رواية ملاكي الحارس للكاتبة لولو الصياد الفصل السابع
الخادمه: الحقى يا أمل هانم مصيبه...
امل: مصيبه ايه اتكلمى
الخادمه: حد اتصل من موبايل مروان بيه وبيقول انه عمل حادثة وفى مستشفى: وقال انى حالته خطيره
امل: بابا حبيبى ونزلت تجرى واكمل وراها
اكمل: استنى يا امل...
امل نازله تجرى ومش شايفه قدامها أى حاجه واكمل لحقها وركبها العربيه وهى منهاره من العياط
أكمل: اهدى يا امل ان شاء الله خير
أمل: يارب يارب يا اكمل.
أكمل: متقلقيش انتى بس وادعيله وان شاء الله هيبقى كويس
امل: يارب انا ماليش غيره هو كل حياتى
اكمل كمل سواقه السياره: وكانت امل تبكى بشده وصلوا المستشفى وقالوا لهم انه في العمليات امل واكمل وقفوا قدام غرفه العمليات فات ساعه واتنين
امل: اتاخروا اوى كل ده ليه حرام كده انا هموت
اكمل: اهدى مفيش حاجه كله هيبقى تمام
امل: لا انا قلبى مش مرتاح محدش خرج وعدى وقت كتير
اكمل: ده شغلهم متقلقيش انتى بس واهدى.
امل: اهدى ايه بس انا عاوزه اعرف في ايه بابا ماله
اكمل: مفيش حاجه ودلوقتى الدكتور يخرج ويطمنا...
امل: اهو خرج
خرج الطبيب من غرفه العمليات وتوجه له كل من امل واكمل...
امل: ها يا دكتور بابا كويس
اكمل: الحاله عامله ايه دى بنته وانا جوزها
امل: اتكلم بئه حرام عليك
الدكتور: انا اسف يا جماعة الحاله جت متاخر جدا البقاء لله
امل: لا انت كداب بابا ممتش
الدكتور: انا اسف: البقاء لله.
امل: لالالا بابا واغم عليها من الصدمه...
اكمل حمل امل بعد ما اغم عليها واخدها اكمل غرفه في المستشفى واعطها الطبيب حقنه مهدئه لتخفيف الصدمة...
اكمل خرج من الغرفه موبايله من الغرفه
اكمل: ازيك يا عاصم عامل ايه
عاصم: تمام يا حبيبى دهعلى أساس ان بقالنا سنه مشفناش بعض ايه ياعم ما انت في وشى في الشركه
اكمل: عاصم اهدى واسمعنى
عاصم: ايه يا ابنى مالك شكلك مضايق في حاجه
أكمل: مروان بيه تعيش انت.
عاصم: بصدمه امتى حصل ده الله يرحمه
اكمل. حادثة عربيه وتوفى من شويه
عاصم: البقاء لله الله يرحمه وامل عامله ايه
اكمل: منهاره جدا المهم انا كنت عاوزك علشان تجهز كل حاجه للعزا وكدا
عاصم: متقلقش انا هرتب كل حاجه وخليك انت جنبها لأنها اكيد محتاجه ليك.
اكمل: ان شاء الله مش هوصيك بئه
عاصم: عيب عليك متقلقش...
اكمل: اوك سلاك وتابعنى بالموبايل
عاصم: ماشى سلام...
اكمل قفل ودخل الغرفه عند امل وكانت لسه نايمه صعبت عليه جدا وقعد جنبها ومسك ايديها حس انها ابتدت تفوق
أكمل: امل انتى كويسه...
أمل: بابا فين
اكمل: ادعيله يا حبيبتي
امل: حرام عليكم بئه بابا وعدنى اننا نفضل سوا ووعدنى انه هيحمينى دايما انت ليه كده بتحب تعذبنى
اكمل: اهدى يا حبيبتى وادعيله
امل: بابا بصوت عالى وظلت تبكى بشده اكمل جلس إلى جانبها واخدها في حضنه وظلت تبكى بشده الى ان هدءت...
عدى يوم والتانى والثالث ومر شهر منذ وفاه والد امل وهى في حاله حزن شديده...
جاء اكمل الى منزلها وطلب رؤيتها لامر هام...
وصل اكمل الى منزل امل وطلب من الخادمه ان تبلغ امل بوصوله وانه بانتظار نزولها...
امل غى غرفتها تشاهد صورها هي ووالدها وتبكى بشده وقطع عليها لحظات حزنها طرق الباب مسحت امل دموعها بسرعه
امل: ادخل...
الخادمه: امل هانم اكمل بيه تحت في الصالون مستنى حضرتك.
امل: اوك قوليله نازله حالا وشوفيه يشرب ايه
الخادمه: حاضر يا فندم بعد اذنك
امل: اتفضلى...
نهضت امل من على السرير وتوجهت إلى دولاب ملابسها واخرجت بنطالون باللون الاسود وبلوزه سودا وارتدتهم ونزلت لمقابله اكمل وكان يبدو عليها بوضوح التعب وكثره البكاء: دخلت أمل الصالون وعند دخولها نهض اكمل لاستقبالها
أمل: ازيك يا اكمل اتفضل اقعد
اكمل: الحمد لله كويس انتى عامله ايه دلوقتي.
امل: الحمد لله بقيت احسن كتير شكرا لوقوفك جنبى متشكره
أكمل: شكر ايه انتى مراتى يعنى احنا الاتنين واحد
انل: شكرا ربنا يخليك
عم الهدوء قليلا ولا يوجد اى حديث الى ان قطع الصمت اكمل
اكمل: انل انا كنت عاوز تتنقلى تعيشى معايا
امل: وده بمناسبه ايه
اكمل: انك مراتى: وكده مينفعش واظن فرح حاليا مش هينفع علشان والدك
امل: بس انا مش عاوزه اتنقل من هنا ابدا.
اكمل: وانا يستحيل اسيبك هنا لوحدك وأفضل قلقان طول الوقت عليكى انتى الظاهر مش شايفه نفسك بقيتى عامله ازاى زى الشبح
امل: ميرسى ليك
اكمل: انا مش قصدى انا عاوز اكون مطمن عليكى يا امل مش ابقى شغال تفكيرى كل شويه حصلها ايه
امل: متشغلش دماغك انا كويسه
أكمل: بعصبية انا مش باخد رأيك انا بقولك علشات تجهزى نفسك...
أكمل: انا بقولك علشان تجهزى نفسك مش باخد رايك
امل: ازاى يعنى ليه هو انا كرسى ولا كنبه هتنقلها ملهاش رأى
اكمل: امل بلاش تعصبينى انا مقدر ظروفك ومش عاوز ازعلك ابدا انا من يوم وفاه والدك والحراسه حوالين بيتكم اربع وعشرين ساعه ورغم كده مش مطمن انما عندى حاجه تانيه أمان وهبقى مرتاح
امل: حيلك حيلك انت ازاى تحط حراسه عليا من غير اذنى.
اكمل: لا انتى اتجننتى انت مراتى وبصى مش عاوز مناهده كتير بكره الصبح هعدى اخدك وتكونى جهزتى نفسك سلام وتركها وخرج دون ان يسمع منها اى كلام
امل: لنفسها ماشى يا اكمل والله لخليك انت اللى ترجعنى هنا وفاقت على صوت موبايلها: وكان المتصل سماح...
امل: ازيك يا سو وحشتيني
سماح: انتى اكتر يا روحى اخبارك ايه
امل: الحمد لله وحكت لها ما حدث...
سماح: والله جدع انا كنت خايفه عليكى
امل: انتى كمان ليه البعبع هيجى ياكلنى.
سماح: شربات متقلقش يا عثل مش هتكون لوحدك
امل: ازاى يعنى مش فاهمه
سماح: انا نزله مصر بعد بكره وحجزت خالص وطايرتى هتكون في مصر 4 العصر بتوقيت القاهرة
امل: بجد واو احسن خبر سمعته من يوم وفاه بابا
سماح: الله يرحمه: متاخدنيش في دوكه عاوزه اكل مصرى كل الاصناف والاهقتلك
امل: طفسه طول عمرك ماشى انت تؤمر يا جميل
سماح: ماشى يا حبيبتي خلى بالك من نفسك سلام
امل: وانتى كمان مع السلامة...
فقلت امل واستدعت احد الخدم لمساعدتها في توضيف حقائبها وهى تفكر ماذا سوف يحدث غدا وكيف تكون الحياه بينها هي وأكمل...