رواية طريق الهلاك للكاتبة سلسبيل كوبك الفصل التاسع والثلاثون والأخير
إيلاف كانت بتتقلب في نومها ملقتش دارك نايم جمبها بصت على الساعة لقت الوقت متأخر.
إيلاف قامت من على السرير بتعب و بدأت تدور على دارك و دخلت أوض ولادها و بدأت تغطيهم و نزلت تحت ملقتش برضو دارك.
إيلاف خرجت بره البيت لقت دارك واقف قدام البحر و بيتكلم في التليفون.
دارك: طيب يا طاهر خليك على اتصال و جهز نفسك للعملية الجديدة.
دارك: كلم كمال و خليه يجهز هو كمان المهمة المرة دي صعبة شوية.
دارك: لا متقلقش إيلاف مش هتحس بحاجة و كمان محدش هيقدر يوصل ليها و لا هي و لا الأولاد محدش هيقدر يأذيهم طول ما أنا موجود.
إيلاف: دارك.
دارك غمض عينيه بضيق و قفل في وش طاهر و لف بضهره لإيلاف اللي بصتله بصدمة.
إيلاف: أنت لسة مكمل في شغلك!
إيلاف قربت من دارك و ضربته في كتفه.
إيلاف: أنت كل السنين دي بتكدب عليا!
إيلاف(بعصبية): رد عليا.
إيلاف: رايح فين يا رائف رايح ابص على الشركات مع مالك يا حبيبتي مش كدة!
إيلاف: أنت خونتني و خونت ثقتي بيك يا دارك.
إيلاف: بكرهك.
إيلاف كانت هتمشي بس دارك مسك ايديه و شدها ليه و حضنها من ضهرها.
دارك: و هو أنتي فاكرة لو سيبت الشغل ده كانوا هيسبونا في حالنا!
دارك: و هو لو كنت سيبت الشغل كنت هقدر أجبلك حقك من اللي حاولوا يقتلوكي يوم ولادتك لفهد و رائد.
دارك: ردي عليا؟
إيلاف(بدموع): مش عايزة مش عايزة حقي المهم أننا نبقى بخير و كويسين.
دارك: و أنا اتولدت علشان ابقى دارك يا إيلاف.
دارك: و أكيد مش هتسيبيني و ترجعي مصر و أحنا بينا أربع ولاد و الخامس جاي في الطريق.
دارك حط ايده على بطن إيلاف و هي عيطت.
دارك: بحبك يا إيلاف و زي ما ربنا سترها ال8 سنين دول قادر يسترها بقية العمر.
دارك: صدقيني عاهدت ربنا إني عمري ما هقتل أي روح بريئة كل اللي بيقتلهم يستاهلوا الحرق و الدول بتدور عليهم.
دارك: صدقيني.
دارك طلع من جيبه سلسلة إيلاف اللي سابتها مع حازم من 8 سنين.
إيلاف: جبتها ازاي؟
دارك: بطريقتي.
إيلاف: قابلت حازم؟
دارك: اه.
إيلاف: أنت بتشتغل معاه؟
دارك: مش بمعنى صحيح بس ماشي نعتبرها كدة.
إيلاف حطت ايديها على رأسها و هي مصدومة أن دارك لحد الآن لسة زي ما هو شغال في شغله و بقاله تمن سنين بيضحك عليها.
إيلاف: أنا مش عارفة أعمل ايه حقيقي مش عارفة.
إيلاف: يا ريتني كنت مُت يوم ولادتي لفهد و رائد يا دارك علشان أرتاح ياريت كان ربنا خدني ممكن كنت تتعظ شوية.
إيلاف: يا ريت ك.
دارك قرب من إيلاف و(لخيالكوا).
دارك: مش عايز أسمع سيرة الموت على لسانك غيابك يقتلني يا إيلاف.
دارك: قلبي يهجرني.
دارك: و روحي تنسحب مني.
دارك: و أعيش جسد بلا روح و بلا قلب.
إيلاف: و ولادنا؟
دارك: هيتعلموا أحسن تعليم زي ما هما و هنكمل حياتنا طبيعي و أنا معاكي ببقي رائف أو دارك الضعيف اللي بيقوي بوجودك.
دارك: أنا هنا ملجأي قلبك و البيت ده.
إيلاف: يعني مفيش أمل تبعد عن الشغل ده؟!
دارك: ممكن كمان كام سنة كمان لكن موعدكيش.
دارك مسك السلسلة من ايد إيلاف و بدأ يلبسها ليها و إيلاف كانت بتبص للناحية التانية و هي بتحاول تمنع دموعها.
دارك رفع رأسه لإيلاف و بدأ يمسح دموعها اللي نزلت على خدها و حاوط وشها بأيديها.
دارك: لحد امتى هتفضلي حلوة كدة!
دارك: كل ما ببص ليكي بحسك لوحة فنية مش أي رسام يقدر يرسمها.
دارك: بتمنى كل ولادنا يبقوا زيك.
دارك نزل على ركبته و باس بطن إيلاف ببطء.
دارك: و ابننا اللي جاي هيطلع عيننا من أول و جديد و هنعيد حوار كل ولادة.
دارك: بس على قلبي زي العسل.
دارك: تربيتي لولادنا مش هتكمل اللي بيكي.
دارك: بحبك يا إيلاف.
دارك مسك ايد إيلاف و بدأ يحرك صباعه على ايديها بأمل و هو بيبص ليها و هي بتعيد ترتيباتها في دماغها.
دارك: أوعدك هحميكي انتي و ولادنا لأخر نفس في حياتي.
إيلاف: و حياتي.
دارك قام وقف و بص لإيلاف باستفهام.
إيلاف: زي ما مرينا بكل حاجة زمان و اللي ممكن حاجات منها تتعاد هنعيشها تاني سوا أنا و أنت.
إيلاف: هنحمي ولادنا سوا.
دارك شبك صوابعه في ايد إيلاف و باسها ببطء و بصلها بابتسامة جميلة بينت غمازاته.
دارك: ما تيجي لحظة كدة.
دارك وطى و شال إيلاف بين ايديه و مشي ناحية البيت تحت ابتسامة إيلاف البسيطة.
إيلاف: نطمن على ولادنا الأول.
دارك: هما نايمين و في سابع نومة.
إيلاف: بس ا.
دارك: هششش دارك بيحبك.
إيلاف(بتنهيدة): و الله احترت يا دارك.
دارك(بهمس): بحبك.
إيلاف: واضح أننا هنعيش نفس الأحداث تاني.
دارك: ممكن بس الفرق المرة دي أن مفيش حاجة تقدر تفرقنا عن بعض.
دارك: أنا و أنتي بتربطنا حاجات كتير مش سهل كسرها و من دواعي سروري أنك تكوني مراتي و أم ولادي.
إيلاف: قولتلك إني بحبك يا حقيقة حياتي؟!
دارك ابتسم لإيلاف و قرب منها باس رأسها.
دارك: أحببتكِ يا صغيرتي دون عناءًا منكِ، أعلم بأن طريقنا لن يكون يسراً و لكني سعيداً كونكِ بجانبي.
إيلاف: كنتُ أبحث دومًا عن الحقيقة، فاكتشفت أن الحقيقة هي أنتَ.
إنها النهاية لنا، ولكنها البداية لِ مهالك أخرى لهم.
النهاية.
بالنسبة للنكد اللي كان في الرواية فأنتوا عايزين إيه من رواية اسمها طريق الهلاك!، أتمنى تكونوا استمتعتم بالرواية و أتمنى أنها تكون نالت إعجابكم ??
بشكر كل شخص شجعني بكلامه و كل شخص بيكون دايمًا متحمس لرواياتي، كل شخص ساعدني إني أكمل و أستمر حقيقي بحبكم أنتم عائلتي التانية????.
هنتظر آرائكم طبعا????.
كل سنة و أنتم طيبين، كل يوم و أنتم مبسوطين و شايفين كل اللي بتحبوهم مبسوطين، كل يوم و أنتوا معايا و جمبي??.
الأخوة: - طبعا كلنا شايفين الفرق بين الأخوات بشكل كبير بحيث؛تضحية رائد بحياته لإنقاذ دارك و سعي إسماعيل لقتل أخوه الأفضل منه بحسن خُلقه. ف في فرق كبير بينهم هنا أخ بيحمي أخوه و أخ بيكره أخوه كُره العمى، و للأسف النوع الأول بقى نادر في الزمن ده و النوع التاني بقى موجود بكثرة بأعداد مهولة لا تُعد و على أسباب تافهة و عداوة تسبب عداوة، هنا تعود المشكلة دي للتربية لو الأساس كويس هينشئ أبناء كويسين بس للأسف التربية في الزمن دي بقت نادرة، الأخ لا يُعوض صدقوني.
الحب: - الحب نقدر نذكره هنا في حُب إيلاف لدارك رغم كل المخاطر اللي هي اتعرضت ليها بسبب حُبها ليه، الحب هو أن شخص قاسي دموعه مبتظهرش بس نزلت لأجل الإنسانة دي، الحب إني إنسان مش بخاف لكني خوفت مرة من أجلك، الحب شيء جميل يتقدر لكن في زمانا بيتحط تحت الجذم دول بيقولوا عليه محن! الحب عبارة عن محن في الزمن ده و هل ده يُعقل في حدود في الحب لا اكتر و لا اقل اللي بيزيد عنها مش ممحون و لا الكلام الفارغ ده شخص عنده مشاعر زيادة بس أو شخص أو?ر شوية لكن هو أنا علشان بحبك و بظهرلك حبي ده يبقى خلاص محن!
بعتذر عن لفظ محن.
حرفيا الزمن أتغير، لكن لسة في الناس اللي بتحب بجد و من أمثالهم حُب شغف لحازم، و حُب كمال وجوليا بالرغم ان جوليا مش بتخلف و مع ذلك قِبل يبقى معاها، حُب طاهر لاصلي رغم أنه مبيعرفش يعبر عنه بس عينيه كفيلة تقول كلام كتير، حُب إيلاف لدارك و حُبه المماثل ليها. كل دي نماذج من الحب في منها في الحقيقة مش علشان أحنا مش بنشوفها في حياتنا تبقى مش موجودة، الحب. إني أحبك وقت حزنك و ضيقتك وقت ما تواجهك مشكلة لكن مش لما افضى ابقى اعطف عليك و أحبك.
التنمر: - معظمنا واجه في حياته تنمر، حتى أنا????. الإنسان المتنمر ده عايز إيه بجد يفهمني مش قادر يعوض عقدة النقص اللي عنده إلا لما يتنمر على غيره، بجد الأشخاص دي ربنا يصبر اللي عايشين معاهم ناس مرضى نفسيين بجد مش حاسين بحاجة مش عارفين عن جملة كما تُدين تُدان، أنا هستفاد أيه لما أخليكي تخافي و تكوني ضعيفة دايمًا. و للاسف شغف استسلمت لضعفها محاولتش تقاوم حتى موقفتش اي حد عند حده و دي غلطة منها. ربنا خلقك كامل مش ناقصك حاجة ربنا خلقك أنت زي ما أنت في أحسن تقويم ليه نعاير بعض! مفيش إنسان وحش كلنا في حاجة تميز التاني عن بعضه مش لازم تبقى حاجة ملموسة في الجسم كفاية بس أن روحك تبقي حلوة. مش لازم ابقي بنت عود فرنساوي علشان أتجوز، مش لازم يبقى عندي غمازات علشان هي من سر جمال البنت، النمش مش حبوب ده شيء يزيد الجمال، مش لازم تبقى بشرتي بيضاء علشان أبقي بنت كيوت حتى و انا سمراء جميلة جدا و مش محتاجة احط بودرة. ليه متحبنيش زي ما أنا! أنا بعيوبي قبل مميزاتي، بجد البنات أو الشباب أو أي حد بيتنمر ده شخص ناقص و عنده عقده و مريض نفسي، خليك واثق من نفسك أنت جميل في كل حالاتك.
العفو عند المقدرة: أنك تسامح ده شيء كبير جدا مش اي حد يعرف معناه و شوفناه في إيلاف اللي سامحت دارك على موت أهلها انتم متخيلين موت أهلها اللي هما سندها و قدرت تسامحه. مش قلة كرامة و لا قلة حُب منها لأهلها بس نيجي نحسبها هما ماتوا لو بِعدت عن دارك و حرمت ولادها منه هل هما هيرجعوا؟ لا مش هيرجعوا فانا ليه أحرم ولادي من أبوهم و انا جربت الإحساس ده. ف سامح علشان يجيلك اللي في يوم يسامحك على غلطة عملتها أنت مش ملاك يعني، لأني بشوف ناس كتير بتشيل من اللي حواليها ليه ده ليه تشيل في قلبك كُره لحد الحياة مش مستاهلة، سامح علشان تقدر تعيش مرتاح و راضي.
الفساد: - كُبار البلد و أكيد مش كلهم سارقين مال الشعب بيعملوا أعمال غير شرعية و بيدخلوا البودرة و المخدرات للبلد علشان يدمروا شباب المستقبل، يجيلك واحد منهم يلبس تهمته لشخص برئ ملهوش ذنب ذنبه أنه موجود في الحياة دي...
الكُبار الفاسدين بيرموا الطُعم للناس الغلبانة اللي متقدرش تدافع عن حقها و لا تأخده و يهددوهم علشان يلبسوا هما القضية مش مهم بقى أي قضية قتل، مخدرات، أعمال غير قانونية بكل اعمالها. حقيقي بلدنا بقت عبارة عن الفلوس بتتعامل بالفلوس علشان تسكت أي حد و تكتم على أي حقيقة و خبر، للأسف الفلوس بقت هي لغة العصر دلوقتي.
الحقد: - الإنسان الحقود دايما على غيره مش بيوصل أبدًا بيبقي منبوذ للأبد مبيتبقاش ذكرى واحدة طيبة بيكون علاقات مصلحة بيفضل شايف نفسه رقم واحد متكبر مغرور و الشخص اللي من النوعية دي عمرها ما هتنجح. على سبيل المثال، هنا و إيلاف. هنا ماتت و موتة بشعة كمان و الناس مش فاكرة ليها حتى ذكرى واحدة تشفع ليها أما إيلاف بعد مرور سنين و هما لسة بيفتكروها معاهم في حياتهم تيجي سيرتها يطلعوا بيها السماء من علاقتها الطيبة، مفيش مانع إني أبقى شديد في شغلي بس و مع ذلك قريبة من زملائي، الدنيا حلوة مش مستاهلة و الله حد يكره التاني و لا يحقد عليه للأسف قلوبنا اتعمت بالحقد.
الأهل: - الأهل سند قليل اللي يعرف أهميتهم، أن يبقى حواليك ناس كل همها تسندك و تبقي معاه في المُر قبل الحلو ده شيء عظيم كدا، ريحة لاكل الأم في البيت اللي بتشمها كل يوم ترجع فيه من درس، مشوار، كلية أي حاجة و أب يقف في ضهرك يزقك لقدام علشان تبقى أحسن حد في الدنيا.
بعتذر عن فقدان أي شخص لوالدته أو والده، أنت شخص لطيف و أنا بحبك??.