رواية مجنونة في عالمي للكاتبة سلسبيل كوبك الفصل السابع والثلاثون والأخير

رواية مجنونة في عالمي للكاتبة سلسبيل كوبك الفصل السابع والثلاثون والأخير

-في الصباح الباكر...
وعد صحيت من نومها...
و فتحت تليفونها...
وعد: اهلين...
عز: في حد كدة الله؟
وعد: ايه الله؟
عز: انا عريس سيبيني يا وعد...
وعد: هسألك سؤال واحد و نام موت براحتك...
عز: خير...
وعد: فين مستشفي مامت ادم؟
عز: ممنوع تروحي...
وعد: لا..
عز: لا ايه؟
وعد: مش ممنوع انا هروح قول بس فين العنوان...
عز: هبعتهولك يا وعد بس و ربي لو ادم عرف هينهي حياتي الزوجية قبل ما ادخل دنيا...
وعد: متقلقش يلا ابعت...

عز بعت لوعد العنوان، و وعد نزلت راحت لمستشفي..
-عند تميم و نور...
تميم: يا بت قومي...
نور: خير...
تميم: قومي النهاردة الصباحية...
نور: تمام...
و كملت نومها...
تميم: الصبر...
تميم(بزعيق): يا بت قومي..
نور: اوف حاضر...
نور قامت و دخلت الحمام و خرجت لتميم...
تميم: يلا نحضر الفطار...
نور: طب ما كنت تعمله و تصحيني...
تميم: متخلنيش اهزأك...
نور: اوف يلا...
-عند مرام و حمزة...
مرام: حمزة حمزة اصحي...

حمزة: في ايه يا مرام امشي...
مرام: بصحيك بقالي سنتين...
حمزة: امشي من هنا...
مرام: طيب...
مرام راحت جابت كوباية ماية و رمتها على وش حمزة...
حمزة: اه يا بنت ال...
مرام: احترم نفسك...
حمزة: هوريكي الاحترام بقي...
حمزة قام يجري ورا مرام و مرام بتضحك و صوتها عالي...
-عند ريان و مايا...
ريان: شايفة الناس فوقنا بتضحك و تهيص و انتي قالبة وشك...
مايا: انا هقول لادم و هطلق منك..

ريان: يا بت عملت ايه البت بتتصل تقولي مبروك...
مايا: و النبي...
ريان: اه اعمل ايه؟
مايا: و انت كمان طولت معاها بالكلام...
ريان: هي اللي مكنتش عايزة تقفل...
مايا: لا برضو...
ريان: يا حبيبتي يا روحي دي بنت هنشغل نفسنا بيها دلوقتي، احنا مبسوطين و امبارح كان فرحنا بقي مضيعيش الفرحة...
مايا: اوف تمام...
ريان: بحبك...
مايا: و انا كمان...
-عند نانسي و عز...
عز: ما شوفتش انا حد يتصل بعريس الصبح كدة...

نانسي: اكيد هتعمل حاجة لادم اصبر...
عز: هصبر، قومي بقي اعملي اكل...
نانسي: انا تعبانة و هنام تصبح على خير...
عز: انتي لسة صاحية...
نانسي: هنام تاني عادي...
عز: يا بت قومي نتكلم طب...
نانسي: لا..
عز: يا بت هضربك..
نانسي: وريني علشان ايدك تتكسر و هقول لبدر عادي...
عز: يادي بدر ده طالعلك في البخت الله...
نانسي: لو مش عجبك طلقني...
-عند بدر و سيلين...
بدر: سيلين...
سيلين: نعم...

بدر: هخش اخد دوش تعالي انتي كملي الفطار...
سيلين: تمام...
بدر دخل خد دوش و خرج...
سيلين: يلا الفطار...
بدر: عيوني...
-وعد بقي راحت المستشفي...
وعد: لو سمحت..
ممرضة: نعم...
وعد: هنا في والدة الدكتور ادم المشهور ده..
ممرضة: اه اه بس ممنوع اي حد يدخل عندها غير الدكاترة...
وعد: انا دكتورة علفكرة و هتكلم كلمتين و امشي..
ممرضة: بس..
وعد: بصي ده سر، دي والدة جوزي و انا عايزة اساعدها تقوم بليز...

ممرضة: تمام يا دكتورة...
وعد: اسمي وعد تمام فين بقي الاوضة...
ممرضة: تعالي معايا..
الممرضة: اهي بس بسرعة والنبي...
وعد دخلت و قعدت...

وعد: بصي احم يعني انا اسمي وعد مصطفي النجار، اكيد مش عرفاني، انا مرات ابنك ادم، هو بيقولوا ان الشخص اللي بيدخل في غيوبية ساعات بيبقي رافض يعيش، بس انتي عندك اسباب تعيشي علشانها ابنك ده مفكرتيش ممكن يعمل ايه في غيابك، ادم طيوب و كويس، اينعم كان بيشتغل في شغل وحش بس اتغير هو بيحبك اوي و جاب ليكي حقك و عم مؤمن برضو بيحبك و بشوف لمعة عنيه لما بجيب سيرتك، و انا كمان بحبك لان ادم بيحبك، تعرفي انك شبه ادم او بمعني اصح هو شبهك، بس ادم وشه كدة وسيم و كيوت و مز و انا بحبه اوي، بغير عليه و هو بيغير بس انسان كدة مستفز احم مش بشتكي ها، بصي يا ستي هو عايزك ترجعي اه هنتجوز قريب معرفش امتي بس ابنك معلقني كدة فوقي بقي عشان اتجوز بقي الله و اخلف عايزة اخلف اسر و نور بقي، عارفة اني رغاية بس معلش بقي زي بنتك، ما انا بنتك ابنك يبقي جوزي بس، ابنك عايزك ترجعي و انا هرجع ليكي تاني، و علفكرة انتي حلوة اوي و انا بحب ابنك اوي، باي جاية تاني...

و وعد خرجت بسرعة ملاحظتش اللي كان سامع كل كلمة بتقولها و اللي ضحك على جنونها...
ادم: بحبك يا مولاتي...
و ادم بص على مامته و مشي...
تليفون وعد رن، الخط اتفتح...
وعد: خير؟
ادم: وحشتيني...
وعد: موحشتنيش خالص...
ادم: لا و النبي...
وعد: اه طبعا..
ادم: ماشي باي بقي...
وعد: انت فين؟
ادم: مكان ما انتي عايزة...
وعد: قلبي...
ادم: روحي...
وعد: لا بقولك تعالي في قلبي عادي يعني...
ادم: رزلة...
-عدي يومين...
سيرين: وعد وعد...

وعد: ايه؟
سيرين: اياد جاي يخطبني...
وعد: تمام يلا بقي سيبيني انام...
سيرين: مش هتلبسيني و الكلاب التانين مش بيكلمونا...
وعد: اهدي يا روحي...
و بعد فترة...
وعد: كيف الجمر!..
سيرين: بجد؟
وعد: اه...
منال: يلا يا بنات العريس وصل...
سيرين: ها...
وعد: يلا يا بت قدامي...
سيرين خرجت هي و وعد...
مصطفى: تعالي يا بنتي...
سيرين: حاضر...
اياد: انتوا عارفين طلبي...
وعد: موافقة يا بنتي ورايا مشوار انجزي..
سيرين: احم اه...

اياد: الفرح كمان اسبوعين...
سيرين: بسرعة...
وعد: الف مبروك يا اياد مبروك للجميع باي..
سلوى: استني يا بنتي...
وعد: ورايا مشوار مهم...
وعد ركبت عربيتها و راحت لمامت ادم...
وعد: اهلين..
ممرضة: انتي تاني؟
وعد: ليه؟
ممرضة: الحمد لله المرة اللي فاتت ادم بيه مقالش حاجة لانه مسألش بليز مش عايزة اموت...
وعد: متخافيش...
و راحت لاوضة مامت ادم...

وعد: هلوز احم يعني انا وعد فكراني صح، هزعل لو مش فكراني و هجيب ناس تزعل، ادم عايز يحضنك اوي فوقي بقي علشان خاطره متخافيش كل حاجة هتتنسي و هنعيش في سعادة، و اه انا هتفق مع ادم انا و انتي و هو هنعيش مع بعض، و هنبقي مبسوطين ايه رأيك بقي يلا فوقي هعيط و ربي...
وعد: يعني يرضيكي اعيط، يا ستي هخليكي جدة بس فوقي بقي، طب انا زحلانة قومي ادم بيحبك و ربنا، همشي دلوقتي علشان انا تعبانة باي...

وعد مشيت و بعدها بساعتين...
عز: وعد جيبي كل عائلتك و تعالي بسرعه على مستشفي مامت ادم...
وعد: حصل حاجة...
عز: معرفش، و احنا رايحين كلنا...
ريان: هو في ايه؟
عز: معرفش...
و الكل راح للمستشفي تحت الدهشة و وعد خايفة...
وعد(بخوف): في ايه يا ادم؟
ادم شال وعد و لف بيها...
ادم(بسعادة): مااما فاقت فاقت يا وعد...
وعد: بجد؟
ادم: اه...
وعد حضنته جامد و هو مسك فيها و قعد يعيط...
ادم: بحبك بحبك اوي..

وعد: خليك قوي انا معاك، بحبك...
الدكتور: اللي حصل معجزة بجد...
ادم: متشكرين..
الكل دخل الاوضة، بعد ما نقلوها اوضة عادية...
ادم: ماما انتي كويسة...
ثناء: اه يا حبيبي وحشتني...
مؤمن: حبيبتي...
ثناء: حبيبي...
ثناء: فين وعد؟
نور: هو انتي تعرفيها؟
ثناء: اه بس مش انتي وعد...
وعد: احم انا...
ثناء: قربي...
وعد مسكت في ادم اكتر...
ثناء: مش بعض علفكرة...
وعد: انا مش خايفة عادي...
وعد قربت...

ثناء: انتي وعد اللي كانت بتتكلم كل شوية..
وعد: احم اه...
ثناء: شكرا شكرا ليكي اوي...
وعد: على ايه بس؟
سيرين: يبقي تتجوزي انتي و ادم بقي..
ادم راح حضن وعد...
ادم: معنديش مانع...
وعد: بعدك يا سيرين..
سيرين: ايه اخبار الجواز يا بنات...
البنات كلهم: زفتتتتتتتتتتت...
ريان: لا و النبي...
مايا: طبعا، ده واخد مني التليفون...
ريان: ما انا بخليكي تتكلمي من تليفوني...
مايا: لا و النبي...
ادم: يلا هنروح...
وعد: تمام...

ثناء: مش جاية معانا؟
وعد: لا علشان مجرد كتب كتاب...
ثناء: تمام...
-جه فرح سيرين و اياد...
اياد: احلي يوم في حياتي...
سيرين: و انا كمان...
ثناء: و انتوا اتعرفتوا على بعض ازاي؟
وعد: يووووووووووه قصة عريقة طويلة بلاش نفتكرها زبالة اوي...
ادم: لا و النبي...
وعد: اه و الله...
نور: بطلوا خناق...
وعد: احنا مش بنتخانق...
الفرح خلص اياد و سيرين راحوا شقتهم...
و بعدها بأسبوع...
الكل كان متجمع...

ادم: فرحي انا و وعد كمان يومين...
وعد لا رد...
نور: مبروك يا وعد...
سيلين: مبروك يا روحي...
منال: اخيرا هشوفك عروسة...
وعد: انا وافقت؟ يبقي بتباركوا على ايه اصلا...
حمزة: اوبا قصف جبهة...
ادم: و الله؟!
وعد: انت قولت كمان يومين انا وافقت لا يبقي خلاص و كمان في هدوم و كدة يعني..
ادم: وعد معندكيش حجة كل الهدوم انا خليت بنات تشتريها كل الانواع و كل حاجة...
وعد: ذوقك اكيد وحش...
ثناء: في ايه يا بنتي؟

وعد: ها يا طنط...
مؤمن: معلش يا ثناء هي وعد علطول بتحب تهزر...
ادم: خلص الكلام يلا النهاردة عدي بكرة الحنة بعده الفرح يلا باي...
و قرب من وعد باسها من رأسها و مشي...
ادم: باي مؤقتا، بحبك...
عدي اليوم و جه يوم الحنة، و البنات قعدت تهيص و تضحك و ترقص و فرحانين اوي، و الشباب مبسوطين و بيشربوا و بيضحكوا و يهزروا...
نور: كفاية العروسة بقي تنام علشان بكرة...
وعد: انا فعلا تعبت باي...

وعد دخلت اوضتها، و لسة هتنام..
ادم: وعدي...
وعد: ادم!
ادم: خديني جمبك...
وعد: بس مينفعش...
ادم: لا ينفع...
و نام جمبها و حضنها و ناموا في سلام...
-في الصباح الباكر...
وعد: ادم ادم اصحي...
ادم: ايه يا وعد؟
وعد: قوم امشي بقي..
ادم: تمام...
و ادم لسة هيمشي...
ادم: اه...
و ادم قرب منها و (لخيالكوا)...
ادم: بحبك باي...
ادم مشي و وعد خرجت و راحت للفندق...
سيرين: ادلعي يا عروسة...

نور: و افرحي يا عروسة انا العريس يا عروسة يا عروسة انا العريس...
وعد(بخوف): بس بقي انا هموت من كتر الخوف..
سيلين: اهدي يا عروسة و كمان انتي طالعة زي القمر..
وعد: بجد؟
مايا: اكيد هتعجبي اخويا انا عارفة...
الباب خبط...
وعد(بخوف): محدش يفتح بليز...
نانسي: تعالي يا عريس خد عروستك..
ادم: خايفة؟
وعد: اه...
ادم: طول ما انتي معاايا متخافيش يلا...
و ادم مسك ايديها و نزلوا على السلالم...
ادم: متخافيش تمام...

وعد: حاضر...
و قضوا اليوم و انبسطوا و رجعوا بيتهم...
ادم: وعد...
وعد: اممممم...
ادم: عارف انك خايفة بس متخافيش كل حاجة بسيطة...
وعد: تمام..
ادم: تمام يلا بقي غيري هدومك...
وعد و ادم غيروا هدومهم...
ادم: نسيت اقولك...
وعد: اه.
ادم: بحبك...
وعد: و انا كمان...
-في الصباح الباكر...
ادم: ووووووووووعد...
وعد لا رد...
ادم: يا بت قومي...
وعد لا رد...
ادم: يا زفتة...
وعد: امم سبني انام اوف منك لله...
ادم: طب قومي...

وعد: اوف ماشي..
و كملت نوم...
ادم: انتي اللي جنيتي على نفسك...
ادم شال وعد و دخل الحمام و فتح الدوش و وعد تحت الدوش...
وعد: عااااااااااااا، الماية ساقعة بكرهك يا ادم...
ادم(بضحك): بعد كدة اصحي بدري...
وعد: وسع يا رزل...
و عاشوا بسعادة...
-بعد مرور 10سنوات...
ادم نايم بسلام...
وعد(بهمس): هششششش يلا...
وعد حطت معجون الحلاقة على ايد ادم و في بنت تعتبر نسخة من وعد قعدت تملس بإيديها على وش ادم...

و فجأة ادم حط ايده اللي فيها معجون على وشه...
ادم(بزعيق): وووووووووعد...
وعد طلعت تجري هي و البنت اللي معاها، و ادم طلع يجري وراهم...
ادم: و ربي ما هسيبك يا وعد...
وعد(بضحك): ابقي قابلني، اسيل حاسبي...
ادم: ماشي ماشي...
ادم: اسر اسر...
اسر: خير...
ادم: المجانين دول لازم نربيهم...
نور: انا مالي انا قاعدة في حالي...
اسيل: و انا مالي انا كمان ماما السبب...
وعد: طبعا ما انتوا ولاد الشيطان...

اسر: بابا ليه ماما لما بتشوفك مع بنت غيرها بتقول طبعا ما انت الشيطان و ليه لما نبيعها في لحظة تقول ما انتوا ولاد الشيطان...
اسيل: اه ليه؟
وعد: اقول؟
ادم: لو سبت فيكي نفس...
و ادم طلع يجري ورا وعد و وعد صوت ضحكها عالي اوي...
وعد: تعبت يا شيطان و لا ايه؟
ادم: مش انا اللي اتعب...
وعد: ياحرام...
و قربت منه و حاوطته بإيديها...
وعد: انت مش هتعجز ياض انت و لا هتفضل تحلو كدة...
ادم: و انتي عايزة ايه؟

وعد: تفضل تحلو كدة ليا و تعجز للبنات التانية...
ادم: بتغيري؟
وعد: اكيد...
ادم: و انتي مش هتغيري تصرفاتك دي؟
وعد: لا طبعا دي متعة اني اصحيك كل يوم بطريقة شكل...
ادم: طب ما...
وعد: طب ما تروح تلبس علشان الشغل يا ادم...
ادم: و النبي؟!
وعد: اه يلا مع السلامة...
اسر: مش هتكبر يا ادم...
ادم: ادم حاف كدة ياض...
اسر: اه ادم حاف عندك مانع؟
ادم: طالع لمين الواد ده؟
وعد: هشتم و ربي...
اسيل: ماما...
وعد: حبيبة ماما انتي...

اسيل: هو ليه انتي مجنونة؟
وعد: علشان اتعرفت على ابوكي، هو مجنون فجنني معاه...
نور: لا انتي مش ناقصة جنون انتي مجنونة جاهزة...
ادم: حبيبة بابا انتي و ربنا...
وعد: يا خفة...
ادم: خشي يابنتي اعملي الفطار...
وعد: جهزته و اللانش بوكس بتاع الولاد جاهز ملكش حجة..
اسيل: الباص جه يا ماما...
وعد: طب يلا انزلوا...
ادم: هخش البس...
وعد: غور...
اسر: ليه بتوصلينا كل يوم الله؟
وعد: ياض هو انت بتتحجج لاي حاجة الله...

وعد: اسر...
اسر: هاي يا وعدي...
اسر حضن وعد...
تميم: ابعد ياض عن بنتي...
اسر(ببرود): لما ياسر يبطل يحب اسيل تمام...
ياسر: و مين قالك اني بحب اختك اساسا؟
وعد: وحدوا الله كله على الباص...
مايا: وعد خدي مش قادرة...
نور: بتولدي و لا ايه؟
ريان: دي بتستعبط دي لسة في الخامس...
وعد ضربت ريان...
وعد: بس حامل عايز تبقي حامل زيها مثلا...
السواق: يلا ده انتوا مأجرين اتوبيس مخصوص لعيالكوا..
ادم: طب و انت مالك؟

حمزة: اهدي يا وحش...
حمزة: اركبي يا ياسمين...
ياسمين: حاضر يا بابي...
وعد: الله يرحم يا حمرة...
حمزة: تميم خلي بنتك تسكت..
تميم: تتكلم براحتها...
و الكل ركب الباص...
ادم: يلا يا وعد...
وعد: تومام...
ادم: مش هتتغيري بقي اوف...
وعد: بطل تحلو الاول...
بنت: استاذ ادم استاذ ادم...
وعد(بهمس): احسنلك تمشي علشان متموتش...
ادم: اهلا انسة جي جي...

جي جي: اهلا بجد بجد انا بحبك اوي يا ادم ممكن تتجوزني و هبقي مع مراتك مدام وعد، مش مشكلة المهم اكون قريبة منك بليز...
وعد(بزعيق): انتي عارفة علشان نتجوز عانيت قد ايه؟
جي جي: و الله هسعدكوا...
نور: طب اسمعي يا حلوة امشي بقي من هنا...
مرام: وعد مرات ادم و مفيش غيرها..
مايا: احسنلك ابعدي عن اخويا و مراته فاهمة...
نانسي: شكلها عايزة البوليس...
سيلين: امشي بقي من وشي...

سيرين: و لو فكرتي تيجي ناحية ادم او مراته او اي حد من اجوازنا هتشوفي بنات حواء على اصول..
جي جي اتكسفت و مشيت..
وعد: شكلك كنت مبسوط...
ادم: بحبك يا مولاتي...
و حضن وعد...

-تمام دلوقتي في بعض الناس او معظمهم بيتعاملوا مع الانسان بمظهره الخارجي يعني مثلا لو شحات يعاملوه على انه شخص بلا قيمة و لو شخص غني يحترموه و يحطوا رأسهم تحت جذمة الاغنياء، في ناس بتبان قدامك وحشة و بتعمل كل حاجة غلط بطبيعة معظم الناس هتفضل تتكلم عنهم وحش و تطلع فيهم عيوب الدنيا، لكن لو عاملت الانسان على انه يقدر يتغير لو حسسته ان لسة في امل لو حسسته ان مفيش انسان مش بيخطئ لو حسسته ان لسة في الدنيا خير لو حسسته انه شخص نضيف اوي ممكن يتغير و ساعتها هتاخد انت ثواب كبير، حاول على قد ما تقدر تغير الناس بس تكون الاول مقتنع بنفسك و بشخصيتك، لما ادم كان بيخوف وعد و قال ليها انه الشيطان وعد ردت قالت لا انت مش شيطان مفيش شخص منا اتولد شيطان في شخص سمح لنفسه انه يتحلي بنفس صفاته، لذلك متسبش نفسك تتحلي بالصفات الوحشة و انت جواك كل شي حلو و طيب، بالنسبة لنوعية البنات اللي زي سيرين العيب في الاول بيرجع للاب و للام و بعدها نلوم البنت لو كان مثلا شخص زي رحيم ده اب بيخاف على بناته و بيراقبهم و مديهم مساحة من الكلام بينه و بينهم و مديهم ثقة و امانة هي كانت هتفكر تعمل حاجة غلط لا كانت هتخاف، لو كانت مامتها مش زي هدي كانت ام بتخاف على بناتها و بيتها اولي اهتمامتها مش ال fashion و المظاهر و الكلام ده كانت سيرين اول ما تغلط هتروح ليها هي بس هي مودتهاش المساحة دي، الغلط الاول على الاهل اما بقي غلط سيرين فهي انها مسمعتش كلام اختها اختها اللي كانت بتبحها، مشكلتنا كشخصيات بنعرف الغلط متأخر او بندرك حجم المشكلة متأخر، في الحياة في نماذج كتير من رحيم و هدي و سيرين و في نماذج من وعد و في نماذج من ادم و في نماذج من سيرين و في نماذج من وليد بس احنا كأشخاص احنا اللي نحدد نبقي شخصية ايه منسمحش اننا نكمل في الغلط حتى لو كان ايه...

-آسفة على الإطالة، و عارفة اني كروت شوية احداث كدة في النص معلش سامحوني بس كنت عايزة اخلص الرواية النهاردة، تمام؟..
-يا رب تكون الرواية نالت اعجابكم و عجبتكم و بجد يعني تشجيعكم كان عامل حفاز جميل ليا و حبيت اوي يعني بجد؟..
-و بشكر كل اللي وقفوا جمبي و ساعدوني و شجعوني و بشكر كل اللي كان بيشجعني برأيه او بملحوظة او اي حاجة، بحبكوا جدا و ربنا؟..

تمت