رواية قاسي امتلك قلبي للكاتبة نرمين قدري الفصل الثالث والعشرون
انتبهت فوزية لحالة مليكة وقالت في نفسها
هي ايه الحكاية البت دي كل لقمة تجري على حمام
دي مصيبة لتكون حامل لأن لو حامل كده الوضع اتغير لازم اخلص منها بسرعة غسان لو عرف بلحمل ده مش حبيبي يتجوز رنا لازم اتصرف بسرعة قبل ما الوقت يعدي.
قام غسان مسرعا خلف مليكة وقال بلهفة وخوف: مليكة انتي كويسة محتاجة دكتور.
اجابت مليكة دون أن تنظر لعنية
أيوة كويس مش محتاجة دكتور عن اذنك.
غسان: استني هنا انا مخلصتش كلامي
مليكة: خير في ايه تاني.
غسان: انا ملاحظ أن مافيش حاجة بتقعد في بطنك تعالي نروح للدكتور
مليكة: ملهوش لازمة اصل انا اخدت دور برد عن اذنك علشان عاوزة اطلع انام شويه.
غسان. : ماهو مافيش نوم غير لما تاكلي اتفضلي على السفره
مليكة: غسان بطل تكلمني بصيغة الأمر لانك عارف كويس أن أنا مش بحب كده تمام.
غسان: اتفضلي على سفرة.
دخلت مليكة وغسان.
قالت فوزية بخبث
خير يا مليكة مالك كل شوية تجري على حمام مافيش اي اكل بيقعد في معدتك
مليكة: ابدا مافيش شكلي اخدت دور برو بس في معدتي عادي
فوزى: واللهي ربنا يشفي.
غسان: خير يا عمتي هو في حاجة.
فوزيه: لا ابدا يا حبيبي يطمن على مراتك.
غسان: مليكة لو خلصتي اكل اطلعي ارتاحي شوية.
مليكة: انا مش قادرة اكل انا فعلا عاوزة انام عن اذنكم نسرين معلش تيجي معايا شوية.
نسرين: حاضر يا لوكا
دخلت نسرين ومليكة الاوضة
نسرين: خير يا لوكا فيكي حاجة.
مليكه: لاء بس كنت عاوزة اطمن عليكي انت وحازم.
نسرين: لأ تمام الحمدلله بس طلعت روحة شوية بس خلاص حصل وبقيت مراته رسمي فهمي نظمي هربت من العنوسة يا لوكا
مليكة: الف مبروووك يا حببتي.
نسرين: وانتي يا مليكة هتفضلي كده لحد أمتي سامحي يا مليكه طول عمرك قلبك كبير و بتعرفي تسامحي اشمعني المرادي
واللهي غسان طيب و باين في عينه أنه بيعشقك مش بيحبك. ده مجنون بيكي لابعد حد مشفتيش شكله لما جريتي على الحمام كان هيموت من الخوف عليكي
سامحية وكفايا كده.
مليكة: مش المسامحة بردو مقرونه بالمقدره انا مش قادرة مش قادرة كل ما افتكر اللي عملوا معايا واللهي ما قادرة انا حاسه ان في حاجة جوايا كبيرة مكسورة
صحيح حبه لسه في قلبي وكل يوم بيزيد عن اللي يوم اللي قبله بس مكسورة مش قادرة و اللهي يانسرين غصب عني.
كل ده وغسان واقف برا سامع كلامها وشهقات عيطها.
نسرين: مليكة ممكن تهدي علشان اللي في بطنك هو ملهوش زمب في اللي انتي فيه الزعل غلط عليه اظن بردو انك دكتورة وعارف اهدي بقي.
مليكة: انا اللي مخليني هنا لحد دلوقتي وهو يا نسرين مش عاوزه يتربي من غير. اب. متاكده أن غسان حيكون اب حنين قوي
نسرين: أيوة كده أظهر وبان عليك الامان.
مليكة: نسرين انتي مش فاهمني.
حضنتها نسرين وقالت بحنان: واللهي فهماكي وعارفه انك شايله على خطرك من غسان بس صدقيني غسان بيحبك قوي
هو غلط انا مش ببر اللي عملوا بس برضو نلتمسلو العذر احنا معشناش مكانه ومنعرفش العقربه ربته ازاي أو ملت دماغة بايه. ومتنسيش أن الزمن قاسي عليه كفايا أنه اتربي من غير حضن أمه
وعارف أنها عايشة وهي اللي رمتو لفوزيه.
حطي نفسك مكانه يعني لو سميرة رمتك لحد تاني يربيكي وعارفة عمرك كله أن امك حد وحش وخاين واتربيتي على كرهها. وفجاءة بعد ما ماتت وانك اصلا مشبعتيش من حضنها تكتشفي أنها كانت مظلومة ومحبتش حد قدك حتعملي ايه اكيد حتكوني زي مجنونه عامله زي طير و كسرتي جناحة وعمالة تقوليلو طير
اكيد هيفضل يخبط في الكل لحد ميعرف يطير تاني صح والا انا غلطانه.
مليكة: كل كلامك صح يا نسرين ساعات بتكوني عاقله وبتقولي كلام في حكم بس انا مش عارفه اعمل ايه.
نسرين: خلاص مش مطلوب منك تعملي حاجة انتي اهدي كده واستحملية لحد ميرجع حق أمة.
ماهو مش هيهدي ويرتاح غير لما أمة تنام في تربتها مرتاحة هو حاسس بالذنب اتجاه امه وان روحها مش مرتاحه اهدي عليه شويه المفروض انتي الايد اللي بطبطب عليه.
مليكه: واللهي كان نفسي اخده في حضني لما شوفته في فرحك بعد غياب شهر وعشر ايام بس كرمتي وجعتني
عارف ان بين الاحبه مافيش حاجة اسمها كرامة احنا الاتنين وجعنا واحد.
الشوكة لو جرحت ايدي هو اللي بيتألم مكاني والعكس. يعني هو لو تعب أنا اللي حتتعب مش هو علشان احنا الاتنين كاءن واحد في جسدين.
اوعي تكوني يا نسربن فاكرة اني مش حاسة بلحرح اللي هو فيه العكس. انا حاسة بألمة زي ما قلتك الشوكه اللي في أيده انا اللي احس بوجعها قبله علشان هو حته من روحي.
انا بعشقة عروقي دي بيمشي فيه الدم وبيمشي فيها حبه.
نسرين: فينك عم غسان تسمع الكلام الجامد ده ربنا يهدي سركم و يهنيكم لبعض الحياة قصيرة يا لوكا بلاش تطولي الخصام بنكم علشان كتر البعد بيصنع الجفا.
مليكة: هو اللي بعد وسابني ومسألش فيا يا نسرين مش انا سابني في عز ما كنت مجروحة.
نسرين: هو كان لازم يبعد علشان متخصروش بعض هو عارف أنه غلط معاكي غلط كبيرة هو فرغ كل غضبه فيكي من غير ما يحس واول ما حس اختار البعد علشان ما يأذكيش اكتر من كده خاف عليكي من نفسه.
اوعي تفتكري أنه كمان متعذبش في البعد بالعكس ده الاشتياق و الحنين حينط من عينه.
مليكة: عارف يا نسرين وحاسة بيه قوي هو كمان محتاج لحضني زي ما انا محتاجه بس كل واحد بيكابر.
نسرين: وامتي بقي ناوية تفرحي قلبه وتقوليلو على حملك
مليكة: مش عارف يمكن لما اصفي من ناحيته بس دلوقتي ما اظنش.
نسرين: الزمن كفيل بكل حاجة أن شاء الله ربنا حيصلح الحال.
الباب خبط ودخل غسان وعينه على مليكة ينظر لها نظرة حب.
غسان: عاملة ايه دلوقتي.
مليكة: الحمدلله احسن ثم التفت لنسرين.
صحيح يا نسرين حازم تحت مستنيكي عاوزك علشان اروح سوا.
شهقت نسرين وقالت: يالهوي انا نسيت اني متجوزة سلام بقي المز هيهرب و انا مصدقت لقيت عريس يابوي عريس.
ضحكت مليكة على خفت دم صديقتها في دائما ما تحاول أن تفك مليكة من حزنها ونعم الاخت و نعمة الصديقه ونزلت تحري.
مليكة: ربنا يهنيكي يا نسرين ويراضيكي و يجعلك من المقربين لله و يزيد محبه حازم ليكي ويهدي سرك يارب.
غسان: ينظر لها نظرة اعجاب مشاء الله عليكم بجد صداقتكم دي بتعجبني قوي ربنا يخليكم لبعض.
مليكة: بهدوء نسرين صديقت عمري كله اكتر من اخت انا عمري ما اتخيل حياتي من غيرها هي الروح الحلوة اللي يتنعش حياتي.
لفها غسان له وانا يا لوكا. اوعي تقولي الروح الشريرة اللي بتنكد عليكي.
نظرت مليكة في عينه بعد غياب شهر لم ترفع عينيها في وقالت
انت سر وجود الروح في صدري علشان لو انت مش موجود الروح هتطلع لخلاقها.
غسان عنية أدمعت من كلامها وقال
الله الله الله عليكي وعلى احساسك العالي واخيرا راضيتي عني و بصبتي في عنيا كنت هموت كل متكلميني وانتي باصه في الأرض وحشني القوة اللي بستمدها من عنيكي
و حشتني قوي نظرت عينك اي كان النظرة. نظرة لوم زي اللي شايفها دي. نظرة حب نظرة عتاب
بحب كل نظرة من عينك مع كل اللي يتحملو معاها من معاني.
انا راضي بكل نظرة عتاب وكل نظرة لوم منك بس اوعي متبصوليش تاني انا بجد اللي ممكن اموت فيها.
مليكة: بس مش معني كده اني سامحتك سيب الزمن يداوي الجرح على مهله.
غسان وانا راضي بس متحرمنيش منك وانا كفيل اخليكي تسمحيني انا معنديش اعز منك.
وفي جانب تاني.
رنا: في اية يا ماما رايحة جاية وترطيني ما خلاص غسان حطهيتجوزني و هتمضي معاه أكبر صفقة دخلها عاوزة ايه تاني
فوزية: عاوزة احميكي من الجاي.
رنا: هو ايه اللي جاي تاني بقي اي حاجة مش مهم المهم عندي اني اتجوز غسان واحرق قلب زفته دي علشان تبطل تنطط عليا.
فوزية: منا بقول ايه الزفته دي حامل من غسان ياختي.
رنا: . ااايه مش معقول انتي بتهزري طايب ازاي وهو غابب شهر عن البيت.
فوزية: انتي موكوسة بايت حملت قبل ما يسافر حملت قبل ما يسافر اعمل ايه وأروح فين.
رنا، : كده كل اللي خططناله راح على الفاضي صح.
فوزية: لا ورحمة امي انا بقالي سنين بخطط من ساعة الزفته كامليا مش هتيجي حتى بت مفعوصة وتبوظ كل ده
رنا: ماما اتصرفي باي طريقة بس ماستهباش تاخد غسان.
فوزية: بصي هو من الظاهر كده إن غسان لسه ميعرفش بموضوع الحمل ده وكده في مصلحتنا.
رنا: حتلعبي نفس اللعبة اللي لعبتيها على خالي وتشككي غسان فيها صح.
فوزية: لاء طبعا غسان غير باهر مش هتخيل عليه الحكاية دي. من الاخر لازم نخلص منها وبكرة مش بعده
رنا: هتعملي ايه.
فوزية: اصبري واتفرجي
ماسكت فوزية التليفون.
فوزية، : الو ايوة عباس ازيك معاك فوزي. كيلاني انت لسة بتجيب علف للمواشي عندنا.
عباس: أيوة يا هانم وبكرة جاي عندكم.
فوزيه: تمام اسمع بقي كويس هقولك ايه ويتنفذ بلظبط مش عاوز غلطة مفهوم.
عباس: مفهوم سمعت وهينفذ زي ما حضرتك قلتي بس حقي فين.
فوزية: خلص وقابلني عند الباب الشرقي المزرعة. معايا عشر الاف جنيه حلوين.
عباس: ده كده اتعشت خالص حلوين طبعا يا هانم احنا نحب نخدم في أي وقت.
فوزية: بس المهم عندي الدقة عرفت هتعمل اية بلظبط يلا روح وعاوزة اسمع اخبار حلوة.
وعند ريما: الو ايوه يا نادر انا الحمدلله كويسة.
نادر: طايب ايه بقي انا زهقت وعاوز الموضوع يكون رسمي
. ريما: ما انت شايف الوضع حعمل ايه الدنيا متلغبطة خالص هنا
و بصراحة وضع غسان و مليكة ميطمتش مليكة شايله جامد من غسان وغسان مش عاوز يتنازل و يصالحها.
نادر: أن شاء الله ربنا يروق الحال غسان صاحبي وانا عارفه طبعة قاسي بس قلبه طيب قوي وبيحب مليكة جداا على فكرة.
ريما: عارفه أنه بحيحبها بس هنعمل ايه.
نادر: انا اعمل ايه انتي وحشتيني قوي بصراحة نفسي اشوفك بقي
ريما: معلش نستحمل شوية هانت.
نادر: لاء انا بكرة هكلم غسان واللي يحصل يحصل انا كل اللي طلبه نعمل قراية فاتحة خطوبه اي حاجة اقدر اشوفك بيها.
ريما: نادر انت جميل قوي.
نادر: وانا حبيتك قوي
وعند غسان.
مليكة: انا رايحة انام في الاوضة والتانية بعد اذنك.
غسان: مليكة لو سمحتي متسبيش الاوضة انا وعدتك حسيبك تاخدي وقتك لحد متيجي لحد عندي وتقوليلي سامحتك.
مليكة: غسان اهم من اني اسامحك انك تعرف انك غلط في حقي و مش مرة واحدة كذا مرة.
غسان: مليكة انا مغلطش انتي اللي متسرعة افهمي الاول انا بعمل كده ليه وبعدين خدي قرارك هتعملي ايه لكن تعلي صوتك عليا قدام الناس لاء ده عمره ما حيكون مسموح بيه خالص
عارفه اكتر كلمة دبحتني من جوايا لما قوليلي اني نزلت من نظرك ياااه على دي كلمة كانت زي الخنجر اللي بيقطع في قلبي
عارفة لما الزوج ينزل من نظر مراته مابيبقاش راجل في نظرها.
مليكة: انا مقصدتش الكلمة بمعانيها واللهي.
غسان: خلاص يا مليكة مش وقت عتاب وتفتيح في جراح نامي لأن شكلك تعبان وبكرة عندنا شغل كتير في الزريبة الأسمدة حتوصل و المصل بتاع الحيوانات و العلف
الشغل كتير بس شكلك مش هتقدري تشتغلي.
مليكة: ؛ لا طبعا انا بلاقي نفسي في الشغل كفايا اني بنسي همومي فيه أن شاء الله هقدر على الشغل.
غسان: طايب يلا نامي بقي.
نامت مليكة فور وضع راسها على مخده بدون اي مقدمات.
غسان وقف مده باصص عليها وقرب منها وطبع قبله شوق على شفايفها اهو لو تعرفي وحشاني قد ايه حموت واخدك في حضني اااااااااااا ه يا ملكة القلب والفؤاد بحبك وعمري ما حبيت حد قبلك حقك عليا انتي جيتي في الوقت الغلط معايا بس وحيات ابننا اللي في بطنك لعوضك ياقلبي اصبري عليا.
وسبها أقام اتصل بلتليفون.
غسان: أيوة يا حازم ايه الاخبار.
حازم: بزمتك أنا راضي زمتك ده وقت تتصل بيه بعريس جديد مبقالوش يوم علشان تسألني ايه الاخبار ملها الاخبار حلوة الاخبار سبني بقي لما اشوف انا اخر الاخبار أو نزل حتى بمنشت صغير.
غسان: بضحك هههههههههههه. روح خلاص بس علله ترفع رسنا شكلك بق على الفاضي.
حازم: روح يا غسان احسن ما اجيلك
قفل حازم التليفون.
اشطه فاضتليك يا جميل تعالي ببقي نيرو هو احنا كنا بنقول ايه كده من الاول
رن تليفونه تاني.
حازم: يادي ام الليلة اللي مبصوص فيها.
حازم: الو ايه. يازفت انت التاني.
نادر: حازم ماهو مش هينفع كده انت لازم تكلم مع غسان انا عاوز اتجوز.
حازم: مش لما اتهبب انا الاول نادر غور انتم كلكم ناسين اني لسة عريس ايه ياربي الصحبية اللي زي الزفت دي.
نادر: اوبا اوبا أتصدق نسيت بتعمل ايه يلا رافع راسنا ولا بق.
حازم: اتصدقو انا هقطع علاقتي بيكم صحاب عرر
وادي التليفون قفلو وراح لعالمة الخاص مع نسرين.
وفي الصباح الكل اتجمع على فطار.
فوزية: غسان انا عوزاك تقعد معايا انهاردة تقولي كل حاجة عن الصفقة اللي حنخشها.
غسان: بلاش انهاردة علشان عندنا شغل كتير. في الزريبة.
فوزية: وانت مالك ومال شغل الزريبة مش مليكة اللي ماسكة الشغل ده واظن هي قاده و لا ايه يا مليكة.
مليكة: لاه طبعا انا قاده خلاص ياغسان خليك انت مع عمتك وانا وهشوف الشغل هناك.
رنا: انا مليش دعوة بكل ده انا عاوزة اعرف انا حتجوز أمتي علشان زهقت.
مليكة في سرها في الجنة إن شاء الله ياختي هتجوزي في الجنه
غسان: رنا قفلي على الموضوع ده دلوقتي احنا داخلين على صفقة كبيرة لو خسرنها حنعلن افلاسنا اصبري كده واهدي.
فوزية: يعني ايه ياغسان انا شرطة مش حخش شريكه معاك غير لما نمضي عقد جواز.
وش مليكة جاب اللوان بس متكلمتش اكتفت بالنظر لغسان.
قام واقفا وقال وهو يستعد للرحيل
ربنا يسهل يلا يا مليكة زمان عباس جاب العلف عاوزك تسلمي منه وانا رايح المكتب هشوف الوضع وهرجع عندك يا عمتي علشان نتكلم.
خرج غسان ومليكه.
رنا: شوفتي بيماطل ازاي شكله مش هيجوز وبكرة افكرك.
فوزية: اهدي خالص دا اللعب اشتغل على أصوله.
فوزي: الو أيوة يا عباس ها عملت اللي قلت عليه.
عباس: عيب ياست هانم دانا عباس
نص ساعة و الزريله كلها هتبقي فوق السنيورة وابقو اعرفو بقي لمو جستها من تحت العلف دي حتتساوي بالأرض و ضحك ضحكات شريرة.