رواية فتاة بمئة رجل للكاتبة سدرة أمونة الفصل الرابع
قدر بحزن؛ شو مليتي مني؟
ام راشد: لا والله بس عم تقل عليكي حاج هي صرلي فترة طويلة هون
قدر جلست بجانبها بابتسامة: وانا ما بتعتبريني متل بنتك
ام راشد بحب: اي والله ياعمري
قدر بصوت مهزوز: لكن كيف< ام>بتقل ع بنتها
ام راشد: الله يحميكي ويحقق مرادك
قدر قبلت يدها: الله يطول بعمرك، يالله انا بدي روح ع الدوام جبلك معي شي؟
ام راشد: سلامت قلبك
قدر غمزتها: شو رأيك نطلع نتغدا برا؟
ام راشد بابتسامة؛ ماشي.
قدر: تمام جهزي حالك ع ٢ الضهر بكون هون و منروح
ام راشد: ان الله راد.
ذهبت إلى القسم التقت مع المجموعة
قدر بابتسامة؛ هاياتوو
ادم بادلها الابتسامة: اهلا وسهلاتوو
قمر: شو متأخرة اليوم ليش؟
قدر بحزن: صار مشكلة بالبيت خلتني اتاخر
يامن: حاج حكي روحو ع شغلكن
قدر: اي والله لازم خلص شغلي قبل ال٢ الضهر
ادم باستغراب: اوف وليش ال٢ الضهر بالتحديد؟
قدر: وعدت ماما اخذها ع مطعم
يامن بترقب: ليش امك عندك؟
قدر بحزن؛اي، بس ما بتعرفني انا بنتها
قمر: كيف يعني.
قدر قصت لهم الحكاية: وصار معها اردجاج بالدماغ و فقدت الذاكرة، و فجأة بيغمى عليها
ادم: وكيف صار معها هيك؟
قدر: هلئ بالظبط ما بعرف بس الدكتور قال خبطة قوية ع راسها مما ادى إلى هيك
يامن: الله يشفيها، بس كيف بتأمني تتركيها لحالها؟ طول هالفترة
قدر: بقفل عليها كل الابواب و شو بيأذي ببعدو عنها.
راشد: اسمع منيح و فتحلي مخك ما بدي ولا غلطة و الا رح يكون موتك هالمرة
: انا تحت امرك
جلس و اصبح يقول له ماهي الخطة الجهنمية
راشد: فهمت شو تعمل
: عتبر كلشي صار من هاللحظة
راشد بابتسامة شر: المرحومة قدر.
اتت إلى المنزل اخذت حماماً سريعاً و ارتدت ثيابها جرت مكالمة وخرجت شاهدت والدتها قد جهزت نفسها و تنتظرها ابتسمت و خرجا إلى المطعم ولكن قلبها ليسَ مطمئن بعدما جرت المكالمة.
جالسة و تعلب بالهاتف
ام قمر: قمر
قمر وهي تنظر إلى الهاتف: اي امي
ام قمر بهدوء: لك امي ايمت رح تحطي عقلك براسك؟
قمر نظرت اليها بعدم فهم: ليش شو عم اعمل؟
ام قمر: تتزوجي والله حابة شوف اولادك
قمر: امي كم مرة رح نحكي بهالسيرة
ام قمر: لك يا امي ما عندي غيرك خليني كحل عيوني بشوفت حفيدي
قمر تنهدت بيئس: امي ما بدي اتزوج جربت حظي
ام قمر: والله ما كلن متل بعض.
قمر نهضت بحدة: امي هالسيرة ما بقى تجيبيها وانا موجودة تمام، والعرسان يلي عم تتقدملي قوليلن ما بدها تتزوج ونقطة بأول السطر
ذهبت إلى غرفتها وهي تكبت دموعها ارتمت ع السرير و اصبحت تبكي بحرقة
قمر بدموع: لك ليش امي ما عم تفهم عليي، لك اخخخخ يالله والله تعبت تعبت.
في المساء
قدر بابتسامة: شو نبسطي؟
ام راشد بابتسامة: اي والله
قدر بحب: خلص الك عليي كل يومين طلع هيك مشوار تكرم عيونك
ام راشد: الله يكرمك و ينور دربك.
يامن: ادم
ادم: نعم
يامن بتفكير: هلئ شو السر يلي مخبايتو قدر علينا؟
ادم بغيظ؛ شو قالولك بعرف بالغيب
يامن: لا عنجد، شكلو سر كبير كتير
ادم: الله اعلم، الا مايجي يوم و تقول شو هو.
في الصباح يوم التالي
استيقظت اخذت حماماً و ذهبت إلى القسم دلفت إلى مكتبها لتبدء عملها و هي تفحص الاوراق شاهدت كميات هائلة من الشكاوى لم يتحقق بها بعد
اخذتهم و ذهبت إلى مكتب العميد حيدر وضعت الاوراق ع الطاولة
العميد حيدر بترقب: شو هدول؟
قدر بجدية: هدول الاوراق فيها شكاوى المواطنين و صرلو زمان كتتر كمان.
نظرت قمر الذي استدعتها قدر هي والمجموعة قبل ماجيأها إلى مكتب العميد حيدر إلى الاوراق بذهول: ما بيصير صح كان في مكان شاغر بس انا كل نهار شوف الاوراق و مافي هيك شي خالص
قدر بترقب: متأكدة؟
قمر: اي ومية بالمية كمان
قدر وهي تفحص الاوراق شاهدت ورقة بغضب: كنت متوقعة
اخذت الاوراق بسرعة من فوق الطاولة و وضعتهم في سلة المهملات اشغلت الولاعة و احرقتهم وفتحت النوافذ لكي تخرج الرائحة
ادم باستغراب: ليش حرقتيهن؟
قدر: هلئ بتعرف كلشي، سيدي حضر حالك اللوا رح يطب علينا
هنا همدت النار، وخرجت الرائحة وكأن شيء لم يكن
اتى عسكري وادى التحية: سيدي اللوا صار بالقسم.