رواية للعشق وجه آخر للكاتبة سحر فرج الفصل العاشر
دخلت سلمى على جوا بعد ما عبد الرحمن مشى علشان يروح على عيادته.
يسر وهمس مسكوا عمتهم وفضلوا يتحايلوا عليها علشان تحكى ليهم اللى حصل بينها وبين خالهم.
همس: والنبى يا عمتو احكلنا قالك ايه وقولتيلوا ايه.
يسر: يالا يا سوسو ماتخبيش علينا حاجه احنا بس عاوزين نعرف من طقطق لسلامة عليكو.
سلمى: بس يا بنتى انتى وهي بطلوا استزراف مش هاقول حاجه لحد فيكم.
الهام دخلت عليهم فجاه وقالت لها؟
الهام: ولو قولتلك علشان خاطرى يا سلمى. هاتقولى ايه؟
سلمى: انتى كمان يا الهام هاتعملى زى العيال دى بردوا.
فضلوا يتحايلوا عليها لحد ما ضعفت قصادهم وقالت لهم كل اللى حصل معاها هي وعبد الرحمن.
همس: احم احم يا عمتو ايوا بقى.
يسر: يا سيدى يا سيدى ماشيه معاكى يا سوسو.
الهام، بطلى رخامه انتى وهي يا بت وخدوا بعضكم وروحوا على اوضتكم وسيبونى انا و سلمى لوحدنا شويه.
فعلا البنات سمعت كلام امهم و مشيت على اوضتهم.
الهام: سلمى مش هقولك انا بعتبرك اختى ولا علشان انتى اخت احمد الله يرحمه ولا عمه البنات.
انا بحبك جدا يا سلمى وكنت اتمنى فعلا بأن يكون ليا اخت ومش هلاقى افضل منك اخت ليا لانى بحبك وبحترمك جدا.
وعبد الرحمن اخويا حنيه الدنيا فيه وطيب جدا وفي نفس الوقت راجل يعتمد عليه وتقدرى تتسندى عليه بقيت حياتك.
مش هتلاقى حد افضل منه زوج ليكى والله يا سلمى
سلمى انا فعلا معجبه بيه وبشخصيته بس...
الهام: بس ايه يا سلمى؟
انا اتجوزت قبل كده وانا كده هابقى بظلم عبد الرحمن معايا لأنه لسه ما اتجوزش قبل كده.
ده غير موضوع الخلفه ده خايفه لا نتجوز وما يحصلش نصيب.
الهام: كله بأذن الله وربنا كريم وانشاء الله هايرزقكم بالعيال بس قولى يارب.
وبعدين يا ستى الطب اتقدم جدا جدا في الحالات دى ومتنسيش أن عبد الرحمن دكتور نساء كبير وعارف عن الحاجات دى كتير.
انا عوزاكى تفكرى براحتك وتخدى وقتك.
سلمى: انشاء الله يا الهام.
طلعت شمس يوم جديد وفي القصر كان صحى الكل وحسين طلب من فارس بعد ما يخلص الشغل يروح على اسكندريه علشان يجيب سلمى من هناك.
كرم: لا والنبى يا حاج خلى فارس واروح انا علشان اشوف همس.
حسين: لا يا كرم انا عاوزك ضرورى في المصنع وبذات النهارده ابقى روح انت في اى يوم تانى.
فارس: حاضر يا حاج اللى تشوفه.
الام: ولو جدع يا فارس اقنعهم أنهم يجوا معاك يقضوا معانا كام يوم علشان بيوحشونى اوى.
فارس: حاضر يا جدتى اللى تؤمرى بيه ينفذ.
كرم اتصل على همس.
كرم: ايوا يا حبيبتى اخبارك ايه وحشتينى اوى.
همس: كرومه ازيك انا تمام الحمد لله.
كرم: كان نفسى اجى النهاردة واشوفك بس الحاج عاوزنى في المصنع ضرورى.
همس: كنت عوزاك تيجى ونخرج مع بعض ونلف شويه بالعربيه على البحر وناكل ذرة مشوى.
كرم: اه يا هبله
هو انا خاطب عيله وانا معرفش.
ذرة ايه يا ام ذرة وانا بقولك وحشانى وهاموت واشوفك انتى هبله.
فضلوا يضحكوا ويرخموا على بعض
بس ودعها وقفل السكه لما الحاج حسين نده عليه ونسى يقولها أن فارس جاى علشان ياخد عمته.
عدى كذا ساعه وفارس كان قرب يوصل على اسكندريه.
تليفون يسر رن وبصت لقت رقم غريب بيرن عليها.
يسر: الو مين معايا؟
: ايوا يا يسر انا عادل صاحب شريف.
يسر، اه ازيك يا عادل اخبارك ايه؟
عادل: الحمد لله انا كويس بس شريف تعبان اوى ومش عارف اعمله ايه!
يسر: تعبان يعنى ايه؟ في ايه يا عادل شريف ماله؟
عادل سخن اوى اوى وجسمه متكسر ومش عاوزنى اجبله الدكتور يكشف عليه في البيت؟
يسر: طيب فين مامته ولا باباه؟
عادل: راحوا مشوار بس شريف مش عاوز يقلقهم عليه لامه يحصلها حاجه من الخضه عليه.
يسر: طب عاوزنى اعمل ايه دلوقتى؟
عادل: هو عمال يهلوس بيكى وعمال يقول. يسر. يسر من السخونيه خليه يموت بقى.
يسر: بعد الشر عليه يا عادل ما تقولش كده.
يسر: طيب يا عادل اوعى تسيبه لحد ما اجيلك ادينى العنوان.
وفعلا عادل أداها العنوان ولبست هدومها ونزلت بسرعه من غير ما تقول لحد هي راحه فين.
وهي خارجه من باب الفيلا كان فارس وصل وكان بيركن العربيه وشافها.
ويادوبك بينزل من العربيه كانت يسر ركبت تاكسى.
استغرب اوى والاكتر استغرب انها خارجه في الوقت ده وركبت تاكسى.
ركب عربيته بسرعه ومشى ورا التاكسى علشان يشوف هي راحه فين.
يسر طلبت من السواق يركن على جنب اودام الفيلا دى ووقف فعلا السواق ونزلت يسر.
وقف فارس بعربيته وشاف يسر وهي نازله اودام الفيلا دى.
دخلت يسر الفيلا وخبطت يسر على الباب وفتح لها عادل ودخلها وقفل الباب.
يسر: ايه يا عادل اخبار شريف دلوقتى؟
عادل: هو لسه تعبان.
ده انا كنت هاروح اجيب العلاج ده بسرعه من الصيدليه واجى بس ما كونتش عارف اسيب شريف لوحده.
يسر: طيب هاته وانا اجيبه من الصيدليه.
عادل: لا انا هاروح بالعربيه بسرعه واجى وانتى اعملى ليه شويه كمادات.
يسر: طيب يا عادل بس ما تتأخرش عليا علشان الحق ارجع البيت.
خرج عادل ويسر قفلت الباب ودخلت على شريف الاوضه.
فارس شاف عادل وهو خارج وفضل يفكر هو شاف الشخص ده فين قبل كده.
يسر: الف سلامه عليك يا شريف مالك يا حبيبى.
شريف: عمل نفسه تعبان ورد عليها بالعافيه قالها تعبان شويه وسخن اوى حتى شوفى.
قربت منه يسر وحطت اديها على راسه وفجاه مسكها شريف من دراعها وشدها عليه جامد.
يسر: شريف انت بتعمل ايه يا مجنون؟
شريف، مجنون بيكى يا يسر انا هاموت عليكى انتى اول واحده تطول معايا كده.
انتى مش هاتكونى لحد غيرى انا.
يسر حاولت تبعد عنه بس هو كان أقوى منها وشدها جامد عليه وقطع لها هدموها وفضل يبوس فيها ويحضنها ويقلع في هدومه.
يسر بدأت تصرخ جامد وكانت خايفه جدا.
فارس وهو في العربيه افتكر عادل وافتكر ان هو ده الشخص اللى كان مع شريف وقت ما اتخانق معاه
وفي نفس اللحظه سمع صريخ يسر جاى من جوه الفيلا.
نزل بسرعه ودخل على جوه وفضل يرزع على الباب لحد ما كسره.
انكسر الباب ودخل يدور على يسر لحد ما دخل اوضه ولقى شريف ولقى يسر في السرير وهدومها مقطعه.
جرى على شريف وفضل يضرب فيه جامد لحد ما الدم غرق الدنيا ووقع على الأرض.
بص ليسر اللى كانت مصدومه من كل اللى بيحصل حوليها وشاف هدومها المقطعه وجسمها المكشوف.
قلع الجاكيت بتاعه ولبسه ليها ومسك ايديها وخرجوا من الفيلا وركبوا العربيه.
ركبت يسر العربيه مع فارس وكانت عماله تعيط جامد طول الطريق.
بس محدش اتكلم خالص ولا هي ولا فارس.
لحد ما وصلوا الفيلا وقالها انزلى.
يسر: فارس ارجوك ما تفهمش غلط انا ماليش ذنب في حاجه هو اللى ضحك عليا هو وعادل.
فارس: صوته عيلى وقالها انزلى يا يسر مش عاوز اسمع صوتك انتى فاهمه.
يسر: ارجوك يا فارس اسمعنى.
فارس: بقولك انزلى وقام ضربها بالقلم على وشها.