رواية عاد سارق قلبي للكاتبة رهف سيد الفصل العشرون والأخير
استيقظت رهف وشعرت بدوار شديد بدات في فتح اعينها ببطئ
رهف: انا فين ديه مش اوضتي
نزلت رهف وجدت اسر يتابع احد مبارات الكرة وهو متحمس وقفت امامه بغضب
رهف: انا فين
اسر: يووووه ابعدي خليني اشوف الماتش
رهف: انت بارد كده ليه انا عايزة امشي
اسر: بعدين بعدين
رهف: يووووووه انا همشي لوحدي
اسر: باي
خرجت رهف من الفلة وجدت امامها بحر ومكان غريب عليها وسمعت صوت احد الكلاب في الخارج دخلت الفلة راكضة.
رهف: اولا احنا مش في القاهره وبعدين في كلاب برة انا عايزة امشي
اسر: مهو انا مش همشي من هنا غير لما تصالحيني
رهف: يوووووه يا اسر مش وقتو انا عايزة اطمن على الولاد
اسر: هنا مفيش تليفون ولا نت وفي برة كلاب حراسة انا عايزك تهربي لو جدعة وببدا في الاقتراب منها وبعدين انتي قولتي انك لسة بتحبيني في المستشفى ولا لازم اموت نفسي
رهف بارتباك: ها لا لا بس انت يعني علشان كنت هتموت قلت كده.
اسر: يا شيخة طب عيني في عينك كده
رهف: احم انا جعانة
اسر: اهربي اهربي بس مسيرك يا ملوخية تيجي تحت المخرطة
رهف: في اكل في المطبخ
اسر: معرفش
رهف: طب في هدوم
اسر: اه هتلاقي هدومك فوق في الدولاب
رهف: وهدومي جت هنا ازاي
اسر: هو لو حضرتك بتسالي كنتي عرفتي اني مرحتش الشركة انهرده
رهف: طيب احنا فين
اسر: مش لازم تعرفي
رهف: لا لازم اعرف
اسر: وانا مش مجبر اني اقولك
رهف: يا ربي بكلم ديب فريزر قدامي.
نظر لها اسر وعاد نظرة نحو التلفاز
رهف: طب انا عايزة اطمن على مالك وملك وندى وجاسر والولاد
اسر: بعدين
رهف: طب انا مش عارفة اي حاجة هنا
امسكها اسر من يدها: تعالي يا ستي اوريكي كل حاجة هنا
اوقفها امام اسر امام الدولاب وجلس خلفها
اسر: اهو يا ستي الدولاب عندك
فتحت رهف الدولاب واغلقتة سريعا وانفجرت برك الدماء في وجهها
اسر بخبث: مالك قفلتي الدولاب بسرعة كده ليه
رهف: ها اصل اصل
اسر؛ مالك اصل إيه
رهف: فين الهدوم.
اسر: عندك في الدولاب
رهف: ديه مش هدومي
اسر: لا دول البنات جيبنها من عندك
رهف: طب هو مش كلهم بتوعي
اسر: مش مشكلتي انتي طلبتي هدوم وانا جبت
رهف: ديه مش هدوم دول لانج، ثم صمتت عضت على شفتها السفلية بخجل يوووووه انا مش هلبس كده لسببين
اسر: الاول
رهف: اني مش حلالك علشان البس كده قدامك
اسر: بس انا مشفتش ورقة الطلاق
رهف: اصل يعني هو...
قاطعها اسر وهو يجذبها لتقع عليه
اسر: اصل اللي متعرفهوش اني عرفت.
رهف بتوتر: عرفت عرفت إيه
اسر. وهو يدفن وجهه في رقبتها: انك لسة على ذمتي ومراتي وحلالي
رهف: لا مش يعني هو
رفع اسر وجهه اليها: مش بتعرفي تكدبي وعلشان انا ربنا بيحبني خلاني اعرف الحقيقة
رهف: يووووووه خلاص انا مراتك خلاص ارتحت
اسر: لا لسة وبعدين عندك هدوم في الدولاب انا نازل اشوف اكل باي يا زوجتي العزيزه.
فتحت رهف الدولاب مرة اخرى وبدات في البحث على ملابس جيدة لتلبسها اخيرا اختارت شورت جينز وعلية بلوزة بيضاء قصيرة وجمعت شعرها على شكل ذيل حصان مبعثر نزلت وجدت اسر يضع الصحون على السفرة رفع اسر نظرة اليها
اسر: الطقم جنان عليكي
رهف: اكتر حاجة محترمة لقيتها
اسر: كل ده ومحترمة اومال لو مش محترمه كانت هتبقي عاملة ازاي
نتركهم قليلا ونعود إلى القاهرة كانت دنيا تضع راسها على رجل سيف
دنيا: حبيبي ممكن سؤال
سيف: خير.
دنيا: انت ليه قولت لاسر ان رهف لسة مراتو وعلى ذمتو بعد اللي حصل من سبع سنين
سيف: بصي يا ستي هما الاتنين بيحبو بعض وكمان كانو بيتعذبو لما كانو بعاد عن بعض واسر عايز يرجعلها بأي طريقة ورهف بتمنعة مع انها لسة بتحبو مش لازم كل الخناق ده وفي الاخر هيرجعو لبعض وفوق كل ده عندهم بدل العيل اتنين يعني شئ صعب
دنيا: ربنا يسعدهم
سيف: هو انتي مش ملاحظة اني اديتك استراحة طويلة
دنيا: في إيه
سيف: الواد كريم
دنيا: مالو.
سيف: نفسو كده في حتت اخ حلو وبعدين عدى سبع سنين
دنيا: يعني عايز بيبي
سيف: ده البيت كلو عايز بيبي
اما في مكان اخر كان ياسر ينفخ في سيجارة بقوة
ياسر: يعني انا كنت معاها في بريطانيا ولما جت قولت هتجوزها عرفت انها اتجوزت ولما اطلقت كنت هموت عليها وهي دلوقتي رجعت لحبيبها
نادر(احد اصدقائه): خلاص يا ياسر انساها
ياسر: انسى ازاي حب عمري كلو
نادر: هي عمرها ما اخدت بالها منك وانت ولا مرة قولتلها.
ياسر: خلاص طفح الكيل طالما مبقتش ليا مش هتبقى لغيري
نادر: يعني إيه
نعود مرة اخرى نحو الفلة
كان الاطفال جميعهم يبكون
زياد: مالكم بتعيكو ليه
محمد: بس بس كفاية عياط
مالك: مامي مش موجودة
سيف: حرام عليكم كل ده علشان رهف مش موجودة
كريم: عمتو فين يا بابي
نور: انا عايزة عمتو
دينا: هنعمل إيه دلوقتي
منه: اتصلي على اسر شوفية
جاسر: انا عايز عمتوو
فرح: خلاص هنتصل نشوفهم
احمد: اتصلي يا دينا.
اسر: يوووه مش وقتك خالص يا دينا، الووو يا دينا
دينا: انت فين يا زفت
اسر: اه الصوت اللي عندك ده مين اللي بيعيط
دينا: العيال كلهم بتعيط
اسر: ليه
دينا: عايزين رهف
اسر: اه طيب
دينا: فين رهف
اسر: رهف فوق مش عايزة تنزل
دينا: طب ادهالي العيال كلها بتعيط
اسر: طب استني رهف يا رهف
رهف: خير
اسر: خدي كلمي الولاد
رهف: هات الو يا حبايبي
مالك: مامي
ادم: انتي فين يا عمتو
رهف: يا روحي متعيطوش
ملك: مامي هتيجي امتى
رهف: شوية يا روحي.
اسر: ازيك يا لوكة
ملك: بابي حبيبي انت فين
اسر: احنا مسافرين يا روحي شوية وهنيجي يلا عايزين حاجة سلام
رهف: انا لازم ارجع
اسر؛شوية
رهف: يووووووووووه اوف
كادت ان تنهض لكن سحبها اسر
اسر: واللهي انا جايبك هنا مش علشان كل واحد يقعد لوحدو
بدا يقترب منها وهي تبتعد حتى التصقت في ظهر الكنبة
رهف: احم ابعد شوية
اسر: وحشتيني
رهف: طب ابعد
اسر: بحبك
لم يجد رد
اسر: بتحبيني
اكتفت رهف بالايماء.
اسر: وانا كمان بحبك اوووووي ثم اردف بخبث متيجي احكيلك حدوتة
رهف: اسر.
استيقظت رهف على اسر وهو يلعب بشعرها نظرت له
رهف: صباح الخير
اسر: صباح النور والفل والياسمين والورد كلو
رهف: طب انا عايزة ارجع البيت مش بعرف اقعد بعيد عن الولاد
اسر؛طب بذمتك مش عايزه شهر عسل جديد
رهف: انا كل ايامي زي العسل بس مش بعرف اقعد بعيد عن الولاد
اسر: توتا تأمر وانا انفذ
عاد كل من اسر ورهف نحو المنزل ما ان رائها الاطفال حتى ركضو نحوها والبسمة من الاذن إلى الاذن
ملك: مامي باابي
رهف: وحشتوني خالص.
نور: كده يا عمتو سبتينا ومشيتي
ساندي: وحشتيني اووي يا عمتو
سيف: دول فضلو يعيطو امبارح
يوسف: نفوخي ورم والمصحف
رهف: طب ايه رايكم نروح النادي
لم يستمع الاطفال باقي الكلام وركضو ليغيرو ملابسهم ذهبو نحو النادي واستمتعو وعندما عادو كانت رهف تنزلهم من السيارة حتى
ياسر: اااااااسر
التف الجميع له كان يبدو علية انه ثمل للغاية ادخلت رهف الاولاد مرة اخرى نحو السيارة
رهف: خليكم هنا محدش ينزل ابدا.
اغلقت رهف. الباب واعادت النظر لهم
يوسف: في إيه يا ياسر
ياسر: في اني بحب اختك من زمان بس للاسف جه اسر وخدها مني
سيف: طب اهدى انت عايز إيه دلوقتي
ياسر: طالما مش هتبقى ليا مش هتبقى لغيري
اخرج ياسر المسدس وصوبة اتجاة اسر صرخت الفتيات
رهف: ياسر اهدى ونزل المسدس انت كده هتخسر كل حاجة
ياسر: انا خسرت قبل كده ومش مشكله اخسر مرة تانية واطلق الرصاصة اغمض اسر عينة سريعا لكنة وجد جسد يسقط علية.
اطلق ياسر النار شهق الجميع بينما اغمض اسر عينية شعر اسر بثقل على جسمه فتح عينيه وجد رهف مصابة بين يدية لقد اخذت الرصاصة عنو صرخ اسر باسمها عندما وقع بها ارضا هرب ياسر راكضا
اسربدموع: رهف رهف متسبنيش علشان خاطري قومي
ركض الجميع نحوة ونزل الاطفال من السيارة نحو رهف
ملك: مااامي بليز فوقي كلميني علشان خاطري
ادم: عمتو انتي كويسة صح يلا فوقي
سيف: انتو لسة هتتكلمو
يوسف: اطلبو الاسعاف.
زياد: يلا شيلها مش هنستنى حد
حمل اسر رهف راكضا نحو السيارة ولحق به الجميع مر ساعات وهم واقفين امام غرفة العمليات
الممرضة ؛احنا محتاجين دم
سيف: انا مستعد اتبرع
الممرضة: فصيلة حضرتك +o
سيف: ديه مش فصيلتي
زياد: انا هتبرع
يوسف: وانا كمان
الممرضة: طب اتفضلو معايا بسرعة
فرح: طب طمنينا عليها
الممرضة: ادعولها
مر ساعتين حتى خرج لهم الطبيب وهو ينزع الكمامة
اسر: طمني يا دكتور.
الدكتور: للاسف الرصاصة جت جمب القلب وده كان صعب جدا على المريضة
منه: يعني إيه يا دكتور
الدكتور ؛انا مش هعرف احدد ان شاء الله بعد 24 ساعة نكون قدرنا نشخص الحالة احنا حاليا هنحطها في العناية المركزة
كان الجميع يدعو لها مر 24 ساعة كانهم 24 سنة عليهم خرج اليهم الطبيب بعد ان تفحص رهف
الدكتور: للاسف عندي خبرين واحد حلو والتاني وحش
دنيا: خير يا دكتور.
الدكتور: المريضة الحمد لله عدت من مرحلة الخطر بس للاسف دخلت في غيبوبة
احمد: وهتفوق امتى يا دكتور
الدكتور: حضرتك عارف يا كتور ان الغيبوبة ملهاش وقت محدد ممكن تفوق بعد ساعة وممكن بعد شهر سنه اتنين ادعولها
بقي الجميع يدعو لها كان المنزل كئيب جدا والاطفال دائما يجلسون لوحدهم والفتيات يدعون لرهف والرجال بالمشفى اما عند بطلنا.
فحالتة كانت متدهورة جدا لا يغادر المشفى بقى بملابسة الملطخة بدماء رهف لا يشلحها مر 5شهور كانت رهف لا تستجيب لاي شئ حولها خرجت من عندها الممرضة
اسر: هي عاملة إيه دلوقتي
الممرضة: للاسف مفيش تحسن
اسر؛طب ممكن ادخلها شوية
الممرضة ؛مش هينفع
اسر: هديكي اللي انتي عيزاه بس ابوس ايديكي عايزة اشوفها
الممرضة: يا فندم انا مش بعمل كده علشان الفلوس بس انت هتدخل لا هتقدم ولا هتاخر
اسر: طب خمس دقايق بس
رفقت الممرضة بحالة.
الممرضة: طب اتفضل معايا تلبس وتدخل
ارتدى اسر الملابس المخصصة للدخول وجد رهف نائمة لا حول لها ولا قوة اقترب اسر منها ونزل على ركبته بجانبها وبدء في البكاء مثل الاطفال.
اسر: وحشتيني يا رهف وحشني كل حاجة فيكي وحشني صوتك مش ناوية تفوقي علشان نقعد مع بعض ونتكلم وحشني كلامنا حتى خناقنا وحشني انا مش قادر اعيش من غيرك انتي اول واحدة دخلتي قلبي واخر واحدة مش عايزك تسيبيني وتروحي انا بموت كل ثانية وانا شايفك مش بتتحركي مش بتقومي مش بتتكلمي انا هموت لو مصحتيش انا كان زماني مكانك بس انتي ضحيتي بنفسك علشاني رغم كل اللي عملتو فيكي عملتي كده ليه حرام عليكي انتي كده بتموتيني محدش فرحان كلو بيموت بسببك انتي ليه مش قادرة تصدقي الكل عايش بس مش عايش حتى الولاد مش سايبين اوضتك مش بيخرجو منها قومي بقى واللهي انتي لو حصلك حاجة هموت نفسي مكانك.
شعر اسر بشئ يضغط على يدة وبدء جهاز القلب يصدر صوتا احضر اسر الطبيب اخرجو اسر من الغرفة وبدء الاطباء بفعل الصدمات الكهربائية
الدكتور: زودي الطاقة
ظل يفعل الاطباء الصدمات إلى ان عاد القلب إلى العمل بشكل منتظم
الدكتور: احنا رجعنا النبض لوضعو الطبيعي
اسر: دكتور رهف مسكت ايدي وضغطت عليها انا عايزة ادخلها
الدكتور: انت متاكد انها ضغطت على ايدك
اسر: ايوة يا دكتور انا متاكد.
الدكتور: ممكن ديه تكون اشارة كويسة بس للاسف مش هتقدر تدخلها دلوقتي ممكن بكرة علشان متجهدش
اسر: طب لو فاقت يا دكتور
الدكتور: ده شئ كويس بس مش هعرف احدد دلوقتي لازم لما تفوق
مر هذا اليوم على اسر بشئ من الامل في اعادت رهف إلى الحياة دخل اسر إلى رهف في اليوم التالي وقبل جبينها وجلس بجانبها.
اسر: حبيبتي كده تقلقيني عليكي امبارح وحشتيني اوووي بصي انا عايزك تفوقي انتي تعرفي ان بعد خمس ايام هيجي السنة 8 لحبنا في اليوم ده انتي قولتيلي حبيبي وانا عايزك تصحي علشان تقوليها مرة تانية انا بحب اسمعها منك اوووي بحبها لما تبقى طالعة منك بس انتي مش بتحبيني كده تسيبيني كل الفترة ديه ا...
قاطع اسر كلامة عندما وجد يد رهف تضغط على يدة نظر لها.
اسر: رهف انتي فوقتي صح يلا فتحي عيونك وفوقي يلا اصحي علشان نتكلم
بدات رهف في تحريك رموشها ببطئ فتحت عينها كانت الرؤية مشوشة بعض الشئ ثم ابتدئت توضح قليلا لفت وجهها وجدت اسر ينظر لها قالت بضعف شديد
رهف: اااسر
نظر لها اسر ثم ضحك والدموع تنزل منه: انتي فوقتي صح.
لم يستمع اسر للرد اقترب منها واحتضنها بقوة اما رهف كانت تتالم ولكن سكتت وضعت يدها على ضهره تحتضنة هي الاخرة ابتعد عنها اسر: انا اسف نسيت العملية وجعتك صح
رهف بضعف وصوت مبحوح: مش قوي بس انا موافقة
اسر: استني هنده للدكتور
جاء الطبيب وفحص رهف
الدكتور: لا كده كويس اووووووووووي احنا هننقلها غرفة عادية
اسر: يعني هي عايشة يا دكتور
نظرت له رهف بستغراب
الدكتور: افندم
اسر: انا اسف قصدي هي كويسه معلش اتلخبطت.
الدكتور: لا هي كويسة بس مش لازم اجهاد
نقل الدكتور رهف إلى غرفة عادية جلس اسر بجانبها على السرير وضمها اليه
رهف: اسر هو محدش جة ليه
اسر: انا مقولتش لحد
رهف: طب ممكن اطلب طلب
اسر: الدنيا وما فيها تحت امرك
رهف: تروح تجبهم وتغير هدومك وبعدين تستريح وتيجي بكرة
اسر: نص كلامك صح والنص التاني غلط
رهف: ازاي
اسر: انا هروح اغير هدومي واجيبهم واجي.
قاطع حديثهم دخول الممرضة لقياس ضغط الدم لاحظت رهف نظرات الاعجاب من الممرضة نحو اسر
رهف: مش هنخلص بقى ولا إيه
الممرضة: لا خلاص حضرتك خلصنا
رهف: اوك شايفة الباب اللي هناك ده تخرجي منه مشوفكيش هنا تاني ابقي ابعتي ممرضة تانية
الممرضة لاسر: ينفع كده يا استاذ اللي بتعملو اختك
رهف بعصبية: كك خوت في دماغك انتي مالك وبعدين يا حبيبتي انا مراتو اطلعي برة وابعتيلي ممرضة غيرك
اسر: براحة بس يا توتا العصبية مش كويسة.
الممرضة: هيييييييح يا رب يخليكو لبعض
رهف: متباتي معانا احسن اتفضلي
قبل ان تخرج الممرضة غمزت لاسر وخرجت
رهف: بقولك انت تروح متجيش تاني
اسر: وانا عملت إيه بس وبعدين اهدي العصبية وحشة عليكي
رهف: بلا عصبية بلا ارف انت مشوفتش البت بتبصلك ازاي لا والبجحة كمان راحت غمزالك
اسر: خلاص يا روحي بلاش غيرة وبعدين انا هبص ليها واسيب القمر اللي في ايدي ده
رهف: سبتني يا اخويا سبتني
اسر: حرام عليكي ده انا غلبان.
رهف: اه يا سوسا انت انا عايزة الولاد
اسر: بس انا عايز افضل معاكي
رهف: معايا ولا مع الممرضات
اسر وهو يقرص خدودها: حبيبي بيغير يا ناس بحبك واللهي
رهف: طب الممرضة
اسر: واللهي شبة الغوريلا
رهف: ههههههه ضحكتني وانا مش قادرة اضحك يلا طريقك صحراوي عايزة انام
اسر وهو يقبل جبينها: ماشي شوية وهاجي بحبك
رهف: وانا كمان بحبك
غادر اسر وهو فرح جدا دخل المنزل وجد الجميع يجلس صامتا وعلى وجهه علامات الحزن والقلق.
اسر بفرحة شديدة: رهف فاقت انهرده
سيف: بجد طب هي كويسة
خرج الاطفال من غرفة رهف
مالك: بابي مامي كويسة صح
ندى: عمتو فاقت
اسر: بصو انا هستحمى والبس اللي مش...
ركض الاطفال قبل ان يسمعو بقية الكلام نظر لهم اسر
اسر: يا ولاد المجنين وانتو هترو...
ركض هذه المرة الجميع قبل سماع الكلام رفع اسر حاجبية باستغراب
اسر: اه البيت ابن المجنونة ده
خرج اسر من غرفتة وجد الجميع في الصالة.
احمد: يلا ده العيال ويوسف وزياد مشيو وسابونا
اسر: طب يلا
فتح باب الغرفة على رهف دخل منه الاطفال يركضون
نور: عمتو حبيبتي
رهف: حبايبي وحشني
يوسف: رهف حبيبتي انتي عاملة إيه
رهف: انا كويسة وانتو عامليين إيه
مالك: تعرفي يا ماما احنا كنا مش بنسيب الاوضة
زياد: كانو بياكلو يشربو ينامو فيها مش بيتحركو
وصل الباقي إلى رهف وجلسو معها حتى المساء
سيف: لا انا اللي هبات
يوسف: لا مليش دعوة انا عايز ابات.
اسر: هي مراتي ولا مراتكو
احمد: روحو انتو وانا اللي هبات
زياد: لا انا اللي حاجز الاول
قطع حديثهم صوت الفرد الامن الخاص بالمشفى(السكيورتي)
الامن: حضرتك طلبتيني
رهف: ايوة لو سمحت اطردهم مفيش صحة مريض خالص مش عارفة ارتاح
الامن؛اتفضلو معايا لو سمحتو
اسر: احنا فينا من الحركات ديه
غادر الجميع المشفى ومرت السنوات وحب ابطالنا مازال يزداد ولكن هناك شد وجذب ولكنهم لا ينامون سوي في احضان بعضهم.
في احد قاعات الافراح حيث كان اثنان من الازواج يتراقصون
اسر: شايفة الولاد فرحانين قد إيه
رامي: الله يا حج انت ناوي تعدها ولا إيه
اسر: بس يا واد
ياسمين: يا ماما تعالي شوفي بابا والواد رامي بيقولو إيه
رهف: اكيد واللهي الواد رامي شبة ابوكي ايام شبابة
رامي: ماله يا ماما ما بابا لسة شباب
اسر: اة واللهي ده حتى البنات لسة بيعاكسوني
رهف: بي إيه سمعني علشان مسمعتش بس.
رامي: احم اظن ننسحب احنا ديه حاجات متجوزين وانا واختي سنجل وانا مش عايزها تنحرف
ياسمين: احنا شعللناها ونكنفي بكدة يلا يا رامي
اما على جانب اخر
ندى: يا ادم فكها شوية
ادم: ده اللي غيظني اشمعنا هما يتجوزو واحنا لا عمتو مصممة تخلي. فرحنا بعد ما يرجعو من شهر العسل
ندي: معلش يا حبيبي
ادم: متجيبي بوسة
ندي: اااادم احترم نفسك
ادم: يا عالم يا هو كاتب كتابي ومش عارف اخد حتت بوسة.
اسر ورهف: جابو بنت وولد كمان رامي الكبير وبعدين ياسمين
سيف ودنيا: جابو نادين ونسمة وعلي
احمد ودينا: جابو سديم وادهم
يوسف ومنه: جابو اروي وليلي
زياد وفرح: جابو ليليان واميرة
محمد وسلمى: جابو بسمة وروان
وادم وندي مكتوب كتابهم
وجاسر وساندي مكتوب كتابهم
وتوتا توتا خلصت الحدوتة حلوة ولا ملتوتة.