رواية قلب ليس من حقه الحب للكاتبة لؤلؤة حيرانة الفصل الثامن عشر
وخرجت مى من غرفة محمود متوجهة لسيارتها وتتصل بيوسف،
يوسف: الو يا حبيبتى
مى: ازيك يا يوسف عامل ايه؟
يوسف: تمام الحمد لله انتى ايه اخبارك؟
مى: انا تمام كويسة الحمد لله ,يوسف ينفع اتغدى معاك النهاردة؟
يوسف بقلق: مى انتى كويسة؟
مى: ايوة الحمد لله بس عايزة اتغدى معاك بلاش يعنى؟
يوسف: لا يا حبيبتى تحبى نتغدى فين؟
مى: ايه رأيك في مطعم
يوسف: تمام كويس انتى فين دلوقتى
مى: هههه انا في المطعم اساسا.
يوسف: اممممممم يعنى بتحطينى امام الامر الواقع يا انسة مى
مى بدلع: لو كان يعجبك هههههه
يوسف: طبعا يعجبنى. كلها كام يوم واوريكى هطلعه كله عليكى
مى: ههههه لا نزله احسن المهم انا مستنياك متتاخرش
يوسف: ربع ساعة واكون عندك ان شاء الله مع السلامة
مى: اوك,مع السلامة
تغلق مى مع يوسف الهاتف لتنتظره بينما في مكان آخر يوجد حوار ولكنه،
ملك: يا عمرو لا انا عيزاه في القاهرة صحابى كلهم هناك وبعدين هناك احسن.
عمرو: ياا حبيبتى اسكندرية احسن وبعدين احنا كده كده هنروح على مطروح نقضى شهر العسل زى ما انتى عايزة يبقى اسكندرية اقرب وبعدين هناك كل قرايبنا يا ملك وكمان خالتو موافقة على اسكندرية
ملك بدموع بسيطة: يا عمرو بس انا صحابى كده مش هييجوا
عمرو: مين اللى قالك.؟
ملك: عمر محد من اهاليهم هيرضى يخلى بنته تيجى من القاهرة لاسكندرية علشان فرح وكمان ترجع لوحدها
عمرو: واللى يجيبهملك؟
ملك بتعجب: ازاى؟
عمرو: لاااااااا دى خليها عليا
ملك بعصبية خفيفة: يا عمرو بأى قولى علشان خاطرى بجد هزعل انا مش مستحملة
عمرو: يا ساتر انتى هتفضلى كده، ربنا يصبرنى، امرى لله هقولك انا هحجز لهم باص تمام وهيعدى على كل واحدة في بيتها ان شاء الله ويروحها لمكان ما اخدها وهيكون امان جدا ان شاء الله ولو عايزين اهلها ييجوا كمان ينوروا، ها ايه رأيك؟
ملك: يعنى مش بطالة
عمرو: نعم؟
ملك: ههههههههه ربنا يخليك ليا يارب وميحرمنيش منك ,خلاص اعمله في اسكندرية
عمرو: ايوة كده ميجيبها الا عمرو ,المهم طمنينى انتى فين دلوقت؟
ملك: انا لسة في الطريق للبيت
عمرو: مع السواق ولا لوحدك يا سلطان؟
ملك: لا يارمضان مع السواق هههههههه
عمرو: هههه خفة يب عملتى ايه في الامتحانات؟
ملك: الحمد لله كان رخم شوية.
عمرو: ياستى خلاص كلها كام يوم وتخلصى امتحانات للابد وتبقى محاسب اد الدنيا المهم خالتو وعمو ومالك و رهف عاملين ايه؟
ملك: ايه يا بنى بتراجع اسامينا ولا ايه، الحمد لله كلنا كويسين
عمرو: الحمد لله,وايه اخبار سمية؟
ملك: معرفش
عمرو ممازحا اياها: ازاى متعرفيش ا اخبار اختى واختك
ملك: بص يا سيدى انا روحتلها الجامعة ملقتهاش وكمان عرفت ان ابن الوزير ده اتقبض عليه فقلقت واتصلت بيها لقيته مغلق، اعمل ايه انا باى؟
عمرو: معلش يا ملك خليها عليكى يمكن يا بنتى فصل ولا حاجة
ملك: لا يا سيدى لا عليا ولا عليها انا بد زعلانة منها بقالها ييجى 3 و 4 ايام مبتكلمنيش خالص ولا كأن فرحى الايام دى خالص
عمرو: طيب بذمتك سمية عمرها قصرت معاكى في حاجة مهما كان ت مشغولة؟
ملك: بصراحة. لا
عمرو: اذن اكيد في حاجة مهمة اوى شغلتها عنك ده كفاية موضوع ابن الوزير ده.
ملك: فعلا انا قلقانة عليها اوى من الموضوع ده. انا عارفة هي مالها ساسا ومال القرف ده هي مش مسئولة اساسا
عمرو: يا بنتى دى كلمة حق مينفعش اختك تكتمها وانتى عارفاها اكتر منى
ملك: طيب يا استاذ مدافع متشكرين لخدماتك
عمرو: استاذ؟ حرام عليكى امال الكلية والماستر والصيدلية بيعملوا ايه حرام عليكى عينى طلعت ههههههههههه
ملك: ههههههههه ماشى يا عم الدكتور ,المهم انا هقفل بأى لانى خلاص قربت اوصل.
عمرو: ماشى يا ملوكة سلميلى على خالتو وعمو واخواتك، سلام
ملك: لا اله الا الله
عمرو: محمد رسول الله
تنهى ملك مكالمة عمرو وهي على مشارف بلدتها. تصل ملك الى منزلها لتجده فارغا،
ملك: سامية، سامية...
سامية: ايوة يا انسة ملك؟
ملك: فين بابا وماما واخواتى؟ اوعى تكونى قتلتيهم و حطيتيهم في اكياس؟
سامية: الله اكبر ليه يا انسة ملك السيرة دى يا ستى راخو يرحبوا خيل.
تنهى ملك مكالمة عمرو وهي على مشارف بلدتها. تصل ملك الى منزلها لتجده فارغا،
ملك: سامية، سامية...
سامية: ايوة يا انسة ملك؟
ملك: فين بابا وماما واخواتى؟ اوعى تكونى قتلتيهم و حطيتيهم في اكياس؟
سامية: الله اكبر ليه يا انسة ملك السيرة دى يا ستى راخو يرحبوا خيل
ملك بدهشة: ايه؟ خيل؟ من ورايا مااااااااااشى، واكيد مالك راح معاهم
سامية: ههههه ايوة
ملك بتحذير ووعيد مصطنع: ماشى
سامية: اجهزلك الغدا.
ملك: يا ريت يا سامية انا واقعة من الجوع وياريت تطلعيه فوق
سامية: حاضر ,ثوانى ويكون الاكل جاهز
صعدت ملك الى غرفتها اخذت حماماً دافئاً ثم توضأت وصلت العصر وابدلت ثيابها ثم تناولت غذائها وابدلت ثيابها لتليق بركوب الخيل، ,فى اسطبل الخيل حيث توجد عائلة
احمد ,كان الجميع يشعر بسعادة تغمر قلبه فمن نعومة اظافرهم كان احمد ياتى بهم الى هذا المكان ليلهوا ويركبوا الخيول ,فمعظم ذكريات طفولتهم هناك،.
رهف بسعادة: يااااااااااااه الحمد لله بجد يا بابا كنت محتاجة اجى هنا جدا اريح اعصابى
مها بتعجب: اللى يسمعك كده يقول انك ست كبيرة وشايلة الهم
رهف: هو انا صغيرة ولا ايه انا بلا فخر ان شاء الله كلها شهرين تلاتة واكون في اولى اعدادى هكون انسة كده زى القمر هههههه
مالك مازحا: انا شاكك في البت دى ,رهف تعالى كده، لاااا انتى سخنة...
رهف: خفة، انت اللى ايدك باردة
الجميع: هههههههه.
مالك: طيب روحى بأة شوفى من اللى هيركبك الخيل ,انا رايح اركب سندباد ع فكرة
رهف بغضب طفولى: يا بابا قوله يركبنى معاه بأه انا جاية اتبسط مش جاية يتعكنن عليا
أحمد: هو عكنن عليكى في ايه ,اخوكى بيهزر معاكى ,متبقيش قماصة امال، يابنى خد اختك معاك وروحوا يلا
مالك: طيب وحضرتك مش هتيجى تركب معانا
أحمد: لا انا راحت عليا خلاص هههههه انا هقعد مع ماما شوية
ملك: حقك يا باشا.
أحمد: بسم الله الرحمن الرحيم ,بت يا ملك جيتى امتى؟
ملك: بقالى زمان يا بابا من اول انا هقعد مع ماما شوية هههههه
مها: هههههه طيب عملتى ايه في امتحانك؟
ملك: تمام الحمد لله هو كان رخم لكن انا ارخم منه
مالك: ههههههههه هتقوليلى هههههه
ملك: كده طيب والله لاوريك
وظلت ملك تركض خلف مالك ورهف تجرى معه تارة يحملها وتارة يضعها ارضا,واحمد يراقب المشهد مع زوجته في سعادة غامرة،.
مالك: تعالوا نعدى على فُلة نشوفها سمية وصتنى عليها
رهف: لا انا مش رايحة
ملك: ليه ببس يا رورو مش ده حصان ابلة سمية حبيبتك وانتى بتحبيه يلا نروح نشوفه
رهف بضيق: انا قولت مش رايحة يعنى مش رايحة ,انا عايزة اروح اشوف ريحانة كل واحد يروح يشوف حاجته، سلام
نظر مالك لملك وفهم كل منهما سبب رفض رهف،
ملك: رهف استنى بس، انتى زعلان عشان سمسمة متصلتش بيكى صح
رهف: ايوة صح ولا كأنى اختها.
مالك: ليه بتقولى كده، انتى عارفة هي عملالك مفاجأة كبيرة عشان كده متصلتش هي قالتلى كده بلسانها
رهف: لا انا بتكدب عليا عشان مزعلش منها
ملك: عيب يا رورو مالك هيكدب عليكى ليه؟
مالك: والله انا بتكلم جد صدقتى بأى
رهف بسعادة: ايوة صدقت بس متعرفش ايه هي المفاجأة؟
مالك: هههههههههه لا معرفش يا اخر العنقود ههههههه
ملك: يلا باى نروح نشوف فُلة ونركب خيل ولا مش ناويين
مالك / رهف: لا ناوووين يلا
ملك: ههههه طيب يلا.
,فى منزل محمود، يصل محمود الى المنزل قبل موعد الغذاء سأل عن زوجته ليجدها تشاهد برنامج اوبرا وينفرى على جهاز التلفاز فدخل عليها...
محمود: السلام عليكم
ميرفت: وعليكم السلام خير ايه اللى اخرك؟
محمود: عادى يا حبيبتى كان عندى شوية شغل مستعجل المهم انتى اتغديتى طبعا ههههههه
ميرفت: ههههه لا طبعا ,متغديتش قولت استناك وخصوصا ان مى اتصلت والت انها هتتغدى مع جو ,فقولت بلاش اتغدى لوحدى وانت لوحدك.
محمود: يااااااه ايه الرضا ده كله ,ميرفت هانم تاخر معاد الاكل ساعة بحالها، لا مش ممكن. اكيد في حاجة
ميرفت: انا استاهل يعنى ماشى يا محمود بجد زعلتنى
محمود: ماعاش ولا كان اللى يزعل ميرفت هانم مرات محمود الفيومى ,بس بجد وحشنى الاكل معاكى بجد
ميرفت بحنان: انت عارف انا هكون احسن منك. انت اللى وحشتنى والله يا محمود اوى.
محمود بتنهيدة: وانتى كمان ,,,فاكرة زمان اول متجوزنا. كان كل يوم لازم نفطر ونتغدى ونتعشى مع بعض , وبعد ماجم الولاد والمسؤليات كترت الوضع بدأيقل لحد مبقينا بنشوف بعض بالمواعيد...
ميرفت بتأثر: ههههه وياريت نافع، الولاد كل واحد منهم اخد طريقه اهه آسر بقاله 3 شهور او 4 في امريكا اتصل بيا مرتين تلاتة. ولسة لما يشتغل ويتجوز هينشغل عننا اكتر اكتر، وكمان مى خلاص هيكون ليها بيتها وهتنشغل عننا كمان يا محمود، ولادنا خلاص طاروا يا محمود.
محمود: يا ستى خللى كل واحد يشوف حياته وبعدين يا حبيبتى مدام ربيناهم بالحلال وبما يرضى الله خلاص صدقينى الزرع اللى رويتيه بالخير هتحصدى منه الخير متقلقيش يا ميرفت
ميرفت بحزن: طول ما انت معايا مش هقلق من اى حاجة. بس خليك جنبى
محمود: يا حبيتى انا هفضل طول عمرى جنبك، انتى عارفة انا كلمت مين النهاردة؟
ميرفت: مين؟
محمود: آسر. وقال انه هيي جى قبل فرح مى وهيحضره معانا كمان وان شاء الله هيناقش الرسالة بعد لما يرجع امريكا
ميرفت بسعادة: بجد يا محمود هييجى، الحمد لله. كان واحشنى بشكل
محمود: هو قاللى كده فاكيد هييجى انتى عارفة آسر ميقولش الكلمة غير وهو متاكد انه هيكون ادها
ميرفت: ربنا يخليه ويوفقه بجد واحشنى
محمود: طيب يلا نتغدا لان كده هيكون عشا يا ميرفت هانم، وقال ايه مواعيد ههههههه.
ميرفت: ماشى ماشى اتريق براحتك هههههههههه
وقام محمود بصحبة زوجته ليتناولا غذائهما، ,فى مطعم فاخر من ارقى المطاعم في القاهرة تجلس مى بصحبة يوسف يتحدثان ولكن بجدية،
مى: يوسف انت مش هتقوللى في ايه بالضبط
يوسف: يا حبيبتى مفيش حاجة.
مى: يا سلام؟ يعنى تقدر تقوللى ازاى آسر وافق علة معاد جوازنا وكمان هييجى، لا وكمان ايه قال لبابا حددوا الوقت اللى انتوا عايزينه وانت عارف آسر لا يمكن يعمل كده ابدا، ده اهم حاجة عنده دراسته
يوسف: يا حبيبتى عادى مهو انتى اخته الوحيدة وعايز يفرح بيكى فيها ايه؟
مى: فيها انى كلمته كتير قبل كده وهو مكنش راضى ينزل وكان عايز يأجل الفرح لحد بعد المناقشة وكمان لما جيت وقولتلى انه هيوافق وكنت بتتكلم بكل ثقة مصدقتش لكنه وافق فعلا، بص الموضوع فيه ان صح ولا لا يا يوسف
يوسف: لا، مش صح انتوا البنات بتحبوا تكبروا المواضيع ع الفاضى.
مى بزعل يصاحبه قليلا من الدموع: انا مكبرتش مواضيع يابشمهندس، ع فكرة انا متاكدة انك بتكدب عليا، أنا عارفة، آسر اخويا تعبان يا يوسف ,,,آسر حصله ايه وقد بكت بشدة
يوسف: يا حبيبتى متعيطيش والله ميستاهل انك تفكرى فيه اساسا
مى: لا متقولش على اخويا كده، اكيد فيه حاجة، انا احساسى مبيكدبش، والله لو مقولتيليش يا يوسف هزعل منك بجد.
يوسفر: الله يسامح احساسك اللى مودينا في داهية. يا بنت ىاخوكى زى القرد وعايش حياته ع الاخر يعنى الرسالة تمام وحياته تمام ولا بيفكر فيكى ولا في غيرك ولا همه اى حاجة غير نفسه
مى بعصبية: يوسف قولتلك متقولش كده على آسر، انا مسمحلكش، ده اخويا اللى مليش غيره
يوسف: مى. دى حقيقة آسر الجديدة اللى لازم تعرفيها. ولازم تعودى نفسك على مفاجآت من آسر كتيرة اوى بس اوعى تتصدمى.
مى: يوسف هتقول في ايه ولا والله اقوم وامشى واسيبلك المكان كله
يوسف: بصى انا هقولك على حاجة بس وعد اوعى تقولى لحد.
مى: مش هقول، اخلص
يوسف: لا اوعدينى الاول
مى: يوسف ايه شغل الاطفال ده انا قولتلك مش قايلة لحد
يوسف: انا قولت اوعدينى انك متقوليش حتى لعمى محمود ولا لاى حد
مى بنفا صبر: اوووف وعد يا ياوسف اخلص بأى قلقتنى
يوسف: بصى يا ستى...
فى منزل خليل ,تستيقظ سمية من نومها لتجدها السادسة والنصف تفزع لانها لم تصل بعد العصر فلقد كانت في غيبوبة نوم ,تنهض سمية مسرعة لتصلى العصر الذي اوشك ان يفوتها. مالبثت ان انتهت من اداء صلاة العصر حتى أذن المغرب فصلته وابدلت ثيابها وهبطت للاسفل لتجد الجميع يتحدثون،
سمية: السلام عليكم
الجميع: وعليكم السلام ورحمة الله وبركاته
أميرة: . أخيرا قومتى من النوم
سمية: فعلا انا نمت كتير جدا، محدش صحانى ليه؟
نغم: هههههههههههههه قال محدش صحانى ليه هههههه ,ده انا صوتى راح من كتر مصحيتك وحضرتك نايمة ولا نوم اهل الكهف بجد يا ابلة سمية نومك بأى تقيل اوى ههههههههه
سمية مازحة: لا والله بجد، يعنى انتى نتى بتصحينى بجد، وانا اللى كنت فاكراه كابوس ههههههه
نغم: بأى اناا كابوس؟ ماشى يا ابلة سمية. وانا اللى مستنياكى نتغدى مع بعض عشان متتغديش لوحدك مااااااااااشى
خليل: هههه خليها عليكى المرة دى يا نغم.
نغم مازحة: لا لالا لا يمكم انا اتهنت في وجودك يا دكتور هاتلى حقى
سمية: طيب تعالى اديكى حقك يا ستى.
نغم: هاتى...
أميرو مقاطعة: نغم يا حبيبتى روحى لهدى خليها تحضرلكم الاكل
نغم: ايه النظام يا دكتور هو ده حقى بردو، ماشى امرى لله
نغم بصوت عالى: هدى، هدى، حضرى الغدا ليا انا وابلة سمية سمعاااانى يا هدى...
هدى تاتى ل نغم: ايوة سمعتك يا انسة نغم , وهو جاهز ع فكرة ع السفرة.
نغم: طيب جاية ليه كنتى قولتى من هناك بدل الموصلات الكتيرة دى
الجميع: هههههههه
أميرة: طيب يلا يا بنات قوموا اتغدوا دلوقتى
ونهضت نغم صحبة سمية متوجهين لمائدة الطعام وما ان جلسوا حتى قالت نغم،
نغم: ابلة سمية
سمية: نعم؟
نغم: هاتى حقى هههههههه
سمية: بتتريقى؟ طيب ده انا كنت ناوي ليكى ععلى خروجة تمام لكن انتى ضيعتيها خلاص فركش
نغم بحزن: ايه؟ خروجة؟ لا بالله عليكى عشان خاطرى انا اسفة، يلا بأى.
سمية: امرى لله دايما بضعف ادامك ,بصى يا ستى انا احتمال اخرج برة اشترى شوية حاجات كده فهتصل بمى ان شاء الله فحضرتك مهتهونيش عليا اسيبك لوحدك فهخدك وامرى لله
نغم: يا حبيبتى يا سمسمة، هاتى بوسة، وكمان واحدة، وكمان اتنين
سمية: بس بس كفاية. خلينا باى نخلص غدا علشان نقول لعمو وطنط، وادعى يارب يوافقوا
نغم: ههههههه مادام حضرتك فيها هيوافقوا انا واثقة هههههههه
سمية: لا والله. طيب كلى يا، يا واثقة ههههه.