رواية كشماء للكاتبة سعاد محمد سلامة الفصل الثلاثون
بعد مرور يومان
فيلا صغيره مهجوره بأحد الأماكن المتطرفه القريبه من الجبل
صفعه قويه وبعدها
قالت بتهجم كم أنت وغد يا فكرى لكن لن تفلت بفعلتك هذه المره أنت من خلف البلاغ الذي حدث وتم القبض على ركن ومصادرة البضاعه
رد فكرى بهدوء رغم أن بداخله مذعور
مين الى قالك كدا أليكسيا أكيد الى وصلك غلطان أنا أيه مصلحتى في القبض على ركن أو مصادرة البضاعه
ضحكت ساخره تتحدث بعربيه مكسره.
أنت الوغد الذي حاول قتله سابقا وهو وذالك الذي يدعى علام النمراوى وكانت خطتك محكمه أن تصبح القصه ثأر بين العائلتين لا أعلم لما فعلت هذا وليس من شأنى فبعد نجاة ركن من الموت نسيت الأمر
لكن الأن أنت تخطيت حدودك ولابد من حسابك.
فالبضاعه التي تمت مصادرتها كانت ذاهبه الى السودان لبعض المليشيات المسلحه وأيضا الى بعض العملاء هنا بمصر وبوقوعها بين أيدى السلطه المصريه أصبحت كارثه وعليك أنت تحمل تلك الكارثه فأنت المخطىء ولابد من عقابك أمام عملائنا الأن لتكون عبره لمن يخون.
رد فكرى ساخر عقابى على أيه بالظبط على مصادرة البضاعه ولا القبض على ركن الى بتحلمي به وهو مستحيل يعطيكى الى عايزاه ركن مش هيكون لك تعملى فيه الى عايزاه ومش هيركع لك زى ما ركع غيره تحت قدمك
لترد أليكسيا ساخره ألست أنت كنت عبدا لى وركعت أسفل قدمى سابقا كثيرا أم نسيت
أكفهر وجه فكرى وتعلثم في الكلام قائلا أنا لست من قام بأبلاغ الشرطه ربما ركن نفسه هو من فعل.
ردت أليكسيا ركن نفسه لا يعرف أن بالبضاعه أسلحه ولا يعلم أننى أعمل بغير المفاوضات الخاصه بمصانع والدى الذي هو الأخر لا يعلم أننى عضو مروج لتجارة السلاح بمنطقة الشرق الأوسط
ذهل عقل فكرى هو الأن يرى نهايته
ليقوم بأخراج سلاحه وتصويبه على أليكسيا لتحدث هرجله بين العملاء الموجدين
بغرفه بأحد فنادق المنيا المتوسطه
دخل
ليهب ركن واقفا يقول أيه خلاص هخرج من هنا.
ضحك الاخر قائلا زهقت بسرعه كده أمال لو كنت حبستك في سجن القسم كنت عملت أيه
رد ركن كنت مسكتك من رقابتك وخنقتك وخلصت منك كل الى عملته فيا
رد الأخر عيب عليك دا أنا أنقذتك من أليكسيا فاكر دا كان زمانها هتلسوعك
رد ركن بثقه تلسوعك أنت أنا مليش في النوع القذر دا من الحريم
ليقول الأخر مازحا والله أنا شاكك فيك أصلا ويمكن دا سبب طلاقك مستحملتش يا عينى.
رد ركن يا ريت بلاش تجيب سيرة طلاقى علشان منخسرش بعض مع انى بصراحه نفسى في كدا نفسى أصحى الصبح تكون أختفيت من حياتى
رد الأخر لأ عيب عليك تنسى أبن خالتك
راجى المهدى وكمان أنا أخوك في الرضاعه ولا نسيت لبن أمى الى شاركتنى فيه كمان وكمان مين الى أنقذك يوم الكمين الى أتعملك أنت وعلام دا أنا الى حققت في القضيه بنفسى لو مش انا كشفت حقيقة المؤامره على العلتين كان زمان بينكم تار ومحدش كان هينجى منه.
وكل دا بسبب الأتنين الى أتجوزتهم أنت وعلام واضح أنهم مسوينكم على الجانبين كنتم هتموتوا بسبب الأسلحله الى رموها في بيت جبر الديب ووقعت في أيد فكرى بالغلط وحب يعمل بها مصلحه بس عقلك أنت وعلام هو الى خرب مخططه الدنىء
رد ركن بسخريه شاكر أفضالك ودلوقتي عايز اخرج.
ضحك راجى قائلا للأسف مش هينفع اليكسيا هنا وهي دلوقتى مع فكرى ومنعرفش هتعمل معاه أيه متنساش دى كانت صفقة كبيره لها وفشلها ممكن ينهى حياتها ولازم تدور على كبش فدا لها قدام الى أكبر منها ولو خرجت دلوقتى وظهرت قدامهم ممكن يشكوا أنك كنت عارف بأن المواد الخام مدسوس فيها أسلحله
خلينا نشوف رد فعل أليكسيا مع فكرى وبعدها نتصرف.
ليكمل بسخريه أليكسيا دى صعبانه عليا قوى نفسها فيك يا جدع أنا مش عارف أنت قاومتها أزاى البنيه جايلك ومعها أزازة شامبنيا نضيفه دى عرت نفسها قدامك ولا كأنك شايفها دانا الى كنت بشوفكم من الكاميرات كنت خلاص هاجى لها وقولها تحت أمرك يا موزه بس أنت جيبت ضبط النفس دا منين دا نفسى قولت خلاص هتقع في فخها بس أيه أتعاملت معاها صح
ليرد ركن دى واحده وقحه وسافله وأنا كنت متوقع منها كده.
ليتذكر تلك الليله حين ذهبت اليه يالفندق
فلاش باك، حين فتح لها الباب لتخرج صارت تتغنج بمشيها علها تغريه ولكن هو لم يلتفت لها لتغلق الباب سريعا لتستدير تقبله فجأه لكنه كان متوقع أن تفعل ذالك ووضع أحدى يديه على شفتيه ليصد قبلتها
لتعود الى الخلف وتقوم بتعريه نفسها أمامه تزيد من وتيرة أغرائه لكن هو لا يراها وغض بصره عنها
لتقترب منه ولكن كان هو واعى لكل خطواتها.
ليخرج ذالك المنوم الذي وضعه سابقا بجيبه حين رأها من خلف باب غرفته
ليرشها به لتقع نائمه ليقوم بتغطية جسدها بمفرش الفراش
ليخرج هاتفها من حقيبتها ويقوم بالأتصال على أحد حراسها ليأتى ويأخذها من غرفته ويخرج منها
ليتنهد ركن مغتاظا كيف لهذه الوقحه تسعى لنيله وهو يفكر بتلك المتشرده ويسابق الزمن ليعود لها ليقبلها فقط ويشعر بأنفاسها قريبه منه
عاد من تذكره على صوت راجى الذي قال له أنا لازم أمشى بقى.
أه قبل ما ممشى أبوك وجدك وعمك ومعاهم أيبو جم للمركز وحاولوا أنهم يتواصلوا معاك وأنا طمنتهم عليك وأنك ممنوع تقابل حد غير المحامى الخاص بك وأيبو حاول بس انا فهمته أنه دا في مصلحتك وكمان قولت له أنى هخليك تكلمه وتطمنه ابقى أطلبه من الرقم الى أديته لك بس مطولش قصاده
ليومىء ركن رأسه له
لا يعلم ركن لما شعر بغصه بقلبه لثانى مره يحتاج أن يسمع أنها سألت عليه لكن هي لا تفعل.
ليربت راجى على كتف ركن قائلا أنا بشكرك أنك ساعدتنا على الوقوف قدام أكبر عملية تهريب سلاح من داخل و لداخل مصر وكمان وقعت كذا عميل هنا في مصر بموافقتك على مساعدتنا من الأول
ليبتسم ركن قائلا دى بلدى يا غبى ولا ناسى أنى كان ممكن أكون سفير وأتكلم وأحكم بأسمها في بلاد تانيه
أبتسم راجى قائلا على فكره سامى بيسلم عليك.
رد ركن ضاحكا قوله مش عايز أعرفه تانى دا كل شويه كان ينط لى في المصنع لحد ما كنت قربت أقتله خلاص
ليضحك راجى قائلا الراجل كان مرسال بينا وبين أليكسيا الحق عليه بس ربنا أنتقاملك منه متخافش خاطب بنت صحفيه مفيش وراها غير الداخليه تهاجم فيها وجرسته قدام رؤسائه
أنا أيقنت أن السنجله جنتله أنا أهو جنتل زمانى
أبتسم ركن قائلا والأمن العام هيعمل أيه بالاسلحه دى.
رد راجى طبعا حلال عالجيش المصرى دى رخيصه قدام تمن دم شهدائنا
بس بصراحه يا صديقى انت كنت سبب قوى وفعال من البدايه
أبتسم ركن يقول لو مش تعاون السفاره معايا وكمان الأمن العام من البدايه كان كل شىء فشل
أنا فاكر لما بعتولى من الأمن العام
فلاش باك، دخل ركن الى مكتب قائد الأمن العام المصرى
ليدخل شاب وخلفه راجى
تعرف ركن على راجى سريعا لصلة القرابه بينهم
ليدخل خلفهم رجل يبدوا كبير في الرتبه.
ليقول له بترحيب أهلا بيك يار كن الدين
ليجلس ويقول لركن اتفضل أقعد
جلس ركن أمامه
ليقول القائد أعرفك بيا أنا اللواء عماد السماحى
ليرد ركن تشرفت بسيادتك خير أيه سبب أستدعائى لهنا
أبتسم القائد قائلا خير أنا سمعت أنك ناوى تشترى حصة الشريك المصرى الى مع ماتيوس في مصنع البورسلين
رد ركن أيوا أنا تقريبا أتقفت مع زوجة الشريك المصرى وعلى الامضه عالعقود.
رد القائد قائلا أحنا عارفين بكدا بس أنا لما سألت عنك في السوق وكمان عرفت أن راجى يبقى أبن خالتك وهو كان من أكفأ الضباط الى خدموا تحت أيدى أتشجعت أن أطلب منك الطلب ده وكمان تقدر تعتبره تحذير
رد ركن وايه هو الطلب ده
رد القائد أنك تساعدنا في كشف مجموعه من العملاء لتجارة السلاح في مصر
فى شبكه في مصر شغاله والمصنع دا ستار ليهم
رد ركن بتفاجؤ مش فاهم قصدك يا ريت توضح أكتر.
رد القائد الشريك المصرى في المصنع مماتش بحادث سير زى ما الأعلام بيقول
دا أتقتل نتيجة تصفيات بتعملها مافيا السلاح هو غدر عليهم تقريبا فكان جرائه القتل
رد ركن أنا مكنتش أعرف أنا أتعرض عليا ولقيت العرض مناسب ودا الى خلانى وافقت أشترى حصته من الورثه
رد القائد ما أحنا عارفين مدى نزاهة عيلة الفهداوى وأنها عيلة عصاميه من البدايه ودا كمان الى شجعنا
أنا عايزك تحاول تشترى باقى المصنع من الشريك الايطالى كمان.
رد ركن ودا هيبقى أزاى
رد القائد دا الى هنتفق عليه دلوقتى
أحب أعرفك سامى السماحى دا ضابط في الامن العام كان مزروع كحارس شخصى من مده في داخل المصنع ده وكان قريب من الشريك المصرى وقدر يفدنا بمجموعه من المعلومات عن الشريك الأيطالى ماتيوس له بنت هي الى بتعقد أتفاقياته كلها وهو نفسه ميعرفش أن بنته على صله بتجار السلاح هناك.
هى بتشتغل معاهم من وراه ودا بسبب نزوه من نزواتها تعرفت على واحد من التجار دول وطبعا بسبب ميولها العنيفه وحبها للسيطره أشتغلت معاهم من وراء ماتيوس وكان الشريك المصرى على توافق معاها
سال ركن وأيه هي ميولها دى
رد القائد أليكسيا ساديه وأنت أكيد عارف حب النوع دا للسيطره على الى قدامه وبيقى محتاج للقوه دايما
رد ركن والمطلوب منى أيه دلوقتى.
رد القائد أنا من الى عرفته عنك من راجى أنك شخصيه متحكمه في نفسها وكمان مالكش في الستات ودا النوع الى ممكن يلفت أنتباه واحده زى أليكسيا بتحب السيطره وأنها تكون مسيطره وشخصيه قويه زيك أكيد هتسعى للسيطره عليك
ومع رفضك لها هي هتقوى عندها الرغبه دى
ليقول ركن وانا موافق على طلبك وهساعدكم بس عايز الحمايه لكل عيلة الفهداوى
رد القائد أنت هتساعدنا وهتكون بعيد عن الشبهه لهم لأنك ببساطه هتكون متعرفش.
الموردين هنا هيغلوا عليك السعر فهتلجأ لماتيوس عن طريق أليكسيا الى متأكد أنك هتثير جنونها برفضك لها ودا الى عايزينه
وكمان هتلاقى الى يساعدوك في السفاره المصريه في أيطاليا وكمان سامى هيكون قريب منك هو راجى دايما
رد ركن قائلا أنا موافق وأكيد مكسب ليا خدمة وطنى وكمان المصنع
أبتسم القائد قائلا وأنا متاكد أن ثقتى في محلها وبتمنى لكم التوفيق في المهمه.
عودة، أبتسم راجى قائلا أنا لازم أمشى عايز حاجه قبل ما ممشى
رد ركن لأ بس يا ريت مطولش كدا وكمان أكيد في خساير بسبب الضجه الى حصلت عايز أطلع ألمها شويه
أبتسم راجى قائلا حتى وأنت محبوس بتفكر في البزنس أفصل شويه دى فرصه
أبتسم ركن الى أتعود على شىء بيبقى صعب تغيره
بتلك الفيلا المراقبه من قوات الامن العام
أمام الفيلا رأى سامى فكرى يخرج يبدوا عليه الذعر وبيده سلاح يخفيه داخل ملابسه.
تعجب ولكن صوت رصاص دوى بالمكان من خلفه
حين خرجت خلفه أليكسيا المصابه بيدها وتقوم بأطلاق الرصاص عليه هي ومن معها ليسقط قتيل في الحال
لكن تدخلت قوات الأمن لتلقى القبض على هؤلاء الخارجين
ليتم القبض على بعض العملاء وتقتل أليكسيا.
باليوم التالى بالقاهره
جلست كشماء تقول لكريمه أنا لازم أسافر أطمن على ركن مهما كان أبن خالى وأبو الى الغبى الى في بطنى.
ردت كريمه مبتسمه أنا أتصلت على جدك وقال دول مانعين أى حد يزوره أو يشوفه غير المحامى بس وبعدين أنتى ناسيه تحذير الدكتور ليكى بالحركه الكتير وأنتى خلاص قربتى تخلصى الشهر السادس وانا مش عايزه تولدى قبل ميعادك جدك بيطمنا أول بأول
ليرن هاتف كريمه
لتنظر أليه لتجد والداها
ردت سريعا لتسمع فرحة والداها
يقول ركن طلع النهارده براءه كان فخ عمله له واحد من التجار الى كنا بنشترى منهم المواد الخام
وأتكشف ملعوبه.
أبتسمت كريمه قائله الحمدلله أن ربنا كشف الحقيقه بسرعه كده حمدلله على سلامته تتذكر ولا تنعاد
لتغلق الهاتف وتنظر الى كشماء قائله ركن طلع براءه أطمنى
أبتسمت كشماء تقول بجد
ردت كريمه بخبث بجد بس أيه سبب الفرحه الى على وشك دى
لترد كشماء بخذو مقولتلك أبن خالى وكمان أبو أبنى يرضيكى أبنى يطلع للحياة يلاقى أبوه راجل عصابات بصحيح
ردت كريمه بخبث لا ميرضنيش.
مر وقت وأقتربت كشماء من الولاده
بمنزل النمراوى.
جلست رقيه مع ولديها ونسائهم وكذالك أيه وسعد وعلام
لتقول لهم أنا هروح أقعد شويه في مصر عند بنات منصور بس متفكرووش انى مش راجعه
الى أمرت بيه يمشى في غيابى زى ما أكون موجوده بالظبط
كبيرة الدار هنا هي نعمه
لتنظر الى نعمه قائله أنتى مسئوله قدامى أما أرجع
عن كل شىء في غيابى
وأنتى يا تيسير مش عايزه أسمع أنك عملت مشكله مع حد
ردت تيسير بخذو حاضر يا حاجه رقيه.
نظرت رقيه الى أيه قائله وأنتى يا أيه أيه أخبار ريات لسه السخنيه ملازماه أبقى خديه لدكتور تانى
يمكن صحته مجتش عالدكتور ده
لترظ أيه التائه بسبب تلك الحمى الملازمه لطفلها منذ فتره صغيره تذهب قليلا ثم تعود
لتقول لعلام يلا أنا خلاص قولت الكلمتين الى عندى خلينا نمشى علشان ألحق أوصل قبل المسا
بالقاهره
فى مساء اليوم التالى على العشاء جلس
أبراهيم الفهداوى الذي أصبح مرافق لهن في الأيام الأخيره وكذالك رقيه وكريمه.
جلست كشماء معهم تلعب بطبق طعامها تشعر ببعض الألم الطفيف لكن دارت على من حولها
ليقول لها الجد مبتاكليش ليه يا حبيبتى
ردت كشماء ماليش نفس كنت أكلت كتير عالغدا
انا هقوم أستريح
دخلت كشماء الى الغرفه تقاوم ذالك الألم
ظل أبراهيم وكريمه ورقيه يتحدثون معا لوقت ثم خلدوا للنوم.
بالفيلا الخاصه به بالقاهره
نام ركن من كثرة تعبه بالعمل فهو أنهك نفسه بالعمل حتى لا يفكر في تلك العنيده
لكن قلبه أشتاق أليها.
ولكن أستيقظ فجأة يشعر بقبضه بقلبه لا يعرف سببها
ليلا متأخرا
دخلت كامليا الى الغرفه عائده من المشفى بعد قضاء ورديتها
لتجد كشماء تنام على فراشها والفراش الخاص بها تنام عليه جدتها
لتتنهد بتعب وتقوم بتغير ملابسها لتنام
ذهبت الى فراش كشماء
تميل تهمس لكشماء قائله خدى لك جنب يا كشماء خلينى أنام جنبك عالسرير
لترد كشماء نامى على سريرك أنا مالى وابعدى عنى الساعه دى
لتقول كامليا جدتك نايمه على سريرى ومالك الساعه دى.
لتتزحزح كشماء قليلا تقول مش عارفه مالى حاسه بوجع كده
لتستصغر كامليا المكان قائله زحزحى كمان شويه
لم ترد عليها كشماء
لتنام جواراها على الفراش تقول متتحركيش كتير المكان صغير ولو أتحركتى هقع على الارض
لتقول كشماء نامى احسنلك بدل ما أقوم أبرك فوقك أفعصك مش فايقه لغباوتك
لتنام كامليا بدون كلام لكثرة تعبها بالمشفى
لتجد يد كشماء تضربها بقوه كبيره لتفيق فزعه تقول.
أيدك تقيله يا غبيه أيه دا كله علشان نمت جنبك انا هطلع أنام عالكنبه بره واسيبلك السرير أشبعى بيه
لتقول كشماء بتألم ألحقينى يا غبيه باين انى بولد
لتنتفض كامليا من على الفراش قائله ايه بتولدى هو مش لسه لك أسبوع
لترد بتألم ألحقينى يا حيوانه مش قادره خلاص ولدينى
لترد كامليا أ أ أيه اولدك انا دكتورة صحه عامه مش دكتورة ولاده
لتقول كشماء والله ياحيوانه ان ماخلصتينى من الوجع ده لقوم أرميكى من البلكونه.
لترد كامليا أتهدى انت قادره أما اروح اصحى كرمله تتصرف انا ماليش في ده
لتمسكها كشماء من شعرها. تقول لها بقوه ولدينى يا حيوانه خلاص مش قادره وتصرخ
لتصحو على صوتها جدتهم فزعه تتجه أليها
وتدخل كريمه عليهن فزعه هي الاخرى وكذالك جدهم
لتقول كريمه بفزع في ايه
لتقف كامليا بعد أن خلصت شعرها من بين يد كشماء قائله الهانم بتولد وعايزانى أولدها
ليقول أبراهيم هتصل على السواق يجى ياخدها للمستشفى.
لتقول كريمه مش هنلحق دى بتولد خلاص
لتقول رقيه لكامليا برجفه هو انتى مش دكتوره ما توليدها
لترد كامليا يا اخوانا انا مش دكتوره ولاده
لتقول كريمه وانت في المحروقه المستشفى الى بتشتغلى فيها مفيش مره جاتلكم حاله ولاده الطوارئ
لترد كامليا جت كتير بس مش انا الى اتعاملت معاها
لتصرخ كشماء بقوه
لتقول رقيه أنا هساعدك يا حبيبتى انا ولدت نسوان قبل كده يلا شكلها خلاص بتولد مش هنلحق نروح بها المستشفى فعلا.
يلا ساعدونى أطلع بره يا أبراهيم
لتقول كشماء بألم شديد لأ يا جدو متسبنيش كل الوجع ده السبب فيه حفيدك الغبى
ليرد الجد مبتسما فعلا هو غبى وابوه غبى وأبو ابوه كمان غبى
لترد كشماء لأ يا جدو متقولش على نفسك كده أنت طيب وانا بحبك أنما حفيدك وأبوه هما الى أغبيه
لتضحك كامليا قائله أنتى في ايه ولا في أيه أولدى خلصينا
لتصرخ كشماء بقوه
ليخرج الجد خارج الغرفه ويغلق الباب ويقف جواره يدعو لها.
لتتوتر كريمه قائله لكامليا ساعدينا
لتقول كامليا طيب هروح اجيب شنطة العده من المطبخ واجى
لتقول كريمه عدة ايه يا غبيه الى هتجبيها من المطبخ
لترد كامليا هجيب ميه سخنه وكمان مقص
لتقول كريمه يا غبيه انتى مش عندك أدوات الدكتور روحى عقميها واتصلى على اى دكتورة نسا في المحروقه الى بتشتغلى فيها تقول لينا نعمل ايه بسرعه
لتتلفت كامليا حولها
لتقول كريمه بتلفى حوالين نفسك كده ليه يا غبية.
لتقول كامليا بطلى تقولى لى يا غبيه دى أحسن وبعدين بدور عالمحروق التليفون مش لقياه يظهر ضاع
لتصرخ كشماء من الألم
لتقول كريمه أنجزى يا حيوانه شوفى المحروق التليفون هتلاقيه في شنطتك
لتقول كامليا أيوا صح في شنطتى طول عمرك زكيه يا كرمله
لتقول كريمه أنجزى انت هتوقفى تلكى يلا أتصلى عليها بسرعه
كانت كشماء مع كل لحظة ألم تسب ركن وكان الجد بالخارج يأمن على ماتقول
لتقول وهي بلحظة ألم بكرهك يا ركن.
انا لازم أعملك محضر أغتصاب ابن الغبى خدنى بيت الجبل واغتصبنى مرتين في الأخر يقولى أنجذاب جسدى
الهى يجذبوه هو وأبوه لنار جهنم أنا لازم أجيبله أعدام
ليرد الجد من خلف الباب أيوه يا حبيبتي وأنا هبقى شاهد معاكى
ليبتسم الجد قائلا بصوت خفيض معلش يا ركن أكيد ربنا بيفرفط في ذنوبك بس تستاهل
لتقول كشماء أنا بحبك قوى يا جدو
ليرد الجد وانا كمان بحبك قوى يا روح جدك.
لتبسم كامليا وتقوم بالأتصال على أحدى الطبيبات زملائها لتقوم بتوجيههن على ولادتها عبر الهاتف
الى أن سمعوا صوت بكاء ذالك الصغير الذي خرج للحياه
ليبتسموا لتقف كامليا مذهوله
وتبتسم كشماء بوهن لتغيب عن الوعى
لتقول كريمه بخوف مالها
لتجث كامليا نبض الحياه من عنق كشماء وتقول متخافيش لسه عايشه تلاقيها من الولاده أغمى عليها أحسن علشان تبطل صريخ وكلام دى وجعة دماغى.
لتنظر كامليا الى الطفل الذي بين يد جدتها تلفه بلفه بيضاء وتقول
الله يحرقك يا مقطقط مش كنت حملت منك قبل ما أطلقك كان زمانى هيبقى عندى مقطقط تانى ألعب بيه زى البت كشماء ماجالها رجل عصابات صغنن
بالخارج ركع الجد شكرا لله بعد ان سمع صوت الطفل لكن صراخ وكلام كشماء توقف ليقف قائلا كشماء
كشماء عامله أيه
لترد كامليا أطمن يا جدو لسه عايشه بس تقريبا كده دخلت غيبوبه.
لتقوم كريمه بزغدها بجانبها قائله فوقيها وبعدها أنزلى هاتى الادويه الى الدكتوره قالت عليها
لتقول كامليا بتذمر وانا مالى أختارى حاجه من الأتنين يا فوقها يا انزل اجيب الادويه
ليقول الجد فوقيها يا حبيبتي وهاتلى اسماء الادويه وانا هتصل عالسواق يروح يجبها
ليكمل باستئذان أدخل
لترد رقيه خليك محترم يا أبراهيم تدخل أيه خليك عندك
ليقول برجاء طب هاتى الواد اما أكبرله واشوفه.
لترد رقيه التي تحمل الطفل اما أمه تفوق وتشوفه أبقة أجيبه لك
بعد قليل فاقت كشماء واتى السائق بالادويه وبعض المحاليل التي علقتها لها كامليا التي لم تعد تشعر بجسدها من كثرة الأجهاد
وقف الجد جوار فراش كامليا التي نقلوا كشماء عليه لتلوث الفراش الاخر بدماء المخاض
لينظر الى ذالك الصغير التي تحمله كشماء بفرحه مبتسمه وسعيده به رغم أنها كانت تتمنى وجود ركن جوارها لكن فرحتها بطفلها أنستها كل شىء.
ليبتسم الجد قائلا هاتيه يا كشماء اما اكبر له
لتعطيه له بود لكن أخذته من يدها رقيه قائله تاخده تكبر له وترجعه بسرعه
ليمد يديه يأخذ منها الطفل قائلا جرى ايه يا رقيه دا ابن حفيدى أنا
لترد رقيه وأبن حفيدتى انا كمان يا أبراهيم
ليقوم ابراهيم بتقبيله والتكبير له ونطق الشهادتين بإذنه
لتمد رقيه يديها لتاخذ منه الطفل مش كبرت ونطقت له الشهاده خلاص هاته بقى.
ليزيح أبراهيم يديه بالطفل بعيدا عنها يقول دا فهداوى مش نمراوى يعنى ليا فيه أكتر منك
لتنظر له رقيه قائله يعنى مش هتدينى الولد يا أبراهيم
رد أبراهيم لأ يا رقيه
لتقول رقيه بتوعد أبراهيم
ليردابراهيم بنفس الطريقه رقيه
لتقف بالمنتصف كريمه وتأخذ الطفل قائله هاته يا بابا انا إلى هاخده
ليقوم ابراهيم باعطائه لها على مضض
كانت كامليا تجلس جوار كشماء على الفراش تبتسمان على نقار جديهم حول من يحمل الطفل.
لتقوم كريمه بأعطاء الطفل لكشماء الواهنه لتحمله بين يديها
لتقول كامليا احنا لغاية دلوقتى مخترناش اسم للولد
تبسم أبراهيم قائلا انا الى هسميه
لترد رقيه لأ أنا
لترد كريمه كل واحد يقول اسم ونشوف
ليرد ابراهيم ورقيه بنفس الوقت
رباح
لتنظر لهم كريمه مبتسمه
ليقول أبراهيم مبتسم وهو ينظر الى رقيه بأمتنان
رباح
دا أسم أبونا
كان نفسى أسمى ركن رباح بس سلطان سبق وكتبه بأسم ركن الدين
لترد كامليا بس دا أسم قديم.
لترد كشماء بالعكس أنا شيفاه أسم جميل جدا
ليبتسم الجد بشكر
لتقول كريمه مبارك الفهد الصغير يا بابا
ليرد أبراهيم
قصدك مبارك
رباح ركن الدين سلطان أبراهيم رباح الفهداوى.
بعد مرور عده أيام
بالمنيا بيبت النمراوى
صاعقه رجت الجميع
ذالك الصغير ريان مصاب باللوكيميا
بغرفة سعد وأيه
أيه تبكى بشده لو كان هذا المرض بجسدها لكان أفضل
دخل سعد عليها.
نظر لها متألما للغايه يقول دلوقتي بتبكى كانت فين دموعك دى وأنتى كنت بتخططى وترتبى أنه يبقى الأول عالعيله مش تابع زى أبوه لغيره
نظرت أيه له وهي تبكى تقول الى يسمعك يقول أنك شمتان كأنه مش أبنك
رد سعد بتعجب هشمت في أبنى بس أنا عذرك ما الى تدعى الحمل والأجهاض بالكذب لازم تفكيرها يخليها تقول كده
نظرت أيه مصعوقه تقول أنت تقصد أيه.
رد سعد أنا عرفت كدبتك يا آيه وسكت ومقدرتش أتكلم وسيبت الكل يصدق أن كامليا أنها السبب في أجهاضك مع أنك مكنتيش حامل أصلا والنزيف كان حيض البريود
لتقول بتعلثم أنتى بتخرف تقول أيه
رد سعد أنتى مكنتيش حامل الدكتوره الى روحت لها بعد ما خرجتى من عندها بيومين أكدت ليا أنك مش حامل لأنك مركبه وسيله لمنع الحمل.
انا كنت رايح للدكتوره أسألها عن سبب سوء حالتك النفسيه بعد الأجهاض في الاول مكنتش عايزه تقولى الحقيقه بس لما قولت لها أعرضك على طبيب نفسى قالت لى أنى أنا طبيبك مفهمتش
وضحت لى وقالت أنك عندك أكتئاب من بعدى عنك وكمان أن في واحده تانيه بتلف عليا علشان كده أدعيتى الحمل والأجهاض علشان مبعدش عنك.
وكمان الملف الى أخدتيه من المكتب وخفتيه بس الخدامه كانت مراقباكى وسرقته وأديته لفادى وأخدت المقابل وأنتى سكتى لها علشان متفضحش أنك انتى الى أخدتيه من البدايه
طمعك النهارده في أيه طعمك يكون في ربما يلطف بريان
كان نفسك دايما يكون الأول روحى لربنا وقولى له أشفيه هو لازم يكون الأول
قال سعد هذا وخرج تاركها لضميرها الذي بلحظه أنجرف وراء أطماع الدنيا
فالطمع الأن برحمة الله
ذهب سعد لغرفة ريان.
نظر ألى النائم بمهده حزن قلبه كثيرا فهو لا يستحق أن يتحمل ذالك العقاب بدلا عن غيره ولكنها أرادة الله
جلس يلوم نفسه لما صمت ولم يشهر الحقيقه بوقتها ربما كان العقاب أخف من الأن
بكى بدموع موجعه
ليدخل علام الى الغرفه
ليرى سعد يجلس على الأرض يكفى وجهه بفراش الصغير
رفع رأسه ليرى تلك الدموع التي تغرق وجهه
قام بمسحها وحضن أخيه قائلا ربنا هيشفيه خلى عشمك في ربنا كبير.
رد سعد ببكاء دا ذنب سكوتى وكمان ذنب طلاقك أنت وكامليا بسبب أيه
رد علام دا مش ذنب دا أبتلاء من ربنا ولازم نتحمله خلينا نبدأ وناخد بالأسباب أنت لما قولت لى أستشارت دكتور متخصص وقال أنه طفل وممكن يشفى من المرض دا مع الوقت بس لازمه نقى عظام خلينا نشوف مين من العيله الى عنده توافق معاه وأكيد مش هيتأخر عنه
أبتسم سعد بألم يقول بأمل يعنى ربنا ممكن يشفيه
رد علام خلى أملك دايما بالخير وربنا أكيد رحيم.
ليضم سعد علام بقوه كانه يستمد منه الامل بنجاة طفله.
بعد مرور وقت.
وضعت كشماء صغيرها بعد أن أرضعته على الفراش
لتنام جواره
تنظر أليه قائله كأنها تحدث رجلا يفهم حديثها
بص بقى أنا هتفاهم معاك بالعقل وهنتفق أنت
طالع نسخه طبق الأصل من أبوك البارد راجل العصابات
بيقولوا الأبن بيطلع شبه أكتر حد بتحبه يا أكتر حد بتكرهه
وأنا بكره أبوك وعلشان كده أنت طلعت شبهه
لينظر لها الطفل ويبتسم كأنه يفهمها.
لتكمل قائله حتى شعرك زى شعره ونازل على عنيك
انا كان نفسي في بنت أموره شبهى بس بشعرك ده
كنت هقصه لها مش هعمل زى كرمله وأغصبها تربيه عارف يا راجل العصابات يا صغنن انا مره قصيت شعرى كرمله أدتنى علقة موت
بس كان نفسي في بنوته بس للأسف ربنا بلانى براجل عصابات تانى تقولش لعنه مش هعرف أتخلص منه
أنت تعبتنى كتير وأنت لسه جوه في بطنى وكمان في ولادتك أرحمنى بقى.
دلوقتى أنا حميتك وغيرتلك ورضعتك أنت تبقى شاطر وتسيبنى أنام ساعتين أنت من ساعة ما أتولدت
مفيش حد في البيت ده بيعرف ينام بسببك
ليبتسم الطفل ويمرح لتنظر له ضاحكه
تقول أنا عارفه أنك بارد ومتغطرس زى أبوك
يلا أنا هنام أشوفك بعد ساعتين بس اياك تبكى هحرمك ومش هرضعك للمره السته وتلاتين أنا نشفت بسببك
وكل شويه كرمله تقولى رضعى الفهد الصغير أنتى مجوعه الفهد الصغير متعرفش أنى نشفت بسبب الفهد الصغير.
أبوك البارد المتغطرس الحقير كان بيقول عليا تقيله يجى يشوفني دلوقتى خسيت النص في شهرين من يوم الليله السوده الى ولدتك فيها
بيقولوا الستات بتتخن بعد الولاده وانا حاله شاذه خسيت بعد الولاده وكل دا بسببك عارف لو صحتني من النوم
أنا هفطمك ومش هتصعب عليا وخلى كرمله بقى ترضعك ميه بسكر أو كولا بدون صوده
لتنام جوار طفلها ولكن لسوء الحظ
رن جرس الباب.
لتنهض بضيق وتنظر لطفلها تقول أنا عارفه حظى أنا هعمل جرس الباب دا صامت بعد كده وخلى الى عالباب يرن لحد ما يخبط راسه في الحيط
أما اروح أشوف مين يمكن تطلع خالتك جت من المستشفى أهو تقعد بيك وأنام أنا شويه أستعدادا لوردية الليل معاك
ليضحك الطفل
لتبتسم وتقول أنت بتضحك بدل ما تقوم أنت تفتح الباب والله أنك بارد صحيح زى أبوك
اما أروح أفتح اشوف مين
لتخرج من الغرفه وتتجه الى الباب لتفتحه لتفاجىء بمن أتى.
ليدفعها لتدخل الى الداخل ويغلق الباب خلفه سريعا يقول بغيره واضحه أنتى أزاى تفتحى الباب وصدرك كله مكشوف كده وأنتى متعرفيش مين الى عالباب
لتنظر لنفسها لترى صدرها مكشوف لتقوم بغلق ملابسها سريعا تقول أنت أيه الى فكرك بيا
ليرد ركن عليها وأنا من أمتى كنت نسيتك لما كنت بنازع الموت ومكلفتيش نفسك حتى تجى تزورينى.
لتقول كشماء وأنا مالى بيك تنازع أو حتى تموت ايه الى جابك دلوقتى أنا واحده قاعده في الشقه لوحدى وأخاف حد من الجيران يشوفك وانت داخل يقولوا عليا أيه راجل غريب داخل شقتهم وكمات متنساش أنى مخطوبه أفرض خطيبى دلوقتى جه وشافك أقوله أيه
لينظر بتعجب قائلا الغريب دا يبقى جوزك وأبن خالك ولا نسيتى
لترد كشماء لأ انت الى نسيت أنك طليقى وبالنسبه لخالى دى مش واثقه منها.
ليقول ركن لو عايزه تحافظى على حياة خالد القاضى تنسى كلمه خطيبى دى وألا هبقى راجل عصابات بصحيح وأقتله
لتقول كشماء متقدرش تلمسه وأنا حره
والمهم جاى عايز أيه
ليرد ركن قائلا بغيظ من حديثها جاى أسئلك ليه مش بتروحى المدرسه
لترد كشماء وأنت مالك أنت بتراقبنى ويلا مع السلامه أشارتك سوده
ليغتاظ ركن منها ويجذبها أليه سريعا
لتضرب يده وتبتعد عنه.
ولكنه يعود يقترب منها ويحصرها في أحد زوايا المكان وكاد أن يقبلها لولا سماعه لبكاء ذالك الصغير
لتغمض كشماء عينها ثم تفتحها وتدفعه بعيدا عنها
ليقول ركن بتعجب في صوت طفل بيبكى
لترد كشماء أنا مش سامعه حاجه
ليتتبع ركن صوت بكاء الطفل
ليدخل الى أحد الغرف
ليرى ذالك النائم على الفراش
كاد يقترب منه.
لتقول كشماء وهي تحمل الطفل وتقوم بتغطية وجهه سريعا قبل أن ينظر أليه دا أبن الجيران ومامته سابته معايا وأتفضل أمشى زمانها على وصول وميصحش حد يشوفك هنا معايا في الشقه والباب مقفول علينا
لا يعلم لما لديه أمنية رؤيه وجه هذا الصغير ولايريد أن يبتعد عنها
يريد ضمهما معا
لكن دخلت عليهم كامليا
تقول أول مره أدخل البيت ولاقى الفهد
لم تكمل جملتها عندما رأت كشماء تقف تحمل الصغير ومعها بالغرفه ركن.
تعجبت لكن صمتت لثوانى ثم قالت أزيك يا ركن
رد ركن أنا كويس الحمد لله
لتقول كامليا واقف هنا ليه تعالى نقعد في أوضة الضيوف أكيد متغدتش هحضر الغدا وزمان كرمله على وصول نتغدى مع بعض
ليقول ركن لأ متشكر أنا كنت ماشى خليها مره تانيه
نظر الى كشماء التي تحمل الطفل ورأى تلك النظره بعيناها هي تخفى عنه شىء لما قامت بغطاء وجه الطفل دخل أليه شك أن الأوان أن يتأكد منه
ليخرج ركن من الغرفه وخلفه كامليا.
لتدخل مره أخرى الى كشماء تجدها تجلس بالصغير على الفراش
لتقول كامليا بسؤال ركن كان هنا بيعمل أيه هو عرف أن رباح أبنه
ردت كشماء قائله معرفش ومش عايزه أعرف دا أبنى وهو أسم على ورق أنا مش عايزه أبنى يتربى في وسط عيلة الفهداوى وحقد نجلاء وشيماء وكمان خالى سلطان
كفايه جدو بس هو الى يعرف بيه
بمنزل الفهداوى بالمنيا
خرجت جميله من الحمام تحمل ذالك الأختبار بيدها.
كم سعدت أمنيتها ستتحقق لم تفكر في مدى الضرر من تلك الفرحه التي ربما تؤدى بها للنهايه
دخلت أحدى الخادمات عليها تقول
ست جميله جلال بيه أخو حضرتك تحت
أبتسمت جميله قائله أنا نازله وراكى
دخلت مره أخرى الى الحمام ووضعت ذالك الاختبار على حوض غسل الوجه جوار العلبه الخاصه به
بعد دقائق
أستقبلت جميله جلال بود وترحاب
لتجلس معه بغرفة الضيوف
لتقول بعتاب بقالك أكتر من شهر مزورتنيش بتكلمنى عالتليفون بس تطمن عليا.
رد باسما والله غصب عنى أنت عارفه أنى أتنقلت لمحكمه في الفيوم وأوقات كتير ببات في الفيوم
أبتسمت جميله قائله ربنا يوفقك بس قولى أخبارك أيه
رد جلال أنا كويس وعندى ليكى خبر يفرحك
ردت جميله بجد أيه هو
رد جلال أنا وأمنيه قررنا أننا نتجوز وتعيش معايا في الفيوم
أبتسمت جميله قائله أحلى خبر ربنا يسعدكم.
رد جلال يا رب أنا أكتشفت مع الوقت لما فكرت أن أنى كنت بحب أمنيه بس قربى من أيبو ووجود شيماء قدامى خلانى كنت موهوم بس الحمد لله أنا ربنا شال الوهم دا من دماغى في الوقت المناسب
كان جلال يتحدث مع جميله وهما غافلين عن تلك التي كانت أتيه لترحب بجلال وقد توصل الود القديم ويعود لخطبتها فهى تأكدت من أن ركن لم و لن يفكر بها أبدا هو عاشق لتلك التي يبقى في القاهره دائما من أجل أن يكون قريب منها.
كانت تريد بناء حياه جديده لها وكان الأفضل أمامها هو جلال تطمعت أن يكون مازال يهواها لكن هو الأخر أختار غيرها
هى خسرت حين تبطرت على حب جلال والأن تدفع ثمن ذالك التبطر هو أصبح لغيرها
هزيمه قويه لفادى بالسوق
أصبح مطالب بألتزمات كثيره ومديونات عليه سده ولكن من أين فبعد مقتل فكرى حجزت الشرطه على جميع أمواله عدا ذالك المصنع الوحيد الذي كان بأسم فادى وأملاك عمه جبر الخاصه به.
هو بين كفى الرحا أما سداد مديونياته أو دخول السجن أو حتى القتل من أحدهم لكن من أين يسد تلك المديونيات
لتأتى أليه فكره خبيثه قد يستفيد منها ماليا ومزاجيا.
مساء بغرفة أيبو وجميله
دخل أيبو الى الغرفه لم يجد جميله
ليدخل الى الحمام لينعش جسده بحمام بارد يزيل من عليه تعب اليوم
لكن تفاجىء بوجود تلك العلبه الورقيه على حوض الوجهه ليرى ماذا تكون
تعجب كثيرا من وجودها ورأى ذالك الأختبار.
ليقرأ ما هو موجود بأرشادات العلبه ثم ينظر الى ذالك الأختبار
ليذهل عقله كيف حدث ذالك بهذا الوقت
خرج من الحمام سريعا
ليجد جميله تدخل الى الغرفه مبتسمه
تقول أنا شوفت عربيتك بره جيت على هنا
ليقول بتعصب وهو يمسك ذالك الأختبار
دا أيه
أبتسمت جميله قائله دا أختبار حمل
رد أيبو وبيعمل أيه هنا
ردت جميله أنا الى جيبته علشان
قبل ان تكمل قال علشان أيه تعرفى أنك حامل بس أزاى دا حصل أنتى بطلتى أخد العلاج من أمتى.
ردت جميله بطلته من شهر ونص تقريبا
رد أيبو الى في بطنك دا لازم ينزل وفورا
وضعت جميله يدها على بطنهت بحركه تلقائيه قائله لأ يا أيبو
أقترب أيبو قائلا أنا معنديش أستعداد أخسرك قصاده تقدرى تقولى لى لو هو جه للحياه وخسرتك هقدر أحبه.
ردت جميله أيوا هتحبه لأنه هيكون حته منى تفكرك دايما بيا وليه تفرض السوء مش يمكن يجى ويجيب لنا حياه تانيه معاه أنا متفائله أنا عايزاك زى ما كنت داعم ليا من الأول تفضل داعم ليا كمان دلوقتى أنا لسه جايه من عند الدكتوره وقالت لى أن ممكن أكمل حملى بصوره شبه طبيعيه مع وجود بعض المنغصات الى ممكن نسيطر عليها صحيح بصعوبه بس ليه متمشيش مع الأمل أنا عندى عشم في ربنا كبير هو هينصفنا.
أحتضنها أيبو بقوه مندفع يقول ونعم بالله
لتبتسم وهي تضم يديها حوله قائله بحبك يا أيبو
رد هامسا لها وأنا بعشقك يا جميلتى.
بعد مرور عدة أيام
دخل ذالك الحارس الى مكتب ركن
قائلا صباح الخير يا ركن باشا جيبت لسيادتك المعلومات الى طلبتها
فى الملف ده
ليقول ركن قولى الى ملخص عن الى فيه
رد الحارس.
الملخص أن فعلا في ولد بأسم رباح ركن الدين الفهداوى وعمره حوالى شهرين وأيام والى ثبته في الأوراق الرسميه هو الحاج أبراهيم الفهداوى جد سيادتك
وكمان في حاجه أحنا مأخدناش بالنا منها من الاول.
أن مدام كشماء كانت تعبت يوم طلاقكم قبل ما تطلع من المنيا وكانت دخلت لمستشفى هنا وفضلت فيها يومين وحتى لما خرجت مسافرتش للقاهره فورا فضلت هنا في المنيا حوالى شهر تقريبا في شقه كان الحاج أبراهيم هو الى مأجرها لهم ومحدش يعرف غيره ودايما كان بيزورهم فبها لحد ما مدام كشماء صحتها أتحسنت والدكتور سمح لها بالسفر بس بالراحه التامه.
وكمان كانوا أتعرضت هي واختها لسرقه شنطهم وهما خارجين من المستشفى وكان فيها متعلقاتهم الشخصيه وأتعمل محضر بضياعها وقتها
وكمان لما روحت أسأل في المدرسه الى بتشتغل فيها قالولى أنها في أجازة وضع.
أبتسم ركن قائلا تمام متشكر قوى بس عايزك تفضلوا زى ما أنتم عينكم عليها من بعيد ومش عايز حد يعرف عن المعلومات دى حاجه وأتفضل أنت
ليخرج الحارس.
أمسك ركن الملف يفتحه قائلا بسعاده بالغه مطلعش حلم أنتى كنتى فعلا معايا في المستشفى ومسكتى أيدى وبوستينى
وكنت متأكد أن في لغز وراء رسالة التليفون الى كانت جاتلى انا وعلام منكم دلوقتى كل شىء وضح
تذكر أيضا جده بتلك الفتره التي وضعت بها كشماء كان شبه مرافق لهن هنا
أبتسم قائلا حتى أنت يا جدى كنت معاها عليا
وشايف لهفتى على كلمه من أنثى الفهد وماله.
تذكر يوم أن رأها بالمطعم وقدمت له ذالك الحقير خالد القاضى على أنه خطيبها هو لاحظ عليها زياده بالوزن لكن لم يضع ذالك الأمر برأسه كثيرا فغيرته كانت كافيه أن يسحقها وقتها
مسك تلك الشهاده ليقرأ محتواها
رباح ركن الدين سلطان أبراهيم الفهداوى
أسم الأم كشماء منصور علام النمراوى.
تلك الورقه التي أعادت أليه الأمل في أسترجاعها فلماذا أحتفظت بذالك الصغير بداخل أحشائها أن لم تكن تحبه رأى ربكتها منذ أيام حين أقترب منها وأيضا تغطيتها لوجه ذالك الصغير هي مازالت تنتقم منه لتلك الكلمه الغبيه التي قالها لها يوما
لكن لا بأس
ليقول ركن بسعاده أما أشوف يا أنثى الفهد أخرتك أنتى الى هتجى لحد عندى.
وقفت كريمه تحمل ذالك الصغير بين يديها تدلله قائله حبيبى الفهد الصغير أمه المتخلفه زمانها جايه.
مش عارفه هي وخالتك الغبيه قايله لهم متتأخروش بس هما مش بيسمعوا كلامى عالعموم تعالى أغنيلك ولا أعملك راضعه صغيره وتشربها وتبقى شاطر وحبيب تيتا أوعى تقولى يا كرمله زيهم دول مش مؤدبين أنما أنت حبيبي ومؤدب.
أمام أحد المولات
خرجتا كشماء وكامليا تحملان بعض الأغراض.
لتفاجئا بتلك السيارة التي قطعت طريقهما ونزل منها أثنان في ظرف ثوانى كان رذاذا على وجوههم جعلهن يغيبن عن الوعى ليحملهما هاتان الملثمان ويدخلن بالسياره الذي أنطلقت مسرعه
وسط أستغاثة فرد الأمن الذي كان قريب منهم ليأخذ تلك الأغراض التي سقطت منهن ومنها حقائبهم الخاصه.