قصص و روايات - قصص رومانسية :

رواية للعشق وجه آخر للكاتبة سحر فرج الفصل العشرون والأخير

رواية للعشق وجه آخر للكاتبة سحر فرج الفصل العشرون والأخير

رواية للعشق وجه آخر للكاتبة سحر فرج الفصل العشرون والأخير

وفجاه فارس لمح واحد ماسك مسدس من على بعد وضرب طلقه سمعها كل اللى كان واقف.
وفي ثوانى كان فارس وكرم واقعين على الأرض وغرقانين في دمهم.
جرى حسين ويسر بسرعه عليهم علشان يطمنوا عليهم والكل اتجمع حواليهم.
والكل بدأ يصرخ لما شافوا الدم على الأرض ومحدش كان عارف دم مين فيهم؟
عبد الرحمن كان نزل في ثوانى من عربيته وقرب منهم وعرف أن اللى اتصاب وجت فيه الطلقه فارس.

وكرم من شده الوقعه كانت دماغه اتفتحت لما وقع على حرف الرصيف.
بسرعه شالوا فارس في عربيه حسين وطلعوا بيه على اقرب مستشفى.
الكل راح وراهم والفرح اتقلب عياط وصريخ وحزن.
وصلوا على المستشفى وجريوا بيه بسرعه على الاستقبال وفي ثوانى كانوا دخلوا بيه على اوضه العمليات.
الكل كان حزين ومش مصدق أن الفرح ممكن ينتهى بمأساه زى دى.
فضلوا اكتر من تلت ساعات اودام اوضه العمليات ومحدش كان طلع من جوا علشان يطمنهم.

وخلال الوقت ده كان كرم راح خيط راسه اللى كانت اتفتحت من وقعته على حرف الرصيف.
وبعد فترة طلع الدكتور اللى كان ظاهر على وشه الحزن.
جرى حسين وكرم عليه بسرعه علشان يطمنوا على فارس.
حسين: خير يا دكتور ابنى جراله حاجه.
كرم: ارجوك يا دكتور طمنى عليه.
الدكتور: الصراحه يا جماعه احنا عملنا العمليه ونجحت الحمد لله بس الحاله خطيرة جدا وربنا يعدى ال 48. ساعه الجايين على خير
صلوا وادعوا ربنا علشان يقوم بالسلامه.

وفي ثوانى كانت ملك واقعه على الأرض من اللى سمعته والكل جرى عليها وشلوها وودوها اوضه علشان يفوقها.
يسر كانت مش مبطله عياط وكانت مش مصدقه أن فارس حصله كده.
حسين حاول يمشى كل اللى كان موجود ويرجعوا على الفيلا ويبقوا يجوا تانى لما يغيروا لبس الفرح اللى لبسينه ده.
وقال لعبد الرحمن خد سلمى وروحوا على شقتك وابقوا تعالوا تانى.
عبد الرحمن: انت بتقول ايه يا حاج انا مش هامشى من هنا غير لما اطمن على فارس.

سلمى وانا كمان مش هاروح في حته غير لما اطمن عليه.
الهام حاولت تهديدهم وخدت الحاجه وهمس وهيام.
بس لما طلبت من يسر انها ترجع معاهم يسر ما رديتش وقالت أنا مش هاتحرك منها غير لما فارس يفوق واطمن عليه.
الهام خدتهم ورجعت على الفيلا.
فضل حسين وكرم وملك ويسر وعبد الرحمن اللى كانوا قاعدين على أعصابهم ومش عارفين ايه اللى ممكن يحصل.
ومش متخيلين أن فارس ممكن يجراله حاجه.

كل ده ومحدش ليه فكر مين اللى عمل كده ومين اللى كان مقصود كرم ولا فارس؟
فجاه جه واحد من قرايبهم وبلغهم أنه عارف مين اللى ضرب بالنار على فارس لأنه شافه وهو بيجرى بالعربيه بعد ما ضرب بالمسدس.
حسين بسرعه قاله مين.
مين اللى عاوز يموت حد من عيالى؟
الراجل رد عليه وبلغه اسم اللى ضرب بالنار..
كرم ما كنش مصدق الاسم اللى سمعه.

علشان كان نفس اسم ابوا الراجل اللى اتحكم عليه بالاعدام في القضيه اللى كان ماسكها وكان ابنه المدعى عليه.
وبكده عرف أنه هو اللى كان مقصود بالقتل.
وان فارس هو اللى فداه بحياته.
حسين: مش دى القضيه اللى انت كنت ماسكها يا كرم.
كرم: ايوا يا حاج هي دى القضيه.
حسين: حسبى الله ونعم الوكيل انا لازم اقتله ابن ال...
عبد الرحمن: اهدى يا حاج حسين احنا لازم نبلغ البوليس وهما اللى هايتسرفوا ويقبضوا عليه.

والقضاء هو اللى هايحكم عليه ويجازيه.
ملك بدأت تفوق وكانت يسر وسلمى معاها في الاوضه ومسمعوش الكلام بتاع الراجل اللى جه بلغهم ده.
عدى كذا ساعه وكانوا كل شويه يطمنوا على فارس ويشوفه حالته وصله لايه..
ملك كانت واخده ركن في الاوضه وكانت بتصلى وتدعى ربنا أنه يقوم فارس بالسلامه ويخليه لشبابه.
ويسر كانت بتدعى ربنا أنه يقوم بالسلامه وهي مش هاتعنده تانى ولا تزعله.
وهاتعترف ليه بحبها وعشقها وأنه حياتها كلها.

عدى اليومين وكان الدكتور خارج من اوضه فارس وسأل الحاج حسين على مين يسر؟
حسين: يسر بنت اخويا يا دكتور خير في ايه؟
الدكتور: فارس طول اليومين دول مش بينطق غير بأسم واحده اسمها يسر.
فياريت تدخله اكيد هو هايحس بيها وممكن حالته تتحسن.
فرح حسين وكرم من كلام الدكتور و. وطلب من يسر انها تدخل لفارس تطمن عليه وتحاول تتكلم معاه علشان ممكن يسمعها ويحس بيها وهي قريبه منه.

وفعلا دخلت يسر لفارس وقربت منه بس هو كان لسه مش حاسس بيها.
يسر مسكت أيده وقالته سامحنى يا فارس.
سامحنى انا تعبتك كتير معايا بعندى واستهتارى.
اه لو تعرف انا بحبك اد ايه يا فارس ومش بتمنى غير انك تحس بيا دلوقتى وتعرف انك كل حاجه بالنسبالى.
انت حبيبى وحياتى وعمرى يا فارس.
انا بحبك اوى اوى.
وياريت تفوق وتحس بيا وبماشعرى نحيتك.

وفجاه حست بحركه في ايد فارس ليها وأنه بدأ يفتح عينيه وبص ليها وقرب اديها من شفايفه وباسها براحه.
فرحت اوى اوى يسر أن فارس فاق وأنه حس بيها وباسها كمان.
جايه تقوم علشان تبلغ عمها حسين وكل اللى برة.
مسك اديها جامد وقالها راحه على فين يا حبيبتى.
يسر: يااااااه يا فارس كان نفسى اسمع الكلمه دى منك.

بس قامت خبطاه في كتفه وقالتله بتحبنى ولا بتحب ست عبير بتاعتك وهاتتجوزها؟ فتألم فارس من الخبطه وقالها يا مجنونه براحه انا متعور
وبعدين هو ده وقت عبير دلوقتى؟
يسر: اخ معلش يا فارس نسيت.
وراحت يسر وبلغت الكل أنه فاق وبدأ يتكلم معاها وفرحوا اوى ودخلوا كلهم علشان يشوفوه.

عدى كذا يوم وبدأت حاله فارس تتحسن والدكتور كتبله على خروج.
وفعلا خرج فارس ورجعوا على الفيلا.
والكل كان فرحان أنه رجع بالسلامه.
كرم: حمد الله على السلامه يا بطل.
فارس: الله يسلمك يا عريس معلش بوظتلك ليله فرحك انت وعبد الرحمن.
عبد الرحمن: ماتقوليش كده يا فارس انت اخويا وبعدين ولا يهمك يا باشا ملحوقه.
فارس: اللى نفسى اعرفه مين اللى عمل كده وكان قاصد كرم ليه وكان عاوز يموته ليله فرحه ليه؟

حسين وكرم حكولوا كل الحكايه وأنه كان ابوا الواد اللى كان المدعى عليه في القضيه اللى كان ماسكها كرم.

الكل كان فرحان وسعيد برجوع فارس واتلموا كلهم على السفرة واتغدوا مع بعضهم.
وقالوا اننا لازم نعمل فرح تانى كبير اوى لكرم وعبد الرحمن وكمان فارس.
يسر اول لما سمعت كده دموعها ملت عنيها. والكل لاحظ وافتكروا الخطه والاتفاق.
ومحدش كان قالها أن كل دى لعبه وخطه بينهم كلهم علشان تعترف بحبها بفارس.
ولسه جايه تقوم قام فارس ماسك اديها وقالها!
تتجوزيني يا يسر
يسر: انت بتقول ايه يا فارس انت مش هاتتجوز عبير.

فارس: لا انا مش هاتجوز غير يسر بنت عمى حبيبتى واول واخر حب في حياتى.
يسر: مش فاهمه اومال ايه حكايه جوازك من عبير؟
الكل كان بيضحك وعمها حسين حاكلها على كل اللى كانوا متفقين عليه.
يسر عيتط من اللى سمعته قام فارس خدها في حضنه وطبطب عليها.
الكل فرح من الموقف وان يسر وفارس اخيرا حسوا ببعض.
وان يسر اكيد هاتوافق على جوازها من فارس.
فارس: ايه رايك يا يسر.
انا بطلب منك الجواز اودام العيله كلها.

يسر: وانا طبعا موافقه يا ابن عمى.
فرح الكل وبدؤوا يباركوا ليهم.
والهام حضنتها وباستها.
ويسر راحت على جدتها وحضنتها وباست اديها.
وفضلوا يباركولهم.
وفجاه جت الشغاله وبلغتهم ان واحد اسمه عمر ومعاه أخته ريهام عاوزين الحاج حسين.

الكل اتفاجأ من حضورهم ويا ترى في ايه؟
قام الحاج حسين وراح يرحب بيهم ويدخلهم ويشوف هما عاوزينه ليه؟
وفعلا راح وسلم على عمر وسلم على ريهام واذن لهم بالدخول في الصالون.
دخلوا وقعدوا وطلب الحاج حسين من الشغاله انها تجيب لهم حاجه يشربوها.
حسين: اهلا وسهلا يا عمر عامل ايه يا ابنى منورين اسكندريه كلها.

عمر: الحمد لله والله كويس يا حاج حسين انا سمعت بموضوع فارس وجبت ريهام علشان نطمن عليه ونشوفه عامل ايه دلوقتى؟
ريهام: احنا اول لما عرفنا الخبر زعلنا اوى يا عمو وقولنا لازم نيجى نشوفه ونطمن عليكم كلكم.
حسين: اهلا بيكم يا بنتى نورتونا وشرفتونا.
عمر: الصراحه يا حاج في موضوع تانى احنا جينا علشانه.
حسين: خير يا عمر يا ابنى؟
عمر: الصراحه يا حاج انا جاى اطلب ايد الانسه يسر من حضرتك.

حسين اتفاجأ من طلب عمر وما كنش عارف يقوله ايه.
ريهام: احنا مش هنلاقى احسن ولا افضل من يسر بنت اخوك يا حاج حسين.
وحضرتك عارف ظروف بابا وماما الصحيه وعلشان كده هما مجوش معانا.
حسين: الصراحه يا عمر انا اتمنى يا ابنى انك تكون جزء من عليتنا بس للاسف.
فارس خطب يسر وانشاء الله لما يشد حيله هانعمل فرح كبير ليه هو واخوه.

عمر: اتصدم من اللى قاله الحاج حسين وما كنش متوقع أن فارس ويسر يتخطبوا لبعض من الخلافات اللى هو شافها في الرحله.
ريهام بصت لعمر باستغراب وشافت الحزن اللى ظهر على وش اخوها.
ريهام: ربنا يتمم لهم بخير يا عم حسين والف مبروك.
عمر: الف مبروك يا حاج وربنا يتمم لهم بخير.
واعزرنى أنى جيت وطلبت الطلب ده لانى ما كنتش اعرف موضوع الخطوبه ده وانا اسف كمان مرة.

جت يسر وهمس علشان يسلموا على ريهام ويرحبوا بيها وحكت لها يسر على. موضوع الخطوبه.
واد ايه كانت يسر فرحانه وهي بتحكى لريهام.
بعد فترة. بعد ما استاذن عمر وريهام ومشيوا كانت يسر قاعده في الجنينه لما سلمت عليهم وهما مشين.
قرب منها فارس ومسك اديها وقالها بتعملى ايه هنا لوحدك.
يسر: ابدا يا فارس سرحت شويه.
فارس: وسرحتى في ايه بقى انشاء الله؟
يسر: سرحت في كل اللى انا مريت بيه من ساعه لما بابا مات لحد دلوقتى.

فارس: مش عاوزك تفكرى في اى حاجه من اللى حصل.
عاوزك تعرفى انى معاكى وفي ضهرك وهافضل كده طول عمرى ومش عاوزك تفكرى باى حاجه من اللى حصلت زمان.
فكرى بس في اللى جاى واللى هاكون معاكى فيه سمعانى يا قمرى.
يسر: خدت نفس كبير وقالتله.
مش هاتندم يا فارس انك اتجوزتنى؟
فارس، انتى بتقولى ايه يا يسر انتى حياتى وعمرى وعيونى يا يسر.

انا حبيتك وانا عندى عشر سنين من ساعه لما عمى احمد الله يرحمه كان بيجى عندنا وبيحكى عنك وعن شقاوتك وعن عندك وتصميمك على الحاجه.
وده اللى خلانى افكر فيكى واحبك واعشقك من قبل ما اشوفك.
ولما شوفتك بقيتى كل حاجه بالنسبه ليا
حبيبتى
وعمرى
وحياتى
انتى كل حاجه ليا يا يسر.
انا بعشقك بجنون.
يسر: كل ده يا فارس وانا مش حاسه بيك وبحبك ده كله.
فارس: انتى السبب يا حبيبتى.
كل لما كنت احاول اقرب منك كنتى بتبعدى انتى.

كل لما كنت احاول اعبرلك عن مشاعرى تهربى منى.
عمرك ما ادتينى فرصه يا يسر. بس رغم كل ده عمرى ما فقدت الامل انك هاتكونى ليا في يوم من الايام.
يسر عيونها اتملت بالدموع ونزلت دمعه على خدها.
مد فارس أيده ومسح دمعتها وقرب منها ومسك وشها بايده
وباسها من شفايفها بكل حب وعشق وشوق ولهفه.
وفجاه
كرم وهمس...
الله الله بتعملوا ايه يا اساتذه هنا انتم الاتنين.
فارس: ايه يا عم مش تتنحنح الاول.

كرم: اتنحنح ايه يا باشا احنا هنا من بدرى وبنتفرج على المشهد السخن ده.
احمد ربنا أن محدش غيرنا شافكم كنتم روحتوا في ستين داهيه.
فارس ونروح في داهيه ليه انشاء الله خطبتى وبندور على الفار.
وغمز لكرم وهمس لكن يسر ما كنتش عارفه موضوع الفار ده ايه.
كرم: يا حلاوة هو انت كمان بدور على الفار في الجنينه دى كمان.
هي اسكندريه فيها فيران هي كمان
همس: شكل الفيران جت ورانا يا كرم وضحكت.

يسر: فيران ايه يا كرم انت وهي اللى بتتكلموا عليها احنا ما عندناش فيران هنا.
فارس: هابقى اشرحلك انا موضوع الفيران ده يا حبيبتى بعدين.
وكان لسه ما كملش كلامه وجه عبد الرحمن وسلمى هما كمان.
عبد الرحمن: ايه ده مين هنا بيتكلم على الفيران من ورايا هي حصلت.
كرم غمز لفارس وقاله اسال عم فارس هو اللى كان بيدور عليه هو ويسر.
فارس مسك الخداديه اللى كانت جنبه وقام ضارب بيها كرم.

كرم طلع يجرى وقاله يا جبان اعترف ده عبد الرحمن اخونا برضوا ومش بنخبى عليه حاجه.
عبد الرحمن، ايوا ايوا يا سي فارس انت كمان كنت بدور على الفار يا حلاوة.
وانتى يا سوهنه يا اللى اسمك يسر خلتيه يدور على الفار.
يسر: والله يا خالو ما عملت حاجه هو اللى...
كرم جه تانى وقالها هو اللى ضربك على ايدك يا نوغه وقالك تعالى ندور على الفار صح.
همس: بطل رخامه يا كرم علشان فارس شكله كده هايقوم يرميك في حمام السباحه.

فارس: انتى بتقولى فيها يا همس وقام قايم وجرى ورا كرم اخوه لحد ما مسكه.
وراح عبد الرحمن وساعده وشالوه هما الاتنين علشان جرح فارس بتاع العمليه.
وشالوه هيله بيله ورموه في حمام السباحه.
وفضل الكل يضحك على منظر كرم وهو في المياه.
وكان منظرهم حلو اوى وهما بيضحكوا ويهزروا وكأنهم اطفال صغيرة.

عدى كذا اسبوع وبدؤا يجهزوا لفرح أسطورة ليهم هما السته.
فارس يسر
كرم همس
عبد الرحمنسلمى
علشان يعوضوا الفرح اللى ملحقوش يتهنوا بيه وختم بضرب نار على فارس.
بدأ الشباب يحجزوا قاعه للفرح غير الاولى علشان اتشأموا منها ومن اللى حصل فيها.
وفعلا حجزوا قاعه كبيرة اوى علشان تكفيهم من أكبر الفنادق اللى في الاسكندرية.
واتفقوا مع اكبر الفنانين المشهورين علشان يحيوا الفرح.

والبنات راحت حجزت البيوتى سنتر وراحوا نقوا فساتين الفرح من اكبر مول لفساتين الافراح.
وفضلوا يقيصوه كل واحده فيهم اكتر من فستان لحد لما اختاروا احلى تلت فساتين.
عدت الايام وجه يوم الفرح وكانت الفيلا مليانه ناس
من اهل عبد الرحمن والهام.
واهل الحاج حسين.
والشباب راحوا ولبسوا بدلهم وكانوا طالعين زى القمر هما التلاته.

وخدوا بعضهم ونزلوا على تحت في الريسبشن علشان يسلموا على الكل قبل لما يروحوا للعرايس البيوتى سنتر.
قربوا من جدتهم وباسوا اديها وباسوا رأسها.
الجده. فرحت اوى وسمت لما شافتهم بالحلاوة دى كلهم وفضلت تدعلهم ان ربنا يتمم لهم على خير.
وبعد ما سلموا على الكل. كل واحد كان مزوق عربيته بالورد والتل.
ركب كل واحد عربيته وراحوا على البيوتى سنتر.
اول لما وصلوا رنوا على البنات علشان يعرفوهم أنهم وصلوا.

وعلى اساسه طلعوا هما التلاته علشان يجبوهم.
اول واحده طلعت سلمى اللى كانت زى القمر وقرب منها عبد الرحمن وباسها من راسها ومسك ايديها.
تانى واحده كانت همس اللى كانت جميله اوى احلى من المرة الأولى.
اقرب منها كرم وبهزار قالها ايه ده اومال مين اللى اتجوزتها المرة اللى فاتت وقعدوا يضحكوا.
واخيرا.
خرجت يسر اللى كانت زى الأميرة بفستانها الابيض وطرحتها البيضه وتاجها الكبير اللى فوق راسها.

فارس ابتسم لها وقرب منها وقالها ايه الحلاوة والجمال ده يا اجمل واحلا واحده شافها قلبى قبل عنيا.
ابتسمت يسر واتكسفت وبصت في الارض.
فارس مسكها من وشها ورفعه وقام بايسها من راسها ومسك أديها ونزلوا ركبوا العربيات.
كانت احلا زفه عرايس ليهم كلهم على كورنيش اسكندريه وزمامير العربيات والتلكسات.
وكل اللى كان في الشارع كان بيبص عليهم.
ونزلوا اتصوروا شويه على البحر. شويه صور حلوه للزكرى.

وصلوا على الفندق اللى فيه القاعه وزفوهم زفه كبيرة لحد لما دخلوا جوا.
الكل كان فرحان بيهم كلهم من حلاوتهم وجمالهم وشويه وبدأت الاغانى والرقص.
ويادوبك اشتغلت اغنيه.
قاعد لوحدك كده سرحان
شيطان يوزك في سكه شمال
يفضل يقولك العب يالا
العب يالا ما تلعب يالا
وكلهم قاموا رقصوا على الاغنيه
خلص الفرح وكل واحد راح على اوضته.

كرم وهمس راحوا على اوضتهم اللى اول لما دخلوا قرب منها كرم وقالها مبروك يا عروسه وقام بايسها وراحوا في عالم تانى.
عبد الرحمن وسلمى راحوا على شقتهم وراحوا اوضتهم وبدؤا يغيروا هدومهم وصلوا ركعتين لله.
فارس ويسر اول لما دخلوا الاوضه وقفلوا الباب.
يسر كانت خايفه اوى ومكسوفه من فارس.
فارس حاول يهديها لما لقاها متوترة وقلقانه.
وخد هدومه ودخل على الحمام علشان يغير.

يسر ما كنتش عارفه تعمل ايه فقربت من الدولاب وطلعت قميص حلو وغيرت ولبسته وقعدت على السرير لحد ما طلع فارس.
فارس اول لما طلع ما كنش مصدق حلاوة يسر وجمالها وقرب منها ومسكها من وشها وحس برعشه جسمها وقام بايسها وتاهوا في عالم كبير ليهم هما الاتنين.
يا ترى هايدوروا على الفار
يارب تكون الروايه عجبتكم واكون عند حسن ظنكم
خلى بالكم من الفار.

تمت
نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة