رواية كشماء للكاتبة سعاد محمد سلامة الفصل الثاني عشر
بسهل حشيش
بأحد المطاعم الفاخره
جلست كامليا تقرأفى ذالك الكتيب الصغير(المنيو)
لتقول بتذمر أنا مش عارفه أختار نوع أكل من الى في المنيو ده
ليقول علام ليه مكتوب تحت كل صنف مكوناته
لتقول كامليا ما أنا عارفه بس معظم الأكل يا أسماك وأنواعها غريبه
يا سى فود وانا مش بحب الأكل ده مفيش أى حاجه تانيه
ليقول علام طبيعى ما دا مطعم مأكولات بحريه
لترد كامليا وهي المأكولات البحريه هي الأنواع دى وبس مفيش أنواع تانيه.
ليهمس علام قائلا لها بسخريه وأيه الأنواع التانيه الى عايزها عايزه فسيخ ولا رنجه
لتنظر كامليا له بفرحه قائله بجد يعنى في هنا فسيح ورنجه مفيش ملوحه كمان أنا من قبل الحنه بيوم مأكتهمش كرمله حطتهم في قايمة الممنوعات
لينظر علام بأشمئزاز قائلا ملوحه عايزه تتعشي فسيخ ورنجه وملوحه مش عايزه بصل كمان وتحبسى بلتر حاجه ساقعه
لترد كامليا لأ هبحس بكوباية شاى في الخمسينه بس أنت هات الفسيخ والرنجه والملوحه.
ليقول علام بتكرارو كوباية شاى في الخمسينه كمان
عليا النعمه انتى ما عندك أستطعام لأكل أنا هطلب ليا وليكى العشا وتاكلى من سكات لأقوم أسممك وأرتاح منك
لتقول كامليا أطلب الى عايزه بس بلاش عصبيتك دى لناس تاخد بالها انك بتستخسر في مراتك الاكل وبلاش سى فود ولا العك ده اهو اى حاجه تسد الجوع
لينظر علام قائلا جوع الى يسمعك ميقولش كل نص ساعه بتاكل زى العرسه دا بنظام أكلك ده هفلس في أقل من شهر.
لتنظر له نظره وديعه قائله مكنتش أعرف أنك بخيل بتستخسر، فيا الأكل
ليصمت ولا يرد عليها ليشير الى النادل ليأتى أليه ليعطيه قائمه الطعام الذي يريده
لينصرف النادل
لتقول كامليا هو أنت مش بتحب التوم ولا البهارات في الأكل
ليرد علام أيوا
لتبتسم كامليا بخبث
ليقول علام بتسألى ليه.
لترد كامليا ولا حاجه بس لاحظت وأنت بتدى للجرسون الطلب أنك طلبت منه يقلل التوم والبهارات في الأكل أهى معلومه علشان أما أطبخلك أبقى أخد بالى
ليقول علام طب كويس
ليأتى النادل بالطعام ويضعه أمامهم
لتشمئز كامليا منه وحاولت الأكل منه بصعوبه ولم تستطيع
لاحظ علام أنها لم تأكل الأ القليل
ليبتسم وهو يعلم أن الطعام لا يعجبها
ويدعى الأمبالاه
لينتهى علام من الطعام وسط حديثهم المختصر
ليقول علام هتحلى بأيه.
لترد كامليا بعد الأكل ده لو عندهم ديناميت أنا عندى أستعداد أحلى بيه
أقولك خلينى أشرب أى حاجه أحسن
لتنهض قائله أنا هقوم أروح الحمام وأنت أطلب لى أى حاجه سخنه أشربها
ليقول علام عايزه تشربى أيه سخن
لترد كامليا حلبه ينسون كراويه أن شاء الله نعناع.
أقولك خليهم يجبولى شاى أخضر بالنعناع وياريت لو يعصروا عليه سبع لمونات علشان الحموضه يبقى كتر خيرك وخليها كوبايه كبيره مش دوبل خليها عشره دوبل أقولك خليهم يجبولى شفشق بحاله يلا راجعالك مش هتأخر
لتتركه وتذهب بأتجاه الحمام
ليضحك وهو يراها تهرول الى الحمام.
دخلت الى الحمام لتبصق قطعة الأكل التي بفمها بقوه وتقول أنا مش عارفه اكل دا أزاى قال محار وبلح البحر وسبيط و كاليمارى وبيتريق عالفسيخ والرنجه والملوحه بس ماشى يا مقطقط أنت الى بدأت أما أطلع أشرب الشاى بالنعناع والليمون دا يروق معدتى شويه
خرجت من الحمام وعادت أليه لتجد بيده كأس بها عصير.
لتجلس جواره قائله بتشرب ويسكى وخمور كمان لتكمل بعويل يا ميلة بختك يا كامليا أتجوزتى واحد صاحب كوبايه وهيضيع فلوسك وشقى عمرك أنا كان قلبى حاسس من ساعة ما قولت أننا هنروح سهل حشيش جيبنا هنا علشان تسكر وتحشش براحتك ومين بقى الى هيدفع الحساب ولا هتقولى أدفعى من نقوطك زى ما دفعت لبتاع الديلفرى الضهر.
لينظر علام لها بغيظ قائلا سد أيه مصدقتى ولا أيه عارفه لو أحنا مش في مكان عام أنا كنت خنقتك وأرتاحت من غباوتك ويسكى أيه وخمور الى أشربها أنتى أتجننتى أكيد
لتقول كامليا مش ويسكى يبقى أيه فودكا ولا شامبنيا ولا هتقولى دا مشروب شعير بدون كحول وتذوقها وهي بيره
ليقول علام بأشمئزاز بيره سد لاقوم أكتمك
دا عصير كوكتيل
لتقول كامليا كوكتيل خمور.
لينظر بغيظ قائلا كوكتيل فواكهه يا غبيه أنا عمرى ما شربت أى مشروب شعير بكحول ولا حتى بدون كحول
لتبتسم كامليا قائله بجد يعنى أنت مش سكرى وصاحب كوبايه يا جدع طمنتنى دا كنت بفكر أخلعك من دلوقتي
ليقول علام بتكرار تخلعينى ليه مفكرانى ضرس العقل الى مش عندك ولا أيه
لتضحك قائله طب طالما الى معاك دا طلع عصير ما تجيب أما أدوقه أهو أغير ريقى بيه امال فين الشاى الى طلبته
ليرد علام أهو الجرسون جايبه وجاى أهو.
ليقف الجرسون ويضع أمامها كوبا كبير من الشاى الأخضر بالنعناع ومعه الليمون الساخن
ليشكره علام
لينصرف
ليسمع علام من تقول وهي تقترب عليه
علام النمراوى أيه الصدفه السعيده دى مش معقول بقالنا مده متقابلناش مختفى فين وألا صحيح الخبر الى سمعته أنك أتجوزت من يومين
لينهض علام مبتسما يمد يده بالسلام يقول جيلان الناجى منوره سهل حشيش أيه شغل ولا أستجمام
لتمد جيلان يدها وتسلم عليه.
لتقول لأ أستجمام ما صدقت أخدت راحه من البرنامج على ما يغيروا الديكورات قولت أجى هنا أستجم يومين بس قولى صحيح الخبر أنك أتجوزت
لتنهض كامليا وتشد يد علام من يدها وتسلم هي عليها قائله أيوا يا حبيبتى الخبر صحيح أتجوز وأنا مراته الدكتوره كامليا منصور
لتنظر جيلان الى كامليا بتعجب وأندهاش وأستغراب
ليقول علام الدكتوره كامليا منصور النمراوى مراتى وبنت عمى.
لتقول جيلان بدلال أه يعنى جواز قرايب بس أنا زعلانه منك ليه مدعتنيش كنت حضرت الفرح وقومت بتغطيته وأخدت السبق للقناه ونشرت جزء من الفرح عندنا في القناه
لتقول كامليا معلش أصل الجواز جه بسرعه بيحبنى من وأحنا صغيرين وما صدق أنى وافقت عليه وخاف لغير رأيي وسرع بجوازنا
لتنظر جيلان لها بتعجب من ما قالت
أما علام فود حرقها فهى تكذب هو أجبر على الزواج منها.
لتقترب جيلان من علام تهمس بدلع قائله واضح أنك وقعت في مصيبه لك ربنا ماهو الى ميرضاش بالخوخ يرضى بشرابه فاكر
سمعتها كامليا لتغتاظ من أقترابها وهمسها لعلام وتحدثها أليه بتلك الطريقه المغريه
لتقوم بأخذ كوب الشاى الموضوع عالطاوله وتوجهه الى علام قائله الشاى بتاعك يا حبيبي هيبرد وتدعي السهو وتسكبه بالكامل على جيلان
لتحترق من سخونة الشاى وتصرخ بصوت عالى قليلا.
لتقول كامليا بأصطناع انا أسفه وحياتك مخدتش بالى ووقع منى غصب وتنادى قائله يا جرسون لو سمحت هات ميه بتلج بسرعه الجميله جيلان الناجى
أتحرقت
لينظر من بالمطعم عليهم
لياتى النادل ومعه ماء مثلج لتقوم كامليا بسكبها على جيلان قائله علشان يخف الحرقان بسرعه أنا دكتوره وعارفه
لتنظر الى علام قائله صح يا حبيبى أنت مجرب قبل كده فاكر لما عالجتك من الجدرى من يومين
ليشعر علام بالحرج وينظر لها بوعيد.
لتقول جيلان لتتدارك الموقف فقد أصبحوا ماده للهمس واللمز بين الجالسين بالمطعم الراقى
لتقول أنا لازم أمشى عن أذنكم
هبقى أتصل عليك أطمن عليك
لتقول كامليا غير نمرته يا حبيبتي الغاليةتسلميلي
لتبتعد جيلان عنهم وتذهب
ليخرج علام حافظة نقوده ويشير الى النادل ليأتى أليه ليقوم بدفع الحساب وهو ينظر الى كامليا بغيظ شديد
ليسحب علام كامليا خلفه ويغادر المطعم.
ظل ركن يقبلها بوله وأفتتان وهي تمسك بالمفرش بأحدى يدها حتى لا يقع من عليها واليد الأخرى تبعده عنها ولكنه أمسك يدها أحكم سيطرته عليها وجذبها معه الى الفراش لتنام وهو فوقها لينزل بقبولاته الى صدرها للحظه أندمجت معه الى أن أستفاقت من ذالك الأستسلام لتترك يدها ذالك المفرش وتدفعها بيديها قائله أبعد عنى يا ركن
ليهمس من بين قبولاته
قائلا أول مره في حياتى أبقى عايز واحده ست أنتى بتعملى فيا أيه.
لتدفعه بيديها قائله مش هينفع صدقنى أنا عندى عذر أنا مش بكذب عليك ولو عايز تتأكد معنديش مانع
ليرفع رأسه من على صدرها وينظر الى عيناها الشارده وينهص من عليها ويترك الغرفه سريعا
لتتنهد بقوه.
تشعر بخذو لثانى مره يقتحم مشاعرها كادت أن تستسلم له لتقوم من على الفراش تنفض عن نفسها تلك المشاعر.
لترجع ذالك الى هورموناتها الجسديه لتقول أكيد دا كله بسبب العاده الشهريه دى وهي الى بتخلينى مبعرفش أقاومه يا رب الأيام دى تعدى بقى بسرعه علشان أعرف أسيطر على نفسي قدامه.
أما ركن فنزل الى الحديقه الملحقه بال يلا ليخرج أحدى سجائره ويشعلها ويتنفس بغضب لأول مره بحياته تستطيع أمرأه الأستحواذ على تفكيره مثلها لهذه الدرجه قالها منذ قليل لها لأول مره يشتهى أمرأه بنظره لا تفرق عن غيرها ولكن ما الذي بها يجذبه أليها
ماذا يحدث له عندما يقترب منها ما تلك المشاعر التي يشعر بها بالتأكيد ليست حبا ربما رغبه في أمتلاك تلك المتشرده وترويضها.
فى بيت النمراوى
نهض سعد عن أيه نائما بظهره على الفراش
لتقترب منه وتتدلل عليه بأغواء قائله صدقت يا حبيبي أنى بعشقك بجنون
ليبتسم سعد قائلا وأنت عارفه أنى بحبك يا أيه وعارضت الكل هنا علشانك نفسي ترجعى زى زمان أيه الى كان كل همها أنها تكون معايا تحت أى ظروف مش الى كل همها أنى أكون الأول عالعيله
لتبتسم بأغواء قائله الى بيحب بجد بيبقى عايز كل حاجه حلوه للى بيحبه
ليرد سعد بس مش بطمع وأنانيه.
علام عمره ما كان تفكيره غير في مصلحتنا كلنا وبيعامل ريان كأنه أبنه تمام وكمان ريان بيحبه
لترد أيه بخذو عارفه بكدا بس دا ميمنعش أنك تبقى زيك زيه تمام في كل حاجه دا حتى جدتك بتفضل مراته الى لسه عارفاها من كام يوم وانا الى أعتبر متربيه هنا تصور منعتنى من زيارة ماما غير مره واحده في الأسبوع.
ليبتسم سعد قائلا وماله هي كبيرة البيت وكلنا بنسمع كلامها وكلامها بيمشى على الكبير قبل الصغير هنا حتى علام نفسه بينفذ لها الى هي عايزاه حتى لو على حساب نفسه
لتشعر أيه بغيظ قائله فعلا بس أنا متأكده أن كامليا مش هتبقى كده وجدتك بتفضلها
يعنى حكايه دخلتهم دى أنا متأكده أنها كذب
النهارده الخدامه الى نضفت الجناح بتاع علام وكامليا لقت في التلاجه الصغيره الى في أوضتهم كيس دم ومفتوح ودا معناه أيه.
لينظر سعد بدهشه قائلا معناه الى معناه مالكيش دعوه علام حر هو ومراته ومحدش يدخل بينهم وياريت محدش يعرف بالى قولتيه أنا مش عايز أنك تكونى طرف في أى مشكله هنا وياريت متفكريش في حد غيرنا
لترد أيه بغيظ وماله أنا كنت بقولك بس وتهمس قائله بس كامليا مش هتكون الكل في الكل زى علام وأنا مش هكون في الضل زيك يا سعد.
دخل علام الى الفيلا يستشيط غضبا
دخلت خلفه كامليا
لينظر اليها بشر قائلا أيه أخر أفعالك دى
لترد كامليا أفعالى أيه
ليقول علام أفعالك العبيطه أزاى توقعى الشاى السخن على جيلان وكمان ترمى الميه الساقعه عليها
لترد كامليا ببرود الشاى وقع منى غضب عنى والميه الساقعه كان علشان تبرد مكان الشاى بدل ما يسلخها
ليقترب علام بغيظ قائلا الشاى وقع غصب عنك.
لتعيد كامليا قائله أه والله وقع غصب يعنى أنا هقصد أحرق أم جناب منفوخه دى وبعدين تعالى هنا أنت محموق عليها قوى كده ليه كانت من بقية العيله وأنا معرفش دى مذيعه بارده ومنافقه وتعرفها منين
ليبتسم علام قائلا أم جناب منفوخه تعرفى تمشى من وشى دلوقتى لأنى مش ضامن أنا ممكن أعمل فيكى أيه بعد الى حصل في المطعم من أول عويلك لحد رمى جيلان بالميه الساقعه وندهك للجرسون كأنك واقفه في شارع مش مطعم محترم.
لتقول كامليا مطعم أيه الى محترم دا كل الى فيه قاعدين من غير هدوم كأنهم في ساونا حتى أنت لابسلى شورت وفوقه قميص وفاتح نص أزراره
دا أنا الوحيده الى كنت لابسه في المطعم أنا والجرسون الغلبان يعينى
ليبتسم علام قائلا وحضرتك كنتى عايزه تلبسى زيهم ولا أيه
لترد كامليا للأسف ملقيتش مايوه على مقاسى وأحنا في المول
لينظر علام بشر ويجذبها من مقدمة ثيابها قائلا بتقولى أيه انتى كنتى هتشترى مايوه وتلبسيه.
لترد كامليا يعنى الى لابسينه أحسن منى في أيه دا حتى أقعد بيه عالبحر أخد تان برونزى جميل
ليقول علام بأستعواب تان و برونزى جميل وتقعدى بالمايوه عالبحر كمان
ليدفعها علام بقوه ويكمل
عارفه لو ممشتيش من قدامي دلوقتى أنا هعملك تان بس مش برونزى تان دموى غورى من وشى
لتتركه وهو تهمس قائله شكلك طلعت حمش يا مقطقط.
عاد ركن الى الغرفه ليجدها معتمه ليضىء الضوء
ليرى كشماء تنام على الفراش دون غطاء وهي ترتدى أحد ملابسه ليتعجب ليطفىء النور ويشعل أضاءه خافته
ويتجه الى الحمام ويقوم بأخذ حمام سريع ويخرج
ليجذب الغطاء الواقع أرضا ويقوم بألقائه عليها وينام على الناحيه الأخرى بهدوء
كانت كشماء تدعى النوم حتى تهرب من سيطرته عليها هو لا يعلم أنه يستغل أسوء حالتها بالشهر لتشعر أنها في مواجهه غير عادله لها معه
بعد وقت.
نظرت كامليا الى جوارها لم تجد علام
لتقول أما أنزل أشوفه فين
نزلت لترى نور من أحدى الغرف لتذهب اليه
لتجده يجلس متكئا على أريكه كبيره بالغرفه يشاهد التلفاز
لتقول له أنت لسه ناوى تسهر
ليرد علام أيوا
لتقول له أنا مش جاى ليا نوم إيه رأيك أعمل فشار ونشوف فيلم عالتلفزيون
ليفكر قليلا ثم يقول ماشى
لتبتسم وتقول ثوانى هعمل الفشار وأجى
لتذهب الى المطبخ لعمل الفشار.
لتتذكر تسلطه عليها في أختيار الطعام بالمطعم لتأتى أليها فكره خبيثه
عادت أليه تحمل طبقان من الفشار واحد كبير جدا والأخر صغير
لتعطى له الطبق الصغير
ليأخذه منها قائلا بتعجب أشمعنا بتاعى صغير والطبق بتاعك كبير.
لترد كامليا كل واحد على قد حجمه انت كبير طبقك يبقى صغير وأنا صغيوره طبقى على قدى وبعدين بتسمع أيه مش دى جيلان أم جناب منفوخه هو في المطعم وهنا كمان هي طلعنا في البخت الليله دى ولا أيه ما تقلب على اى قناه تانيه نشوف فيلم ولا مسلسل تانى
ليرد علام بس أنا بحب البرنامج بتاعها وهسمعه لترد قائله براحتك
ليضع علام حبة فشار بفمه ليبصقها سريعا يقول الفشار دا عليه أيه.
لتضع حبه فشار بفمها قائله هيكون عليه أيه عادى
ليقول علام لأ الفشار دا عليه توم
لترد كامليا أيوا عرفت منين أنا حطيت عليه توم بودر علشان يديله طعم
ليقول علام توم بودر على الفشار والى معاكى كمان عليه توم بودر
لترد كامليا طبعا لأ دا عليه ملح بس أنا بحب الفشار من غير أى طعم غير الملح أنما قولت أنت أكيد بتحب يكون له طعم تانى.
ليضع علام الطبق الذي بيده على طاوله أمامه ويقول لا طعم تانى ولا تالت مش عايز أنا هسمع البرنامج
لتقترب كامليا من الجلوس الى جواره على الأريكه قائله
نفسي أعرف بتسمع أيه في برنامج المنافقه دى
لينظر علام لها قائلا أعتبر دا غيره منك
لترد كامليا أنا مغرش من واحده زى دى
ليرد علام ليه ستات كتير بتغير من أنوثتها الطاغيه
لترد كامليا دى أنوثتها مش طاغيه دى أنوثتها مستهلكه.
لينظر علام لكامليا بأندهاش قائلا أنوثه مستهلكه غريب أوى اللقب ده
لترد كامليا هي فعلا عندها أنوثه ظاهره بس أنا متأكده أنها مصطنعه زيها ومستهلكه
ليك ولغيرك والى يدفع أكتر سواء من أصحاب قنوات أو من رجال بفتخروا أن جمالها ملكهم بس.
هتلاقى بتصرف كتير على جسمها من نفخ وشد لأنها عارفه أن الشكل الجسدى والأنثوى هو الى مخليها مذيعه ناجحه مش ثقافتها أو حتى لباقتها في أدارة الحوار مع الضيف الى قدامها تسأل سؤالين محرجين أو سؤال جرئ فيطلع عليها لقب الجريئه وأنها بتخترق المواضيع الجديده الحساسه الى محدش بيتكلم عنها وتجيب شيخ طول الحلقه حاطط وشه في الأرض ومش بيبص لها وفي الأخر تسأله أنت مش بتبصلى ليه هو وجه المرأه عوره وهي كلها عورات.
تطلع في لقاء تانى تتكلم عن أسباب الطلاق وتقول ان الستات مش بيهتموا بنفسهم والراجل من حقه يعيش مع ست جميله مفكره أن كل الستات زيها عندهم رفاهية الأختيار بين متطلبات ضروريه للحياه وبين أنها تروح للكوافيرتصبغ وتستشور شعرها بالشىء الفلانى او تهتم بأيدها و بضوافرها الى تهروا من الغسيل.
تقولك انا أتجوزت اول مره وانا عندى سبعة عشر سنه وكنت صغيره معرفش يعنى أيه جواز واما فشلت كملت تعليمى وكنت بشتغل والشغل مش عيب
وتتكلم عن الفقر والفقراء وهي لابسه في صدرها ألماظات تكفى حى فقير بحاله يعيش منها
كلامها عكس أفعالها المستهلكه زى انوثتها كده لليدفع أكتر كل فتره يرتبط أسمها نجم سينما او رجل أعمال يصرف ويكلف على عمليات التجميل علشان تفضل متربعه على عرش الأنوثه المستهلكه.
لينظر علام لها نظره مختلفه هي أظهرت له حقيقه لاول مره يراها
أن الأنوثه قد تكون كامنه بداخل أنثى لا يحمل جسدها معالم أنوثه صارخه
ليقترب منها ويجذبها أليه ويقوم بتقبيلها عدة قبلات هادئه ليتركها لتتنفس
لينظر لها يجد وجهها أصطبغ باللون الأحمر ليزيد بسمتها جمالا لتضم شعرها خلف أذنها بخجل
ليبتسم ويجذبها لحضنه قائلا أيه رأيك نغير القناه تحبى تسمعى أيه
لتبتسم قائله هات أى فناة أفلام رعب.
لينظر لها بتعجب أفلام رعب
لتتقول له دا أفضل فيلم نسمعه دلوقتي بمنظرنا ده
ليبتسم علام قائلا ماله منظرنا
لتقول له لأن لو سمعنا فيلم رومانسى أحتمال تنهار مشاعرنا وبالحاله الى أنا فيها هتلاقى في الأخر حاره سد
ليضحك وهو يفهم الى ماذا تلمح ليجذبها لحضنه ويعود بظهره الى الخلف قائلا ممكن أكل معاكى من طبق الفشار ده
لتقول له وماله علشان تعرف أنى عندى كرم أخلاق
ليأتى بأحد قنوات أفلام الرعب.
ليجدها تضحك عاليا مع كل مشهد صريخ في الفيلم
ليتعجب قائلا بتضحكى على أيه الراجل قطع كل الى في الفيلم وأكل أجسامهم مسبش الا واحد
لتضحك قائله أنت مفكر أنه سابه علشان مش شايفه غلطان
ليقول علام امال سابه ليه
لترد كامليا دا سابه علشان يتعشى بيه في أول الجزء الجديد من الفيلم
ليقول علام بتعجب الفيلم خلص لسه عايزه تشوفى فيلم تانى
لترد قائله لا أنا عايزه أنام كفايه سهر يلا هطلع أنام.
ليتمدد علام على الكنبه بجسده ويجذبها لتنام أمامه على الكنبه ويلف يديه حول جسدها قائلا أحنا هنام هنا
لتقول له انت بعد ما أتفرجت عالفيلم خوفت ولا أيه متخفش أنا شوفت أفلام من دى كتير وبنام عادى أصلى درست تشريح في كليه الطب عارف أول سكشن تشريح دخلت فيه كان معايا بنات وشباب البنات كلهم أغمى عليهم الأ أنا
ليقول علام أكيد خافوا.
لترد كامليا لأ أصل الجثه الى كنا هناخد عليها السكشن كانت لراجل والدكتور شال الغطا من عليه ومكنش عليه أى هدوم فالبنات أتكسفت ومثلوا الغياب عن الوعى الا انا
ليقول علام طبعا ما أنت بجحه و مش وش كسوف
لترد كامليا وهنكسف من أيه انا دكتوره ووارد أكشف على راجل قدامى و مش بجاحه لا حياء في العلم
لينهض ينظر اليها وهي بين يديه يقول لاحياء في العلم وفين حياء الأنثى
لتردكامليا حياء الأنثى مبيأكلش عيش.
ليقول علام تعرفى أنك أكبر مقلب أنا شربته بحياتى بس أبتديت أحب المقلب ده ودلوقتى نامى لأنى فعلا خلاص أنتهيت
لتغمض عيناها سعيده وهي تنام بين يديه التي تضمها أليه.
فى نور صباح جديد
أستيقظت كشماء
لتجد ركن يضمها بين يديه التي تحاوطها من الخلف لا تعرف متى أقترب منها وضمها بهذا الشكل لم تشعر به
لتحاول سلت نفسها من بين يديه دون أن يشعر ولكنه كان يضمها بقوه
لتحاول مره أخرى ليشعر بها ويصحو قائلا صابحه تفركى في السرير ليه
لتقول له سيب أيدك من عليا عايزه أقوم وأيه قلة الأدب دى أزاى تحضنى كده وأنا نايمه
ليرد ركن وهو يضحك عاليا بعد أن فك يديه من عليها صباح الخير.
لتنهض من جواره وتقف أمام الفراش
لتراه ينام على ظهره ويضع يديه خلف عنقه قائلا أيه الى خلاكى تلبسى بيجامتى مش عندك هدوم ملبستش منها ليه
لترد بتعلثم واضح أن الى حضر الشنطه فاكر أننا عرسان بجد وكل هدوم النوم بتاعتى كلها قمصان نوم قليلة الادب
ليضحك ركن قائلا وهو في قمصان نوم مش قليلة الأدب أما أسمها قمصان نوم ليه ياريت تلبسي من هدومك وبعد كده ممنوع تلبسى أى هدوم من عندى.
لينهض من على الفراش ويقترب منها لتعود للخلف
ليتفادها وهو يتجه الى الحمام مرحا على هروبها منه
ليقول قبل أن يدخل الى الحمام ياريت على ما أخد شاور تكونى جهزتى الفطور
لتنظر أليه ولاترد عليه.
أستيقظت كامليا لتجد نفسها بين يدى علام لتنظر الى وجهه وتبتسم لتجده يتململل للصحيان
لتقوم بضربه على صدره بقوه قائله أصحى أنت كل يوم تتحركش بيا وأنا نايمه
ليصحو بفزع قائلا وانا كل يوم هصحى عالموال ده ولا أيه أيدك تقيله أنتى بيجيلك زهايمر الصبح ولا أيه انتى نايمه في حضنى من أول الليل
لترد كامليا محصلش أنت الى بتتحركش بيا وانا نايمه وتستغل برائتى.
ليقوم علام بتقبيل خدها قائلا صباح الخير أنا بترحكش بيكى أهو وأنا صاحى وأن مقومتيش تحضرى لينا فطور هستغل برائتك وأنتى صاحيه
لتنهض كامليا قائله على ايه مقولت لك حاره سد
يلا على ما تاخد شاور أكون حضرت الفطور
لينهض علام ويتركها وشعور جديد يدخل أليه من ناحيتها.
نزل ركن الى المطبخ ليجد كشماء أمام طاولة الطعام وأمامها طبق به بعض الخضروات فقط
ليقول لها أمال فين الفطور
لترد عليه قائله ماأهو قدامك أهو
ليقول لها فين كل الى على السفره هو طبق خضار وياريتها متقطعه دى صحيحه
لترد كشماء قائله ما هو الطبق دا هو الفطور
ليقول ركن وهناكل منه ازاى بقى
لترد كشماء وهي تمسك خياره وتقوم بقطم جزء منها وأكله ثم تأتى باخرى وتقطمها ثم طماطم وجرير.
وتقول له تاكل كده سنانك هتقطع الخضار مش محتاج حد يقطعه أنا بحب السلطه كده
لينظر لها متعجبا ويقترب منها ويضع يديه حول خصرها ويرفعها لتجلس على الطاوله ويضع يده على السفره حولها ويقترب من أذنها قائلا بهمس نص ساعه هعمل مكالمه وأن ملقيتش فطور جاهز عالسفره أنا هفطر بيكى وأمسحى كلمة عذر دى من سجل الكلمات عندك
ليتركها بعد أن بعثر مشاعرها.
لتلملم شتات نفسها وتقول يا رب يقبضوا عليك بقضية دعاره أنت والشورت بتاعك يا رجل العصابات.
عاد ركن بعد وقت ليجدها أحضرت له فطورا على الطاوله
ليبتسم وهو يجلس ليتناول الفطور
ليقول لها أقعدى أفطرى معايا
لترد بضيق لأ أنا نقنقت وأنا بحضر الفطور هروح أتصل على كامليا من يوم الفرح مكلمتهاش
ليقول ركن بخبث متنسيش أنها عروسه وممكن تكلميها في وقت محرج ولا حاجه
لتردكشماء لأ أطمن هي بعتت رساله أنى أكلمها لو فاضيه.
ليرد ركن والله شكلها بتفهم مع أنها الصغيره
لتقول كشماء بتفهم في أيه
ليردركن بتفهم في الذوق بتستأذن لتكونى معايا ولا حاجه
لتقول له هكون معاك فين
ليرد ركن بوقاحه تكونى معايا في السرير مثلا
لتنظر له وتقول بطل قلة الأدب والوقاحه الى عندك دول
وتتركه وتخرج من المطبخ على حديقة المنزل
ليضحك عليها.
خرجت كشماء من المطبخ لتشعر بالضيق من وقاحة ركن
لتجد هاتفها يرن لتقوم بالرد عليه
لتقول كامليا صباحيه مباركه يا أنثى الفهد
لتضحك كشماء قائله صباحيه مباركه يا سنقوره أيه خلصتى أغتصاب المقطقط ولا لسه
لتضحك كامليا قائله للأسف العذر مانعنى بتحركش بيه بس و أيه الأخبار عندك رجل العصابات طلع فهد بصحيح ولا نقرى عليه الفاتحه.
لتضحك كشماء قائله أنا شرحك يا أختى نفس العذر أنتى ناسيه أنها بتجى لينا وراء بعض ولا أيه بس أحسن أنا مش مطمنه لراجل العصابات ده مش ممبطل تحرش بيا
بقولك أيه سيبك من المقطقط وراجل العصابات أمبارح وأنا كنت في المول هنا لقيت سارى هندى أحمر يجنن وعلى مقاسك وأشتريته ليكى علشان تجننى المقطقط بيه اما تعملى فيها ديبكا بادكون وترقصى له هندى.
لتضحك كامليا وتقول وانا كمان أشتريت بدلة رقص زرقه ليكى تجنن لو راجل العصابات شافك بها هيركع لك
لترد كشماء أشتريتى ليا بدله رقص ليه شيفانى صوفى نار
لترد كامليا وهي صوفى نار تجى فيكى أيه على الأقل انتى طبيعى أنتى لو هزيتى هزتين بالبدله دى ركن مش هيتحرش بيكى دا هيتتم الجوازه ونضرب عيارين في الجو
لتضحك كشماء قائله أنتى واضح أن مخك ضرب بقولك أيه هي كرمله متصلتش عليكى
لترد كامليا ولا حتى بعتت رساله.
كرمله دى قاسيه قوى ولا كأننا بناتها مصدقت ومش معبره فينا بقولك أيه أنا هتصل عليها وتدخل معانا مكالمه جماعيه
لتقوم كامليا بالأتصال عليها
لم ترد من اول مره لتعيد الاتصال بها أكثر من مره
لترد كريمه بضيق قائله انا مبردش عليكى بترنى تانى ليه
لتضحك كشماء قائله انت تايه عن برودها أزيك يا كرمله
لتقول كريمه أنتوا أيه الى جمعكم مع بعض
لتضحك كامليا قائله أحنا في مكالمه وضيفناكى معانا.
لتقول كريمه بفهم أه أزيكم يا بلوة حياتى قتلتوا عرسانكم ولا لسه
لتضحكان معا
لتقول كامليا انا مش عارفه أنت ليه واخده صف المقطقط وراجل العصابات مع أننا احنا الى بناتك ومربيانا وعارفه أننا ملايكه
لتضحك كريمه قائله ملايكه أنا بشك أنكم بنات أصلا
بس يلا قولولى أخباركم وأخبار الى معاكم أيه
ليتحدثوا بود ثلاثتهم لمده الى أن أنتهى الأتصال
لتقف كشماء تنظر أمامها لا تشعر بمن يأتى من خلفها.
ليضمها من الخلف ويديرها أليه يقبلها قائلا بدلة الرقص الزرقه هتبقى تجنن عليكى بس كويس أنك مش هتلبيسها الا أما نرجع من هنا يكون العذر أنتهى ويقبلها مره أخرى.