رواية كيف أغفر؟ للكاتبة يارا رشدي الفصل الختامي
اليوم حفل زواج مريم
الجميع حضر الحفل حتى فادي.
تحمل نيره صغيرها علي ذراعيها وبجانبها زوجها.
الذي يقول:
هو فادي مصمم يهين نفسه ليه؟ ازاي يحضر فرح طليقته!
عادي يا روحي احنا عيله فيري جدااا
انتو عيله عجيبه مش فيري
فادي ازيك؟
قالتها فتاه وهي تجلس بجانبه ليقول هو بدهشه:
ريهام!
هتفت هي ضاحكه:
تخيل
صافحها بحراره وهو يبتسم قائلا:
فينك اختفيتي وقطعتي كل حاجه تقدر توصلني ليكي
لا متقولش هو انت حاولت توصلي؟
قالتها بسعاده واضحه
يعني كنت عايز اطمن عليكي بس
اختفت سعادتها تلك وهتفت:
اول ما شوفتك مقدرتش امنع نفسي اني اجي اسلم عليك معلش بقي شكل العمل إلى عملتهولي متفكش
قالت جملتها الاخيره وهي تضحك بحزن.
كان بينهما فتره ارتباط كبيره منذ العديد من الاعوام من قبل حادثه نيره تلك.
تعلقت بيه ريهام كثيرآ ووقعت في حبه وعندما مل هو وبحث عن غيرها ظلت ريهام تتطارده وتطلب منه ان يعود لها ولكنه رفض وظل يخبر جميع رفاقه انه قام بعمل عمل لها جعلها متعلقه بيه لهذه الدرجه ويضحك ساخرآ.
صحيح ايه إلى حصل في ليله فرحك ده؟ مصدقش ابدا انك مريض بشكل ده
العروسه إلى هناك قالت كده
قالها وهو يشير براسه ناحيه مريم لتقول مريم:
ليه تفتري عليك بطريقه دي حرام عليها بجد
ابتسم فادي وهو يهتف:.
لسه طيبه زي ما انتي يا ريهام
انا عاشرتك فتره كبيره وفهماك كويس متنساش اننا قضينا تلات سنين مع بعض وحفظاك اكتر من نفسك
وبتحبيني اكتر من نفسك بردو
ازاحت خصلات شعرها خلف اذنيها وهي تقول بتوتر:
ده كان زمان لما كنت صغيره دلوقتي كبرت وعقلت وفهمت ان مفيش حاجه اسمها حب
علشان كده متجوزتيش لحد لوقتي؟! لسه جرحي ليكي واجعك بعد المده دي كلها؟
قالها وهو ينظر ليديها الخاليه من اي خواتم لتقول هي:.
كسرتني يا فادي هونت عليك تفتح المايك لصحابك وتسمعهم صوتي وانا بعيط وبطلب منك ترجعلي؟!
فاكر انا بعتلك من كام اكونت فيس؟ وكل مره اقولك انا ريهام تعملي بلوك حتى مش بتستني تشوف كلامي
لمعت عينيها بالدموع وهي تتذكر ما فعله بها ليقول فادي:
كنت عيل يا ريهام عيل غبي بيلعب بمشاعر بنات الناس
يلا ولا يهمك ومبسوطه اوي اني شوفتك النهارده عن اذنك صحابي مستنيني
طيب هوصلك تاني ازاي؟!
ضحكت وهي تقول:
تاني يا فادي؟!
لا المره دي في الحلال
يجلس في الجنينه ويفكر في كل شئ فعله.
مقابلته لعلا والده نيره واعجابه بها. قراره ان يتزوجها بشرط ان لا تنجب. حرصه بوضع القرص لها كل يوم. معرفته بخير حمل علا ورفضها ان تجهض الجنين، ولاده نيره..
معرفه مني بخبر زواجه وطلب الطلاق..
طلاقه لعلا حتى يرضي مني ولا تهاجره.
موت علا وترك نيره له.
واخيرآ وضع نيره عند اخيه ونسيانها.
كل شئ يتذكره يوميآ مرارآ وتكررآ. والذكريات تطارده.
انتبه من شروده علي صوت ريم وهي تقول:
انا خارجه عايز حاجه؟
بلبس ده؟
مالو شيك وجميل
صاح مراد:
ده عريان جسمك كله مكشوف يا ريم
يوووه موال كل يوم
نهض والدها من مكانه وهو يقول:
مالك يا ريم بقيتي كده ليه؟ كل يوم خروج وسهر وماشيه مع شله مش بتاعتك بترجعك كل يوم سكرانه
امال عايزني اعمل ايه اقعد جمبك واندب حظي سيبني في حالي يا بابا واعتبرني مش موجوده انسي ان ليك بنت اصلا.
قالتها ورحلت من امامه. منذ ان تطلقت من منير وهذا حالها.
لا يستطيع التحدث معها.
تنهد وهو يجلس بحسره واضحه ونيره ظهرت في عقله.
ولا يفهم لما نيره تطارده هكذا!
نهض حسام وتحدث بالهاتف وعندما وجد سليم الطاوله فارغه نهض هو واقترب من نيره قائلا:
هو احنا مش المفروض ولاد عم! علي اقل يبقي في سلام ما بينا
ابتسمت له باحراج هاتفه:
معلش شريف مش مخليني عارفه اتحرك من مكاني
نظر إلى الصغير الذي يبلغ من العمر عدده اشهر:.
هاخده لواحد من بناتي التوام تالا كبيره عليه مش هتنفع
ابتسمت نيره وهي تهتف:
ناوي توجع قلب بنتك بايدك ولا ايه؟ انا مش ضامنه ابني لما يكبر مشاعره هتكون لمين
لما يكبر مشاعره هتكبر معاه وهتتغير غصب عنه هيلاقي نفسه عايز واحده تانيه ومش شايف غيرها وده إلى حصل معايا مشاعري اتحركت لاشرقت
في ايه يا سليم جاي تعيد في إلى فات ليه.
إلى فات كله تاعبني يا نيره خايف إلى عملته فيكي يحصل في بناتي علقتك بيا من صغرك وبعدين حبيت غيرك ظلمتك وقت الحادثه بتاعتك ووقفت في صف فادي جرحتك بالكلام كتير بس انا كنت بتجنن لما بشوفك مع اي حد، شايف انك بتاعتي ملكي، تتعلقي في رقبتي وعينك متبقاش شايفه حد غيري حتى لو انا مش شايفك، مش هكدب عليكي واقول اني كنت بكون غيران لا انا قلبي مع اشرقت.
انا فاهماك يا سليم انت اتعودت اني بجري وراك ومش متخيل ازاي انت تتنسي كده ويبقي ملكش اي قيمه في حياتي.
علي فكره انا اكتشفت اني مكنتش بحبك ولا حاجه كان مجرد تعود علي وجودك وانك لازم تتجوزني علشان انت فهمتني كده لما تكبري هتجوزك متتعبش نفسك وانسي إلى فات زي ما انا نسيته
في ايه يا حسام من بعد ما خلصت مكالمه في الفرح وانت مقلوب كده
قالتها نيره بانفعال ليقول هو:
انتي مش هتروحي اي مناسبه تاني فيها قرايبك.
نعم ليه ان شالله؟
لانك مش عامله اي احترام للطرطور إلى متجوزاه وشغاله تتسهوكي مع ابن عمك ايه لسه بتحبيه خلاص مش قادره تنسيه
قال جملته بعصبيه لتقول هي بملل:
اه خناقه كل مره بسبب سليم لا انا فاصله وعايزه انام ومليش خلق للخناق نكمل بكره يا روحي
قالتها وذهبت من امامه وهو يشتغل من الغيظ كانت تبتسم له. تحدثت معه مده طويله. كل هذا يضايقه كثييرآ
وفي الساعه الثالثه صباحآ.
فتحت عينيها وهي تتقلب بالفراش لتجد زوجها يوجه الهاتف ناحيتها ويقوم بتصوير جسدها.
اعتدلت بهلع وهي تخفي جسدها العاري هاتفه:
انت بتعمل ايه؟!
اجابها ببساطه:
بصورك
نعم؟!
صحابي كانوا عايزين يشوفوكي يا مريومه
جذبت الهاتف منه بانفعال ثم نظرت اليه لتجده ارسل اكثر من صوره لجسدها العاري وهي نائمه بالاضافه إلى مقطع فيديو إلى ما حدث بينهما. وكل هذا يرسله إلى رفاقه. وتعليقات اصدقائه عليها.
ظلت تقلب في الهاتف بصدمه وعدم استيعاب كيف زوجها يفعل بها شئ كهذا.
هي زوجته عرضه وشرفه. تحمل اسمه.
صرخت به في انهيار واضح:
انت مريض مجنون مش طبييعي
برغم انه تحدث معها وافصحي عما داخله إلى نيره ولكنه يشعر انه يحمل حمول العالم باكملها فوق راسه.
يخشي المستقبل وان يصيب فتياته اي شئ.
نيره إلى الان لم تستطيع ان تغفر له هو وفادي.
وهذا يقلقه كثيرآ..
وفي صباح اليوم التالي
استيقظت من نومها علي صوت حسام وهو يقول:.
نيره قومي فادي براه عايزك
فتحت عينيها وهي تقول باستغراب:
فادي؟ ما احنا لسه كنا مع بعض امبارح!
نهضت من نومها ثم اتجهت إلى دورة المياه حتى تقوم بغسل وجهها وتبديل ثياب النوم..
وانت جاي بدري كده علشان تقولي ان حازم اتصل بيك!
حرك فادي راسه بالايجاب وهو يقول:
رنيت عليكي مردتيش مقدرتش استني لحد ما تصحي
هو قالك ايه اصلا!
كلام ملهوش لازمه بس قال حاجه هتفرحك
نظرت له بتساؤل ليقول هو:
حازم عمل حادثه من كام سنه واتشل.
منه لله اخوك دمر اختي وميل بختها
قالتها اشرقت إلى سليم بعدما اخبرتها والدتها علي ما فعله زوجها به ليقول سليم:
وفادي مالو المره دي
خلصت من السادي وقعت في واحد معندهوش رجوله
هتف سليم بداخله:
والله شكله العيب هيطلع من اختك في الاخر
تبكي بداخل احضان والدتها التي ترتب عليها بحزن علي حال ابنتها تلك. لتقول مريم باكيه:.
انتي متخيله انه باعت صور اهل ييته مامته واخواته لصحابه باعت ليهم الصور وهما نايمين ومش حاسين بحاجه عمل كده في اهل بيته ومركب كاميرا في اوضه نوم وكل حاجه حصلت باعتها لصحابه
اهدي يا مريم اهدي يا حبيبتي ابوكي اتصرف معاه وكسر عضمه وكل حاجه اتمسحت من عنده وعند اصحابه ملكيش حظ في جوازتك الاتنين يا بنتي ملكيش حظ
جوزها طلع كده يا ساتر يارب
قالها فادي بعدم تصديق لتقول والدته:.
ده علي اساس انك كنت عدل اووي ما انت سادي ومفيش واحده راضيه تقبل بيك
يا ماما قولتلك اتعالجت انسي بقي الحوار ده
الناس مش ناسيه كل ما اشوفلك عروسه بترفضك
ودي كمان اتحلت خلاص انا لقيت عروسه جدعه وبنت حلال وبتحبني اوي فوق مما تتصوري
تلهو مع الصغير وتضحك منذ ان اخبرها فادي ان خازم فقد قدرته علي المشي وهي تشعر بالسعاده..
وحسام يصوب عينيه علي التلفاز متجاهلها تمامآ.
انت هتفضل زعلان كده كتير؟
وازعل ليه؟! اتكلمي مع سليم واتسهوكي معاه براحتك
قالها بجمود لتقول نيره:
يعني واحد جاي يكلمني اقوله ايه؟! سليم تعبان
يا اختي اسم الله عليه مالو بسلامته عنده ايه؟
قالها بجديه ممزوجه بالسخريه الواضحه لتهتف هي:.
بلاس تريقه وبرود سليم تعبان بسببي حاسس بذنب من ناحيتي خايف كل إلى عمله فيا يتردله في بناته. واصلا هو قالهالي من الاخر امبارح ان مشاعره غصب عنه اتغيرت لما كبر وراحت لاشرقت يعني هو مش بيحبني ولا حاجه علشان تغير منه.
يا حلاوه وكمان اتكلمتوا في الحب
الكلام جاب بعضه وخلاص يا حسام متكبرش الموضوع مش هكلمه تاني
شوفي نفسك عملتي ايه لما زعلت علي ريم علشان طلعت مبتخلفش واطلقت.
ايوه تزعل عليها ليه وتتاثر ومسكينه ده انت كان ناقص شويه وتقوم تروحلها
زعلت عليها لاننا متربين سوا وعارف قد ايه هي بتحب الاطفال ولان المرض مفهوش شماته انتي كان ممكن جدا تطلعي زيها مش بتخلفي
انا مش شمتانه بس هما كلهم بهدلوني
مهما كان هي بردو اختك.
مهما كان ايه؟! اختي يا شيخ ده انا زمان كنت ببعتلها هي واخوها اد علي الفيس مفكروش يقبلوا حتى ولا يلغوا سابو متعلق كده متقوليش بلاش تشتمتي لا انا شمتانه فيها وشمتانه في بابا وانا شايفه مكسور كده وقلبه واجعه علي بنته
هو انتي مش عايزه تسامحي ابدا؟
عمري ما هسامح حد منهم عارف سليم او فادي ممكن يجي يوم واسامحهم لكن بابا واخواتي مش هسامحهم ابدا
تنهد حسام وهو يقول:
إلى يريحك يا نيره
ثم تابع بتحذير:.
بس بردو متتكلميش مع سليم تاني يا ستي انا بغير عليكي منه قدري مشاعري
حاضر يا حسام مش هكلمه تاني
اما نشوف
اسندت راسها علي كتفه وهي تقول:
هقولهالك للمره المليون انا مفيش حد في قلبي غيرك ومش شايفه غيرك
تمت..
بالنسبه لنهايه كيف اغفر.
سليم ضميره بيعذبه وخايف يشوف إلى عمله في نيره مع بناته خايف يتعاقب فيهم.
مريم قالت ان فادي مريض وسادي وطلعته بفضحيه ربنا رزقها بواحد مريض فعلا وديوث ودي حاجه موجوده فعلا وفي اشخاص بيكونوا مريضه بالشكل ده،
فين عقابها ان صورها وفيديوهاتها مع جوزها اتبعتت لصحابه
انها اطلقت لتاني مره ليله الفرح.
انه مستحيل هيجي يتقدملها حد تاني بعد ما يسال براه ويعرف اطلقت ليه للمره التانيه؟ ده غير ان كلام الناس كتير في الظروف إلى زي كده.
فادي عمل كتير زمان تاب ورجع لربنا وكل حاجه بس عمل كتير وظلم ناس كتير وفي واحده انتحرت بسببه. وده عقابه انه يكون في نظرهم مريض وعلي فكره لو صوره فادي اتصلحت وظهرت حقيقه ان مريم افترت عليه كده يبقي السر القديم هينكشف وهيعرفوا إلى اتعمل في مريم ووقتها مريم هتكون ضحيه قدامهم واشرفت كانت هتطلب الطلاق رسمي وفادي كان هيدخل في مشاكل كتير.
اما بقي بخصوص مراد.
نيره بتطارده دايما في عقله وريم بنته اتغيرت وبقيت واحده تانيه سهر وشرب ومش قادر يمنعها شايف بنته قلبها مكسور وبتضيع قدام عينه.
مني عقابها بردو وهي شايفها بنتها قدامها بشكل ده محرومه من الخلفه وقلبها مكسور.
نيره ماشيه في العلاج النفسي واتخطت كل حاجه حصلتلها علشان كده اتقبلت كلام سليم بمنتهي الهدوء هي دلوقتي مش فارق معاها سليم وعندها ابنها وحسام إلى بيحبها شايفه كل حاجه يترجعلها قدام عينيها بابها زعلان علي بنته ومكسور حازم اتشل، يوسف وخالد واحد فيهم مات والتاني اتسجن، اختها اتحرمت انها تكون ام، سليم تعبان وضميره بيعذبه
وبردو في الاخر هي مسامحتش حد بتتعامل مع فادي عادي بس من جواها مش قادره تسامح.
انا دي وجهه نظري في النهايه يعني مش عارفيه ليه مش مفتنعين بيها؟
تمت