قصص و روايات - قصص رومانسية :

رواية عشقت ضابط مخابرات للكاتبة رقية محمود الفصل السابع عشر

رواية عشقت ضابط مخابرات للكاتبة رقية محمود الفصل السابع عشر

رواية عشقت ضابط مخابرات للكاتبة رقية محمود الفصل السابع عشر

جورى: انت عرفت مكانى ازاى
ادم: من السلسله
جورى: ازاى يعنى
ادم: مركب فيه جهاز Gps
جورى: اه وانت مركب فيها الجهاز دا ليه
ادم: علشان لو حصلك حاجه زى دلوقتى كدا
جورى: اه وانت بتعمل كدا ليه
ادم: علشان بحبك
جورى بصدمه: ايه.

ادم: ايوه زى ما قولت ليكى كدا انا بحبك لا انا مش بحبك دا انا بقيت اعشقك انتى عارفه انا اتجوزتك ليه علشان كنت عايز انتقم منك واتجوزتك وكنت بقعد اعمل حاجات ممكن تزعلك وتضايقك وكدا بكون بنتقم منك بس اللى انا معرفهوش أن انا كنت بنتقم من روحى انتى بقيتى روحى انا لما كنت بعمل اى حاجه تزعلك بعدها بحس بحاجه غريبه في قلبى.

بس مكنتش بهتم إنما انهارده كنت قاعد في الشغل مره واحده لاقيت قلبى مقبوض واول حاجه فكرت فيها هي انتى اتصلت بيكى الفون بتاعك كان مقفول اتصلت بمامتك قولت يمكن تكونى روحتى هناك بس مكنتيش هناك واتصلت ب بابا برضو مكنتيش هناك ساعتها بقا الخوف زاد في قلبى ساعتها مسكت الفون بتاعى ووصلته ب جهاز ال Gps لاقيتك هنا في شقه في الاسكندريه قولت بس هي متعرفش حد في الاسكندريه ساعتها فكرت أن انتى ممكن تكونى مخطوفه ساعتها اتخليت عن كبريائى واعترفت لنفسى أن انا بحبك انا حبيتك رغم أن انا كنت عايز انتقم منك بس معرفش انتى عملتى فيا ايه انا واحد مكانش يعرف حاجه اسمها حب انا واحد قاسى ومعندهوش حاجه اسمها رحمه بس انا عرفت معنى الحب لما اتجوزتك انا بجد بعشقك ياجورى.

جورى: يلا نمشى مش قادره اتكلم
ادم باستغراب: في ايه مالك
جورى: ماليش بس عايزه أمشى من هنا
ادم: قوليلى صح انتى ايه اللى جابك هنا
جورى تذكرت إن ابوها هو اللى جابها ثم قعد تبكى
ادم: في ايه مالك حبيبتى
جورى ببكاء: بابا هو اللى جابنى هنا
ادم بصدمه: ايه ازاى يعنى.

جورى ببكاء: يعنى هو ضحك عليا واتصل وقالى أن ماما تعبانه وفي المستشفى وقالى أن هو هيعدى عليا وياخدنى ويودينى المستشفى عند ماما بس هو طلع بيضحك عليا وجابنى هنا واخد فلوس من الزفت حازم
ادم بغيره: وانتى عرفتى اسم الزفت حازم دا منين ياهانم
جورى وهو تمسح دموعها بكفها الصغير مثل الاطفال: كان معايا في الشغل وفي مره جيه وقالى أن هو معجب بيا وعايز يتجوزنى
ادم بصوت عالى: نعععععععم.

جورى: اصبر بس هو انا ساعتها سكت لاطبعا ضربته بالقلم وهزقته قدام الشركه كلها وهو ساعتها قال لازم ينتقم منى علشان كدا اتفق مع بابا إن هو يجيبنى هنا وبابا يقبض فلوس
ادم بحنيه: معلش ياحبيبتى بس قوليلى الزفت دا عمل معاكى حاجه
جورى ببكاء: اه ضربنى بالقلم
ادم تعصب وقبض على يده بشده وعيونه كانت حمراء ثم قام وشال حازم الذي فاقد الوعى
جورى: انت بتعمل ايه
ادم بصوت عالى: تعالى ورايا
ذهبت جورى وراء ادم كما قال لها.

عند شهد اتصلت با اسر
شهد: الو
اسر: احلى الو ياناس
شهد بخجل: بس بقى
اسر بمرح: ايه دا جعفر بيتكسف.
شهد بمرح هي الأخرى: مين دا اللى يتكسف يافتحيه يااختشى
اسر بغيظ: بت اخلصى عايزه ايه
شهد بحماس: كنت عايزه اختك ريم تنزل معايا علشان اجيب حاجات الفرح وكدا
اسر: اممم ماشى يبقى هتجننك اكتر ما انتى مجنونه
شهد بمرح: مجنونه بيك يااسر
اسر بفرحه: يالهوى هقع من طولى قوليها تانى ياشوشو
شهد بكسوف: خلاص بقى يااسر.

اسر: يالهوى ياناس شوشو بتتكسف
شهد: يابنى يلا قول لأختك علشان عايزه انزل اروح المول اجيب الحاجات
اسر: خلاص تمام قومى انتى البسى وانا هاقوم البس وهقول للبت ريم تقوم تلبس وهاجى اعدى عليكى واخدك وتروحوا المول وانا اقعد في الكافيه عقبال ماتجيبى الحاجات
شهد: لا انت تيجى تعدى عليا انت وريم وتوصلنا المول وبعد كدا تمشى ولما نخلص نتصل بيك تيجى تأخدنا أو نبقا ناخد تاكسى
اسر: خلاص ماشى سلام.

ثم قفل معاها وقام لبس بدله لونها رصاصى وقميص اسود وبنطلون بنفس لون البدله ثم صفف شعره ووضع عطره المفضل ثم خرج من الغرفه
اسر بصوت عالى: ررررريم
لا رد
اسر بصوت عالى اكتر: ياررررررريم
جاءت له ريم وهي تجرى
ريم: نعم ايه صوتك عالى ليه
اسر: مش بتردى ليه
ريم: كنت مشغله مهرجانات وبرقص والصوت كان عالى
اسر: طب يلا روحى البسى
ريم: ليه انا لسه مخلصتش رقص.

اسر: يلا بت روحى البسى علشان شهد عايزاكى تنزلى معاها تجيبوا حاجات من المول
ريم بمرح: اااه قول كدا المزه بقا وعلشان كدا صوتك عالى وجايب لغايه اخر الشارع
اسر بغيظ: بت ياريم محدش يقول عليها مزه غيرى
وبعدين انتى مالك يلا يابت روحى البسى اخلصى
ريم بمرح: ماشى خلاص متتحمقش اوى كدا برضو مزه
ثم جرت الى غرفتها
اسر بغيظ وصوت عالى: والله لو قولتى كلمه كمان هكسر الباب دا على دماغك.

ريم فتحت وقفت وكانت حاطه ايديها الاتنين على وسطها: خلاص ياعم مش هقول حاجه تانى
اسر: طب يلا ياختى ادخلى البسى
ريم بحماس: من عيونى
ثم بعد دقائق كانت ريم خلصت لبس ملابسها ثم خرجت من الغرفه ثم خرجت هي واسر من الشقه وركبوا العربيه وذهبوا إلى ڤيلا شهد.

عند محمد كان قاعد في المكتب ويحدث نفسه يقول: انا لازم أدى فرصه تانيه لسيدرا اكيد في حاجه هي عايزه تقولها ممكن اكون انا فاهم غلط بس ازاى اكون فاهم غلط هي واحده مشت علشان الفلوس فين بقا اللى انا فاهمه غلط مش عارف بقا بس انا هديها فرصه
ثم قعد شويه وطلع إلى غرفته.

عند سليمان ذهب إلى البيت بعد أن وضع ال ٢٥٠الف جنيه في البنك
هاجر: جورى وادم هيجوا انهارده هنا
سليمان بخبث: اه ماشى
سليمان يحدث نفسه: دا لو شوفتيها تانى هي دلوقتى تلاقيها مع حازم في مكان بعيد.

عند ادم وجورى
ادم وضع حازم في شنطه العربيه وقفل عليه
جورى: انت ليه حطيته في شنطه العربيه
ادم بعصبيه: علشان لازم يتحبس ويتربى على اللى هو عمله فيكى ماشى والله العظيم لاهخليه يندم على اللى هو عمله فيكى
جورى: لا حرام ياادم
ادم بحده: نعععععععم ياختى ايه خايفه عليه
جورى بعصبيه: اخاف على مين لاطبعا دا واحد حيوان انا بس بقول كدا علشان حرام انت كدا هتشيل
قاطعها ادم.

ادم بحده: هو غلط ولازم يتعاقب وابوكى لازم يتعاقب بس انا مش هعمل كدا علشان هو بس ابوكى لان هما ميعرفوش هما عملوا ايه هما خطفوا حاجه تخص ادم شبح المخابرات
جورى ببكاء: بابا دا انا اكتر حد بكرهوا في الدنيا دى
ادم بحنيه: معلش ياحبيبتى تعالى اركبى العربيه واحكيلى كل حاجه
ذهب ادم وجورى وركبوا العربيه
ركبت جورى بجانب ادم وهو ركب في مكان السائق العربيه ثم ذهب
وهما في الطريق
ادم بابتسامه: يلا احكيلى.

جورى: من وانا صغيره وبابا بيعاملنى وحش اوى معرفش ليه مش عارفه ليه بيعمل معايا كدا مع انى مكنتش بعمل حاجه ولو عملت حاجه غلط كان بياخدنى فوق السطح ويخلينى انام في اوضه ضلمه ولوحدى كل مابعمل حاجه غلط حتى لو حاجه صغيره خالص مش تستاهل كان يعمل معايا كدا عمره ما جه واخدنى من المدرسه زى بقيت العيال كان بيقعد يتخانق مع ماما كتير على اتفه سبب حتى كان ساعات يقعد يضربها وانا كنت ساعات ادافع عنها وفي مره حذرنى انى مادافعش عن ماما حتى لو كان هيموتها بعدها اتخانق هو وماما تانى وكان بيضربها جامد ساعتها انا ماستحملتش وروحت برضو ودافعت عنها بس هو ساعتها ضربنى بالقلم وشدنى من شعرى واخدنى الأوضه الضلمه اللى فوق السطح وقاعدنى فيها لوحدى ومن ساعتها وانا بخاف اوى من الضلمه ومش بعرف انام غير على النور.

ادم ولقد تألم قلبه على ماعانته حبيبته
ادم: وايه اللى جابر امك على كدا طب ما تطلق وتروح عند اهلها
جورى: ما المشكله هنا
ادم: ازاى يعنى
جورى: انى كل اما بقول ليها اطلقى وروحى عند اهلك تقولى لا
ادم باستغراب: لا ليه
جورى بطفوله: مش عارفه
نظر لها ادم نظره تعبر عن عشقه لها
ادم بعشق: تعرفى أن انا بقيت بعشق طفولتك بقيت بعشق فيكى كل حاجه ضحكتك دموعك هزارك ولما تكونى متعصبه بتبقى كيوت اوى وعسل جدا.

جورى بمرح: امممم وايه كمان دا انت بقيت تقول شعر
ادم بحب: على ايدك ياروحى
جورى محاوله تغير الموضوع: طب ركز في الطريق بدل مانعمل حادثه
ادم: اصدقى أن دى هتبقا احلى حادثه
جورى: ماشى ركز بس
بعد شويه
ادم: بقولك ماتيجى نغير جو
جورى: ازاى يعنى
ادم: ايه رأيك نسافر
جورى بحماس: هنروح فين
ادم: انتى عايزه تروحى فين
جورى بحماس: بحب اسكندريه اوى
ادم: خلاص ماشى بكره الصبح نروح
جورى بفرحه: بجد
ادم بابتسامه: اه والله ياروحى.

اكتفت جورى بالابتسامه فقط.

عند اسر وشهد وريم كانوا وصلوا إلى المول
شهد: يلا روح انت يا اسر واحنا لما نجيب كل حاجه هبقى اتصل بيك تيجى تأخدنا
اسر بابتسامه: ماشى خلوا بالكوا من نفسكوا
ريم وشهد: ماشى
ثم دخلت ريم وشهد إلى المول
وذهب اسر إلى البحر.

عند ريهام كانت قاعده في غرفتها ثم اتصلت على رقم امها
ريهام: الو
سيدرا: ازيك يا ريهام يابنتى
ريهام بجفاف: الحمدلله انا وافقت اساعدك بس علشان بابا اكيد لسه بيحبك لكن انا لسه معرفش انتى عملتى كدا ليه ليه مشيتى
سيدرا ببكاء: سامحينى يابنتى
ريهام: ممكن اسامحك لما بابا يديكى فرصه انك تيجى وتقولى انتى عملتى كدا ليه انا مش عارفه انتى ليه مش عايزه تقوليلى.

سيدرا: هتعرفى في الوقت اللى ابوكى يدينى فرصه انى اجى واقولكم انا عملت كدا ليه وياريت ادم يسامحينى
ريهام بقسوه: ادم يسامحك معتقدش مستحيل ادم يسامحك انتى متعرفيش انتى عملتى ايه في ادم انتى حولتى ادم الطفل البرئ لواحد بقا قاسى ميعرفش حاجه اسمها رحمه منك لله يا شيخه حسبى الله ونعمه الوكيل في اللى انتى عملتيه
ثم قفلت الخط وقعدت تبكى ثم تذكرت كيف وافقت تساعدها
فلاش باك
سيدرا: الو
ريهام: الو مين معايا.

سيدرا: انا امك ياريهام
ريهام بجفاف: يانعم حضرتك عايزه ايه
سيدرا: ممكن تيجى تقابلينى قدام البيت انا واقفه تحت
ريهام: اللى انتى عايزه تقوليه قوليه في الفون
سيدرا: لا مش هينفع انا لازم اقابلك
ريهام: خلاص ماشى خمس دقائق واكون عندك
وبالفعل بعد خمس دقائق كانت ريهام واقفه مع سيدرا
ريهام: حضرتك عايزه ايه
سيدرا: انا عايزاكى تساعدينى
ريهام باستغراب: اساعدك في ايه.

سيدرا: أن ابوكى يدينى فرصه اوضح هو فاهم ايه لان ابوكى فاهم غلط
ريهام بتفكير: تمام انا هساعدك
سيدرا بفرحه: شكرا
باك
ريهام تحدث نفسها وهي تبكى: انا عارفه يابابا أن انت لسه بتحبها بس انت اكيد فاهم غلط علشان كدا وافقت انى اساعدها أن هي تصحح اللى انت فاهمه غلط
ثم قعدت تبكى شويه حتى نامت.

عند ادم وجورى سلم حازم عنده في الشغل يتحبس كام يوم كدا لحد اما يرجع من السفر ويشوف هيعمل معاه ايه ثم ذهب إلى الڤيلا وبعد وقت قليل وصلوا إلى الڤيلا ثم دخلوا
ادم: انا هرجع الشغاله
جورى: تمام.

ثم طلعت إلى الغرفه ودخلت وقعدت على السرير تحدث نفسها وكانت فرحانه: قالى أن هو بيحبنى لا دا بيعشقنى وانا كمان بقيت بعشقك ياادم رغم قسوتك لكن بقيت اعشق قسوتك بس لا يا ادم لازم اعذبك شويه مش هقولك انى بعشقك كدا بالساهل ثم قامت واخدت شاور واتوضت ثم خرجت وصلت ثم لبست منامه بيتى مريحه وذهبت لكى تنام وجدت ادم دخل الغرفه
ادم: ايه دا انتى بتعملى ايه
جورى: ايه هنام.

ادم: ايوه قومى نامى على السرير متناميش على الأرض
جورى: لا انا مرتاحه كدا
وفى ثانيه كانت ما بين ايدين ادم وكان يضعها على السرير
ادم بابتسامه: انا قولت تنامى على السرير يبقى تنامى على السرير وبعدين يعنى مش من قله السراير علشان تنامى على الأرض
جورى بتذمر طفولى: ما هو انت اللى مش بتخلينى انام في اوضه تانيه
ادم بابتسامه وهو ينظر إلى عينها بعمق: لا انتى هتنامى في الاوضه دى وعلى السرير كمان.

جورى بطفوله: خلاص ماشى
ثم قام ادم ودخل إلى الحمام واخد شاور واتوضى ثم خرج ولبس تيشرت رمادى يبرز عضلاته وبنطلون بيتى اسود وصلى ثم ذهب لكى ينام
جورى: ايه دا انت بتعمل ايه
ادم: ايه هنام
جورى: هتنام فين
ادم: على السرير جمبك
جورى: ليه يعنى ماتقوم تنام على الكنبه
ادم: لا بتوجع ظهرى
جورى: ماشى بس هتنام جمبى بعيد
ادم: ازاى يعنى انام جمبك بعيد
جورى: هوريك
ثم جابت مخده طوليه وعملتها فاصل مابينها وبين ادم.

ادم: ايه دا يامجنونه
جورى بقوه: دا فاصل بينى وبينك
ادم ضحك عليها ثم قال: على أساس انى مش هعرف اشيلها مافيش اى حاجه ممكن تبعدنى عنك غير الموت هو اللى ممكن ياخدنى منك
جورى تحدث نفسها: بعد الشر عليك من الموت ربنا يخليك ليا يارب انت احلى هديه ربنا بعتها ليا
ادم: ايه سرحانه في ايه
جورى: لا ولا حاجه
ادم: طب ايه رأيك لو نعمل كدا وشال المخده الفاصل مابينهم مره واحده واخد جورى في حضنه.

جورى وهي تحاول تبعد عنه: اوعى يا ادم
ادم بابتسامه: لا خليكى كدا عايز انام وانتى في حضنى انتى بجد احلى هديه ربنا بعتها ليا انا بعشقك اوى ياجورى
نظر إليها وجدها قد نامت
ثم قبل جبينها ونام هو الآخر.

عند ريم وشهد في المول
ريم: ااه مش قادره أمشى
شهد بضحك: معلش يلا تعالى خلينا نخلص الحاجات ياريرى
ريم بحب: انا حبيتك اوى والله ياشهد
شهد: انا اكتر والله يلا بقا تعالى
ثم ذهبت معاها ريم
ريم: تعالى ياشهد المحل دا عنده حاجات حلوه
شهد: ماشى تعالى
كانت ريم تمشى بسرعه وكانت شهد وراها
وأثناء وريم تمشى بسرعه خبطت في شخص ووقع ماكان في أيده
زياد: انتى عاميه يابت مش تاخدى بالك.

ريم بغضب: لم نفسك ياجدع انت واتكلم بأدب وبعدين بت اما بتك
زياد بغضب: بت انتى لمى نفسك انتى متعرفيش بتكلمى مين
ريم بغضب: هكون بكلم مين يعنى وزير الداخليه مثلا يلا أمشى من هنا بدل ما انت واقف كدا تكك نيله في شكلك
زياد بعصبيه: انتى واحده قليله الادب
ريم بغضب: اهو انت اللى قليل الادب روح كدا وانت شبه ام السيد.
زياد بغضب: بقى انا ياحيوانه شبه ام السيد وانتى شبه سيد.

ريم كانت سوف ترد عليه لولا شهد اللى قاطعتها
شهد: احنا اسفين يااستاذ
زياد: شوفى الاستاذه محترمه وبتتكلم ازاى اتعملى منها
ريم بغضب: يلا ياض غور من هنا وانت شبه فرده الشبشب كدا
زياد: يابت اسكتى وانتى اوزعه كدا
كانت ريم سوف ترد عليه لولا شهد اللى قاطعتها مره تانيه
شهد: عن اذنك يااستاذ
ثم ذهبت هي وريم الغاضبه.

استووووووب
(زياد الشناوى شاب عمره ٢٦ سنه صاحب شركات للهندسه وهو لديه عيون زرقاء ولديه بشره قمحيه ولديه شعر كثيف لونه بنى ولديه ملامح رجوليه وهو يحب أبيه وأمه متوفيه وليس لديه اخوات يعرف عن شخصيته الجنون والمرح والحنيه وليس متزوج )
عند شهد وريم
شهد بضحك: الله ياخربيتك ايه اللى انتى قولتيه اللراجل دا دا انا كنت هموت واضحك لابجد انتى فظيعه.

ريم: بس واد مز اوى بس بارد بس عسل بس مجنون بس قمر يالهووووى ايه اللى انا بقوله دا
شهد كانت واقفه تضحك عليها
شهد: ايه يابنتى اللى انتى بتقوليه دا
ريم: مش عارفه والله يابنتى بس مز ابن الحلوه دا
شهد: طب يلا ياختى خلينا نجيب باقى الحاجات
وبعد مرور ساعتين كانوا خلصوا وجابوا كل حاجه ثم اتصلت شهد بأسر وجاء واخدهم ووصل شهد إلى بيتها ثم ذهب إلى بيته.

فى صباح يوم جديد عند ادم وجورى
قام ادم من النوم ثم نظر إلى جورى كانت مثل الملاك البرئ نظر إليها بحب
ثم قام ودخل إلى الحمام واخد شاور واتوضى ثم خرج ولبس بنطلون چينز وتيشرت كحلى وصفف شعره ثم صلى ثم ذهب إلى جورى
ادم: جورى قومى يلا علشان نسافر
لا رد
ادم بصوت عالى: جوررررى
قامت جورى مفزوعه ثم قالت: ايه في ايه زالزال وال ايه
ادم ضحك عليها ثم قال: قومى يلا علشان نسافر الاسكندريه
جورى بحماس: ماشى.

ثم قامت وذهبت إلى الحمام واخدت شاور واتوضت ثم خرجت ولبست الاسدال وصلت ثم غيرت الاسدال ولبست بلوزه وبنطلون وتركت شعرها منسدل على ظهرها ثم وضعت ميك اب خفيف اوى ثم خرجت
جورى بحماس: يلا
ادم نظر لها بدهشه ثم قال: انتى ازاى جميله كدا
جورى بخجل: ميرسى
ادم: لا بجد جميله اوى
جورى محاوله تغير الموضوع: هو الشنط متحضره
ادم: اه يلا بينا علشان عايزين نوصل بدرى
جورى بحماس: يلا
ثم خرجوا من الڤيلا وركبوا العربيه.

وبعد مرور ساعه ونص وصلوا إلى الاسكندريه ونزلوا قصاد فندق ثم دخلوا وطلعوا إلى غرفتهم
جورى بحماس: اسكندريه حلوه اوى
ادم: انتى احلى ياروحى
جورى: انا هقوم اخد شاور وتعال ننزل نتمشى شويه على البحر
ادم: ماشى
ثم ذهبت جورى واخدت شاور ولبست ملابسها وطلعت لادم
جورى: يلا
ثم نزلوا واتمشوا على البحر
جورى: حلو اوى شكل البحر
ادم: اه فعلا حلو اوى واسكندريه حلوه بس انا حبيبتى احلى
وأثناء وهما ماشين خبطت جورى في شخص.

الشخص: جورى.

الفصل التالي
جميع الفصول
روايات الكاتب
روايات مشابهة