رواية معشوقتي المجنونة ج2 للكاتبة ابتسام محمود الصيري الفصل الحادي عشر
نايا طلعت من اوضتها بعد ربع ساعه وشها فيه ميك اب بسيط جدا بس راسم وشها و خلى فيه انوثه اكتر، لابسه فستان بنك كلاسيك و ل اول مره تلبس جزمه كلاسيك بيضه و شنطه سوري بيضه
مهيمن بصلها و قام راحلها بص في عينها لقى فيها ضحكه، مسكها من وسطها و رجع شعرها ل ورا: ايه القمر ده
نايا بحب: لازم اكون قمر عشان حبيبتك
توتا: ماما يا جامد (و فضلت تصقف)
نايا و مهيمن فضلو يضحكو
نايا: يا لمضه ما انتي جامده كمان.
توتا بطفوله: لا مث كده
نايا: هننزل نشترى ليكى هدوم و هخليكى اجمد من طنط ديرو نفسها
مهيمن ضحك بصوت
توتا بتسأل: مين طنط ديرو دي
نايا: تعالى لما اعرفك ع الحيزبونه ( و ندهت مامتها) ماميتو
هاله: ايوه يا نايا
نايا دخلتلها المطبخ: انتى مولوده في المطبخ ده اطلعي منه شويه
هاله بصتلها: ايه العسل ده، ياااا من زمان اووي ما شوفتكيش انسه اموره كده
نايا بهزار: مدام يا ماميتو الاوسطا بيزعل.
مهيمن حط ايده ع كتفها: و مش اي مدام دي مدام الاوسطا
نايا بصتله: يخليك ليا ياسطا
هاله باستغراب: ابخركم قبل ما تنزلو
نايا بصوت تخين و بهزار: ماتقلقيش يا كبيييره معايا التعويذه في جيبي الشمال
هاله: لا كده انا اطمن
مهيمن بهزار: و انا البس
توتا بفرحه: و انا اتفسح
نايا بحب و حضنتهم كلهم: و انا احبكم
كلهم ضحكو.
مهيمن بص في عين نايا لقاها فعلا انسانه جديده غير المجنونة و العنيدة و كلم نفسه يا ترى الشخصيه الجديده دي اسمها ايه يا نايا
ديرو اتصلت ع مهيمن رد و مدهاش اي فرصه تتكلم: انا نازل( و قفل)
ديرو اتغاظت: انا تقفل في وشي طيب ماشى انا يا انتي يا لوكل
نايا سلمت ع مامتها و نزلو و مهيمن كان شايل توتا
اول ما وصلو عند العربيه ديرو تنحت.
نايا بصتلها و قالت ل نفسها و الله ما هخليكى جنبه طول ما انا موجوده يا كائن السلطعون
نايا بصويت: يالهوى عرسه في العربيه يا مهيمن
ديرو نزلت تجري من العربيه من غير ولا كلمه
نايا قربت ع العربيه: لا دي طلعت خيال (و ضحكت و ركبت قدام جنب مهيمن)
مهيمن مسك ضحكته و فهم انها تقصدها، بص ل ديروو قال بجديه: اركبي ولا هتقفي في الشارع كتير
ديرو بغيظ: اه هركب
توتا مسكت وش مهيمن و خلته ليها: مين الموزه دي يا بابا.
مهيمن كلمها في ودنها: بس ل ماما تضربنا انا و انتي
توتا بشقاوه: تضربنا ليه! دي طنط ثلوخ
مهيمن ضحك: طيب بس بقى ل تنزلك و غير كده ماما بتاعتنا صاروخ ارض جو
توتا: لو فيها نزولها يبقى هي الثواليخ كلها طبعا ثامحني يارب
مهيمن ضحك بصوته كله: انتي يا لمضه بتجيبي الكلام ده منين يا ام 3 سنين
توتا بمشاكسه: و نص يا بابتي، بس مين دي؟
مهيمن كلمها في ودنها: دي مراتي و مش مراتي
توتا: مث فاهمه
مهيمن: بيقال انها مراتي.
توتا تصقف: يا بابا يا جامد
مهيمن ضحك بصوت عالي و باسها و دخلها العربيه جنب ديرو وربطلها الحزام
و ركب هو و ساق: تحبو ترحو فين
نايا: المول عشان توتة عايزه لبس و انا محتاجه حاجات
ديرو بتناكة: ع اي مطعم انا جعانه
توتا بمشاكسه: بابا سيبك منهم اطلع ع الملاهي
ديرو بقرف: مين البنت اللوكل دي؟
مهيمن وقف العربيه و بصلها بصه كلها حده: اللوكل دي تبقى بنت اللوكل انا عندك اعتراض أي اي لوكل في العربيه
ديرو بغيظ: لأ.
مهيمن بص قدامه: تمام (و اتحرك و قال ) هنروح المول الاول نشتري الهدوم و بعد كده هنطلع ع مطعم و بعد كده...
توتا بطفوليه تقاطعه: ايوه بقى يا بابتي الملاهي
مهيمن: هكحرتك يا قلب بابتك
ديرو اكتشفت مهيمن جديد غير الجد اللي دايما عاقل و مش بيهزر و كلامه ع قد السؤال و بس، لقته انسان تاني وهو بيتكلم مع نايا و توتا، لكن معاها او مع اي كائن تاني الشويش عطيه، فضلت تبصلهم و كانت متغاظه جدا.
في محل فساتين فرح
فريده مسكت فستان بإعجاب: ايه رأيك في الفستان ده
شادي قرب عليها: مادام عجبك يبقى نشتريه
فريده: لا قول رأيك
شادي بحب: انا بشوف اي حاجه عليكي بتهوس
فريده حضنته: انا بحبك اووي
شادي بإحراج: فافا احنا في الاتليه و الناس بتبص علينا
فريده بعدت شويه وايدها لسه ع رقبته: طول ما انا جنبك بنسى اي حد و مابفكرش غير فيك، انت ملكت عقلي و قلبي
شادي: بس لازم تاخدي بالك ان احنا في وسط ناس.
فريده بمشاكسه قربت من وشه و قالت بهمس: اللي غيران مننا يعمل زينا مع اني اشك حد يقدر يوصل للي احنا فيه
شادي حط ايده ع وسطها: فعلا احنا حب من نوع خاص امتى بقى نهرب مكان بعيد مايبقاش فيه حد غيرنا
فريده شالت ايدها من ع كتفه و بجديه: ع فكره انت سافل (و بصتله بحده هو اتخض من تغيرها المفاجأه )
فريده ضحكت بمشاكسه: بس بموت في سافلتك
شادي: اه منك يا مدوخاني.
عند بيت فادي
فادي قعد جنب دانيه ع السرير: بصي بقى من النهارده مفيش تعب خالص ماشي
دانيه: ماشي بس؟ ده كمان يطلع يجري لو تحب
فادي قرب منها: وحشاني
دانيه: و انت كمان
فادي قرب منها اكتر
دانيه بعدت وشها
فادي: مالك ابت فيه ايه قرفانه مني ليه
دانبه: سوري ريحتك بتقلبلي بطني
فادي فضل يشم في نفسه: والله رحتي كويسه، مالي فيه ايه؟
دانيه بقرف: سوري مش قادره ابعد شويه.
فادي بقلة حيله: ماشي و بعد شويه وبصلها، طيب لما احب ابوس اعمل ايه
دانيه ادته كذا بوسه في الهوا
فادي بغيظ: طيب تمام كفايه بقى بوس كده النهارده ل تتعبي يا عيوني.
في المول
مهيمن ينزل يفتح الباب ل توتا و يشبلها و نايا تنزل و ديرو
ديرو بدلع تروح تمسك ايد مهيمن: انا جعانه
نايا بتريقه: يا حرام طيب روحي اقعدي في المطعم عقبال ما نجيلك و كلي و شهيصي نفسك
ديرو بصتلها بقرف: كده احسن، يالا يا بيبي
نايا تمسك ايد مهيمن التانيه: روحي انا، لازم يروح يمرجح توتا عشان الوقت و انا هروح اشتري الهدوم ع ما اظن كل واحد فينا كبير مش محتاج يعتمد ع حد
ديرو بصت ل مهيمن.
مهيمن بجديه: نايا بتتكلم صح تعالي اوصلك المطعم اقعدي كلي
ديرو ربعت ايدها: بقى كده؟
نايا هزت راسها و غمزتلها: بالظبط كده
كلهم راحو وصلو ديرو المطعم و طلبلها اكل و اخد نايا و توتا و اتحرك
نايا مسكت ايده و بذكاء عشان تخلى مهيمن معاها و تقول بدلع: الله حلو اووى الفستان ده
مهيمن بص ع الفستان: بس قصير اووى
نايا بدلع: طيب اختار معايا حاجه مناسبه.
مهيمن فضل يختار معاها و اشترت هدوم كتير و اشتري كمان الفستان اللى عاجبها
نايا باستغراب: مش قلت قصير
مهيمن بحب: مادام نفسك فيه البسيه في البيت
نايا: بس ده غالى اووى ازاي البسه في البيت
مهيمن: مايغلاش عليكي يالا نشتري ل توتا كمان
توتا بزهق: يوووه بقى انا عايزه العب
مهيمن بصلها: يعنى ينفع نسيب ماما القمر دي تدخل المحل تشتري لوحدها
توتا بزهق: يووووه طيب يالا بقى بقى بثرعه.
نايا قرصة خدها بشويش: يالمضه دي هدومك انتى تحبي مانشتريش
توتا بتفكير: بث مافيث حاجه البثها
مهيمن: يبقى نشتري
و دخلو محلات كتير و توتا كانت فرحانه و بتجري في المحل و بتقيس الهدوم و كانت بتختار بنفسها
مهيمن بص ل نايا و مسك ايدها بحب نايا سحبت ايدها و قالت بحب: عقبال ما بنتك تدوخنا
مهيمن احترم رغبتها انها تبعد ايدها عنه و ابتسم: هي اكيد هدوخنا اكتر من كده ما هتبقى وراثه شقاوتك يا مجنونتي.
نايا بحب بصتله: مجنونتك مجنونتك بس حبيبتك و جوه قلبك (وبصوت مكسور) صح يا مهيمن
مهيمن بحب: انتي بتسألي و حط ايده ع وشها و شال خصله من شعرها كانت نزله ع عينها واره ودنها و قال بحب و بصة رومانسية: قلبى اتخلق عشان انتى تكوني فيه
نايا بتسأل: ليه؟
مهيمن بصلها كتير و سكت و بص ل توتا: ايه يا حياتى مش كفايه كده
توتا بفرحه و مسكه هدوم كتير: اه خلاث
مهيمن اخد الهدوم و راح حاسب و اخدهم الملاهي.
عند ديرو زهقت و اتغاظت اتصلت بمهيمن: لسه بدر؟
مهيمن بجديه: تعالى عند الالعاب
ديرو: ما انا روحتلك و ملقتكش
مهيمن بص ل نايا: توتا كانت عايزه تختار هدومها رحت معاها اكيد مش انا اللى هلعب
ديرو بغيظ و تكلم نفسها اه طبعا ما انت مش معقول تسيب اللوكل و قالتله: اووك انا جيالك و قفلو الفون
نايا كانت بتكتم ضحكتها ع تصرف مهيمن
ديرو وصلتلهم
بصتله بدلع: وحشتني.
مهيمن بلامبالاه و بيلعب مع توتا لعبة زوجي: و انتى كمان
نايا كانت واقفه بتشجع توتا تكسب و ديرو كانت بتبصلهم و متغاظه عدت من جنب نايا خبطتها
نايا بصتلها و ابتسمت: اكيد ما تقصديش صح
ديرو هزت راسها ب اه بقرف
نايا كلمت نفسها اهلا بيكي في ملعبي انتى اللى دخلتي ب رجلك
بعد شويه ديرو راحت ل مهيمن و بدلع: انا عايزه انام ولا امشي كمان لوحدي
مهيمن بصلها: طيب يالا نروح.
ديرو عملت نفسها رجلها بتوجعها عشان مهيمن يشيلها و قالت بدلع: ااه رجلي وجعاني اووى يا هيمو الشوز ضيق و رجلي مش قادره اقف عليها
نايا ببرود: الف سلامه عليكي يا قمر ثانيه اجيبلك كرسي المشلولين تقعدي عليه و قالت بصوت واطى كاتك شله تشلك
مهيمن كتم ضحكته: خليكي هنا هروح اشتريلك شوز مريح (و بص ل توتا ) يالا
توتا بزعل و تقلد ديرو: بيبي لسه شويه
مهيمن ابتسم: بطلي دلع يا لمضه انتى يالا
توتا: بيبي شلني.
مهيمن ضحك بصوته كله و قال في سره كلكم عليه ولا ايه
نايا خبطته ع كتفه: شيلها و لا هتسيبها تنام ع نفسها
مهيمن: طبعا هشيلها
ديرو: ورجلي يا هيمو همشي ازاي
نايا بتريقه: يا صغنن لسه مابتعرفيش تمشي
مهيمن: هروح اجبيلك شوز قلتلك
ديرو بضيق قامت: و ع ايه شكرا ما تتعبش نفسك و طلعت مشيت قدامهم.
عند نضال
ويزو بتاكل سندوتش: مافيش فستان داخل فيا انا حزينه
نضال بصلها: لا اوعي تحزني اضربي و فرفشي
ويزو: طيب اطلبلي اكل بقى بدل السندوتش ده عشان احاول انسى حزني بس ياريت يكون اكل دايت
نضال باستغراب و تريقه: انتي كده عايزه جاموسة دايت
ويزو ميلت عليه و ضحكة: ياريت
نضال: حرام عليكي كتفي هيتملخ
ويزو: حرام عليك ده اكلي كله بقى دايت عشانك
نضال: اه و انا بقول ليه بقيتي هفتانه كده.
عند مهيمن في البيت
مهيمن كان شايل توتا نايمه دخلها في اوضه
نايا راحت ل ديرو مسكت شعرها و مشيت بيه شدتها جامد
ديرو مشيت مع ايد نايا و بوجع: اه شعري
نايا ببرود: ايه ضاااه، هو طلع شعرك
ديرو بقرف: لوكل صحيح
نايا بصت في عينها: لوكل، انا لوكل ( مسكت شعرها كله و شدته)
مهيمن طلع نايا سابتها بسرعه
ديرو بدموع: مراتك اللوكل دي ضربتني.
نايا تمثا البرايئه: ليه الافترا ده يا مفتريه، حرام عليكي يا ظالمه ( وعملت نفسها بتعيط و دخلت حضن مهيمن و مدت شفايفها ل قدام تغيظ ديرو)
مهيمن: هو فيه ايه؟
محدش رد عليه
مهيمن بصلهم: تمام، ديرو طبعا عارفه اوضتك و انتى يا نايا اوضتك دي
ديرو بدلع: اعرف اوضتى اه، بس انت هتنام فين؟
نايا حضنته اكتر بس حضن خالي من اي مشاعر: معايا طبعا
مهيمن: ادخلو نامو دلوقتي و بكره نبقي نشوف.
نايا: تشوف ايه يا روحي انا اليوم يومي هتنام معايا و بكره هي
ديرو بغيظ: و مايبقاش يومي انا ليه
نايا تحط ايدها تحت دقن ديرو: كفايه عليكي الايام اللى فاتت يا سكر
ديرو بتفكير: اه عندك حق تصبحي ع، خير (و دخلت اوضتها)
مهيمن بصلها: هو انا كيس جوافه مثلا بتقسمو فيا
نايا سابته و بصتله: ابدا يا حياتي لو مش عايز تنام معايا انت حر روحلها
مهيمن: ادخلي انتي انا هنام هنا ع الكنبه.
نايا تمثل الزعل: هو وجودي هنا ضايقك انا اسفه لو لغبطتلك حياتك، بكره ان شاء الله هرجع بيت ماما تاني
مهيمن قرب ليها: انتى بتقولي ايه، بيتي هو بيتك
نايا تمسك قميصه: يبقى تعالى نام معايا
مهيمن اخد نفس و طبعا مش قادر يرفض العرض اللى بيستنى من زمان: ماشى يا نايا (و كلم نفسه) انتي الوحيده اللى بتاخديني ل دنيا غير الدنيا يارب صبرني.
دخلو الاوضه ومهيمن دخل اخد شاور ينسى بيه اليوم كله فضل ربع ساعه و طلع لابس شورت و نايا لبست بادي و شورت و كانت نايمه ع الكنبه الل في الاوضه
مهيمن باستغراب: نايمه هنا ليه!
نايا بحزن: معلش كده هبقى مرتاحه اكتر نام براحتك ع السرير
مهيمن قرب ليها و قعد وشه بقى قريب من وشها: نايا انا عايزك تتأكدي قلبي مافيهوش غيرك
نايا بوجع: بلاش كلام مالهوش لزوم قوم نام يا مهيمن.
مهيمن برقه: تعالي في حضني ولسه بيقرب ع شفايفها بعدت
نايا زقته: قليل الادب
مهيمن ابتسم و يلعبو لعبتهم و قال بثقه: بس جوزك
نايا بتحدي: بس مش بموافقتي
مهيمن قرب منها: بس بتحبيني
نايا بضحك: ده في خيالك
مهيمن بثقه: و انتي اللى رسمتي خيالي
نايا بحده: مهيمن انت عايز ايه؟
مهيمن برومانسيه: تنامي في حضني جنب قلبي عشان خاطري
نايا بحده: روح نام يا مهيمن
مهيمن: والله هفضل قاعد في الارض كده لحد ما تحني عليا.
نايا اخدت نفس وبصت الناحيه التانيه
مهيمن: هو انا باخد رأيك ليه اصلا و قام و شالها و لسه بيحطها ع السرير
باب الاوضه خبط جامد: الحقني الحقني يا مهيمن
مهيمن حط نايا ع السرير بسرعه و فتح: فيه ايه مالك؟
ديرو بدلع و عياط: هيمو الصرصار مشي علي رجلي كده و بترفع اللانجيري
مهيمن يبص ع رجلها و يبص ع نايا اللى عينها عليهم و قلل بحزم: و جه من فين الصرصار
ديرو: اصل نسيت اقفل الشباك.
نايا نامت ع بطنها و رفعت رجلها في الهوا و فضلت تبصلهم: يا محني كل ده من صرصار
مهيمن مسك ايد ديرو: تعالي ماتخفيش
ديرو بدلع: لا يا هيمو انا خايفه منه اووى
نايا بغيظ: امال لو بيطير كان حصلك ايه يا سكر
ديرو بصتلها: يا مامي ممكن ارمي نفسي من الشباك
مهيمن بص ل نايا: هروح اشوف الصرصار و اجيلك
نايا: ع اقل من مهلك حياتي
مهيمن اخد ديرو و راح اوضتها: فين الصرصار؟
ديرو تقفل الباب: اكيد مستخبي.
مهيمن: طيب نامي اهو مافيش حاجه
ديرو بعياط: اوعى تسيبني يا هيمو انا بخاف اووى انام لوحدى و كمان في صرصار في الاوضه، بليز نام معايا
مهيمن يحاول يسيطر ع اعصابه: قولتلك مافيش حاجه
ديرو حضنته: عشان خاطري بليز انا خايفه اووي
مهيمن بقلت حيله قعد ع السرير: اتفضلي نامي
ديرو باسته و طلعت ع السرير نامت في حضنه.
في اوضه نايا
نايا بغيظ: اه يا بنت اللذينه كل ده من صرصار الهي يطلعلك تعبان من تحت السرير يحضنك جامد و يفضل يعصرك عصر لحد ما يخلص عليكي، ايه ده انا هفضل اندب كده لاااا لازم اعمل حاجه مسكت الفون اتصل ع عمرو
عمرو باستغراب: نايا! دي عايزه ايه دلوقتي قفل التلفزيون اللى كان بيتفرج عليه و رد عليها: خير يا نايا
نايا بجديه: عمرو اتصل ع مهيمن و خليه ينزل المركز حالا في طوارئ
عمرو: ماتتصلي بيه.
نايا بزعل: اصل انا زعلانه منه و متقولش انا اللى قولتلك عشان مايخدش باله اني زعلانه اتفقنا سلام
عمرو: تمام و قفل الفون
يكلم نفسه: حاسس بشئ غريب، اتصل و امري الى الله و اتصل ع مهيمن
مهيمن اخد الفون بسرعه قبل ما ديرو تصحى: ايوه يا عمرو
عمرو: معلش بتصل بيك في وقت متأخر بس في طوارئ في المركز ولازم تكون هناك
مهيمن: تمام و قفل الفون و قام
ديرو بصت عليه: رايح فين؟
مهيمن: حاولي تنامي ماتخافيش انا لازم انزل المركز
ديرو قامت بسرعه من ع السرير: انت هتسيبني لوحدي هنا
مهيمن: و ليه لوحدك نايا معاكي
ديرو لوت بقها: و ملقتش غير دي اللى تقعد معايا وديني عند بابا
مهيمن بهدوء: انسي انك تروحي ل باباكي و انا في الشغل البيت مفيهوش اشباح بيت عادى والله
ديرو بنرفزه: و من امتى بابي لأ.
مهيمن: من ساعة ماروحتي اشتكيتيني ليه يا ديرو، تروحي زياره ع عيني و راسي انما تروحي تبقي مقيمه هناك لأ
و دخل اوضة اللبس غير و نزل.
نايا اول ما نزل وقفت تتنطط ع السرير و تضحك هو انا هسكتلها انا و انتى و الملعب صغير يا دراديرو.