رواية مجنونة في عالمي للكاتبة سلسبيل كوبك الفصل الثاني والثلاثون

رواية مجنونة في عالمي للكاتبة سلسبيل كوبك الفصل الثاني والثلاثون

ان وعد راحت لادم علشان ميخصمش حاجة من الدكاترة، و في لحظة ادم شدها على رجله...
وعد: وسع وسع حالا..
ادم: لا وديني بونبوني...
وعد: انت مجنون...
ادم: بيكي يا وعد انا مجنون بيكي...
و بعدين ادم قرب منها و (لخيالكوا)...
و فجأة الباب اتفتح...
وعد(بخضة): ريان...
ريان(بغضب): التربية واضحة يا انسة وعد انسة ايه بقي بعد اللي شوفته...
ادم قوم وعد من على رجله و لبس قناعه...
ادم: ريان ممكن نتفاهم؟

ريان(بعصبية): نتفاهم ايه و كمان انت ازاي عايش، انتي كنتي بتشتغلينا، دي التربية يا وعد...
وعد(بدموع): ريان و النبي اسمعني بس...
ريان راح مسك وعد من شعرها، و ادم زق ريان بعيد عن وعد و خلاها ورا ضهره...
ادم: ريان متنساش ان وعد مراتي تمام، و انا هحاول منساش انك اخوها...
ريان ضربه بوكس في وشه...
وعد: ريان لا..
و ادم و ريان فضلوا يضربوا بعض...
وعد(بعياط): ادم ادم خلاص و النبي...

وعد(بعياط): يا ريان و النبي اسمعني، مش قادرة اخد نفسي...
وعد(بعياط): خلاص يا ادم ارجوك...
ادم لاحظ ان وعد خلاص نفسها بدأ يقل و قوتها بدأت تنهار...
ادم: ريان خلاص...
و بعدين ادم راح ناحية وعد...
ادم: خلاص اهدي، اهدي مفيش حاجة...
وعد(و هي بتأخد نفسها بصعوبة): بجد؟!
ادم: اه خلاص...
ريان: عايز افهم حصل ايه؟
ادم: نتكلم بره..
ريان: لا هنا...
وعد: خلاص يا ادم ارجوك...
ادم: تمام اتفضل اقعد...

ريان راح قعد على الكنبة و وعد قعدت على الكرسي المقابل لمكتب ادم، و ادم قعد على كرسيه...

ادم: انا اسمي ادم مؤمن الشرقاوي اخو مايا بس بالنسبة ليهم ميت، و انا شغال في المافيا من حوالي 4 سنين و بيقولوا عليا الشيطان و بعدين وعد ظهرت قدامي و عرفت معلومات مكنش ينفع انها تعرفها هي و نور و بعدين كان لازم ناخد منهم المعلومات دي فخطفناهم و نور رجعت الاول بعد ما خدنا منها الفلاشة و بعدها وعد انا خليتها تمضي على عقد جواز علشان احميها من ناس كانوا طمعانين في جسمها و بعدها الباقي انت تعرفه و بالنسبة اني عملت نفسي ميت قدامكوا ده كان علشان اعرف اطلع من المافيا و اتخلص منهم...

ريان: فتقوم تستغلوا عقد الجواز و تتمموا الجوازة، صح..
وعد(بدموع): لا يا ريان..
ادم: انا حبيت وعد و عايز نكمل حياتنا مع بعض يا ريان...
ريان(بغضب): و انتي يا وعد موافقة و هو شغال في المافيا، انتي غبية انتي هتجبيلنا العار يا وعد فاهمة..
وعد(بدموع): ريان افهمني بس...
ريان: بص بقي يا ادم انت هطلق وعد غصب عنك و الا و الله هروح ابلغ عنك و هيبقي عندك اكتر من تهمة، ماشي..

ادم(بحدة): ريان انا لغاية دلوقتي شايفك اخو وعد متخلنيش اعتبرك عدوي...
ريان: مليش فيه و هطلق وعد...
و بعدين ريان شد وعد و خرج بيها من عند ادم...
وعد(بعياط): ريان انا عايزاه...
ريان(بزعيق): لا يا وعد فاهمة لا، و روحي جيبي شنتطتك...
وعد راحت جابت شنتطتها و مشيت مع ريان...
-في مكان تاني...
في بيت عائلة النجار...
نور: يا بت وريني مكتوب ايه؟
سيرين: لا انا حتى مقرأتهاش هقرأها بليل...

نانسي: بتبعينا في ثانية اه يا واطية...
سيلين: ركزوا معايا ازهق الواد بدر ده ازاي؟
نور: وعد قالت الفكرة و خلعت...
سيرين: خليه يغير عليكي...
نانسي: ازاي بقي منك ليها؟
نور: ممكن نتفق مع حمزة او ريان ايه رأيكوا؟
سيلين: هيوافقوا؟!
نور: اكيد متخافوش...
نانسي: اشطا اتفقنا...
سلوي: اتفقتوا على ايه يا مجانين؟
سيلين: ها و لا حاجة...
سلوي: ينفع ادخل؟
نور: طبعا يا تيتة...
سلوي دخلت و قفلت الباب...

سلوي: انا عارفة ان كل واحدة فيكوا جواها قصة قصة هي عايشاها في القصة الحلوة و في القصة الوحشة، و في لحظات حلوة و في لحظات وحشة، بس لازم تفهموا انكم لازم تعيشوا القصة بالحلو و بالمر، و جوا كل واحدة منكم شخص مسيطر على افكارها، ممكن حب ممكن اعجاب، اختاروا الشخص اللي هيقدر يقدم ليكوا السعادة، فاهمين يا بنات...
نور: فاهمين يا تيتة..
سيرين: عندك حق يا تيتة...

سيلين: بس هما مش بيحسوا بينا يا تيتة احنا اللي دايما بنضحي...
سلوي: الراجل بطبيعته لما بيحب واحدة مستحيل يشوف غيرها، بس لما الحب يكون حب حقيقي...
سلوي: الراجل طفل يا سيلين لازم تدلعيه و تكلميه براحة علشان يفهم...
نانسي: بس ممكن هما يعشمونا بحاجة و ميعملوش بيها و بيكسروا قلبنا...
سلوي: لو قصدك على عز عز طالب ايديك من زمان يا نانسي، بس موت صاحبه و كل حاجة جت ورا بعض متخافيش، عز راجل و هيجي بس اصبري...

نانسي(باحراج): مكنش قصدي يا تيتة...
سلوي: انا بعلمك يا روحي..
سلوي: هسيبكوا تكملوا كلام...
سلوي خرجت لقت وعد و ريان داخلين من باب الشقة...
سلوي: مالك يا وعد؟
وعد(بهدوء): مفيش..
و سابتهم و دخلت اوضتها...
سلوي: في ايه يا ريان مالكوا؟
ريان: مفيش يا تيتة عن اذنك...
نور: اهلا يا وعودة..
وعد: لو سمحتوا اخرجوا بره...
سيلين: مالك يا وعد؟
وعد(بشبه انفعال): مالي!عملت ايه الله اخرجوا بره عايزة انام...

نانسي: خلاص يا بنات يلا نخرج...
سيرين: لو عوزتي حاجة قولي...
الكل خرج ما عدا نور...
نور: وعد انا حفظاكي، في ايه؟
وعد انهارت و قعدت تعيط و نور حضنتها...
نور: اهدي يا روحي اهدي انا معاكي اهو...
نور: احكي علشان نوصل لحل...
وعد حكت كل حاجة من ساعة ما نور و نانسي مشيوا لغاية ما ريان جبها...
نور(بصدمة): ادم عايش و انتي بتحبيه و هو بيحبك و ريان شافكوا مع بعض!

وعد(بعياط): انا عارفة ريان يا نور لو ادم مطلقنيش هيبلغ على ادم...
نور: طب اهدي يا روحي...
وعد: نور لو سمحت سيبيني هنام...
نور: ماشي يا روحي انا بره لو عوزتي حاجة...
نور خرجت و وعد قعدت تعيط لغاية ما نامت مكانها...
ريان: نور تعالي عايزك...
حمزة: هتشرح ليا حاجة على السريع بس...
ريان(بانفعال): لا تعالي يا نور...
نور: تمام...
نور راحت لريان...
سلوي: في حاجة حصلت بين ريان و وعد يا جماعة..

مصطفي: هتلاقيهم اتناقشوا وشدوا شوية في الكلام
محمود: متشغليش بالك...
ناصر: طب نروح بقي نخطب لحمزة بكرة تمام...
حمزة: برنس برنس و ربنا...
ريان: نور انتي ازاي تخبي عليا حاجة زي دي؟
نور: انا مخبتش حاجة و لو خبيت يبقي خوف عليكوا زي ما وعد كانت خايفة عليكوا..
ريان(بعصبية): انتي اتجننتي و يا تري حبيتي مين بقي؟
نور: انا مسمحش ليك يا ريان تتعدي حدودك فاهم يا ابن عمي...

و بعدين نور سابته و مشيت، و ريان فضل متعصب...
منال: بقولك يا نور متعرفيش وعد مالها؟
نور: شوية ارهاق في الشغل...
منال: ماشي يا روحي...
سعاد: طب اجهزوا علشان بكرة هنخطب لحمزة اختاروا اللبس بقي وكدة...
نور: تمام...
محمود: يلا العشاء...
الكل راح قعد على السفرة...
سلوي: روح يا ريان نادي وعد..
نور: هناديها انا...
سلوي: اهو ريان خفيف...
ريان: تمام عن اذنكوا...
ريان راح لاوضة وعد و دخل لاقاها نايمة في الارض..

ريان: وعد وعد..
وعد لا رد...
ريان: وعد يا بت اصحي...
وعد: يا ادم سبني شوية الله...
ريان(بعصبية): انا ريان يا وعد..
وعد قامت بسرعة...
وعد: نعم...
ريان: يعني كنتوا بتناموا جمب بعض اه يا زبالة..
وعد(بدموع): مسمحلكش يا ريان فاهم، قول عايز ايه؟
ريان: قومي للعشاء...
وعد: شكرا مش عايزة..
ريان: وعد متخلنيش اطلع اقول ليهم على كل حاجة..
وعد: خلاص قايمة...
وعد خدت هدوم بيتي و غيرت و خرجت ليهم...
حمزة: باركيلي يا وعد...

وعد: مبروك...
حمزة: مش هتسألي على ايه؟
وعد: على ايه؟
حمزة: فين وعد الفضولية فين وعد المرحة و الفرفوشة؟
وعد: اعتبرها ماتت...
محمود: مالك يا حبيبتي؟
وعد: مفيش يا عمو...
وعد: لو سمحت يا عمو عايزاك بعد الاكل، عن اذنكوا..
منال: مكلتيش يا بنتي...
وعد: عادي...
وعد قامت و محمود قام وراها...
محمود: ايه يا بنتي؟
وعد(بعياط): انا مخبية حاجة و وجعاني اوي...
محمود: احكي يا حبيبتي...

وعد حكت كل حاجة من ساعة تعينها في المستشفي لغاية ما ريان عرف كل حاجة...
محمود: ده كله يا وعد مخبياه في قلبك و ساكتة..
وعد قاعدة عمال تعيط...
وعد: مش عارفة اعمل ايه يا عمو...
محمود: امشي ورا قلبك يا وعد، انتي ممكن تكوني غلطتي بس الغلط مش انك حبيتي ادم الغلط في انك خبيت ده كله و سمحتي بده كله يحصل، امشي ورا قلبك قلبك ابصر من العين و من العقل و من كل حاجة...
وعد(بدموع): شكرا يا عمو...

محمود: متخافيش محدش هيعرف و هحاول اتكلم مع ريان، بس خليكي واثقة في قرارك...

-في مكان تاني..
عند ادم...
ادم كانت متعصب و مضايق لانه مش هيعرف يشوف وعد و تهديد ريان و كل حاجة جاية عليه...
تميم: اهدي يا ادم...
ادم(بغضب): اهدي ايه ها اهدي ايه؟يوم ما احب تضيع مني يوم ما احب يتكتب عليا اني اتعذب...
عز: لازم في الحب ندوق عذابه يا ادم...
ادم قام و كسر كل حاجة قدامه خلي الشقة خرابة...
عز(بهمس): هنعمل ايه؟
تميم(بهمس): معرفش...
تميم: ادم لو وعد بتحبك هتهرب معاك..

عز: لا طبعا وعد مش هتعمل كدة، وعد ممكن تعمل اي حاجة بس مش هتكسر ثقة عائلتها...
ادم: اخرسوا اخرسوا..
تميم: عموما هما رايحين بكرة يخطبوا لحمزة، و انا بقول تنساها تمام، قولت رأيي..
ادم: متعذبش نفسك يا تميم...
تميم: عايز ايه؟
ادم: بتحبها قولها قبل ما تخسرها..
تميم(ببرود): مين؟
عز: نور..
تميم: ابدا الحب كلام فارغ، شايف عمل فيكوا ايه انتوا الاتنين...
عز: انا هتجوز نانسي و طالب ايديها...
تميم: تمام براحتكوا...

ادم: و انا وعد ليا غصب عنها او بإرادتها...
عز: بلاش حب تملك يا ادم...
ادم: ده حب حقيقي يا عز مش تملك...
تميم: يلا من الخرابة دي..
عز: كانت الشقة في قمة الروعة منك لله...
الكل نزل و راح على؟يلا و كل واحد راح على اوضته...
اما في بيت عائلة النجار...
تليفون وعد رن...
وعد مردتش، و المتصل اتصل فوق الخمسين مرة..
الخط اتفتح...
وعد(بعصبية و همس): نعم...
ادم: وحشتيني...
وعد: ادم انا في مصيبة تمام...

ادم: وعد افتحي البلكونة...
وعد: ليه؟
ادم: انا بره...
وعد(بصدمة): نعم لا مستحيل!
و قامت بسرعة فتحت البلكونة، ملقتش حد.
وعد: تصدق انك كداب...
و فجأة لقت اللي بينط جوا البلكونة...
ادم: ايه رأيك؟!.
وعد: عايز ايه انت مجنون؟
ادم قرب منها و حط ايده على وشها..
ادم: في واحدة تقول لجوزها انت مجنون..
وعد شالت ايد ادم بعيد عنها او بمعني اصح زقتها...
وعد: ادم انت مش خايف على نفسك...
ادم: انا خايف عليكي مني..

وعد بصتله بإستغراب...
ادم(بحدة): انتي غبية ازاي فاتحة البلكونة و انتي لابسة شورت و تي شيرت قصير كدة...
وعد: مبدأيا ده لبس النوم ثانيا الكل نايم محدش شايفني ثالثا امشي بقي...
ادم مسك ايديها و دخل الاوضة و قفل البلكونة...
وعد(بهمس): هتعمل ايه يا مجنون؟
ادم راح و قفل الباب بالمفتاح و نام على السرير...
وعد: انت بتعمل ايه؟
ادم(و هو حاطط ايده على عيونه): بنام...
وعد قربت منه و قعدت تضربه على جسمه...

وعد: قوم يا ادم قووووم..
و في اقل من لحظة ادم زقها تحته...
ادم: نعم يا عيون ادم...
وعد: انت حيوان وسع...
ادم: وعدي انتي كدة بتشتمي و انا بزعل..
عد: طظ...
ادم: تمام انتي الجانية على نفسك...
و ادم لسة بيقرب منها، الباب خبط...
سيرين: وعد وعد...
وعد بصت لادم بخوف...
وعد: نعم يا سيرين...
سيرين: عايزاكي..
وعد: ثانية...
وعد(بهمس): امشي..
ادم: لا..
وعد(بهمس): ادم ارجوك امشي...

ادم قام دخل الحمام و قفل الباب، و وعد قامت و فتحت الباب لسيرين..
سيرين: ممكن اقعد معاكي شوية..
وعد(بارتباك): طبعا...
سيرين دخلت و قعدت و وعد قعدت جمبها...
سيرين: لما قابلت اياد النهاردة وداني الورقة دي..
وعد: اه تمام...
سيرين: و انا بثق فيكي و في رأيك فهخليكي تقولي رأيك...
وعد: تمام يا روحي...

مضمون الورقة انا عارف انك ممكن مكونتيش اتعلقتي بيا لاننا نعرف بعض تقريبا من اسبوعين بصي يا سيرين مش هكدب انا بكل صراحة حبيتك و اتعلقت بيكي حبيت عيوبك قبل مميزاتك، انا حبيت عنيكي حبيت رقتك حبيت جمالك حبيت نقاءك حبيت صوتك عنيكي ملامحك تصرفاتك طفوليتك، انا حبيتك يا سيرين، عازف انك بتعتبريني صديقك بس انا اعتبرتك بنتي و امي و اختي و مراتي و حبيبتي و صاحبتي و كل حاجة، سيرين تقبلي تشاركيني حياتي، انا عارف كل حاجة عنك و متقبلك كدة بس انتي بقي سحرتيني و لا ايه مش عارف، بس اللي اعرفه اني حبيتك حبيتك بكل ما املك، تتجوزيني يا سيرين؟!

وعد: واو!
وعد: بجد it s amazing...
سيرين: تفتكري مش هيعايرني في يوم يا وعد...
وعد: لا يا روحي باين انه بيحبك، و كمان لازم تديله فرصة بس شخص زي ده فرصة، انا لو مكانك كنت وافقت...
سيرين: بجد بجد انا بحبك اوي...
وعد: و لا يهمك انتي اختي...
سيرين: انا هروح انام...
وعد: تمام...
سيرين خرجت و وعد قفلت الباب بالمفتاح و ادم خرج...
وعد: بتبصلي كدة ليه؟
ادم(بغيرة): لو كنت مكانك كنت اتجوزته صح؟

وعد(باستفزاز): لا يا دومي متغيرش في الشغل مفيش غيرة...
ادم: ده مش شغل..
وعد: بالنسبة ليا شغل، و يلا امشي بقي..
ادم شال وعد و رماها على السرير...
وعد: غبي...
و بعدين ادم نام جمبها...
وعد: ادم السرير صغير مش هيأخدنا...
ادم حضن وعد من ضهرها و قربها منه اوي...
ادم: كدة بقي في مسافة تمام، نامي بقي..
وعد: اوف يا ادم مينفعش كدة..
ادم لا رد...
وعد: ادم ادم انت نمت؟! اكيد مش هتنام بسرعة كدة..

وعد لفت لقته فعلا بيجاهد علشان ينام، و نام...
وعد حضنته جامد و نامت في حضنه...
-في الصباح الباكر...
منال: حد يصحي البت دي...
نور: مالها وعد الله سيبوها لسة بدري...
حمزة: اخرسي انا العريس...
نور: هتدخل القفص بالسلامة...
سعاد: بطلي كلام و انزلي جيبي الطلبات دي بسرعة..
نور: هو احنا اللي رايحين و لا هما اللي جايين...
سعاد: بطلي كلام...

نور نزلت الشارع و جابت الطلبات و هي ماشية لقت اللي بيشلها و حاطط ايده على بوقها...