رواية عشق رجال الصعيد الجزء الثاني للكاتبة منار همام الفصل الخامس
: بتعملي اي، قالها شهاب لكارمن لما وصل البيت كانت الساعه 2 و لقي كارمن في المطبخ، كارمن او ما سمعت صوته القمه و قفة في زوره بلعته بصعوبه و ردت
: ا. انا كنت جعانه و نزلة اكل
شهاب بصله بحده و هو بيشاور عليها
: كدا!، كارمن بصت لنفسها، كانت لابسه بجامه و الطرحه على راسها
كارمن: ليه مالي...
شهاب: افرض حد من اخواتي الشباب نزل ياخد حاجه و شافك. و اه صحيح امسحي صورك إلى على الفيس.
كارمن: امسح صوري إلى على الفيس! دا ليه ان شاءلله
شهاب: بقولك اي مش ناقصه صداع هي، قلت امسحيهم امسحيهم
كارمن لسه هتتكلم قطعهم دخول مراد
: شهاب! انت مش كنت في شقتك يا ابني
شهاب وجه كلامه ل كارمن
: اطلعي انتي. بص ل مراد و كمل. تلفوني كان فاصل شحن و الشاحن في لاوضه هنا ف جيت
مراد: طاب روح نام عندنا شغل بكره.
تاني يوم شهاب واقف قدام المرايه، فتح الباب و دخل سليم
: عايز القميص لاسود بتاعك يا باشا
شهاب بيرش برفان: مزه جديده
سليم: ايوه بس اي تقفيل اوربي يا جدع
شهاب: ماشي يا خوي بس خف حط مش هحوش ابوك عنك تاني
سليم: حاضر فين القميص
شهاب: خده في الدولاب
سليم دخل و فتح الولاب
: تسلم ياريس، اه صحيح بابا بيقولك يلا علشان توصل كارمن الكليه
شهاب: يادي النيله علينا و على كارمن.
سليم: يعم حد لاقي، كمل و هو بيعض على شف تها، والبت اي بطايه
حسا بايد على قفاه و كان شهاب
: اتلم، دي بذات مش هينفع يا سليم
سليم: يعم هو انا جيت جنبها
شهاب و هو بيخده تحت تراعه
: طاب يلا يخوي علشان نفطر.
شها نازل بحماس
: صباح الخير يا ماما
آيه بحب: صباح النور يقلب ماما
شهاب: امال فين بابا
آيه: في المكتب قاعد مع جدك
شهاب: ماشي يا ست الكل جهزيلي الفطار
آيه: حاضر يا حبيبي
شهاب دخل
شهاب: صباح الخير يا بابا، ميل باس ايد عباس، صباح الخير يا جدي
عباس بحب: صباح الخير يا ابني
ادهم: في حاجه يا شهاب
شهاب قعد: لا كنت جاي اصبح عليك عادي
ادهم: عملت اي في نقلت الخضار
شهاب: وصلت و استلمت الفلوس.
ادهم: ولارض إلى عايزينه ولاد حسان
شهاب: اهم دول بقا إلى عايزين قرصة ودن
عباس: بلاش يا ابني و ندخل في مشاكل و حورات
شهاب: حورات اي يا جدي دول جاين يقولو لينا في ارضكم. انهاره قالو ارض بكره يقولو حريم
عباس اتنهد: اعمل إلى يريحك بس بحزر يا شهاب انا مش عايز اخسر حد منكم، و ولد الحساينه دول خبثه و معندهم ريحت الرجوله
شهاب: حاضر يا جدي
ادهم: طاب يلا علشان توصل كارمن.
شهاب بضيق: انا مش عارفه كارمن دي ما يوصله اي حد
ادهم: يا خفيف الكارنيه بتاعها لسه مطلعش و انت إلى قيل بلسانك امبارح ان العميد عارفك و هتعرف تدخل عادي
شهاب بضيق: ماشي يا بابا، فين هي الهانم التانيه
ادهم: اسلوبك يا زفت
شهاب ببتسامه مزيفه
: كارمن هانم فين
ادهم: رنيت عليها دلوقتي قالة نازله، روح افطر عبال ما تيجي
شهاب و هو طالع تمتم بضيق.
: مش طافح. كمل بصوت عالي، و اه صحيح خليها تمسح صوره إلى منزله على الفس علشان انا خلقي ضيق و هزعلها.
ايهاب واقف مع غفير بيخلص شويه حسبات جات عليه حور بعد ما الراجل مشي و هي شايله كوباية شاي
ايهاب اتنهد: مش هتكبري يا حور كام مره اقولك متطليش و انا واقف مع حد
حور: يا حبيبي هو مشي
ايهاب: طيب بس متعمليش كدا تاني
حور: حاضر
ايهاب: مراد مشي ولا لسه
هنا طلع مراد و هو شايل شنطه على كتفه ولابس لبس ميري وقرب باس ايد ايهاب
: هو انا اقدر امشي من غير ما اسلم عليك انت وست الكل
ايهاب: ربنا يحفظك.
حور: ترجع بسلامه يا حبيبي، جات سلسبيل عليهم و هي بتجري
سلسبيل: كدا عاايز تمشي من غير متسلم عليا
مراد ضحك و خدها في حضنه
: ما انتي كنتي نايمه مهنش عليا اصحيكي
سلسبيل: ولله ازعل منك
مراد: هو انا اقدر على زعلك.
آيه طلت براسه من ورا الباب و ادهم قاعد مركز في الورق
: تعالي شايفك
آيه ضحكت و قربت منه قعدت على رجله
: على طول كفشني كدا
ادهم اتعدل وحاوط وسطها
: اعمل اي لقلبي إلى بينبضلك علطول
آيه ابتسمت بخجل و همستله
: بحبك على فكره...
أدهم ضحك: و انا بموت فيكي.