رواية معشوقتي المجنونة الجزء الأول للكاتبة ابتسام محمود الصيري الفصل الخامس والعشرون
فادي مسكها: نايا يا نايا ردي عليا
عمرو طلع يجري: كابتن مهيمن البنت اللي فالحجز بتنزف جامد من كتفها
مهيمن بوجع في قلبه: اوووبا انا نسيت ازاي اجيبلها دكتور و اتصل ب دكتور.
عند كرم
بيحاول يتصل ع نايا مش بترد يتصل ع مهيمن مش بيرد اتصل ع مريم
كرم بصوت حزين: مريم مهيمن عندك
مريم بتمثيل الزعل: ايه ده مافيش حتى ازيك
كرم بتوتر: حبيبتي معلش انا متوتر و قلقان ع اختي اووي و بحاول اتصل عليها مش بترد و لا حتى مهيمن بيرد
مريم: ابيه اكيد في الشغل، و اطمن ع نايا هي تلاقيها عندها تجربة و مشغولة فيها
كرم: انتي مش فاهمة حاجة نايا فخطر ممكن اعدي عليكي اخدك معايا مشوار.
مريم بعدم فهم و قلق: خطر ايه؟
كرم: هفهمك لما اجيلك
مريم: هقول ل ماما ثواني
كرم: شوفيها عقبال ما اجيلك و قفل الفون
مريم باستغراب و تكلم نفسها: هو ايه ده بقوله لسه هسأل ماما يقولي هجيلك هو ماله النهارده
حنان: بتكلمي نفسك ليه يا مريوم
مريم: كرم غريب خالص النهاردة و بيتكلم بسرعة غير الطبيعي بتاعه و بيسأل ع نايا و بعد كده قالي عايزك معايا في مشوار و قفل قبل ما اسألك حتى انزل ولا لأ.
حنان بوجع في قلبها: خير ان شاء الله يا رب استر و ميكونش حد خطف.
مريم تقاطعها: ماما اسكتي اوعي تكمليها ده ابيه ممكن يموت فيها حتى لو حصلها حاجة انا مش هسمح ان ابيه يعرف ده بيحبها اووي و ممكن فعلا يموت اول ما يسمع الخبر ده
حنان تدوخ و تحط ايدها ع راسها: يا رب سلم، يارب استر يا رب، جيب العواقب سليمة يارب، انت اللطيف بينا يارب
مريم قعدت في الارض و فضلت تعيط.
في القوات الخاصة
وصل الدكتور و دخلها لقاها فاقت و بتصوت: دي عايزة حقنة مهدئة
عمرو و فادي مسكوها و الدكتور اداها الحقنة و كشف ع جرحها و خيطه
الدكتور بعمليه: الرصاصة مش موجودة و الجرح كان متنضف كويس اكيد كابتن مهيمن اللي نضف الجرح
فادي: فعلا
الدكتور: هي عايزة دم حالا في اسرع وقت
فادي: انا و عمرو موجدين
الدكتور: هحلل فصيلتها و هاخد منكم دم حالا
عمرو: احنا تحت امرك.
فادي: انا هروح معاه ياخد مني دم و لو مش نفس الفصيلة هتروح انت، خليك جنبها اوعى تسيبها، احسن كابتن مهيمن يتهور عليها
عمرو: هفضل معاها ماتقلقش
راح الدكتور يحلل الفصيلة و فادي راح معاه و عمرو فضل معاها.
عند مريم
كرم وصل ليهم و خبط جامد مريم اتخضت و فضلت تصوت امها قامت حضنتها اهدي يا حبيبتي ده الباب ماتقلقيش
كرم سمع صوتها و هي بتصوت اتجنن اكتر
حنان بصويت: يارب الطف بينا يارب و تسيب مريم و تجري ع الباب بخوف تقول: مين
كرم بصوت عالى: انا كرم
حنان فتحت بسرعه
كرم بهستيريه: مالها مريم و جري عليها حضنها، حبيبتي اهدي انا كرم
مريم تبص في عينه و تهدى بشويش لحد ما بطلت صويت.
كرم حضنها جامد: اهدي يا قلبي اهدي و اطمني انا جنبك
مريم بخوف: هي نايا اتخطفت
كرم: لا مفتكرش بس عندها مشكلة تانية
مريم تبتسم: الحمدلله ( طبعا و جود كرم في حياتها و ان هي تشوفه دلوقتي خلاها تسيطر ع ازمتها و تهدا خالص و كمان تسمع بيقول ايه ) (فعلا الحب يصنع المعجزات)
كرم بهزار و فرح انها قدرت تتغلب ع ازمتها و مخلتش الازمة تسيطر عليها: انا بقول عندها مشكلة.
مريم برقه: اهم شي متكونش مخطوفة اي مشكلة تانية تتحل
كرم: ربنا يستر، طيب يالا
حنان بقلق: يالا فين مافيش نزول غير لما تحكيلي كل حاجة
كرم قعد: انا مش هعرف احكيلك بالظبط بس اللي اقدر اقوله اختي عملت نفسها راجل و دخلت القوات الخاصة و مهيمن عرف
حنان شهقت و خبطت ايدها ع صدرها: يالهوي، عملت كده ازاي؟ اختك دي مجنونة
مريم تغمز مامتها: احم ماما
كرم بضيق: طنط عندها حق هي مجنونة و ستين مجنونة.
حنان بوجع في قلبها ع حظ ابنها و ع نايا اللي هتتبهدل: ليه بس عملت كده؟ ده مهيمن مش بيحب الكدب و مفتكرش هيسامحها، ربنا يستر و ميحولهاش للتحقيق ده جد جدا في شغله
كرم: انا مش عارف اقول ايه بس انا غلطان اني مامنعتهاش من ساعة ما عرفت
مريم: يا ماما طيب اطمني و راحت ل كرم و طبطبت ع كتفه: خير ان شاء الله يا حبيبي يالا ننزل و اكيد هيكون في المركز
نزلو و حنان فضلت تعيط ع وجع قلب ابنها اللي بينزف دلوقتي.
في القوات الخاصة
مهيمن كان في مكتبه قلقان جدا ع نايا و فضل يكلم نفسه: العقل: انت قلقان ليه عليها خلاص انساها
القلب: مش هقدر انساها ده انا مدقتش غير ليها
العقل: اذا كان نسيت مراتك اللي ادبحت قدامك و حبيت مش هتنسى اللى كدبت عليك و اشتغلتك و خلتك هزؤ قدام الناس
القلب: اطمن عليها حتى من بعيد و فعلا نزل الحجز لقاها نايمة و عمرو جنبها اتضايق جدا و غار عليها
مهيمن بعصبية: انت كمان كنت تعرف.
عمرو: لا مكنتش اعرف و لسه عارف حالا بس البنت دي محدش شاف منها حاجة وحشة ابدا و كانت جدعة مع الكل، البنت دي عمرها ما تكون جاسوسة، ده ربنا بيسامح احنا مش هنسامح
مهيمن: احنا في مكان الغلطة بفورة و البلد كلها تقع، عشان كده اول حاجة علمتهالكم تنسى مشاعرك بره المكان ده
عمرو بتوسل: يعني حضرتك لما تنزل من هنا مشاعرك هترجعلك و تحس انها بتحبك
مهيمن بضيق: لو سمحت ممكن منتكلمش في خصوصيات.
عمرو: اسف ل حضرتك و لخصوصياتك، حضرتك تؤمرني بأي حاجة دلوقتي
مهيمن بغرور و تكبر: لا ( و مشي و وقف و من غير ما يبص وراه ) هي عاملة ايه دلوقتي
عمرو: نزفت دم كتير و عايزة دم
مهيمن بقلق و حب و ينسى غروره و يبص ليا: هو فين الدكتور دي عندها انيميا حادة، لازم دم في اسرع وقت، و هي نزفت كل ده ليه
عمرو: الدكتور في المعمل اللي فوق في المركز
مهيمن طلع يجري لقي الدكتور جاي عليه
الدكتور: البنت اللي تحت...
مهيمن قاطعه بحب: عارف، انا فصيلة دمي زي فيصلة دمها
الدكتور بعمليه: لازم تتحول مستشفى حالتها كده هتبقى خطيرة
مهيمن بخوف عليها: انقلها الاول الدم و نشوف المستشفى بعدين
فادي ابتسم ليه ان قلبه لسه بيدقلها
مهيمن بصله و اول ما شاف ابتسامة فادي اتضايق منه و من نفسه و قال ل نفسه ليه بنسى قراراتي قدامها و بص ل فادي: متفتكرش اني هرجعلها انا افضل الموت ولا اكون مع واحدة كدابة و بتضحك ع عقول الناس ببراعة.
فادي: ليه يا كابتن بتقول كده دي و الله بتحبك بجد
مهيمن بص للدكتور: اتفضل يا دكتور و طلعو.
عند نضال
سارة بفرحه تحضن ابنها: يا الف حمدلله ع السلامة
نضال: الله يسلمك ياما
سارة: اتفضلو اتفضلو
نضال: دي ويزو و دي رنا و دي مدام رانيا مامتهم و طبعا عارفة فوزى بيه
سارة بوش بشوش و ترحيب: يا مية فرصة سعيدة اتفضلو
نضال بحب: و دي امي (و باس ايدها)
سارة طبطبت عليه و دخلو كلهم.
في المعمل
الدكتور بيحاول ياخد دم من مهيمن: كابتن مهيمن سيب اعصابك شويه دي رابع حقنة تتكسر في ايدك ممكن لو حضرتك تعبان اشوف فادي بيه
مهيمن: لا، انا هحاول اهدا
و فضل يرخي اعصابه، اخد منه الدم و راح ل نايا علقلها الدم.
عند نضال
سارة كانت محضرة الغدا بط و حمام و فراخ و محشي و ملوخية و كل ما لذ و طاب و تقول و الابتسامه متفرقش وشها: الاكل جاهز اتفضلو
الكل قام
رنا تحط ايدها ع بقها: مامي انا مش هقدر اكل هطلع اقعد في وسط الزرع بره
رانيا: حبيبتي لازم تاكلي انتي من الصبح ع عصير بس
رنا: مش هقدر و الله
سارة: معنديش الكلام ده هنا الاكل يتحط الكل لازم ياكل حتى لو شبعانة هتاكلي
رنا: طنط سوري و الله.
سارة تقاطعها و تمسك ايدها و تقعدها ع الارض قدام الطبلية: افتحي بقك و شيلي ايدك دي اللي حطاها من ساعة ما دخلتي ع بقك
نضال: خلاص ياما سيبيها البت مش حملك
ساره: بقولك ايه اسكت انت خالص ملكش دعوة و تبص ل رنا افتحي بقك
رنا بكسوف تشيل ايدها من ع بقها و تفتح و تاكل منها
ساره ماعملتش اي رياكشن لما شافت سنانها متكسرة و فضلت تأكلها
رانيا: هتفضلي تأكليها و انتي ماتكليش.
ساره بحب: انا هشبع لما احس انها شبعت ها متفكريش انك انتي اللي هتقولي شبعت انا اللي هاحس
نضال: ياما الرحمة ع بالبونية
ساره: اسكت انت شكلك غيران
نضال: انا اغير
ساره: كل و انت ساكت طيب
ويزو بضحك: قصف جبه
نضال: يا جبهتي اللي راحت اسكت احسن
رنا كانت مبسوطة اووي في الجو ده مع انها طول عمرها متكبرة ما بتكلمش اي حد ع قده بس اتعلمت مع مدحت اللي اهلها مقدروش يعلموهلها و بقت بسيطة جدا و بتحب اي حد حنين مش بالمظاهر.
و فضلو ياكلو لحد ما شبعو و شالت ساره الاكل و رنا و ويزو و رانيا ساعدوها و طلعو قعدو في الجنينة
نضال: البنت اللي كانت عاملة نفسها انا دي صعبانة عليا اووي
ويزو: اكيد دي وراها مصيبة
نضال: لا شكلها طيب جدا و حسيت انه فيه علاقة مع الكابتن قائد الفريق
فوزي بحزن: و صعبت عليا جدا و شكل الكابتن ده بيحبها كان واضح اووي
ويزو: انت جايبني هنا عشان تحكيلب ع غراميات القائد و والمنتحلة، انا عايزة العب و اجري.
نضال: يا بنتي انتي متجريش انتي ممكن تدحرجي تتدألجي لكن تجري ديه مش لايقة
ويزو: بجد، و لما اتدحرج عليك ابططك دلوقتي تقول يا ريت اللي جرا ما كان
نضال يمثل الخوف: لا خلاص ع ايه الطيب احسن دا انا لسه طالع من حادثة اسكوتر هادخل ف قطر؟ امي لسه ملحقتش تفرح بيا حرام عليكي، اقولك حاجة تعالي نلعب جمباز
نضال نط في الهوا عمل باك دايف ف واحدة باكس
راحت ويزو نطت لفوق و نزلت فاتحة برجل.
نضال اتصدم من رشاقتها و خفة حركتها
و فضلو يهزرو و يلعبو كلهم و احمد و فوزي قعدين يتكلمو.
في القوات الخاصة
مهيمن بعد تفكير راح للوا بتعطف: لو سمحت ممكن الانسة اللى تحت تروح المستشفى
اللوا بحده: لا يا مهيمن البنت دي لازم تدفع تمن غلطتها و انا معرفش وراها مين
مهيمن: والله ما وراها حد، و هي هتدفع بس مش ع حساب حياتها و صحتها
اللوا بحده: مهيمن لو سمحت عشان مخسركش انت كمان اتفضل
مهيمن بخوف عليها: بس قعدتها في الحجز و هي تعبانة ممكن تموت.
اللوا بحده: ما تموت، ومن امتى عندنا عواطف في الشغل يا كابتن
مهيمن يسكت ثانية و يفتكر نايا و هي نضال لما قال هنا مفيش عواطف و هي ردت و قالت يالهوووز طيب في حنان او امال
مهيمن قام و مسك دموعه: بعد اذن سيادتك
و ماشي و راح مكتبه اول ما دخل لقي كرم و مريم
مهيمن خاف ع اخته و اخدها في حضنه و حس ان كرم ممكن يعمل فيها حاجة عشان اخته: انت جايب اختي هنا ليه؟ انت عايز منها ايه!
كرم بهدوء: في ايه يا مهيمن اختك دي خطيبتي
مهيمن بهسترية و صوت عالي: مش هسمح لاي حد يإذي اختى تاني
كرم بهدوء و ادرك موقف مهيمن: مهيمن اهدا، مريم دي حبيبتي انا عمري ما هأذيها
مهيمن بعصبيه: امال جايبها ليه عشان لو ما اخدتش اختك تإذي اختي، يبقى انت ما تعرفش مين مهيمن و ممكن اقدر اعمل ايه في اي حد يقرب ل اختي ده انا انسفك هنا.
كرم اتخض ع اخته و مكنش متصور انه ممكن يحصلها حاجة كبيرة بس كلام مهيمن دلوقتي بيأكد انها في ورطة: هي اختي مالها بالله عليك طمني عليها انت من ساعة ما كلمتني قلقتني عليها و انا جبت مريم معايا عشان هي اللي تعرف المكان و المكتب بتاعك
مريم حست ب اخوها: ابيه انا اول مره اشوفك كده فيه ايه.
مههمن بيحاول يهدا بس ماسك اخته جامد (اكيد بعد اللي حصل ل اخته و مراته بقى عنده حالة نفسية انه لما يكون عنده مشكلة مع اي خصم يخاف ع حريم بيته)
كرم اخد باله انه عنده توتر نفسي و قال بهدوء: مهيمن اختك معاك انا مش هقرب ليها ( و بعد خالص)، طمني ع نايا
مهيمن بحده: اختك عملت نفسها راجل و اتكشفت و محبوسة تحت
كرم اتخض عليها: محبوسة! طيب هي عاملة ايه و هيحصلها ايه، طمني عليها.
مهيمن: روح عند اي حد من اللي بره و اطمن عليها
مريم بهدوء: بدل ما حضرتك تطمنه تبعته للعساكر، ابيه سيب ايدي انا مش هينفع اسيب كرم في الحالة دي
مهيمن بعصبية: انا مش هسيبك مش هسيبك انتي فاهمة
كرم بصلها: خليكي معاه لحد ما يهدا و هبقى ارجع اطمن عليكي
مريم: يا كرم استنى
كرم قرب منها: اخوكي اعصابه تعبانة اسكتي الا الموضوع يتطور ولا احصل اختي ولا نلحق اخوكي
مريم هزت راسها و استسلمت ل مهيمن وقعدت جنبه.
مهيمن اول ما كرم طلع قعد و كان ماسك ايدها جامد، ايدها وجعتها بس قعدت جنبه و دخلت في حضنه و فضلت تطبطب عليه
كرم اول ما طلع سأل ع اخته و العسكري وصله ل فادي
كرم: لو سمحت ممكن اعرف نايا عاملة ايه
فادي: هي كويسة بس ممنوع حد غريب ينزل تحت و ماتقلقش عليها كلنا جنبها
كرم بتوسل: بالله عليك انزل بس اطمن عليها بنفسي
فادى: و الله ما ينفعش حد ينزل الحجز و اي جديد هقولك ع طول
كرم: ممكن اكلمها حتى لو في التلفون.
فادي: للاسف مافيش شبكة تحت و هي نايمه حاليا
كرم باستغراب و قلق: ازاي تنام و هي في الوضع ده، حضرتك قلقتني اكتر
فادى: والله هي كويسة بس اخدة حقنة مهدئة
كرم: انا دكتور بتقولي اخدة حقنة مهدئة و عايزني اقتنع انها كويسة
فادي: لو سمحت ممكن حضرتك تهدا و نايا اختنا كلنا مش اختك لوحدك ف ياريت تتأكد انها معانا في امان و سيبلي رقم حضرتك و اي جديد هتصل بيك
كرم بقلت حيلة كتبله رقمه: بالله عليك خلي بالك منها.
فادي: ما تقلقش دي اختي ربنا يعلم
كرم: متشكر
و سابه و راح مكتب مهيمن و وشه حزين يخبط
مريم: ادخل
كرم فتح بحزن: مريم انا همشي دلوقتي اتصرف في محامي و خليكي انتي مع اخوكي عشان يطمن عليكي
مريم: حاضر
ونزل كرم.
عند نايا
فاقت و حست بوجع في جسمها كله: ااااه
عمرو: حمدا لله ع سلامتك
نايا: الله يسلمك، هو مهيمن فين؟
فادي يدخل عند نايا وعمرو
نايا: مهيمن فين؟
فادى: انسي يا نايا
نايا بحزن: هو سهل اني انسى حبيبي انسى نفسي روحي
فادي: بالله عليكي اهدي باقي ساعتين و النهار يطلع نامي شوية
نايا بدموع: مش هقدر انام و انا عارفة قلب حبيبي مجروح مني.
فادي حب يحسسها انه ولا هو هنا عشان تكره و تنسى: ع فكرة مهيمن روح و زمانه نايم و انتي ولا في دماغه انسي انتي كمان
فادي بدل ما يهديها وجع قلبها اكتر
نايا بدموع: هو نيسيني خلاص مابقتش افرق معاه
فادي بضيق: لا حول ولا قوة الا بالله، انا بقولك كده اهديكي والله، هو فوق و مرضيش يروح
نايا فضلت تعيط و تندم ع تهورها.
مهيمن اخد اخته روحها و كان باين عليه انه متدمر
مريم فضلت طول الطريق في حضنه و تطبطب عليه مهيمن كان ماسك دموعه لحد ما وصلها و طلعها السلم و استنى لحد ما فتحت الباب و لسه هينزل مامته نادته
حنان بصوت كله دموع و قهر و حزن: مهيمن
مهيمن لف ضهره ليها بحزن: امي معلش مش قادر اتكلم خالص.
حنان اول ما سمعت صوته قلبها ارتعش من الحزن اللى فيه: مهيمن انا بس عيزاك لو تقدر تساعد نايا ساعدها انا عمري ما شفت واحدة بتحب راجل زي حب نايا ليك ولا عمري شوفتك حزين زي دلوقتى
مهيمن دموعه نزلت و نزل يجري ع السلم
حنان قلبها كان بينزف من وجعها عليه
راح المركز و فضل زي المجنون بيتحرك في كل المكتب
و ع الساعة تمانية
كرم كان جه و معاه محامي
مهيمن دخل للوا بحده: ممكن اعرف هيحصلها ايه دلوقتي.
اللوا بجديه: هتتحول للمحاكمة العسكرية
مهيمن برجاء: لو قولتلك عشان خاطري طلعها ولا كأن شيء حصل
اللوا: ماينفعش
مهيمن بتبرير: و الله هي مش جاسوسة
اللوا: لازم تتحاكم
مهيمن بعصبيه: تقصد تتعدم
اللوا بص الناحية التانية
مهيمن بتهديد: هي لو دخلت المحاكمة انا هقدم استقالتي
اللوا بعصبيه: ايه اللي انت بتقوله ده
مهيمن: اللي سمعته حضرتك مدام حضرتك مش مقدرني و لا مقدر رجائي ليك
اللوا: يابني لازم تتحاسب.
مهيمن: و مين قال لحضرتك انها كده متحاسبتش
اللوا سابه و امر ب احضارها
العسكري راحلها و بيمسك ايدها: يالا قومي
فادي بحده: شيل ايدك من عليها، انا هوديها بنفسي و قومها هو و عمرو و مشيو بيها
نايا بقت زي الورقة اكتر من اربع ايام من غير اكل ولا شرب ده غير الجرح اللي نزف و ماكنتش قادرة تمشي عمرو شالها و دخلها مكتب اللوا
مهيمن اول ما شافها مقدرش يمسك نفسه و راح اخدها منه بس كانت فقده الوعي شالها و جري بيها.
العسكري كان هيمسكه
اللوا صعبت عليه نايا و صعب عليه مهيمنرفع ايده ليهم: سبوه.
كرم اول ما شاف اخته مع مهيمن نزل وراه
فادي و عمرو فرحو اووي و نزلو وراه ركبو كلهم عربية كرم و طلعو ع مستشفى
فادي كلم دانية
دانية: كنت فين الوقت ده كله بتصل عليك و مش بترد عليا ليه
فادي بختصار: تعالي بسرعة مستشفى
دانية بقلق: انت كويس
فادي: انا كويس نايا تعبانة شوية
مهيمن دخلها الاستقبال و اتركبلها محاليل
فضل واقف جنبها
نايا فضلت تلت ساعة نايمة و اول ما ابتدت تحرك ايدها مهيمن مشي.
نايا فاقت فضلت تقفل في عينها و تفتحها عشان تظبط الرؤيه لحد ما شافة احسن من الاول و بصت ع كل اللى حوليها و تقول بتعب: هو فين مهيمن؟
كرم يمسك ايدها: نايا اجمدي و قومي بالسلامة احنا لازم نروح ل ماما مستنيانا و ماتعرفش حاجة
نايا مسحت دموعها: انا كويسه يالا نروح
فادي: استني شويه كمان تحت الملاحظة
نايا بعصبية: لا انا همشي انا كويسة و فضلت تشد المحاليل من ايدها جامد
كرم يمسك ايدها: اهدي خلاص هاشيلهملك.
دخلت دانية بقلق: نايا حبيبتي عاملة ايه
نايا بدموع و تترمي في حضنها: انا عايزة امشي من هنا
دانية فضلت تساعدها و لسه هيطلعو شافت تشيرت مهيمن مرمي ع الكرسي راحت اخدته
مهيمن كان واقف بره بس مستخبي شافها و هي طالعة فضل باصص عليها لحد ما اختفت.
في العربية
نايا ب ابتسامة حزن: تعرفي يا دانية ان ده دم مهيمن
دانية باستغراب: و عرفتي ازاي
نايا اخدت نفس: اولا باين اووي دمي من دمه و ثانيا ان اصابتي في ايدي الشمال و اصابته هو في ايده اليمين حضنت التشيرت و فضلت تعيط
دانية اخدتها في حضنها لحد ما وصلو
كرم: نايا مش عايز ماما تحس ب حاجة
نايا: ماتقلقش
اول ما دخلو: ازيك يا ماما
هاله بقلق: حمدلله ع سلامتك كل ده؟ يومين معرفش حاجة عنك.
نايا: معلش كان مؤتمر وانتي عارفة المؤتمرات مالهاش ميعاد
هاله: ربنا يقويكي مال وشك يا نايا و مال دراعك
دانية تدخل: ازيك يا طنطي
هاله: الحمدلله يا قلب طنطتك مال صاحبتك
دانية: طبعا العاده تعبت و وقعت ع دراعها ما انتي عرفاها مهملة و طول ما انتي مأكلتهاش مش بتاكل ولا بتسأل ع الأكل.
هالة بضيق منها: كده يا نايا و انتى عارفه عندك انميه
نايا سابتهم و دخلت اوضتها
عاله بضيق: تعالي هنا كلي رايحه فين؟
نايا بصوت تعبان: معلش ماليش نفس
هاله: و انتي يا دانية
دانية: لسه اكلة والله
هالة باستغراب: وده من امتى؟ دا نتي مفجوعة ع طول
دانية: اصل كرم لسه مأكلنا حالا
كرم شد مامته: تعالي يا ماما ناكل انا و انتي سيبك منهم
هالة: مال اختك يا كرم
كرم بتهرب: بس ايه الاكل ده كله
هالة: اختك مالها؟
كرم سكت ثواني وقال بكدب: يعنى انتى متعرفيش دلع بنتك
هالة: هي مالها؟ شكلها تعبان!
كرم الف عليها حوار: الدكتور رفض الشغل بتاعها و فضل يزعقلها لانها مش ملتزمه و دايما مستهتره ف هي زعلت و فضلت تعيط لحد ما وقعت من طولها
هالة بضيق: لا حول ولا قوة الا بالله، انا السبب في دلعها ده كله (و لمعت عينها بالدموع)
كرم قام حضنها: بالله عليكي مقدرش اشوف دمعة منك هي بقت كويسة الحمدلله.
فادي اتصل ب دانية: دانية انا مستنيكي تحت هتتأخري
دانية: انت لسه تحت معلش انا نسيتك خالص طيب انا هقعد مع نايا شوية
نايا بصوت مرتعش: انا كويسة يا دانية انزليله
دانية: لا هقعد معاكي شوية
نايا: و الله انا كويسة و هنام انزلي انتي
دانية باستها و نزلت ل فادي
فادي: عاملة ايه
دانية بتمثل انها كويسة.
فادي وقف تاكسي و ركبو: صعبانة عليا و حتى مهيمن صعبان عليا ده كان واقف جنبها و اول ما حس انها هتفوق اختفى زي ما يكون بيعاقب نفسه
دانية بضيق: طيب ليه بيقسي عليها و ع نفسه
فادي: دانية انا ك راجل و بعد الشر يعني و حصل معايا كده كنت هبقى عنيف جدا عشان كده مقدر وضع كابتن مهيمن
دانية: انت هتقولي ع طبعك، ربنا يهديه و يصلحها
وصلو و طلعها اول ما دخل شاف شادي.
دانية: ده شادي ابن عمي و خطيب فريدة و شاورت ع فادي و ده خطيبي
شادى مد ايده: اهلا بيك فرصة سعيدة اني شوفتك
فادي مد ايده: انا اسعد
سوسن دخلت عليهم: حبايبي منورين هنا كلهم
فادي: اكيد ده نورك يا ماما
شادي: و الله من غيرك الدنيا ما تبقاش ليها طعم يا ست الكل
فريدة: مامتي شادي عايز يطلب منك طلب
سوسن: اتفضل يا حبيبي
شادى: ايه رأيك نعمل خطوبتنا اخر الشهر اللي جاي
فادي: و ياريت نفس اليوم نتجوز انا و دانية.
دانية: بس يا فادي انا مش مجهزة نفسي و غير كده نايا تعبانة مش هينفع
فادي بيمثل انه مش زعلان: تمام براحتك
سوسن بحده: ايه قلة الذوق بتاعتك دي يعني خطيبك يقول نتجوز تقولي صاحبتي تعبانة و مش جاهزة ازاي يعني هو شرا الفستان مشاغل و بصت ع فادي مبروك يابني و ربنا يسعدكم كلكم
فادي: ماما سيبيها براحتها
سوسن: و راحة بنتي انا عرفه انها معاك فادي بص ل دانية مستنى منها رد؟