رواية معشوقتي المجنونة الجزء الأول للكاتبة ابتسام محمود الصيري الفصل التاسع
في اوضة كرم يقول بحده: اتفضلى قولى كل حاجه
نايا تخبى خوفها و ترجع بضهرها لحد ماتخبط في المكتب: طاااه اقعد و استهدا بالله و قول هديت و انا هقولك كل حاجه
كرم يقرب عليها ويخبط ايده جامد ع المكتب و هي في النص: الله يطولك يا روح
نايا ترجع بوشها و ترفع ايدها تشاور بلا: لا قول هديت
كرم بضيق يمسح وشه و يبتسم ابتسامه صفرا: اهو هديت اتفضلى مع حضرتك المايك.
نايا بهزار: احم احم احم تست تست تست و معاكم فراشه ولاد الدمراني
كرم مسكها من هدومها بعصبيه: انتى هتستهبلى
نايا بخوف: فيه ايه بجرب المايك لا يكون بايظ، الله سيب بس عدومى كده
كرم يعض شفته اللى تحت: لا انا خلاص اتنقطت هو في كلمه فالدنيا اسمها عدومي
نايا: مش انا قولت
كرم: اه
نايا ببرود: يبقى فيه
كرم يمسك دماغه: اه يا دماغى اخلصى قولى
نايا: انا هقولك اهو بس انت بطل لك شويه.
كرم: انا! ( فضل يكتم غيظه و عصبيته ويمسح ايده في بعض، و ياخد نفس و يخرجه بشويش) اوك حاضر هبطل اتفضلى سامعك بكل اذان صاغيه
نايا: اصل انا مره كنت ماشيه و خبطت شاب و فضلت تحكى ع كل اللى حصل اليوم ده
كرم بصدمه: يا نهارك اسود. نهارك لا دي ايامك كلها انتى بتطلعى من مصيبه ب مصيبه اكبر
نايا بهزار: اصل انا لما اكون عايزه اطلع من مصيبه بعمل مصيبه اكبر
كرم بنرفزه: يا شيخه.
نايا بثقه: ايون، مش سالب في سالب يساوى موجب
كرم بعصبيه: انتى بتستهبلى بتلعبى مع الحكومه و كمان مش اي حكومه دي قوات خاصه
نايا بمسكنه: يعنى كنت هعمل ايه يرضيك اختك حبيبتك تتسجن
كرم: تعملى ايه! لا انتى مش طبيعيه فعلا و قام، اعملى حسابك مرواح الزفت تانى مافيش
نايا بحده: تمام، و اطلع بقى بره اوضتي عشان عايزه انام
كرم فضل يبص ع الاوضه: دي اوضتى
نايا: بجد! يبقى اطلع انا (و لسه هتتحرك ).
كرم بهدوء: نايا انا مش هقولك غير اعقلى شويه و انتى مش صغيره
نايا بصتله: كرم يا قلب اختك انا عاقله و عاقله جدا (و طلعت راحت اوضتها).
الصبح
كرم راح ل مريم
كرم اتصل عليها: فراشتى جاهزة
مريم: اه هنزلك حالا و طلعت من اوضتها تجري
مهيمن: مافيش صباح ولا بوسه ولا حضن
مريم بفرحه راحت عنده و حضنته: صباح الخير يا ابيه
مهيمن: عايزك تركزي في الامتحان وتبقى احلى دكتوره
مريم: اركز ماشي بس دكتوره افكر، انا عندي فوبيا من الدم
مهيمن يبتسم: لا فوبيا ايه امال هجوزك ل كرم ليه؟ لازم يتعلم فيكى و يعالج الفوبيا اللى عندك و لو فشل يبقى دكتور فاشل.
مريم: لا متقولش عليه فاشل
مهيمن: هنشوف
مريم: بعد اذنك بقى عشان هتأخر ع الامتحان
مهيمن: لا اله الا الله
مريم: محمد رسول الله ( نزلت لقت كرم واقف جنب العربيه لابس كاجول و واقف ساند ع العربيه و مربع ايده )
مريم بصتله باعجاب و قالت برقه: سورى اتأخرت عليك
كرم بأبتسامه: براحتك يا فراشتى (و كان بيبصلها بصة اعجاب واضحه)
مريم اتكسفت نزلت عينها و ركبت، هو لف و اتحرك بالعربيه
كرم: ايه ذاكرتى كويس
مريم: الحمدلله.
كرم: عايزك تركزى و اهم شي اوعي تسيبى سؤال فاضى حتى لو مش عارفه الاجابه
مريم: ما انا هكون مش عارفه هكتب ايه
كرم: الفى اخترعى المهم السؤال ما يكونش فاضى
مريم: حاضر. دي مدرستى هنزل هنا
و بتفتح الباب و هتنزل شد ايدها
مريم بتوتر: نعم
فادي مسك منديل و ادهولها: ما احبش حد يشوفك كده
مريم باستغراب: في حاجه في وشي
كرم حط ايده ع شفيفها
مريم بكسوف: مادام هي مضايقك مخلتنيش امسحها ليه اول ما ركبت و ثانيا دي شافيفي.
كرم يقلد طريقة كلامها: اولا مش متضايق و عجبانى ( ويقول بجديه ) قطعت الكريز دي محدش غيرى يشوفها و ثانيا دي لونها بنك و مخليه شفايفك كريز اكيد حاطه حاجه
مريم اتكسفت اووى: و الله مش حاطه (فضلت تمسح شفيفها جامد )، اهو اهو مافيش و بتنزل
كرم شدها: تعالى هنا اشوف الاول
مريم بصتله بحده: لا( و نزلت بسرعه )
كرم بضحك: هستناكى بعد الامتحان
مريم بصتله و ابتسمت.
عند نايا
في اوضتها جه ع بالها مهيمن فتحت ماسنجر وكتبت ل مهيمن
صباح الخير، ازيك
مهيمن شاف الرساله ع خلفية الفون و نفسه يرد عليها بس خايف يتعلق بيها اكتر و يدخل في دوامة الحب وهو مش مستعد ل اي حب و خايف عليها في نفس الوقت.
نايا اضايقت فضلت تفكر تكتب ايه تانى جه في دماغها فكره انها تكلمه كأنها بتكلم صاحبتها و انها كلمته بالغلط: دندون فينك ايه رأيك ننزل نتمشى شويه انا زهقانه اووى
مهيمن استغرب من الكلام فتح الرساله و مردش.
نايا اضايقت اكتر و تكلم نفسها: لا والله بتشوفى رسالتى و ما بترديش عليا و جابت صورة البروفايل بتاع دانيه و ركبتها ع صورة بروفيل مهيمن و عملت اسكرين وتكتب: ع العموم اهو باين عندى سين?? ميرسي ليكى انا هنزل اخرج لوحدى و هروح كوستا و هشرب موكا و خليكى براحتك بقى ??.
مهيمن فضل في حيره يرد عليها و لا لأ لحد ما قرر ما يردش عليها بس فضل في صراع اكبر ينزل يشوفها و يستكفى انه يبص عليها من بعيد.
عند مريم
مريم خلصت الامتحان نزلت وهي مبسوطه وفضلت واقفه لوحدها اول ما شافت كرم جريت عليه
كرم كان واقف عند العربيه و حاطت ايده في جيبه اول ما شافها قلع نضارة الشمس: مش محتاج اسأل عملتى ايه باين ع وشك
مريم بفرحه: حليت كله الامتحان سهل اوووى
كرم: الحمد الله عقبال الباقي، بس انتى اللى شاطره اووى يا فراشتى تحبي نروح ولا نتمشي شويه بالعربيه
مريم برقه: برحتك.
كرم: يبقى نتمشي طبعا ( فتحلها باب العربيه و ركب شغل اغنيه رومانسيه )، فراشتي تحب تروح فين
مريم: مش هيفرق معايا المكان المهم انى معاك
كرم بصلها بصة حب: ربنا يقدرني و اخلي ضحكتك في عينك دايما
مريم: تقصد شفايفي
كرم: لا شفايفك بتضحك ع طول و سهل تمثلي الحزن و الفرحه ع وشك بس العين و القلب بيكون فيهم الحزن و الفرح اللي بجد
مريم ضحكتها زادت: انا بحبك
كرم: و انا بعشق اهلك.
نايا وصلت الكافيه.
وبعد حوالى نص ساعه بدأت تتضايق ان مهيمن ماجاش وتكلم نفسها: هو انا فعلا مش في دماغه، ايه العبل بتاعى ده هو يعرفنى من فين عشان اكون في دماغه، هو اصلا بارد و تقيل كده في نفسه هيعبرني انا ليه، انا اللى غلطانه اللى بقلل من نفسى عشان خاطر واحد قمر و عصب جامد زيك و نادت ع الجرسون بنرفزه و قامت تحاسب لمحت مهيمن و اتأكدت انه مش هيتكلم معاها ( بس ع مين دي بنت حوا ) عملت نفسها دايخه حطت ايدها ع راسها و ايدها التانيه ع بطنها و وقعت ع الكرسي و عملت نفسها اغم عليها.
الجرسون بقلق: انسه انسه
و في اللحظه دي مهيمن ظهر و راح عندها
مهيمن بإحراج: انسه نايا ( ماسك ايدها يقيس النبض لقه مظبوط رفع راسها يفوقها )
نايا كانت فعلا هتفقد الوعي بسبب قرب مهيمن منها و لمسته ليها ع اساس انها نايا مش نضال و نفسه بقى قريب اووى منها تقريبا بيتنفسه نفس بعض وريحة البرفيم بتاعته طيرت عقلها
مهيمن حط ايده جامد ع مناخيرها و داس عليها جامد
نايا بألم: آ اه
مهيمن بصوت حنين: انتى كويسه.
نايا بتمثيل و بصوت واطى: راسى وجعانى شويه
مهيمن: قومى اوديكى المستشفى
نايا بتمثيل التعب و تقعد عدل: لا خلاص هبقى كويسه دلوقتى
مهيمن عرف انها بتمثل: ع العموم الف سلامه و لسه بيدور
نايا بتلقائيه: ليه هتمشى، اقصد ممكن تشرب معايا قهوه
مهيمن بتهرب: مره تانى عندى ميعاد
نايا بغيظ واضح: اووك اتفضل ( تقوم تمشى قبل منه ).
عند دانيه
سوسن فتحت باب الاوضه بتاع دانيه و فريده كانت معاها: عمكم و ابن عمكم وصلو اتفضلو يالا اطلعو سلمو عليهم
دانيه بدموع وترجي: مامتى عشان خاطرى مش عايزه اتجوزه
سوسن بحده: دانيه امسحى دموع التماسيح دي و اطلعى سلمى عليهم ( طلعت و مش ادتها فرصه تتكلم)
فريده بمشاكسه: ايه يا بنتى هو حد يعيط كده عشان جايله عريس
دانيه بحزن: انا بحب فادي افهمى ( مسكت الفستان رمته بعيد ) و مش هلبس الفستان ده كمان.
فريده بهزار: البسه انا، يا بختك اتنين بيحبوكى و انا لا حول ليا و لا عليا، ( بعد ما لبست الفستان ) اطلع اسلم و اتحسر شويه كمان ع نفسى.
(فريده دايما بتلبس فساتين و انثى كتير عن دانيه و طبعها بتتكلم قدام الناس بصوت واطى و رقيق جدا و اول ما طلعت لقت رجل كبير بس جسمه رياضى و شاب و سيم جدا و رياضى و طول و عرض و شكله حزين زي ما يكون حد غصب عليه يجى راحت سلمت الاول ع عمها: انكل ازي حضرتك
على اخدها في حضنه: اهلا ب بنت الغالى ايه الجمال ده كله
شادي باصص في الارض و بيقول في سره: جمل لما يلهفها و يرفع راسه ب ابتسامه مصطنعه و فجأه يتنح.
فريده برقه: ميرسي يا انكل ع ذوقك و تبص ل شادي و تغرق جوه عينه و يقوم يقف هو و تتنح اكتر
على بغيظ من شادي فكره هيعمل حركه مجنونه و يمشى و يحاول ينقذ الموقف و يقول بحزم: سلم ع بنت عمك يا شادي
شادي مد ايده و منطقش بكلمه من جمالها
فريده مدت ايدها و كانت في عالم تانى و فضلو باصين لبعض ثوانى و ايدهم في ايد بعض
سوسن تقطع الصمت: اتفضلو يا اولاد واقفين كده ليه.
فريده تسحب ايدها و تقعد و سرحانه خالص، حتى هو بقى من حزين و زهقان و قرفان ل مبتسم
على غمز ل شادي يقصد يقوله مش قولتلك هتعجبك
شادي غمزله و ابتسم يعنى عجبته
تطلع دانيه من الاوضه و لبسه هدوم رياضيه و راحت تسلم ع عمها: اهلا يا عمى منور
على اخدها في حضنه: حبيبت عمو كبرت ما شاء الله اخر مره شوفتك كان عندك اربع سنين
دانيه باستغراب: اربع سنين ازاي يا عمو! حضرتك شوفتني اخر مره و انا عندى عشر سنين.
على يندهش و يحاول يكدب نفسه: انتى فريده
دانيه بقرف: بقول ل حضرتك شيفني اخر مره و انا عندي عشر سنين يبقى انا دانيه
على يبلع ريقه: معلش اصل شكلك اتغير خالص و يبص ع هدومها الرياضيه
تلف تسلم ع شادي ببرود: اهلا يا اخ
شادي تنح و انصدم ان البنت اللى لابسه لبس رياضى و لمه شعرها و بتقول كمان اخ و بتتكلم بطريقه اوفر انها دانيه و يرد عليها بقرف: اهلا ويبص ل باباه بصدمه.
سوسن بكسوف من دانيه: معلش يا جماعه دانيه رياضيه و بصوت واطى و تبص ل دانيه ليه ملبستيش الفستان يا زفته
دانيه بصوت عالى: ايه يا مامتى مالى كده مانفعش ولا معجبش و تبص ل شادي
فريده برقه: اتفضل يا انكل العصير
شادي بيحاول يتجاهل دانيه و يبص ل فريده و برقه: وانا ماليش
فريده برقه: اتفضل طبعا
دانيه بتبصلهم و بصوت واطي: يا محني
شادي بقرف: بتقولى حاجه
دانيه بنرفزه: لا، مصدعه ا و قامت دخلت اوضتها ).
على بحزن: بكره انشاء الله نجيب الشبكه
شادي كان بيشرب العصير راح شرق: بس لسه بدرى
على: و لا بدرى و لا حاجه
سوسن: ع خيرة الله ربنا يقدم اللى فيه الخير
على: احنا هنستأذن و نقابلكم بكره
قام على و شادي سرحان مع فريده
على: شادي يالا
شادي: امم
على: يالا هنمشي
شادي قام: سلام يا انسه سلام يا طنط
فريده ب هيام: بااي
سوسن: سلام يا حبيبي.
في العربيه
شادي: انت ازاي تقولهم نجيب الشبكه البنت دي اصلا قليلة الذوق
على: بس اتكلم معاها و ان شاء الله هتعجبك
شادي بحده: بابا سبق وقولتلك انى مش هتجوز اي واحده و خلاص و مش هتجوز كمان عشان وصيه بلاش تخاريف ده حتى الشرع بيقول ان العريس و العروسه لازم يكون في بينهم قبول
على: اتكلم بس معاها الاول
شادي بعد تفكير: فعلا لازم اتكلم.
في بيت رنا
مدحت يدخل البيت
رنا تحضنه وتحط ايدها ع رقبته: حبيبي اتأخرت ليه
مدحت بانجاز: ما انا قولتلك عندى شغل كتير
رنا: طيب حبيبي مقلضم ليه
مدحت بخبث: عايز ادخل صفقه و الفلوس مش مكفيه معايا
رنا: حبيبي ما احبش اشوفك مقلضم ابدا
مدحت يحط ايده ع وسطها و يقول بمكر الذئب: طيب اعمل ايه و انا محتاج فلوس كتير
رنا ببرئه: حبيبي انا معايا فلوس اللى انت عايزه خده.
مدحت بضيق مصطنع: بس يا حبيبتى ماينفعش اخد من مراتى فلوس
رنا بحب صادق: مافيش فرق بين فلوسي و فلوسك
مدحت يقرب منها اووى و يقفل النور
(و الواضح ان رنا نسيت انه لسه مكتبش عليها و بقى جوزها ).
نايا فضلت تمشى كتير في الشارع و كل شوية تفكر في مهيمن و شوية في القوت الخاصه و شويه في مامتها لما تعرف و كل حاجه فضلت تيجى ع باله لحد ما راحت ل دانيه ترمى هما عندها
نايا: طنطى عامله ايه
سوسن: كويسه يا مصيبه
نايا بهزار: احبك و انتى بتمدحى فيا امال فين دانيه
سوسن: الزفته في اوضتها
نايا تروح اوضة دانيه
سوسن بجديه: نايا كلمي صاحبتك و عقليها شويه
نايا تقف و باستغراب: اعقلها ع ايه؟!
سوسن: ادخليلها و هي هتحكيلك
نايا بعدم فهم: اووكشن ( تدخل الاوضه تلاقى دانيه بتعيط جامد) ( (و هنا بقى ينطبق المثل جبتك يا عبد المعين تعنى لقيتك عايز تتعان )
نايا بقلق: فيه ايه يا دندون، و انا اللى جايه اافضفض معاكى
دانيه بتعيط
نايا: بت فيه ايه قلقتينى
دانيه عياطها بيزيد وتقول بصوت متقطع و شهيق: ماما عايزه تجوزنى شادي ابن عمى
نايا: و ده من ايه
دانيه: معرفش
فريده تدخل عليهم: hello عليكم يا قوم.
نايا بتشاور ع فريده: و ده بردو من ايه
دانيه بدموع: سيبك منها اعمل ايه انا دلوقتى
فريده تقعد: Hov are you
نايا تبصلها و تضحك بهستريه: انتى فعلا مش طبيعيه، هاف مين اسمها How
فريده تخبطها ع كتفها: خليكى في حالك
نايا بضحك: بس كده ده انا هلم حالى و امشى من هنا حالا لانى مش ناقصه و قامت
دانيه: رايحه فين خدينى معاكى
نايا بهزار: طيب بسرعه نهرب من هنا
فريده خدونى معاكم.
نايا و دانيه يدخلو البلكونه و نايا تزق فريده بره: مستحيل ( و قفلت البلكونه في وشها و قعدت ع سور البلكونه: ممكن بقى اعرف طنط ليه مصممه دي عمرها ماغصبتك ع حاجه
دانيه بضيق: ما ده اللى هيجننى اشمعنى المره دي و كمان ع جواز
نايا: طيب ايه رأيك تحاولى تقولى ل ابن عمك وش كده انتى مش عيزاه
دانيه تمسح دموعها: تصدقى فكره انا لازم اقوله انى بحب فادي
نايا بجديه: و بكده لو راجل عمره ما يقدر يرتبط ب واحده بتحب غيره.
فريده تدخل: ايه لسه بتنمو ع My haret
نايا باستغراب: ماي مين يا عنيه
فريده: هارت يا عنيا
نايا: هو لحق يبقى هارت
فريده: why nat
نايا: يادي النيله مين بقى اللى نط
فريده: يعنى و ليه لا
نايا بضحك: لا يا شيخه اسمها not مش nat، يا قلبي انتى كل الرجاله عندك Why not
فريده: No No No
نايا: نسيتى لما عاكستى اخويا
فريده: يا روحى و انا لسه عند كلامى اخوكى ده مش دكتور ده الدوا ذات نفسه اللى بيشفى اي تعبان.
نايا ب استغرب: ده اخويا سبحان الله اشمعنى انا بيجيبلى صداع نصفى اول ما بشوف وشه
فريده: اديكى قولتى نصفى مش كلى
نايا: سيبك من اخويا و ابن الجيران اللى هنا قصادك
فريده بضحك: عليه ضحكة مش بقدر انزل عينى من عليه
نايا بضيق: سيبك من ده و ده طيب و ميدو بتاع النادي
فريده: ده بقى عليه غمزات بتدوخنى
نايا بعصبيه: يا روحى دول كتير اووى بس انا مش فايقه ليكى.
فريده ببرود: ولا كتير ولا حاجه يادوب الف راجل اللى عجبوني من ساعة ما اتولدت بس شادي غيرهم كلهم
نايا بنرفزه: ماشي البيت دي من قدامى
دانيه: اهدي لاتقعى من ع السور
نايا تكتم غيظها: طيب و شادي يفرق عنهم ايه
فريده بسهوكه: شادي لا لا اول ما شوفته
حصل ل قلبى refresh. قدامه بنسى الكلام
نايا تنحت و فتحت بقها
فريده: هو اي نعم مش المز اللى بحلم بيه بس هو ده اللى قلبي دقله جمال مصري اصيل.
نايا: طيب ارد عليها و لا اسكت
دانيه: معلش سيبك منها
فريده: شادي حبيته فيري ماتش
نايا بعصبيه: لا لا لا لا وربنا كده كتير
دانيه بتمسكها: معلش عشان خاطري
نايا بتمثل العياط: دي بتقول فيري! فيري مين يا ماما
فريده: فيري ماتش
نايا: فيري مين و ماتش ايه ياللى تنشكى
فريده بتحاول تصلح الكلمه الغلط اللى نايا مستغرباها: يبقى تيشت.
نايا تضحك بغيظ، تيشت ايه انا كده اروح اجبلك صابون فيري و تيشت و تاخدى ام دماغك دي فومين و بعد كده امسكى دماغك و العبي بيها ماتش يا ام ماتش، اتفو عليكى عبو اللى علمك انجليزي و اللى عايز يعرفك
فريده: امال اسمها ايه
نايا تمثل الهدوء: very mutch
فريده بمشاكسه: بس بس ده انا نباغه حتى انا بقول الجمله بطريقه احلى
نايا بنفاذ صبر وتعد ع ايدها: بصى بعد فيرى و تيشت و ماتش و بس بس و نابغه انا امشى احسن.
دانيه تمسكها: استنى يا نايا محتاجه اتكلم معاكى
نايا: هششش انسيني خالص، اختك دي فصلتنى بطريقه بشعه مش كفايه بتحب ع نفسها لا دي كمان بتتكلم لغه مش عارفه هي جبتها من انهى داهيه
فريده بتريقه: داهيه يااااي ده انتى لوكل
نايا بعصبيه: ايوه انا لوكل و لوكل اووى سيبونى امشي بقى ونزلت.
عند كرم
بعد ما وصل مريم روح ع بيتهم: حبي مساء النور
نايا سانده ضهرها ع ضهر الكنبه و مربعه رجلها: مسا مسا كرم
كرم: روحي شكلك مش مرتاحه اجبلك مخده
نايا اتعدلت: و ده من امتى الحونيه دي
كرم: انتى اختى حبيبتى
نايا: عايز ايه يا كرم
كرم: عايزك تقولى ل ماما انى بحب و عايز اخطب
نايا: اخت مهيمن
كرم بفرح: اه
نايا ببرود: ماتقولها انت ولا انا الخطبه بتاعتك.
كرم: اصل هي صغيره شويه و، (و مرديش يكملها انها مريضه نفسيا )
نايا بذكاء عشان تروح القوات الخاصه تانى: لا مستحيل تتجوز واحده صغيره
فادي: انا حبيتها
نايا بفرحه: هقول لماما و هساعدك بس تسبنى اروح المعسكر بتاعى
كرم بزعيق: نعم ياختى
نايا: شوف قلبت ازاي 1000 درجه فين الكائن الرقيق اللى كان موجود جواك
كرم بحده: انتى بتحلمى انك تروحي تانى
نايا: ماميتو ابنك الدكتور بيحب عي...
كرم حط ايده ع بوقها: بس اخرسى اكتمى خالص
نايا و بنظرة تحدى: هتسبنى اروح صح
كرم: هسيبك تغورى بس ساعدينى اقنع ماميتو بتاعتك
نايا بانتصار: يا حبيبي يا اخويا
اخوها حضنها بغيظ ويقول بقرف: يا حبيبتى يا اختييى
نايا: اوعدك اول ما ارجع من السفر المره الجايه هكلمها ع طول بيس
كرم: و ليه مش دلوقتى
نايا: اظبط بس نفسي بيس
كرم: بيس و بصوت واطى عبو اللى يعرفك اتفو
نايا: حياشييى بتقووول حاجه
كرم بضحكه مصطنعه: حبي تسلميلى.
نايا في اوضتها ماسكة الفون و بتوتر شديد و بتردد: لا ما ينفعش اكلمه تانى هقوله ايه عليا
قلبها يرد عليها: بس هو وحشنى اووى و نفسي اكلمه نفسي احس باهتمامه هو اكيد في حاجه جواه من ناحيتى
عقلها: لا ما فيش و عقلينى شويه من تهورك و جنانك
قلبها: طيب هو لو مش في حاجه جواه ليا ايه اللى جابه الكافيه ها ها ها.
عقلها: بس كده هتبقى اوفر و هو هيزهق منك عشان بتكلميه دايما و هو اصلا مش بيرد عليكى و لا بيعبرك و كل رسايك سين عايزه ايه تانى يا لازقه يا بايره
قلبها بزعل: ايوه انت صح و مش هكلمه تانى عشان انا و لا لازقه و لا بيره
وتمسك فونها و تفتح ماسنجر ع صفحته
عقلها: ايه ده! انتى بتعملى ايه
قلبها: هششش اسكت انت
(وطبعا زي طبيعة اي انثه رقيقه القلب هو المسيطر الوحيد في اي علاقة حب ).
نايا تجيلها فكره و تفتح الرسائل الماسنجر ع مهيمن و تعمل نفسها مستغربه: كابتن مهيمن ايه ده!
مهيمن قاعد مع اخته و كانت في حضنه بيتفرجو ع فيلم كوميدي و طبعا رغبت مريم الفيلم ده، يسمع صوت مسدج و يشوف الرساله يكلم نفسه باستغراب: هو انا عملت ايه و بتقول كده ليه (و لسه بيفتح الرساله. (لا مش هفتح هيبان سين عندها). بس انا لازم اعرف هي تقصد ايه. فتح المسدج
مهيمن يرد عليها: هو ايه اللى ايه ده؟
نايا كانت فرحانه جدا ان خطتها نجحت فضلت تنطط ع السرير و تكتب: اصل انا الصبح كنت بكلم صبحتى و لقيت الكلام عند حضرتك ممكن تقولى الكلام وصل لحضرتك ازاي
مهيمن: حضرتك اللى بعتى اكيد معرفش ازاي وصل ممكن الجهاز بتاعك هنج و دخل كله ع بعض
نايا بلئم (بس ع مين ): بس الغريب ان حضرتك كنت في نفس المكان اللى كنت فيه ممكن اعرف ده معنى ايه هو اكيد مش ليه اي معنى غير معنى واحد
مهيمن ارتبك.
مريم تقوم من حضنه: ابيه فيه حاجه
مهيمن بنرفزه: لا
مريم اتخضت
مهيمن اخدها في حضنه و باس راسها قلبي سوري هقوم انام عايزه حاجه يا طفلتي؟
مريم: اه عايزه
مهيمن: و عايزه ايه
مريم باحراج: اممم، احم، ايه
مهيمن: و بعدين
مريم تجمع الكلام و تقوله بسرعه: عايزه اعرف ايه اللى غير مودك كده فجأه
مهيمن بتوتر: ما تغيرش بس بكلم واحد
مريم: تقصد واحده انا مش جاهله و لو حتى جاهله شفت الصوره
مهيمن ابتسم: يا لماحه.
مريم ابتسمت: اصل انا اخت الرائد كابتن مهيمن
مهيمن باحراج: ايوه هي بنت
مريم: بتحبها
مهيمن بانكار: لا، لا
مريم: مادام قولت لا و سكت شوي و رجعت قولت لا و بسرعه يبقى بتحبها، ابيه انا اه اختك الصغيره و يعتبر بنتك زي ما بتقول، خد منى نصيحه سيب قلبك يحب ما ينفعش تدفن قلبك انت عمرك ما حبيت حتى ابله دينا الله يرحمها عمرى ما شفت في عينك ليها نظرة حب ممكن كان اهتمام العادي انها مراتك بس حب مفتكرش.
مهيمن اخد نفس عميق بس فرح ان اخته هي اللى بتقول كده و ان فعلا علاجها كان الحب: اه يا شقيه كل ده تعرفيه عنى
مريم: ابيه توعدنى انك تقولها بحبك
مهيمن بتردد: مش عارف
مريم: قولى اوعدك
مهيمن بتفكير
مريم: قول اوعدك
مهيمن بابتسامه: اوعدك
نايا كانت في الوقت ده زعلانه جدا انه مش بيرد عليها و فضلت تعيط
مهيمن دخل الاوضه بتاعته و لقى نايا بعتت ليه ماسدج.
انا اسفه جدا انى بضايق حضرتك يظهر انى حد متطفل زياده عن الازم ع حضرتك
مهيمن كتب ليها: ايه جو الدراما ده شكلك مش حلو فيه مش لايق عليكى خالص
انا كنت بكلم اختى عشان كده معرفتش ارد عليكى.
تفتكرى يبقى معناه ايه ( ويبعت المسدج )
نايا تسمع صوت المسدج تفتح الفون بسرعه و تفرح انه رد عليها: اها بفتكرك زعلت من كلامى
انا اللى بسأل معناه ايه اللي حصل ده؟
مهيمن بذكاء: يبقى نفس المعنى اللى خلاكى تبعتى المسدج ع اساس اني صحبتك
نايا تنحت تتنيحه سوده
مهيمن: ايه رحتى فين كنت فاكرك اجرأ و اذكا من كده
نايا بأيد مرتعشه: انا بعت لصحبتى ماكنتش اقصد انى ابعتلك اكيد
مهيمن لما لقاها بتنكر نكر هو كمان: اه ما انا عارف.
و انا كنت في المكان صدفه مش اكتر و لسه شايف المسدج ده دلوقتى
نايا زعلت: اها طيب تمام
مهيمن يضحك: تمام، و ما تنسيش انى رديت ع السؤال بتاعك ?? سلام.
نايا بتفكير: هو قال انه يبقي نفس المعنى اللى خلاكى تكلمينى ع اساس اني صاحبتك ماتتسيش انى رديت ع سؤالك و لما انا انكرت هو انكر. و قال ميبقى بيحبنى هههههههه بيحبنى ياس ياس ياس بيحبنب و فضلت تتنطط ع السرير لحد ما وقعت حضنت مخدتها و نامت.
اما عند مهيمن: اه يا مجنونه شكلك هتخلينى اعترف بحبك
عند دانيه بتعيط جامد
فريده: بت انتى بطلى صداع و نامى بقى صدعتى اهلى
دانيه بعياط: انا هسيبلك الاوضه خالص اتخمدي ورمت عليها المخدمه
طلعت البلكونه لقت عربيه اسبور مليانه بلالين و فوقيها قلب كبير و مكتوب عليه بحبك يا ضي عيوني.
دانيه عجبها المنظر و قالت باستغراب: الله مين الرومانسي ده اللى بيعمل كده لحبيبته و فضلت تبص ع البلكونات اللى جنبها و اللى فوق عشان تشوف البنت اللى واقفه اللى حبيبها بيعشقها بس مالقتش حد، فجأه طلع فادي من العربيه و ماسك الفون بيتصل عليها رديت بسرعه
فادي شغل اغنيه بتاعة تامر حسني كل مره بشوفك فيها ببقى نفسي اه اه اشوفك اقولك انى كلك عندى بالحياه و فضل يرقص و يشاور عليها
اخر الاغنيه قال و بصوت عالى.
بحببببببببببببك
دانيه فرحت اوووى و شاورتله و بصوت واطى: و انا بموت فيك و عملت قلب
فادي فك البلالين و وقف تحت البلاكونه بتاعتها و ساب البلالين و فضلت تطلع لحد ما وصلت البلكونتها و ماسكتها
فادي بحب: تصبحى و انتى جوه قلبي ع طول
دانيه بابتسامه و شاورت: انت جوه قلبي من اول ما شوفتك
فادي: و انتى ملكتيني من غير مقدمات
واحد طلع في بلكونه: في حاجه يا اخ
دانيه اتكسفت و دخلت ع طول.
فادي: ايه يا عم طالع كده البلكونه من غير استإذن افرض ناس قالعه في الشارع و ع العموم كنت جاي اشوف واحد بحبه بس للاسف طلع بيبيع بسرعه
الراجل: طيب امشى من هنا يالا
فادي: بص انا همشي بس عشان متفصلش اكتر من كده
و ركب العربيه و مشي
اتصلت عليه دانيه و بضحك: سوري
فادي بحب: عيونى انا اللى سوري بس كان ممكن يجرالى حاجه لو ماشفتكيش
دانيه غمضت عينها بفرحه و قالت بصوت ولهان: بحبك.
فادي: يااااااا اخيرا سمعتها و انا بموت في امك
دانيه بضحك: طيب و انا
فادي: هنغير من اولها
دانيه: طبعا اغير مش حبيبي
فادي: ام لغتك دي لازم تنفي اي حاجه ع العموم يا عيونى امك دي اللى جابتك عشان كده لازم أموت فيه اللى جاب القمر ده ليا
دانيه: لو كده موت برحتك
دانيه قفلت مع فادي بعد كلام حب كتير
و قررت انها تكلم شادي و تقوله انها مش بتحبه و مش عايزه تتجوزه و تقوله انها بتحب غيره
دانيه اتصلت و تقول بحده: الو.
شادي بهدوء: لسه اخد رقمك من بابا و كنت هتصل بيكى دلوقتى
دانيه بقرف: اكيد القلوب مش عند بعض
شادي: مادام بتتكلمى بالطريقه دي يبقى عند بعضها
دانيه: انت بتحلم اصلا ان قلبي يكون عندك
شادي من طبعه انه يتكلم بهدوء ع طول حتى لو متضايق بيحب يحل اي مشكله بالعقل مش بالصوت العالي: و انا مطلبتش منك قلبك يكون عندى
دانيه بحده: بقولك ايه...
شادي يقاطعها: بكره هستناكى تحت البيت بتاعكم عايز اتكلم معاكى و الحمدلله يعتبر متفاهمين
دانيه بعصبيه: انت بتحلم انى اقابلك
شادي بهدوء: اوكى الساعه 11 هكون تحت البيت وقفل الفون
دانيه بضيق: ايه البنى ادم المستفز ده يارتنى ما كلمته عكنن عليا بعد ما كنت فرحانه يخرب عقله.
اما عند رنا في حالة حب و انسجام.
يوم جديد
مهيمن صاحي بيفطر في وسط عيلته و كرم اخد مريم الامتحان
و عند نايا بتفطر و سرحانه اذا كان فعلا بيحبها و لا لأ
و رنا نزلت تسحب فلوس اللى طلبها مدحت
و دانيه بعد تردد لبست بنطلون جينس مقطع من كل حته و تيشيرت ابيض عليه شنب و شعرها الطويل كرلي منكوش.
شادي اول ما شافها اتصدم من شكلها و تسريحتها و لبسها
شادي: اتفضلي اركبي
دانيه ركبت
شادي: ايه اللى انتى لابساه ده ممكن اعرف فين الفرق اللى بينى و بينك مع ان بنطلوني مافيهوش قطع واحد
دانيه ببرود: انا كده و هفضل كده
شادي بص ليها باستغراب و ماشي لحد ما وصلو الكافيه
شادي: انا قبلتك النهارده عشان.
دانيه تقاطعه: بقولك ايه شغل النحنحه ده مابيكلش معايا انا مش عايزاك و لا طايقه اشوفك.
شادي رجع ضهرو ع الكرسي و ربع ايده: خلاص خلصتى
دانيه تكمل بحده: و انت لو اخر راجل في الدنيا عمري ما هبصله.
شادي: ميرسي لذوقك بس كان ممكن تقولى كل الكلام ده بطريقه احسن و انا يا انسه دانيه مش عايز ارتبط بيكى و مش جايبك هنا عشان بموت فيكى انا قابلتك عشان اقولك ارتباطى بيكى وصية عمي الله يرحمه، و انا حاولت افهم والدي كتير ان الوصيه دي ما ينفعش تتنفذ عشان جوازنا هيبقى باطل عشان ولا انا عايزك و لانتى عايزاني
و رأيي بابا، تنفيذ وصية الميت واجب، ممكن، وعدم تنفيذها أو تغيير حكمها لا يجوز، اكيد.
و رأيي انا، بس لو غيرنا الوصيه للافضل هيبقى احسن، في احد العلماء قال لا يجوز بقول الله تعالى: ( فمن بدله بعد ما سمعه ) و دي اية البقرة: 181، ولم يستثن إلا ما وقع في إثم فيبقى الأمر على ما هو عليه لا يغير.
و في رأيي تانى بيقول يجوز تغييرها إلى ما هو أفضل ؛ لأن الغرض من الوصية التقرب إلى الله عز وجل، ونفع الموصى له، فكل ما كان أقرب إلى الله، وأنفع للموصى له، كان أولى أيضاً، والموصي بشر قد يخفى عليه ما هو الأفضل، وقد يكون الأفضل في وقت ما غير الأفضل في وقت آخر، ولأن النبي صلى الله عليه وسلم أجاز تحويل النذر إلى ما هو أفضل مع وجوب الوفاء به...
دانيه باستغراب: وصية بابا!؟ عشان كده ماما مصممه ع الجواز! سوري يا شادي اصل انا بحب شاب تانى وخفت تكون رغبتك انت
شادي: لا عادي انا ابن عمك بس ياريت تفكري كويس قبل ما تتكلمى مع اي حد بالطريقه اللى كلمتينى بيها من شويه و ياريت تعرفي انك بنت يعنى اللى انتى لابساه ده ماينفعش بنت تلبسه لعنه الله المتشبهات من النساء بالرجال
دانيه: الله حضرتك عشت في امريكا بس بتتكلم دايما بالدين و كلام الرسول.
شادي: دانيه ده دينى لازم اعرفه اذا كنت عايش في امريكا او في اي مكان رب هنا رب هناك. وفير ان في ناس كتير بتدفع ملاين عشان تعرف دين الاسلام و في ناس قراءة القرآن بالنسبه ليهم بتبقى صعبه جدا بس بيحاولو يقرأ و ما بالك انا بقى ربنا خلقنى مسلم و كمان مصري عايز ايه تانى عشان اعرفي دينى اللى سهل اووى اعرفه و اقراه
دانيه باعجاب: ماشاء الله عليك بس ممكن افهم ازاي ممكن تغير الوصيه للافضل.
شادي: ان بدل ما اتجوزك و انتى مش موافقه بيا و لا انا موافق ف ممكن اتجوز فريده
دانيه تنحت و لقت فادي واقف قدمها دانيه تبلع ريقها بصعوبة
شادي باستغراب: في ايه؟! مالك تنحتى ليه! عندك اعتراض اتجوز اختك؟