رواية عشق الصقر للكاتبة شهد طارق الفصل الخامس عشر

رواية عشق الصقر للكاتبة شهد طارق الفصل الخامس عشر

انتهى زفاف العاشقان شهد وصقر ..
فى العربية ...
شهد: حبيبى دة مش طريق القصر ..
صقر: ما انا عارف ..
شهد: طب هنروح فين ..
صقر: مفاجأة هاتعرفيها كمان شوية .. الاول خدى الشريطة ديه حطيها على عنيكى ..
شهد: اممم ماشي ..
بعد شوية...

نزل صقر من العربية وساعد شهد تنزل ..
شهد: يا صقر شيل الشريطة ديه بئا انا عينى وجعتنى ..
صقر: حاضر احنا خلاص وصلنا ..
شالها الشريطة .. وانبهرت بالمنظر ال ادمها ..
كان اليخت متزين بطريقة روعة .. مليان بالورد والشموع ..
شهد بفرحة: الله حلو اوى يا صقر ..
صقر بحب: عجبك يا قلب صقر ..
شهد بفرحة: اوى اوى..

صقر: ولسه .. بعدها سقف بٱيده ولحظات ..
وكانت السما مليانة بالصورايخ والألوان ومكتوب فى السماء بالصورايخ بعشقك...
جربت عليه حضنته: بعشقك يا اغلى من حياتى ..
صقر: انتى حياتى وروحى ودنيتى .. بعشقك ..
بعدها بشوية دخلوا اليخت ..
وقضوا اجمل ليلة فى حياتهم بين العشق والحب .. وبقت مراته شرعا وقانونا وبكل معانى الحياة والحب ..

تانى يوم ...
صحى من نومه .. يحاول استيعاب أن ليلة أمس ليست حلم ... ف حبيبته أصبحت زوجته وبين يديه ..
طلع صقر برة الجناح .. لقاها واقفة بتتفرج على البحر ..
ابتسم وراح حضنها من ضهرها ..
صقر: صباحية مباركة يا شوشتى ..
شهد: صباحية مباركة على عشقى ..
صقر: كانت اجمل ليلة فى حياتى كلها ..

شهد: وانا كمان يا حبيبى.
صقر: مصحتنيش ليه ..
شهد: لقيتك غرقان فى نومك .. قولت اسيبك براحتك ..
صقر: بعد كدة متقوميش قبليا ..
شهد: ليه يعنى ..
صقر بحب: عشان. عايز اول حاجة تشوفها عينى لما اصحى هى انتى .. واصحى وانتى فى حضنى ..
شهد: من عنيا ..

صقر: حبيبتى انا كنت هعملك مفاجأة واحجز شهر عسل فى اى بلد بي حبيبت اخد رأيك .. اشوف عايزة تروحى فين ..
شهد: انا عايزة شهر عسلى يبقا هنا .. يبقى انا وانت والبحر وبس مش عايزة اشوف غيرك ولا تشوف غيرى .. ايه رأيك .. فكرة حلوة صح ..
صقر: هو انا حبيبتى ممكن تقول أفكار وحشة بردوا ..
شهد: يلا حبيبى عشان نفطر وبعدها نعوم ..
صقر: يلا يا قلبى ..

عند مروان ..
مروان فى نفسه: اااه يا نى .. ملاك شقى يا ناس .. اه يا روان لو تعرفى بحبك اد ايه ..
اكيد هقدر اتعرف عليكى اكتر .. لما صقر وشهد يرجعوا من شهر العسل .. اااه عقبال شهر عسلنا ..
يا رونى ..

عند صقر وشهد ..
وهما فى البحر ..
شهد: يا صقر بطل بئا .. قولتلك متسبنيش مبعرفش اعوم ..
صقر: ما انا بعلمك اهو ..
شهد: لأ انت كل شوية تسبنى .. اهو بئا .. وفضلوا يرشوا بعض بالمياه .. ولعبوا كتير لغاية ما تعبوا وطلعوا يرتاحوا ..
بعد فترة ...
شهد: حبيبى انت عارف ان جامعتى فى القاهرة صح ..
صقر: امم .
شهد: هو ايه ال امم هنعمل ايه ..

صقر: مع انى كنت ناوى اعملهالك مفاجأة بس ماشي هقولك ..
انا عندى هناك ڤيلا فى التجمع هنعيش فيها هناك لغاية ما تخلصى وشغلى هتابعه بالتليفونات واللاب ولو احتاجونى ابقا انزل ..
شهد: بس يا حبيبى كدة تعب عليك ..
مسك وشها بإيده الاتنين وقال: وفيها ايه لما اتعب عشان حبيبتى ..
شهد: انا بحبك اوى ..
صقر: وانا بموت فيكى ..

شهد: طب موضوع تانى ..
صقر: مش هنخلص انهاردة .. ها ..
شهد: انت عايز تخلف منى يا صقر..
صقر: اكيد طبعا ليه السؤال دة ..
شهد: اصل بصراحة مش عايزة اخلف قبل ما اخلص الجامعة .. وكمان انا لسه صغيرة ..
صقر: عندك حق حبيبتى .. انا معنديش مانع ..
شهد بفرحة: بجد يا صقر ..

صقر: اه بجد ..
شهد: بصراحة كنت خايفة تضايق ..
صقر: حبيبتى انا لو عليا عايز تشيلى منى حتة انهاردة قبل بكرة ... طالما معندكيش مانع نخلف والمشكلة فى الوقت يبقى عادى مفيهاش حاجه. ..
شهد: صقر هو انا ربنا بيحبنى اوى كدة ..
صقر: اكيد بس اشمعنا ..
شهد: عشان يرزقنى بيك ..
صقر: احنا الاتنين ربنا بيحبنا عشان كدة رزقنا ببعض ..

وبعد مرور شهر ..
بيرجعوا القصر بعد قضاء شهر العشق ..
وبيكون مروان مستنيهم ..
مروان: حمد الله على السلامة يا خويا .. ما كنتوا كملتوا هناك ..
صقر: وانت مالك ...
شهد: سيبوا سيبوا متغاظ عشان مش عارف يعمل زينا ..
مروان: بئا كدة ماشي يا شهد .. ما انتى اتعديتى منه ..
منك لله يا شيخ ..

صقر: مش عارف حاسس ان المخزن بينادينى بيقولى هات اى حد وتعالى ..
مروان: هو انت الواحد ميعرفش يهزر معاك يا جدع ..
شهد بمجرد ما سمعت كلمة المخزن جسمها ارتعش وهاجمتها ذكريتها معاها ..
صقر: مالك يا شهد بتترعشي كدة ليه ..
شهد بتعب: مفيش حاجة انا بس شكلى داخل عليا دور برد ..
انا هطلع اريح شوية .. عن اذنك يا مروان ..
مروان: سلامتك يا شهد ..

شهد: الله يسلمك...
بعد ما طلعت شهد ..
مروان: مش غريبة يا صقر .. انا شهد تتعب فجأة كدة ..
صقر: انا بردوا مستغرب .. ديه كانت لسه بتهزر ..
مروان: بس انا عارف ايه ال تعبها فجأة كدة .
صقر: طب ما تقول ..
مروان: شهد وشها اتغير اول ما جبت سيرة المخزن ..
صقر: ايوةصح ..
كور ايده بغضب وقال: انا غبى ازاى اقول كدة ..
مروان: انا همشى وانت اطلع صالحها ..
صقر: ماشي يا مروان ..

طلع اوضتهم لقاها اعدة فى البلكونة سرحانة ودموعها نازلة فى صمت ..
دخل عليها ومسح دموعها وقال: انا اسف ...
قامت اتعدلت: اسف على ايه يا حبيبى ..
صقر: انا مستهالش دمعة من دموعك ديه ..
سامحينى يا شهد .. مكنش اصدى افكرك بحاجة والله انا كنت بهزر ..
شهد: متخافش انا مش زعلانة ..

صقر: لأ زعلانة بدليل اول ما جبت سيرة ال ... جسمك ارتعش ووشك اتقلب ميت لون وحسيت هيغمى عليكى .. ولما طلعت هنا اعدة سرحانة ودموعك نازلة ..
انا لو عليا عايز الزمن يرجع وعمرى ما هكرر ال عملته دة تانى ..
وكمل بدموع انا اسف ... انا همشى اسيبك تهدى وارجعلك تانى .. لو مش عايزانى ارجع الليلة .. هبات برة لغاية ما تهدى ..
شدته من ايده وحضنته بكل قوتها ..

اوعى تقول كدة انا مقدرش ابعد عنك .. اوعى حتى وانا زعلانة منك تبعد عنى .. انا والله مسمحاك بس لما هاجمتنى الذكريات مستحملتش غصب عنى والله ..
بعدها طلعت من حضنه ..
ومسحت دموعه .. وعشان اثبتلك انى مش زعلانة .. ادخل خد دش .. والبس وتعال نخرج فى اى حتة ..
صقر: على فكرة أنا ال جى اصالحك مش انتى ..
شهد: مش انا وانت واحد ..
صقر: ربنا يخليكى ليا وميحرمنيش منك ابدا ..