رواية هكذا أحببته للكاتبة مي علاء الفصل الثالث عشر
امجد بعصبية: انتي مش هتتحكمي ب حياتي كمان، انا قلت لا. والخطوبة اخر الأسبوع صح، خليها بدون عريس، نهض وصفق الباب بقوة
عفت ببرود: ولا يهمني كلامك، المهم خطوبتك هتم، وبعريس
صعد امجد لغرفته، وجد خادمة جديدة
امجد بلامبالاه: اعمليلي اكل
سرين: حاضر يا بيه، اي حاجة تانية
امجد: لا
خالدة للخدم: الأجازة اتفتحت تاني، يعني بكرة اللي عايز يروح شأر ع اهلوا او قرايبوا، يروح.
الخدم: شكرا اوووي.
خالدة بإبتسامة: يلى الكل يروح ع شغلوا
سرين ل خالدة: صحيح اللي سمعتوا الاجازة بكرة
خالدة: اة
سرين: حتى ليا؟
خالدة: ايوة انتي كمان
سرين: ماشي
اليوم التالي، نظف الخدم القصر سريعا ثم ذهبوا لزيارة اقاربهم
ذهبت سرين ل دانا
دانا بدهشة: سرين؟ ازاي جيتي؟
سرين: اجازة يا بنتي
دانا وهي تحضتن سرين: وحشتيني يا معفنة هههه
سرين: هههههه
دانا: إيه الأحوال ف القصر؟
سرين بكذب: مفيش
دانا: تعالي ادخلي و نتكلم
سرين: يلى.
بعد دخولهم البيت
دانا: ها قولي
سرين: اقول إيه؟
دانا: القصر؟، في إيه؟
سرين: مفيش
دانا بتفحص: قولي يا سرين
سرين بأسى: انا اتعينت خدامة خاصة ل امجد بية
دانا: ...
سرين: انتي زعلتي؟، انا واللهي رفضت بس...
قاطعتها دانا: ازعل إيه انتي غبية، عادي ده كويس ليكي و ده اكل عيشيك
سرين: الحمدالله انك مزعلتيش
ثم سكتت
دانا: إيه كمان حصل
سرين بتردد اكثر: اصل، امجد بية
دانا: هاا؟
سرين: خطبتة اخر الأسبوع
دانا: ...
صمتت قليلا ثم تكلمت بعد تنهدت
دانا: عادي بردوا، هقوم اعملك شاي
وقفت امام البوتوجاز، مسحت دموعتها التي هبطت بسرعة
قدمت الشاي و تكلموا عن مواضيغ عدة
في الشركة
امجد للسكرتيرة: مريم فين ورق الصفقة الأخيرة
مريم: هحضروا لحضرتك واجيبوالك
امجد؛ ماشي
مريم: في ضيفة برة
امجد: دخليها، بس مين؟
دخلت بوسي: انا يا بيبي
امجد اشار ل مريم بالخروج
امجد بحدة: انتي مسنفعش تجيلي ف اي وقت
بوسي: لا واللهي، انا خطيبتك.
امجد: مين قال؟، انا مش موافق، واتفضلي اخرجي
بوسي: لا يا بيبي، هزعل منك كده
امجد وهو ينظر للورق امامة: بقولك اخرجي مش فاضيليك
بوسي وهي تجلس: مش هشغلك
امجد وهو يترك الورق بعصبية: انتي مش بتفهمي ليه؟
بوسي: انا خطيبتك المستقبلية بقى
امجد: انا مش هخطبك لأني بحب واحدة غيريك و هرتبط بيها
بوسي بغضب: انت كذاب، انت بتعمل كده عشان ابعد عنك.
امجد وهو يرجع ظهرة للخلف: مش مضطر اكذب عليكي، صدقي متصدقيش براحتك بس ف وقتها مش همسحلك دموعك ويلى اتفضلي
نهضت بوسي بغيظ: هنشوووف يا امجد مين اللي هتنزل دموعوا ف الأخر
، سرين: خدي رقمي الجديد لو احتجتي حاجة اتصلي بيا
دانا: حاضر، شكرا لأنك زورتيني
سرين: انا مليش غيريك وانتي عارفة
دانا: ربنا يخليكي ليا، يلى امشي عشان متتأخريش
سرين وهي تقبلها: مع السلامة
دانا وهي تلوح بيدها مودعة: سلااام.
اتى آخر الاسبوع، يوم خطوبة امجد
صباحا...
محمد: الحقي الحقي يا دانا
دانا: مالك يا محمد؟، في إيه؟
محمد ببكاء: بابا، بابا تعبان اوووي
دانا بقلق: متخفش استنى هاجي معااك
و ذهبوا لعم محمد
عم محمد بتعب: متخفيش يا بنتي، متخفش يا محمد
محمد ببكاء: طب قووم يا بابا
دانا تحاول التماسك: إيه يا عم محمد، انت عايز تخوفنا عليك عشان تعرف معزتك عندنا ولا إيه؟، متخفش انت معزتك عندنا كبيررة، قوم بقى.
عم محمد: انا حااسس ان دي ايامي الأخيرة يا بنتي، انتبهي ل محمد، انتبهي لنفسك، انتي عارفة انا بحبك زي بنتي ازااي
دانا: لا لا ياعموا انت عارف انا مش بحب الكلام ده، انت هتقوم وهتبقى زي الحصان
عم محمد: معتقدش، اشهد ان لا إله إلا الله وحدة لا شريك له واشهد ان محمد عبدك و رسولك
و اغلقت عينية، وصعد للسماء
محمد ببكاء: بابا، بابا
دانا وهي تحضتن محمد وتحاول التماسك: اهدى يا محمد اهدى، هو دلوقتي في مكان احسن.
محمد ببكاء: انا معنديش حد خلاص، كلهم مااتوا كلهم
دانا وقد ترقرقت العبارات من عينيها: انا معاك يا حبيبي، انا معاك
عفت: جهز نفسك يا امجد
امجد: قلت مش هروح الخطوبة
عفت: لو مرحتش همنعك من الورث، من كل الخير اللي انت شايفوا ده، وهبقى غضبانة عليك
امجد: يا عفت هانم، انتي كده هتوديني للعذاب بأيديك عفت: لا، انا عارفة مصلحتك، اطلع و خلص عشان العروسة ع الساعة 7 هتكون جاهزة تروح و تاخدها
نهض امجد دون اي كلمة.
نظفت سرين غرفة امجد، وضعت هاتفها ع الطاولة، و خرجت
دخل امجد الغرفة و بدأ ف تجهيز نفسة وهو لا يعرف ماذا يفعل ليخلص من هذا
الساعة 5
حملوا الكفن، و دفنوا عم محمد، و تحدد موعد العزاء
دانا ف بيتها هي و محمد، جعلت محمد ينام، وهي جلست ف أخر الغرفة، انكمشت ع نفسها، ضمت رجليها ع صدرها، واصبحت تبكي بمرارة، تذكرت صديقتها سرين
اخذت الهاتف وهي تشهق من البكاء
، ++ هاتف سرين يرن
امجد: إيه الصوت ده؟
بحث عن مصدر الصوت، وجدة هاتف
امجد وهو يمسك بالهاتف: موبايل مين ده؟..
نظر للشاشة وجد اسم دانا
رد و لكنه لم يخرج صوت، سمع صوتها الباكي وهي تقول ل سرين.
دانا بإنهيار: سرين، عم محمد، مات وسابني، انا بقيت وحيدةيا سرين، انا معنديش حد، الكل بيسبني و بيروح، ليه بيحصلي كده، انا مش عارفة اعمل إيه؟، محمد بالعافية نيمتوا عشان ميشوفنيش وانا بعيط، انا خلاص، فاض بيا، تعبت من اني ابان متماسكة قدام الناس، مش لاقية حد اترمي ف حضنوا و اعيط، انا تعبت يا سرين تعبت
وإنهارت من البكاء
اغلق امجد الهاتف و...