قصص و روايات - روايات صعيدية :

رواية قاسي ولكن عاشق للكاتبة ميادة مصطفى الفصل الثاني

رواية قاسي ولكن عاشق للكاتبة ميادة مصطفى الفصل الثاني

رواية قاسي ولكن عاشق للكاتبة ميادة مصطفى الفصل الثاني

هاجر عند وصول الشخص تتحدث بخوف وقلق: ايه كل دا يا عبدالله انا واقفة مرعوبة لحد يجي يشوفني كدا ولو حد شافني واقفة معاك هيبقي فيها قتلي وانت عارف بس كان لازم اقبلك انهاردة عشان نشوف حل انا جايلي عريس و بوي وحمزة مصممين عليه
عبدالله بحزن: طيب وبعدين هنعمل ايه انتي عارفة أنهم استحالة هيوافقة عليا بعد اتهامهم أننا احنا اللي قتلنا عمك والله محصول.

هاجر بتوتر: مش وقته الحديت دا اتصرف اعمل شي اني هضيع منك
عبدالله: هحاول معاهم واشوف الدنيا فيها ايه
هاجر لسه هتتكلم أوقفها صوت: ايه دا يا هاجر انتي واقفه مع دا ليه
هاجر بصدمه: اني اني
اميرة بغضب: انتي ايه موقفك مع قتالين القتلة هو أهله دول
عبدالله: لو سمحتي يا استاذة اميرة اني مش قتال قتلة
ومصير كل شي ينكشف ويبان
اميرة بسخرية: ينكشف ويبان ما كل شي منكشف
عبدالله: اني همشي اني وهشوف حل لموضوعنا متقلقيش.

هاجر تبتلع ريقها بصعوبة: ماشي
اميرة بعصبية: انتي هتعشقي دا يا هاجر دا ملكتيش غير دا
هاجر بدموع: بحبه قوي يا بت عمي وانتي بنت زيي وهتقدري اللي اني في الحب دا غصب عن اي شخص القلب بيدق غصب عننا يا اميرة أبوس يدك اوعي حد يعرف اللي حصل من شوي
اميرة نفخت: اكيد يعني محدش هيعرف بس الارتباط دا مهينفعش ولا حد هيوافق عليه
هاجر: خابرة زين الحديت دا بس معرفاش اعمل ايه
في منزل الصياد.

نزلت رقية نظرت لها امال بغيظ: ايه كل دا نوم
رقية: معلش يا مرت عمي غضبي عني راحت علي نومه
مختار: اني بفكر اجيب معاكم واحدة تساعدكم
امال: وهما لازمتهم ايه
مختار: مني في دارها مش بتكون هنا دايما و هاجر و اميرة في الجامعة يعني مفيش غير رقية وشغل الدار كبير عليها
امال قلبت شفايفها: اللي تشوفه يا حاج
رقية فرحت: ربنا يبارك في عمرك يا عمي
امال: روحي انتي ما صدقتي روحي حضري الفطار
رقية: حاضر
في شقة في مصر.

يجلسان ثلاث شباب من بينهم ادهم الصياد
ادهم بضحك: يخربيت دماغكم انتو يا بني فوقوا في حد عقل يتجوز في حد عاقل يرتبط يا علي
علي: في واحد عاقل ميرتبطش والله انت مجنون يا ادهم هيا الحياة ايه بدون الجنس الناعم والارتباط وانك تقوم تلاقي بدر منور في حضنك يالهههوي دا الاحساس والتخيل لوحده متعه
سمير: اسكت يا علي انت بتتكلم مع مين ادهم دا عمره ما هيتغير دماغه متركبة شمال اصلا.

علي: والله هنيجي يوم ونفرح فيه لما تلاقي ابوه جايب لي عروسة من البلد بيقوله هتتجوزها غصب عنك
ادهم بضحكة سخرية: ليه عيل صغير هيجوزني غصب عني انت عبيط يالا ولا ايه وغير كدا انا هقعد هقعد ولما اتجوز مش هتجوز غير من بلادنا اتجوز واحدة من الجهلة دول والله انا مخك اكيد طق يا علي
سمير: ليه يا ادهم جهله مانت عندك اخواتك بنات واولاد متعلمين اكيد في كدا عندكم في البلد.

ادهم بضحكة: ماشي مقولتش حاجة بس مش انا اللي اخد منهم انا البنات هتموت عليا في مصر ومنهم الأجانب كمان فمش محتاج واحدة من البلد دا لو يعني فكرت في الارتباط اللي انا اصلا مش بطيقو
علي قام وقف: بس بس يا سمير دا متتكلمش معا مش هتعرف تاخد معا ولا حق ولا باطل بس احب اقولك دا هيقع ولا حد هيسمي عليه وبكرة تشوف وتقول اخوك علوه قال
ادهم: امشي يا حج علوه شوف رايح فين خطيبتك بترن عليك انا حياتي الشغل وبس.

علي: فعلا انا سايبكم ورايح اقابلها اصلا مش اقعد معاكم انتو بصوتكم دا سلام يا اشباح
سمير: عقبالي يا رب ما اخلص من قاعدة الرجاله دي بقي زهقققت
ادهم يضرب كف علي كف: وربنا اتجننته
في منزل الازهري
حمدي بعصبية: انت ايه اللي هتقوله دا يا عبدالله عايز تتجوز بت الصياد
عبدالله: بحبها يا بوي وهيا هتحبني
عماد بعصبية: انت اتجننت ولا ايه يا عبد الله مش هتاخد بنت الصياد لو حتى اخر بنت في العالم.

عبدالله: هيا بنسبالي اخر بنت في العالم
حمدي: فكر بعقلك شوية يا عبدالله اركن قلبك دا شوية علي جنب
عبدالله بزعيق: بوي اديني هقولك اهو اني لو متجوزتش هاجر مش هتجوز خالص وهسيب البلد كلها ومحدش هيعرفلي طريق جرا تمام ثم سابهم ومشي
حمدي نظر لعماد: وبعدين يا ولدي في الواقعة السودة دي خوك هيضيع منينا
عماد بحيره: معرفش يا بوي اني احتارت
في منزل الصياد
حمزة: ايه يا معتز مش ناوي انت كمان تتجوز بقي انا كبرت يا خوي.

معتز: ناوي ناوي ومن زمان قوي كمان وعايز انهاردة قبل بكره
مختار: شاور انت بس المهم نفرحه بيك
حمزة: قولنا بس عنيك علي مين
. معتز: مانت عارف يا اخوي اني اني عيني علي اميرة بت عمي من زمان
مختار: طيب علي البركة يا ولدي هيا هتلاقي احسن منك ولا ايه
امال بخنقة: اممم اميرة مش كفاية واحدة لسه هناخد التانية.

حمزة نظر لوالدته وهو مش عاجبة كلامها: وفيها ايه يعني يااما لما ياخد بت عمه وفيها ايه لما ناخد الاتنين هما جاين من الشارع دول منا
معتز: وفيها ايه صوح يا اما بس ادعي انتي بس أنها هيا توافق
امال بثقة: ايه متوافقش ليه هيا هتلاقي حد احسن منك.

حمزة: لا يا اما تلاقي احسن من معتز اني مش بقل من اخوي لا سمح الله لا ابدا بس لانها هيا برضو الف من يتمناها بت حلوة و ذكية وشخصيتها قوية و متعلمة و صغيرة و بت عيلة كمان صوح ولا اني غلطان يا بوي
مختار: لا يا ولدي كلامك صوح
امال: امم يعني اني اللي طلعة غلط دلوقت المهم اعملو اللي تعمله بس قولي انت بقي يا حمزة هتعمل ايه في موضوعك
حمزة باستغراب: موضوع ايه يا اما
امال: الخلفة يا ولدي.

حمزة ابتسم بسخرية: خلفة ايه يا اما ماني مخلف
امال: ماني فهمة انك مخلف يا ولدي وربنا يخليهملك قصدي مش ناوي تجيب الولد منفسكش في في الولد
حمزة اتنهد و حاول يكون هادي: اكيد نفسي يا اما اجيب ولد يكون سند لاخواته البنات بعد ويحافظ عليهم بس اكيد لما ربنا يريد لو رايد أن يديني الولد الحمدلله لو مش رايد فأنا بحمد ربنا وبشكر فاضلة علي بناتي حبايبي وربنا يباركلي فيهم.

امال: ايه الحديت اللي هتقوله دا يا ولدي انت حاول تاني خلي مرتك تروح للدكتورة لو مفيش امل يبقي مفيش غير حل واحد يا ولدي عشان تجيب اخ يكون سند لبناتك كيف ما بتقول
حمزة انتبه بخنقة لوالدته: حل ايه دا يا اما قولي عليه
امال بقوة: تتجوز يا ولدي ودا حقك
رقيه كانت خارجة من المطبخ وسمعت الحديث دا ودموعها نزلت بحرقة ووقفت علي جنب تنتظر رد حمزة عليها.

حمزة قام وقف بهيبة وقوة: مش اني يا اما اللي حد يقولي اعمل ايه واسوي ايه فهماني طبعاً اني مقتنع جدا بأمر ربنا واني ميهمنيش الواد ولا زفت اني اهم حاجة عندي رقية والبنات مش هخسرهم عشان ولد معرفش ممكن لما يكبر يعمل فيا ايه ومش عايزك تجيبي السيرة دي بعد اكدي لا ليا ولا لرقية ماشي الموضوع دا يخصنا انا وهيا وبس.

مختار: سيبي علي راحته يا امال هو حر بس احب اعرفك يا ولدي انك هتندم بعد اكدي لو محبتش ولد انت مش حاسس دلوقت عشان انت لسه في شبابك لكن لما تكبر في السن هتعرف بقيمته لما تبقي مش قادر ومش لاقي حد يسندك
حمزة اتنهد وحس بكلام والده بس مخلهوش حس بكدا: والبنات بقيت متفرقش حاجة عن الولاد
رقية مسحت دموعها و خرجت عليهم كحت وحمزة سكت عشان متتجرحش من كلامهم.

رقية بتحاول تداري حزنها: عايزين مني حاجة انا طالعة اريح شوية
حمزة قام وقف: استني انا طالع معاكي يا رقية
حمزة حط كتفة علي رقية وطلع علي غرفتهم حمزة وقفها قدامه وهيا عينيها في الأرض مش عايزة تبصله عشان ميخدش باله من دموعها مسكها حمزة من دقتها ورفع رأسها و بص في عنيها بحنان: مالك ايه الدموع اللي في عينك دي سمعتي حديت امي مش كدا.

رقية دموعها خانيتها ونزلت: اتجوز يا حمزة اتجوز ابوس ايدك ريحني وريحني من الحديت اللي كل شوية اسمعه من مرت عمي
حمزة بعصبية: رقية مش عايز اسمع الحديت دا تاني منك فهماني اني لو مكنتش خلفت خالص مش هتجوز عليكي ولا المس واحدة غيرك ولا غيرك يملئ قلبي ولا عيني يا حبيبت العمر
رقية بدموع وحب: اااه يا عمري كلة حبك ليه بيخليني ابقي عايزة اعمل اي حاجة عشان بس اسعدك نفسي اسعدك يا حمزة نفسي.

حمزة بخنقة: يا بوي يا رقية يعني الولد هو اللي هيسعدني انا سعدي و فرحتي بقربي منك وبس افهمي ومتخليش حديت امي دا يأثر فيكي اني مستعد اخدلك دار لحالك لو دا يسعدك
رقية: لا مش هينفع عشان اميرة هتبقي لوحدها وكمان عشان عمي ميزعلش منك
حمزة: اني بعرفك بس اني مستعد اعمل اي حاجة عشان تكوني انتي مبسوطة بس
بعد كذا ساعة في
مختار: خدي يا اميرة
اميرة: نعم يا عمي تحت امرك
مختار: في عريس متقدملك.

اميرة بإثبات: عريس! عريس مين دا يا عمي اني مش بفكر في الموضوع دا نهائي اسفة يا عمي قول للعريس دا طلبك مرفوض
امال: اني معرفاش انتي مغرورة اكدي ليه فوقي لحالك يا بت سعد
اميرة: وليه مبقاتش مغرورة و ليه افوق ايه ناقصني مع اني مش مغرورة بس انا شايفة أن الموضوع دا بذات انا ليا الحق في اني ارفض أو أوفق
مختار: بس مش تعرفي العريس مين الاول
اميرة: حتى لو مين انا مش بفكر في الجواز دلوقتي.

مختار: العريس يبقي معتز ولد عمك ولدي يا اميرة.
برقت اميرة عيونها وتعصب: مين معتز مين دا اللي اتجوزه دا لو اخر بني ادم في الكون استحالة اتجوزه
امال بعصبية: طيب عشان حديتك الماسخ دا هتتجوزي ورجلك فوق رقبتك
اميرة بعناد: مش هتجوزه لو علي موتي انا هكمل تعليمي وهشتفل كمان
وقفت امال بحده: طيب ايه رايك يا بت المصراوية مفيش من انهاردة تعليم ولا خروج من الدار هتقعدي أهنئ تخدمي مع خيتك.

اميرة بصدمة: انتي بتقولي ايه
نزل حمزة علي صوتهم: في ايه صوتكم عالي ليه.

الفصل التالي
جميع الفصول
روايات الكاتب
روايات مشابهة