رواية لعنتي وعذابي الجزء الأول للكاتبة منى الأسيوطي الفصل التاسع
إلياس بصدمة. انتى بتقولى اى
اسيل بدموع. البيبى دا لازم ينزل عشان أريج تعبانة
إلياس بقلق. تعبانة ازاى
أريج، اسيل انتى فاهمة غلط
إلياس. ماتفهمونى في اى
عبيدة. اسيل. في اى ما تقولى
اسيل ببكاء. أصل أريج تعبت من فترة وروحنا المستشفى والدكتور قال انها عندها.
أريج مقاطعة. يابنتى اتكتمى انتى فاهمة غلط
إلياس. انطقى اخلصى
اسيل. كان ضغطها واطى جدا والدكتور قال انها ضعيفة
ليضم إلياس قبضتة في غضب واضح ويقول بحدة.
إلياس. اسيل انتى واحدة متعلمة وخريجة تجارة. معدتش عليكى خالص أن الضغط الواطى دا أمر عادى.
ليكمل حديثة بصوت مرتفع، انتى عايزاها تنزل الجنين عشان ضغطها واطى
لتتراجع اسيل بخوف وتقف خلف عبيدة لينظر لها وهو يحاول كتم ضحكاتة ليمسكها من كتفها وهو يدفعها للأمام قائلا.
عبيدة. تعالى تعالى انتى تستاهلى
اسيل. هو انا عملت حاجة
عبيدة بضحك. منك لله قطعتى الأجازة وجايبانى على ملا وشى عشان ضغط.
اسيل بسذاجة، هو الضغط دا مش خطر
أريج بضحك. ههههههههههه الله يكسفك قولتلك اسكتى. تستاهلى اللى يجرالك
إلياس. عارفة المفروض اعجنك على الخضة دى. أريج
أريج. نعم
إلياس. تعالى عاوزك
أريج. حاضر
ليسير إلياس باتجاة غرفة المكتب وتتبعة اريج لينظر منير لهم قائلا.
منير. وجعتو بطنى. امال تعليم اى يا بنتى اللى اتعلمتية
سناء. والله دمى نشف انا هعمل ليمون للكل
عبيدة. تعالى يا آخرة صبرى
لتنظر اسيل لحورية ثم لسما قائلة.
اسيل. هي دى حورية
سما. اه ودا جوزها الأستاذ حربى
لتحتضنها اسيل بسعادة قائلة. أهلا بيكى نورتى انا اسيل الديب أخت ايسو وسراج
حورية. ايسو. ايسو مين
اسيل بضحك. ههههههههه ايسو دا الياس اخويا
ليتقدم عبيدة من حربى قائلا، أهلا وسهلا انا عبيدة الديب
حربى ببسمة. يا اهلا بيك انا حربى الزينى
عبيدة. تعالى نقعد بعيد عن المجانين دول
حربى. والله اتخضيت الله يسامحكم بقى
اسيل. هتمسكوهالى ذلة ولا اى.
ليضربها سراج بخفة على رأسها قائلا.
سراج. انا قولت انتو صنف متخلف محدش صدقنى
سما بحدة. تقصد اى
سراج. أقصد أنكم تافهين
سما. احنا اللى تافهين ولا انتو اللى معدومين الاحساس
منير. والله لو ابتدييتو وصلة الجنان لاندهلكم إلياس يخلص عليكم
اسيل. تعالو يا بنات نقعد فوق
سراج. خير ما عملتى
سما. شايفين هو اللى بيجر شكلى
عبيدة. خلاص يا سما بقى. يلا اطلعو
لتصعد اسيل برفقة حورية وسما للأعلى ليقول حربى.
حربى. هو أنتم ديمآ اكدة
سراج ببسمة. والله ببقى مبسوط وانا بناقرها معرفش ليه
عبيدة. عشان انت متخلف زيها. تعالو نقعد ف الصالون
سراج. يلا.
غرفة المكتب...
يجلس إلياس على المكتب وتجلس اريج امامة ليقول.
إلياس. أريج
اريج. نعم
إلياس. بصيلى
لترفع اعينها وتنظر له دون ان تتحدث ليظل ينظر لعينيها وكأنة يبحث عن شئ ما ليتنهد بقوة قائلا.
إلياس. فين لمعة عنيكى لما بتبصيلى. فين ضحكتك. فين كلمة وقح فين سافل فين كل دا. أريج وحشتنى
اريج. أنت السبب
ليتقدم منها ويجلس على ركبتية ويمسك يديها قائلا.
إلياس. انا آسف. والله ماكنت في وعى. أريج انا ماليش غيرك. بعدك عنى هيموتنى. انتى روحى. انتى النفس اللى بتنفسة. عشان خاطرى انسى اللى حصل. احنا نبتدى صفحة جديدة اى رأيك؟
اريج بحزن، إلياس انا بقيت بخاف منك. عايزاك تبعد وفي نفس الوقت تقرب. بكرهك وبحبك. مش عايزة اشوفك وبتوحشنى. انا بقيت متلغبطة، في حاجة جوايا واجعانى بس مش عارفة هي اى. انا تايهة وخايفة
ليقبل باطن كفها بعشق بالغ قائلا...
إلياس، انا آسف والله ما هزعلك تانى ومش هعمل اى حاجة إلا بإذنك ورضاكى. كل اللى هتقولى علية هنفذة. مش هعمل حاجة غصب عنك تانى. أريج انتى مراتى ودلوقتى في بيبى
اريج ببسمة. بجد انت فرحان
إلياس بسعادة. فرحان بس دا انا هطير من الفرحة. حلم حياتى بيتحقق قدامى
اريج. بس انا سمعتك لما قول...
إلياس مقاطعا، انا قولتلك نبدء صفحة جديدة. انا مش فاكر اى حاجة من اليوم دا، وعايزك انتى كمان تنسى. انا عايز ابنى لما يجى مايلاقيش بينا نكد او زعل. هنربيه سوا انا هحاول اكون اب كويس وانتى هتكونى احسن ام في الدنيا. مش هاقولك سامحينى هقولك ادينى فرصة تانية
اريج ببسمة. هحاول
إلياس بسعادة. يبقى اتفقنا يلا بقى هننزل ننقى شوية هدوم للبيبى
اريج. بس احنا لسة منعرفش هو ولد ولا بنت.
إلياس. بسيطة. نشترى هدوم تنفع للاتنين
اريج. ماشى.
منزل الزينى...
غرفة شبل.
يجلس شبل برفقة صغيرتة نور لتدلف رشا للداخل وهي مبتسمة قائلة...
رشا. انا جيت
شبل، كنتى فين كل دا
رشا. كنت بتمم على شغل الدار
شبل. امال وفاء فين مظهرتش النهاردة
رشا. طب ما سلام كمان مختفى. على العموم هما ما نزلوش من الأوضة النهاردة
شبل بتنهيدة. ربنا يهديهم
رشا. يارب.
غرفة سلام...
ينام على الفراش وجزعة الأعلى عاريا وهي تنام بأحضانة وهي مبتسمة ليقول سلام...
سلام. فوفا
وفاء. اممممم
سلام. حقك عليا
لتبتعد عنة وتنظر له مبتسمة قائلة...
وفاء. حق اى. أنت سيدى وتاج رأسى. انا كفاية عليا ضحكتك في وشى. ربنا يخليك ليا
سلام. يالهوووى هو انا كنت غبى قوى كده.
وفاء. اسم الله عليك من الغباء. دا انت راجلى وسيدى ربنا يباركلنا فيك ويخليك لينا يارب
ليقبل جبينها مبتسما قائلا، ويخليكى ليا يا روحى.
منزل الديب مساء، غرفة الضيوف...
تجلس الفتايات على الأرضية وسط كم هائل من المشتريات المتنوعة التي تخص الأطفال وايضا بعض الملابس للنساء الحوامل لتبتسم حورية قائلة.
حورية، حلوين قوى يا خيتى ربنا يقولك بالسلامة
أريج. ربنا يخليكى ليا وعقبال ما اشيل عيالك يارب
اسيل. انا عاجبنى اوووى هدوم البيبى حلوين اوووى
إلياس. ولسة انا هجهزلة أوضة لوحدة هملاهالو لعب وهنفرشها سوا انا واريج.
لتنظر له اريج مبتسمة لتردف قائلة.
أريج. انا عايزة شيكولاتة
إلياس بضحك، هههههههههه من عينى
حورية. لاه استنى انا بقى هعملك شوية حلويات بالشوكولاتة هتعجبك
اسيل. اى دا. انتى بتعرفى تعملى الحاجات دى
حورية. اه طبعا
سما. بس انا جعانة
حورية. خلاص قومو قدامى نعمل عشا خفيف ونجهز الحلويات سوا
اسيل بضحك. هههههههههه اكيد بتهزرى احنا مبنعرفش نعمل اى حاجة
حورية. انا هعلمكم قومو
إلياس. طب واحنا هنعمل اى.
حورية بتفكير. اممممممممم هقولك يا جوز أختى. أنت زى الشاطر كده تاخد باقى الشباب معاك وتطلع الهدوم دى وتحطوها مكانها وبعد كده تقعدو تلعبو اى حاجة لحد مانخلص
مها. طب نيجى انا وسناء نساعدك
حورية. لا يا مرات عمى ومتبصليش يا أريج هي مرات عمى ومش هنغير الواقع انتى يا قلب أختك اللى عايزة تتغيرى ما علينا حضرتك ومرات عمى سناء هتجهزولنا قاعدة حلوة في الجنينة وانت يا جدو
منير ببسمة. نعم.
حورية. حضرتك تختار فيلم حلو ويكون بيضحك عشان نتفرج علية سوا
منير بسعادة. حاضر
حورية. يلا يا بنات...
لتنهى حديثها وتذهب برفقة الفتايات صوب المطبخ لي عقب منير بعد رحيلها قائلا بهمس حتى لا بسمعة أحد.
منير. أخى جات اللى هتعدل العيلة دى. بس مش بالقوة ولا المال يا منير. حورية عندها اللى كان ناقصك. الحب هو اللى هيلم شمل العيلة دى تانى. الله يرحمك يابنى.