رواية قاسي امتلك قلبي للكاتبة نرمين قدري الفصل الخامس والعشرون
سميرة: بفرحة احلفي وحيات النبي بجد الف بركة تشرفو وتأنسو
مليكة: غسان هو اللي طلب كده بس مش عارفه حعمل ايه مع العقربتين انا حروح اقولها وزي ما تيجي.
سميرة: استني متقولهاش حاجة دلوقتي اصبري لما جوزك يطلع بسلامة خليها هي تتفاجيء لوحدها لكن دلوقتي احنا مش قد لسنها.
مليكة: انتي شايفة كده.
سميره: اه طبعا بصي يامليكة انا حروح دلوقتي علشان أحضر الاوضة لغسان واعملكم اكل يا حببتي متتاخروش.
مليكة: ربنا يخليكي لينا يا امي.
سميره: ربنا يقوملك جوزك بسلامة يا حببتي اوعي تسيبي جوزك في محنته اقفي جمبه يا حببتي ربنا يعفي عنه يارب وخليهولك.
مليكة: يارب يارب يا امي.
راحت مليكة عند حازم ونسرين وريما ونادر.
مليكة: حازم غسان عاوز يطلع على عندي في البيت حنعمل اية في شغل و في عمته.
حازم: بالنسبة للشغل عادي احنا متعودين ناخد اجازة كل سنة نرتاح فيها بنوفف الحاجات المهمة بس وشغل المزرعة عادي بيمشي
بالنسبة بقي لعمته متقلهاش حاجة سيبك منها وكبري ماغك هي اساسا شوية وماشيه.
خرج غسان من المستشفى على كرسي بعجل وطلع على بيت سميرة بمساعده حازم ونادر
سميرة: حمدالله على سلامتك يا حبيبي
غسان: الله يسلمك
سميرة: تحب تخش ترتاح ولا تقعد هنا على بال الاكل ما يخلص
غسان: لاء عاوز اقعد معاكم زهقت من النوم
سميرة: تسلم يا حبيبي من كل رضي انا بقي عملالك ارنب حتاكل صوابع وراه
غسان: متتعبيش نفسك.
سميرة: وانا في ديك الساعة لما اتعب لابني حبيبي ربنا يكمل شفاك على خير
ثم التفت البنات خير اللهم اجعله خير قاعدين كده ليه يلا يابت منك ليها على المطبخ الرجالة عاوز تتغدي قومي فزي منك ليها بسرعة.
مليكة: بس ياماما انا هقعد مع غسان علشان لو احتاج حاجة.
سميرة: اتصدقي شكل عصاية المكنسة وحشتك انجري شطبي المواعين اللي في الحوض وانا هقعد جمب ابني اكله وأشوف طلباته انجري يلا معاهم على المطبخ.
مليكة مشت تبرطم واللهي ده ظلم بقي مواعين مواعين منا قلتلك ياسميرة نحيب غسالة اطباق بس نقول ايه مافيش فايده هي دي سميرة.
سميرة من بعيد: سمعاكي يا ام لسانين ولو قمتلك هطعك يا مليكة الزفت.
مليكة: وعلى ايه الطيب احسن هغسلهم يا سميرة.
نسرين: بت يامليكة هي امك جيبانا من سوق بني عبس.
مليكة: اه لسة عايشه في زمن العبيد اخلصي بدل ما تيجي تبعنا في سوق عكاظ
ريما: بضحك هههههههههههه هو انتم متعرفوش تعدو اي حاجة من غير متتريقو عليها أنتم مشكلة. مش ببطل ضحك وانا معاكم
سميرة من بعيد
سامعة صوت كلامكم لوك لوك اشتغلوا احسنلكم
غسان: واللهي انتي عسل يا ماما.
سميرة: تسلملي بس هما مش بيجو غير بعصاية المكنسه بالك انت مراتك ياما اخدت علق بيها هي والبيت نسرين.
حازم: ونسرين كمان اضريت بعصاية المكنسة.
سميره: اه طبعا ايه كبيرة على الضرب.
نسرين: بت يالوكا امك بتشرفنا برا قدام جوزنا.
مليكة0: عارفه ياختي تلاقيها بتحكليلهم تاريخ المجد يتعانا
مليكة: ريما من فضلك ممكن تحضري السفرة على ما احط الاكل
ربما: عنيا يا لوكا.
حضرو البنات الاكل على سفرة وجلس الجميع في جو عائلي لايخلو من الحب و المرح.
سميرة: اتفضلو كلو انا مش بعرف أعزم يلا ياحازم
بت يانسرين اكلي جوزك.
وانتي ريما اكلي خطيبك اللي عامل مكسوف
وانتي يالوكا كولي علشان إلى في بطنك وانا هاكل ابني حبيبي بايدي
غسان: تسلمي يا امي انا ممكن اكل لوحدي.
سميرة: يعني تأكل لوحدك وتزعلني.
غسان: هو انا بردو ينفع ازعل القمر.
سميرة: كل سنة وانتم طيبين أن شاء الله يوم الخميس اول يوم رمضان كل واحد يقول نفسة في ايه علشان الفطار هيكون عندي هنا ومش هقبل عذر من حد.
غسان: وانا اصلا مش هشي من هنا يا امي و هقولك كمان نفسي اكل ايه.
سميرة: بيتك يا حبيبي وانا مش هسيبك تمشي اصلا الكلام ده العاملين نفسهم ضيوف ومكسوفين
خالي باللكم البيت هنا مفتوح للكل في أي وقت محدش يخش بيت سميرة و يبقي ضيف لاء ده صاحب بيبت.
غسان: لوكا كلي كويس علشان النونو عاوزة يبقي قوي كده وعنده عضلات
مليكة: يا سلام مش عاوزة بلمرة بطل رفع اثقال.
سميره: أتلمي واسمعي كلام جوزك.
مليكة: حاضر ياسميره على فكرة أنا بتك انتي عاملة عليا حما ليه.
غسان: غمز لمليكة ايه الحلو بيغير ولا ايه.
مليكة: سم كده ماشي يا عم غسان ربنا يهني سعيد بسعيدة
انتهو من الاكل
سميرة: روحي انتي يامليكة شوفي جوزك وانا والبنات هنشيل الاكل
مليكة: حاضر ياماما.
ذهبت مليكة عند غسان كان قاعد مع حازم ونادر.
نادر: انا بقي استأذن علشان مشواري طويل.
مليكة: لسة بدري يا نادر اقعد شوية
في دخلت سميرة بأطباق الفكاهي.
سميره: في ايه يا بني وقفت لية اقعد شوية.
نادر: معلش بقي يا حاجة مشواري طويل.
سميرة: ماشي يابني بس اعمل حسابك اول يوم رمضان عندي كل سنة وانت طيب.
نادر: وانتي طيبه يا حاجة عنيا حاضر هاجي أن شاء الله افطر معاكم اول يوم
يلا مع سلامة تؤمر بحاجة يا غسان متقلقش أنا هتابع شغل المزرعة
سميره بتنادي على ريما
ريما يا ربما تعالي وصلي خطيبك علشان ماشي يلا يا حببتي
ريما: حاضر يا ماما.
ذهبت ريما مع نادر لحد الباب.
ربما: مش كنت تقعد شوية مشبعتش منك خالص.
نادر: وانا كمان مشبعتش منك ووطي خطف بوسة من خدها
احمر وجه ربما بشده
نادر: اموات انا في اللي بيتكسف ايه الكسوف ده كله اهدي كده هتفضحينا وشك بقي شبه الطماطم يخراشي امال لو بوستك من هنا و ماسك شفايفها يايده.
ريما: نادر اتلم وانزل بدل غسان ما يحس بحاجة يطين عشتنا
نادر: ماشي يلا سلام يا حبي وخطف بسرعة بوسه تانية من شفتيها وجرا قبل ما تعترض
وقفت ريما متنحة و شها الوان الطيف كلها
في جيه نسرين.
نسرين: ريما ريما انتي يابت مالك متنحه كده ليه ووشك ماله يخربيت عقلك وشك احمر كده ليه
هو عمل ايه هتفضحينا
ريما شورت على شفايفها.
شهقت نسرين: طيب بس اكتمي يلهوي اخوكي بيبصللك وعينه مش بتنزل من عليكي.
غسان: في اية يابنات واقفين عندكم بعيد كده ليه تعالو اداقعدو معانا
نسرين: ماشي هحيب الشاي و جاية
مليكه: تعالي يا ربما انتي
التفتت ريما ليهم وشها كان لسة احمر جداااا.
غسان ابتسم في سره هو عارف أخته لما تتكسف بتقلب احمر لمده طويله
غسان: بخبث مالك يا ريما وشك احمر كده ليه انتي تعبانه
ريما: هه لاء ايه احمر ليه اه افتكرت اصلي حرانه قوي.
غسان: اممم حرانه طايب.
وطت مليكة على غسان.
مليكة: غسان تحب تخش تريح شوية.
غسان: بهمس بصراحة أنا عاوز اخش الحمام ومكسوف قوي.
مليكه، : في حد بيتكسف من نفسة اصبر بقي هفضي اليله دي
غمزت مليكة لنسرين فهمت قصدها.
نسرين: مش يلا ياحازم ننزل احنا كمان نرتاح يلا يا احلام انتي كمان.
احلام (يلا يابنتي انا كمان تعبت قوي
نزل حازم ونسرين وأحلام تحت.
سميرة: وانتي يا ريما يلا علشان ننام.
مليكة يلا بينا على حمام
دخلت مليكة غسان الحمام سند عليها وقام من على الكرسي وهو يشعر بألم فظيع في ظهرة
غسان استني برا على الباب.
طلع غسان أسند عليها قاعدتة على كرسي
ومشت لحد االاوضه
ساعدته في تغير هدومة و سندته علشان يريح على سرير.
غسان: رايحة فين يالوكا.
مليكة: هغير هدومي واجي
غيرت مليكة هدومها بهدوم خفيفة.
غسان: ايه الجمال ده تعالي بقي في حضني وحشاني ونفسي اشبع منك. ضمها في حضنة مليكة انا ممكن اطلب منك طلب
مليكة: عنيا يا غسان خير.
غسان: لو ربنا مأردش ليا الشفا انا بحلك من.
وقطعت كلامة بأنها وضعت شفايفها على شفيقه تكتم كلامة
مليكة: ده ردي على كلامك انا لو هقعد العمر كله تحت رجلك مش حكل يوم. منك
انا بحبك يا غسان بحبك انت اجمل حاجة حصلتلي
ممكن بقي ننام علشان سميرة بكرة هتهد حلينا علشان هي ليها طقوس كده بتستعد فيها لرمضان.
غسان: ربنا يخليهالك حنينة قوي بجد لما بتحضني بحس انها امي.
مليكة: ما هي امك بردو ولا ايه
وحضنها ونامو في جو من الحب و الاشتياق
صباح اليوم تاني صحو على خبط على الباب قامت مليكة فتحت
مليكة: خير يا كلب البحر عاللصبح قلت هتتجوزي وتعقلي بس مافيش فايده في حد بيخبط على ناس نايمة انتي يابت فين جوزك.
نسرين: صحيته طبعا من بدري أصل بعيد عندك سميرة وأحلام أعلنوا الجهاد ياختي طقوس رمضان كل سنة وانتي طيبة
مليكة: يعني هنبداء الأشغال الشاقة المهم يعني مين اللي هيشتري الزينة و النوار.
نسرين: عيب عليكي و انا صحيت حازم من بدري ليه.
مليكه: كفاءه شطورة اخلعي هغير هدومي واجي
دخلت لقت غسان بيتكلم في التليفون
غسان: ماشي يا حازم زي متفقنا سلام.
مليكة: كنت بتكلم حازم خير في حاجة
غسان: لاء كان بيطمن عليا.
مليكه: تمام مش يلا بقي علشان تخش الحمام.
انتهي غسان من الحمام و تغير ملابس.
طلع كان حازم وصل ومعاه شيل وكياس كتير
غمز غسان لحازم و حازم فهم وهز رأسه.
دخلت سميرة كل سنة وانتم طيبين باولاد
غسان: انا شامم ريحة تحفة ريحة ايه يا ماما
سميرة: دي ريحة الفول على النار بدمسه علشان السحور يا قلبي
غسان: بس ريحته تجنن بجد
نسرين: حازم جبت كل اللي قلتلك عليه
حازم: اه فرد حازم الانوار و الزينه.
مليكة: الله شكلهم تحفه قوي. الله شفت ياغسان الفانوس الصغنون ده انا هاخده لنونو
غسان، : بصراحة أنا أول مرة احس برمضان السنادي. مختلف خالص
مليكة: بت يانسربن اوعي تكوني ناستي تقوليلو على الصواريخ والبنب
نسرين: عيب عليكي وانا هفرقع ايه قبل الفطار لا طبعا دا اوي حاجة كتبتهالو. اوعك تكون مجبتهاش.
حازم: وانا اقدر مجبهاش لا طبعا.
وانشغل الكل في تعليق الزينة و الانوار في جو من البهجة و الفرح
غسان: حازم متنساش تحيب بليل زبادي
سميرة ليه بقي يجيب
غسان: علشان السحور يا ماما
سميرة: وانا لازمتي ايه
قالت مليكة
اصل ماما بتعمل الزبادي في البيت مش بتشريه.
سميرة، : يابنات اعملو حسابكم الكل يخلص تعليق الزينة وعلى المطبخ قدمنا شغل كتير
بت يانسربن هي احلام مطلعتش ليه هي مش عارفه أن في محشي لسة هيتحشي.
نسرين: تلاقيها بس بتخلص البت وطالعة.
دخلو البنات المطبخ
مليكه: بصو بقي انا غسلت المواعين امبارح يعني انهاردة وبكرة انا بخ فاهمين.
ربما: ليه بقي هو انتي هتجيبي مواعين امبارح زي مواعين انهارده وبكرة يا ختي لاء انتي بتخمي.
مليكة: و حيات النبي اعمل دايخة و الحمل تعبني وابلط فيها و اتعكو انتم مع سميرة وأحلام لوحدكم بقي.
نسرين: اوعي تعمليها دول اشترونا من سوق العبيد و نسيونا
مليكة: يبقي تسمعو كلامي مش عاوزة نقاش انا مش هغسل مواعين انهارده وبكرة
.
نسرين: اه يا مليكة الكلب ماشي يا زفته موافقين.
سميرة: هو مؤتمر القمة ده مش ناوي يخلص ونشوف هنعمل ايه
اوعو تنسو فيكم حد يبل البلح
هنا تلاته في صوت واحد حاضر.
وبداء العمل في المطبخ على قدم وساق استعداد لاول يوم رمضان
وفي مساء اتجمع الكل على السحور.
سميرة: مليكة صحيتي جوزك علشان السحور
ملكية: ايو ه يا ماما هروح اجيبه.
مليكة: غسان انت لسه نايم يلا بقي السحور جاهز
ساعدت مليكة غسان أنه يقوم.
غسان: سرق بوسة منها قلت اللحق نفسي بتصبيره مش كفايا قاعد على كرسي مش عارف اشحن.
مليكة: هههه انت قليل الادب على فكره.
غسان، : عارف على فكرة ومشتاقلك على فكره.
مليكة: عيب وطي صوتك
غسان: انتي ناسيه. ان بكره صيام اي حاجة تصبر العبد لله الغلبان
مليكة: 0 ماشي يا عم بعد السحور علشان سميرة قاعده برا مستنينا
غسان: وعد يا حبي.
سميرة: من برا يلا يا نحنيح السحور مش عارفه هيستناكم اخلصو
قاعد غسان ومليكة على السحور.
غسان: الفول طلع حكاية بجد يا سمسمة تسلم ايدك.
سميرة: تسلم من كل رضي.
مليكة: اول ما شمت ريحة البيض جرت على الحمام.
غسان: في ايه يالوكا.
سميرة: معلش بقي شهور الوحم ربنا يكملها على خير أنهوا من السحور
وبعد السحور دخلو الاوضة.
غسان: اظن انك وعديني بسبوسة صح.
مليكة: بوسة وحضن كمان يلا مش خسارة فيك.
اخدها غسان جوه حضنه ونامو في حضن من الحب.
وفي صباح اليوم التالي انسحبت مليكة براحة من جمب.
غسان علشان ميصحاش وقامت لسة في تقوم وجدت يد تمسكها
قال غسان: هتهربي فين كل سنة وانتي طيبة اول رمضان يعدي علينا واحنا مع بعض ربنا يباركلي فيكي ويجعلك قرة عين لي يارب
وطلع من جمبه كيسة كبيرة
كل سنة والقمر بتاعي طيب
مليكة اده ياغسان
غسان افتحي وشوفي
فتحت مليكه لقت فانوس كبير مكتوب عليه بفصوص الماظ بتلمع و تنور
(ملكة القلب والفؤاد مليكة عشق غسان)
وبيغني اغاني رمضان وفي الاخر مليكة عشق غسان.
مليكة دموعها نزلت وقالت بحب
الله يا غسان انت عملت كل ده أمتي
تحفه تحفة بجد.
غسان: كملي باقي الهدايا
فتحت لقت فانوس صغنون
مليكه: اده اوعي تقول ده لنونو.
غسان: طبعا هو انا اقدر انسي ده حته منك يالوكا.
حضنته مليكة بحبك قوي قوي قوي ياغسان.
غسان: ابعدي عني يابت الناس اللهم إني صايم.
طلعت مليكة تساعدهم في المطبخ و الكل سعيد و مبسوط.
نسرين: مليكة معلش اعملي انتي القطايف على بال ما اعمل شربات الكنافه.
ريما: طايب اروح انا اعمل العصائر هعملكم بقي خروب حكاية.
الكل كان بيشتغل بحب وسطت ضحكات الكل.
وبرا المطبخ طبعا الرجالة مانتخة كالعادة.
غسان: حازم جبت صواريخ.
حازم: طباعا يا كبير انت لو نسيت نسرين مش هدخلني البيت اصلا.
غسان: طيب تعالي بقي نفجع البنات.
نادر: أوعو حد يجي جمب ريما البت حساسة.
غسان: تعالي هنا يا حونين فكرتني انت عملت ايه للبت لما كنت هنا من يومين يا عم النحنوح.
نادر: . ارتبك ووشه احمر هه لاء معملتش.
ضحك حازم عليه وخرجه من الموقف بسرع.
حازم: نادر الحق فرع النور ده هيقع وغمز لغسان علقه كويس
نادر: اه صحيح هيقع.
غسان: بضحك اهرب اهرب بس. خف تعوم هه اصبر لما نكتب الكتاب ياخويا اهدي على نفسك بدل ما اعلقك مكان الفانوس ماشي
وقرب معاد المغرب و اتجمع الكل على السفرة في جو حب أسري جميل
مدفع الافطار اضرب وانطلق الان مدفع الافطار اتنمني لكن صوما مقبولا وإفطار شهيا و بداء الاذان المغرب
وبداء الكل في الأفطار بحب وسعاده.
قلت اخلي البارت ده خفيف من غير مشاحنات و من غير فوزية المفتريه نرجع بكرو بقي أن شاء الله للانتقام من فوزية.