رواية لا أرتوي إلا بعشقك للكاتبة نداء علي الفصل الثامن عشر
وصلت عهود إلى مكان اقامة كاميليا، كانت تشعر بالموت يسري بأوردتها، لا تدري اين هي ومع من
كانت كاميليا تنظر اليه بحزن وشفقة فملامح عهود تبدو متعبه ذابلة
ياسين بجدية: انا هطلع ابات عند بابا مصطفي فوق وهقول لماما تنزل تكشف عليها، عهود شكلها مش طبيعي.
(مصطفي هو خال كاميليا وياسين، معندوش اولاد هو ومراته الدكتورة سعاد واتكفلوا بتربيتهم
بعد موت والد ووالدة يايسن، عايشين مع بعض في نفس العمارة بس في شقتين فوق بعض).
اسرعت ريم وشادية يبكين بخوف وهلع، تحدثت ريم لوالدتها قائلة:
هتكون راحت فين ياماما، دي امها مسافرة، وصاحبتها نورا قايلة هتيجي البلد النهاردة علشان عيد ميلاد عهود
بكت شادية وقالت: ياحبيبتي يابنتي، ربنا يحفظك، والنبي يارب تحفظها وتبعد عنها ولاد الحرام، ربنا يسامحك يابني ربنا يسامحك.
ريم: لازم يطلع من اللي هو فيه ويدور على مراته ويرجعها، معاذ لازم يروح لدكتور نفسي ويتعالج
شادية مستنكرة: دكتور نفسي ليه يابنتي، حرام عليكي تقولي كده على اخوكي.
ريم: حرام ايه انا بقول دكتور نفسي مش دكتور مجانين، ياماما معاذ معقد من المشاكل اللي حصلت بينك انتي وبابا زمان، مبيثقش في حد دايما بعيد وواخد جنب ولما حس ان عهود خطر عليه وبدأت تدخل العالم اللي هو عايش فيه، بعدها عنه بقسوة علشان يضمن انها مترجعش.
شادية: واهو حقق طلبه يابنتي وهربت ومش هترجع
ريم: يبقي معاذ هيضيع مننا، عهود لو مرجعتش معاذ هيضيع.
بالاسكندرية، استعدت نورا وعائلتها للسفر لزيارة عهود
زياد: طيب وانا اجي معاكم ليه، انا عندي شغل
سحر: انا قلت مش هتقعد لوحدك في الشقة
فؤاد: خلاص يا زياد غير جو وبعدين احنا مش هنطول هنروح نطمن على عهود وبأذن الله هنرجع بكرة
نورا: متبقاش غلس بقي يا زياد عاوزين نفرحها كفاية السنة اللي فاتت محضرتش عيد ميلادها
زياد بغيرة طفولية: انا اوقات بغير من عهود وبحس انها بتشاركني فيكي يا ست نورا.
نورا: انت اخويا ونور عيني، بس عهود اختي وصحبتي وبحس انها مسؤولة مننا
فؤاد: عهود بنت عبدالرحمن، الراجل الوحيد اللي وقف جنبي انا وامك اول جوازنا وقت ما كنا لسه مش لقيين حتى نأكل نفسنا، كان بيسلفنا الفلوس ويرفض ياخدها، يوم ما انت اتولدت يا زياد مكنش معايا مصاريف الولادة، جه دفعها وقالي دي نقطة زياد، الله يرحمه ويغفرله مهما نعمل لعهود مش هنوفي دين ابوها في رقبتنا.
سحر بحزن: فعلا الله يرحمه كان انسان ملوش مثيل في طيبته.
ببيت السائق عبدالرحمن، يجلس مع زوجته واولاده يحدثها عن يومه المعتاد ليبدأ في سرد موقفه مع عهود وما حدث بينهما.
كوثر: ياحول الله ياربي، والبنت يا عبدالرحمن تضمن منين الناس اللي راحتلهم دول
عبدالرحمن: شكلهم ناس ولاد حلال يا كوثر، والله قلبي اتقطع علشانها كأنها بنتي شكلها يصعب عليكي لو شوفتيها
كوثر ابقي كلم الراجل واطمن عليها ياعبدالرحمن ربنا ميرمناش في ضيقة
عبدالرحمن: انكسفت اقوله يديني رقمه، اديتله رقمي وقلتله يبقي يطمني عليها وهي هتتصل دي فرحت اني على اسم ابوها الله يرحمه.
كوثر: ربنا يطول عمرك ياخويا ويعينك على رزقنا.
صراخ ونواح من زينب التي اوشكت على الجنون بعدما ضاعت ابنة عبدالرحمن، الشئ المتبقي لها من ولدها
عابد واقف مكانه متجمد عقله توقف عن التفكير
شادية: عابد، اتصل على هشام صاحب معاذ خليه يجي يكلمه، عهود ماشية من باليل يعني زمانها بعدت خليهم يلحقوها، بنت اخوك هتضيع متقفش مكانك وتسكت.
عابد: حاضر هكلم هشام، وهكلم ابو ثائر معارفه في الداخلية كتير.
بغرفته يجلس امام شاشة الكبيوتر يشاهد شئ لا يعلم ماهو، يعاني من الم لا يحتمل برأسه، صداع يكاد يفتك به ولكنه يستمتع بعذابه، فكما تسبب لها في الألم، يعاقب نفسه
يتذكر دموعها فتزداد دقات قلبه، خرج مندفعا من غرفته عندما استمع إلى صرخات جدته
هبط اليهم ينظر إلى وجوههم بتساؤل
معاذ: بتصرخي ليه ياستي، فين عهود.
زينب: عهود هربت، ارتحت يا معاذ، ارتحت يابني كده، طب كنت قولي، لما ابوك غصبك عليها كنت قولي وانا اقفله، كنت خدتها ورحنا عشنا في اي مكان، ليه كده يابني
معاذ بدون وعي: يعني فين عهود
عابد ممسكا اياه بقسوة: افهم بقي وفوق، عهود هربت سابت المستشفي ومشيت، مخدتش معاها اي حاجة موبايلها ولبسها وكل حاجة سابتهم في المستشفي حتى شبكتها، سابتها
سابتلك دبلتك وهربت.
ابعده معاذ عنه بقوة ليهتف: انت كداب، طول عمرك ظالم، انت بتعمل كده عاوز تعاقبني عهود مستحيل تسبني، احنا اتفقنا اني مهما اعمل متبعدش عني، انا عارفك كداب
انا هجيبها وهتشوفوا انها متقدرش تسبني
ظل هشام يتحدث اليه، ولكن دون فائدة.
انتبه الجميع على صوت نورا تصرخ بحدة قائلة:
عملتوا ايه في عهود، فين عهود
سحر ببكاء: ايه الكلام اللي سمعناه ده يا أم معاذ، فين البنت وهربت ليه وازاي.
اقتربت نورا من معاذ تود الفتك به لولا يد هشام الذي نظرت اليه بغل لتهتف: سيب ايدي يا حيوان، خليني اعرف هو عمل ايه في مراته خلاها تطفش، مش كفاية بردوك وصبرها عليك انك تحس بيها، مش كفاية اتخلت عن احلامها وانها تدرس حاجة بتحبها واكتفت انها ترضيكم
انتوا ايه، هي دي الأمانة. اخذت نورا تبكي لتكمل
مش كفاية الدنيا واللي عملته فيها
فييييين عهود والله العظيم هبلغ عنك واسجنك.
معاذ: عهود هترجع، هي بس زعلانه مني لأني مكنتش عاوز أخلف، انا قلتلها حتى لو عاوز اخلف مش هخلف منك، بس انا مكنتش اقصد كده انا بس قلت كده ومش قاصد كده!
نورا بجنون: ياحيوااان، يا زبالة ازاي ازاي ليه تعمل فيها كده
فؤاد: نورا اهدي خلينا نفهم البنت فين، ولما ترجع هيكون لينا تصرف تاني بس نلاقيها.
خرج هشام مبتعدا قليلا، تحدث بالهاتف مستنجدا بثائر:
هشام: اسمعني يا ثائر، انت لسه في الشرقية ولا رجعت مطروح
ثائر: لا لسه قدامي ساعتين واطلع
هشام: متروحش اي مكان واسمعني
ثائر: حاضر، في ايه قلقتني
هشام: هقولك كل حاجة بس بسرعه تكون عندي في بيت معاذ.
ببيت ياسين اصطحبت كاميليا عهود إلى غرفتها تحدثت اليها برفق قائلة: بصي بقي يا ست دودو
انا مبعرفش انام مع حد، اوضتي جنب اوضتك علطول، بس طبعا هنقعد طول اليوم سوا ونذاكر مع بعض، هنسيب بعض بس وقت النوم ايه
رأيك.
عهود: انا اسفة، عارفة انك اكيد مستغربة اني كلمتك وازاي اطلب منك انك تاخديني بيتك بس والله معرفش حد و..
احتضنتها كاميليا لتتحدث اليها بمحبة:
انا مليش اخوات بنات ولا بصاحب حد، دايما مكتفية بأبيه ياسين وماما سعاد، هي مش امي انا امي وابويا ميتين، بس هي اللي ربتنا انا وياسين ودخلت كلية الطب علشان خاطرها.
عهود: ربنا يخليهملك
كاميليا: يارب حبيبتي، اكتر حد هتحبيه بقي هو درش، مصطفي خالي وابويا وصاحبي، حاجة كده سكررررر
عهود بشرود: ماشي
احست كاميليا بارهاق عهود الواضح تحدثت اليها لتساعدها على الراحة: ادخلي ياقلبي خدي شاور
ولما تخرجي نتعشي انا وانتي
عهود: انا مش معايا لبس
كاميليا: تعالي ياستي اختاري اللي يعجبك، ولما ترتاحي نخرج ونجيب اللي انتي عاوزاه.
عهود بهلع: لأ، انا مش هخرج، مش عاوزاهم يعرفوا مكاني، ارجوكي يا كاميليا انا مش عاوزة ارجعلهم ابدا، ارجوكي
كاميليا: حاضر يا حبيبتي، محدش هيعرف مكانك انا مش هسيبك.
استقبل هشام ثائر خارج المنزل بعد ان وضح له ما حدث ليهتف ثائر بغضب:
والغبي ده ازاي يعمل في عهود كده، ازاي يعاقبها على شئ ملهاش دخل فيه وهي ذنبها ايه انه مش في وعيه
هشام بجدية: متنساش نفسك يا ثائر، انت جاي تساعد معاذ يلاقي مراته، فاهمني، مراااته
ملناش دعوة هو عمل ايه، انت بنفسك هتشوفه وتعرف ان معاذ بينهار، لو متصرفناش وخدناه للدكتور صفوت، معاذ هيحصله انهيار عصبي.
ثائر بدموع وقلق: بس عهود زي ما انت بتقول ملهاش حد يا هشام
هشام متفهما حزن ثائر: ربنا مبينساش حد، انت كلم ابوك يتصرف وانا وانت هندخل نتصرف مع معاذ، ولما ندخله المستشفي نبدأ نشوف مراته فين!
اتصال متكرر لا ينقطع من رقم خارجي..
جعل نورا ترد مسرعه معتقدة انها عهود
نورا متفائلة: ايوة يا عهود، انتي فين
تفاجأت أمل برد نورا لتهتف بقلق: عهود فين يا نورا
نورا بتلعثم: اهلا يا طنط، عهود انا رايحلها البلد اطمن عليها
أمل: طمنيني ياحبيبتي، عهود مالها بتصل موبايلها مقفول، ومفيش حد في البيت بيرد، ريحي قلبي وقوليلي في ايه، دي بعتتلي رسالة قالتلي انها حامل ومن وقتها مردتش عليا، هي زعلانه مني..
نورا ببكاء: عهود هربت يا طنط، ومش عارفين مكانها
أمل بضياع ورعب: يعني ايه هربت، ليه هو حصل ايه
نورا: حصل...
أغلقت امل عينيها بحسرة وندم يقتلها لتفقد الوعي تحت نظرات فريد الذي صدم مما سمعه.
تسلل ثائر بهدوء ليدخل إلى المنزل، تعجب بالفعل واحس بالصدمة من ملامح معاذ...!
بينما مازالت نورا تبكي وكذلك ريم ومريم
تحدثت عبير بهدوء قائلة: اتصرف يا حاج عابد، عهود بتخاف وعمرها ما خرجت لوحدها، وغير كده البت لسه صحتها تعبانه من السقاطة، حرام كده
عابد بقلة حيلة: كلمت الشرطة وقالوا لازم يفوت ٢٤ ساعه..
وكلمت ابو ثائر والراجل متأخرش وقالي هيتصرف.
عبير: لا قوة الا بالله، انا كان قلبي حاسس وقلت حد فينا يبات معاها في المستشفي بس هي رفضت، اتاريها كانت عاوزة تمشي ياقلب عمتها.
معاذ بغضب وكأنه قد استوعب الأمر: انا هجيبها وهعلمها الأدب من جديد، انا قولتلها قبل كده متخرجش لوحدها، هي عنيدة ومبتسمعش الكلام وكله بسببكم انتوا، انت وهي
انتوا الاتنين، ضيعتوني وضيعتوها.
طول عمرك بتقول ان الحنية الزايدة بتفسد الراجل، عودتني ابقي قاسي زيك وسمعت كلامك لحد ما بقيت شبهك، بقيت زيك وانت اكتر حد انا رافض ابقي زيه، حولتني لنسخة منك انسان معندوش قلب ولا مشاعر، عايش جوة عالم كله غضب وحيرة، غضب من نفسي وحيرة من ماضي مجهول معرفش سره ايه، ولما افتكرت سبب خوفي وبعدي عنكم، كرهت نفسي اكتر كرهت وجودي بينكم، عاقبت عهود بقسوة لأنها اختيارك انت، رفضت وجودها لأني مش هسمحلك تتحكم فيا تاني، بس انا مكنتش اقصد اجرحها اوي كده، انا بس كنت بعاقب نفسي وهي مفروض كانت تصبر عليا وظل يصرخ!
ليه ياعهوود لييييه!
كان هشام وثائر ينظران لبعضهما بترقب، أشار هشام للثائر بعينيه ليبدأ في التحرك
اقترب ثائر من معاذ بحذر ليضع اصبعه فوق رقبته ويضغط عليه، ليفقد معاذ وعيه بعد لحظات وسط دهشة وصراخ الجميع.
هشام متحدثا: معاذ دخل في بداية انهيار عصبي ياجماعة، والضغط العصبي الزيادة ده هيضره انا وثائر هناخده للدكتور، وبأذن الله هيبقي كويس ويرجع مراته.
بعد مرور ثلاثة أشهر
يتلقي معاذ جلسات العلاج النفسي بالمشفي
عادت أمل إلى مصر بعد شجار حاد بينها وبين فريد اتهتمه انه سبب سفرها للخارج وبعدها عن ابنتها، تبكي ليلا نهارا خوفا من فقدان ابنتها للأبد
عابد اغلب الوقت صامت يخشي مواجهة والدته، يشعر بالذنب ناحية معاذ قبل عهود
شادية وعبير يدعوان الله بتضرع لحفظ عهود
حسن يشعر بالذنب ناحية معاذ، فما حدث وما قاله معاذ أثر به للغاية.
تلاحظ هدير تغيره وابتعاده عنها ولكنها تلتمس له العذر
رفضت عهود اكمال عامها الدراسي فهي غير قادرة على المذاكرة وتخشي ان يصل اليها معاذ عن طريق الجامعه
تجلس مريم بغرفتها تشعر بالكأبة التي سيطرت على البيت بأكمله لتتنهد بحيرة قائلة: فينك يا أسامة من يوم ما سافرت والبيت اتغير واتبدل حاله، وجودك كان هيفرق كتير!
اتصلت عهود بعد تفكير طويل بنورا، فهي تستحق ان تطمئنها عليها
عهود: انا عهود يانورا
نورا ببكاء: حبيبتي، انتي فين ياعهود انتي كويسة، كده يا عهود هونت عليكي ياقلبي، ده احنا هنموت من الخوف عليكي
عهود: انا أسفة، بس معاذ قتلني بكلامه يانورا، دبحني وموت ابني من قبل حتى ما احس بوجوده، ذلني وكرهني في نفسي
معرفش ازاي عمل فيا كده
ارجوكي علشان خاطري متسألنيش عن اي حاجة، ارجوكي.
نورا: حاضر، بس طمنيني عنك عاملة ايه
عهود: هقولك كل حاجة بس اوعديني مفيش مخلوق يعرف اني كلمتك
نورا: والدتك نزلت مصر وانفصلت عن جوزها ياعهود، والدتك بتموت علشانك
عهود بتأكيد: روحيلها يانورا وانا هكلمها واطمنها لازم ترجع لجوزها وابنها، ابنها ملهوش ذنب، هي مغلطتش، الذنب كله ذنبي انا اللي ضعفت وسلمت قلبي وعقلي له، خليت معاذ محور الكون، كان هو الدنيا كلها وفي الاخر رماني وداس عليا وطلعني برة دنيته.
توجهت نورا لبيت أمل، فتحت أمل الباب بلهفة تتمني ان تسمع ما يطمأنها
نورا مبتسمة: حضرتك عاملة ايه ياطنط
أمل ببكاء: هموت يانورا، خلاص بنتي ضاعت بسببي
نورا بمحبة: طيب خدي بنتك تطمنك بنفسها
أمل بلهفة وعدم تصدق: عهود، بنتي هي فين فين يانورا
نورا: عالموبايل معاكي كلميها
أمل: عهود، حبيبتي ردي عليا
عهود: انا معاكي يا ماما اطمني، انا بخير.
أمل ببكاء وندم: حقك عليا سامحيني انا اسفه ارجعي يا قلبي وانا هدفعهم تمن قهرتك وحزنك، لا خلاص ملناش دعوة بيه ولا بحد هنعيش انا وانتي لوحدنا بعيد عنهم كلهم.
عهود بهدوء: ياريت ينفع يا ماما، خلاص انا انتهيت وبحاول اجمع الباقي مني واعمل انسانه تقدر تعيش وتواصل حياتها حاجات كتير جوايا انكسرت صعب تتصلح الكل باعني واتخلي عني واولهم انتي، ايوة رفضت اعيش معاكي ورحت بيت عمي بس انتظرت منك تحاربي علشاني، اتمنيت تطلبي مني مرة واتنين وعشرة اني ارجعلك بس انتي خذلتيني وبعدتي.
انا مش بلومك وقت اللوم والعتاب انتهي انتي امي مهما عملتي فيا أمي، وعلشان كده مقدرتش اسيبك من غير ما اطمنك عليا
حضرتك بدأتي حياة وصممتي عليها
جوزك ملوش ذنب في مشاكلنا، ولا ابنك
اخويا اللي هتسيبيه ويعاني وتبعديه عنك وتبقي فقدتيني وفقدتيه
انا كويسة يا ماما فعلا، وهرجع وهشوفك بس مش هقدر ارجع غير لما ارجع نفسي الأول.
بعد مرور عامين
استجمعت عهود قوتها، بدأت تتحسن حالتها الصحية كثيرا بفضل كاميليا وسعاد
طلب منها ياسين ان تركز طاقتها بأكملها في الرسم، لتبدأ عهود في تنفيذ نصيحته وتبدع في تكوين لوحة تعبر عن معاناتها
قام ياسين بعرض اللوحة بالوسط الفني لتحدث ضجة قوية، ليصبح اسم هدي عبدالرحمن، اسما له وزنه بالوسط الفني!