رواية طغيان عاشق للكاتبة أسماء صلاح الفصل التاسع والثلاثون
ليل هزت رأسها و قالت انا مش همشي من هنا، دخل جاسر
يوسف بسخرية الباشا بقا هو اللي واخدها...
ليل راحت وقفت جنب جاسر و قالت انا مش عايزة اروح معاهم خليني معاك...
يوسف هيتجنن و مش طايق نفسه...
سامي اتنهد و قال يا بنتي بلاش تتعبي قلبنا معاكي...
ليل ببكاء انا عايزة أفضل هنا...
يوسف اتعصب و اتجه لها و مد يده ليسحبها و يقبض عليها و لكن وقف جاسر حاجزا و قال بغضب ايدك لأقطعها...
يوسف نظر له و قال دي اختي؟
-و مراتي...
نسمه حسيت ان الموضوع مش هيبقى ظريف خصوصا أنها عارفه ان الاتنين لو مسكوا في بعض فأكيد حد فيهم هيموت التاني...
ليل قالت بخوف خلاص...
يوسف بزمجرة اسمعي كلام أهلك لأحسن اقسم بالله مش هيحصلك و قبل أن يكمل جملته تلقى لكمة قويه
يوسف وضع يده على وجه بغضب و قال بعصبية انت اتجننت...
جاسر بص لسامي و قال لو مخدتش ابنك و مشيت هتخرج من غيره...
سامي بضيق انت بتحاربنا في بنتنا كمان...
ليل قالت بخوف سيبوني و امشوا
يوسف بعصبيه انا مش عارف أنتي عايزة تعيشي مع المجنون دا...
حكمت تتدخلت و قالت يوسف خليها على راحتها، براحتك يا بنتي...
سامي نظر إلى حكمت و قال يعني ايه؟
-يعني انا مش هخسر بنتي يا سامي و هو جوزها و هي اخترته فخلاص و انت يا جاسر ياريت تعمل حساب انك متجوز بنتنا و انها حامل...
ليل ابتسمت و اقتربت من والدتها، ضمتها حكمت إليها و قالت خلي بالك من نفسك يا بنتي و انا هاجي ازورك...
هزت رأسها و قالت شكرا...
اتنهدت حكمت و قالت يلا عشان نمشي، و غادروا
يوسف بعصبية انتي موافقة على كلامها دا؟
حكمت بحزم اهاا هي حره و بعدين هي حامل يعني هيكون بينا صلة و بصراحة انا مش عايزة اخسر بنتي و لا ادخل في جدال في جاسر المنشاوي...
زفر يوسف بضيق و قال بس أنا مش هسكت
حكمت بتأفف خليك في حالك يا يوسف و انت يا سامي فكر في كلامي هتلاقي صح
سامي اتنهد و قال بس جاسر مش مناسب ليها...؟ و انتي عارفه.
-هي متعلقة به و كمان تعبانة يعني مش ناقصه، فخلاص طالما دا اختيارها، احنا عاوزين ايه غير أنها تبقى كويسه...
سامي بيأس على رأيك...
ليل سأبتهم و دخلت الاوضه
نسمه بعتاب على الأقل كنت احترم الناس
جاسر بعصبية اخدهم بالحضن يعني و بعدين هو اكيد مشي واركي...
-يا جاسر افهم دول أهل مراتك...
-طيب يا نسمه ادخلي شوفي انتي هتعملي ايه؟
تنهدت نسمه و قالت عمرك ما هتتغير و تركته و دخلت إلى غرفتها.
جاسر فضل قاعد برا و بعدين خرج، و جلس بالخارج على الرمال...
ليل شعرت بالقلق عندما خرجت و لم تجده فدخلت إلى الشرفة و لمحته يجلس أمام الشاطئ، دخلت ليل و ارتديت ملابسها و حجابها و بعدين خرجت لي و قالت جاسر انت قاعد برا دلوقتي ليه...؟
رفع نظره ليها و بعدين قام و اتنهد قائلا اول مره شوفتك كانت عند البحر و كانت الدنيا ليل برضو
ليل باستغراب بجد؟!
-ساعتها كنت نسيت التليفون و انتي طلعتي ورايا...
تذكرت ليل الموقف و قالت اهاا و السواق هو اللي خده مني...
-امممم و تاني مرة كانت في المصنع و لما خدتك البيت عندي و التالتة في الشركة و الرابعة كانت في الفندق و الخامس كانت في البيت عندك لما قررت اتجوزك...
ليل بدهشة ليه بتقولي الكلام دا؟
وضع يده في جيبه و نظر إلى البحر و قال تعرفي اتجوزتك ليه؟، عشان مبحبش احس اني مش عارف أطول حاجه و انها بعيدة عني، لما عرفت انك تعبانة خوفت تموتي و اكون أن السبب في دا...
سقطت الدموع من عينها و قالت خلاص يا جاسر اللي فات مات...
التفت لها و امسك كفيها و قال انا خايف تسيبني، انا عارف اني مجنون و ممكن تصرفاتي تكون وحشه بس انا عايزك، و عارف اني اناني بس انا طول عمري لوحدي بعمل كل حاجه لوحدي مكنش معايا ام تاخد بالها و لا تراعي تصرفاتي و لا كان عندي حد يشاركني في حاجه، الوحيدة اللي كانت بتحاول تقرب مني رغم أن الكل كان بيبعد هي نسمه و هي اللي قدرت تتخطى الحواجز اللي بينا انا معرفش انا حتى بحبها و لا؟ بس بالنسبالي حاجه اساسيه مقدرش اعيش من غيرها و حتى معاها كنت اناني أوي، نسمه عاشت معايا اكتر ما عاشت مع امها و ابوها و اتنهد و انتي احلى و انضف حاجه حصلت في حياتي، مش عايزك تمشي و لا تبعدني عني لحظة واحدة، استحملي عصبيتي و غيرتي عليكي عشان انا عايزك ليا لوحدي، عارف انك كنتي تستاهلي واحد احسن مني واحد يعاملك كويس من اول مره شافك فيها واحد مش كل حياته عقد نفسية، انا هحاول أتغير والله بس اكيد هاخد وقت...
سحبت يدها و عقدت ذراعها حول عنقه و عناقته و قالت انا بحبك يا جاسر و شايفك احسن واحد في الدنيا مش مهم ايه حاجه حصلت زمان المهم دلوقتي، و حتى مش مهم تتغير انا عايزك زي ما انت، ابتعدت عنه و قالت عايزة نربي عيالنا مع بعض و ايه حاجه حصلت وحشه في حياتنا نعوضها ليهم...
قبل يدها و قال نفسي تفضلي معايا لآخر يوم في عمري...
تنهدت ليل و قالت و انا نفسي ربنا يطول في عمري عشان أفضل معاك...
وضع ذراعه حول خصرها و الاخر خلف ركبتيها و حملها، لفت يدها حول عنقه و قالت حاسب لتوقعني بقا...
ابتسم و قال حاضر، دخل جاسر إلى الشاليه و قفل الباب خلفه و من ثم دخل إلى غرفتهم و وكل الباب بقدمه، و وضعها على الفراش برفق و قال نامي...
-انام؟!
جاسر باستغراب عشان الوقت اتأخر!
-اهااا طب هقوم أغير...
-طيب يا حبيبتي...
قامت ليل و أخذت بيجامة ليها و دلفت إلى المرحاض و ابدلت ملابسها و خرجت، و ذهبت و نامت بجواره و قالت جاسر هو انت هتنام؟
-اممم و اومال هعمل ايه؟
قامت و زفرت بضيق و قالت انت حتي مش هاين عليك تبوسني...
قام جاسر و قال بس كدا، و اقترب منها و قبل وجنتها...
ليل لوت فمها بضيق و قالت اختك انا...
-بقيت قليلة الادب...
-انت اللي فهمت غلط انا قصدي اللي هو عشان تصالحني...
-حاضر، انحني عليها ليقبل شفتيها، اوصدت عنها و بادلته قبلته العاشقة، أبتعد عنها و قال عايزة حاجه تاني...
وضعت رأسها على صدره و احتضتنه و قالت لا كفاية عليك كدا انهاردة
ابتسم و قال هو انتي مش ناوية تعملي سونار و لا إيه...؟
-لا مش عايزة
-ليه؟
-عشان انا حامل في توأم و نفس يطلعوا ولد و بنت فمش هعمل سونار عشان مصدمش و بعدين انا لسه في الرابع...
-اممم توأم و عرفتي ازاي؟
بعد ما خرجت من المستشفى، روحت عيادة عشان اطمن إذا كان حصلي حاجه ولا و الدكتورة لما عملتي إشاعة قالتي اني حامل في توأم...
-اممم و انتي قررتي انهم هيبقوا آدم و سيلين
-امممممم عندك مانع و لا إيه؟
-هو انا اتكلمت...
-انت مش فرحان؟
اتنهد جاسر و قال مش عارف والله بس انا هحب ايه حاجه منك...
ابتسمت ليل و قالت انت بس لو تبطل رخامة و برود هتبقى زي الفل...
-هتفضلي هنا و لا هترجعي البيت؟
-لا هفضل هنا بصراحه المكان عاجبني و قدام البحر على طول
-ماشي بس المهم خدي العلاج و كُلي كويس عشان آدم و سيلين
ابتسمت ليل و قالت حاضر، اغمض جاسر عينه و مرت بضع دقائق
-جاسر
-يا قلب جاسر
ابتسمت ليل و قالت انا جعانه...
فتح عينه و قال دلوقتي؟، هزت رأسها قائلة اها و حتى آدم و سيلين جعانين معايا...
-اعمل ايه طيب؟
-اعملي اكل عشان أكله، تنهد جاسر و قام و قال يارب يعدي الخمس شهور دول على خير...
-جاسر انا مبعرفش اعمل اكل اصلا فمش هتفرق و فيها ايه يعني لما تعمل اكل لمراتك و عيالك...
-يا خبر دي احسن ساعه في حياتي كلها، قام جاسر و ذهب إلى المطبخ و ذهبت هي خلفه و قالت اعملي مكرونة...
-مكرونة؟!
-اهااا آدم بيحب المكرونة...
-طيب يا روحي...
-و عايزة بطاطس محمرة
-اكيد عشان سيلين، ابتسمت ليل و قالت اهااا، و اعمل ليا انا بقا شاورما.
-كل دا دلوقتي، هزت رأسها و قالت فيها ايه و بعدين الحاجه في التلاجه مش هتتعب...
-طيب، اخرج جاسر الأغراض من التلاجه و بدأ في اعداد الطعام و ليل طلعت الشوكولاتة و قعدت على رخامه المطبخ و بدأت في تناولها، جاسر هاتلى مياه عشان عطشانة، ترك جاسر ما في يده و أحضر لها زجاجه المياه و قال اتفضلي...
ارتشفت ليل المياه و قالت ناقص كتير...
-لا خلاص الأكل جهز، حملها لينزلها برفق و قال بلاش تقعدي كدا تاني...
-حاضر...
وضع الطعام في الاطباق و حملها و خرجوا و وضعها على السفرة، جلست ليل و قالت انت مش هتاكل معايا؟
-لا...
-اقعد كُل معايا، اتنهد جاسر و بدأ ياكل لقيمات بسيطة و ليل كانت خلصت طبقها كله، و قالت الحمد الله...
-قومي اغسلي ايدك بقا و نامي...
-هنام دلوقتي هتخن كدا...
-يعني الاكل دا كله و الشوكولاتة مش هتخنك و النوم هو اللي هيتخنك
-اهاا...
-قومي اغسلي ايدك طيب، ابتسمت ليل و قالت حاضر...
في الصباح، طرقت نسمه باب غرفتهم و قالت اصحوا يا جماعه...
استيقظ جاسر و فتح الباب و قال ناقص ثانيه و هتشل...
ضحكت نسمة و قالت صباح الخير يا جسور
-و انتي هتفضلي قاعدة هنا؟
-هروح فين بصراحه عاجبني البحر أوي و بعدين الشاليه بقى بتاعنا
-طيب يا اختي المهم خلي بالكم من بعض و انا هروح الشغل
-هترجع امتى؟
-مش عارف والله بس مراد متسوح و لازم اروح...
-طيب يا حبيبي مش هتفطر.
-لا في الشغل بقا المهم خلي بالك منها و لو في حاجه قوليلي...
غادر جاسر و نسمه فضلت قاعدة و كانت بتتفرج على التليفزيون و لكنها سمعت طرق الباب
نسمه باستغراب مين اللي هيجي دا؟
قامت نسمه تفتح و قالت بدهشه...