رواية لعنة الحب والكبرياء للكاتبة ياسمين عادل الفصل السابع
- اعتلت وجهه علامات الصدمة والاندهاش فما السبب الذي دعا تلك الفتاه لمهاتفته وفي ذلك الوقت تحديدا
مالك بدهشه: انتي! جيبتي رقمي منين
رودي لاعبه ف خصلات شعرها: اممم انا اجيب اللي عايزاه ف اي وقت
مالك بضيق من عجرفتها المتزايده: وعايزة ايه ياست الواثقه من نفسك
رودي باابتسامه خبيثه: عايزاك ف مصلحه ليك، وليا
مالك: ودي مصلحة ايه اللي تجمعنا سوا.
رودي: ادهم وجيدان، انا عايزة ادهم. وانت عايز جيدان. ليه منتفقش ونحط ايدنا ف ايد بعض
مالك مداعبا خصلات شعرة البني القاتم: ممم ازاي!
رودي: انا هقولك ازاي...
( صباح يوم جديد )
عزيز: حمدالله ع سلامتك يامصطفي
مصطفي: الله يسلمك ياعزيز. ايه الشغل اخباره ايه
عزيز: المفروض كمان ساعة بالضبط هنتحرك ع اسكندريه عشان استلام الشحنه من المينا. المهم انت خلصت كل التصاريح اللي هنحتاجها؟
مصطفي بتنهيده: كله جاهز. ياريت الاولاد يجهزوا عشان نلحق
جيدان من الاعلي: ازيك يا اونكل مصطفي. انا I m ready to go
مصطفي باابتسامه: اهلا وسهلا بالقمر بتاعنا. فين ادهم
جيدان: بيلبس ونازل ورايا ع طول
مالك: صباح الخير ياعمي. حمدالله ع سلامتك
مصطفي: الله يسلمك يامالك
ادهم بعجاله: انا جييييييت.
مصطفي: انت حد بيجري وراك يابني؟ براحه شويه
ادهم: شباب بقي ياحج انت عارف
عزيز: هههههههه طب يلا ع الفطار قبل ما نمشي.
( ع سفرة الطعام )
- يختلس مالك النظر لجيدان وادهم وع ثغره ابتسامه ماكره لا يعلم سرها الا هو. بينما لاحظه ادهم وشك ف امره ولكنه لم يبدي اي اهتمام.
جيدان بهمس: هو بيبص كده ليه
ادهم بخفوت: مش عارف ماله ع الصبح بس مش مستريح
جيدان بقلق: يعني ايه؟
ادهم: متاخديش ف بالك. خلصي فطار عشان نمشي خلينا نخلص ونرجع القاهرة بقي.
- استقلا سيارتهم واتجهوا للاسكندريه والتي تبعد عن الساحل بعدة كيلو مترات فقط. بينما صمم مالك ع استقلال السيارة التي تحمل ادهم وجيدان
وظل طوال الطريق يفتتح اي احاديث جانبيه ولم يترك لهم المجال للحوار سويا، حتى وصلا لمدينة عروس البحر المتوسط واتجها للميناء مباشرة.
عزيز: ادهم ومالك هتيجوا معانا. جيدان خليكي ف العربيه دلوقتي
ادهم: تمام ياعمي
جيدان: اوكي يابابي.
- انطلقا للميناء بينما وصلت السفينه التي تحمل البضائع المتفق ع استيرادها وانشغل ادهم ومالك بالتركيز ع ادق التفاصيل واراد كل منهم ان يثبت انه الاكفأ ف العمل بينما ظلت جيدان داخل السيارة تهاتف صديقتها جني
ادهم مطرقا ع زجاج السيارة: مش وقت تليفون ياجيدا تعالي يلا عمي عايزك
جيدان: سلام دلوقتي يانوجا
جيدان: ايه رأيك ف الشغل
ادهم: الشغل جميل وحاسه مش متعب. هتتبسطي ان شاء الله.
جيدان: هانت شهرين ونمتحن ونخلص ويااااااه
مالك ملوحا من بعيد: يلا ياجماعه انجزو شويه
ادهم عاقدا حاجبيه: انا مش عارف البلوي دي هنخلص منها امتي
جيدان: عهعههههعههههههه هههههههه
ادهم لاويا شفتيه: اضحكي اوي ياجيدا ليكي يوم معايا ياظالمه ههههههههههه
( منزل مصطفي الجبراوي )
فاتن: اهدي ياجميله اهدي. ما يمكن مش بيكذب ودي اوهام
جميله: لا يافاتن انا حاسه انه بيخوني. بس مش عارفه امسك عليه حاجه وهو ع طول مأمن نفسه.
فاتن: عشان حاسس انك بتدوري وراه اكيد هيكون حريص
جميله بتأفف: هوووووف طب اعمل ايه عشان اكشفه
فاتن: انا رأيي تسيبيه خاااالص ولا كأن في حاجه. دوري ع السبب اللي بيخليه يخونك واعدليه ياجميله مش ع طول تعيشيه ف نكد وتأثري ع بنتك
جميله بتنهيده: رودي كمان مش عجباني مبقتش عارفه الاقيها منين ولا منين. وبعدين انا مش بارده عشان افضل قاعده كده وعارفه ان في حاجه بتحصل من ورا ضهري.
فاتن: ع فكرة انتي لو اتغيرتي هو كمان هيتغير
جميله مضيقه عينيها: اتغيرت! ليه ان شاء الله شايفاني عجزت ولا كرشي قدامي مترين ماانا محتفظه بجمالي وقوامي
فاتن باابتسامه: مقصدش تغيري شكلك. اقصد تغيري طبعك
جميله موجهه نظرها للجهه الاخري: كلامك مش عاجبني، انتي سلبيه يافاتن
فاتن عاقده حاجبيها: سلبيه! وماله ع الاقل السلبيه دي محافظه ع بيتي وجوزي واولادي ومش معيشه اهل بيتي ف نكد.
جميله بغضب: قصدك ايه. عايزة تقولي اني نكديه
فاتن بعدم اهتمام: والله انا لو سلبيه يبقي انتي نكديه
جميله: انا غلطانه اصلا اني بتكلم معاكي. ميرسي قوي قوي ع زؤك
فاتن: جميله. ملهاش لازمه الحساسيه الزياده دي
جميله: اوكي اوكي. عادي. عن اذنك
فاتن ف نفسها: هوووف بقي. ماهي اللي قالتلي كلام يحرق الدم. براحتها بقي
تررررررررررررن
فاتن ممسكه هاتفها وع ثغرها ابتسامه: الوو. اذيك ياحبيبي طمني عليك عامل ايه.
ادهم: الحمد لله ياامي بخير انتي عامله ايه وايسو عامل ايه
فاتن: الحمد لله كويسين. راجعين امتي
ادهم: بكره بالليل ان شاء الله
فاتن بدهشه: ازاي. انتوا لحقتوا
ادهم: اه ياماما. وبصراحه انا مستعجل ع النزول اصلا ومالك هنا ومش مبطلين احتكاك مع بعض
فاتن: ااااه قول كده بقي. الحكايه فيها الواد ابن محسن
ادهم: اه بالضبط كده. هقفل معاكي واكلمك تاني ياماما
فاتن: طيب ياحبيبي سلملي ع جيدا
ادهم: اوك. باي.
#بعد مرور اكثر من شهر
( في القاهرة. تحديدا في حديقة منزل نصطفي الجبراوي )
- يجلس ادهم وجيدان في الحديقه ع الحشائش الخضراء وحولهم الكثير من الكتب والمراجع والاوراق. وكل منهم منهمك فيما امامه
ادهم ممسكه برقبته: ااااااه
جيدان: ايه ياحبيبي مالك
ادهم: جسمي وجعني من القعده دي تعالي نتمشي شويه
جيدان بنصف عين: وبعدين معاك يابشمهندس فاضل اقل من شهر ع الامتحانات
ادهم: عيب عليكي هنجح وبتميز ان شاء الله.
جيدان تاركه للقلم: طيب مفيهاش حاجه 5 دقايق بريك
ادهم: طب قومي يلا...
( توجه للاثنان للسير ف الحديقه وتتطرقا للحديث والضحك كثيرا. ثم انحني ادهم ليقطف احدي الازهار البيضاء ونزع عنها فروعها الخضراء واقترب من رأس جيدان ووضعها جانب اذنيها، )
جيدان باابتسامه: الله. حلوة اوووي
ادهم بحب: انتي احلي ياملاكي. بحبك قوي.
- امسكت جيدان بكف يده وسحبته ورائها بهدوء حتى وصلا لحمام السباحه وجلسا بينما اسقطا قدميهما ف الماء واخذا يتناثران بقطرات الماء ع بعضهم البعض وتعلوا ضحكاتهم. ثم وضعت جيدان رأسها ع كتفه قائله: عارف ياادهومتي. انا مبقاش في حد يملا عنيا غيرك. اكتفيت بيك عن كل الناس. قلبي وروحي اتعلقوا بيك انت. انت وبس وكأني اتلصمت بيك. غيابك ولو لدقايق ممكن يأذيني ويسحب روحي مني. حتى فكرة البعد مقدرش اتخيلها. عايزاك جمبي ع طول ومتسبنيش ابدا. عايزاك جمبي دايما.
ادهم بفرحه عارمه واضعا يده ع كتفها: ايوة بقي. ايه كله ده ياملاكي
جيدان باابتسامه: ده عشقي ليك
ادهم ممسدا ع شعرها: هو انا عشقتك من شويه. بحبك بحبك يعني
جيدان: هههههه حبيبي انت وبس
- امعن ادهم النظر لوجهها وع وجهه الابتسامه ثم اقترب رويدا رويدا إلى ان اصبحت المسافات معدومه ثم...
ادهم بصراخ: هاااااااا
جيدان: هههههههههههه ههههههههههه
ادهم: يامجنونه. انتي بترميني انا ف الميا.
جيدان: ههههههههه اصلي حسيت الشيطان هيلعب ف دماغك قولت اما الحقك وانقذك منه
ادهم ماسحا لقطرات المياه من ع وجهه: بقي كده ياجيدا. ع فكرة انتي فهمتيني غلط. انا بس كنت بشوف في فسافيس ف وشك ولا لأ
جيدان بنصف عين: ايييي لا مفيش اطمن
ادهم: طب طلعيني ياشاطره زي ما وقعتيني
جيدان: هه هه هه الحركه دي اتهرست ف كل الافلام العربيه والهنديه والاوربيه وكل حته. عايزني امد ايدي عشان تشدني وتوقعني.
ادهم ببر اءه: اا انا. لا خالص انا بس مش عايز الف الناحيه التانيه واطلع ع السلم
جيدان بتفكير: امممم طب تعالي
- مدت جيدان يدها لتساعد ادهم ع الخروج وبالفعل خرج ادهم مبتلا للغايه ثم حملها فجأة وقفظ بها داخل حمام السباحه
جيدان بصراخ: لااااااااا طششششششششششششششش
جيدان ملتقطه انفاسها: هااا هااا هااا
ادهم: شوفتي انا قد كلمتي ازاي ومشديتش ايدك ههههههههه
جيدان ضاربه ع كتفه: اه ياخبيث بقي كده.
ادهم محاوطها بذراعيه: افلتي بقي المرة دي
جيدان: هههههه ازاي وانتي حابسني كده
ادهم: انتي خلاص دخلتي السجن الانفرادي بتاعي وانا بس اللي معايا المفاتيح وانا بس اللي اشوفك
جيدان: اجمل سجن وانت جمبي
ادهم: يااااااه دين النبي. تاني كده
جيدان: طلعني بقي
ادهم: يخرب بيت الفصلان
جيدان: ههههههه يلا طيب ورانا حجات كتير
ادهم: طيببببب...
- صعد ادهم اولا ثم سحب يدها وساعدها ع الطلوع. ففر شفتيه ف ذهول.
ادهم: نهارك ابيض. هدومك شفافه ولازقه ف جسمك كده ليه
جيدان واضعه يدها ف خصرها: حد قالك توقعني ف الميا. انا مالي بقي
ادهم حاككا رأسه: طب والعمل؟ اكيد مش هتمشي بالمنظر ده
جيدان مضيقه عينيها: طب وبعدين ياابو الافكار
ادهم: سهله. انتي تطلعي تغيري هدومك فوق. انتي ناسيه ان ليكي اوضه هنا اصلا
جيدان: ااها طيب يلا قبل ما ابرد.
- اتجه اثنتاهم للفيلا بينما استوقفهم وجود ياسين. فامسك بها ادهم وخبأها ورائه حتى لا يراها اخيه بتلك الملابس الملتصقه بجسدها وتشفه...
ياسين عاقدا حاجبيه: في ايه؟ واقفين كده ليه
ادهم: هه، بقولك ايه ياايسو ما تتهوي شويه من هنا
ياسين رافعا حاجبيه: اتهوي! اتهوي ازاي يعني
ادهم: اا ا اصل جيدا عايزة تطلع اوضتها تغير هدومها
ياسين: طب ما تطلع براحتها ايه المشكله
ادهم بنفاذ صبر: انت. انت المشكله
ياسين: نعم!
جيدان: ويسو بليز امشي من هنا عشان اعدي. اصل اخوك عقله ضرب وحدفني ف البسين
ادهم: اللهم طولك ياروح. انصرف يابني من هنا وشوفلك ركن اقعد فيه
ياسين: مممم طيب عشان خاطر جودي بس
ادهم ضاربا ع صدره: ما تلم نفسك. يلا اتفضل طرقنا
ياسين واضعا يده ع صدره: اي اي اي. شايفه ياجودي
جيدان: ههه معلش حقك عليا انا. بس انا كده هبرد يخرب بيتكوا.
- امسك ادهم بأخيه وادار جسده وانطلق ساحبا اياه بصحبته ونظر لجيدان بعينيه لتنطلق سريعا لاعلي
ادهم: تعالي ياعم الشباب عايزك ف حوار كده
- صعدت جيدان سريعا لغرفتها القديمه وانتقت منها بعض الملابس المناسبه وارتدتها وانطلقت للاسفل سريعا. حيث اصطحبها ادهم لتوصيلها للمنزل.
- مرت ايام عديده ع ابطالنا يجهز كل منهم ويعد نفسه للامتحانات المقبله لاجتيازها بمهارة. بينما ظل مالك مختفيا بعيدا عن انظارهم لدرجة ان الشك تسلل لقلب ادهم وشعر بمكيدة مدبره تدبيرا حكيم في طريقها اليهم ولكن لم يريد اشعار جيدان بذلك. وبعد مرور فترة الامتحانات...
( داخل الحرم الجامعي )
جني بتنهيده: هاااااح خلصت امتحانات وياااااااه
طارق: الف الف مبروك وعقبال المولود السعيد.
جني رافعه احدي حاجبيها: ليه حد قالك اني كنت حامل
الجميع: هههههههههه
ادهم: المفروض والمفترض. اني نازل الشغل مع بابا بما اني خلصت
جيدان بطريقه طفوليه: وانا كمان وانا كمان يااهدم
ادهم: هههههههه بكلم بنت اختي الصغيره
طارق: ههههههه والله كان نفسي اشوف جيدا وهي صغيره
جيدان: شيدا كانت عسوله خالص ههههههههه
ادهم: متشوفش وحش. داانا مستلمها مخارجها كلها ضاربه
الجميع: هههههههه اخس عليك ياادهم الله.
جني: خلاص بقي يااهدم متحرجهاش ههههه
جيدان: ياجزمه
( منزل مصطفي )
مصطفي: كويس انكوا جيتوا ياولاد
ادهم: متجمعين ع الخير دايما. التجمع ده وراه حاجه اكيد
فاتن: وراه خطوبه ياحبيبي
ادهم باابتسامه واسعه: الله
جيدان بحياء: بسرعه كده
ادهم عاقدا حاجبيه: معلش ياماما نأجلها شويه لحد ما العروسه تاخد عليا بقي وتعرف طبعي
الجميع: هههههههههه
عزيز: ان شاء الله ياجيدا هعملهالك ف جنينة الفيلا. ولا عندك رأي تاني ياحبيبتي.
جيدان: لا يابابي معنديش. اللي تشوفه
ادهم: امتي بقي. هه هه
مصطفي: متتسربعش ياواد. هتبقي ع الاسبوع الجاي كده واهزدو تكونوا استريحتوا من الامتحانات وضغوطها
ادهم: انا موافق جدا
عزيز: وانا هرتب نفسي واكلم مهندسين الديكور واتفق معاهم ع ترتيب الفيلا والجنينه ع اعلي مستوي عشان جيدا حبيبتي
جيدان: تسلملي يابابي
هاتفيا.
جني: ايوة بقي خلينا نفرح بيكوا ونخلص بقي
جيدان: ههههههههه هو انا قاعده ع قلبك ولا حاجه.
جني: ههههه لا ياجودي بس انتي داخله ع مؤبد كده حرام
جيدان: المهم. بكرة ان شااء الله هاتيجي معايا نشوف بقي الفساتين والكوافير وكده بقي
جني: هنبقي لوحدنا اكيد؟
جيدان: هاهاها لا طبعا. ادهم هيبقي يوصلنا ويجيبنا. بس مش هيطلع معانا ولا حاجه
جني: اوكي موافقه جدا
- بعد محاولات عديده لم تقتنع جيدان بأي فستان رأته حتى انهكت جني وادهم معها
جني: حرام عليكي في فساتين كتير حلوة ازاي مش عاجبك ولا واحد.
جيدان: تؤ بقي. مفيش ولا واحد حسيته
ادهم رافعا حاجبيه: هو انتي هتتجوزي الفستان. ايه حسيته دي
جيدان: محسيتوش عليا يعني
جني: احنا دخلنا 12 اتيليه لخد دلوقت. وده اخر واحد ولو معجبكيش حاجه هنروح
جيدان لاويا شفتيها: اوكي.
- دلفت جيدان وجني لداخل الاتيليه واخذا يجوبان المكان بحثا عن ما تبتغيه جيدان حتى وقع نظرها ع فستان ما شعرت وكأنه فصل من اجلها. كان الفستان من اللون الجنزاري اللامع والذي ع هيئة ( السمكه ) ضيق من اعلي وناحية الخصر وينسدل بتوسع شديد ومنفوخ من الاسفل. ع الصدر بعض الفصوص الماسيه الامعه وفصوص الؤلؤ الصغيرة من اللون الجنزاري. عاري الكتفين ولكنه ذات اكمام حريريه شيفونيه شفافه. ويمتد ذيل الفستان لبضع سنتيمترات للخلف وعليه نقوش رقيقه لامعه. وانتقت عليه عقدا من الفصوص اللامعه الصغيرة وفي منتصفه نجمة كبيرة بنفس لون الفستان وقرطا ع شكل نجمة بنفس شكل العقد.
وبعد ان ارتدته جيدان...
جيدان: واووووووو انا كده خلاص تمام جدا. هو ده اللي انا عايزاه
احدي العاملات بالاتيليه: فعلا يافندم الفستان هينطق عليكي
جني محدقه عينيها: ياسبحان الله. يعني من الصبح مدوخاني ع فستان يبقي لونه فيروزي ودلوقتي جايبه جنزاري
جيدان: لا لا ده فظيع it s fantastic
جني: بصراحه هو تحفه بس الحمد لله خلصنا
جيدان: اها خلاص. انا هاخد ده
العامله: تحت امرك يافندم. الف الف مبروك.
جيدان بفرحه: الله يبارك فيكي. ميرسي
( في السيارة )
جيدان: yes yes. ادهم بليز انا جيبتلك جرافت من نفس لون الفستان
ادهم بصدمه: نعم!
جيدان: ايه. جيبتلك جرافت من نفس اللون عشان تلبسها
ادهم: طب ايه راايك اجيب بدله من نفس اللون برده
جني: هههههههههههههههههههههههه
جيدان بضيق: انتوا بتتريقوا
ادهم: ياحبيبتي انتي قديمه فحت
جيدان: ماليش دعوة بقي قديمه ولا جديده المهم ان نفسي ف كده.
ادهم: ربنا يسهل. هشوف لو هتمشي مع البدله وتنفع ولا لأ
جيدان: على فكرة تنفع
ادهم باابتسامه: ولو منفعتش ياحبيبتي انا هخليها تنفع عشان خاطرك
جني: احم احمممممممم نحن هنا
ادهم: حاضر ياطنط
جيدان: هههههههههه هههههههه.
- اعد عزيز افضل اعداد لحفل خطوبة ابنته الوحيده. حيث قام بالاتفاق مع اكبر المهندسين المتخصصين في التجهيز لحفلات الخطوبه والزفاف. واصرت جيدان ع الاتفاق مع احدي المتخصصات في تجميل وتجهيز العرائس للحضور لمنزلها، كانت الحفله كالتالي ( تزينت الاشجار بالفصوص المضيئه الصغيرة بكل الوانها كما زين حمام السباحه من حوافه بالبالونات البيضاء والروماديه والجنزاريه كما طافت البلالين اعلي مياة حمام السباحه وايضا اوراق الورود المتناثرة اعلي المياه. كما تم تجهيز مسرح مضيئ للرقص مزود بشو فقاقيع الهواء. كما كانت الكوشه محاظه بباقات الورود البيضاء وفروع الشجر الخضراء المزينه بالفصوص الملونه والمضيئة...
جيدان امام المرآه: لا بليز حاسه اني اوفر شويه
جني: ممكن بس تلغي اللون ده هيبقي اجمل
الكوافيره: انا اختلف معاكي ف الرأي. انتي بشرتك بيضا وتليق فيها الغوامق
جيدان: بس مش اوفر كده برده
( الناحيه الاخري ).
- ارتدي ادهم حلة من اللون الرمادي اللامع ( silver ) وقميصا من اللون الرمادي الخفيف والذي تماشي تماما مع لون الجرافت التي احضرتها له جيدان. وقام بتصفيف شعره ووضع الجل المثبت عليه. كما وضع عطره المميز والجذاب ونظر لهيئته بالمرآه واخذ يعدل من وضعية حلته ثم اصدر صفيرا...
ادهم لنفسه: عسل ياواد ياادهم
ياسين طارقا: العريس خلص ولا لسه. فوووووووووو ايه الشياكه دي
ادهم: انت اللي ايه الشياكه دي ياواد.
( كان ياسين يرتدي حله من اللون الاسود ومن اسفلها قميصا من اللون السماوي الهادئ وجرافت يمتزج فيها اللون الاسود والسماوي )
ياسين: اقل حاجه عندي يابني
فاتن: خلصتوا ولا لسه ياولاد
ادهم بصفير: ايه القمر ده ياتونه لالا كده عاتبقي احلي من العروسه
فاتن: ههههههه بس يابكاش
( ارتدت فاتن فستان من اللون الذهبي من خامة الشيفون المنقوش بنقوشات برونزيه هادئه ومحوطه كتفها بشال رقيق شفاف من نفس لون الفستان ).
ادهم: طيب انتوا اسبقوا وانا هروح اجيب بوكية الورد بتاع جيدا واجي ع طول
فاتن: طب متتاخرش ياحبيبي
ادهم: حاضر ياحبيبتي
جني بااعجاب شديد: ما شاء الله قمر
جيدان: جني بليز هاتي البرفن اللي ف خزنه الدولاب الصغيرة. ازازة لونها احمر ع شكل وردة
جني: وده مش عاجبك
جيدان: لا مش عاجبني بصراحه. هاتيلي التانيه
الكوافيرة: انا كده خلصت تسريحة شعرك.
( ارجعت شعرها للخلف ورفعته لاعلي بعد ان شكلته ع شكل حلزوني واسدلته ع الجزء الاعلي من الظهر كما وضعت بعض الفصوص اللامعه من نفس لون الفستان ع الشعر وأتت ببعض الخصلات ع جانب جبينها )
اصبحت جيدان اميرة بحق. كانت ف قمة الروعه والجمال...
جني: زي القمر ياحبيبتي
جيدان ناظرة لساعة الحائط: ادهم اتأخر ياجني
جني: متقلقيش زمانه ف الطريق
عزيز: بسم الله ما شاء الله عليكي ياحبيبة بابا.
جيدان: ربنا يخليك ليا ياحبيبي يارب
عزيز: هو ادهم مكلمكيش ياجيدا. اصل تليفونه مغلق
جيدان بقلق: لا يابابي مكلمنيش
( في الاسفل )
فاتن: اخوك اتأخر كده ليه ياياسين
ياسين ناظرا لساعته: مش عارف ياماما تليفونه مقفول
جني: مساء الخير. هو ادهم مكلمكوش
ياسين بنظرات اعجاب: ايه القمر ده يانوجا
جني بخجل: ميرسي ياسيسو
ياسين: ...
فاتن: هو مكلمش جيدا ياجني
جني: لا ياطنط.
- ظل ياسين باحثا بعينيه عن والده ليسأله عن ادهم ولكنه لاحظ وجود مالك وتوجيهها له بنظرات ذات مغزي وع ثغرة ابتسامه لا يعرف مصدرها ولكنه ارتاب من داخله وشعر بشئ غريب ف الامر
- ظلت جيدان تجوب المكان ذهابا وايابا في قلق شديد حتى رن هاتفها
جيدان: ياربي احسن يكون جراله حاجه.
جني: اهدي ياحبيبتي خير ان شاء الله
ترررررررررررررررن
جيدان بلهفه: ادهم، حبيبي انت فين قلقتني عليك
ادهم: انا مش جاي.
جيدان بصدمه: بب ب بتقول ايه.!
ادهم: اللي سمعتيه. انا مش جاي الخطوبه
جيدان: ...