رواية طريق الهلاك للكاتبة سلسبيل كوبك الفصل الثامن عشر
دارك لف برأسه ناحية مكان إيلاف اتصدم من المشهد و حط ايده على قلبه بتلقائية.
ألبرتو(بالروسية): طالما جواز مصلحة فانا عايزك ل.
دارك(بصوت عالي): إيلاف.
إيلاف فتحت عينيها أول ما سمعت صوت دارك و ابتسمت لكن فجأة رصاصة خرجت من السلاح اللي كان مصوب ناحيتها.
دارك ساب ألبرتو و نزل جري لتحت، كل اللي شافه استغرب حالته.
دارك وصل على بُعد بسيط من إيلاف اللي الطلقة صابتها و وقعت على الأرض.
دارك(بصوت عالي): إيلاف.
دارك وصل لإيلاف شدها لحضنه و حط ايده على خده بخوف...
دارك: إيلاف سمعاني؟
دارك: ردي عليا إيلاف.
إيلاف بصت لدارك بضعف قبل ما تغمض عينيها مستسلمة للظلام، دارك هز رأسه بعنف.
دارك: لا لا إيلاف فتحي عينك إيلاف.
دارك حط ايده على جرح إيلاف و بصلها.
دارك: إيلاف ردي عليا.
ألبرتو(بالروسية): دارك.
دارك رفع عينه لألبرتو و بصله بضعف.
رائد قرب من دارك و إيلاف و هو حزين على إيلاف، جوليا كانت بتعيط في حضن كمال.
أصلي قربت من إيلاف و حاولت تتدخل و شافت النبض الأول و بصت لدارك...
أصلي: لسة في أمل.
ألبرتو(بالروسية): عايز تروح المستشفى؟
ريان(بالروسية): خطر علينا.
دارك بصلهم و شال إيلاف بين ايديه و بدأ يمشي ناحية بيته و هما وراه.
دارك(بحدة): مش عايز حد خالص هنا.
دارك دخل بيته و قفل الباب برجله و حط إيلاف على سريره و دخل الحمام فتح دولاب صغير و طلع منه معدات طبية.
دارك قرب من إيلاف قعد جمبها و قطع التي شيرت بتاعها، دارك خد نفس عميق و حاول يطلع الطلقة من جسم إيلاف و بعد محاولات نجح.
دارك طهر جرح إيلاف و بص على ملامحها، كانت إيلاف مغمضة عينها جامد دلالة على إحساسها بالآلم.
دارك بعد فترة كان طهر جرح إيلاف بعد ما ملايات السرير اتغرقت بدمها.
دارك قام و غسل ايده و غسل وشه كذا مرة، دارك خرج غير هدوم إيلاف و غير الملايات.
دارك قعد جمب إيلاف و مسك ايديها بهدوء.
دارك(بضيق): فوقي في أسرع وقت.
دارك(بضيق): فاهمة؟
دارك ملس على شعر إيلاف بهدوء و سهر جمبها.
-في مكان تاني...
عند حازم.
الدكتور: واضح أنها هتدخل في غيبوبة.
حازم(بقلق): يعني هي لسة في خطر على حياتها؟
الدكتور: للأسف أه...
حازم(بقلق): طب امتى هتبقى كويسة؟
الدكتور: مقدرش أحدد.
الدكتور: الا بعد مرور 48 ساعة من دلوقتي.
حازم: طب ممكن أدخل اشوفها؟
الدكتور: بعتذر لا مينفعش.
حازم(بقلق): طب ليه؟
الدكتور(باستغراب): لأنه غلط حضرتك.
حازم(بقلق): طب امتى هتفوق؟
الدكتور: قولت لحضرتك بعد 48 ساعة هنعرف.
حازم: آسف ازعجتك.
حازم: طب ازاي اقدر اشوفها؟
الدكتور: من الشباك الازاز ده غير كدة مينفعش، عن اذنك.
حازم قرب بخطوات بطيئة و وقف قدام أوضة شغف و بص عليها من الشباك الازاز.
حازم بص على شغف اللي حواليها أجهزة كتيرة و هي نايمة علي سرير المرضى في عالم تاني مفهوش غيرها.
دمعة نزلت من عين حازم تحت استغراب نفسه.
حازم(بخفوت): مش قادر أعرف أنا خايف عليكي ليه مش قادر أعرف ليه أنا حاسس بفراغ طول ما انتي مكانك كدة.
حازم(بخفوت): فوقي بأسرع وقت محتاج أشوف عينك اللي دايما بتتكلم من غير ما أفهمها.
حازم(بخفوت): عملتي فيا إيه يا شغف!
حازم(بخفوت): فوقي في أسرع وقت هكون في إنتظارك.
حازم قعد قدام أوضة شغف طوال ال48 ساعة.
-في مكان تاني.
عند دارك.
دارك صحي من نومه على صوت إيلاف، دارك فتح عينه بسرعة و قرب منها لقاها بتتكلم بكلمات مش مفهومة.
دارك حط إيده على رأس إيلاف لقى حرارتها عالية، دارك قام بسرعة جاب جهاز قياس الحرارة و بدأ يشوف درجة حرارة إيلاف اللي اتعدت ال40 درجة مئوية.
دارك دخل الحمام بسرعة ملى البانيو بالماية السقعة و دخل لإيلاف شالها بين ايديه و دخل للحمام بص على ملامحها اللي بقت باهتة.
دارك حط إيلاف في البانيو شهقت، دارك ثبت رأس إيلاف بايده و بدأ يغسل وشها بالماية السقعة.
دارك اتأكد من أن حرارة إيلاف قلت و شالها خرجها بره الحمام و غير هدومها و غير على جرحها للمرة التانية و رجعها تنام على السرير تاني.
الباب خبط، خرج دارك بره أوضته و فتح الباب.
رائد: جيت علشان اطمن على إيلاف.
دارك: جاي الساعة 3 بليل تطمن عليها؟
رائد: أحنا منقلنهاش المستشفى و لا حتى أصلي سمحت ليها تنقذها.
رائد: فكنت عايز اطمن عملت إيه؟
دارك: هي بخير.
رائد: طب و أنت؟
دارك: بخير.
رائد: مش باين.
دارك: مشكلتك مش مشكلتي.
دارك: هقفل و مش عايز أي حاجة تزعجني.
رائد: لأول مرة تغيب عن الاجتماع اللي ألبرتو عامله ده معناه أنها أغلى من.
دارك(بحدة): مش صحيح.
دارك قفل الباب في وش رائد اللي رجع للقصر لباقي الشباب.
رائد: طاهر أخباره إيه؟
جوليا(بحزن): اصلي معاه لسة مفاقش.
ريان: أنا شايف ان السبب في كل المصايب دي هي إيلاف.
كمال: البنت أكتر واحدة اتأذت يا ريان.
ريان: أنا متأكد أن دارك نبه عليها متخرجش لأنه عارف أن اللي بيخرج و الحراس متتعرفش عليه بيصوبوا ناحيته فورا و من غير أي تردد.
رائد: انا متأكد أنها هتبقى بخير.
رائد: و كمان ألبرتو قال أن الطلقات المُستخدمة مش بتسبب موت.
جوليا: هتبقى بخير صح يا كمال؟
كمال: إن شاء الله.
ريان: معتقدش.
ريان سابهم و طلع لأوضته، باقي الشباب بصوا لبعض. كل واحد دخل لأوضته.
عند طاهر و أصلي.
أصلي كانت قاعدة جمب طاهر بتعيط على حالته، بعد فترة حست بايد طاهر على ايده.
أصلي رفعت عينيها بسرعة لطاهر.
اصلي: طاهر طاهر انت كويس؟
اصلي: رد عليا.
طاهر(بخفوت): ماية.
اصلي سابته بسرعة و جابت ليه ماية و سندت رأسه بإيديها و شربته، طاهر غمض عينه و فتحها تاني ببطء.
طاهر(بتعب): هما كويسين؟
أصلي: اه اه. المهم انت حاسس بإيه دلوقتي؟
طاهر(بتعب): مش حاسس بايدي.
أصلي: لأنها اتجبست الحمدلله أنها جت سليمة.
طاهر(بتعب): كنتي بتعيطي ليه؟
اصلي(بتوتر): انا! لا مكنتش بعيط.
طاهر بص لأصلي في عينيها و هي بصتله بتوتر و بِعدت عينيها عنه.
طاهر رفع ايديه ببطء و مسح دمعة نزلت على خد أصلي، اصلي بصتله و حطت عينيها في الارض.
طاهر: مش مضطرة تخبي.
أصلي: محتاج حاجة اعملها ليك؟
طاهر: لا.
اصلي: هقوم انا.
أصلي قامت وقفت و كانت هتمشي، طاهر مسك ايديها و اصلي قربت منه تاني...
طاهر(بخفوت): خليكي جمبي.
اصلي: بس.
طاهر: لغاية ما أنام تاني.
أصلي: طيب.
أصل قعدت في الارض جمب سرير طاهر و حطت رأسها على سريره، طاهر غمض عينه و بدأ ينام بعمق...
-في مكان تاني...
عند حازم.
عدى ال48 ساعة كأنهم سنين، الدكتور دخل و بدأ يفحص حالة شغف.
الدكتور: جهزي أوضة عادية للمريضة.
ممرضة: تمام يا دكتور.
الدكتور: بلغيني أول ما تفوق.
الدكتور خرج و قابله حازم اللي قام وقف بلهفة.
حازم: ها يا دكتور؟
الدكتور: الحمدلله مدخلتش غيبوبة.
الدكتور: هننقلها أوضة عادية حاليا و أول ما تفوق أقدر أبلغك بتقرير مفصل لحالتها.
الدكتور مشي و ساب حازم اللي عينه اتعلقت بشغف اللي خرجت قدامه من أوضة العناية المركزة.
نقلوا شغف لأوضة عادية و الممرضة خرجت بعد ما اطمنت علي حالتها، حازم دخل بسرعة ليها و قعد جمبها.
حازم: الحمدلله أنك خرجتي من الأوضة التانية مكنتش عارف أشوفك و لا أدخلك...
حازم: أنا مبسوط أنك خلاص قربتي تفوقي.
حازم: و.
حازم سكت أول ما لاحظ أن شغف بدأت تفوق، شغف حركت رأسها يمين وشمال ببطء و بدأت تفتح عينيها ببطء.
شغف أول ما فاقت وقعت عينيها علي حازم اللي ابتسم ليها و مسك ايديها.
حازم: حمدلله على سلامتك.
شغف: أنا فين؟
حازم: في المستشفى.
شغف: ا.
حازم(بتلقائية): تتجوزيني؟
شغف بصت لحازم بدون وعي و حاولت تستوعب اللي هو قاله.
شغف: مين؟
حازم: انتي.
شغف: نعم؟!
حازم: تتجوزيني!؟
شغف: لا.
حازم بص لشغف باستغراب، في نفس اللحظة دخل الدكتور منعه من الكلام و فحص شغف.
حازم خرج وقف بره اوضة شغف و هو بيفكر في سبب رفضها.
-في مكان تاني...
عند دارك.
دارك سهر لأيام جمب إيلاف اللي لسة مفاقتش و درجة حرارتها كانت غير مستقرة.
إيلاف بدأت تفوق من إغمائها الطويل، فتحت عينيها ببطء و بصت حواليها لكن وقعت عينيها على تلك العينين الزرقاء اللي شافتهم لأول مرة.
دارك(بالروسية): أجل كل حاجة أنا مش فاضي الفترة دي.
دارك(بالروسية): لحد ما انا اللي ألغي التأجيل.
دارك(بالروسية): مش مضطر اقدملك مبررات.
دارك قفل التليفون في وش المتصل، لف بنظره ناحية إيلاف اللي بصتله بصدمة.
دارك جري ناحية إيلاف بسرعة و مسك ايديها.
دارك: انتي كويسة؟
دارك: حاسة بوجع؟
دارك: أخيرا صحيتي!
دارك بدأ يتفحص درجة حرارة إيلاف، إيلاف بدأت تستوعب اللي هي فيه و بِعدت ايد دارك بعيد عنها.
إيلاف(بحدة): انت مين؟
إيلاف: ابعد عني انت مين؟!
دارك(بعدم فهم): انا دارك يا إيلاف.
إيلاف: دارك اللي اعرفه من يوم ما شوفته عيونه كانت بني.
دارك(ببرود): هي دلالتك على إني دارك لون عيوني!
دارك ساب و إيلاف و خرج بره أوضته، إيلاف قامت بحركة سريعة من على السرير و كانت هتروح وراه وقفت و هي حاسة بوجع.
إيلاف(بوجع): آآآه.
إيلاف حطت ايديها مكان الجرح بوجع، دارك قرب منها و شالها بين ايديه.
إيلاف بصت ليه بحذر، إيلاف قربت من رقبة دارك تحت استغرابه الشديد.
إيلاف: أنت دارك.
إيلاف رفعت رأسها لدارك و حاوطت رقبته بايديها.
إيلاف: دي عيونك حقيقي!
دارك: اعتبريه قناع و انسي الشكل ده.
إيلاف(بخبث): وشك الحقيقي مش كدة؟!
دارك(بضيق): لا.
إيلاف(بخبث): لا بس أنا بقول أنه وشك الحقيقي بس انت بتخبي صح؟
دارك(بضيق): انتي ايه اللي فوقك ما كنتي تخليكي في غيبوبة سنة و لا سنتين.
إيلاف(برفعة حاجب): بعد كدة تتكلم معايا باحترام متنساش إني أعرف شكلك الحقيقي دلوقتي.
دارك(بحدة): قولتلك مش وشي الحقيقي.
إيلاف: طالما مش وشك الحقيقي أخرج بيه قدام الكل.
دارك بص لإيلاف بغضب و نيمها على السرير، و وقف قدامها ربع ايده و هي بصتله ببرود.
دارك(بضيق): مش عارف فوقتي ليه؟
إيلاف: علشان أقرفك و كمان أقل حاجة تعملها معايا أنك تخليني اشوف وشك الحقيقي بعد كل المرمطة اللي حصلتلي بسببك.
دارك(بحدة): مش أنا نبهت عليكي متخرجيش أيا كان السبب؟
إيلاف بصت لدارك بتوتر و بِعدت عينيها عنه، دارك قرب من إيلاف و مسك دراعها.
دارك: خرجتي ليه؟
إيلاف(بوجع): آآآآآه ابعد يا دارك.
دارك بِعد بسرعة بعيد عن إيلاف اللي بصت على مكان جرحها و بعدها بصت لدارك.
دارك: انتي كويسة؟
إيلاف: من غيرك أكيد.
دارك(ببرود): طيب مش مهم...
إيلاف: عايزة أكل.
دارك: كنت هعمل من غير ما تقولي.
دارك ساب إيلاف و بدأ يحضر أكل ليها و جاب الاكل لحد عندها في السرير.
دارك: لما تخلصي لازم تأخدي دوش.
إيلاف: شوف كدة حرارتي عالية أنا حاسة بكدة.
إيلاف مدت برأسها ناحية دارك اللي حط ايده علي رأسها و بصلها.
دارك: لا و بلاش تمثيل.
إيلاف(ببراءة): أنا قولت حاسة مش بمثل.
دارك(بضيق): كُلي انجزي علشان ورايا شغل.
إيلاف: طيب.
إيلاف خلصت أكل، دارك شال صينية الاكل و دخلها المطبخ و رجع تاني لإيلاف.
إيلاف: اغسلي ايدي.
دارك: نعم!
إيلاف: هتعمل كدة لسببين تحب تعرفهم؟
دارك: اه يا ريت جنابك.
إيلاف: اولا لأني تعبانة.
إيلاف: ثانيا لأني أعرف وشك الحقيقي.
دارك(بحدة): ده يعتبر ابتزاز.
إيلاف(ببرود): سميه زي ما أنت عايز.
دارك شد الغطاء من على إيلاف بغضب، إيلاف اتخضت و رجعت خطوة لورا. دارك شالها بين ايديه و دخلها الحمام بدأ يغسل ايديها و وشها.
إيلاف(بابتسامة مستفزة): شكرا.
إيلاف: شيلني بقى أنام على السرير أصلي تعبانة أوي.
دارك قرب من إيلاف و هي رجعت لورا بخوف.
دارك(بهمس مخيف): هتزيدي فيها آخرك طلقة من سلاحي يا إيلاف.
إيلاف: ا.
إيلاف لقت دارك شالها بين ايديه و نيمها على السرير و بدأ يغطيها.
دارك: نامي.
دارك كان هيخرج إيلاف مسكت في ايده.
إيلاف: هتسبني في البيت ده لوحدي! المرة اللي فاتت خدت رصاصة و ربنا ستر و فضلت عايشة المرة دي الله و أعلم هيحصلي ايه.
دارك: المرة اللي فاتت كسرتي كلامي و عرفتي النتيجة ايه.
دارك ساب إيلاف و خرج بره البيت، إيلاف قعدت كانت خايفة من المكان و بدون مقدمات عيطت.
دارك: آيس كريم؟
إيلاف رفعت عينيها ناحية دارك اللي كان جاب آيس كريم ليه و لإيلاف، إيلاف قامت من مكانها و جريت ناحيته حضنته لفترة.
دارك: الآيس كريم هيسيح.
إيلاف بِعدت عن دارك و و خدت منه الآيس كريم و بدأت تأكله مع دارك.
إيلاف: شكرا.
إيلاف قعدت تطلب من دارك يعمل ليها كل حاجة على مدار يومين، دارك مكنش بيخرج بره البيت بسبب إيلاف.
إيلاف(بصوت عالي): دارك.
دارك(بضيق): بطلي صوتك مزعج قولي عايزة ايه.
إيلاف: زهقت من نومة السرير خرجني بره.
دارك بص لإيلاف بخبث و قرب منها رجع شعر إيلاف لورا ودانها.
دارك: ليه دي جميلة.
إيلاف رجعت بجسمها لورا و دارك قرب منها اكتر، إيلاف شدت عليها البطانية و بصت لدارك بتوتر.
إيلاف: بعد النظرة دي كرهتها.
دارك ضحك على ملامح إيلاف و بِعد عنها.
دارك: تحبي أشيلك؟
إيلاف: ليه هو انا معنديش رجلين!
إيلاف قامت بسرعة من على السرير و خرجت لبره جري بعيد عن دارك.
دارك: مش كانت رجلك وجعاكي و مش قادرة تمشي عليها.
إيلاف(بتوتر): ها؟ هو علشان يعني.
دارك: و النبي! يعني انتي ده كله بتستغفليني.
إيلاف: انا برضو!
إيلاف طلعت تجري و دارك جري وراها.
دارك: بقى أنا تستغفليني!
إيلاف: ميصحش كدة اصبر.
إيلاف كانت بتجري و فجأة وقفت و حطت ايديها مكان الجرح بوجع، دارك جري عليها و حاوطها بايده...
دارك: أنتي كويسة؟
إيلاف(بوجع): حاسة أن الجرح اتفتح.
دارك رفع جزء من التي شيرت بتاع إيلاف و بص على جرحها تحت خجل إيلاف منه.
دارك: متخافيش متفتحش.
دارك: تعالي ارتاحي.
دارك قعد إيلاف على الكنبة و دخل جاب ليها الأكل و بدأ يأكلها.
إيلاف: شكرا.
عند ألبرتو...
ماركوس(بالروسية): ألبرتو.
ألبرتو(بالروسية): ايه اللي جابك يا ماركوس!؟
ماركوس(بالروسية): جاي أبارك لدارك على عروسته.
ألبرتو(بالروسية، بضيق): أدخل في المفيد يا ماركوس.
ماركوس(بالروسية): أنا جاي بأمر من جاك.
ألبرتو(بالروسية): ليه؟
ماركوس(بالروسية): الأخبار وصلتله.
ألبرتو(بالروسية، بحدة): ماركوس.
ماركوس(بالروسية، بلامبالاة): مش ذنبي.
ألبرتو(بالروسية): أخلص يا ماركوس.
ماركوس(بالروسية): تمام.
ماركوس طلع جواب من ورا ضهره و حطه قدام ألبرتو على الترابيزة و سابه و خرج.
عند الشباب.
كمال: حمدلله على سلامتك يا بطل.
طاهر: الله يسلمك.
جوليا: أصلي تعبت معاك الفترة دي.
أصلي: مفيش تعب و لا حاجة.
طاهر: دارك اختفى بقاله كتير.
رائد(بابتسامة): مع إيلاف.
كلهم بصوا لرائد باستغراب، جوليا ضحكت معاه.
طاهر: ممكن نفهم يا أستاذ رائد مبسوط ليه؟
رائد(بابتسامة): حاسس بحاجة حلوة.
كمال: هروح اكلم ألبرتو و جاي.
كمال سابهم و راح لأوضة مكتب ألبرتو.
ألبرتو(بالروسية): كمال.
كمال(بالروسية): في جديد يا ألبرتو؟
ألبرتو(بالروسية): ناوي أعمل حفلة لينا.
كمال(بالروسية): جميل، بمناسبة إيه؟
ألبرتو(بالروسية): نخرج دارك من مخبئه.
كمال ضحك و هز رأسه بمعنى ماشي.
و الكل بدأ يجهز للحفلة، كانت حفلة بسيطة للشباب.
جوليا: قررتي هتلبسي ايه؟
أصلي: الفستان ده.
جوليا: جميل جدا.
أصلي: شكرا.
جوليا و أصلي بدأوا يجهزوا للحفلة.
جوليا لبست فستان باللون الأحمر بحمالة رفيعة على الكتف و ضيق لغاية الركبة و لبست صندل بكعب دهبي، رفعت شعرها على شكل ديل حصان.
أصلي لبست فستان بكم باللون الأزرق الهادئ طويل و لبست صندل بكعب باللون الأبيض، سابت شعرها القصير زي ما هو.
البنتين نزلوا للحفلة، كمال لف ابتسم لجوليا و كان منبهر بجمالها كأنها المرة الأولى اللي يشوفها بيها.
كمال قرب من جوليا و مسك ايديها باسها.
كمال: تسمحي تبقى أميرتي الليلة؟
جوليا هزت رأسها بهدوء لكمال و هو حاوط خصرها بايده و راح ناحية الباقية.
أصلي قربت منهم و وقفت جمب طاهر اللي كان ماسك في عكازه...
رائد: جميلة يا أصلي.
أصلي(بخجل): شكرا.
طاهر(بضيق): هما اتأخروا كدة ليه؟
عند دارك و إيلاف.
دارك كان واقف قدام مرايته بيظبط قميصه، إيلاف كانت واقفة جمبه ساندة على الحيطة و بتبصله.
إيلاف: هتمشي دلوقتي؟
دارك: أه.
إيلاف(بحزن): طيب.
إيلاف: هنام عن أذنك.
دارك: تيجي؟
إيلاف(بلهفة): موافق؟
دارك: غيري هدومك يلا بسرعة.
إيلاف جريت علي دارك باسته على خده.
دارك: قدامك ربع ساعة يلا بسرعة.
إيلاف هزت رأسها بمشي، دارك خرج بره الأوضة و إيلاف كانت واقفة محتارة تختار ايه.
إيلاف لبست فستان باللون الأسود ب ¾ كم كان عليه رسومات بسيطة جدا باللون الفضي واسع لغاية الركبة، لبست صندل بكعب باللون الفضي و سيبت شعرها على ضهرها. حطت روچ باللون الأحمر.
إيلاف خرجت لدارك و لفت حوالين نفسها.
إيلاف: جميل صح؟
دارك: يلا لازم نمشي.
دارك ساب إيلاف و خرج لبره البيت و إيلاف جريت وراه، إيلاف حاولت تمشي في التلج بالصندل بتاعها معرفتش.
إيلاف: استنى.
دارك راح ناحيتها و شالها بين ايديه و راح للقصر اللي جمب البيت بمسافة صغيرة و نزل إيلاف وقفها جمبه.
الاتنين دخلوا للقصر و راحوا ناحية ما الباقي موجود، دارك سلم على الشباب و إيلاف حضنت جوليا و أصلي.
جوليا: انتي كويسة؟
إيلاف: الحمدلله.
إيلاف(بخفوت): ألف سلامة يا طاهر.
طاهر: أفندم مسمعتش!
إيلاف(برفعة حاجب): رخامة مش عايزة.
إيلاف: قولتلك ألف سلامة لأنك انقذتني.
طاهر: أنا عملت ده علشان دارك.
إيلاف: طيب يا عم المضحي.
طاهر: بس انا مش زعلان أهو أنتي كمان تعبتي.
إيلاف(بضيق): ما خلاص يا عم انت شمتان فيا كدة ليه؟
طاهر: مش شماتة.
كمال: مش وقته ده خلاص طاهر بقى كريس و إيلاف كمان.
طاهر: واضح واضح مش شايفني ماسك عكاز مثلا.
دارك(بهدوء): مش عايز نقاش في الموضوع ده.
ريان: أخيرا يا ابني ظهرت.
دارك: أنا مختفتش كتير يعني مكبرين ليه الموضوع و كمان كنت بشتغل من البيت.
رائد: بس فوت اهم اجتماعين جايين هنا بروسيا مخصوص علشانهم.
دارك(ببرود): مستغني عن عمرك مش كدة!
ألبرتو(بالروسية): دارك.
دارك سابهم و راح ناحية ألبرتو بدأوا يتكلموا هما الاتنين مع بعض في الشغل.
ألبرتو(بالروسية): أعتقد كدة فوقت للشغل.
دارك(بالروسية): اه.
ألبرتو(بالروسية): الأمر جاي من جاك.
دارك(بالروسية): من امتى جاك بيوجه ليا اوامر!؟
ألبرتو(بالروسية): اختبار ليك يا دارك.
دارك(بالروسية): و انت عارفني قد اي اختبار.
دارك(بالروسية): لحد ما اوصل للي أنا عايزه.
ألبرتو(بالروسية): طيب يا بطل استلم.
ألبرتو حط صورة قدام دارك، دارك مسك الصورة بايده اللي بدأت ترتعش من صدمة الموقف.
ألبرتو(بالروسية): أنت قولت أنه جواز مصلحة.
دارك رفع عينيه لإيلاف اللي كانت بتضحك مع جوليا و بصتله و ابتسمت ليه...
دارك(بصدمة): إيلاف!