قصص و روايات - قصص رومانسية :

رواية كيف أغفر؟ للكاتبة يارا رشدي الفصل الثالث والعشرون

رواية كيف أغفر؟ للكاتبة يارا رشدي الفصل الثالث والعشرون

رواية كيف أغفر؟ للكاتبة يارا رشدي الفصل الثالث والعشرون

مر اكثر من يوم وهي لم تقبل طلب الصداقه ذلك بالاضافه انه انتظرها امام منزل عمها في السياره ولكنها لم تخرج منذ اخر لقاء بينهما..
لا يدري لما يبحث عنها هكذا ولكنه يريد التحدث معها ومعرفتها اكثر واكثر.
وفي الداخل
تناولت هاتفها عندما وجدت شخص ما يقوم بالرن عليها قامت بالرد ليصل لها صوت مازن
عامله ايه؟!
بخير تمام
قالتها بهدوء ليقول هو:
ممكن اطلب منك طلب؟!
سمحت له نيره ليقول هو:.

اديني فرصه اثبتلك حبي وانسيكي كل حاجه حصلت انا عارف اني غلطت قبل كده بس كنت محتاج وقت اقدر اتقبل إلى حصلك وقت ارتب كل حاجه قدامي
فات اربع سنين يا نيره وانتي مطلعتيش لا من عقلي ولا قلبي.

عارف لو كنت قولتلي الكلام ده من اربع سنين مثلا كنت هتلاقيني طايره من الفرحه لاني كنت هشوف نفسي واحده تتحب واحده حد عايزها بس دلوقتي انا مش حاسه بكلامك ده اصلا مش قادره حتى اسمعه حاسه ان معدتي قلبت كده، روح حب وادي مشاعرك دي ل اي واحده غيري يا مازن ومن فضلك بلاش تتصل بيا تاني.

قالت جملتها تلك وانهت المكالمه ومازن ينظر إلى هاتفه بحسره واضحه. تلك كانت اخر فرصه امامه لنيره ولكنها هي مصممه علي موقفها ذلك..
وفي منزل سليم
سيبها تتكلم مع الورق علي اقل نرتاح من صداعها
قالها سليم ليقول فادي:
هو فين صداعها ده؟ نيره بقالها اربع سنين محدش بيسمعلها صوت يمكن من يومين بس بعد ما جلت من بيت عمي صوتها بدا يظهر مع ماما وبابا
طب كويس اهو نفسيتها بدات تتحسن زعلان ليه بقي؟
مش مستحمل نظرتها ليا.

لم يعلق سليم علي جملته تلك واكتفي بالصمت فهو يعلم جيدآ تلك النظره. دومآ يراها في عينيها عندما تنظر له ليقول فادي:
ازاي هانت عليك نيره تعرف إلى حصلها ومتاخدش اي موقف انا لحد دلوقتي مستغربك بجد
يعني كنت عايزني اعمل ايه؟ جاي تعرفني بعد الهنا بسنه وكمان هي راحتله وكلمته بمزاجها ادي نتيجه تفكيرها انا حاولت علي قد ما اقدر احافظ عليها بس هي إلى كانت مصممه تضيع نفسها ب اي شكل
تنهد فادي وهو يقول:.

عارف نيره في كل اخر صفحه داعيه عليك ان ربنا يحرق قلبك علي بنتك
شحب وجه سليم عندما اخبره فادي، كلما حاول التخلص من تلك الفكره تظهر امامه مره اخري.
كاد ان يتحدث سليم ولكنه توقف عندما ظهرت اشرقت ووضعت المشروبات علي الطاوله ثم جلست ليقول زوجها:
كلمتي مريم؟
ايوه وبردو مفيش فايده رافضه زي كل مره مش عارفه ناويه تتجوز امته دي إلى زيها عيالهم بيرحوا المدرسه
تنارل فادي الكوب من امامه بعدم رضا ليقول سليم:.

اختك دي غريبه في موضوع الجواز معندهاش حتى سبب للرفض
انتهت من الكتابه في دفترها ثم تناولت هاتفها وظلت تعبث بيه كعادتها منذ اربع اعوام تقلب في الشبكات الاجتماعيه بصمت. لا يظهر منها اي نشاط
وجدت طلب صداقه وظهرت امامها صوره حسام
ضغطت عليه وهي تهتف:
وانت كمان جاي تنتقم من إلى عملته ريم فيك علي حسابي! هو اي حد عنده حساب عند قرايبي يجي يخلصه عندي؟

قالت جملتها الاخيره بضيق واضح ثم قامت بوضع حسام في قائمه الحظر..
بس جدعه يا ريم انك عرفتي تمشيها والله انا كنت خايف ارجع من شهر العسل القيها في وشي
قالها امجد لتجيبه ريم:
طول عمرها لازقه من ايام ما كانت تبعتلنا اد علي الفيس
وكانت متابعنا علي فيس اول باول مش فاهم هي عايزه ايه مننا ناس ومش عايزنها راميه نفسها علينا ليه، بسببها بابا بعدنا عن اونكل شريف وعياله.

ايوه والله معاك حق قولنا علشان تنسي وجودنا لا ومش هتصدق مين إلى خبطها بالعربيه ووصلها؟
مين؟
استاذ محنو
حسام؟!
قالها بدهشه لتقول ريم وهي تحرك راسها:
بظبط
هي كده الناس إلى ملزقه بتلاقي بعض ولو ايه، فاكره كان بيجي يلزق عندنا ازاي مفيش حاجه بعدته عننا غير جوازك من منير يا ساتر كان حاجه تخنق
قام بالاتصال بها اكثر من مره ولكنها لم تجيبه وعندما وجدته مصمم ولم يتوقف عن الاتصال قامت بالرد وهي تقول بانفعال:.

عايز ايه يا فادي شغال ترن ترن في ايه مش عايزه اكلمك هو بالعافيه؟
وبدون انذار اخبرها هو:
انا عايز اتجوزك يا مريم وبلاش ترفضي زي ما عملتي من اربع سنين هتجوزك فتره اصلح حياتك إلى انا دمرتها وبعدين هطلقك
لا شكرا يا سيدي مستغنيه عن خدماتك سلام.

هتقضي عمرك كله ترفضي في العرسان؟! بقولك فتره وهطلقك يا ستي بعد اسبوعين جواز طلعي فيا اي عيب واطلبي الطلاق اني مديت ايدي عليكي اي حاجه تيجي في بالك وانا هتحمل النتيجه
لم تجيبه بشئ ليقول فادي:
قولتي ايه يا مريم؟
اي عيب هطلعه فيك متعترضتش عليه تمام؟
تمام يا ستي إلى انتي عايزاه قوليه
صمت هي وعقلها شرد انتبهت علي صوت فادي الذي يقول:.

عارف انك مش هتسحمليني فتره خطوبه وكلام ده هنخلي كله مع بعض خطوبه وكتب كتاب وجواز شفتي بخلصك مني سريع سريع ازاي؟
ابتسمت ساخره وهي تقول:
اه شوفت
وفي اليوم التالي
كانت تهبط الدرج ولكنها توقف عندما استمعت إلى عباره شريف الذي يقول:
انا مش هجوزك بنات الناس باخلاقك دي لا ومش اي ناس دول ناس في وشنا يعني اي حاجه تحصل اخوك هيجي في الرجلين.

يا بابا سيبك من إلى فات وندا دي هي إلى جات عندي برضاها وكانت شمال اصلا اخوها بس إلى اعتبرها ضحيه بمزاجه
وفي الاخر بنت عمك هي إلى دفعت التمن
قالها شريف بعصبيه ليقول فادي:
بلاش تربط الاتنين ببعض، انا معجب بمريم وعايز اتجوزها
مريم زي بنتي وانا مرضاش لبنتي تتجوز واحد زيك
زفر فادي بقوه ليظهر صوت نيره وهي تقول بابتسامه والدموع في عينيها:.

علي فكره فادي اتغير يا عمو وبقي كويس بطل يجي سكران هو اصلا بطل يشرب بقاله كتير اوي وكمان بقي يصلي حتى الفجر بسمعه بليل لما يقوم يتوضي وبلاش تربط إلى حصلي بجوازه من مريم دي حاجه ودي حاجه تانيه خالص
ابتسمت رغمآ عنها وهي تحاول اخفاء دموعها:
انا صحيح مش طايقه فادي ولا قادره ابص في وشه بس ميرضنيش ترفض جوازته
وفادي ينظر اليها بحزن الدموع التي في عينيها وتحاول اخفاءها بابتسامه مزيفه.

هي لم تستحق ابدا ما حدث لها لا تستحق.
علشان خاطري يا عمو
قالتها برجاء ليقول شريف وهو ينظر إلى فادي:
هفكر يا نيره علشان خاطرك حاضر
طبعت قبله علي خديه وهي تقول:
هتفكر وهتوافق اتفقنا؟!
ابتسم لها لتقول نيره:
انا هخرج اتمشي شويه وارجع ممكن؟
ايوه طبعا ممكن وهي دي عايزه كلام ده انا بقالي سنين بتحايل عليكي تخرجي تغيري جو
خرجت والدموع تسقط علي وحنتيها.

الجميع حياته تسير ماعدا هي حتى فادي سيتزوج الفتاه التي يحبها كما اخبرها حازم من قبل.
جميعهم حياتهم تسير اما هي تقف في مكانها كما هي لا يوجد اي شئ يحدث في حياتها.
نيره
قالها بلهفه واضحه وهو يهبط من السياره لتقول نيره وهي تمحو دموعها:
انت واقف هنا بتعمل ايه؟!

يا شيخه حرام عليكي ايه مبتخرجيش خالص كل يوم اجي اقف ساعتين اقول يمكن تخرج تبص من بلكونه اي حاجه وانتي ولا هنا حتى الفيس عملتيلي بلوك هو طلب الصداقه بتاعي ضايقك؟
عايز ايه يعني مش فاهمه؟!
وضع يديه في جيب بنطاله وهو يقول:
ابدا كنت عايز اتكلم معاكي ونتعرف اكتر علي بعض
اااه نتعرف علي بعض وشويه وتقولي بحبك يا نيره ومش قادر اعيش من غيرك وتاخد حقك من ريم علي قفايا.

بحبك ايه؟ وحقي ايه إلى اخده منك انتي بتسمعي افلام عربي كتير ولا ايه؟!
ما هو اسمع بقي انا معنديش حاجه اخسرها كل حاجه خسرتها حقك من ريم خده منها ملكش دعوه بيا انا مش مكتوب عليا احاسب علي مشاريب غيري حرام عليكم والله حرام عليكم
قالت جملتها الاخيره بانيهار وهي تبكي ليقول حسام:
ياالله في ايه يا نيره انا والله كنت عايز نكمل كلامنا عادي انتي مش قبل ما تنزلي قولتيلي فرصه سعيده انك عرفتيني يعني بقينا صحاب.

اخرج المناشف الورقيه من جيب بنطاله وناولها اياها وهو يقول:
انا اسف اسف مكنتش اعرف انك هتحسبيها كده واني عايز انتقم منك في ريم مش عارف انتي دماغك بتفكر ازاي اصلا بس انا مش عيل علشان اخدك بذنب اختك وافكر انتقم منك بسببها. واساسا ريم طلعت من حياتي اول ما اتجوزت اكيد يعني مش هفكر ولا هحب واحده متجوزه واسف مره تانيه خدي المناديل
تناولت منه المناشف الورقيه وقامت بمحو دموعها ليقول حسام:.

همشي انا بقي وياريت متزعليش مني
استدار سليم لامام واتجهه إلى سيارته لتقول نيره:
انا عايزه اكل السندوتشات إلى جبتهالي قبل كده بس مش فاكره المطعم فين واياك تفكر تحطلي منوم
ضحك وهو يلتفت اليها قائلا:
ياادي دماغك دي
وها هي تقوم بتناول الطعام وحسام بجانبها يتناول هو الاخر ويقول:
اربع سنين منزلتيش حاجه علي صفحتك؟ عملتيها ازاي دي انا قولت يمكن دي صفحتك القديمه ولا حاجه وعندك واحده تانيه جديده.

إلى بينزل حاجه علي فيس بتاعه بينزلها علشان صحابه وقرايبه واهله يشوفوها ويعلقوا وهو يرد عليهم اما انا معنديش حد لا قرايب ولا اهل ولا صحاب انسانه كده عايشه لوحدها في كل حاجه علي سوشيال ميديا وعلي الواقع
علاقتك مش كويسه بعمك وولاده؟ انا اعرف ان عنده ولدين
كانت كويسه بس دلوقتي مليش علاقه غير بعمو وطنط لكن هما لا
والسبب يعني؟
تنهدت وهي تترك طعامها:.

كل واحد فينا باصص لتاني بتفكيره هو انا شايفهم دمروا حياتي وهما شايفين اني انا إلى عملت كده في نفسي،
طب ما تكسبي فيا ثواب وتسيبك من الالغاز إلى بتكلميني بيها دي وفهميني
ضحكت وهي تسند يديها علي تابلوه السياره:
لو عرفت مش هتخليني قاعده في عربيتك ثانيه واحده
لا احكي ومتخافيش هخليكي في العربيه
نظرت طويلآ إلى حسام وهي تفكر فيما تفعله هل هي ترتكب خطاء اخر مثل ما فعلت مع حازم؟!
انتهبت علي صوته وهو يقول.

هيييه سرحتي فين
فهتفت:
انا زمان اتعرفت علي واحد يعني كان صاحب فادي ابن عمي وطلب رقمي كنت صغيره في ثانويه عامه مفكرتش صح وفي الاخر طلع واحد بيتسلي قعد يلعب عليا بكلام الحب، وخايفه اكون بكرر نفس الغلطه دي دلوقتي بكلامي معاك وقعدتنا دي
فهم ما يدور في عقلها فهتف هو:
انا مطلعتش مني اي كلمه بخصوص حب ولا اعجاب علشان تفكري فيا كده
ممكن تكون ناوي تطلعه قدام عادي يعني
حرك راسه بنفي وهو يقول:.

لا مش ناوي متخافيش ولو طلع مني في يوم كلام بتاع حب هيكون من قلبي بجد مش تسليه وفي نفس اليوم هكون طالب ايدك من عمك ده لووو لوو يعني
صرخت به وهي تعتدل في جلستها:
اهو شوفت نفس كلام حازم هطلب ايدك من عمك وبكره هتلاقيني عندك بطلب ايدك وفي ايدي بوكيه ورد نفس الكلام بحذفيرو حذفوره حذفوره يعني ناوي تاخد حقك من ريم فيا!

يالهووي عليا وعلي سنيني ريم ايه؟ انا بقولك لو لو وبعدين انا فين كلمه بوكيه الورد إلى قولتها دي انتي هتالفي!
لا مفيش لو علاقتك بيا ابعد عنها اي حاجه تخص الحب وخطوبه لان انا منفعش للكلام ده لا معاك ولا مع غيرك
ليه مش بنت زي بقيت البنات اكيد هيجي يوم تحبي ووتتحبي وتجوزي كمان.

لا انا مش بنت بص اجبلك من الاخر علشان نبقي واضحين مع بعض انا روحت لحازم إلى هو صاحب فادي ده بيته روحتله برجلي وبارداتي فهمني انه تعبان وانا كواحده عندها 18 سنه صدقته وروحتله وحصل إلى حصل بينا غلطه غلطه غلطها معرفش ازاي
وعندما وجدت صمته ذلك هتفت:
عرفت بقي انك لو عرفت مش هتخليني في العربيه ثانيه واحده..
قالتها ثم قامت بفتح باب السياره حتى ترحل ولكنها توقفت عندما منعها وهو يمد يديه ويغلق باب السياره:.

انتي بتخترعي من دماغك وخلاص؟ وامسكي كملي الاكل بتاعك ده
قالها وهو يناولها قطعه الخبز لتنظر له نيره باستغراب واضح برغم انها اخبرته القصه مختلفه الا انه لم يفعل مثلهم. لم يخبرها اي شئ. هو مختلف عنهم مختلف عن سليم وفادي ومازن مختلف عن الجميع ليس مثلهم!

الفصل التالي
جميع الفصول
روايات الكاتب
روايات مشابهة