قصص و روايات - قصص رائعة :

رواية نيشان للكاتبة روز الفياض الفصل الثاني والعشرون

رواية نيشان للكاتبة روز الفياض الفصل الثاني والعشرون

رواية نيشان للكاتبة روز الفياض الفصل الثاني والعشرون

وميهمني موضوع زواجه الاول ولابناته لان اني من اتزوجته اعرف ومتعوده على الموضوع وعلى بناته واحبهم إلى يهمني هو لان شخص استثنائي كافي الحنان إلى عنده كافي رجولته بنظري ماكو رجال مثله.
ميس: هو بصراحه ميتفوت??.
اجه قيس ورحنه للبيت بالطريق ردت اكوله وافرحه بس كلت لا خل نوصل للبيت.
وصلنه وبعد العشا صعدت لاهلي فوك فرحت امي بالخبر امي اتحمست حتى تبدي تسوي جهاز الطفل مدام عرفت جنسه شنو.

نزلت كعدت شويه يمهم بعدين رحت لبيبي قبل متنام كلت افرحها.
دخلت كتلها: بيبي نايمه؟
بيبي: ها حبيبتي شنو تردين؟
مريم: مرايده شي سلامتج بس ردت اكولج شي قبل الكل انتي اول وحده راح تعرفين لان البقيه باجر اكوللهم ان شاءالله.
بيبي: خير يمه كولي.
مريم: بيبي انتي مو جنتي تردين قيس يصير عنده ولد؟
بيبي: اي والله امنيتي قبل مااموت اشوف بحضنه ولد.
مريم: اسم الله عليج لتكولين هيج.

بيبي: قابل ناخذ زمنه وزمن غيرنه يايمه يالله حسن الخاتمه.
مريم: عمرج طويل ان شاءالله. وقريبا راح يصير إلى تتمنيه ان شاءالله.
بيبي: اخذتي سونر؟
مريم: ههههه اي اخذت سونر.
بيبي: وشطلع؟
مريم: ولد.
بيبي: احمدك واشكر فضلك الهي.
باستني وظلت تبجي وتدعيلي ووصيتها متحجي اليوم لاحد لان بعده قيس ميعرف.

رحت لغرفتنه اتمددت ورفعت رجليه تعبانه ياريت لو اخلص من الدوام مال المستشفى الصبح لان هلكت الصبح والعصر وكله وكفه بس شسوي اهلي هسه مسؤولين مني واحتاج مصرف إلى وهسه للطفل ولازم اجمع مبلغ زين حتى بلكي اصير شريكه بالعياده ويه ميس.
انتظرت قيس يجي حتى ابشره بس طول بالديوانيه يم عمي ومرت عمي شهالموضوع المهم إلى يسولفون بي نص الليل.
خفت اغفى قبل لا اكوله ومن فرحتي مااريد انام لحدما يعرف.

دخل قيس نام يمي حضني كلي: مريومتي شلونج اليوم؟
مريم: الحمدلله.
قيس: شلون ابني؟
مريم: ههه زين الحمدلله.
قيس: ان شاءالله.
مريم: زين اختاريتله اسم؟
قيس: لا
مريم: غير لازم تختار من وكت تره مبقى شي 5 شهور??.
سكت ماعلق.
مريم: شبيك اشو ضجت شنو خفت؟
قيس: من شنو خفت؟
مريم: تطلع بنيه.
قيس: نعمه من الله.
مريم: بس اني متأكده ولد واريد اسميه علي.
قيس: ومنين جبتي التأكيد؟
مريم: من السونار.
باوعلي كال: سويتي سونار؟

هزيت راسي اي.
قيس: شوكت؟
مريم: مساع.
قيس: وشطلع؟
مريم: علي.
قيس: حلفي؟
مريم: بداعت ابوه.
ابتسم بعدين ضحك بعدين كام طلع من الغرفه ماادري وين راح شويه واجت مرت عمي بوستني وعمي هم واكيد راح لبيبي لان اسمعها تبجي.
من رجع للغرفه جان فرحان حيل بس احس اكو شي.
مريم: قيسان مو على بعضك.
قيس: فرحان.
مريم: وغيره؟
قيس: ماكو شي بسسسسس نقلوني للموصل.
مريم: شنوووو??؟
قيس: على كيفج على كيفج شي مؤقت مو بصوره دائمه.

حسيت عبالك واحد ضربني كف على وجهي بكل قوته.
مريم: مو صحيح هالحجي؟
قيس: ياريت.
مريم: شنو يعني للموصل؟ انت بالجيش بالحشد انت بالامن شجابك عالموصل؟
قيس: قرار وزاري والتنفيذ باجر.
مريم: باجر؟ متروح.
قيس: اي مو بكيفي.
مريم: لابكيفي اني متروح.
قيس: ترحين وياي شرايج هههه.
رديت عليه بعصبيه: لتضحك على شنو تضحك على المصيبه الطاحت على راسي بهالليل؟
لزم ايدي باسها كال: لتخربين فرحتنه.

مريم: يافرحه بعد انت خليت فرحه تروح للموصل شتسوي شنو بكيفهم ينقلوك هناك اشمعنه انت؟
قيس: حبيبتي 14 يوم بسرعه يخلصون متحسين بيهم.
مريم: شنو؟ 14يوم؟ تروح وتبقى هناك 14يوم؟ واني؟
بجيت??
قيس: صدكيني بسرعه راح تخلص.
مريم: شتخلص شتخلص متكولي هي الموصل غير ساحة معركة إلى يروح يحسب حسابه ميرجع حتى لو ساعه وانت تريد تبقى 14 يوم؟
قيس: ادري هو بكيفي لو دوام ابوي لو رايح بمزاجي؟

مريم: متروح قيس متروح شوفلك واسطه شوفلك عرف انطي فلوس احجي ويه المسؤول مالك سوي اي شي.
قيس: ميفيد وماكو وقت باجر الصبح نطلع اني والولد ان شاءالله. بس اول 14يوم صعبه حتكون علي وعليج بعدين تتعودين.
وخرت باوعتله كتله: شنو يعني بس اول 14يوم؟ كم 14يوم هي؟
قيس: 4شهور 14يوم هنا و14هناك.
من كلي هيج اتهسترت ظليت ادك والطم.
لزمني كوه اتخبلت احتاريت شنو اسوي ماادري شلون اطلع القهر إلى بكلبي.

قيس: مو هيج مو هيج مو هييييييج.
صرخ علي بس اني ميته لو يضربني مااحجي.
مريم: وخر قيس وخر اذا ابقى كاعده هنا اختنك.
هو لازم ايدي ميقبل يعوفها.
قيس: اكعدي.
مريم: مااكعد عوفني خليني اطلع.
قيس: اكعدي وين تطلعين بهالليل اتخبلتي.
بجيت حيل وكعدت على طرف الجربايه.
اجه يمي حضني كلي: مو هيج ام علاوي تره اذا علاوي تأذه ازعل عليج.
مريم: عفيه لتروح شلون تروح إلى يروح هناك يعني رايح للموت برجليه.
قيس: معناها ادعيلي.

مريم: شدعي شدعي الله ياخذني ويخلصني.
قيس: اهاا ليش هالحجي الماصخ.
مريم: اذا تحبني صدك لتروح كوللهم مريض.
قيس: لج ميصير افهمي بابا ميصير امر من الوزاره اذا مااروح انسجن.
مريم: ميخالف ميخالف السجن ارحم.
قيس: اهاا تقبلين انسجن؟
مريم: اي اقبل بس تبقى يمي واعرف بيك سالم ومابيك شي اقبل والله اقبل.
قيس: ههههه مشكوره.
مريم: كلبي جان حاس عندك مصيبه.
قيس: شعندي قابل احب.

الفصل التالي
جميع الفصول
روايات الكاتب
روايات مشابهة