رواية معشوقتي المجنونة الجزء الأول للكاتبة ابتسام محمود الصيري الفصل الثالث عشر
نايا في الخيمه دخلت تحت البطانيه و هي نايمه بتفتكر كلام مهيمن معاها
الورد عامل ايه
- انا ورد
- مهيمن: و احلى كمان
- وحشتنى اووى و طول ما انت واحشنى نفسيتى مش تمام
- و انتى كمان وحشتينى معلش انتى عارفه ظروف شغلى
- حبيبي ربنا يقويك امممم
- بتفكرى فيه ايه
- وحشتنى اووى و نفسي اشوفك، نفسك تشوفنى
- اكيد
- هكون عندك النهارده
- ازاي؟
- دي بتاعتى انا
- ع فكره انتى معايا كل يوم
- ازاي؟
- بحلم بيكى دايما.
- نايا قامت من ع السرير و قالت انا لازم اشوفه و انا نايا لازم عينى تيجى في عينه لازم اقوله كل كلمه جوايا و اخدت فستان من شنطتها كانت مخبيا ه وراحت بعيد لبست و بعتت فويس ل مهيمن حبيبي انا هنا ع الجبل
مهيمن اول ما سمع الفويس قام بسرعه و طلع حتى من غير ما يلبس تيشرت اول ما شافها نسي العالم كله اخدها في حضنه جامد و الدنيا كانت بتمطر جامد وحشتينى وحشتينى اووى.
نايا حضنته جامد و حطت راسها ع صدره و كانت بتتنفس كأنها ماكنش فيه هوا او اكسجين غير في حضنه
غير انها حست بدفا صدره و حرارة حبهم نستهم السقعه و المطر
مهيمن: اخيرا بقيتى في حضنى
نايا بشوق: نفسي افضل جوه حضنك ع طول
مهيمن بعدها عنه بشويش و يلمس شعرها المبلول و بيقرب من شفيفها
نايا غمضت عنيها و حطت ايدها ع دقنه تحسس عليها و استسلمت ليه
وفجأه صوت عالى الحقونا
نايا بتحاول تبعد عنها الصوت و تقرب ل مهيمن.
الصوت بيعلي اكتر
مهيمن يبص بعيد نايا تسحب وشه ليها و الصوت يقرب
نايا تمسك وشه: ركز معايا
مهيمن بجديه: حد بينادى
نايا بحده: ركز مع اهلى و اعتبره سراب
وفجأه حد يشلها و يجرى بيها
نايا تقوم مخضوضه من النوم فيه ايه هو انا فين (و تبص ع لبسها لقت نفسها لابسه لبس نضال ) هو انا مين
فادي نزلها و هي قعدت تانى
نايا بتوهان: الله يخربيتكم فيه ايه
عمروبحده: قوم بسرعه فيه سيول جامده.
نايا تقوم مخضوضه و الكل طلع يجرى حتى العساكر بيجرو جري عشوائى
مهيمن يطلع من الخيمه و بصوت زي الرعد: ثابت انت و هو رايحين فين اطلعو ع الجبل اللى هناك
مهيمن كان رايح ناحية السيول
نايا راحت وراه يا كابتن حضرتك رايح فين كده
مهيمن: الصول شوقى و الصول عادل كبار في السن لازم اروح اطلعهم، روح انت
نايا: انا لازم اروح معاك
مهيمن بحده: روح مع فرقتك
نايا بعند: مش هسيبك
الفرقه كلها نزلت ماعدا العساكر.
مهيمن اتحرك و غطس في المايه و نايا و الكل غطس تحت المايه عشان متخبطش المايه حد فيهم و راحو عند الصول شوقى و عادل و كان فيه عساكر حاولو ينقذوهم و نايا و عمرو مسكو عسكري
و طلعو بيه و كل واحد انقذ شخص و راحو بعيد عن السيول
مهيمن بعصبيه: مين اللى كان حراسه
عسكرين بخوف: احنا يا باشا.
مهيمن بغضب: و لما كان فيه حراسه كنتو فين لما الدنيا زادت في الشتا و عملت بركه كبيره في الجبل محدش بلغ فيكم ليه وبصوت زي الرعد ماتردو و مسكهم من رقبتهم
نايا اتخضت و خافت من طريقة مهيمن
الصول شوقى: اهدى يابنى قدر الله ما شاء فعل حصل خير و مافيش ضحايا خالص
مهيمن بضيق و بحده: اتأكد ان مافيش ضحايا ولا خساير و بعد كده اتكلم و ماشي بعيد.
نايا بتكلم نفسها: منكم لله يا بعده كنت بحلم حلم هيححح عبو شكلكم كنتو سبتونى اغرق بحلمى
عمرو: بتقول حاجه
نايا: هشششش و مشيت
مهيمن نزل يشوف عمق المايه و هيقدر هيمشيها و لا يبعت عربيات شفط و فجأه بوجع مكتوم: اااه و ماسك رجله
الفرقه كانت هتنزل
عمرو: كابتن فيه ايه؟
مهيمن: محدش ينزل المايه كلها تعابين و طلع بسرعه ع الجبل اللى هما فيه
نايا طلعت تجرى عليه: كابتن فين مكان الدغه
مهيمن شاور ع تلت لدغات.
فادي قلع تشيرته بسرعه و قطعه و فضل يربط رجل مهيمن و نايا فضلت تمص في اللدغه
و عمرو و بقية الفرقه فضلو يساعدوهم
مهيمن بتعب: صول شوقى لو حصلي اي حاجه انت القائد هنا لحد ما يجى حد مسئول
الصول: بعد الشر عنك يابنى
مهيمن قفل عينه فقد الوعي
نايا حطت راسها ع رجله: ده سخن مولع اتصرفو هاتو مايه
عسكرى: انا معايا مايه كنت شايلها في هدومى
نايا اخدت المايه
فادي: اقلع تشرتك يا عمرو نعمله بيها كمادات.
قلع عمرو و نايا اخدته
مهيمن كان بيفتح عينه وبيقفلها، كان بيشوف نضال انها نايا كان شايف نظرة
خوفها و لهفتها عليه كان حاسس بنفسها
اووى لما قربت منه
مهيمن بصوت واطى: نايا
فادي بصوت واطى: اهدى شويه باين اوووى ان فيه حاجه غريبه منك و ياريت تقومى من هنا و خلى بالك شكله عرف انك نايا
نايا: مش هقدر اسيبه
فادي بحده: بقولك قومى و بطلى فضايح
نايا نزلت راسه ع الارض و قامت راحت بعيد و فضلت تعيط.
الصول شوقى: حد من العساكر معاه اللاسلكى
عمرو بعصبيه: حتى لو معاهم ده نزل في المايه
فادي: انا معايا ايفون مابيحصلوش حاجه من المايه و يحط ايده في جيبه مش يلاقيه (و يقول بضيق و يشوط حجر )شكله وقع
عمرو بعصبيه: و احنا المفروض نقف كده ع الجبل نستنى حد ينقذنا
الصول شوقي: لازم نفضل هنا هنروح فين في الصحرا دي
عمرو بحده: انا مش هفضل واقف هنا انا هنزل ادور ع فون في الخيمه كل التليفونات معانا ضد المايه.
صول شوقى بحده: و انا قولت محدش هينزل للتعابين
نايا بعصبيه: انتو ازاي تجيبونا مكان كله تعابين
الصول بحزم: انت شفت مره تعبان قرب منك احنا دايما بنرش حاجات تبعد اي تعابين عن الخيمه
عمرو بنرفزه: تقدر تقولى احنا هنفضل كده لحد امتى
الصول: الله اعلم بس اكيد في طياره هتيجى بعد اربع ايام
فادي بصدمه: انت عايزنا نقعد كده اربع ايام
عمرو كان نازل
الصول بحده: انت لو نزلت هضربك بالنار كلامى يتنفذ.
عمرو بعصبيه و صوت عالى: هتموتنى ( قرب ليه ) موتنى يالا مستنى ايه و مسك هدومه و فضل يزعق
نايا كانت من جواها هايفه ع مهيمن و من الضلمه و من صوتهم العالى اللى بيتردد في الجبل قربت منهم و قالت بعصبيه: بس. بس بقى
فادي شد عمرو: اهدي الموضوع مش ناقص
و كل واحد قعد ع جنب وفجأه مهيمن ارتعش جامد
نايا جريت عليه: ده سخن تانى عايزين اي غطا
الصول: من فين يابنى ما كل حاجه المايه طالتها
نايا: حد يعمل نار هنا.
الكل: ازاي كل حاجه باظت حتى الولاعات
نايا طبعا مش هتستسلم و تسيب حب عمرها يموت و تفضل تفكر و تقوم تجرى حد يجيب خشب و قش من هناك و مسكت زلطتين و فضلت تخبطهم في بعض و ولعت في القش و الخشب و شالو مهيمن قربوه ناحية النار و نايا فضلت جنبه و مرضتش تبعد المرادي
بعد ساعه
عسكرى: انا لقيت التليفون ده يا باشا
نايا: ده تليفون مهيمن (مسكته بصت فيه ) الحمدلله شغال (مسكت ايد مهيمن و عملت البصمه و اتفتح الفون).
الصول شوقى اخده و اتصل و كلم اللوا يحيى
اللوا يحيي يبص ع الفون و يبص للوقت يكلم نفسه: مهيمن عمره ما اتصل بيا متأخر كده اكيد في حاجه
الصول: الو يا باشا
اللوا يحيي: ايه يا مهيمن في حاجه
الصول: انا الصول شوقى ابعت بسرعه طياره تنقل كابتن مهيمن المستشفى
اللوا بخضه: ماله مهيمن حصل ايه؟!
الصول حكى كل حاجه
اللوا: تمام تمام انا هاجى بنفسي.
و بعد ساعه و صلت الهليكوبتر اخدو كل اللى كان هناك و نقلو مهيمن المستشفى و كل الفرقه روحت ماعدا فادي و عمرو حتى نايا روحت ع اساس انها نضال عشان ترجع لحبيبها و هي نايا
نايا تخبط ع باب بيتها
هاله بقلق: يا ساتر يارب مين اللى بيخبط في الوقت ده مالك متسربع ع ايه
نايا: افتحى يا ماما
هاله فتحت بسرعه و اتخضت من منظر نايا اللى كل وشها دموع: بتى مالك
نايا ترمى نفسها في حضن مامتها: انا كويسه متقلقيش عليا.
هاله بقلق: كويسه ازاي و انتى متبهدله كده و بتعيطى
نايا: معلش يا ماما هدخل اخد شاور و انزل
هاله: يا بنتى فيه ايه؟! و تنزلى تروحى فين في الوقت ده!
نايا بتفكير: اصل. امممم
كرم يطلع من اوضته: نايا! يا بنتى من ساعة ما سافرتى كل يومين الاقيكى فوق راسي نفسي اقولك وحشتينى و راح عندها اتخض لما لقاها بتعيط، مالك يا نايا
نايا: هاله: ماتقولي فيه ايه مالك.
نايا غمزت كرم: اصل دكتور معانا كان بيعمل تجربه و حصل انفجار في المعمل و هو متصاب في المستشفى انا لازم ارحله
كرم اتخض: انفجار اللى هو ازاي؟
نايا تغمزه: يا كرم ادخل غير و تعالى معايا و هفهمك في الطريق
كرم بقلق: اذا كان كده ماشي
دخلت نايا اخدت شاور و غيرت و نزلت مع كرم و فضلت تحكيله ع اللى حصل لحد ما وصلو المستشفى اول ما شافت فادي جريت عليه
نايا بقلق: عامل ايه دلوقتى.
فادي: الدكتور بيقول الحمدلله مافيش خطر، انا هاخد عمرو و انزل عشان محدش يشك ان نضال مش هنا يبقى كل الفرقه مش موجوده احسن
نايا: انا مش عارفه اشكرك ازاي ع وقوفك
جنبي. نسيت اعرفكم كرم اخويا، وشاورت ع فادي. فادي اللى دايما بيساعدنى
فادي: سلم ع كرم. انتى اختى متقوليش كده، بعد اذنكم
نايا هتدخل ل مهيمن كرم شدها: ممكن اعرف علاقتك ايه ب مهيمن و ايه اللى مخليكى ملهوفه عليه كده
نايا بإحراج: كرم انا اممم، بحبه.
كرم بضيق: و انتى لما تحبي واحد ليه مايجيش يطلبك منى ولا هو مش بيحبك و ازاي مايعرفش انك نضال مادام يعرفك
نايا بهدوء: كرم هو كمان بيحبنى و اكيد ماقلكش عشان كان لسه منزلش اجازه و انا قولتله انا و نضال توأم. بليز ممكن ادخله اطمن عليه
كرم بنرفزه: اتفضلي و انا معاكى
نايا جريت دخلت الاوضه حطت ايدها ع راسه لقته كويس فضلو جنبه نص ساعه في صمت لحد ما مهيمن فتح عينه.
مهيمن اول ما عينه جت في عنيها ابتسم: كنت متأكد انى مش بحلم و انتى معايا
نايا قامت جنبه: انا معاك ع طول اصلا
مهيمن: اصلا! ايه الثقه دي و بيمسك ايدها
كرم كان قاعد ع الكرسي: احم احم
مهيمن بص عليه: كرم كمان و قام قعد و بصلها مش تقولى في حد و بص ل كرم باحراج: منور يا دكتور كرم كنت و الله لسه هسأل عليك امال فين نضال و الفرقه و انا فين.
كرم بضيق من تصرف معيمن: انت في المستشفى و الفرقه كانو هنا و مشيو و نضال في البيت اصله قتيل نوم
مهيمن: احسن كفايه خنقنى هناك مايبقاش هنا كمان
نايا بزعل: بجد خنقك
مهيمن: اقسم بالله مستحمله عشانكم انتم هو ازاي كده بحس انه فيه حاجه غلط بس هي ايه الله اعلم بس هعرفها
نايا كانت زعلانه من كلامه
مهيمن: شكلك زعلتى
كرم بتريقه: ماهو توأمها اعذرها تحس انهم كائن واحد
مهيمن: لا متقولش كده نايا مش زي اي حد.
كرم راح عنده و سحب ايد نايا منه: ماشي يا كابتن شكلك بقيت كويس نستأذن احنا
مهيمن اتحرج عشان مكنش واخد باله انه ماسك ايد نايا: اتفضل
و هما طالعين و بيفتح الباب قابلو مامة مهيمن و مريم
مريم بكسوف وبتلعب في ايدها: كرم ازيك
كرم: الحمدلله انتى عامله ايه
في اللحظه دي ما صدقت نايا ان اخوها مش مركز معاها و بصت ل مهيمن بصه فيها كلام كتير
مهيمن بصلها و ابتسم و غمض عينه و حط ايده ع قلبه.
حنان واقفه في النص تبص ع كل واحد شويه
حنان: اتفضلو يا جماعه هتفضلو واقفين كتير كده
كرم بتحمحم: لا احنا كنا ماشين
حنان كانت فرحانه اووى ان شايفه ابنها بيبص ل نايا: لا و الله لازم تقعدو معانا شويه.
كرم بص ل نايا: تعالى نقعد عشان خاطر ست الكل متزعلش
مهيمن قام من ع السرير و باس امه و اخته
نايا بصت ل مهيمن و جريت عليه: انت تعبان لازم تقعد ترتاح
حنان: عندها حق اقعد ارتاح مع انى عارفه مابتحبش الراحه
مهيمن بص ل امه: كويس انك عارفه، يالا ننزل نقعد في اي كافيه انا زهقت من هنا ده غير انى مطلوب الساعه خمسه في المركز
نايا باستغراب: ازاي و انت تعبان كده
مهيمن ابتسم: انا كده تعبان.
حنان بضحك: معلش اعذرها اصلها اول مره تعرفك، يااااا ده مهيمن كتاب جروح دي فعلا حاجه ما تذكرش جنب انجازات جراحه
نايا تبص ل مهيمن بحب ورقه: ربنا يحفظه
دخل الدكتور: انا خلاص مش هتكلم انا كنت واثق اول ما هتفوق هتمشي ع طول حفظتك خلاص
مهيمن: معلش و الله مقدرش اقعد وسط الحاجات دي قطن و شاش و اجهزه بتصفر و محاليل بحس ان بطلع في الروح، و طول ما اقدر اقف ع رجلى انسي اقعد هنا ثانيه.
الدكتور: ماشى يا كابتن ربنا يديك الصحه يا بطل
مهيمن: حبيبي تسلم و نزلو كلهم ركبو مع كرم و كرم كل شويه يبص ع مريم في المرايه و مهيمن كان راكب جنبه و بيبص ل نايا في المرايا و يغمزلها
حنان كانت شديدة الملاحظه اخدت بالها و كانت فرحانه جدا ان قلب مهيمن دق
دخلو كافيه و كانت الساعه تلاته الفجر.
مهيمن: كرم انا بعتذر ليك انى ماقلتش ليك من اول يوم ع شعورى ناحية نايا و الله كنت هقول ل نضال بس كنت كل ما افتح معاه كلام كان يفضل يتخانق معايا من غير سبب، انا عايز اخطبها حالا
نايا بفرحه: بجد! (و تكتم فرحتها و تقول بجديه ) بس ماما مش موجوده
مهيمن بهدوء: انا اول ما اخد اجازه هعملك خطوبه كبيره بس لازم البسها دبله دلوقتى و بص ل مامته اللى فهمته ع طول و قلعت دبلتها.
نايا كانت قاعده مش مصدقه اللى بتسمعه و كان نفسها يكونو لوحدهم في المكان ده كان جو رومانسي اووى
كرم: انا موافق شوف رأيها
نايا كان طبعا باين ع وشها انها موافقه
حنان بفرحه بترقص حوه قلبها: لبسها يا بنى لبسها لولولولولولي
مريم قامت جريت ع اخوها حضنته و بفرحه مع دموع: مبروك يا ابيه
كرم بص ل اخته و قام واقف: هاتى حضن ابت
نايا قامت حضنته و فضلت تبص ل مهيمن و مهيمن يبصلها وابتسامته ع وشه.
مهيمن بعد اخته بشويش عقبالكم و بص ل كرم ممكن خطيبتى البسها دبلتها
فادي كان حاضنها جامد و اداله ايدها بس
مهيمن لبسها و كان باصص في عنيها اللى دايما بتحضنه بيها و تقوله كلام كتير
مهيمن شدها من حضن كرم: ع فاكره دي خطيبتى مش بتاعتك لوحدك
كرم بجديه: مبروك يا كابتن بس دي امانه معاك.
مهيمن بص في الارض لحظه و حط ايده في جيبه و رفع راسه: اختك دي روح قلبي اللى حبيت عشانها الدنيا و قلبي بينبض بيها و ليها اتأكد اللى في دماغك عمره ما هيحصل و بص ل نايا و لو حصل هيبقى روحي فداها مش هيكون فيه تفاهم مع اي مخلوق يمد صابع عليها
مريم في اللحظه دي افتكرت اللى حصلها و مرضتش تبين لحد بس كان باين عليها اووى توترها الزايد و انها بتمسك في الكرسي جامد و نفسها اللى بقى مش منتظم.
كرم ميل ع مهيمن: ع فكره ماقصدش ده بس كويس انك اتكلمت فيه عشان اشوف ريأكشن مريم اللى الحمدلله بقت احسن من الاول بكتير
مهيمن بص ل اخته و لسه هيتكلم كرم شاورله يسكت و راح قاعد جنبها
مهيمن بص ل نايا: ترقصى سلو
نايا هزت راسها و راحو بعيد عنهم شويه و مشيو ع جسر بين المايه و ع الجنبين نور هادى.
فادى بحب: فراشتى الجميله مانفسهاش تلبس دبله، ياريت مامتى كانت هنا هي كمان
مريم بصتله بتوتر: ياريت عشان كانت تفرح
كرم بهزار: لا كنت اقصد انى اخد دبلتها و البسهالك
مريم ابتسمت
كرم بصوت واطى: تعرفي ان ابتسامتك جزء صغير اووى من وشك لكن بالنسبه ليا بالعالم كله
مريم اتوترت اكتر و بصت ع مامتها
كرم قرب من ودنها بحبك
حنان: هروح التواليت
مريم قامت بسرعه: اروح معاكى
حنان لسه هتتكلم.
كرم قاطعها بص ل مريم: لا هي مش هتتوه اتفضلى يا ست الكل، ( وبصلها بحنان ) فراشتى مالها؟
مهيمن كان بيرقص مع نايا سلو: تعرفى مهما اقولك ع اللى جوايا مش هقدر اوصفلك حبي ليكى دا انتى اللى في الدنيا ليا و عمري ما ابتداش غير اما شوفتك
نايا ابتسمت: انا بقى ما يهمنيش باقي قد ايه من عمرى المهم العمر كله اكون معاك و بصت في عينه جامد
مهيمن ابتسم: و نفسي انا كمان
نايا ب احراج: نفسك في ايه
مهيمن بابتسامه: بصى يا قلبي اللى مابيعرفش يقرا عين حبيبه عمره ما هيسمع صوته و لا هيفهم كلامه.
نايا باحراج: ده انت خطر، كده مش هقدر حتى اقول اللى نفسي فيه بعيونى
مهيمن بثقه: هعرف بردو
نايا: ازي بقى؟
مهيمن يرفع راسه و يضحك ضحكه بصوت عالي: انتى كده عايزانى اكشف ورقى كله قدامك
نايا بهيام: اول مره اسمع ضحكتك
مهيمن: وحشه صح
نايا شالت ايدها من ع كتفه و بتعبر بأيدها: هي ايه اللى وحشه دي، دي
مهيمن ضحك اكتر عليها
نايا حطت ايدها ع دقنه و بشوق: ياخربيت ضحكتك.
مهيمن بحب: ده انتى مشكله (و بص في الساعه ) اوووه الوقت بيجرى معاكى بسرعه
نايا بضيق: هتمشي
مهيمن يبوس ايدها: و الله نفسي ابقى معاكى ع طول
نايا: خلى بالك من نفسيتك
مهيمن بابتسامه و يقلدها: انا هخلى بالى من نفسيتى بس عشانك
نايا بصتله بحب و ابتسمت
مهيمن يقرب منعا و يمسك خدودها: يا قلبي حاولي تدارى عيونك منى اصل هسمع كلامها بعد كده
نايا بكسوف: باين اووى.
مهيمن ميل عليها و خبط مناخيره في مناخيرها و غمزلها: اووى اووى
نايا بتحمحم: الحق اروح انا قبل ما الموضوع يتطور
مهيمن مسك ايدها و راح عند الترابيزه: كرم انا لازم امشى معلش وصل ماما و مريم و خلى بالك من مجنونتي
كرم: كلهم في عنيا
مهيمن سلم عليهم و لسه هيمشي
نايا ناديت عليه ورحتله: مهيمن. انت قولت ل كرم انا روح قلبك. ده بجد ولا كلام
مهيمن بحب: انا معرفش اقول كلام، انتى قلب قلبي كمان يا نايا.
نايا ابتسمت ابتسامة فرحه
مهيمن: هبقى اكلمك اطمن عليكى سلام
وقفت شاورتله و تبص عليه
كرم بجديه: يالا عشان اوصلكم
كلهم قامو ماعدا نايا
كرم: نايا يالا
حنان بحنان: نون يا قلبي يالا
مريم بهزار: اللى واخد عقلك يتهنى به
كرم زقها: نااايا
نايا بخضه: نعم، فيه ايه؟!
حنان بفرحه: انا سعيده اووى انك قدرتى تخطفى عقل و قلب مهيمن
نايا بحب: ده هو اللى خطفني كلى
حنان: مهيمن عصبي شويه حاولى تستحمليه.
نايا: طنط انا بعشقه في جميع حالاته و تقلباته
حنان: ربنا يباركلكم في بعض
كرم بهزار: حماتى مافيش دعوه علينا
حنان: انت اللى في القلب
كرم: عادي ابقى في القلب و دعوات كمان
نايا بصت في الساعه: يالهوووي انا و بصت ل كرم
حنان: فيه ايه يا حبيبتى
نايا بتوتر: اصله معاد الشغل بتاعى
حنان باستغراب: بدرى كده
نايا: اه اصل بشتغل في معمل تجارب ف لازم نفتح بدرى قبل ما الناس تصحى و نفجر فيهم.
حنان بعدم فهم: ايه! انتى بتقولى ايه؟
نايا تتكلم بسرعه: ما تخديش عليا بخرف طيب اخلع انا و جريت دخلت التواليت و طلعت هدوم رجالى من شنطتها و غيرت هدومها و طلعت ركبت تاكسى
مهيمن يوصل المركز الكل راحو ليه: حمدلله ع سلامتك يا كابتن
فادي يتصل ب نايا: فينك الكابتن وصل
نايا بتوتر: قربت عليك حاول تشغله
فادي: اخلصى بس (و يروح ل مهيمن ) حمدالله ع سلامتك يا كابتن
مهيمن: الله يسلمك كلكم هنا
فادي بتوتر: اه.
مهيمن يبص عليهم و يقول بعصبيه: ناقص نضال.