رواية طبيبة قلبي الجزء الأول للكاتبة سلسبيل كوبك الفصل التاسع والثلاثون والأخير
أن ليث مسك الورق من فريد و فتحه و بعدين بص ل ناهد.
ليث(بغضب): خليتي مين يزور الزفت النتيجة دي...
ناهد: مين يعني؟ هو ابنك انت اللي مش مصدق.
ليث بدأ يكسر الاوضة اللي ناهد فيها.
عند حياة...
حياة: حضرتك والله فاجئتني بزيارتك.
صالح: لا قولت مرة انا مرة انتي. و الصراحة لما عرفت انه انتي واحدة ست قول حرام تتبهدل يعني.
حياة: طيب نتكلم في الشغل.
احمد(فتح الباب بسرعة): حياة ليث بيكسر في اوضة المرضي.
حياة(بحدة): ده اتجنن ده؟
حياة قامت بسرعة و راحت لمكان ليث و دخلت بسرعة.
حياة(بغضب): ايه اللي انت بتعمله ده؟
ليث كان هيسبها و يمشي بس حياة مسكت دراعه.
حياة: احكي حصل ايه لده كله؟
صالح: انسه حياة هو في ايه؟
ليث(بحدة): مين ده؟
حياة: شغل.
صالح: ايه ده ليث بيه بنفسه.
ليث(بحدة): ايه اللي بيربطك بيه يا حياة؟
حياة: بس بقي هتفضل انت تسأل. ما ترد ايه اللي انت عملته هنا ده...
فريد: ممكن تهدوأ شوية.
فتون: يستحسن تروحوا اوضة تتكلموا فيها براحة.
صالح: آنسه حياة هو...
ليث(بزعيق): مدام. المدام دي تبقي مراتي.
ليث: و اياك اشوفك مقرب منها يا صالح.
ليث مسك ايد حياة و مشاها وراه و راح لاوضة مكتبها و زق حياة.
حياة: يا غبي.
ليث: ايه اللي بيربطك بالزفت صالح ده؟
حياة: قولتلك شغل و لو مش هتتكلم معايا بكل هدوء يبقي يستحسن متتكلمش...
ليث: و النبي. طب ممكن تقولي ايه اللي بيربطك ب صالح.
حياة: مع انك مصطنع الهدوء بس ماشي. قولتلك قبل كدة شغل. بحيث ممكن لو هو عنده نقص في المرضي او الدكاترة نعمل تبادل. و هيبقي في تدريب سواء للمستشفي بتاعتنا او بتاعته.
ليث: لا يا حياة، الراجل ده بتاع ستات ابعدي عنه.
حياة(برفعة حاجب): و انت ايه اللي عرفك؟ و كمان انا اقدر احمي نفسي بنفسي...
ليث(سخرية): ده انتي بتخافي من البرص.
حياة: انا بكلمك ليه اسااسا؟ انا اساسا مش بكلمك اتفضل اخرج من مكتبي فورا.
ليث: بجد يا ابلة.
حياة: ليث بيه بقي بيئة...
ليث: خلاص يا ستي انا آسف.
حياة: تقبلتوا.
حياة: مالك بقي كسرت اوضة اللي اسمها ناهد دي ليه؟ الواد مش ابنك صح؟
ليث: لا للأسف ابني.
حياة(بابتسامة باهتة): طيب و ماله يا حبيبي عادي ابنك برضو. و هتقبله علشان خاطرك...
ليث قام من الكرسي بتاعه و قرب من حياة و حاوط وشها بأيديه.
ليث: عارف انك مش فرحانة.
حياةليه بس يا حبيبي؟
ليث: اسمعيني، بس عايز اقولك انا آسف و ان شاء الله مش هيبقي في حاجة زي كدة تاني. عارف انك بتتحملي ادم و ادهم و هتتحمليهم و هتتحملي الولد التالت بس علشان خاطري. بس ان شاء الله المرة الاخيرة هتبقي منك انتي و اوعدك.
حياة: يا حبيبي انا بحبك جدا و اكيد هقبل كل حاجة منك كفاية انهم هيبقوا قطعة منك.
ليث: كانت فين الرومانسية دي الصبح؟
حياة: ظريف.
ليث: تعالي يلا نروح.
حياة: لا روح الشركة يلا.
ليث: انا لسة هسألك.
ليث شال حياة و مشي من المستشفي.
فريد: يا مجنون ده اول يوم ليك في الشغل.
ليث(ببرود): في حاجات بتبقي اهم من الشغل.
حياة: طب انا عايزة اشتغل حرام عليك.
احمد: و الله الواد ده حاسه مسجل خطر.
فتون: صعبت عليا حياة.
فريد: ميصعبش عليكي غالي يا اختي. هو مش بعد بكرة الفرح واقفة هنا ليه. بره يا بت.
فتون: بس.
احمد: غوري يا بت مع جوزك.
فتون: انتوا جايين عليا.
فريد: يا رب.
فريد شال فتون علي كتفه و ركبها العربية و ساق.
احمد: اروح بقي اشتغل.
صالح: هي فين حياة؟
احمد: مدام حياة راحت مع جوزها.
صالح: يعني هي فعلا مرات ليث.
احمد: هو في حاجة.
صالح: لا عن اذنك.
احمد: زياد.
زياد: نعم يا دكتور احمد.
احمد: مبدأيا احنا صحاب و انا اسمي احمد و انت زياد. ثانيا الاوضة اللي حصل فيها تكسير دي غيرها و انقل المريضة اللي فيها و اطمن علي صحة الطفل.
زياد: تمام.
الايام عدت و جه يوم الفرح.
-في الفندق.
تالا: حياااااااة.
حياة: نعم.
تالا: هو التاج مجاش و لا ايه؟
حياة: حاضر هشوفه.
نازلي: بقولك يا حياة.
حياة: اتفضلي.
نازلي: هو مفيش جذمة تانيه دي لما جيت البسها حسيتها ضاقت.
حياة: تعالي جربيها تاني.
تالا: شوفتي التاج يا حياة.
حياة: حاااااااااااضر.
حياة: هاتي رجلك يا نازلي.
نازلي: معلش تعبينك.
حياة: عادي. البسي كدة.
نازلي: استني همشي بيها.
نازلي بدأت تتمشي بالجذمة.
حياة: طب ما تلبسي صندل.
نازلي: طب ايه اللي هيليق علي فستاني.
حياة: استني هجيب تاج تالا و بالمرة اشوفلك صندل.
حياة خرجت و راحت للاوضة التانية.
حياة: جربتوا كل حاجة؟
فردوس: اه بس علي ما اعتقد التاج ده زيادة.
حياة: اه ده شكله بتاع تالا. هاتي.
حياة فتحت الدولاب و قعدت تشوف الجذم و الصنادل و اختارت واحد.
فتون: عاااااااا يا كلب البحر ساعديني.
حياة: خير يا برص يا جعان.
فتون: الخرز اللي في الجذمة في واحدة ناقصة.
حياة: امشي من قدامي يا بت. هضربك و اعمل وشك خريطة.
فتون: لا وشي.
فردوس(بضحك): طب هتعملي ايه؟
فتون: بتضحكي يا جذمة.
حياة: فردوس علشان راضية بنصيبها كل حاجة عندها تمام. اما انتي و الاتنين التانين دول لا.
حياة: استني.
حياة قعدت تدور في الجذم كتير.
حياة: خدي دي. جربيها هنزل اشوف الميكب ارتست اتأخرت ليه...
حياة راحت اوضة تالا و نازلي.
حياة: تالا التاج اهو. و انتي يا بت جربي الصندل ده. ثانية و جاية.
تالا: لا مش هنسيبك تهربي.
حياة: غوري يا بت.
حياة خرجت من الاوضة بس لقت حد بيشلها و بيحط ايده علي بوقها و فتح باب و دخل.
ليث: هشششش اهدي انا ليث...
حياة هديت شوية و ليث نزلها. و سندها علي الحيطة.
حياة: عايز ايه؟
ليث: اي حاجة كدة.
حياة حطت رأسها علي كتف ليث و حضنته.
حياة(بتنهيدة): انا تعبت. و عايزة انام.
ليث: حصل ايه؟
حياة: مفيش تالا مكنتش لاقية التاج. نازلي الجذمة ضاقت عليها. فتون في خرز وقع من جذمتها. و غير ان الميكب ارتست لسة مجتش و غير اني لسة مأكلتش يعني بص معاناة.
ليث: خلاص معلش. ارتاحي ساعة و هأجي اصحيكي.
حياة: لا لا هروح.
ليث شال حياة و نيمها علي السرير و نام جمبها.
ليث: قولتلك نامي و انا ساعة و هصحيكي.
حياة: طب نص ساعة بس.
ليث: ماشي نامي بس.
عند الشباب.
فهد: هو اتأخر ليه؟
محمد(بضحك): ليث خلع.
حاتم: ازاي؟
محمد: لسة باعتلي ماسدج بيقولي ان حياة تعبت و هو جمبها و لما تفوق هيجي.
كريم: اوف يا رب. ده مش بيرحم نفسه...
حاتم: الصبر يا رب. و كمان تعبانين ايه؟
محمد: خلاص بقي.
عند البنات.
فتون: اتأخرت ليه كلب البحر دي.
فردوس: معرفش ممكن تكون تعبت ما احنا الصراحة تعباناها معانا. مصحينها من الساعة 5 الصبح و بنبعتها مشاوير...
تالا: حد شاف حياة منكوا؟
فتون: معرفش...
بنت: لو سمحت.
تالا: ايه؟
بنت: ليث بيه بعتنا و قالنا نقف معاكوا لغاية ما حياة هانم ترجع لانها تعبانة شوية.
فردوس: طب هي كويسة.
بنت: اه الحمد لله.
تالا: طيب.
و في بنات قعدت مع فردوس و فتون و بنات مع تالا ونازلي.
-عدي ساعتين من الوقت.
حياة بدأت تتقلب لغاية ما فتحت عينيها و بصت في الساعة...
حياة(بصوت عالي): عاااااااااااااااا...
ليث(بخضة): مالك؟
حياة(بعصبية): قولتلك نص ساعة نمت ساعتين.
ليث: عادي بعت ليهم بنات. انتي كنتي تعبانة.
حياة حضنت ليث و حطت رأسها علي صدره.
حياة: ليث.
ليث: نعم.
حياة: انا عايزة انام تاني.
ليث قعد يضحك علي حياة و حياة بصتله بغيظ.
حياة(بغيظ): غور.
ليث(بضحك): لا تعالي تعالي.
حياة: بطل ضحك الاول.
ليث: هحاول حاضر. بس تعالي.
حياة: اممممم.
ليث: قومي البسي هدومك و نحضر الفرح و بعدين نروح و ننام.
حياة: طيب. هقوم البس.
حياة قامت خدت دوش سريع خرجت لقت ليث بيلبس. حياة لقت فستانها علي السرير و بدأت تلبسه.
حياة لبست فستان باللون الاحمر ضيق و مجسمها و قصير لغاية الركبة و بحمالة عريضة و كانت في لمعة بسيطة و لبست صندل فضي بكعب و حطت روچ احمر نفس لون الفستان
ليث: نعم يا اختي!
حياة: ايه يا ليث؟ خضتني في ايه؟
ليث: هو جنابك راحة فرح و لا كباريه؟
حياة: لو سمحت مسمحلكش.
ليث: طب غوري يا بت من وشي. و مش هتنزلي بالفستان ده شوفي حل.
حياة: لا بص مفيش وقت و ده فستاني انا اختارته.
ليث: انتي عندك ذوق انتي. غوري يلا يا بت.
ليث: غيريه لاما و الله استغل الفرصة و مخلكيش تنزلي.
حياة: طب استني.
حياة راحت للدولاب و بعدها رجعت تاني ل ليث.
حياة: ها ايه رأيك؟
ليث: اقفلي الزراير...
حياة: كدة هفطس.
ليث(بتحذير): اقفلي الزراير.
حياة: حاضر انا قولت غير كدة.
حياة لبست جاكت ب ¾ كم و لغاية الركبة و قفلت الزراير
ليث: قدامي.
حياة(بعصبية): حاضر.
ليث ضرب حياة علي رأسها.
ليث: مالك يا اختي بتتكلمي كدة ليه؟
حياة: انا قولت حاجة.
ليث حاوط حياة بأيده و قربها منه.
ليث: اياكي تقلعي الجاكت.
حياة: حاضر...
ليث: يلا خشي ليهم...
عند الشباب.
حاتم: ايه يا عريس؟
ليث: احترم نفسك.
حاتم: انا برضو.
فهد: الصراحة عنده حق.
كريم: يعني احنا في فرحك شوفت كنا عاملين ازاي.
ليث: كلكم عليا يعني.
محمد: انا لا.
ليث: اخويا.
محمد: انا معاهم.
ليث: واطي.
عند البنات.
فتون: تعالي هنا يا زبالة انتي.
حياة: انا و الله قولت ل ليث يصحيني كمان نص ساعة هو اللي سابني ساعتين. روحوا حاسبوه.
فردوس: خلاص بقي.
حياة: قلبي بس ايه الجمال ده؟
الميكب ارتست(بغرور): طبعا مش انا اللي عاملاه يلا يلا معنديش وقت.
حياة(لنفسها): اهدي يا حياة اهدي يا حبيبتي.
تالا: انا جيت.
الميكب ارتست: تعالي اقعدي.
حياة: فين نازلي؟
فردوس: جاية. في الحمام.
حياة: اه طيب.
و الميكب ارتست خلصت البنات كلهم و مشيت.
حياة: قمراااااااات.
الاربع بنات قرروا يلبسوا فستان واحد زي بعض.
الفستان كان تيبست ضيق اوي لغاية الركبة و بعدين منفوش و كان ب ¾ كم و الكم كان شفاف و مفتوح من الضهر و لبسوا طرحة قصيرة و و لبسوا تاج و حلق شيك و تالا و نازلي لبسوا صندل بكعب و فردوس و فتون لبسوا جذمة بكعب بسيط و تالا حطت روچ هادي جدا و نازلي حطت روچ باللون الوردي و فردوس و فتون حطوا روچ احمر بس بدرجات مختلفة، كانوا يعتبروا زي الاخوات التؤام.
حياة: الله شكلكوا حلو اوي انا مبسوطة بيكوا.
تالا: بجد شكلي حلو؟
حياة: بتسألي ده انتوا قمرااااااات.
تليفون حياة رن. الخط اتفتح.
ليث: جاهزين؟
حياة: ايون.
ليث: طيب.
عند الشباب.
حاتم: يلا انا مستعجل عايز اعلم اختك الادب.
ليث: احترم نفسك و الله تشتكي منك بس القتل يبقي ارحم من اللي هيحصل فيك.
حاتم: خلاص يا عم.
كريم(بضحك): خاف.
فهد: يلا احنا بينا.
محمد: عظمة يا عيال.
فريد(بعصبية): مش يلا بقي و لا ايه؟
محمد(بضحك): الواد جاب آخره.
ليث: طيب يلا.
الشباب كانت لابسة بدلة باللون الاسود و قميص ابيض و جذمة باللون الاسود بتلمع و كل واحد لبس ساعة خاصة بيه و حط البرفيوم الخاص بيه.
الشباب خرجوا و كل واحد خد حبيبته و مراته.
فريد(بهمس): حد قالك انك قمر قبل كدة.
فتون(باحراج): شكرا. و انت شكلك حلو اوي.
فريد(بهمس): ده الطبيعي يا قمري انتي.
فتون(بهمس): بحبك.
فريد(بهمس): أخيرا...
فهد(بهمس): بسم الله ما شاء الله خايف لتتحسدي و ربنا.
فردوس(بهمس): شكرا، و شكرا لاهتمامك.
فهد(بهمس): و الله اسعد يوم في حياتي.
فردوس(بهمس): و انا كمان.
نازلي(بهمس): جايب منين الوسامة يا قمر انت؟
كريم: ايه ده انا بتعاكس في وضح النهار و الليل.
نازلي: ده اللي و ازاي؟
كريم: اي حاجة يا ستي. بس برضو انتي احلي بكتير و الفستان انتي اللي محلياه.
نازلي: طبعا يا ابني.
كريم: يا عم الواثق...
حاتم: مبروك يا عروستي.
تالا: الله يبارك فيك.
حاتم: لا انا متعود علي تالا ام لسان طويل...
تالا: يا حيوان يا زبالة.
حاتم: ايوه هي دي تالا بقي.
ليث: فتحتي زرار ليه؟
حياة: يعني عايزني افطس. اموت يعني.
ليث: حد قالك تختاري فستان زي كدة.
حياة: آسفة بس مكنش في وقت و انا كنت تعبانة و الشغل مبهدلني لاني بغير في التصاميم نوعا ما.
ليث: طيب.
و نزلوا القاعة كانت في الفندق و دخلوا القاعة و الكل صقف...
نعمان: شكلهم حلو اوي.
حنين: ايوه.
نعمان: عقبالك يا قمري.
حنين(بخجل): شكرا...
صفاء: بسم الله ما شاء الله. كلهم قمرات.
حور(بحزن): ادم انت زعلان مني؟
ادم(ببرود): و هزعل منك ليه؟
حور(بحزن): انت مش بتكلمني و لا بتلعب معايا.
ادم(ببرود): علشان انا كبير.
ادهم: تعالي يا حور سيبك منه.
حور: بس.
ادهم: لا يا حبيبتي تعالي هلعب معاكي انا و هنتكلم.
هند(بدموع): اخيرا بيتجوزا في يوم واحد...
مأمون: خلاص يا هند.
هند(بدموع): هيوحشوني اوي.
صفاء: يا حبيبتي لما نكون عايزين نشوفهم هنطب عليهم هو احنا هنسيبهم و لا ايه؟
هند: يا حبيبتي.
حياة(بغضب مكتوم): حلوة البت صح؟
ليث: بت مين يا حياة؟
حياة: اللي انت منزلتش عيونك من عليها.
ليث: الصبر يا رب. انا مش مركز مع حد يا حياة.
ليث: و متنسيش ان مش دي حياة العاقلة الراكزة.
حياة: ابعد عني يا رزل.
ليث: يا غبية بحبك انتي.
حياة: يس انت بصباص.
ليث: بصباص! يا بنتي انا كل الستات بتترمي تحت رجلي...
حياة(بسخرية): عادي طب ما انا كل الرجالة تتمني يوم معايا بس...
حياة: تحب اوريك؟
ليث: قسما بربي اشوفك بعيدة عني متر واحد هقتلك...
حياة: بتغير؟
ليث: ابدا...
نعمان: تقطيع التورته.
محمد(بهمس): حياة.
حياة: نعم.
محمد: هو انتي نسيتي جميلة و مامتها.
حياة: لا طبعا.
احمد: مساء الخير.
حياة(بفرحة): اهلا اهلا.
ياسمين: ازيك يا حياة.
حياة: اهلا بأم ايه بقي؟
احمد: ان شاء الله يزيد.
حياة: و لو بنوتة حلوة زي مامتها؟
ياسمين: رهف.
حياة: الله اسامي قمر اوي. ربنا يخليه ليكوا.
احمد: اتجدعنوا انتي و الزفت اللي جمبك ده.
ليث: بتقول لمين زفت ياض. انت نسيت نفسك بقي...
احمد: بقولك انت. انت مش فاكر شكلك كان ازاي اول يوم في المستشفي و دلوقتي، بلاش نتكلم.
محمد: البركة في حياة.
ليث: خليكي هنا معاهم...
ليث طلع لاخواته فوق.
فهد: هو احنا هنمشي امتي؟
ليث: مستعجل اوي يعني؟
حاتم: ما تنجز يا ابني فاضل قد ايه؟
ليث: ساعة كدة.
فردوس: بليز يا ليث نادي حياة.
ليث: طيب...
ليث شاور لحياة انها تيجي و حياة راحت ناحيته...
حياة: في ايه؟ مبروك يا عرايس.
فردوس(بهمس): هو انا حاسة ان الفستان مش مربوط حلو.
حياة: لا يا حبيبتي مربوط...
موظف: يلا رقصة ال slow.
كل ثنائي راح يرقص مع بعض. و نعمان و حنين و ليث و حياة.
و بدأوا يرقصوا و بعد فترة الفرح خلص و ركبوا العربيات.
حياة: هنمشي ازاي؟
ليث: هنوصل حاتم وتالا و بعدين نازلي و كريم وبعدين فريد و فتون و بعدين فردوس و فهد...
حياة: طيب.
وصلوا حاتم و تالا و مشيوا.
حاتم: هتطلعي و لا اشيلك؟
تالا: اممم...
حاتم: لسة هنفكر.
حاتم شال تالا و طلع علي شقته و فتح الباب.
حاتم: مبروك يا احلي زوجة في الدنيا.
تالا(باحراج): مبروك. بس.
حاتم شال تالا و دخل علي اوضتهم.
-وصلوا نازلي و كريم.
نازلي: هو مامتك محضرتش الفرح ليه؟
كريم(باحراج): اسف بس هي كانت لازم تسافر.
نازلي(بقلق): هي كانت تعبانة.
كريم(باحراج): لا كانت هتعمل عملية تجميل.
نازلي بصتله بصدمة و بعدين لاحظت احراجه.
نازلي: و لايهمك المهم اني معاك و جمبك. بجد مش عارفة ارد جمايلك فين يا كريم.
كريم: متقوليش كدة يا حبيبتي انا بحبك.
نازلي: ممكن تفكيلي الفستان؟
كريم: اكيد.
كريم مسك نازلي و دخل علي اوضتهم.
-وصلوا فريد و فتون.
فتون: بص انا برجع في البيعة.
فريد: فات الاوان يا حبيبتي...
فريد: انت مستحلف ليا.
فريد: ده انا هنزل فيكي ضرب لغاية ما تقولي حقي برقبتي.
فريد: بقي راجل التورتة كان وسيم.
فتون(بتوتر): انا قولت كدة.
فتون: هو في اجمل و لا احلي و لا اشيك منك يا حبيبي.
فريد: المفروض اتثبت كدة يعني.
فتون: المفروض.
فريد: و الله طب تعالي.
فريد جري ورا فتون لغاية ما مسكها و دخل اوضتهم...
-الكل وصل للبيت.
فهد: حظي انا اللي زفت.
ليث: معلش يا بطل.
محمد: يلا هموت و انام.
صفاء(بعياط): كدة مش هشوف تالا تاني...
حياة و فردوس راحوا صفاء حضنوها.
حياة: لا طبعا يا حبيبتي انا و فردوس اهو.
فردوس: ايوه يا طنط احنا بناتك مش كدة و لا ايه؟
حور: و انا كمان و انا كمان...
صفاء: اكيد يا حبيبتي. بحبكوا و الله.
ليث: مش يلا.
صفاء: يلا يا فهد خد عروستك.
فهد: تمام. يلا يا فردوس.
فردوس: حاضر.
فهد خد فردوس و طلع لاوضته. محمد طلع نام و نعمان هو كمان و الكل طلع اوضته...
عند فردوس و فهد.
فهد: خشي غيري هدومك الاول.
فردوس: تمام. ممكن بس تفك الفستان...
فهد: تمام...
فهد فك الفستان ل فردوس و خرج و فردوس غيرت هدومها و خرجت ليه.
فهد: انا حاسس بتوترك و ده كله بس متقلقيش عادي يعني.
فردوس: شكرا. كنت عايزة اقولك شكرا انك قبلت بيا و انا الماضي بتاعي يعني.
فهد: علفكرة انتي عندك ماضي مشرف و كمان انا بحبك جدا و مستحيل حاجة تافهة زي دي تخليني مقبلكيش.
فردوس: شكرا.
فهد قرب من فردوس و (لخيالكوا)...
عند حياة و ليث.
حياة دخلت قلعت الجاكت و رمته علطول...
حياة: غض بصرك غض بصرك.
ليث(برفعة حاجب): انا عملت حاجة.
حياة: لا و النبي.
ليث: و كمان لما انا جوزك و بتقوليلي كدة الناس بقي اللي كانت هتشوفك كدة...
حياة قربت من ليث و باسته من خده.
حياة: شكرا بحبك.
حياة سابت ليث و اترمت علي السرير و نامت.
ليث: لحقتي نمتي يا شيخة. رقم واحد في النوم.
ليث دخل غسل وشه و غير هدومه و خرج عدل نومة حياة و نام...
عدي تلت شهور.
-الكل كان عايش حياة حلوة بس مكنتش خالية من المشاكل مشاكل الشغل و المشاكل العائلية. و كل شوية بتحصل زيارات من حاتم و تالا و فريد و فتون و الكل بيروح التاني و سعيد. و حياة و فردوس معوضين صفاء عن تالا، و حياة عالجت مامت جميلة و محمد بيحاول يقرب من جميلة-.
حياة(بعصبية): اوووووووووووووووووووف...
ليث: مش قولتلك متنفخيش.
حياة: ابعد عني بقي...
ليث: في ايه يا بنتي؟
حياة: الجاكت مش عايز يقفل عليا ينعل ابو الجواز اللي يخلي الست تتخن.
ليث(بسخرية): هو العيب في الجواز و لا العيب في الجسم.
حياة(بعصبية): قصدك ايه ياض انت.
ليث: قصدي اللي انتي فهمتيه.
-حياة قلعت هدومها و غيرت هدومها بهدوم واسعة.
ليث(بغمزة): بقيتي تغيري يعني و انا موجود.
حياة: نينينيننينينينينينينينينينيننيني...
ليث: توهي توهي.
حياة نزلت و سابت ليث.
حياة: صباح الخير.
الكل: صباح النور.
صفاء: ها يا بنتي مفيش حاجة.
حياة(لنفسها): يا الله موال كل يوم...
حياة: ان شاء الله.
و قعدت و بدأت تأكل.
صفاء: فاكرين كاميليا لما اول ما اتجوزت خلفت عقبالك يا حياة انتي و فردوس و تالا و فتون و نازلي ان شاء الله.
صفاء(لنفسها): سامحيني يا حياة.
حياة: هطلع اشوف ليث اتأخر ليه.
حياة طلعت بسرعة لاوضتها.
ليث: مالك؟ طلعتي ليه؟
حياة حضنت ليث جامد و ليث حاوطها و باس رأسها.
حياة(بدموع): ليث.
ليث: قلبه يا حبيبتي.
حياة(بدموع): هو انت زعلان لاني مخلفتش؟
ليث: اممممم الموضوع كدة بقي، بصي يا حبيبتي وجودك يكفيني عن العالم كله.
حياة(بدموع): طنط كل شوية تكلمني في الموضوع ده.
ليث: خلاص مفيش اي حاجة.
حياة(بسرعة): همشي انا.
حياة سابت ليث و نزلت جري.
ليث: بنت المجنونة.
حياة طلعت تليفونها و اتصلت بفتون.
الخط اتفتح.
فتون: ايه؟
حياة: هاي عاملة ايه وحشاني و الله. بقولك؟
فتون: يا بتاعت مصلحتك.
حياة: غوي يا به. اسمعيني.
فتون: قولي...
حياة: ...
حياة: فاهمة.
فتون: حاضر حاضر.
ليث: يلا يا حياة هوصلك.
حياة: لا لا انا تعبانة شوية روح انت.
ليث: انتي كويسة؟
ليث(برفعة حاجب): و لا بتخططي لحاجة مجنونة زيك.
حياة(بصدمة مصطنعة): انا؟! بتشك في مراتك الملاك.
ليث: كدة انا اتأكدت.
بعد فترة.
حياة كانت قاعدة علي سريرها و مربعة و بتحرك صوابعها و فجأة لقت الباب بيتفتح.
حياة قامت بسرعة و شافت في ايه.
حياة: ها جبتي؟
حياة(بصدمة): يا نهارك اسود قولتلك انتي لوحدك.
فتون: قسما بالله. لما انتي كلمتيني كانت ماما جمبي و اصرت تعرف و اهي جت و انا ماشية لقيت تالا و حاتم جاين ماما قالت لتالا تالا جت. و لما جينا هنا لقينا فردوس و نازلي مع طنط صفاء فماما قالت ليهم فكلهم جم.
حياة: ده انا هشرب من دمك.
حياة جريت ورا فتون في الاوضة.
صفاء: اهدي يا حبيبتي لتكوني فعلا حامل.
ادم: حامل؟! في حد حامل؟
حياة: يا مصيبتي الكل عرف.
فردوس: لسة هنتأكد يا ادم.
ادم: حياة. طب يلا هتتأكدوا ازاي؟
ادهم: تتأكدوا من ايه؟ و انتوا ملمومين كدة ليه؟
حياة: حد يلحقني قبل ما يجيلي ساكته قلبية.
هند: معلش يا حبيبتي يلا خشي بقي عايزين نعرف.
ادهم: تعرفوا ايه؟
تالا: شكل حياة حامل يا ادهم.
حياة: لا لا علوا صوتكوا اكتر لسة نعمان معرفش.
نعمان: انا معرفش ايه؟
حياة(بصوت عالي): عاااااااااااا.
نازلي: مالك يا بت؟
حياة: يعني تتخيلوا كدة لو مكنتش حامل كان هيبقي شكلي وحش ازاي. و كمان ممكن حد فيكوا يقول ل ليث. و ممكن يفرح علي الفاضي و بعديها يخيب ظنه. و كمان هو عنده صفقة مهمة و ممكن يسيبها و يجي.
صفاء: لا محدش هيقول.
محمد(بصوت عالي): يا ماما هو فين الغداء؟
حياة: كملت يا حبايب قلبي. انا غلطانة اني اعتمد علي واحدة كلب بحر زيك...
فتون: انا عملت ايه؟
ادم: يلا بس عايزين نعرف.
هند: طب اسمعوا كلكوا حياة احتمال تبقي حامل و لو طلعت حامل ان شاء الله محدش هيقول ل ليث. وعد؟
الكل: وعد.
صفاء: يلا يا حبيبتي يلا خشي شوفي هتستعمليه ازاي و كدة يلا.
حياة: محسسني منتظرين نتيجة ماتش مهم.
تالا: احلي يلا.
حياة دخلت الحمام و قعدت فترة و لقت الباب بيخبط.
صفاء: ها يا حياة.
حياة: لسة.
حياة(لنفسها): يا رب ساعدني.
هند: ها خلصتي.
و الكل قعد مستني حياة تخرج من الحمام و بعد فترة خرجت.
فتون: ها ايه؟
ادهم: حامل صح؟
فردوس: ردي يا بنتي.
نعمان: مش حامل طيب؟
نازلي: هاتي نشوف.
حياة(بفرحة و صريخ): انا حااااااااااامل.
حياة قعدت تطنط و هي مبسوطة و الكل و قعد يهيص و فرحان.
صفاء: اهدي بس علشان الطفل.
حياة(بدموع): انا حامل انا مش مصدقة انا مبسوطة، هيييييييييييي.
قتون: يا قلبي.
نعمان: و اخيرا بقي هبقي خال...
هند: هننزل نعمل ليكي شوربة.
حياة: اخيرا اخيرا.
الكل قعد يطنط و مبسوط. و حياة طلعت علي السرير و فرحانة.
حياة: حامل حامل حامل. هيييييييييي.
ليث(باستغراب): ملمومين في اوضتي ليه؟
حياة قعدت علي السرير بسرعة.
حياة(بتوتر): ها ايه ايه اللي جابك؟ و عملت ايه في الصفقة؟
حياة قامت و قربت من ليث.
ليث(بفرحة): كسبناها.
ليث شال حياة و لف بيها كتير و حياة داخت و الكل بيحاول يوقف ليث.
فردوس: خلاص يا ابني.
ادهم: البت داخت...
ليث: انتي كويسة؟
حياة: طبعا طبعا.
محمد: طب هنروح احنا.
ليث: استنوا هنا كنتوا بتعملوا ايه؟
حياة: حبيبي بقولك ايه.
ليث: ايه اللي في ايدك ده؟ وريني.
حياة: لا لا.
حياة جريت علي تحت و رمت اختبار الحمل.
تالا: قولتيله؟
حياة: لا مش دلوقتي...
ليث: فين الغداء؟
فهد: اهو تعالي.
الكل قعد يأكل و فهد و ليث لاحظوا اهتمام الكل بحياة.
ليث: حياة اشمعنا بتأكل مسلوق؟
تالا: ااااا صللل...
فردوس: يعني هي.
فتون: هي كويسة بسس.
محمد: عادي يعني هي بس ع.
حياة عطست كتير و قعدت تكح.
حياة: آسفة اصل عندي برد...
حياة: صح و لا ايه؟
الكل: اه.
ليث: طيب.
عدي كام يوم.
ليث: حد شاف حياة؟
صفاء: اه يا حبيبي راحت المستشفي من بدري...
ليث: غريبة بس ماشي.
و بعد فترة حياة رجعت لقت الكل قاعد و مستنيها و ليث في شغله.
فهد: ها عملتي ايه؟
حاتم: ردي.
تالا: الدكتورة قالتلك ايه؟
فتون: حياة حامل في الشهر الرابع في تؤام.
الكل اتصدم في البداية و بعدين تقبل الموضوع.
صفاء: لوووووووووووووووووووولوووووووووووي، ام مصرية عادي طبيعي جدا????????.
هند: الف الف مبروك يا حبيبتي.
الكل قعد بارك ل حياة و كان مبسوط.
حياة: طيب يلا بسرعة نحضر لعيد ميلاده بسرعة.
ادم: طيب.
حياة: تعالوا معايا يا بنات فوق.
حياة و البنات بدأوا يشتغلوا فوق و الباقي تحت.
و جه وقت ميعاد رجوع ليث.
ليث دخل القصر لقاه ضلمة.
ليث: امي. فهد محمد حياة.
الكل: كل سنة و انت طيب.
حياة جريت علي ليث و حضنته و هو شالها.
حياة(بابتسامة): كل سنة و انت طيب و كل يوم و انت جوزي و حبيبي.
ليث: حد قالك اني بحبك قبل كدة.
فهد: بقول نمشي بقي.
الكل ضحك علي كلام فهد. و بدأوا يقطعوا الكيك و يأكلوا و بعدين ليث لاحظ غياب حياة.
ليث: احم طيب عن اذنكوا شوية و جاي.
كريم: ماشي يا عم.
ليث طلع للدور بتاعه لقاه مفروش ورد علي السلالم ابتسم و كمل مشيه و لقي ورق علي الارض.
الاول انا.
الثانية بحبك.
التالتة و عايزة اقولك.
الرابع مبروك...
الخامسة علي.
ليث(بأستغراب): علي؟!
حياة: علي ليلي و عز.
ليث: ليلي و عز مين؟
ليث افتكر كلام حياة.
حياة: لو خلفت هسمي ليلي و عز.
ليث(بصدمة): يعني انتي؟
حياة(بابتسامة): ايوه.
ليث شال حياة و لف بيها كتير و كان بيضحك و حياة هي كمان كانت بتحضك.
ليث(بصوت عالي): بحبك اوي.
عدي سبع سنين...
حياة(بصريخ): عز.
عز: no.
جميلة: براحة يا حياة.
محمد: يا عاقلة انتي. ايوه متتحوليش زي البت دي.
حياة(بصوت عالي): قسما بربي لو مسكتش يا محمد مش هخليك تلحق تخلف. هقتلك.
جميلة: حرام عليكي لسة متجوازه من شهر...
حياة(بصريخ): ليلي انتي كمان تعالي هنا.
فهد: الله يرحمك يا ماما كانت بتعرف تتعامل معاهم.
الكل: الله يرحمها.
حياة(بصريخ): و الله هولد هنا و اللي يحصل يحصل. انجزوا تعالوا علشان الHomework.
ليلي: يعني لما نذاكر يا ماما هنأخد ايه؟
حياة: انتوا مش بتسمعوا غير كلام ابوكوا.
حياة(بصوت عالي): ليث ليث.
محمد: معاه ادم و ادهم و نعمان في اوضة الملاكمة.
حياة(بوجع): آآآه.
جميلة: هتولدي و لا ايه؟
حياة: لا لسة شهرين.
حياة: فين ماهر يا فردوس؟
فردوس: نايم علشانه عيل صايع.
فهد: بتقوليها بكل فخر ما هو ابنك يا هانم.
فردوس: طالع لابوه.
محمد: مش هتخلفوا تاني و لا ايه؟
فهد: المدام بتقولي لما يبقي سن ماهر عشر سنين. هكون انا عجزت ساعتها.
حياة(بصريخ): ابعد عن بنت خالتك يا حيوان.
عز: اديكي قولتي بنت خالتي. روحي في حتة ناشفة.
حياة: لا لا هولد كدة لا مش قادرة. منك لله يا ليث.
دادة نور: خشي يا حبيبتي...
تالا: حبيبة ماما شهد.
شهد: ماما.
حاتم: طب وابوكي يا جذمة.
شهد: سيف عامل ايه دلوقتي؟
حاتم: الحمد لله كويس يا حبيبتي.
تالا: اومال فريد و فتون لسة مرجعوش.
حياة: البيه و الهانم راحوا سافروا و سايبين لينا ورد.
حاتم: واطي الواد ده. بقولك ما اخد تالا و اسيبلك العيال.
حياة قلعت الشبشب و حدفته و في وش حاتم بس جه في وش ليث...
حياة(بتوتر): و الله غصب عني.
ليث(بحدة): اصرفها منين؟
ليث مشي ناحية حياة بغضب.
حياة(بصريخ): خبوني.
حياة جريت من ليث و الكل بيضحك عليهم.
حياة: حرام عليكوا هولد.
ليث: تعالي و مش هعملك حاجة.
حياة: وعد رجالة.
ليث: وعد.
حياة راحت ل ليث و ليث باسها علي رأسها.
حياة: لا احرجتني.
حياة(بصوت عالي): الله يخرب بيتك البت يا ادم.
فردوس: ايه ده ايه ده؟ بتبوس اختي ياض.
ادم(ببرود): خطيبتي.
نعمان: لا حقه.
حياة: امشوا من هنا و الا و الله لاقتلكوا في ايدي.
فردوس: اوف هو احنا مش هنسافر زي نازلي و كريم و لا فريد و فتون.
ليث: ليلي حبيبة بابي تعالي.
ليلي: حاضر.
ليث: شايف يا بابي مامي بتبصلي ازاي؟
ليث: حياة متبصيش للبنت كدة.
حياة: اولعوا انتوا الاتنين و معاكوا الزفت ده.
حياة: بيسمعوا كلامك انت و بس ده ايه القرف ده.
ليث(بغمزة): ما هما طالعين لامهم بيسمعوا كلام ابوهم.
محمد: اوبا ثبتك يا حياة.
الكل ضحك علي كل اللي بيحصل ده.
كاميليا فاقت من الغيبوبة و سافرت و كل شوية تيجي تزور ادم و ادهم، و ناهد طلعت كدابة و كانت مزورة التحاليل. و صفاء ماتت و هند و مأمون سافروا يحجوا، فريد و فتون و نازلي و كريم سافروا يتفسحوا. نعمان خطب حنين، و جميلة و محمد اتجوزوا. ادم اعترف انه بيحب حور و قال انه هيتجوزوها. حياة خلفت ليلي و عز. فردوس خلفت ماهر. فتون خلفت ورد. تالا خلفت شهد و سيف و نازلي كانت حامل...
حاتم: عندي سؤال بس.
الكل: قول.
حاتم: ايه يا ليث احساسك بحياة او ايه هي حياة بالنسبة ليك؟
ليث: حياة بالنسبة ليا دواء الجروح و بالنسبة ليا هي علاج بتعالج كافة الجروح. حتى جروح القلب اللي مش بيبقي ليها علاج. حياة هي الانسانة الوحيدة هي اللي قدرت تفتح قلبي و تقعد فيه لا و كمان متبتة فيه مش عايزة تخرج زي الجبل ثابته، هي طبيبتي و كانت طبيبة قلبي.
حياة: لا احرجني. بحبك.
ليث: بعشقك...
الكل انبسط و قعد اتكلم و استمرت حياتهم و مكنتش بتخلوا من الهزار و الضحك و المشاكل و الحب و كل امور الحياة.
النهاية.
( طبعا الكل عارف ان وجود الاخت في حياة الآخرين مهم جدا و ان الاخت ممكن تتحمل علشان خاطر اخواتها و في من امثال حياة كتير بس واجب باقي اخواتها انهم يساعدوها و ميحاولوش يجوا عليها او يضغطوا عليها. و في بعض الاخوات اللي مش بيحسوا بحجم المسئولية اللي الاخت الكبيرة شايلاها الاخت الكبيرة تعتبر بمثابة الام ).
( مبدأيا مطلوب من كل ولي امر سواء اب او ام او اخت او اخ رقابة علي الاصغر، بمعني الوسائل الاجتماعية دي ليها ايجابيات و سلبيات. في بعض الناس بتستخدم الوسائل الاجتماعية بطريقة خطأ و بتسئ للوسائل دي مع انه فيها حاجات كتير حلوة بس مطلوب من كل اسرة ترشد ابنائها بالاستخدام الصحيح للوسائل دي. و مطلوب منهم الرقابة حتى لو من بعيد بس لضمان سلامة عيالهم. و مطلوب من كل اب و ام اختيار اصدقاء اصحابهم او مش بالمعني ده لا يقولوا ليهم اسس اختيار الصديق-لاختيار الصديق قواعد و اسس- مش اي حد يبقي اسمه صديقك في اصدقاء اسمهم اصدقاء السوء دول بقدر الامكان لازم نبعد عنهم لانهم بيودونا في سكة غلط خالص. زي نعمان فيه امثاله كتير و في من امثال صحابه كتير و اللي من امثال نعمان بيبقوا ضحية و للأسف ممكن يخسروا كتير و من اللي ممكن يخسروه حياتهم و النفس غالية جدا علي الانسان، مطلوب من كل ام و اب و اخ و اخت انهم يصاحبوا الاصغر منهم. لو الاب اعتبر ابنه صاحبه و سابله مساحة من حرية الكلام الطفل هيبقي مرتاح و لما يبقي فيه حاجة هيجي يحكيله. و الكلام مش بيقتصر علي الاب بس بل و علي الام و علي كل اخ و اخت كبار. لازم نحتوي الاصغر مننا علشان منجيش نندم فيما بعد ).
( بعض الاطفال بيبقوا ضحية لاسرتهم بمعني ادم و ادهم للاسف ولدوا بس محصلوش علي الحب المطلوب و الكافي بالنسبة ليهم و ده للأسف بيبقي غلط و نتيجة عدم توافر الحب بين الاب و الام. لازم الاب و الام يفكروا في مصلحة ابنائهم قبل اي حاجة. ميبقوش انانين و يفكروا في مصلحتهم الاول. لازم الابناء يتربوا في بيت ملئ بكل الحب و الاحترام و التقدير لان نفسيتهم الصحية مهمة جدا و لازم اولياء الامور يراعوا كدة ).
( في بعض البنات اللي في الجامعة بتحسب نفسها كبرت و خلاص ينفع تحب و تتحب خالص في بعض الشباب بيستغلوا انهم اغنياء و ممكن يكسروا قلب البنت من غير اي احساس بالضمير. لازم كل بنت تقفل علي قلبها لغاية ما يجي الشخص المناسب اللي يستحق حبك كبنت محترمة و راقية و عندها مشاعر، و الحب الاول للبنت بيبقي لوالدها دايما )...
( ساعات ربنا بيبعت لينا تعويضه علي هئية اشخاص و ساعات الشخص ده بيبقي رزق و الشخص ده بيقدر يداوي كل جروح قلبنا اللي محدش يعرف عنها حاجة و اللي مبيكنش حد حاسس بيها غير الشخص ذات نفسه. و مش كل شخص مغرور يبقي وحش ممكن لانه جه عليه وقت اتهان و اتعامل معاملة وحشة بس ده ممكن يكون السبب و التمس لاخيك سبعين عذرا، خليك واثق ان تعويض ربنا كبير ).
تمت