفونات ونحب ونسيب اكل عشنا بقي
التفت احمد مسرعأ لمصدر الصوت: صهيب بي انا اسف دي خطيبتي كانت تعبانة شوية
صهيب بغرور: هتفضل ترغي معايا كتير وهفضل واقف كدا ومش هتفتحلي باب العربية
احمد فتح باب العربية سريعا: لا طبعا ازاي ياباشا اتفضل اتفضل
في الحارة رجعت ملك من عملها
سعيد: اهلا بست الحسن والجمال ايه كل دا في الشغل.
ملك: اه كنت في الشغل مش بلعب والله
سعيد بغضب: قولتلك 100 مرة اتكلمي معايا عدل
سميرة: عيب يا ملك دا زي ابوكي اكلمي كويس معا
ملك: انا اسفة يا عمتي مش قصدي بس كان عندي ضغط شغل وتعبانة متزعلش يا جوز عمتي انا داخلة اغير هدومي واريح شوية.
هنا: استني يا ملوك اجي معاكي
دخلو البنتان مع بعض في الغرفة
هنا: فيكي ايه يا ملك مش عجباني
ملك: اديكي شايفة ابوكي بيعمل ايه معايا
هنا: اها وسمعت انه هيجوزك المعلم عبده غصب عنك
ملك ببكاء: فينك يا ابويا لو كنت عايش مكنش دا حصلي لكن بقيت شلعة رخيصة كلة بيشتري ويبع فيا.
هنا: متزعليش يا حبيبتي اكيد ربنا شيلك خير كتير جداااا
ملك: حتى احمد خايف من ابوكي ومش عايز يجي ولا يشوفني من الاي ابوكي بيعملو في وحاسه انه هيستسلم قريب اوي وهيسبني لمعلم عبده وابوكي.
هنا: باذن الله لا متقلقيش عندي فكرة حلوة اوي تعمليها وتحطي الكل قدام الامر الواقع.
ملك بلهفة: ايه ايه قولي.