قصص و روايات - قصص رائعة :

رواية نيشان للكاتبة روز الفياض الفصل الحادي والأربعون والأخير

رواية نيشان للكاتبة روز الفياض الفصل الحادي والأربعون والأخير

رواية نيشان للكاتبة روز الفياض الفصل الحادي والأربعون والأخير

انسان كامل مو مثلي وانتي دكتوره الف واحد يتمناج ويمكن لوما الظروف إلى صارت جان اتزوجتي دكتور.
هو يحجي واني دموعي تنزل مااكدر احجي حجيه كله يأذي.
قيس: موضوع زيد بالبدايه اذاني صعبه حيل اعرف اخوي عينه على مرتي. الحمدلله ان الموضوع منتهي الظاهر جانت سوالف مراهقين وطيش شباب بس ماانكر اني حقدت عليه بس هسه من خطب ارتاحيت وعرفت اني اتسرعت.
مد ايده لزم ايدي وضغط عليها.

قيس: كل مره تكولين طلكني تشلعين كلبي رغم اني جنت مقرر اذا مرجعت مشيت طبيعي وحسيت منج بأي نفور راح اتركج واخليج تشوفين حياتج حتى لو احبج.
مريم: ومنو كلك اني اريد واحد دكتور لو واحد ثاني اصلا؟ بعدين انت كل تصرفاتك جانت تكول متريدني وتتحجج حتى تسوي مشاكل حسيتك اتندمت وخصوصا من اشوفك شلون تفرح وتتغير نفسيتك من يجون بناتك ووياي بارد عبالك واحد مااعرفه واحد غريب.

حسيت نفسي ثكيله عليك هم ولازم ينزاح حجر عثره بطريق علاقتك ابناتك وابرار.
فكرت احسن حل اسحب نفسي لان بناتك اهم وكافي طول عمرك شايل همنه اني واخواني.
ابجي واحجي ودموعي عبالك سباق صعب شرح المشاعر والاحاسيس صعب التبرير والشرح المكابره اسهل والعناد اسهل بس نتائجهم كارثيه وألمهم أكبر.

قيس: من شوكت صرتوا حمل وهم مشتكيلج اني قبل؟ بعدين انتي شمجلبه بابرار ابرار راحت روحه بلا رجعه. وسالفة متندم مالها داعي اني اتزوجتج مقتنع مو لان مجبور فرصه مجنت متوقعها اكو واحد تجي فرصه يتزوج إلى يحبها ويرفض؟
شغله وحده تندمت عليها ويمكن اذتني اكثر مما اذتج.
مريم: شنو؟ ??
قيس: من مديت ايدي عليج.
مريم: انت خليتنه وصلنه لهنا ليش مو من البدايه كعدنه وحجيه مثل هسه؟

قيس: مريم الحجي مو بهالسهوله تره الانسان من يبرد وينسى يالله يكدر يحجي ويبرر بس من يكون مشوش وعصبي ميكدر
وكتلج جنت ضايج من نفسي لان صرت اعرج ومقهور تره صعبه مااتمناها حتى للعدو تجربه مؤلمه ونتيجتها مزمنه.

كلما يكول اعرج ينعصر كلبي باوعتله وضغطت اني هم على ايده كتله: انت اتزوجتني بالوقت إلى اخوك مقبل بيه وهو هم ابن عمي وعلى كولتك جان يحبني ويمكن محد جان راح يقبل بيه بس انت لان محد يصدك اني رجعت سالمه تتذكر من اتزوجنه شغلة النيشان اني إلى فهمت انه النيشان يعني اثبات او دليل او ماادري يمكن معناه اثر انت هيج بحياتي قيس اثبات ودليل واثر بدونك اني مالي وجود. وانت اصلا عندي غير عن الكل والغير شلون تتخيل ممكن تتغير نظرتي الك لو انفر او اكش منك اني جنت اتمنى لو بس تفتح عيونك وتحجي لو بس النفس بيك هم قابله المهم موجود بحياتي...

واخو ميس حطيت عقلك وياه الولد مؤدب ومشفت منه تصرف مو زين انت بس اللي جنت احبك انت جنت زوجي وحبيبي وابو ابني وابن عمي وكل شي.

قيس: شنو جنت احبك وجنت زوجي صرنه بصيغة الماضي؟ مو كلنه الطلاك باطل بعد شنو؟
مريم: صح بس انت اصلا بعدنه موصلنه للطلاك ظليت تدور بنات وتدور بيضا وشكرا ومدري شنو??.
قيس: اني! ?? شوكت؟
مريم: لتنكر اني جنت اسمعك تحجي ويه مدري منو بالتليفون وتكوله البيضا شوفلياها حلوه وعجبتني وجلسي النبض ودخلت كلبي??.
قيس: لج شوكت هالحجي والله محجيت هيج شي مااتذكر؟ شنو اتخبلتي لو اني صار عندي زهايمر ومااتذكر؟

مريم: لا مابيه شي الحمدلله لااتخبلت ولاشي بكامل قواي العقليه اصلا هاي بيوم إلى اجيت اخذتني من العياده بتكسي تتذكر قبل لتشتري سياره.
صفن مستغرب بعدين ضحك واني ابجي بحركه وانقهرت لان يضحك.
بعدين لزم ايدي وسحبني كلي: كومي.
مريم: وين??؟
قيس: كومي ويايه شويه.
كمت وياه هو لازم ايدي اخذت علاوي و طلعنه بره وكف وظل يضحك.
مريم: شبيك تضحك المن طلعتنه؟
قيس: هاي البنيه الجانت عاجبتني??.

التفتت باوعت منا منا ماكو بنات كتله: وينها؟ ??
ضرب عالسياره بأيده وضحك كال: هايييه?? السياره إلى عجبتني ودخلت كلبي??.
سكتت غلست استحيت متت من الفشله صدك سيارته بيضا شلون ممنتبهه اني.
قيس: اخ ياربي ضحك خير ان شاءالله??
مريم: شدعوه??
قيس: المهم هسه شكلتي نرجع لبيتنه لو ارجع جوه اشوف عروس بيضا؟ اخت خطيبة زيد مثلا؟ ??.

مريم: عابتلها وعابت شكلها مايعه??. نمونه يعني بيضا؟ هاي اني سمرا بس احلى منها بس انتو الرياجيل متشبعون روحلها روح تعجبكم هيج شكولات مايعه ومايصه وتتدلع.
قيس: ههههه اروح يعني مترجعين؟
مشى خطوتين كتله: اوكف وين رايح؟ شنو مصدكت شنو مشايف بنات تريد حجه حتى ترجع جوه؟ عالاقل كول مرتي واكفه مو كدامي.
قيس: لا مدام مرتي رجعت بعد ماله داعي ادور عروس لان محد مثلها لابيضا ولاشكرا.

فتح السياره: يالله خل نرجع للبيت.
مريم: لا قيساان اريد فد شي بالاول??.
قيس: مدام كلتي قيسان معناهاشنو تردين اتدللي.
مريم: احنه مسوينه عرس وحفله وبقت بنفسي اكعد وياك بالكوشه??.
ضحك كلي: بس نكعد بالكوشه بسيطه ويزوفونه بعد اذا تردين??.
وفعلا رجعنه للقاعه استقبلونه باغنيه كاموا العرسان وكعدنه بمكانهم شويه بعدين سوولنه اغنية الزفه.

وجنت اتمنى نركص سوا بس محجيت خفت احرجه او اجرحه من اطلب منه هيج طلب لان ميكدر بسبب رجله.
---------------
ومن طلعنه رحنه للاستوديو اخذنه صوره عائليه اني وياه وعلاوي وعلكناها بالغرفه
هسه وره 3 سنوات لازم تتغير ونخلي بمكانها الصوره الجديده إلى بيها اني وقيس والبنات وعلاوي والفرد الجديد بالعائله ابنه كيان??...

مو كل حب حقيقي.
الحب مواقف مو مجرد كلام...
الحب الحقيقي دائما يترك اثر ونيشان.
بعض النهايات تكون سعيده حتى لو كانت البدايات مأساويه. دائما اكو امل...
وفي النهايه رسالتنا: كفوا عن العناد، وابتعدوا عن المكابره، فكم من مشكله صغيره دمرت علاقات كبيره، ??.

تمت
نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة