رواية كيف أغفر؟ للكاتبة يارا رشدي الفصل السابع والعشرون
بعد مرور اكثر من يوم.
دلف فادي إلى غرفه نيره وجدها وهتف بلهفه واضحه:
نيره حسام تحت قاعد مع بابا
حسام؟!
حرك راسه بنعم وهتف:
طلب ايدك واتفق انه هيجيب اهله بكره او بعده بكتير
نهضت من مكانها وهي تقول:
انا مش موافقه
قالتها وهي تتجه خارج الغرفه ليقول فادي بضيق:
الراجل جاي لحد عندك وانتي تقوليله لا؟!
وانت قبل ما تيجي تطلب ايدها عارف انها كانت متجوزه قبل كده؟! واطلقت في اقل من شهر جواز؟!
قالها سليم وهو يضع ساق فوق الاخري رمقه شريف نظره ناريه فهو سوف كان سيخبره بطريقه مختلفه، ولكن سليم لم يمهله الفرصه، هتف حسام بعدما مد يديه وتناول كوب العصير الذي امامه وارتشف منه هاتفآ:
اه عارف انها كانت متجوزه حضرتك
وعارف ايه تاني يا استاذ حسام؟
قالها سليم بابتسامه بارده ليقول هو:
كل حاجه من اول عيدالميلاد وياريت بلاش ندخل في تفاصيل انا جاي اطلب ايد نيره مش جاي اتكلم في حياه نيره القديمه.
تمام يا ابني انا هتكلم مع نيره واخد رايها وارد عليك ان شالله
ظهر صوت نيره وهي تقول:
من غير ما تتكلم معايا انا مش موافقه اظن كده الرد وصلك يا حسام
رفع حسام عينيه اليها قائلا:
والسبب؟! إلى بترفض عريس متقدملها بيبقي عندها سبب انتي بقي ايه سبب رفضك ليا!
انا حره مش عايزاك
هتف حسام إلى شريف:
ممكن اتكلم معاها لوحدنا؟
اه اكيد
لتقول نيره:
مفيش كلام ما بينا سر إلى عندك قوله قدامهم.
هتف شريف بهمس إلى نيره وهو يمر بجانبها:
حسام بيحبك وشاريكي بلاش تضيعه من ايدك
انهي عبارته تلك ثم هتف إلى ابناءه:
يلا مستنين ايه؟
نهض سليم وهو ينظر لحسام بضيق واضح ورحل الجميع. لم يتبقي سؤي نيره وحسام..
تنهد حسام قائلا:
عيلتك لذيذه ماعدا سليم بصراحه سخيف جداا
عايز ايه يا حسام؟
قالتها وهي تجلس امامه ليقول حسام:
اخطبك وبعدين اتجوزك يعني عايز شويه حاجات بسيطه خالص.
محدش يقبل علي نفسه يتجوز واحده زي انا مش كويسه روحت لواحد بيته
إلى حصل زمان انا مليش دعوه بيه انا ليا بدلوقتي ونيره إلى قدامي إلى فات ده ميخصنيش إلى حصلك في عيدالميلاد وعلاقتك بحازم مليش علاقه بيهم وانا مكنتش هاجي واقعد القعده دي واطلب ايدك الا وانا واثق ومتاكد من اخلاقك..
تفتكري ايه إلى يخليني من اول يوم ادور علي فيس بتاعك واحاول اوصلك؟! واقعد قدام الفيلا اكتر من يوم استناكي تخرجي علشان اكلمك.
انا من الاول يا نيره كنت عايز اخطبك بس لما لقيت دماغك رايحه في حته تانيه واني عايز انتقم منك بسبب ريم وحاجات غريبه كده سكت وقولت لما اقرب منك وتعرفني اكتر هتغيري فكرتك دي
عايز تفهمني اني لما قولتلك روحت لحازم شقته مفرقش معاك؟ ولما فادي حكالك وقالك علي عيدالميلاد وصوري إلى نزلت والفضحيه في كتب كتاب كل ده مهمكش؟ لا ده انت ملاك بقي
قالتها بسخريه ليقول حسام:.
تخيلي كل ده مهمنيش كل إلى فكرت فيه نيره إلى قدامي واحده رفضت تكلمني موبيل او حتى اقابلها وكل لحظه بتاخد قرار انها تقطع معرفتها بيا علشان خايفه تكون بتكرر غلطتها تاني بتاعه حازم وبتساليني كلامنا كده غلط ختي لو شات غلط ولا صح؟! مشكلتلك يا نيره انك ملقتيش حد يفهمك ايه الصح وايه الغلط! علي فكره انا كدبت عليكي لما قولتلك ان كلامنا مش غلط لا هو غلط بس انا كدبت عليكي علشان متبعديش.
كل ده كلام دلوقتي بس لكن بعدين هتعايرني بكل ده وهتقولي إلى تروح لواحد مره تروح عشره انا عارفه
حرك راسه بالنفي وهو يقول بصدق:
عمري يا نيره ما هعمل انتي عرفتيني فتره تفتكري ممكن يطلع مني حاجه زي كده في يوم من الايام!
وريم
مالها ريم دي كمان!
ممكن تكون لسه بتحبها وتكون عايز تنساها بيا وتيجي بعدين تقولي انك معرفتش تنساها
لا اطمني يا ستي ريم انا نسيتها من اول ما اتخطبت لمنير.
يجلس يراقب كل ما يحدث بغضب مكتوم وافقت نيره علي حسام!
هتفت ناديه وهي تضم نيره إلى احضانها:
مبروك يا حبيبتي
بكره باذن الله هجيب اهلي نتفق ونقرا الفاتحه ونشوف ميعاد الخطوبه
قالها حسام ليقول فادي:
او فرح علي طول ليه خطوبه وتضيع وقت
لا انا عايزه فتره خطوبه
نطقت تلك العباره نيره ليقول حسام:
لو عليا عايز كتب كتاب دلوقتي بس نعمل ايه بقي في دماغ نيره
مبروك يا نيره ربنا يسعدك.
قالها شريف بحب اقتربت منه نيره واحتضنتها بقوه ثم طبعا قبله علي خديه هاتفه:
شكرا يا عمو شكرا علي كل حاجه عملتها معايا
رتب عليها وهو يقول:
محدش بيشكر اهله يا نيره ولا ايه؟!
لا ما هي لازم تشكرك مش كفايه مستحملين قرفها من يوم ما جات عندنا
قالها سليم ليقول حسام بتحذير:
انا مش عايز ازعلك مني واعمل مشاكل ياريت تتكلم كويس معاها وخلينا حلوين مع بعض
هي وسليم دايما كده ناقر ونقير.
قالها شريف وهو يحاول تلطيف الاجواء ليقول فادي بهمس إلى حسام:
معلش اصل مراته طالبه الطلاق تلاقي اعصابه تعبانه شويه
هو انت مش مفروض عريس من كام يوم بتعمل ايه هنا؟!
قالها حسام باستغراب ليقول فادي وهو يربت هئيته ويقوم بتحريك رقبه قميصه:
لا ما هو انا طلقت العروسه بعيد عنك ليله بعد الفرح ما خلص
نعم!
حاول تتعود علي عيله إلى انت دخلتها دي ومتستغربش اي حاجه
قالها فادي وهو يرتب عليه بجديه متصنعه.
ويوم حفل الخطبه.
انتهت خبيره التجميل من تزينها ثم رحلت اما نيره نظرت إلى هيئتها بالمرآه ترتدي فستانها وبعض مستحضرات التجميل علي وجهها بالاضافه ابتسمت بسعاده واضحه.
كانت تخشي ان تعترض عائله حسام عليها ولكن لم يحدث ذلك والده ووالدته رحبوا بها كثيرآ.
من الواضح ان حسام لم يخبرهم ب اي شئ يخصها سوا انها كانت متزوجه من قبل وهما لم يعترضوا علي ذلك.
وبعد مرور الوقت.
جلست علي الفراش تنظر إلى هاتفها بقلق تاخر كثيرآ بالاضافه انه لا يقوم بالرد عليها.
سقط قلبها بين ضلوعها سوف يفعل بها كما فعل حازم. كل شئ وضح امامها،
تحركت من الغرفه ثم هبطت الدرج بخفه حتى لا يلاحظها احد.
الفيلا باكملها ممتلئه بالاشخاص كل هولآء ستفضح امامهم مره اخري!
لما هي مكتوب عليها يحدث معها هذا!
لمحها فادي اقترب منها وهو يقول:
ايه إلى نزلك عريسك لسه موصلش
مش هيجي يا فادي هيعمل فيا زي حازم.
قالتها بحسره والدموع في عينيها ليقول فادي:
انتي بتقولي ايه!؟ هو اتصل بيكي قالك كده
حركت راسها بالنفي وهتفت:
مش محتاجه يتصل هو مظهرش ولا اهله محدش ظهر وبكلمه مش بيرد
فين ناس قرايبه تحت ماعدا مامته وبابه اكيد هيجوا معاه حسام لا يمكن يعمل كده
لا يعمل يا فادي يعمل علشان ياخد حق ريم مني
قالتها وهي علي وشك البكاء.
انتي هتعيطي علي حاجه لسه محصلتش بس يا نيره كده وشك هيتبهدل والمكياج هيسيح متخافيش حسام بيحبك بجد ولا يمكن يعمل كده
وفي نفس اللحظه تعالت اصوات الزغاريد وظهر حسام برفقه والده ووالدته هتف فادي:
اهو شوفتي يا بومه محصلش حاجه والراجل جه
تجلس ريم برفقه اخيها وعلي ملامحها السخريه شقيقتها تتزوج من حسام! يالسخريه.
شوفت الدنيا يا امجد لفت ازاي وراح خد نيره
قالتها إلى اخيها ليقول هو:.
انتي زعلانه ولا ايه؟ كان قدامك زمان ورفضتيه
مش زعلانه طبعا بس صعبان عليا ياخد واحده بالمصايب بتاعتها دي كلها بس علشان فاكر انه كده هيغظني
يغيظك؟!
حركت راسها بتاكيد وهتفت:
اه طبعا امال هيكون ايه إلى عجبه في نيره يعني فاكر اني كده هتغاظ واندم اني ضيعته من ايدي
ما يمكن بيحبها وانتي مش في دماغه اصلا
اطلقت ضحكه وهي تقول:
يحب مين نيره!؟
حلو اوي يا شريف اتعزم علي خطوبه بنتي زي الغريب
قالها مراد بغضب ليقول شريف:.
لانك غريب فعلا جبتهالي زمان وهي عيله واتنازلت عنها مكلفتش نفسك حتى تيجي تزورها مره كل سنه يا عم ده انت حتى مبعتش مصاريفها انا إلى ربيتها وصرفت عليها انت ملكش اي حاجه في نيره عن اذنك هروح اشوف المعازيم
قالها ورحل ليقول مراد باقتضاب:
ربيتها ربيتها خلاص عرفنا متعملش فيها شهيد
افردي وشك يا روحي انتي عروسه وقاعده في خطوبتك مش في عزاء
قالها حسام وهو يميل براسه ناحيه اذنيها لتقول نيره بانفعال مكتوم:.
اتاخرت ليه؟! ومبتردش علي موبيلك ليه كنت بتفكر طبعا تخلع وتسيبني في الخطوبه علشان تاخد حقك
لالالالالالالا مش هنيفع الوضع ده خالص هو انا حياتي معاكي هتبقي كلها بشكل ده ولا ايه؟
انت اتاخرت وحازم بردو اتاخر يوم كتب الكتاب ومظهرش
قالتها بحزن واضح تنهد حسام فهي ممتلئه بالكثير من العقد بداخلها..
غصب عني والله واحنا في نص الطريق ماما اكتشفت انها نسيت شنطتها ف رجعنا تاني حقك عليا انا غلطان كان مفروض ارد عليكي لما رنيتي ثقي فيا يا نيره انا عمري ما هجرحك ابدا
قال جملته الاخيره وهو يشبك كفه يديها بيديه..
ابتسمت نيره وهي تقول:
ولا تغدر بيا زيهم
طبع قبله علي يديها ثم قال:
ولا هغدر بيكي
هتف سليم وهو ينظر إلى حسام ونيره:
والله حلو هي تعيش حياتها وانا بيتي يتخرب واخسر مراتي.
ونيره مالها يعني هي إلى قالت ل اشرقت تتطلق منك ولا ايه؟!
قالها فادي ببرود ليقول سليم بعصبيه:
كله من تحت راسك يا سادي يا مريض
ارفع في صوتك ارفع في ناس لسه مسمعتش هناك ارفع صوتك يا راجل كمان
انت جايب البرود ذه منين!
نظر فادي إلى نيره وهتف بابتسامه:
عارف نيره كانت خساره فيك متستاهلش واحده زيها ولا تستاهل حبها إلى زي نيره عايزه واحد زي حسام مش شايف حاجه غيرها برغم كل إلى عرفوا مبعدش عنها.
شوف انا بحكي في ايه وانت بتحكي في ايه
قالها سليم بغضب
ضحكت ريم وهي تنظر إلى حسام ونيره:
شوف بيعمل ايه فاكر ان بالحركات دي انا هتغاظ
ريم حبيبتي فوقي هو مش شايفك اصلا وبطلي كلامك ده علشان منير ميسمعش وياخد لباله
قالها امجد لتقول ريم:
مش شايفني ازاي امال هو خطب نيره ليه؟!
يمكن علشان بيحبها مثلاااا يعني
يحب نيره علي ايه هو مسالش براه وعرف تاريخها ولا ايه؟!
ملناش دعوه يا ريم خلينا في حالنا.
صمتت ريم وهي تنظر إلى نيره هاتفه بداخلها:
وايه يعني حتى لو بيحبك ميهمنيش كان قدامي زمان ورميته يعني انتي كده يا روحي اخدتي البواقي بتاعتي يلا مش خساره فيكي.