رواية ملاكي الحارس للكاتبة لولو الصياد الفصل الخامس

رواية ملاكي الحارس للكاتبة لولو الصياد الفصل الخامس

امل: اتفضل قول...

اكمل: بصى يا امل انا راجل عصبى شويه واحب كل كلامى يتنفذ ممكن تتناقش بس احب كلامي يتنفذ مش تحكم لا لانى انا اكبر وافهم اكتر وعاوزك تعرفى انى ماليش اخوات خالص وليا خاله واحده وجدتى بس دى عايشه في المزرعه بتاعتها وهنروح ليها نزورها اكيد وغاليه عندى اوى وكمان شغلى بحبه جدا ونفسى كمان اخلف منك بسرعه جدا لانى نفسى يكون. ليا اولاد كتير عاوز عيلتى تكون كبيره جدا وليا صديق واحد اسمه عاصم وغالى عندى جدا وزى اخويا وشريك ليا في بعض الشركات بتاعتى وليا طلب عندك كمان مش عاوز أى حد يعرف حاجه عن حياتنا ومهما كانت مشاكل بينا احنا نحلها بينا وبين بعض فهمانى يا حبيبتي.

امل: ايوه فهماك واوعدك هنفذ كلامك
اكمل: ربنا يخليكى ليا وما يحرمنى منك ابدا وتكون زوجه الدنيا والآخرة
امل: بكسوف: ويخليك ليا
اكمل: تحبى نقعد في الفيلا بتاعتى ولا تحبى مكان تانى
امل: اللي تشوفه اللى انت عاوزه
اكمل: بصى يا حبيبتي انا عاوز يكون ليكى رأي مش كل حاجه موافقه عليها
امل: حاضر...
اكمل: طيب بصى بعد كتب الكتاب هاخدك تشوفى الفيلا واى تغير تحبى نعمله انا هنفذه على طول
امل: موافقة ان شاء الله.

اكمل: ماشى يا ستى وخصوصا انى عارف ان ذوقك رائع وجميل وعارف انك هتخلى الفيلا جنه يا حبيبتي...
امل: طيب ممكن اطلب طلب.
اكمل: اتفضلى يا حبيبتي...
امل: ممكن بعد الجواز اجى هنا كل يوم عند بابا اخد بالى منه
اكمل: بصى يا حبيبتي اكيد مش همنعك عن والدك بس كمان مش كل يوم لان كده هيكون تعب عليك ممكن كل كام يوم تيجى لوالدك زى ما انتى عاوزه وساعتها يا ستى اللى انتى عاوزه هنعمله.

امل: شكرا ليك ربنا يخليك متشكره اووى انت حنين اوى على فكره
اكمل: هههههههه لا انتى اللى طيبه يا حبيبتي اوى وزى الاطفال بالظبط بس الطيبه دى متنفعش اليومين دول
امل: ازاى يعنى...
اكمل: يعنى مش كل حاجه تصدقيها ومش كل شخص تثقى فيه...
امل: باستغراب: انت بتخوفنى منك ولا ايه...
اكمل: لا يا حبيبتي فهمتينى غلط قصدى ان في ناس ممكن تستغل طيبتك دى فخليكى حذره شويه وبلاش الطيبه الزيادة دى فهمتى.

امل: فهمت اوعدك مش هامن لاى حد خالص وهاخد رايك في كل حاجه...
اكمل: ماشى يا حبيبتى: بس ايه الحلاوه دى زى القمر ماشاء الله
امل: بكسوف: شكرا ليك...
اكمل: بموت فيكى وانت مكسوفه كده...
وفضلوا يتكلموا شويه...

عدى الايام وامل تقوم بتجهيز نفسها لحفل كتب الكتاب وخرجت لشراء فستان لحضور كتب الكتاب وطبعا لما تخلو حياتها من اتصال اكمل كل يوم للاطمئنان عليها وبعض كلام الغزل الذى تعشقه للغايه: من اكمل وكان يوم بعد يوم يزيد تعلقها وحبها لاكمل بل انها لم تتصور حياتها من دونه وكانت تعشقه الى حد الجنون نعم هو حبيبها...
جاء يوم كتب الكتاب والبيت يقف على قدم وساق والكل مشغول بالتحضير لحفل كتب الكتاب...

جاء يوم كتب الكتاب وكانت امل تستعد وهى تشعر بسعاده رهيبه وكان هذا اسعد يوم بحياتها وكل شئ اصبح كما كانت تتمنى من صغرها ولا ينقصها سوى ان تكون والدتها معاها في هذا اليوم وجاءت مصففه الشعر والمكياج لتقوم بعمل تسريحه مميزه لها ولكن امل رفضت ذلك لانها تحب ان تترك شعرها كما تعرفون لا تحب تقيد وارتدت فستانها الرائع باللون البيج وكان قصير يصل الى ركبتيها ومطرز من الصدر وحملات على الاكتاف وارتدت صندك من نفس اللون ووصغت مكياج رائع يشبه مكياج نجمات السينما: انتهت امل من تحضير نفسها عندما سمعت طرق على باب عرفتها.

امل: ادخل...
دخل والدها وعندما نظر لها لمعت في عينيه دمعه من فرحته بابنته...
الاب: مبروك يا حبيبتى فكرتينى بوالدتك يا امل شكلها بالظبط يا حبيبتي واخده منها كتير...
امل: ربنا يرحمها ويخليك ليا يا بابا...
الاب: انا فرحان بيكى اووى يا حبيبتي وان شاء الله تكون حياتك كلها سعاده...
امل: ربنا ما يحرمنى منك يا احلى اب في الدنيا...

الاب: طيب يله يا حبيبتي ننزل لان اكمل زمانه هيتجنن تحت عمال كل شويه اطلع يا عمى يله بسرعه يا عمى لحد ما زهقنى...
امل: هههههههههههه معلش يا حبيبي...
الاب: هههههههع يله يا حبيبتي...

نزلت امل ووالدها وكانت تشعر باحراج كبير وشعرت انها كادت ان تسقط كذا مره من كسوفها وحمدت ربها انها كانت تمسك بيد والدهاوعندما نظرت الى اكمل نسيت مل شىء حوالها وكانت لا تشعر سوى به هو وحده وعيونه متعلقه به وحده وهو يرسم على شفتيه ابتسامه تجعله جذاب الى حد كبير الى ان وصلت للاسفل وفاقت على صوت والدها...

الاب: يله بينا على الصالون نكتب الكتاب...
ذهبوا وقاموا بكتب الكتاب وكل ذلك وامل لا تنظر سوى لاكمل وكل شئ حولها كانه ليس موجود الى ان فاقت على صوت الماذون
الماذون: اعلنكم زوج وزوجه...
تقدم منها أكمل وقبل جبينها...
اكمل: مبروك يا احلى زوجه في الدنيا زى القمر بس حسابنا بعدين
امل: الله يبارك فيك بس حساب ايه
اكمل: مش وقته هنخرج سوا بعد الحفله وهتعرفى...
امل: اوك براحتك...

الاب: مبروك يا حبيبتي الف مبروك بقيتى عروسه خلاص وبكره تسبينى...
امل: ربنا يخليك ليا وقاعدة على قلبك...
الاب: يارب دائما يا حبيبتي...

تلقت امل واكمل التهانى من المعازيم وكانت هناك بعض الصحافه نظرا لشهره اكمل ووالدها وكانت امل تتنقل بين المعازيم شارده وهى تبحث عن اكمل وكلما نظرت له كانت تبتسم له وتخفض وجهها من الكسوف...
انتهى الحفل وطلب اكمل من والدها الخروج قليلا ووافق والدها واكمل كانت تشعر برهبه من كلمه اكمل حسابنا بعدين...

امل يا ترى انا عملت ايه علشان اكمل يتعصب منى ويقولى نتحاسب انا خايف اووى ولازم اسئله: كانت امل قد ركبت بحانب اكمل وكالعادة كانت سياره الحراسه تسير خلفهم وكانت الصمت مخيم على السياره: ولذلك قررت امل ان تقطع ذلك الصمت وتساله ماذا فعلت...
امل: اكمل
اكمل: نعم: وكان ينظر امامه...
امل: هو انت زعلان منى في حاجه
اكمل: لا ليه بتسالى كده...
امل: اصل انت قلتلى حسابنا بعد كتب الكتاب وكده...

اكمل: هههههههه وهو يمسك كف يدها ويقبله انا طبعا لازم احاسبك
امل: بخوف: انا عملت ايه...
اكمل: طالعه زى القمر انهاردة وكل الناس شفتك وانتى حلوه اووى كده...
امل: حرام عليك وقعت قلبى
اكمل: سلامه قلبك يا روحى.
امل: ممكن طلب...
اكمل: طبعا انتى تؤمرى وانا انفذ...
امل: ممكن بلاش تهزر كده تانى لانى بخاف...
اكمل: امرك مطاع يا احلى زوجه في الدنيا...
امل وهى محروجه جدا: شكرا ليك اووى...

قام اكمل بتشغيل المسجل في السياره وكانت اغنيه رومانسيه رائعه: لسيده الغناء ام كلثوم...
طول عمرى بقول لا انا قد الشوق وليالى الشوق
ولا قلبى قد عذابه عذابه...
وقبلتك انت لاقيتك بتغير كل حياتى معرفش
ازاى انا حبيتك معرفش ازاى يا حياتى...

وكان اكمل يغنى مع الاغنيه وامل تستمع له في سعاده...
امل: واضح انك بتحبها اوى
اكمل: انا مش بحب اسمع لحد غيرها وساعات اغانى جديده لكل الست حاجه تانيه...
امل: ايه ده انا كده هغير...
اكمل: ههههههههههه خلاص اسمعك انتى.
امل: هههههههههع لا هي احسن...

ووصلوا الى المطعم وكان غايه في الفخامة والثراء وكانت العيون متعلقه بهم بشده وكانت امل تشعر بالخجل من ذلك بشده: جلسوا على طاولتهم وكان اكمل وانل قاموا بطلب العشاء...
اكمل: مبسوطه يا حبيبتي...
امل: ووشها احمر: اووى مبسوطه اوى.
اكمل: يارب على طول وربنا يقدرنى واسعدك دايما...
امل: وشها احمر ولم ترد وجاء العشاء وكان هناك صمت قطعه اكمل...
اكمل: الفرح بعد 3 اسابيع ان شاء الله...

امل: بس انا مش عاوزه الفرح بسرعه كده
اكمل: ليه كده...
امل: ناجله شويه ممكن يعنى...
اكمل بعصبيه غير ظاهرة: ممكن افهم انتى كنتى موافقه اتغيرتى ليه اكيد في سبب...
امل: اصل: اصل...
اكمل: اخلصى يا امل وقولى ومش هتفضلى تقولى اصل وزفت...
خافت امل بشده من عصبية اكمل: وخافت انت تتحدث...
اكمل: هتفضلى ساكته ياريت تقولى سببك وبسرعه مش عاوز اتعصب زياده...
يا ترى ايه السبب اللى عند امل وليه طلبت التاجيل.

اكمل: فهمينى لو سمحتى عاوزه تاجلى الفرح ليه انا من حقى افهم
امل: مش بترد من عصبية أكمل...
اكمل: ارجوكى ردى انا ماسك اعصابى بالعافية...
امل: انت عصبى ليه...
اكمل: بعصبية وصوته ابتدى يعلى: يعنى ايه توافقى ودلوقتى لا من حقى افهم...
نظرت امل حوالها ولاحظت نظره بعض الاشخاص حولهم لهما
امل: لو سمحت وطى صوتم الناس ابتدت تبص لينا...
أكمل: انا ميهمنيش اى حد ردى عليا وخلصينى...

امل: يا اكمل انت عصبى كده ليه انا بس طلبت التاخير اسبوع كمان علشان صحبتى تكون رجعت من السفر: وكانت الدموع تملىء عيونها...
اكمل: وهو يحاول السيطرة على أعصابه: طيب مقولتيش ليه من الاول كده
امل: وهى تحاول السيطرة على دموعها حتى لا تبكى: انت مدتنيش فرصه واتعصبت بسرعه خوفتنى منك جدا
اكمل: انتى اللى عصبتينى وانتى عارفه وقولتلك انى عصبى وانتى عماله اصل: اصل: انا مبحبش كده يا تتكلمى على طول يا تسكتى خالص...

امل لنفسها: هو اتغير كده ازاى مستحيل يكون نفس الشخص لا اكيد عنده انفصام شخصية ده خوفنى اوى وخلى الناس تتفرج علينا انا مغلطتش انا خايفة منك اووى يا اكمل وابتديت احس انى اتسرعت زى ما سماح قالتلى يارب انا خايفه...
اكمل: بكلمك مش بتردى ليه
امل: هااا: انت قلت حاجه
اكمل: واضح انى كنت بكلم نفسى
امل: ممكن تروحنى انا اتاخرت.

اكمل: نعم اتاخرتى اللى هو ازاى هو سيادتك ناسيه انك مراتى وخارجه معايا يعنى ملكى ومحدش له حكم عليكى غيرى
امل: انا لسه مش مراتك
أكمل: لا والله امال الماذون ده ايه ولا تحبى تشوفى قسيمه الجواز يا مدام
امل: لو سمحت روحنى انا اتخنقت من طريقتك دى...
اكمل: مش بمزاجك لما نخلص عشا نقوم...
امل: عشا لا خلاص اتعشى لوحدك انا مروحه...
وقامت وخدت شنطتها ومشيت...