قصص و روايات - قصص رومانسية :

رواية معشوقتي المجنونة ج2 للكاتبة ابتسام محمود الصيري الفصل الأول

رواية معشوقتي المجنونة ج2 للكاتبة ابتسام محمود الصيري الفصل الأول

رواية معشوقتي المجنونة ج2 للكاتبة ابتسام محمود الصيري الفصل الأول

بعد شهر
في اوضة نايا الساعه سته الصبح، واقفه قدام المراية تسرح شعرها و تظبط هدومها اللى تكشف اكتر ما تستر.

هاله تدخل عليها اوضتها و تمثل الاستغراب: نايا ممكن اعرف انتى رايحه فين بدري كده؟ و بالمنظر ده! ده غير انك يعتبر لسه تعبانه.
تبص ل مامتها في المرايه: يا ماميتو اديكي قولتى يعتبر مش اكيد، انا ادرى بحالي
هاله بضيق: بردو رايحه المركز الزفت ده، مش بتحرمي
نايا بلامبالاه: بالظبط كده، اللوا شايف انى انفع المكان و محتاج مساعدتي ده غير هو اللى طلبني بنفسه، مرحش ليه!

هاله بعصبيه: هتفضلى تجنى مهيمن معاكى لحد امته؟
تقوم من عند التسريحه وهي بتعرج و تروح تقعدع السرير: لحد ما يقتنع و يعرف مين نايا الدمراني
هاله حاولت تهدى نفسها و تكلمها بحب ( لعل و عسى تقتنع ): يابنتى مهيمن بيحبك و بيخاف عليكى.

قالت بصوت موجوع و عينها مليانه دموع: يخاف عليا! عشان بيخاف عليا يبعد عنى عشان بيخاف عليا جاب سكينه تلمه و دخلها في قلبي لما رحتله فيلته و قلتله انا بحبك و محتاجاك معايا، عشان بيخاف عليا لما اتخطفت اول ما الشرطه وصلت و استلمو ابو عدنان، اقوله وحشتنى و احضنه يتجاهلنى و يبعدنى عنه و يمسك ايدي و يرمينى في العربيه زي كيس الزباله.

الدموع ملت وشها فضلت تعيط بهستريه و بصوت عالى اللى بتقولى عليه انه بيخاف عليا ده سابنى اتعذب و اتفنن في وجع قلبي و جرحه ليا و ذلني
بصى يا ماما هو كان عارف و واثق اد ايه انا مجروحه منه و ما قربش حتى خطوه غير لما حس انى هضيع منه و هبقى لغيره
ولا عشان ماكنتش ببين جرحه ليا و وجع قلبي تبقى انتى كمان تضغطى عليا ارجعله؟ انتى مش حاسه باللى في قلبى و اترمت ع السرير و خبت وشها في المخده.

هاله تقعد جنبها و تاخدها في حضنها و عينها تدمع: و الله كنت حاسه و عارفه انك مش عايزه توجعى قلبي عليكى من قبل حتى متقولي ليا الحقيقه كلها.

نايا حاسة بصوت مامتها موجوع و فيه دموع رفعت راسها من حضنها بشويش مسحت دموعها و دموع مامتها و ندمت ع كلامها اللى قالته و تقول بهزار: ماميتو مش عيزاكى تزعلى منى انا اسفه بس هو جرحنى اوى (و تضحك و تغمز ل مامتها ) انا بحبه ع فكرن، بس لازم ادوقه نار البعد زي ما شربهالي، ماميتو انا مش عيزاكى تقلقى عليا عشان فعلا انا مبسوطه جدا و انا شايفه مهيمن بيقرب منى بس لسه مش دي الطريقه اللى تسعدنى كلياً و حضنتها.

هاله ضحكت: طيب عشان خاطرى انا براحه عليه عشان انا الوحيده اللى اعرف نايا العنيده اللى بتحب التحدي و بتتحدى حتى لو هتخسر حياتها، بس لازم تكمل التحدي عشان محدش يذلها، و اعرفى هو عمل فيكى ايه بسبب عنادك قبل كده و كويس انها جت ع قد خلع دراع و كدمات في ضهرك.

نايا بهيام: ادعيلى يا ماميتو اقدر اكمل ده الواد بيهبلنى لما يبص في عيني بيدوووخني اه صحيح ده مسألش عليا طول الشهر، حتى مريم و ماما حنان مايعرفوش هو فين و تحط ايدها ع كتف مامتها ياما نفسى اعرف غطس فين؟

الباب عند نايا يخبط كرم يقوم يفتح
كرم: اهلا يا غالى كنت مختفي فين
مهيمن بجديه: معلش المشاغل البت القرده جوه
كرم بضحك: اكيد نايا
مهيمن: هي فيه غيرها قرده ع سطح الارض
كرم بضحك: والله عندك حق الاسم عجبنى جدا قرده ادخل يا ابو نسب (و ينادى من بره ) نايا مهيمن جه بره عايزك.

نايا تفوق من توهانها: مهيمن! لسه فاكر امال كان فين من شهر؟ و اشمعنى دلوقتى اللى ظهر، ده من ساعة اخر مره و اللى عملو فيا ماشفتهوش و تبص ل مامتها و تشاور بصابعها اوعى يا ماميتو كنتى تكوني عارفه مكانه و تكونى انتى اللى قولتيله انى نازله الشغل النهارده
هاله تمثل البراءه: و الله ابدا ده انا قلت ل حنان امبارح ع اللى حصل من شهر عشان تكلمه و تقوله كده ماينفعش.

نايا تحاول تكتم غيظها: اها باااس، ماشي يا ماميتو كل اصدقائك خانوك يا ريتشارد سوف اتقدم الى الامام لوحدى ابعدى عنى حتى اذهب له
( تحاول تسيطر ع مشاعرها و ع قلبها اللى نفسه يطلع عشان ياخده بالحضن و ترسم الثقه و القوه و تفتح الباب و تطلع من الاوضه
هاله تنفجر ضحك
نايا ترجع الاوضه جري بضحك هستيري: بس يا ماميتو خلينى اعرف امثل و اظبطه ع الصبح متضحكنيش ( تسرح و تقول بدلع مع انه وحشنى اووى).

هاله بهزار: امشي يا بارده ده حبيب قلبي خلى بالك، و انتى اصلا من امته بتعرفى تتكلمى كلمتين جد
نايا تكشر: ماميتو حاسه منك بغدر و ترفع كم البليزر اللى لابساه و تروح ل مامتها و تركبها الهوا اوعي يا لوزه تكونى قلتى ع التحد...
قاطعها صوت فتح باب الاوضه بعنف.

نايا مشاعر كتير حاستها اولهم ترمى نفسها في حضنه و تقوله انا من غيرك ولا حاجه انت ليه سبتني الشهر ده كله لكن تقف تعدل نفسها بسرعه و تبص عليه اووي و تحاول تطلع الكلام من شفايفها و تقول بحده: انت يا كابتن ازاي تدخل اوضتى كده، ايه مافيش ذوق عندك خالص، و مالك محلو ع حلاوتك
(قالت اخر جمله بغيظ).

مهيمن بجديه: و انتى يا ست المهمه بقالى نص ساعه بره ملطوع، حضرتك بتعملى ايه ده كله؟ و انا طول عمرى محلو (و غمزلها).

نايا بجديه: اولا هي ربع ساعه بس، ثانيا مافيش ما بنا معاد عشان تزعل انى اتأخرت او لا، ثالثا وقف مسحات العربيه دي ( تعض شفايفها و تقول ل نفسها يا خربيت مزازتك الواد منور ع الصبح شكله ساحب نور من العمومي)
مهيمن بصلها اووى و رفع حاجبه
نايا تركز و تكمل بحده: و رابعا انت ازاي مهما اتأخر تدخل اوضتى.

مهيمن يحاول يسيطر ع اعصابه و يفتكر كلامه مع مامته انه هيحاول يستحمل عنادها قصاده، فضل يحاول يركز انه جاي يصالحها بعد اللى حصل منه اخر مره يقفل ايده جامد و يقول: ماما هاله بعد اذنك سيكا بره
هاله بخوف ع نايا و تعمل نفسها مش فاهمه و كأن الكلام مش ليها: مهيمن بجديه: ماما انا بكلمك
هاله تدعي الغباء: اصل مافهمتش حاجه يابنى هي مين سيكا اللى بره
مهيمن بهدوء: ماما لو سمحتى عايز نايا لوحدها.

نايا تقول بسرعه وخوف من عصبيته: انت جرى ايه في نفوخك ازاي يعنى لوحدى
مهيمن شاور ع الدبله اللى في ايده الشمال و رفع صابعه ع شفايفه انها تسكت و شاور ل هاله تطلع بره
هاله بقلة حيله: طيب لو عزتو حاجه انا صاحيه
مهيمن بحب: منحرمش منك يا ست الكل
هاله تتحرك نايا تمسك هدوم هاله من غير تفكير عشان اللى حصل اخر مره يخليها تفكر ميت مره تقعد معاه لوحدها
هاله تزق ايدها: والله بتجيبيه لنفسك اوعي عدينى و تطلع.

مهيمن يروح يقفل الباب
نايا راحت اخر الاوضه تمثل القوه
مهيمن يقعد ع الفوتيه و يرجع ضهرو ل الاخر و يشاور ع رجله تعالى اقعدى هنا
نايا بخوف و بصوت مرتعش: عايز ايه؟
مهيمن بابتسامه تبين وسامته و ميل ضهرو شويه و ضم ايده الاتنين ع بعض: ما احنا بنخاف اهو
نايا ترسم القوه و تربع ايدها و ترفع حاجبها: مين دي اللى بتخاف! اتفضل حضرتك قول عايز ايه؟
مهيمن بصلها و قام راح لحد عندها سحبها من ايدها عليه حضنها بأشتياق.

نايا اول ما دخلت في حضنه كأنها اتبنجت و اعصابها سابت حطت راسها ع صدره و ايدها حضنته اووى
مهيمن بحب و صوت عاشق: وحشتينى و (بعدها بشويش و بص في عينها ) هو ده اللى عايز اقوله
نايا فاقت ع صوته و ايده اللى بتلمس وشها تحاول بأرتباك تفك ايده
مهيمن: مش هتقدرى، و بطلى حركه عشان دراعك مايحصلهوش حاجه تانى
نايا تبصله: والله خايف ع دراعي كان مخك فين لما عملت فيا كده.

مهيمن بهدوء: انا ماكنتش في وعيي انتى استفزتينى جدا و انا بفتكر انك محصلكيش حاجه جامده لسه عارف من امي امبارح (و يبصلها ب اعجاب ) المهم ايه الحلاوه اللى ع الصبح دي
نايا تفرح لكن تحاول تخبي: متغيرش الموضوع، لسه فاكر تسأل عليا من شهر! كل الوقت ده كنت فين يا مهيمن؟

مهيمن عارف انه لو كذب هتعرف من عينه من صوته دي متدربه كويس اووى ازاي تكشف اي حد بيكذب بس ع مين هو كمان متدرب كويس اووى انه يكذب و يوصل للقدامه انه هو الصادق: كنت بستجم من عمايلك و امي كلمتنى امبارح بس و قالتلى انك تعبانه
نايا ببرود: اها، و ما قلتلكش اني كنت و دلوقتى بقيت كويسه و كمان رايحه الشغل.

مهيمن يبعدها اكتر و بعدم فهم انها تقصد مركز القوات الخاصه: اه قالتلى، ( يبص ع هدومها و يقول بعصبيه ) انتى هتنزلى كده
نايا ببرود تهز راسها ب اه
مهيمن يمثل الهدوء: وانتى ما شفتيش شكلك عامل ازاي
نايا كانت لابسه بلوزه راسمه جسمها و مفتوحه من عند الصدر و بليزر و جيبه قماش ضيقه جدا تحت الركبه
مهيمن اخدها عند المرايه و مشى ايده ع جسمها: شغل ايه اللى بالمنظر ده
نايا زقته بكسوف: انت قليل الادب.

مهيمن بثقه: بس جوزك
نايا بتحدي: بس مش بموافقتى
مهيمن قرب منها: بس بتحبينى
نايا بضحك: ده في خيالك
مهيمن بأبتسامه: و انتى اللى رسمتى خيالى
نايا بحده: مهيمن انت عايز ايه
مهيمن بحب: اولا سيبك من جاي او عايز ايه خلينا في الارف ده انتى مكسوفه من بصتى ليكى و انا جوزك امال هتنزلى كده ازاي و كل الشارع هيبص عليكي
نايا ببرود: انا حره
مهيمن يحاول السيطره ع اعصابه و طلع علبه من جيبه فتحها و كان فيها دبله و محبس الماظ.

نايا قلبها دق من كتر الفرحه بس حاولت تبين عكس ما ف قلبها: مايلزمنيش. قول ثانيا ولا مافيش ثانيا شكلك من الناس اللى بتبتدي كلامهم ب اولا و يكتشفو ان مافيش ثانيا ( تربع ايدها و تبتسم).

ابتدا مهيمن يقرب منها بحب و هيام مسك ايدها غصب عنها يلبسها الدبله بصلها بحب و باس ايدها و يقول بحده: ماقبلش مراتى تنزل الشارع من غير دبله يا كتكوته و ثانيا بقى اللى هتموتى و تعرفيها (حط ايده ورا رقبتها سحب راسها عليه وقرب من شفايفها و باسها بوسه رومانسيه تاهت فيها و بعدها عنه كانت مش مركزه و دايخه ).

كمل كلامه بحده: و ثالثا لو نزلتى كده هقطع رجلك فاهمه هقطعها، و لو قلعتى الدبله هقطع ايدك ( حط ايده ع دراعها السليم و هزها جامد تمام)
نايا لسه مش قادره تتمالك اعاصبها غمضت عنيها ثوانى اتملكت اعصابها و قوتها المصطنعه و زقت ايده من عليها: و انت لو قربتلى تانى هخليك تنسى نفسك ( حطت ايدها ع خده و ضربته بشويش ) ماشي يا أمور
مهيمن مسك ايدها جامد بس مش بكل قوته و ابتسم: ما انا نسيت مين انا و بقيت واحد تانى.

نايا تشد ايدها: الزم حدودك الا ايدك توحشك
مهيمن: اتكلمى ع قدك ( يقرب منها و يغمزلها ) يا قلب قلبي ( يبوس شفايفها بسرعه ويبعد ) هستنى اوصلك الشغل ده طبعا بعد ما تغيرى الهدوم الجامده دي (و يبص جامد عليها و يصفر)
نايا باحراج تحط ايدها ع صدرها: عينك لاعورك.

مهيمن بضحك: سبحان الله مكسوفه من عينى و مش هتتكسفى من عين امة لا اله الا الله ادخلى غيرى يا قلبي ده موضوع مافيهوش عناد عشان لو نزلتى كده هزعلك و اندمك انك شفتينى اصلا
نايا بفرحه جواها انه بيغير عليها وتتصنع البرود: اصلا؟
مهيمن بابتسامه تسحرها: اصلا
نايا تحاول تسيطر ع مشاعرها بس ماقدرتش تخفي ابتسامتها: تمام اتفضل امشى و انا ان شاء الله هنزل بالهدوم اللى تليق ب نقيب نايا الدمرانى.

مهيمن بصدمه و يقول بعصبيه: انتى هتروحى المركز تانى؟
نايا بكل ثقه و تبعد عنه شويه تهز راسها انها هتروح
مهيمن هيتجنن و بان عليه الغيظ و العصبيه: انتى مابتحرميش؟

نايا: انت هتمثل و تعمل نفسك ماتعرفش مهيمن بجديه: انا فعلا معرفش و بفتكرك رايحه المعمل (يحط ايده ع وشه يهدى نفسه ل ثوانى و يمسح وشه جامد و يقول بصوت هادي ) نايا انتى بتعصبينى و تخلينى اعمل حاجات ممكن تموتك و ترجعى تزعلى، نايا مافيش مرواح هناك تانى انتى ( يسكت ثوانى ) يا قلب قلبي مابتحرميش
نايا بجديه: نو اتفضل يا كابتن ع شغلك و انا وراك ع طول
مهيمن حاول يتمالك اعصابه و: ماشي يا نايا هنروح مع بعض.

نايا ببرود: ميرسي اتفضل حضرتك
مهيمن رفع ايده نايا جريت اخر الاوضه نزل ايده ع ازاز التسريحه اتكسر ميت حته
نايا تمثل العياط و تحط ايدها ع وشها: تسرحتي
هاله بره تضرب كرم ع كتفه: مابقولك يا بارد من بدري ادخل شوف اختك
كرم بهدوء: و انا مالى واحده وجوزها انا ايه دخلى في المشاكل الاسريه
مهيمن طلع و عينه كلها غيظ و وشه باين عليه العصبيه
هاله بقلق: استنى افطر يابنى
مهيمن: شكرا يا ماما هاله بنتك فطرتنى ( ونزل).

هاله بدون وعي: فطرتك! طيب ازاي و هي معندهاش اكل جوه
كرم بهسترية ضحك: اكيد يقصد فطرته نكدها ع الصبح
هاله بزعل ع حالهم: لا حول ولا قوه الا بالله ربنا يهديكى يا بنتى و قامت دخلتلها لقتها واقفه عند المرايه
نايا اول ما شافت مامتها قامت جريت عليها بطفوله و بصوت طفولى: بصى يا ماميتو مهيمن جابلى ايه
هاله بفرحه: الله حلو اووى امال ماله طالع زي القطر و زعلان
نايا تضرب وشها بشويش: احيه ممكن اكون عصبته.

هاله بتمثل السعاده: لا ابدا يا حبيبتى اوعي تقولى كده (و بصوت عالى ) انتى هتشلى امه يا نصيبه
نايا ضحكت كتير، بس بعشق اهلو نفر نفر
هاله: امشي يا نايا رفعتيلى الضغط
نايا تقلع الدبله من ايدها و تديها ل مامتها: ماميتو شيلى الدبله و المحبس دول و ربنا يستر ومايقطعش ايدى بجد
هاله بخضه: هو قالك هيقطعها لو قلعتيهم
نايا: اممم
هاله بنرفزه: وقلعتيهم! انتى بارده و مستفزه يا بت و المهم خايفه.

نايا بثقه: لا واثقه في روحى، مهما يعمل فيا بيخاف عليا (و دخلت غيرت هدومها ).

عند بيت فادى
فادى صحى و دخل التواليت اخد شور و طلع لبس تيشرت و بنطلون كتان و كان شيك جدا
دانيه تفتح عنيها بكسل و تركز عينها عليه تقوم بسرعه من ع السرير
دانيه ترفع صبعها: انت رايح فين ع الصبح
فادي يحضنها و يبوسها: هروح الشغل يا عيونى
دانيه بزعل: شغل ايه اللى بعد شهر من جوازنا
فادى: كويس يا عيونى انى عرفت اخد شهر بحاله
دانيه بعصبيه: و من امته بتروح الشغل متشيك كده.

فادي يبص ل نفسه و مرضيش يزعلها ع الصبح و يقول بهدوء: عشان بقيت جوز داندونتى لازم اتعلم منها الشياكه
دانيه بعصبيه: انت بتتريق عليا
فادى بنفاذ صبر: لا حول ولا قوه الا بالله لا ابدا يا عيونى ممكن امشي عندى شغل اللوا بنفسه اتصل بيا
دانيه بزعل: ماشى يا فادى اتفضل
فادى باسها: لو عايزه ماروحش مش هروح
دانيه: انت شايفنى طفله قدامك.

فادى ياخد نفس و يطلعه بشويش و يحاول يتملك اعصابه: انتى طفلتى فعلا و دلوعتى و كل طلباتك اوامر يا عيونى
دانيه حضنته و بصوت مضايق: ماتتأخرش عليا
فادى: حاضر يا ضي عيونى ( باسها و نزل
اول ما ينزل دانيه تتصل ع نايا )
نايا بهزار: يا بت نفسى احس انك عروسه و متكلمنيش كل شويه فيه ايه يا ماما شوفى جوزك و اشغلى نفسك بيه شويه
دانيه بزعل: نزل بيقول رايح الشغل.

نايا: و ايه كمية الغيظ اللى في الكلامك، اهدى شويه ده راح الشغل
دانيه بعياط: انا حاسه ان فادى بيخونى
نايا: دانيه انتى بتقولى ايه؟ اهدي كده شويه فادى بيحبك و مش من النوع اللى بيعرف بنات
دانيه بزهق: مش عارفه مالى بقالى اسبوع متضايقه و مخنوقه اووى
نايا: دانيه يا روحى انتى بقالك شهر و ايام بس متجوزه فيه ايه ل ده كله
دانيه بضيق: مش عارفه يا نايا سلام.

نايا: يا بت خدى (تشيل الفون من ع ودنها و تبص فيه ) قفلت المجنونة ( طلعت من اوضتها ع تحت ع طول،
مهيمن كان واقف تحت البيت عشان يشوفها هتنزل لابسه ايه لانه مش هيسمح ان حد يشوف مراته كده و اول ما شافها لابسه بنطلون واسع شويه و بلوزه مقفوله و عليها بليزر واسع ارتاح و اتحرك بالعربيه و قرب منها و هدى العربيه جنبها
وقال بمعاكسه: تحبي اوصلك يا قمر
نايا تجاهلته و ركبت الاسكوتر.

مهيمن ربنا يهديكى يا قلب قلبي و اتحرك
فونه رن
مهيمن فتح وقال بجديه: اهلا يا برنس
عزمي بصوت خشن قوي: صدقت يا مهيمن، كده بقى نشتغل ع تقيل
مهيمن بجدية: ما انا قولتلك كلمتي واحده و معنديش اي استعداد اخسر حاجه
عزمى: تبقى تعدي عليا تاخد اتعابك
مهيمن: تمام هجيلك سلام
وصل مهيمن و نايا في نفس الوقت الشغل.

نايا نازله بكل ثقه تقلع الخوذه و شعرها معمول كحكه و تلبس النضاره و تدخل بكل ثقه يقابلها مهيمن يمشي جنبها ب هيبه
فادي شافهم: يارب عدى اليوم ده ع خير ماحرمتش من اخر مره المجنونة دي جايه تنيل ايه تانى
دخلت نايا مكتبها و دخل مهيمن مكتبه
نايا اول ما دخلت قفلت الباب بسرعه و فضلت تضحك و تتنطط
عمرو بصلها باستغراب: اسم الله عليكى يا نايا
نايا بضحك: حد قالك تعبانه ولا داخله ماسكه دماغى.

عمرو: اهدى عليا شويه انا مش قدك
فادى يدخل: يا بت انتى مابتحرميش
نايا بضحك: هجنه هو لسه شاف حاجه
فادى: اقسم بالله مش ناويه تعديها ع خير غير وانتى في مستشفى و مافيش حته فيكى سليمه
نايا بثقه: مين ده اللى يقدر يمد ايده عليا
فادى يضحك و يبص ل عمرو: الحق دي نسيت اللى حصل من شهر ليها هنا في نفس المكان
عمرو: ابعدنى عنها متدخلنيش معاها في حاجه دي مجنونة
نايا راحتله و مسكت هدومه: مين دي اللى مجنونه ياض.

فادى: اهدى شويه يا عم البنزين و النار انتى ما بتصدقى تمسكى في حد
نايا بصوت طفولى و حركات طفوليه: ببقى مبسوطه اووووى
نضال يدخل بنرفزه: ابو الشغل ع اللى عايزه ما كنت مرتاح منك شهر
نايا تضحك: بردو مكدرك
(مهيمن بيطلع زهقه و خنقته في نضال عشان هو السبب تكون نايا في المكان ده )
نضال بضيق: ما كله بسببك، الله يهدك يا مهيمن.

نايا تروح تمسكه من هدومه و تهزه جامد: الله يهدك انت يا بعيد اوعى تدعى عليه تانى حتى لو في سرك هسمعك
نضال يمثل الخوف: خلاص يا حاجه ربنا يسلطك عليه كمان و كمان وسعى هدومى
يدخل عسكرى: فيه اجتماع اللوا عايزكم
فادى يروح يبعد نايا عن نضال و يبص للعسكرى: ماشي هنروح حالا
نضال: ايوه كده ستات ماتجيش الا ب...
نايا ترجعله: الا ب ايه؟
فادي يمسكها
نايا: سيبنى يا فادى مش هعمله حاجه هفهمه غلطه بس.

نضال يطلع يجرى: اوعى تسيبها يا فادى دي مجنونة
عمرو يضحك و يقوم
نايا تبص ل عمرو: ايه عجبتك
عمرو: يا بنتى حد كلمك
نايا بمشاكسه: بتضحك يبقى شكلها عجبتك
عمرو: لا اله الا الله، انتى ايه؟
نايا بثقه: انا نايا و خلقت ل ادمر كل شئ لا يعجبنى
عمرو: طيب طيري بقى دمرى بعيد عنى
فادى مسك ايدها و شدها: و الله خايف الدور يجى عليا مالقيش حد يلحقنى
نايا: لا اطمن الدور عليك بعد الاجتماع
فادى ينثل الخوف: يارب سلم.

نايا: بتكلم جد عشان دي صحبيتى لا دي اختي ها اختي
فادى بيعمل نفسه مش فاهم: انتى تقصدى ايه
نايا بضحكه صفره و تضربه ع صدره: هتعرف يا سكر بعد الاجتماع، بقولك ماتعرفش مهيمن كان مختفى فين الشهر ده و راجع مورد و زي القمر
فادى بضحك: حصل للحريم ايه النهارده دانيه تقولى الصبح مالك متشيك و انتى تقولى راجع مورد هو حد قالكم احنا كنا معفنين
نايا: تموت في اللك سبحان الله، اخلص تعرف كان فين؟

فادى بضحك هستيرى و يتريق عليها: ده انا بعشقه مش بموت فيه و دخل الاجتماع
نايا تقف ع باب الاجتماع: خد هنا ماشى يا فادى ما انا لازم اعرف كان فين البرنس الشهر ده كله و اللى غايظنى راجع منور جاته الارف في حلاوته.

تدخل الاجتماع و كان حاضر الاجتماع
اللوا يحيي، مهيمن، نايا، فادي، عمرو، نضال
اللوا يحيي بجديه: فيه شبكه كبيره بتخطف الاطفال و بيتاجرو فيهم
نايا: احنا لازم نعمل اعلانات سيادتك ان الاهل يحافظو ع اطفالهم اكتر من كده
نضال بهزار: لا احنا نخوف العيال و نرسم بعبع كبير ع كل باب و بكده الاطفال هتخاف و عمرهم ما هيطلعو
نايا بضحك: احنا ممكن بردو نعمل مسجل صوتي بيقول...

مهيمن بعصبيه: والله ده اجتماع مش قاعدين بنهزر يا مدام مهيمن
نايا بصتله بصة توعد: و احنا هنا في القوات الخاصة اسمي نقيب نايا مش مدام حد
مهيمن بغيظ: ماشي يا سيادة النقيب
اللوا: بس كلام نايا صح احنا فعلا ممكن نعمل اعلانات توعيه
نايا بصتله بصت انتصار و ابتسمت، مهيمن اتغاظ اكتروقال بحده: سيادتك الاهل مش محتاجين حد يقولهم خلو بالكم من عيالكم (و يشاور ع نايا ) و انتى اقفلى بقك شويه.

نايا بحده: والله انا هنا زيى زيك بالظبط
مهيمن بحده: ايه اللي انتي بتقوليه ده يا سيادة النقيب! انا مقدم شكلك لسه متعرفيش حاجة عن الرتب
نايا: انا اقصد ظباط زي بعض، و خلينا في موضوعنا
مهيمن بيقصد مضايقتها: تمام يا مدام مهيمن، و بعد ما هنزل توعيه كده الاهالى هيقولو احنا مش قادرين نسيطر ع المجرمين دول و بكده احنا مش هيبقى لينا اي ستين لازمه
نايا تبصله: اتكلم ع نفسك.

مهيمن يقوم يزق الكرسي برجله و يمسكها من دراعها: انتى تقصدى ايه؟!
فادي يحاول يهدى الجو: يا جماعه صلو ع النبي و يبعد مهيمن عن نايا اقعد يا كابتن
نضال بهزار: الله يحرق المجرمين و يحرق ال بيوت اللى جنب بيوتهم اللي مش بيبلغو عنهم فيه ايه يا جماعه ماكنش شوية حراميه عيال يعملو فيكم كل ده
اللوا بجديه: ممكن بقى نهدا شويه و نركز و يا مهيمن مش هينفع كل ما نايا تتكلم تقف و تعترض اتفضل اقعد.

مهيمن قعد: سيادتك هي اخرها تروح تعمل اعلانات جيلي كولا دي مش ازازه ولا اي اعلان شكولاته هتبقى لايقه عليها
نايا ببرود: والله فكره عشان ازحلقك بيها الشكولاته دي و اعملك تمثال في باب شرق و تكون عبره ل اي راجل يفكر يقف قصاد ست
مهيمن واقف و خبط ايده ع المكتب
نايا اتخضت و رجعت ورا
مهيمن ابتسم: اتخضيتى يا مدام
نايا باحراج: لا بس نمله طرفت عينى
مهيمن يقرب منها: نمله
نضال بهزار: ليه كانت نمله ملكه و عندها جناحات.

اللوا بعصبيه يقوم يقف: الاجتماع انتهى و بكره ان شاء الله لو مش هتسيطرو ع اعصبكم و خفت دمكم انا هرفدكم كلكم و قام ساب الاجتماع و مشي
مهيمن بحده: يالا كله بره الاجتماع انتهى
كله قام طلع ونايا بخوف تطلع تجري مهيمن يقفل الباب بسرعه
مهيمن: رايحه فين يا مدام
نايا بتحاول تتغلب ع خوفها: قلت اسمى النقيب نايا
مهيمن: بس انتى فعلا مدام
نايا: ده ع الورق و بس.

مهيمن بهزار: ازاي! انتى شكلك عندك زهايمر، يا مدام انتى شرعى و رسمى و ع الورق و ع كل حاجه و يغمز بوقاحه
نايا باحراج: احترم نفسك و وقف مساحات العربيه بتاعتك دي قولتلك الف مره
مهيمن يحاوط وسطها: يا قلب قلبي مش ناويه تبطلى جنان و تعقلى ( قالها و هوبيقرب منها اووى)
نايا بتوتر و ضعف: س سبني
مهيمن قرب من وشها نايا غمضت استسلام و افتكرت انه هيبوسها.

مهيمن خلف توقعاتها و قرب عند ودنها: اسيبك! انا لو اقدر ادخلك جوايه كنت دخلتك و خفيتك عن العالم كله
نايا تفوق و تزقه و وشها يحمر من الاحراج: انت انانى و هتفضل طول عمرك انانى
مهيمن بضحك: نفسى اعرف بتكابرى ليه
نايا: اعمل حسابك لو قربتلى تانى هزعلك
مهيمن قربلها بسرعه و خلى نايا تتوتر و مسك ايدها ورا ضهرها ب ايد و ب ايده التانيه قرب وشها اللى بتحاول تبعده ليه و باسها بوسة عنيفه (و قال )تبقى زعلينى بقى.

نايا بعصبيه و وشها احمر من كتر الغيظ و الكسوف: ماشي يا مهيمن وربنا ل هندمك
مهيمن يقعد ع الكرسي و يرفع رجله ع ترابيزة الاجتماع: اتكلمى ع قدك يا شاطره
نايا تخرج من الاوضه و تروح مكتبها
نايا تكلم نفسها: يا خربيتك بتخلينى انسى التحدي في ثانيه و اتوه معاك بس انا لازم اكون اقوى من كده و تدخل المكتب و تفضل سرحانه و المكتب كله في حالة صمت.

عند فريده
فريده تقوم من النوم و تدخل بكسل المطبخ: مامتى صباح الخير
: صباح الخير
فريده تفتح عنيها كويس و تركز في الصوت: دانيه ( جريت عليها حضنتها ) بتعملى ايه هنا يا مجنونة و فين جوزك
دانيه مسكت خياره اكلت حته منها: راح الشغل و انا بخاف اقعد لوحدى
فريده بضحك: بتخافى الكلام ده مش عليا لسه بتحورى بالكلمه دي انسيها ياما ال بتخافي ال
دانيه: طبعا لسه بتلكك بيها هو اللى في طبع يعرف يغيره.

سوسن تدخل: يالا يابنات الفطار
طلعو (بعد ما فطرو مع بعض)
فريده بتتصل ب شادى مش بيرد و كانت متضايقه جدا و مش بتهزر زي العاده قامت: مامتى ورايا مشور هنزل عايزه حاجه منى
سوسن: ال يعنى لو قلت عايزه هتقولي حاضر مثلا
فريده بضحكه مصطنعه: انا بقول بس بعمل اللي عليا و دخلت اوضتها
دانيه دخلت وراها الاوضه: مالك يا فريده؟ مش طبعك يعنى الهدوء ال انتى فيه ده و وشك باين عليه انك زعلانه.

فريده تحضنها و تعيط: دانيه بقلق: في ايه يا فريده
فريده بعيط: شادى بقاله يومين تليفونه مقفول و بتصل ع عمو بيرد و لما اسأله ع شادى يتهرب و يقول ورايا كذا حاجه و يقولي هكلم تاني و يقفل الفون
دانيه: اكيد هو كويس ممكن بس تليفونه فيه حاجه
فريده: و تهرب عمرو من سؤالى
دانيه بقلق بس تحاول تهدى اختها: اهدى يا فافا هو بخير ان شاء الله
فريده تمسح دموعها: ان شاء الله و تنزل تروح الكليه.

في القوات الخاصه
فادى يتكلم و يقطع الصمت: نايا مش ناويه تهدى انتى و مهيمن شويه
نايا: اهدى هو انا لسه عملت فيه حاجه
فادى: حرام عليكى يا مفتريه
نايا: سيبك منى دندونه عامله ايه
فادى: مطلعه عينى والله و مافيش ثقه خالص كل ما انزل انت متشيك ليه محسسانى انى كنت عربجى و اتشيكت فجأه
نايا بضحك: والله انا لو مش اعرفك كويس و بروح معاك معظم الاماكن كنت شكيت فيك من كلامها دي بتألف سيناريو و حوار و انت البطل.

فادى بهزار: و هي كمان المخرج، والله يانايا تعبت بقالنا شهر متجوزين و بتشك شك رهيب
نايا بهزار: يابنى دي بتغير عليك
فادى بجديه: لا يا نايا ده شك مش غيره هي ماشفتش واحده معايا عشان تغير
نايا بتفهم: عندك حق انا هحاول اتكلم معاها
فادى: و انتى اهدى شويه مهيمن سايبه بيطلع نار من كل حته حاولى تتجنبيه خالص دلوقتى احسن يتهور اكتر المره دي و يرقدك شهر تانى.

نايا تحط ايدها ع ضهرها و تفتكر بتعب: بالله عليك متفكرنى ده طلع اجن منى ابن المجانين و امشي من وشى الوجع مسك جسمى كله
و تدخل بنت زي القمر و لبسها كله اسود في اسود من اول طرحتها ل الشوز
البنت برقه: ده مكتب نضال
نايا: اه بس هو مش موجود دلوقتى
عمرو اول ما عينه جت في عنيها خطفته و غرق جوه عنيها العسلي، و ده احساس طبيعي عند عمرو اي بنت تعجبه بيحس ب نفس الاحساس
البنت برقه: شكرا.

نايا: ممكن اساعدك في اي حاجه لو تحبى
البنت: ميرسي ها كلمه بعد اذنكم
عمرو بص ل نايا: مين طبق القشطه ديه الاسود منورها كأنها لوحه مرسومه
نايا: اهدى ع نفسك يا عم كازانوفا احنا في الشغل مش في المقطم
عمرو قام: هشش، هروح اشوف مين البنت دي
نايا: يارب تقع ع بوزك و نترحم من رمرمتك
فادى يقوم: انا هروح تعالى اوصلك في طريقى
نايا: تشكر هبص ع شوية حاجات
كلهم طلعو من المكتب و تفضل نايا لوحدها.

عند بيت مهيمن
حنان: مريم و بعدين معاكى اهدى شويه و بطلى توتر وترتينى معاكى
مريم تاكل في ضوافرها و تعيط: مش قادره خايفه اووى
تقوم من جنبها و تدخل الاوضه تتصل ع كرم
: الو يا كرم عامل ايه
كرم: الحمدلله يا ست الكل انتى عامله ايه
حنان: الحمدلله في نعمه
كرم: بتصل ع فراشتى مابتردش ليه
حنان: ما انا بتصل بيك عشانها بالله عليك تعالى شوفها متوتره و وترتنى معاها
كرم: ماتقلقيش انا هجيلها
حنان باحراج: معلش تاعبينك.

كرم: انتى بتقولى ايه يا ماما انا كلى تحت امرك
حنان بحب: منتحرمش منك يا حبيبي.

في القوات
نايا تخلص شغل و تسرح في مهيمن و تفتكر اللى عمله فيها من شهر
فلاش باك...
من شهر في مركز قوات الخاصه
مهيمن يدخل بكل هيبه يفتح باب مكتب الشباب يلاقي نايا
مهيمن بأبتسامه: كنت واثق انك هترجعى
نايا بضحك: انا هنا زيي زيك و قاعده ع مكتبي
مهيمن بصدمه: انتى بتقولى ايه
نايا ببرود التلج: انا بشتغل هنا
مهيمن بعصبيه: استحاله ع جثتى
نايا تضحك.

مهيمن راح عندها: انتى مجنونه و انا هعقلك نايا طلعت تجري و فضل يجري وراها ويطلعو ع المكاتب لحد ما مسكها من ايدها بعنف و قال بحده: اقسم بالله يا نايا ما هسيبك النهارده و قفل الباب بالمفتاح
نايا بوجع: اهدى بس و قول هديت
مهيمن بعصبيه: اهدى يا نايا لما انتى تبطلى جنان اهلك و تروحى ع الفيلا و تبطلى شغل عند
نايا تبصله: و انا عاقله يا مهيمن و مش هسمح حد يغلط فيا و اطلع بره عايزه اشوف شغلى.

مهيمن وصل ل اعلى درجات العصبيه
مهيمن يمسكها من ايدها جامد: نايا لمى الدور و امشى
نايا بعند: لا احنا هنا زي بعض محدش ليه كلمه ع التانى
مهيمن بيهزها جامد: يا نايا امشى احسنلك
نايا بعند و بحده: قلت لأ و سيب ايدى
مهيمن الغضب عمى عينه: و انا بقى هربيكى و هعرفك كلامى ازاي يتسمع بعد كده ( شالها و راح عند الشباك و نزل جسمها كله): اقسم بالله لو ما بطلتى عند هرميكى من هنا.

نايا تبص تحتها تبلع ريقها و تقول بعند اكبر: و انا عايزاك ترمينى احسن ما اعيش معاك
مهيمن انصدم من كلامها و تنح!

الفصل التالي
جميع الفصول
روايات الكاتب
روايات مشابهة