رواية طبيبة قلبي الجزء الثاني للكاتبة سلسبيل كوبك الفصل الثامن والأخير
ليث شد حياة لحضنه و مسك التليفون و فتحه و فتح الاسبيكر.
ليث: خير يا اللي بتتصل؟
حاتم(بحزن): ليث الحق اتوبيس مدرسة العيال عمل حادثة.
حياة(بصدمة): ولادي؟!
ليث(بصدمة): انت بتتكلم جد يا حاتم؟
حاتم(بحزن): ايوه يا ليث.
حياة: حاتم في حد حصله حاجة؟
حاتم(بحزن): احنا في الطريق مستنينكم في مستشفي().
حياة قامت بسرعة و لبست هدومها و ليث لبس هدومه و خد حياة و نزلوا بسرعة.
حياة(بدموع): بسرعة يا ليث.
ليث: متخافيش المستشفي قريبة مننا.
وبعد فترة بسيطة ليث و حياة وصلوا الاول.
ليث: لو سمحت كانت في حادثة مدرسة.
ممرضة: ايوه جتلنا.
ليث: طيب ولادنا يعني عايزين نشوفهم.
ممرضة: مشرفة الباص يعني كانت سليمة نوعا ما تقدروا تروحوا تسألوها.
حياة قعدت تجري و هي بتدور علي ليلي و عز.
حياة(بعياط): ولادي يا ليث. ولادي.
ليث: اهدي يا حبيبتي. مش دي المشرفة صح؟
حياة: ايوه هي.
حياة جريت علي المشرفة.
حياة(بعياط): مدام اعتماد ارجوكي فين ولادي و ماهر و شهد و سيف.
اعتماد(بدموع): مدام حياة الحمد لله كله كويس بس.
ليث: انطقي.
اعتماد(بدموع): ليلي دخلت غيبوبة و في العناية المركزة.
حياة(بصدمة): بتهزري صح؟ بتكدبي عليا صح قولي قولي انك بتكدبي و انا هصدقك.
ليث: خلاص يا حبيبتي قضاء و قدر. اهدي.
حياة(بصريخ): اهدي ازاي رد عليا، بنتي في العناية.
-ليث خد حياة في حضنه و حياة كانت بتعيط و بتقاومه.
حياة(بعياط): ابعد عني عايزة اشوف بنتي.
تالا: حياة! حصل ايه ولادي بخير؟
فردوس(بعياط): ماهر يا مدام اعتماد؟
اعتماد: الكل كويس مجرد خدوش بسيطة.
حاتم: بتعيطي ليه يا حياة خلاص هما كويسين.
اعتماد: اصل ليلي دخلت غيبوبة و في العناية المركزة...
فهد: معلش يا حياة معلش يا ليث. خير ان شاء الله.
ليث: خلاص يا حياة بطلي.
حياة(بعياط): ابعد عني عايزة اشوف ولادي.
ليث: مش هوريكي عز و لا ليلي الا لما تهدي.
حياة(بعياط): انا هادية اهو بس ارجوك خليني اشوفهم.
ادم: خلاص يا حياة اهدي، خير.
شمس: ان شاء الله كلهم هيقوموا بالسلامة.
تالا: طب هما فين يا مدام اعتماد.
اعتماد: تعالوا معايا.
اعتماد: اوضة الولاد كلهم.
ليث: عز انت كويس؟
عز: ايوه يا بابا بس ليلي فين؟
عز: متخافيش يا ماما انا كويس.
سيف: خلاص يا جماعة بطلوا عياط.
عز: يا امي بطلي عياط.
شهد: ماما هو انا هفضل كدة كتير.
تالا: لا يا حبيبتي كلها يومين...
حياة: عايزة اشوف ليلي يا ليث.
ليث: حاضر اهدي شوية بس...
ماهر: مليش اهل يسألوا عليا و لا ايه؟
فردوس(بدموع): ازاي بس يا حبيبي انت ابني و حبيبي و كل حاجة.
فهد: هحاول اهدي بس.
ماهر: لسة فيك حيل راعي اني تعبان.
فهد: عيل واطي صحيح. ما انت زي القرد اهو.
حياة قربت من عز و حضنته و باسته.
حياة: انت كويس حاسس بأي وجع؟
عز: طول ما انتي كويسة انا كويس بس انا مش شايفك كويسة.
حياة(بابتسامة باهتة): لا يا حبيبي انا كويسة. اهم حاجة تبقي كويس يا حبيبي.
ليث: انت راجل صح يا عز.
عز: ايوه يا بابا بس للاسف مقدرتش انقذ ليلي، هي كويسة صح؟
حياة: ايوه يا حبيبي متقلقش هي كويسة.
حاتم: حمد لله بالسلامة يا ابطال. خدوا يلا اشربوا عصير و هيصوا.
ماهر: يعني مش 100 الف كدة.
حاتم: ابن مين ده؟ عيش عيشة ابوك...
فهد: ماله ابوه؟
حاتم: ايه ده هو انت يقطعني.
الكل ضحك علي جملة حاتم.
ليث: تعالي يا حياة.
حياة: طيب.
حياة: خلوا بالكوا من عز يا جماعة.
تالا: في عينينا.
ليث: هوديكي ل ليلي بس لو عيطتي او عملتي اي حاجة هزعل منك.
حياة(بدموع): حاضر مش هعيط بس ارجوك عايزة اشوف ليلي.
ليث: خدي البسي الهدوم المعقمة دي.
حياة: طيب.
حياة لبست لبس معقم و دخلت ل ليلي. و قربت من سريرها.
حياة(بدموع): انا و الله بحبك اوي و انا اسفة اني مكنتش جمبك الصبح و اسفة ان مش انا اللي صحيتك انا اسفة يا ليلي بس و النبي قومي علشان خاطري وعلشان خاطر بابا و علشان خاطر عز كلنا مستنينك تقومي. عائلتنا مش هتكمل الا بيكي عالمنا الخاص و عالم ليث و عائلته مش هيكمل. ارجوك يا ليلي قومي علشان خاطري انا طيب انا امك صح و انتي بتحبيني قومي علشان خاطري.
ليث: حياة خلاص يلا.
حياة(بدموع): و الله اهو معيطتش سيبني مع بنتي.
ليث: متنسيش انها بنتي انا كمان يا حياة هنسيبها ترتاح و انتي دكتورة و عارفة يلا يا حبيبتي.
حياة: حاضر.
ليث خد حياة و الكل خد ولاده و رجعوا البيت.
حاتم و تالا و سيف و شهد ل بيتهم و الباقي للقصر.
حياة: يلا يا حبيبي نام شوية و هصحيك تأكل.
عز: ماما هو انا هفك الجبس ده امتي؟
حياة: كمان يومين كدة متخافش يا حبيبي.
عز: كان نفسي اتفسح.
حياة: لما تخف و ليلي تخف بابا هيأخدنا و نخرج.
عز: طيب يا ماما.
حياة: يلا يا حبيبي خد الدواء ده.
عز: انا بحبك اوي.
حياة: و انا يا حبيبي.
حياة راحت اوضتها لقت ليث غير هدومه و قعد. حياة قربت منه و باست رأسه.
حياة: اسفة.
ليث: و لا يهمك يا حبيبتي.
حياة: بصيت علي قمر و بدر؟
ليث: اه.
حياة: طيب. هو انت مينفعش تجيب ليلي هنا زي ما عملت معايا.
ليث: هشوف حاضر يا حبيبتي. يلا قومي غيري.
حياة: طيب. كلت؟
ليث: لو هتأكلي هأكل معاكي.
حياة: لا هعملك تأكل انا مليش نفس.
ليث: و لا انا ورايا شغل باي.
حياة: خلاص هغير هدومي و هروح المطبخ اللي في الدور هنا.
ليث: طيب يلا مستنيكي.
عند فردوس.
فردوس: كنت خايفة علي ماهر اوي يا فهد.
فهد: يا حبيبتي متخافيش الحمد لله ربنا ستر.
فردوس: الحمد لله. الحمد لله.
فردوس: بحبك يا فهد ربنا يخليك ليا.
فهد: حياتي انتي.
فردوس: حبيبي. هروح اطمن علي ماهر.
فهد: ما انتي لسة جاية من عنده غيري هدومك الاول.
فردوس: اه صح.
تحت.
نعمان(بقلق): ادم هو صح ان العيال عملوا حادثة؟
ادم: للاسف اه.
نعمان: طب حد حصله حاجة؟
ادم: لا الحمد لله كويسين بس ليلي في غيبوبة.
نعمان(بحزن): طيب ربنا يقومها بالسلامة.
نعمان: هبقي اكلم ليث و يأجل الفرح.
ادهم: ايوه نأجل الفرح يستحسن.
ادم: ان شاء الله لما بس ليلي تفوق.
نعمان: طيب هبقي اكلم مامت حنين.
ادم: عن اذنكوا.
ادم طلع لاوضة حور و قعد معاها شوية.
-تسريع احداث بسيط.
عدي شهر و ليلي مكنتش فاقت و عز فك الجبس هو و سيف و ماهر و شهد بقت كويسة الكل مبسوط بس حياة تعبانة شوية علشان ليلي.
ليث: حياة حياة.
حياة: ها؟!
ليث: ها ايه بس؟! انا بناديكي من سنة.
حياة: آسفة انت عامل ايه؟
ليث(برفعة حاجب): نعم انتي يا بت مجنونة ما انا عايش معاكي ليل نهار.
حياة: معلش يا ليث تعبانة شوية انت عارف ليلي بقي و وحشاني.
ليث: طيب يا حبيبتي براحتك بس انا واثق انها هتبقي بخير ان شاء الله دي بنتي برضو يا حياة.
حياة: معلش يا حبيبي. بحبك.
ليث: يلا نأكل.
نزلوا و لقوا الكل متجمع علي السفرة...
ليث: صباح الخير.
كاميليا: هاي يا حبيبي.
حياة(لنفسها): يا الله بقالها اسبوع مش هتمشي بقي.
الكل بدأ يأكل و الكل راح لشغله و الاطفال بدأوا يلعبوا.
حياة: معلش يا شمس اجلنا الفرح شوية.
شمس: لا خالص براحتكوا و ده هيوديني وقت برضو.
فردوس: ربنا يطمنك عليها يا حبيبتي.
حياة: تسلمي.
جميلة: انتي خسيتي اوي علفكرة.
حياة: و دي حاجة حلوة.
فردوس: قصدها بقيتي يصاروخ يا هبلة.
حياة: اتلهي منك ليها.
شمس: لا انتي كفاية ملامحك جميلة جدا.
كاميليا: ايه يا حياة شكلك مهملة في ليث اوي.
حياة: جوزي و عاجبه انتي مالك.
كاميليا: جوزي انا كمان.
حياة(بعصبية): انتي نسيتي نفسك يا بت انتي. انا اللي قايلة ل ليث يخليكي علي ذمته علشان خاطر حبي لادم و ادهم.
كاميليا: و انتي بقيتي مهملة في نفسك و في ليث و الراجل مبيحبش الست دي حتى لو كان بيحبها.
حياة خدت نفس عميق و طلعته.
حياة: كاميليا ليث بيحبني انا و جوزي انا و ابو عيالي و حبيبي و مش هتيجي واحدة زيك علي اخر الزمن تأخده مني.
كاميليا: و متنسيش انه ابو عيالي انا كمان و كان جوزي قابلك بس انتي خطفتيه.
حياة: مفيش راجل بيتخطف من ست انتي اللي مقدرتيش تحافظي عليه علشان كدة باعك.
كاميليا: انتي واحدة مش محترمة.
حياة(بزعيق): انا ممكن اقولك بره البيت دلوقتي و غصب عنك هتخرجي بس انا عاملة حساب لغياب جوزي و لادم و ادهم.
كاميليا: انتي.
ادم(بصوت عالي): بسسسسسسسس. و لا كلمة.
جميلة: يا ادم دي كاميليا هي اللي جت الاول.
ادم(بحدة): قسما بربي لو قولتي كلمة تانية ليها لاخلي ليث يطلقك و يرميكي في الشارع و اياكي انك توجهي كلمة تانية ناحية امي.
الكل اتصدم لما ادم دافع عن كاميليا...
ادم(بحدة): فاهمة يا ست كاميليا.
و كانت الصدمة الاكبر ل كاميليا لما ادم قال علي حياة امه.
ادم: هي دي الانسانة اللي عرفتني الصح هي دي اللي جت في وقت ما كنت محتاج حضن ام و انتي كنتي بتلعبي و تضحكي علي الرجالة بره مصر، انتي متستحقيش حد يعبرك انتي كلبة. فاهمة.
كاميليا: ادم انا.
ادم(بحدة): فهمتي كلامي يا ست كاميليا؟
كاميليا(بغضب): اه فهمت.
كاميليا سابتهم و طلع علي اوضتها و هي في قمة غضبها...
-في مكان تاني.
عند ليث.
ليث: كدة اتفقنا يا فهد. انت بنفسك تستلم العمارة.
فهد: تمام.
ليث: فريد اخبار ورد و فتون ايه؟
فريد: الحمد لله بخير.
ليث: الحمد لله.
ليث: تقدروا تروحوا علي شغلكم.
ليث قام و قعد علي مكتبه و بص علي صورة حياة.
ليث: نفسي ترجعي زي زمان تضحكي و تهزري و اشوف عيونك منورين، انا فاهم انك ام و اكيد وحشاكي بنتك بس هي بنتي انا كمان يا حياة و خايف عليها و الله انا مش ببين علشان اقدر اقف جمبك. كنت اتمني يحصل زي كل يوم و تتصلي بيا و تكلميني بفرحة و تحكيلي تفاصيل يومك.
و فجأة ليث لقي تليفونه بيرن.
ليث(بصدمة): حياة!
ليث فتح الخط بسرعة.
ليث(بقلق): حياة انتي كويسة؟
حياة: الو يا حبيبي.
ليث شال التليفون يتأكد من الرقم و استغرب.
حياة: ليث فينك؟
ليث: اه انا معاكي يا حبيبتي.
حياة(بفرحة): ليلي فاقت يا ليث.
ليث(بفرحة): بتتكلمي جد صح؟
حياة: ايوه انا مبسوطة اوي و انا جمبها في المستشفي يلا تعالي مستنياك.
ليث: ماشي يا حبيبتي. جاي.
ليث خد جاكت البدلة و حاجته و نزل ركب عربيته و راح للمستشفي.
ليث: بخ.
ليلي(بفرحة): بابا.
ليث: حبيبة بابا شوفي بابا جايبلك ايه.
ليلي: ايه؟
ليث: صندوق مليان شيكولاتة كتير.
ليلي: الله. بحبك اوي وحشتني.
ليث: دي امك طلعت عيني...
حياة: لا و هطلع عينك اكتر لو مودتنيش من الشيكولاتة دي.
عز: ليلي تعبانة هل انتي تعبانة لا يبقي حلي عننا.
ادم(بضحك): الواد ده بيقول كلام زي الفل.
حياة: يا واطيين.
ادهم: لا طبعا يا حياة انا معاكي.
حياة: قلبي.
ادهم(بضحك): او معاهم.
ليث: يلا يا حبيبتي اجهزي علشان نمشي.
حياة: كلمت الدكتور؟
ليث: اه.
حياة: طيب هلبسها و نخرج.
حياة بدأت تلبس ليلي هدومها و ليث شال ليلي و خرج.
حياة(بهمس): متتعودش علي كدة.
ليث(برفعة حاجب): بتغيري من بنتك يا حياة هي مش دي حياتك و كل عالمك و اهم مني شخصيا.
حياة(بهمس): قلبك كبير يا معلم.
ادهم: اركبي.
حياة: ميرسي كلك ذوق.
ليث: اركبي يا اختي اركبي هوريكي الذوق انا.
الكل ركب العربية و وصلوا للقصر و الكل كان فرحان.
ليث: فرح نعمان و حنين و ادهم و شمس بعد بكرة.
كاميليا(بصدمة): ابني هيتجوز و انا معرفش.
ليث: ايوه عايزة تحضري احضري مش عايزة متحضريش.
و الكل كان مبسوط الا كاميليا و بدأوا يجهزوا للفرح.
يوم الفرح.
حياة: قمر يا اخواتي.
نازلي: آآه يا حياة اسنديني والنبي.
فرودس: لو ولدتي في الفرح ادهم و نعمان هيعملوا منك كفتة.
نازلي: هو بمزاجي يعني.
جميلة: دول ممكن يقتلوكي.
نازلي: ليه يا حبيبتي مليش راجل يعني.
فتون: يا عيني يا عيني يا عم كريم.
حنين: انا خايفة.
حياة: متخافيش نعمان وعد ليث و مامتك مش هيقربلك الا لما تخلصوا جامعة.
شمس: طب و انا؟
حياة: لا دي معرفهاش.
شمس كانت لابسة فستان ابيض طويل واسع من تحت و ضيق من فوق و الاكمام كانت شفافة و كانت رافعة شعرها لفوق و حاطة تاج جميل و لبست جذمة من غير كعب و كانت حاطة روچ احمر غامق. كانت قمر اوي.
حنين كانت لابسة فستان تيبست ضيق من فوق و نازل بضيق بس اخر الفستان منفوش و كان ب ¾ كم و حطت روچ هادئ و سيبت شعرها و لبست تاج بسيط و لبست صندل بكعب.
الباب خبط.
حياة: ادخل.
ليث: مساء الخير يا بنات.
الكل: مساء النور.
ليث: يلا يا شمس يلا يا حنين.
شمس(بدموع): بجد شكرا ليك جدا.
حنين(بدموع): كان نفسي بابا او اخ ليا يكون معايا تسلم.
ليث: يا هبل انا اخوكم الكبير، يلا تعالوا.
ليث نزل ب شمس و حنين و نزل علي السلالم و كان ادهم و نعمان واقفين منتظرينهم.
ليث: ادهم انت ابني بس شمس اهم منك.
ادهم: دي اهم من نفسي انا شخصيا يا بابا. تسلم.
ادهم وطي وباس ايد ليث و ليث اتصدم من ردة فعله.
ادهم: البركة في مراتك يا عم. هات عروستي بقي...
نعمان: انا الكبير ها الكبير.
ليث: خد. حنين لو زعلت في يوم هزعلك اضعاف فاهم.
نعمان: في عيوني يا كبير.
و كل واحد خد حبيبته و راح قعد مكانه.
و كل شاب خد مراته و راحوا لترابيزة العائلة.
ليث(بهمس): بحبك يا حياتي.
حياة: انا كمان يا حبيبي.
كتبوا الكتاب و خلوا عم شمس يمضي و مشوه.
ليث: تيجي نرقص؟
حياة: طيب يا حبيبي.
حياة لسة هتقوم و كان الكل بيرقص.
نازلي(بصريخ): الحقووووووني.
نعمان: مش وقتك خالص.
ادهم: ملقتيش غير يوم فرحي.
نازلي(بصريخ): الحقني يا كريم بولد.
كريم(بتوتر): يعني اعمل ايه؟
حياة: هننقلها المستشفي بسرعة.
حاتم(بضحك): مش مكتبهالكوا يا شباب.
فريد: ناس فقرية. يلا علي المستشفي.
و الكل راح المستشفي و نازلي دخلت العمليات.
فتون(بضحك): مش قادرة بموت منظرهم فظيع جدا.
فردوس(بضحك): مبوزين.
تالا: دول مكشرين تكشيرة ابليس يا بنتي.
حياة: معلش يا شباب نعوضها في يوم تاني.
ادهم: مش هستني انا. يلا يا بنتي قدامي.
شمس(بصدمة): ادهم.
ادهم: عن اذنكوا.
ادهم وطي و شال شمس و خرج من المستشفي و ركب شمس العربية و مشي بالعربية.
فهد: طالع لابوه اكيد يعني.
حياة: ايه يا حور شكلك نسيتينا كلنا و مش بتفتكري غير ادم.
ادم(بغرور مصطنع): هو انا اي حد و لا ايه؟
محمد: اهدوا كريم متوتر...
ليث: يا ابني ساعة ما حياة ولدت كنت قاعد هادئ جدا.
حياة: علشانك واطي بس مش اكتر...
ليث(بحدة): حياة.
حياة: طيب.
و بعد فترة نازلي خرجت جابت زياد.
كريم: قمر زي ابوه.
نازلي(بابتسامة و تعب): ودهولي يا حبيبي.
كريم: خدي يا حبيبتي.
تسريع احداث بسيط.
عدي سنتين.
-تالا خلفت بنت كمان اسمها سهر.
-جميلة خلفت ولد اسمه سامر.
-شمس خلفت تؤام فارس و فراس...
-و الاطفال كبروا شوية.
حياة(بصريخ): حالا يا ليث تطلقني.
ليث: طب انا مالي يا حياة مش ذنبي.
حياة(بصريخ): طلقني و الا و ربي لاقتلك في ايدي.
جميلة: اهدوا بس يا جماعة.
فهد: يا حياة اهدي حصل خير.
شمس: يعني قدر ربنا عايز كدة.
ليلي: عادي يعني يا ماما.
عز: ده بدل ما تفرحي.
حياة(بصريخ): هو البيه متجوز ارنبة...
ليث(بخفوت): الارنبة احلي.
حياة قربت من ليث و مسكته من هدومه.
حياة: ابقي قابلني و لو سبتك تقرب مني تاني.
محمد: معلش معلش هرمونات الحمل يا ليث.
حياة(بصريخ): عاااااااااااااااااااا محدش يفكرني...
ليث: سيبي التي شيرت يا حياة.
حياة: خايف علي التي شيرت اوي.
قمر: بابا.
ليث: ايه يا ست قمر انتي كمان؟
قمر: ب حب ك(بحبك).
حياة: حبك برص يا شيخة.
ليث: خلاص يا جدعان. تعالي يا حياة نحل الموضوع بهدوء.
حياة: ابدا. و من النهاردة مش هنام معاك هنام في اي اوضة تانية.
ليث: دي اتجننت دي.
حور: يا ادم مش صغيرة انا، انا كبرت.
ادم: هتكبري لما نكتب الكتاب...
ادم: مالكوا متجمعين ليه؟
ادم نزل حور في الارض و وقفها جمبه.
فردوس: حياة حامل...
ادم قعد يضحك كتير لغاية ما عيون دمعت.
حياة: قابل تريقة.
ادم(بضحك): معجزتش يا ليث.
ليث: اخرس ياض.
حياة: انا بتكلم في ايه و انتوا بتقولوا ايه؟
ليث: معلش يا حياة اخر مرة.
حياة: انا ليه اخلف ست عيال انا، انا ارنبة و انا معرفش، طلقني.
فهد: هو شكل كلمة طلقني لبانة في بوقها.
ليث: بقالنا مع بعض 9 سنين اطلقك ليه ما كنت طلقتك من اول يوم جواز...
حياة: يا واطي عايز تطلقني.
ادهم: اوف يا الله. شمس هاتي فارس و فراس يلا هنخرج.
شمس: حاضر يلا.
شمس و ادم و الاولاد خرجوا...
ادم: انا طالع انام يلا باي.
حور: خدني معاك.
فردوس: يلا يا فهد ماهر وراه تدريب.
فهد: طيب عن اذنك يا ليث.
جميلة: محمد شيل سامر و انا هكمل نوم تصبح علي خير.
جميلة طلعت اوضتها...
محمد: لا لا استني لا.
محمد: اعمل فيك ايه يا مصيبة انت.
ليلي: يلا يا عز يلا يا قمر تعالي يا بدر.
الاطفال طلعوا. و كل واحد مشي متبقاش غير ليث و حياة...
ليث: عجبك إلى انتي عملتيه ده؟
حياة: ما الصراحة لا كدة كتير انا مش ارنبة يا ليث اخلف ليه ستة انا و كمان ادم و ادهم بعتبروهم ولادي بعد ما كاميليا عملت حادثة و ماتت...
ليث: يا حبيبتي ممكن يبقوا خمسة بس.
حياة(برفعة حاجب): فرقت ها هي فرقت، عيل رزل.
ليث قرب من حياة و حاوط وشها بين ايديه و قرب منها و باس رأسها و حضنها...
ليث: خلاص معلش يا حبيبتي. اسف ليكي.
حياة: خلاص طيب بحبك.
ليث: طب كان ايه لازمته الشويتين دول.
حياة: لا كنت منفعلة، سوري.
ليث: حبيبتي خليكي عارفة اني بحبك و اكيد دي شئ مش بإرادتنا بإرادة ربنا، يلا بقي اضحكي.
حياة(بابتسامة): طيب. تعالي اكلني ايس كريم.
ليث: كان نفسي بس ورايا شغل مهم.
ليث كان هيمشي حياة مسكته من قفاه...
حياة: تعالي هنا يا حبيبي تعالي قدامي يا بابا رايحين نأكل ايس كريم يلا.
ليث: مفيش اختيارات؟
حياة: لا في تعالي هنا بس.
ليث: لا يا شيخة بتعملي زي ما ماما كانت بتعملي.
حياة: هي كانت بتعمل ازاي اه افتكرت.
حياة مسكت ودان ليث...
ليث: خلاص اسف.
حياة: حبيبي انت يلا بينا.
و الكل بدأ يشوف حياته و مبسوط بس برضو كانت بتبقي في مشاكل في الشغل و مشاكل بسبب الغيرة و مشاكل البيت المعتادة.
عدي تلت سنين.
النهاردة فرح ادم و حور.
حور: انا متوترة.
حياة: متخافيش يا حبيبتي.
فردوس: خير.
جميلة: يا مزة يوم و هيعدي.
نازلي: ايوه فعلا. استمتعي بالفرح و الاكل و التورتة.
شمس: حامل و احنا منعرفش.
حنين: حد جاب سيرتي؟
فتون: اقعدي يا اختي في جمب. في تلت سنين خلفتي مرتين رقم قياسي.
حنين: ايه ده انا بتكسف.
حور: انسوني انسوني.
حياة: اخيرا اتجوزتي يا بهيمة.
حور: ادم لو سمعك هيعلقك.
حياة: ليث لو شافه هيعقله بسيطة.
الكل قعد يضحك و يهزر...
حور كانت لابسة فستان طويل ضيق من فوق و واسع من تحت و فيه نقوش بسيطة و رقيقة و جذمة مطرزة بكعب بسيط و لبست طرحة الفستان و تاج شيك اوي. و حطت مكياج خفيف جدا.
الباب خبط.
فتون: ادخل.
نعمان: جاهزة يا عروسة.
حور: بحاول.
نعمان: اضربت بوكس بسببك يا مصيبة.
حياة: اكيد ادم.
نعمان: اكيد. قال بفضل امدح في حور راح ضربني.
نعمان: بس الصراحة هو حذرني بس انا سوقت فيها.
حنين: تستاهل.
نعمان: واطية. يلا يا اختي.
نعمان مسك ايد حور و كل البنات وراه و بدأ ينزل لغاية ما وصل لادم...
نعمان: ادم.
ادم(قطع كلامه): دي في عيوني و في قلبي ده انا مستنيها بقالي 12 سنة.
نعمان: تسلم يا ادم، خد عروستك.
ادم مسك حور و باس رأسها و ايديها. و بدأ يمشي لغاية ما وصلوا لمكانهم.
نازلي: شكلهم حلو اوي.
كريم: اوي يا حبيبتي، و انتي احلي.
نازلي: بحبك.
كريم: زياد تعالي هنا.
زياد: نعم يا بابا.
كريم: تعالي نتصور.
كريم حاوط نازلي بايده و قدامهم زياد.
نازلي الدكتورة قالت في مشاكل و مش هينفع تخلف تاني...
تالا: انا مبسوطة اوي يا حاتم.
حاتم: وجودك جمبي شئ يبسطني من اي حاجة يا روحي.
تالا: بحبك اوي و بشكر ربنا انك معايا...
حاتم: طب يرضيكي الواد الاهبل ده يتصور و احنا لا.
تالا: بحبك. يلا بينا نتصور.
تالا: سيف شهد سهر تعالوا
وقفوا جمب بعض من الاكبر للاصغر و فرحانين.
فريد: حبيبتي.
فتون: نعم.
فريد: بحبك اوي اوي.
فتون: و انا اكتر يا حبيبي.
فريد: نادي ورد بدل ما هي بتلعب مع الواد عز ده.
فتون(بضحك): بتغير علي بنتك؟
فريد: لا عز مش سهل طالع لابوه مش واثق فيه...
فتون(بضحك): عندك حق.
فريد: هنتصور زيهم يلا...
فريد و فتون وقفوا و جمبهم ورد...
فتون و فريد اتفقوا مش هيخلفوا تاني.
فردوس: الكل بيتصور اشمعنا احنا.
فهد: و لا يهمك نتصور يا روحي...
فردوس: هنادي ماهر، ماهر يا واد يا ماهر.
ماهر: نعم يا امي.
فهد: تعالي يا حبيبي امك عايزة تتصور.
ماهر: انا مالي.
فردوس: بطل لماضة. يلا تعالي.
و بدأوا هما التلاتة يتصوروا و مبوسطين...
فردوس محملتش تاني بعد ماهر.
جميلة: فين سامر؟
محمد: طب مينفعش محمد.
جميلة: حبيبي انت، لا كنت هناديك بس علشان نتصور.
سامر: بخ انا اهو.
جميلة: حبيب ماما.
محمد: اقف اتصور زي الرجالة يا واد انت.
سامر: عيوني يا بابا.
و قفوا اتصوروا هما التلاتة و ابتسموا.
جميلة كانت حامل في بنت و قررت تسميها اسيل.
نعمان: حبيبتي في حد ضايقك؟
حنين: لا يا حبيبي.
نعمان: فين سلا و اسلام؟
حنين: اهم يا حبيبي جمبي.
نعمان: طيب معلش قلقت عليهم شوية.
حنين: نعمان الكل بيتصور تعالي نتصور ذكري.
نعمان: تؤمري يا حياتي.
نعمان و حنين وقفوا اتصوروا و سلا و اسلام وقفوا قدامهم...
نعمان بقي دكتور و بيشتغل مع محمد و حياة.
ادهم: فراس فارس.
فراس و فارس: نعم يا بابا.
ادهم: فين امكوا؟
فراس: اهي.
ادهم: طيب نادوها.
فارس: هواء...
شمس: في ايه؟
فراس: بابا عايزك ضروري اوي و متعصب و متنرفز.
شمس راحت لادهم بسرعة.
شمس: مالك يا حبيبي؟
فارس(بضحك): و ضحكنا عليكي.
شمس: شايف ولادك يا ادهم؟
ادهم: وقت المشاكل ولادك يا ادهم، لكن وقت الحنية ولادي انا انا اللي تعبت فيهم.
شمس: كنت عايز ايه؟
ادهم: تعالي نتصور ذكري.
شمس: الله يلا.
و الاربعة بدأوا يتصوروا و هما مبسوطين...
ليث: حياتي.
حياة: عيوني.
حياة(بضحك): حسيت اننا فيلم هندي.
ليث: الولاد فين؟
حياة: و انا ايش دراني؟ (انا ايه اللي عرفني؟ )
ليث(بصدمة): و انا ايش دراني!
حياة: عيالك كتير اوي روح دور عليهم...
ليث: جايبهم لوحدي انا.
حياة: لا طبعا الارنبة اللي قدامك جابتهم.
حياة: يا مفتري مخلف تمانية انت اتجننت هو ده الرقي.
ليث: طب ايه ذنبي يعني انهم تؤام علطول و كمان انا مالي.
حياة: يا حرام الواد مظلوم، الحق علي الارنبة اللي واقفة قدامك.
ليث: متقوليش كدة يا حبيبتي ارنبة ايه بس.
حياة: و النبي.
ليث: طب يلا شوفيهم فين يا حبيبتي.
حياة: سارة لمي العيال.
سارة(بضحك): حاضر يا ست هانم...
ليث: ارنبة.
حياة(بعصبية): ليث.
ليث: مش انتي اللي بتقولي كدة.
حياة: انا اقول انت متقولش.
ليث: طيب يا ست البنات.
حياة: بحبك.
ليث: اخيرا نطقتي كلمة عدلة...
عز و ليلي و قمر و بدر: نعم يا ماما.
سارة: نور و فريدة اهم.
حياة: ابوكوا عايزكوا.
ليث: تعالوا اتصورا...
حياة: الله ماشي.
ليث: كلمتك انتي.
حياة: يا رزل يلا.
ليث وقف و حياة جمبه هو شال نور و هي شالت فريدة و قدامهم قمر و بدر و قدام قمر و بدر عز و ليلي...
فهد: ليث يلا نتصور مع العريس.
و الكل راح وقف و بدأوا يتصوروا.
ليث و حياة واقفين في النص و جمبهم ادم و حور و شمس و ادهم و بعديها كل ثنائي حاتم و تالا و فريد و فتون و فهد و فردوس و نازلي و كريم و قدامهم جميلة و محمد. و بعديها صف كامل للاطفال...
بعد الصور كان ليث عيونه دمعت و خرج بره القاعة و حياة جريت وراه.
حياة: مالك يا حبيبي؟
ليث(بدموع): تعرفي يا حياة. كل يوم و كل ساعة و كل دقيقة بشكر ربنا انه بعتك ليا، بسببك قدرت اكون عائلة بسببك قدرت اكون ابن لامي و بسببك قدرت اكون اخ لاخواتي و بسببك بقيت اب لابنائي و بسببك قدرت اكون زوچ، بسببك جرح قلبي زال يا حياة.
ليث(بدموع): انتي كنتي الدواء يا حياة.
ليث(بدموع): مكنتش اعتقد في يوم اني هكون عائلة بالشكل ده و بالحب ده. وجودك في حياتي اكبر نعمة.
ليث(بدموع): هفضل اشكر ربنا علي وجودك في حياتي يا حياتي انتي.
ليث(بدموع): عايز اقولك اني بحبك جدا.
ليث حضن حياة اللي كانت بتعيط و متأثرة بكلامه و باس رأسه.
ليث(بهمس و دموع): انتي السبب في علاج قلبي يا طبيبتي...
النهاية؟
-ممكن نتعلم حاجات بسيطة؟
( الحب مش بيعرف سن يعني الحب الحقيقي مش بيعترف بسن و لا بشكل و لا بلون و لا باي حاجة هو بيكون اتحاد قلبين ).
( في ناس معتقدة ان في حب من اول نظرة. انا مش معتقدة بوجهة النظر دي ممكن يكون مجرد اعجاب و مع توالي الصدف بيبدأ الاعجاب يتحول لحب ).
( الحب الحقيقي بيفضل حتى الممات؟ ).