قصص و روايات - قصص رومانسية :

رواية معشوقتي المجنونة ج2 للكاتبة ابتسام محمود الصيري الفصل السادس

رواية معشوقتي المجنونة ج2 للكاتبة ابتسام محمود الصيري الفصل السادس

رواية معشوقتي المجنونة ج2 للكاتبة ابتسام محمود الصيري الفصل السادس

نايا الريأكشن خانها و معرفتش تتحرك من مكانها، مهيمن وصلها بسرعه شد الشاب و زقه بعيد عنها و شالها بسرعه لقاها مغمضه عينها و كل جسمها مرمي
مهيمن بخضه: توتا، توتا ردي عليا توتا فوقى (بص حواليه شاف نايا متنحه و بتصوت قام جرى عليها ) نايا اهدى نايا بس بس
نايا هديت شويه و بصت ع توتا: اوعى تقول انها...
مهيمن بتوتر: ان شاء الله كويسه هي فيها نبض تعالى نروح المستشفى بسرعه.

و مع انشغاله مع توتا و نايا نسي حتى يكلم الشاب
وصلو العربيه مهيمن فتح باب العربيه ل نايا اللى كانت مخضوضه و لونها مخطوف و قلبها بيدق بسرعه مهيمن ركب العربية و توتا ع رجله و ساق بسرعه.

عند فادى
زهق من القعده لوحده: ايه الزهق ده لا ده زهق رهيب اكلم دانيه شويه (و اتصل عليها).

دانيه تمسك الفون تشوف اسم المتصل تقول بضيق: ايوه يا شادي (قالت الاسم بدون قصد )
فادى يكتم غيظه: سلامة عقلك يا دانيه انا فادى
دانيه بلا مبالاه: سوري كنت لسه بكلم شادى و اسمائكم قريبه من بعض
فادى بضيق: ممكن اعرف مال حضرتك كل ما اكلمك متضايقه ليه و بتردي بقرف
دانيه بنرفزه: قولتلك ماكنتش اقصد
فادى بعصبيه: و انا مش بتكلم ع اسمي اللي بقى شادي فجأه انا بتكلم ع اسلوب كلامك يا ابله.

دانيه: يوووه بقى و مال اسلوب كلامي يا استاذ ولا فاكر اني بخونك زي ما.
فادى قاطعها و بعصبيه: انتى اتهبلتي ولا
جرا لدماغك ايه انا لو شكيت مجرد شك هخفيكي من ع وش الارض انا اغير اه و اعديها بس اشك مافتكرش الريكشأن بتاعي هيعجبك، و بعد كده تبقي تفكرى في كلامك يا ابله عشان هيكون فيه حساب، تمام و انا سايبك عند امك ب مزاجي بس طول ما شادي في البيت ماتطلعيش من اوضتك والهبل اللى ماسك دماغك انسيه.

دانيه بنرفزه: و مطلعش من اوضتي ليه؟ مش واثق في نفسك ولا خايف اسمع كلامه الحلو يا خاين
فادى وصل ل اكبر قمة عصبيته: تمام اعتبريني خاين و لو جتلك في اي وقت ولقيتك بره اوضتك هطلع (و سكت)
دانيه بعصبيه: ماتكمل
فادى يتملك اعصابه: و انا هنفذ ع طول مش محتاج اتكلم (و قفل الفون و رماه و يكلم نفسه ) يا صرمه انا تستفزيني ماشى يا دانيه و قام اخد المفاتيح نزل راح كافيه.

وصلو المستشفى بص ع نايا شاف دموعها
مسك ايدها بحنان: نايا مالك؟
نايا دموعها فضلت تنزل
مهيمن بصلها: قلبى لازم نطلع نطمن ع توتا نزل من العربية و توتا ع ايده شايلها و فتح باب العربيه ل نايا و طلعو المستشفى.

دخل الاستقبال و سلمها ل دكتور و قاله ع اللى حصل و طلع وقف مع نايا
مهيمن بقلق: قلبي ماتقلقنيش عليكى مالك
نايا بصتله و الدموع في عينها و اترمت في حضنه
مهيمن حضنها جامد و حط ايده ع شعرها: ممكن نهدا
نايا بصتله
مهيمن مسحلها دموعها و فضل باصص في عينها
نايا بصوت فيه دموع و تقول و هي بتشهق: انا اسفه انا ما بقدرش اشوف حد في خطر بخاف اووى ما بالك حد انا بحبه
مهيمن بحب: ماتقلقيش هتبقى كويسه.

الدكتور كشف عليها و طلع ليهم
مهيمن: طمنى عليها
الدكتور: متقلقش بسبب الخبطه خلتها يغم عليها و انا هعملها اشعه ع المخ نطمن اكتر قلعها الحلق عشان ادخلها الاشعه
مهيمن و نايا دخلو الاوضه اللى فيها توتا مهيمن فك الحلق و دخلت الاشاعه و الدكتور طمنه انها كويسه جدا و فوقوها اول ما فاقت
توتا بزعر رهيب: ااااه ماتضربنيث مث هقول حاجه ل بابا مث هقول اوعي تحرقينى انا هعمل نفثى ماثفتث حاجه.

مهيمن رفع حاجبه و ميل راسه بتساؤل للدكتور و حضنها: اهدى يا حبيبتى محدش هيعملك حاجه و بص للدكتور مالها؟
الدكتور بص ع نايا بحده: حد بيضربها في البيت
توتا حضنت مهيمن بخوف: خلينى معاك اوعى تثبنى
مهيمن: اهدى يا حبيبتى انا عمرى ما هسيبك
الدكتور ميل ع ودن مهيمن: خلى بالك ع بنتك في حد بيهددها و بص ع نايا
مهيمن بص ع نايا و بص للدكتور: انت تقصد ايه و بتبص ع مراتى ليه.

الدكتور: كلام البنت واضح اووى ان في حد بيهددها بدليل انها بتقول مش هقول ل بابا حاجه بس ماتحرقنيش
مهيمن بص ع نايا: نايا خدى توتا و استنى بره (توتا حضنته جامد و كانت خايفه تبعد عن حضنه )
نايا قربت و حطت ايدها ع توتا
توتا اول ما ايد نايا لمستها فضلت تصوت: بابا اوعى تثبنى هتموتنى والنبى متثبنيث معاها
نايا استغربت: توتة مالك يا روحي انا نايا
توتا بصت عليها و اترمت في حضنها و فضلت تعيط و حضنتها جامد.

مهيمن خديها بره هديها هتكلم مع الدكتور
نايا هزت راسها بالموافقه و طبطبت عليها و اخدتها و طلعت
مهيمن بص للدكتور: ممكن افهم فيه ايه؟
الدكتور باعتذار: بعتذر ل حضرتك كنت بفتكرها انها خايفه منها هي
مهيمن باستوعاب: بص انا و نايا مش اهلها القدر خلاها تبقى معانا هو قصد حضرتك ان مامتها بتهددها
الدكتور: احتمال امها و احتمال حد بيقعد معاها دايما.

مهيمن فضل حاجات كتير تيجى في باله لما امها و ابوها اتخانقو و هما بيقدمو البلاغ و لما قاله انها مابتتكلمش و طلعت بتتكلم و لما اتخانقو لما البنت رجعت و هما اللى مشو و سابوها: تمام يا دكتور شكرا ل حضرتك انا هاخد بالى منها
طلع متلخبط و قلبه واجعه ع توتا الطفله المسكينه اللي طلعت ع وش الدنيا مع ناس من غير قلب.

بص ع نايا قامت اخد منها توتا شالها و حط ايده التاني ع كتف نايا و نزلو العربيه فتح الباب ل نايا ركبت و اخدت توتا ع رجلها
و ركب مهيمن و اتحرك بالعربيه.

في الكافيه
فادى كان باين عليه انه عصبي جدا اول ما قعد رمى المفتاح ع التربيزه جاتله بنت جرسونه ميلت عليه: تشرب حاجه
فادي بعصبيه: عندك اي حاجه تهدي الاعصاب
البنت بضحكة مايصه: فيه بس بعد ساعه
فادى بصلها اووى و كلمات دانيه جت في دماغه انت خاين و حرك شفايفه حلو اووى خاين خاين( غمز للبنت ) نستنى الساعه.

في عربية مهيمن
و صل عند بيت نايا و وقف لقى نايا متحركتش بصلها و قال
نايا وصلنا (مكملش كلامه لقى الاتنين نايمين و وشهم مليان براءه بص اووي ع نايا و حط ايده ع خدها و حركها بشويش) قلبى احنا وصلنا (لقاها رايحه في النوم خالص فضل باصص عليها دقيقه و حرك العربيه و طلع ع الفيلا بتاعته ركن العربيه و نزل لسه بيشيل توتا صحيت)
توتا بنوم: احنا فين؟

مهيمن بصوت واطى: هشش وطي صوتك نايا هتصحى (و شالها ع كتفه و شال نايا ع ايده، طلع نيم نايا في اوضته و نزل توتا من ع كتفه و بصلها: انتى بقى هتنامى فين؟
توتا: مث عايزه انام، ايه رأيك نلعبو ثويه
مهيمن كان تعبان و نفسه ينام بس مرضيش يزعلها: يالا نلعبو في الجنينه ( شالها و نزلو الجنينه )
فيتو اول ما شافه فضل يهوهو
مهيمن حب يعرف توتا بتخاف ولا لاء قبل ما يفك فيتو: بتخافى من الكلاب
توتا بخوف صوتت: ايوه.

مهيمن شالها: اهدى يا حبيبتي ايه رأيك اعرفك ع فيتو صاحبى انا بحبه اووي و لعبه هيعجبك
توتا بخوف: لا ده وحث وحث يالا نمثي من هنا
مهيمن بهدوء: بصي هو مربوط مهما يحصل مش هيقدر يفك نفسه هنتعرف عليه لو عجبك نفكه لو مش حبيتيه نمشى بعيد عنه تمام
توتا هزت راسها ب اه و بطفوليه: بث اوعى يعضني
مهيمن بضحك: اطمنى مث بيعض اقصد مش شكلك معديه يا توتا
توتا بثقه: انا لدغه بث في الثين و الثين.

مهيمن بضحك: قصدك السين و الشين بس اهم شئ ثقتك في نفسك سيبك انتي
توتا: ايوووه هما الحرفين دول بث
مهيمن فضل يزغزغها: يا لمضه ( اخدها جنب فيتو و فضل يلعب معاه، فيتو كان فرحان و بيقف ع مهيمن و واحده واحده قرب توتا ل فيتو و بقت هي كمان فرحانه و اخيرا فكه و فضلو يلعبوو، توتا حبت فيتو و قربت منه اووى لوحدها و بقت تلعب معاه لحد ما النوم اخدها سندت ع شجره و نامت ).

مهيمن بيندهها مردتش عليه بصلها لقاها مغمضه عينها و راحت في النوم ابتسم ع طفولتها البريئه و شالها و نيمها في اوضه لوحدها و فتح ليها النور وطلع اتصل ع كرم طمنه ان نايا معاه و طلع اخد شاور و لبس شورت و نام جنب نايا قرب منها اووي و اخدها في حضنه نايا شمت ريحته ابتسمت و قربت منه اكتر و حضنته جامد مهيمن استغرب من حركتها و تنح لما لقاها بتمشى ايدها ع ضهرو و رفعت راسها باسته تنح اكتر و اكتر نزلت رسها في صدره و باسته بوسه رقيقه و نامت.

مهيمن مرضيش ينام و فضل صاحي يبص ع وشها و يملى عينه منها و يشبع من حضنها.

في بيت عمرو
كان سرحان في هدوئها و براءة وشها و عينها الحزينه و ردد اسمها بصوت مسموع: رنا و الله اسمها لايق جدا عليها اوعدك قريب اووى تتوهي في كيان عمرو الدالي.

في الكافيه
فادى روح مع البنت فندق و قرب منها اووي
الساعات جريت بسرعه و نور الشمس نور الدنيا
في اوضة مهيمن
نايا فتحت عينها مبتسمه و اتمايلت ع السرير و بتكلم نفسها: ياسلام ع ده حلم و بصت للسقف حست بحاجه ناشفه تحت راسها حركت راسها يمين و شمال لقت مهيمن قدامها و باصص عليها غمضت عينها و فتحتها بعدم تصديق و تقول اكيد بحلم صح و بصت في عينه.

مهيمن ابتسم و استعد ع مناقرتها و قرب من مناخيرها و حرك مناخيره ع مناخيرها: لا غلط
نايا بكسوف: قول و ربنا
مهيمن بضحك: وربنا
نايا قامت بسرعه: انت واحد قليل الادب انا ايه اللى جابنى هنا، انت ازاي تنام جنبى يا محترم انت
مهيمن بأبتسامه: اديكى قولتى محترم فيها ايه بقى لما انام جنب قلبى اللى هي مراتى
نايا بدموع: متقولش مراتك
مهيمن بص ع دموعها و قلبه وجعه و قرب منها يمسحلها دموعها: نايا انا جوزك.

نايا زقت ايده: لا مش جوزى
مهيمن بوجع: امال كتب الكتاب كان ايه
نايا بهدوء: الجواز بالنسبه ليا حاجه تانى خالص
مهيمن بتريقه: اكيد هتقولى فرح و فستان ورقصه سلو
نايا بصوت واطى و رقيق: لا يا مهيمن الفرح بالنسبالى راجل يكون واثق فيا و في قدراتى و يخاف عليا مش يمحي شخصيتي
مهيمن بعصبيه: انا مش بخاف عليكي
نايا: مهيمن بلاش نتكلم قي النقطه دي عشان اكيد انت فاكر خوفك عليا كان هيخليك تسيبني.

مهيمن بوجع: و ادينى رجعتلك برغم كل المخاوف عليكى من بكره، انتى فين بقى (و بصوت عالي و يمسك دراعها يهزها )
رودي عليا انتي فين؟
نايا بدموع: للاسف بسبب خوفك عليا ده لسه عايز تمحي شخصيتي و تقعدني جنبك
مهيمن بعصبيه: عشان شغلنا صعب افهمي بقى
نايا تمسح دموعها: طول ما الفكره دي في دماغك انا هبقى بعيد عنك
توتا صحيت ع صوتهم خبطت ع الباب و دخلت: بابا فيه ايه؟

مهيمن تجاهل توتا بص ع نايا و كان جواه بركان من الغضب: انا كده و هفضل اخاف عليكى بالطريقه دي ل اخر نفس في حياتي ( و سكت ثانيه و عينه دمعت و قلبه يتعصر من حبها وقال اللى شفته في حياتي مش شويه افهمي ( بصلها شاف في عينها قوه وجعت قلبه و قال و بحزن) براحتك يا نايا لو هتكملي في حياتك دي انا اللى هبعد خالص مش هقدر اتوجع اكتر من كده تقدري تشوفي حياتك بعيد عنى.

قال كل كلمته و هو زي البركان الذي يشتعل داخل بحر لا تقدر اي امواج أن تطفئ نار الا?م حبه، حبه الذي يضعفه دائما اتحرك خطوتن و بص ع توتا مردش عليها ميل عيها باسها و سابهم و نزل.

في الفندق
فادى فتح عينه بتعب لقه نفسه في مكان غريب قفل عينه و فتحها عشان يشوف كويس لقه بنت غير مراته جنبه، قام مره واحده قعد ع السرير
البنت بمياصه: ايه شكلي مش عجبتك
فادى قام بخضه اخد هدومه لبسها و طلع من جيبه فلوس سبهالها و نزل حزين.

عند نايا
توتا بصت ل نايا: ماما فيه ايه؟
نايا قعدت و حاولت تتمالك دموعها فتحت حضنها ل توتا
توتا جريت ع حضنها نايا شالتها و قعدتها ع رجلها.

مهيمن غير هدومه و نزل البسين مع الدولفين و حاول يهدى قلبه من نار عشقها مع ان الدنيا سقعه تلج.

عند فادي
راح ع البحر و فضل يكلم نفسه: اهو بقيت خاين يا دانيه استريحتي، ليه كل شويه بتتهميني شفتي مني ايه؟!
فضل قاعد في الشتا خايف من ربه و ندمان انه خان مراته.

في فيلا مهيمن
توتا بطفوليه و عدم فهم تمسح دمعه هربانه ع خد نايا: ماما ردى عليا بقى
نايا ماعندهاش اي كلام تقوله ف ماردتش
توتا: هو بابا زعلان منك
نايا هزت راسه و كأن الطفله الصغيره داست ع اوجاعها، دموعها نزلت ع خدها دفنت راسها في حضن الطفله البريئه
توتا بطفوله تحسس ع شعرها: ماما انتى عارفه انك غلطانه لازم تعتذرى و بكده بابا مث هيزعل منك.

نايا بصتلها توتا مسحتلها دموعها: انا فعلا غلطانه ولازم اعتذر ازاي نسيت انه عنده اسبابه في الخوف عليا، ازاي قسيت عليه كل ده بدل ما اكون في حضنه
توتا: روحى بثلعه بسرعه اعتذرى و بابا هيسامحك ع طول
نايا قامت و ميلت ع توتا: بصى يا صغنن انتي، انا هنزل تحت و انتى هتفضلى هنا
توتا: لا انا هنزل معاكى
نايا بمشاكسه: طب ليه الاحراج بس خليكى هنا عشان لو زعقلى ماأتحرجش اتفقنا.

توتا بطفوليه: ماثى ماثى ولو ثمعت حاجه هثد ودانى
نايا حضنتها و باستها: اه منك يا شقيه (سابتها و راحت عند الباب فتحته و بصت ع توتا و قالت ) ادعيلى انه يسامحنى
توتا ترفع ايدها ل سما: هفضل ادعى لحد ما تيجى
نايا رمتلها بوسه ونزلت بشويش تحضر كلام تصالح بيه مهيمن.

فادي تعب من المشي راح المركز.

عند مهيمن الفون رن طلع من البسين و قعد ع حرف البيسين و اخد الفون اول ما شاف الاسم فضل يبص حواليه بتوتر و لما اتأكد مافيش حد رد
البنت بدلع: وحشتننى و مقدرتش امنع نفسى اكلمك
مهيمن يحاول يخفى التوتر: و بعدين معاكى يا ديرو كام مره قولتلك انا اللى هكلمك
هدير بمياصه: من اخر مره في شرم مشوفتكش، وحشتنى اووى
مهيمن بهدوء: يا ديرو افهمى الشغل ممنوع فيه الفون.

في المركز
عمرو يدخل المكتب بيغني شاف فادى نايم ع الكنبه
عمرو راح عنده و بصوت ستات: اه ما هنا اللوكنده بتاعتك اخرك تنام يا تصحى تتخانق و تنكد عليا اه يا قاسى منك لله طلقنى طلقنى
فادى شال ايده من ع وشه و فتح عينه نص فتحه: هو انت! (و حط ايده تاني)
عمرو بهزار: ايه يا واد اللى منيمك كده قوم يا سبع الرجاله اسند طولك
فادى شال ايده تاني و بجديه: لو سمحت مش طالبه هزار دماغي وجعاني.

عمرو بهزار: تحب خدامتك تعملك قهوه يا سيدى
فادى قام بعصبيه: يوووه (و لسه هيطلع عمرو مسكه ) سوري كنت بهزر معاك معرفش انك متضايق بجد خلاص اقعد مش هتكلم
فادى قعد ع كرسي المكتب.

نايا نزلت الجنينه اتأكدت من عربيته انه موجود فضلت تدور عليه لحد ما لمحته قاعد ع حرف البسين سمعته بيتكلم فضلت تقرب بشويش.

مهيمن: انا مضحكتش عليكى و ياريت تقدرى
هدير بزعل و دموع: ماشى يا مهيمن انا هقفل و مش هتصل تانى لما ابقى اوحشك تبقى تحن عليا و افتكر انى مراتك و قفلت.

الفصل التالي
جميع الفصول
روايات الكاتب
روايات مشابهة