رواية فتاة القاضي للكاتبة رهف سيد الفصل الرابع والثلاثون
كان الشباب في الخارج يضحكون وفي الداخل
فاطمة، هي امك قايمة علينا كده ليه
ريماس. والله ما اعرف ي انطي
تالين، خلاص اعمتو بقى احنا مش حمل كل ده
امل، قطعي وانتي ساكتة ريماس اخوكي فين
ريماس، مش عارفة ي ماما بعد ما انتي نمتي هو خرج على طول
امل، يعني بقالو 5 ساعات برة
تالا، خلاص ي عمتو متخافيش شوية وهيجي
امل، قلبي واجعني علية
ترررررن ترررررن
تالا. دقيقة تلفوني بيرن
مسحت تالا يدها واخذت هاتفها وخرجت
تالا. الو.
جائها الرد بصوت به نبرة بكاء، تالا الحقيني
تالا، خالد! خالد مالك في إيه
خالد. تعالي علشان خاطري ومتقوليش لماما
تالا، اجي فين
خالد. القسم
تالا، القسم!
خالد، علشان خاطري تعالي ومتقوليش لحد حاجة
تالا، حاضر ي حبيبي متخافش قسم إيه
خالد، القسم اللي انتي بتشتغلي فيه
تالا، حاضر حاضر ي حبيبي مسافة السكة
اغلقت تالا الهاتف واتصلت بحسام
حسام، . ايوة ي تالا
تالا، حسام انتا في القسم
حسام، ايوة.
تالا. طب ركز معايا ابن عمتي جه القسم وانا مش فاهمه في إيه خدو المكتب عندي لو سمحت عقبال ما اجي انا شوية وهاجي
حسام، حاضر من عنيا
تالا. شكرا ي حسام
اغلقت تالا ودخلت إلى المطبخ
تالا. معلش ي جدعان انا لازم امشي
امل، رايحة فين ي تالا
تالا. مفيش ي عمتو طلبوني في الشغل
خرجت تالا بسرعة وارتدت ثيابها
هشام، رايحة فين ي تالا
تالا، رايحة القسم
هشام، ليه
تالا. في حاجة مهمة هناك اتصلو عليا وطلبوني
هشام، اجي معاكي.
تالا. لا لا انا ساعة وجاية
هشام. في حاجة ي تالا
تالا، هحكيلك بليل ي حبيبي
اقتربت تالا واعطتة قبلة على وجنته بسرعة ونزلت ساقت بسرعة حتى وصلت إلى قسم الشرطة دخلت إلى مكتبها ركض اليها خالد واحتضنها ربتت تالا على ظهره
تالا. في إيه ي خالد بس خلاص اهدى
حسام. مفيش ي تالا تعالي اقعدي
اخذته تالا وذهبت إلى الاريكة
تالا. مالك ي خالد
حسام، الغلط مش من عندو
تالا، لو سمحت ي حسام ممكن لمون وكوباية ماية
حسام، حاضر.
غادر حسام وتركهم وحدهم
تالا. خلاص ي حبيبي اهدى مالك في إيه
خالد، يارا
تالا، يارا! يارا مين
خالد، انا هحكيلك يارا ديه البنت اللي بحبها وهي بتحبني اووي ي تالا واتفقنا ان احنا نخرج انهرده مع بعض
تالا، واهلها يعرفو
خالد. ايوة انا قولت لاهلها كل حاجة
تالا، وعملو إيه
خالد، قالو ان ده حب مراهقه وهيروح بس معترضوش ان احنا نتقابل
تالا. وبعدين.
خالد، في ولد عندو 21 سنة اسمو مراد ده كل شوية يجي يدايقنا وانهرده لما رحت لقيتو بيحاول يمسك ايديها وهي ضربتو بالقلم رحت انا ضربتو لحد ما وقع على الارض بس محصلوش حاجة وبعدين ابوة جه وزعق وقال انو هيحبسني علشان هو غني و ليه معارف
تالا. واسطة يعني
خالد. ايوة ومع اني متاكد ان ابنو محصلوش حاجة بس عايز ينتقم وخلاص المهم انا مش مدايق ولا زعلان انا كل اللي خايف عليه يارا
تالا. متخافش هشوفها.
ازاحت تالا بعد شعراته لتجد كدمة حمراء
تالا، هو اللي ضربك كده
خالد، ايوة
تالا، طب خليك هنا ولو عيطت تاني ساعتها انا اللي هضربك مش خالد احمد القاضي اللي يعيط
خالد، انا مكنتش خايف غير على يارا
تالا، متخافش
دخل حسام ومعه اللمون، خد ي خالد طلعت راجل
وضعت تالا يدها في شعره وحركتها بسرعة
تالا. هروح اشوف عملت إيه ي حبيبي وجاية
خالد، ويارا
تالا، يارا إيه بس دلوقتي
خالد. ديه اهم من اي حاجة لو سمحت ي تالا.
تالا. ماشي ي خالد انتا عندك كام سنة
خالد. 17 وبعد اسبوعين 18
تالا، اشك والله
خرجت تالا وتوجهت إلى احد المكاتب
تالا. ازيك ي طارق
طارق. الحمد لله حمد لله على السلامة
تالا. الله يسلمك فين البنت و الولد بتاع المشكلة
طارق، الولد خدو حسام
تالا. والولد التاني
طارق، كان مع ابوه
تالا، لما يجي خليه يحصلني على مكتبي ويارا فين
جائها من الخلف صوت فتاه ترتجف وتبكي
ااننا.
لفت تالا وجهها لتصدم في فتاه جميلة ذات عيون زرقاء وشعر اسود وجسد متناسق
تالا، انتي يارا
اومات لها يارا بدموع فتحت تالا ذراعيها لتركض الفتاه وتبكي بحضنها
تالا. خلاص ي حبيبتي اهدي ثم قالت موجهه كلامها لطارق. المحضر ده عند مين
طارق، عندي
تالا. يتحولي فورا
طارق بضحك، واسطة واسطة
تالا، لا الولد التاني لازم يتربى
ادى طارق التحية العسكرية، تمام ي فندم.
اخذت تالا الفتاة وذهبت إلى مكتبها عندما فتحت الباب ركضت يارا إلى حضن خالد احتضنها خالد هو الاخر وقفت تالا وهي تنظر لهم باستغراب
خالد. عملولك حاجة
يارا، انا كويسة انتا حصلك حاجة
خالد، متخافيش ي حبيبتي
تالا، احم احم خلاص ي خالد اقعدو
جلس الاثنان على الاريكة وجلست تالا على مكتبها
تالا، عندك كام سنة
يارا، 17 ي حضرة الضابط
خالد، تالا احنا هنفضل هنا
تالا. مش عارفة لما نشوف مراد ده
يارا، كلو بسببي انا.
خالد، لا مش بسببك ولو كنتي سبتيه كنت انا هزعقلك
تالا، خالد معاه حق اي حد يعمل معاكي حاجة زي كده متسكوتيش وتعالي عندي
خالد، شكرا ي تالا على الكل اللي عملتية وبتعملية
تالا، بس ي اهبل ده انتا عمتو هتعلقك
يارا. انتو قرايب
خالد. بنت خالو حسن
يارا، اه
تالا، طب ينفع اني انزل كده وانا في اجازة
يارا، الف سلامة عليكي خالد قالي انك كنتي تعبانة
تالا، الله يسلمك ي حبيبتي
طرق الباب
تالا، ادخل.
العسكري. تمام ي فندم المتهم التاني مراد و والده والمحامي
يارا، انا خايفة
تالا، خليهم يدخلو
دخل مراد وهو يرمق خالد بكره وتبعة والده والمحامي
تقدم مراد ليجلس
تالا، رايح فين
مراد. هقعد
تالا. لما اقولك تقعد ابقى اقعد
مراد، اشمعنا هما قاعدين
تالا، واشمعنا كلهم ساكتين وانتا بتتكلم اخرص بدل ما اخلي العساكر يروقوك
سكت مراد جلس فريد والمحامي
فريد. انا فريد والد مراد
تالا. طيب احب اسمع اقوالكم ابدئي ي يارا.
تقدمت يارا بخوف. انا انا
تالا، اتكلمي متخافيش
يارا، انا كنت قاعدة مستنية خالد وجه مراد قعد يضايقني ولما جيت امشي راح مسك ايدي ضربتو بالقلم وبعدين جيت امشي راح مسك ايدي وجه خالد وضربو
نظرت تالا لملامح مراد كان به القليل من الكدمات
تالا، وانتا إيه رايك في الاتهام الموجه اليك
مراد، كدب العكس هو اللي حصل انا جيت انقذها من خالد لانها جت وقالت انها بتحبني انا وهو ماسك عليها ذلة
يارا، كداااب.
امسكه خالد من ياقة قميصة، انتا ليك عين تتكلم ي كداب
تالا، اقعد ي خالد
خالد. مش سامعة ي تالا بيقول إيه
تالا، قولت اقعد ي خالد
جلس خالد وهو ينفخ بضيق
فريد، انا ابني مغلطش لما جه يعمل الصح خد جزاؤه
تالا، اتكلم ي خالد وقول حصل إيه
خالد. نفس اللي قالتو يارا انا اتصلت بيها الساعة 10 الصبح وقولتلها هنتقابل الساعة 1: 30 وعقبال ما رحت كانت1: 45 بالضبط شفتو وهو ماسك ايديها وهي ضربتو.
يارا، ودية مش اول مرة يضايقني فيها وكل مرة بسكت علشان خالد ميعملش مشاكل معاه
مراد، كدب انتي كدابة انتي كلمتيني الصبح وقولتيلي انك عايزة تقابليني
تالا، خلاص سمعت كل اللي عايزة اسمعو تليفوناتكم لو سمحت
اخرج خالد هاتفه هو ويارا
مراد. انا انا تليفوني وقع
تالا بابتسامة، بسيطة اووي رقم بطاقتك في المحضر هبعتها لشرطة التليفونات ربع ساعة ويبقى عندي سجل اتصالاتك انهرده وامبارح بالتسجيلات كمان.
المحامي. ي سيادة الضابط مفيش داعي لكل ده
تالا. معاكم شهود
المحامي، ايوة
تالا. جيبوه
دخل شخص يبدو عليه الخوف والفقر
تالا، اسمك وسنك و عنوانك
الرجل، ممسعود 54 سنة ساكن في
تالا. طيب ي عم مسعود متجوز
مسعود، ايوة ي فندم
المحامي، ممكن اعرف إيه لازمتها الاسئلة ديه ي فندم تالا، خليك في شغلك وسبني في شغلي ممكن عندك اولاد ي عم مسعود
مسعود، 3 بنات و ولدين
تالا، ربنا يخليهملك اعمارهم واسمائهم
فريد، ودة إيه دخلو.
تالا. كلمة زيادة وهتطلعو برة
مسعود، ليلى21 نادية 17 مصطفى16 مدينة 13 عادل6
تالا، كويس اهم حاجة عايزاك تعرفها ان نادية بنتك قد يارا ولو شهدت زور بنتك ممكم يحصل فيها كده وحقها هيضيع علشان شوية فلوس
مسعود. ححاضر ي فندم انا كنت ماشي ولقيت البنت ديه بتشيل ايدها من ايد الراجل ده واشار إلى خالد وبعدين اتدخل الاستاذ وساعدها
خالد، ابدا والله ما حصل
تالا. كانو في شارع إيه
نظر الرجل لهم بتوتر.
مسعود، طب هقولك بس اديلي الامان ليا وعيالي
تالا، متخافش
مسعود، انا شفت اللي حصل من الاول للاخر وكنت جاي اشهد حق لكن الراجل ده جه هو وابنو وهددوني ببنتي قالو ان هما ممكن ممكن يضيعو شرفها في ثانية واني لو مقولتش كده وادوني 10. 000 جنية
امسكه مراد من يده، انتا بتخرف ي راجل انتا
ولكنه وجد تالا تمسكة من يده.
تالا، واحدة واحدة ي مراد انتا عارف انتا لحد دلوقتي عامل كام قضية عد معايا واحد تحرش اتنين رشوة تلاتة التهديد اربعة التعدي على راجل غلبان خمسة التهديد في عرض فتاه ومبروك عليك 15 سنة سجن ي حبيب ابوك
والقته على والده
تالا. الاوضة فيها كاميرات مراقبة وكل اللي حصل هيتسجل ويتبعت للمحكمة
فريد، لا لو سمحت انا معنديش غيرو انا مستعد ادفع كل اللي انتو عاوزينو بس بلاش يتسجن
تالا، كويس اووي تسمع.
فريد، اللي انتي عيزاه
تالا. واحد شيك ب 50. 000 الف للراجل اللي ابنك مد ايدو عليه عم مسعود
اخرج فريد دفتر الشيكات ومضى سريعا واعطاه اياه
فريد، اتفضل حاجة تاني
تالا، حاجات بسيطة هيتعمل لابنك 3 محاضر عدم التعدي واحد ليارا والتاني لخالد والتالت لعم مسعود واذا جه جمبيهم ساعتها هيتعاقب
فريد، 3 كتير
تالا، عندك 3 محاضر وسجن اسبوع او نرجع بقى ونخليهم 15 سنة
فريد، موافق
تالا، على بركة الله افتح يابني 3 محاضر.
انتهت تالا من جميع الاجرائات واخذت يارا وخالد إلى الخارج
تالا. كفارة ي خالودة
خالد، تسلمي ي تالا ربنا يخليكي.