رواية طبيبة قلبي الجزء الأول للكاتبة سلسبيل كوبك الفصل التاسع عشر
ليث لسة هيتكلم بس قاطعه صريخ حياة...
حياة(بصريخ): لييييييييييث...
ليث(بقلق): حياة.
ليث و فهد جريوا علي الحمام و ليث فتح الباب بسرعة.
لقي حور واقفة في جمب بتعيط و حد بيحاول يخنق حياة و يكتم نفسها.
ليث(بعصبية): نزل ايدك عنها.
شخص(بخوف): هه ننز لل بب سس مم حد شش يأ ذيي ني(هنزل بس محدش يأذيني).
فهد: متقلقش محدش هيلمسك بس ابعد عنها...
حياة(بخنقة): م مم ش قق ااد ررة ات نن ف س(مش قادرة اتنفس).
الراجل ساب حياة. و حياة جريت علي ليث.
ليث: اهدي خلاص.
فهد(بعصبية): قدامي.
فهد مسك الراجل و خرج.
فهد: فردوس خليكي جايلك.
فهد: انت يا زفت خدوا ده.
حارس: حاضر يا بيه.
و بعدين ليث راح ناحية العربية و هو شايل حياة و ركبها في مكانها.
ادم: حصل ايه؟
حور ركبت جمب ادم و ادهم. فهد جاب فردوس و ركبها و بدأوا يمشوا.
صفاء: حصل ايه يا فهد؟
فهد: لما نروح علي الفندق و نفهم من حياة.
ليث: حصل ايه؟
حياة: معرفش. كنت في الحمام انا و حور و فجأة لقينا شخص دخل الحمام و قالنا عايز كل فلوسك و حاجتكوا و هددنا. و انا مكنتش عارفة اتصرف و بعدين صرخت و هو كان بيحاول يكتم نفسي بس.
ليث: طيب. المهم انكم كويسين.
و الكل بدأ يسوق و حياة نامت علي كتف ليث.
و بعد فترة وصلوا للفندق...
ليث: حياة حياة.
حياة(بنوم): ايه؟
ليث: قومي يلا وصلنا.
حياة: طيب.
و الكل نزل...
ادم: فين اوضتنا؟
فهد: اه يا ليث فين؟
ليث: طيب ماشي. خدوا.
ليث: كل واحدة في اوضة ادم و ادهم. و حور و نازلي. و محمد و فهد. و فردوس و تالا. و انا و حياة...
كاميليا: ازاي يعني؟
ليث(ببرود): انا و حياة نعتبر في شهر العسل.
ليث: يلا كله علي اوضته الشنط طلعت.
ليث: يلا يا حياة.
و كل واحد طلع علي اوضته.
عند صفاء.
صفاء: يا رب عديها علي خير. ان شاء الله.
عند نازلي.
نازلي: يلا يا حور غيري هدومك و نامي.
حور: طيب.
نازلي: تصبحي علي خير.
عند محمد و فهد...
فهد: اه هموت و انام.
محمد: و النبي ما تنام يا فهد.
فهد: اخرس يا رزل.
عند فردوس و تالا.
فردوس: يا رب احميني انا و كل اللي بحبهم يا رب.
تالا: اللهم امين.
عند ادم و ادهم.
ادم: عايز حاجة؟
ادهم: شكرا.
عند كاميليا.
كاميليا: و الله لاخليكي تتمني الموت يا حياة.
عند ليث و حياة.
حياة(بتعب): هموت و انام.
ليث: محسساني انك طول الطريق سايقة مثلا او عملتي حاجة.
حياة: شكرا.
حياة رمت نفسها علي السرير نامت علي بطنها و فاتحة رجليها و ايديها. كانت واخدة السرير كله.
ليث غير هدومه لبنطلون و تي شيرت بيتي.
ليث قرب من حياة و قلعها الكوتشي و عدل نومتها و نام جمبها.
عدي وقت و الكل نايم.
علي آخر النهار كدة.
حياة بدأت تفوق من نومها و قامت خدت دوش و خرجت...
حياة لبست شورت جينز و تي شيرت بحمالة باللون الرمادي و لبست كوتشي ابيض. و رفعت جزء من شعرها لفوق علي شكل كحكة صغيرة و سيبت الباقي. و حطت روچ هادئ. و خدت شنطة ضهر صغيرة باللون الاسود.
حياة خرجت لقت ليث لسة نايم. فنزلت و راحت ناحية البحر...
حياة(بصدمة): يا نهارك اسود يا ادم.
حياة جريت علي ادم و زقته بعيد عن البنت.
حياة: الله يخرب بيتك بتتحرش بالبنت قدام الكل كدة.
ادم: عندك حق الاوضة هتبقي احسن.
حياة: ادم انت سافل اوي علفكرة. انت ازاي بتعمل كدة انت لسة صغير.
ادم: عادي يعني ما ليث اتجوز و هو صغير.
حياة: يعني كان متجوز يعني عادي. لكن انت طفل لا يا ادم، حرام و عيب.
حياة: تعالي نقعد هناك بعيد عن الناس و نبقي قدام البحر...
ادم: طيب، تعالي.
ادم و حياة مشيوا و راحوا مكان بعيد نسبيا عن الناس و قعدوا.
حياة: نفسك تبقي ايه لما تكبر؟
ادم: مش لازم نتكلم عن اهدافنا و احلامنا.
حياة: امممم شكلك نفسك تبقي حاجة بس متردد.
حياة: عموما يا سيدي يا رب تبقي اللي بتتمناه.
في اوضة فهد و محمد.
محمد: انت يا زفت قوم مش هنقضيها نوم احنا.
محمد: فهد.
محمد(بصوت عالي): فهد...
فهد(بخضة): في ايه حصل ايه؟
محمد: قوم مش هنقضيها نوم.
فهد: تصدق انك عيل زبالة و حيوان.
محمد: متشكر قوم يلا.
فهد: طيب طيب.
فهد قام خد دوش و لبس هدومه. و الاتنين نزلوا.
محمد: شكل مفيش حد صحي لسة.
فهد: شوفت انت اللي غريب.
فردوس: احم احم.
محمد: شوفت اهو العسل اهو.
فردوس: شكرا. بس يعتبر الكل صحي. انا نزلت و هما هينزلوا ورايا...
فهد: طيب.
فهد: تعالوا نقعد هنا.
محمد: يلا. و لما الكل يصحي نروح نتغدي.
فهد: طيب يا مفجوع.
و بعد فترة الكل نزل.
صفاء: البحر حلو اوي.
تالا: عندك حق يا ماما.
محمد(بتريقة): عندك حق يا ماما.
تالا: امشي ياض من هنا. عيل رخم.
نازلي: هي حياة منزلتش؟
نعمان: جنابك شايفة ايه. لا لا تصدقي اهي.
نازلي(بغباء): فين؟
نعمان: علي حجري.
نازلي: يا ارخم خلق الله...
فردوس: بطلوا شوية انتوا علطول كدة.
نعمان: هو احنا مش هننزل البحر.
صفاء: لا لا الجو بدأ يليل. بكرة الصبح ننزل و ابقوا انزلوا براحتكوا.
نعمان(بضحك): لا دي هوايتي انا و حياة. احنا الاتنين بنستني الكل يقوم و ننزل البحر...
تالا: ليث مش هيسمح بكدة.
ادم: الحقي اهم نزلوا.
حياة: طيب يلا نروح ليهم.
نازلي: اهي حياة. اومال فين ليث؟
حياة: لا ده نايم اصله تعبان من السواقة. و انا نزلت و لقيت ادم فقعدنا نتكلم...
صفاء: اه. طب ايه انا جوعت.
حياة: طب استنوا ربع ساعة كدة ممكن ليث ينزل يأكل معانا.
تالا: ماشي يا ام قلب رهيف.
حياة: اخرسي يا بت...
فوق عند ليث.
ليث كان لسة بيفوق و قام قعد علي السرير ملقاش حياة افتكرها في الحمام...
ليث قام فتح الباب.
ليث(ببرود): خير؟
كاميليا: ايه يا حبيبي موحشتكش.
ليث(ببرود): لا. و اعتقد اني قولتلك اني يعتبر اني في شهر العسل مع حياة، فمتزعجناش احنا لسة عرسان جداد.
ليث: اما انتي بقيتي قديمة خلاص...
كاميليا: ماشي يا ليث، هي اللي هتندم.
كاميليا كانت هتمشي بس ليث مسكها من شعرها.
ليث(بحدة): قسما بربي لو لمستي شعرة واحدة من حياة لاكون مموتك علي ايدي يا كاميليا.
ليث(بحدة): فاهمة؟
كاميليا(بدموع و وجع): فف ااه مم ة(فاهمة).
ليث زق كاميليا و قفل الباب في وشها.
ليث راح للحمام خبط عليه مسمعش صوت فتح الباب ملقاش حد.
-ليث مسك تليفونه و لسة هيتصل بيها. بس لقي ماسدچات من حياة كتير.
حياة: انا نزلت و لقيتك نايم و تعبان مرضتش اصحيك، لما تصحي ابقي انزل...
حياة: انجز يا ابني اصحي. ايه ده انت لو طفل مش هتنام كدة.
حياة: اوف يا زفت انت لسة مصحتش حرام عليك. انا جعانة...
حياة: طب انت صاحي و مش عايز تنزل طب.
حياة: حد قالك قبل كدة انك مفسد للمتعة و الاستمتاع.
حياة: ليث يلا بقي اصحي مش قادرة اطلعلك الله.
حياة: يا ابني الكل هنا و هيموت من الجوع. خلي عندك شوية دم و انزل.
حياة: انا قولتلهم يستنوا ربع ساعة لو منزلتش هنروح نأكل. انت حر.
-ليث ابتسم و بعدين راح خد دوش سريع و خرج.
ليث لبس شورت لغاية الركبة باللون الاسود و تي شيرت باللون الابيض و كوتشي باللون الابيض و حط البرفيوم بتاعه.
ليث خد موبايله و فلوسه و حاجته و نزل لتحت.
ليث: ادهم.
ادهم: ايه؟
ليث: قاعد لوحدك هنا ليه؟
ادهم: هكذا.
ليث: طب تعالي معايا نروح للكل.
ادهم(باستغراب): انا و انت؟!
ليث: يلا يا ادهم.
ليث و ادهم راحوا للبحر و قعدوا يدوروا بعنيهم علي العائلة.
ادهم: اهي حياة.
ليث: اه و الكل قاعد اهو. يلا بينا.
ليث و ادهم قربوا منهم.
حياة: حقيقي يا طنط ابنك رقم واحد في افساد المتعة بس.
فهد: قصدك هو اللي بيخلينا نفرح و ننبسط.
حياة: لا طبعا يعني كلنا متجمعين و بعت ليه كذا ماسدچ طب يرد طب. مش معقولة رجل الاعمال الكبير يعني ينام الوقت ده كله...
و بعدين حياة لقت حد بيحط ايده علي كتفها.
حياة(بتوتر): هو انت؟ ازيك عامل ايه؟
ليث(برفعة حاجب): و الله؟ ما كنت من شوية مفسد للمتعة.
حياة: قلبك كبير يا معلم...
ليث: طب يلا نأكل.
حياة: طب اومال كاميليا فين؟
ليث: ملكيش دعوة تعالي معايا يلا.
ليث حاوط حياة من خصرها و مشيوا.
تالا(بهمس): شايفين اللي انا شيفاه.
محمد(بهمس): انا مش مصدق اللي انا شايفه.
فهد: اخرسوا حبة عادي اتنين متجوزين. عقبالنا كلنا.
صفاء: اه و الله يا حبيبي عقبالك يا رب.
تالا(بضحك): سابت كلنا و مسكت فيك.
فهد: طيب طيب.
و ليث اختار ترابيزة كبيرة للكل. و الكل قعد.
ليث: حد عايز يأكل اكلة معينة؟
محمد: سيبنا نشوف مكتوب ايه.
ليث بصله بحدة.
محمد: احم او انت اختارلنا عادي يعني.
الكل ضحك علي محمد اوي.
محمد: يا جذم.
حياة: خلاص نشوف في ايه في الmenu.
ليث: طيب.
و الكل بدأ يشوف هيأكل ايه، و ليث مركز مع حياة.
حياة: بصي دي يا طنط ايه رأيك نطلب منها.
صفاء: ايوه الوجبة دي حلوة...
حياة: بص كدة يا ليث...
ليث: ايه؟ وريني.
ليث: تمام يعني انتي و امي عايزين من ده؟
حياة: ايوه.
نازلي: اختارتي ايه يا حياة؟
حياة: ده.
نازلي: اه و انا يا ليث بعد اذنك.
ادهم: و انا.
ادم: نجرب مفيش مانع.
فردوس: و انا زيك يا حياة.
حياة: طب و حو، ملحقتش تكمل الكلمة...
حياة(بصدمة): حور فين؟
نازلي(بخوف): كانت معايا و صحيتها و سبتها و نزلت.
حياة: انتي مجنونة.
ليث: هششش اهدي، فوق معاها واحدة قاعدة معاها.
ليث: حور نايمة.
حياة(بدموع): الحمد لله.
نازلي: خلاص يا ام قلب رهيف.
حياة: اخرسي يا بت و الله لو كان حصلها حاجة كنت نفختك...
نعمان: حياة الام.
حياة: ظريف.
نعمان(بغمزة): اومال مين اللي؟
حياة(بابتسامة): انا.
ليث(بعدم فهم): يعني ايه؟
حياة: لا لا متأخدش في بالك.
الكل ضحك علي حياة.
حباة: بطلوا.
ليث: نعمان تقصد ايه؟
نعمان: انا و حياة متعودين ننزل البحر بليل.
ليث: علي جثتي الكلام ده يحصل...
حياة: اه طبعا طبعا.
ليث طلب الاكل و الكل بدأ يأكل و يتكلموا مع بعض.
صفاء: الاكل حلو اوي.
فردوس(بضحك): طبعا مش حياة هي اللي قالت عليه...
حياة: قصدك ايه يا ست فردوس؟
فردوس: انا لا طبعا مش قصدي حاجة...
ليث: طيب يلا علي الاوض.
حياة: ايه؟ لا يا ليث حرام سيبنا شوية.
ليث(بحدة): قولت كلمة.
الكل قام و بدأ يطلع علي اوضته. و حياة قاعدة حاطة ساندة دقنها علي ايديها و باصة ل ليث.
ليث: ايه؟
حياة: بليز خلينا نتمشي شوية. مش عايزة اطلع للاوضة بليز.
ليث: لا.
حياة(بلطف): بليز.
ليث: لا.
حياة: علشان خاطري بليز.
ليث: حياة قولتلك لا يلا علي فوق.
حياة: اوف عيل رزل و رخم.
حياة قامت و خدت شنطتها و مشيت و هي بتدبدب في الارض. و بتتكلم كلام مش مفهوم.
ليث كان ماشي وراها و بيحاول يكتم ضحكه...
حياة(بغيظ): بتضحك عليا الله يسامحك.
ليث: اعمل ايه انتي اللي بتعملي تصرفات مضحكة.
حياة: طيب يعني لما نروح الاوضة هنعمل ايه. هيفضل وشنا في وش بعض و خلاص.
ليث(بخبث): لا ممكن نعمل حاجات كتير يا روحي.
حياة: يا سافل يا حقير يا قليل الادب. و الله ما ادخل معاك الاوضة ابدا.
ليث: حياة وصلنا بلاش لعب عيال.
حياة: لا مش هدخل الاوضة. انت شخص منحرف و سافل و قليل الادب.
-ليث فتح الباب و شال حياة و هي قاعدة عمالة تضربه بأيديها. و ليث دخل و قفل الباب برجله و رمي حياة علي السرير...
حياة: يا رزل.
ليث: كلمة كمان و هعمل اللي قولتلك عليه.
حياة قعدت و ربعت رجليها و ايديها و سكتت...
ليث: قومي غيري هدومك، بليل انا و انتي هنخرج.
حياة(بفرحة): بجد؟! طب ما احنا بليل.
ليث: عارف هتلبسي و انا هلبس. و هننزل.
حياة(بفرحة): شكرا شكرا.
حياة نطت علي ليث و حضنته و باسته علي خده.
حياة(بفرحة): شكرا ليك.
حياة كانت هتبعد عن ليث. بس لقت ليث بيشدها لحضنه و بيدفن رأسه في رقبتها...
ليث: شكرا ليكي انتي...
حياة: ليه؟
ليث: هتعرفي في الوقت المناسب يا حياة. يلا البسي.
حياة: طيب حاضر.
عند فهد و محمد...
محمد: مالك سرحان في ايه؟
فهد: مش عارف حاسس بحاجة غريبة ناحية فردوس.
محمد: حب.
فهد: مش عارف احدده. حواليها حالة غموض عايز اعرف اللغز. و برضو ساعات كتير بحسها انها ملاك و اني عايز اتجوزها حالا و فورا.
محمد: حالتك صعبة يا ابني صعبت عليا.
فهد: هو انا بقولك كدة علشان تقولي حالتك صعبة.
محمد: خلاص اطلب ايديها من حياة...
فهد: ما هو برضو اخوك مش مضمون.
محمد: ايه دخل ليث؟
فهد: ليث منعرفش بيحب حياة و لا هيطلقها و لا هيعمل ايه. بس انا شايف انه بيعشقها مش بيحبها بس بس برضو مش مضمون اخوك...
محمد: انت مش بتقول ضربك و قالك الكلام اللي انت قولته ليا.
فهد: اه. و عيونه كانت صادقة بس هو مش عايز يعترف لنفسه. او خايف يقولها مش عارف بقي.
محمد: خير خير.
عند تالا و فردوس.
تالا: اما كان حتة يوم حلو اوي. اول مرة ليث يبقي مشغول معانا كدة.
تالا: علطول كان لازم يكون لابس بدلته و يقعد علي اللاب بتاعه، بس المرة دي اتغير.
فردوس: ربنا يخليه ليكوا.
تالا: حياة انا بحبها اوي اوي.
فردوس: و هي بتحبكوا و الله.
تالا: انتوا عائلة قمر كلكوا، و نازلي و انتي و حور و نعمان.
فردوس: شكرا يا روحي. انتوا احلي.
عند ادم و ادهم.
ادهم: لاحظت تغيره.
ادم: هيفضل زي ما هو ميغركش النهار بس.
ادهم: لا يا ادم شايفه اتغير و لو حتى واحد في المية.
ادم: براحتك.
ادهم: بس كاميليا تستاهل.
ادم: هي اللي مهزأة.
ادهم: بس برضو حياة تستاهل.
ادم: عايز توصل لايه؟
ادهم: كنت تتمني حياة تبقي امك صح.
ادهم: متنكرش احنا اخوات يا ادم و تؤام اكيد نعرف بعض.
ادم: ايوه كنت اتمني هي بس القدر خلي كاميليا مامتنا خلاص يا ادهم ارتحت.
ادهم: طب ايه رأيك نقرب حياة من ليث...
ادم: ازاي؟
ادهم: ليث بدأ يتغير من ساعة وجود حياة و كمان سمعت فهد و هو بيقول ل محمد ان ليث ضربه علشان قال انه كان عايز حياة و يتجوزها.
ادم: قصدك ان ليث حاسس بحاجة ناحية حياة.
ادهم: ايوه. و انا شايف ان الكل عايز كدة و بالذات تيتة صفاء و تالا و محمد و فهد.
ادم: يعني عايزنا نقربهم من بعض.
ادهم: ايوه.
ادم: ازاي بقي؟
ادهم: ايه رأيك نجمع الكل ما عدا ليث و حياة و كاميليا. و نتفق علي خطة.
ادم: اشطا يا معلم.
ادهم: يلا ننام بقي.
ادم: تمام.
عند ليث و حياة.
حياة(بابتسامة): انا جاهزة...
ليث(لنفسه): يا ربي علي اللي انا فيه...
ليث(ببرود): غيري الفستان و الا مش هتنزلي...
حياة: يا ابني ما هو محترم و طويل اهو...
ليث: و بالنسبة لضهرك اللي باين؟
حياة: دي فتحة صغيرة.
ليث: مفيش خروج يا حياة. و انا اسااسا مش قادر انزل يلا تصبحي علي خير.
ليث لسة هيروح ناحية السرير و هينام.
حياة: خلاص خلاص اصبر. هغيره.
ليث: قدامك 10 دقايق بالظبط.
حياة(بملل): ياااه و جاي علي نفسك كدة ليه.
حياة سابته و راحت اختارت فستان تاني و بدأت تلبسه.
حياة لبست فستان لغاية الركبة باللون البنفسجي و فيه حزام باللون الفضي في النص و بحمالة عريضة مايلة علي الكتف. و لبست صندل باللون الفضي و رفعت شعرها لفوق و نزلت كام خصلة و اختارت شنطة باللون الفضي.
حياة خرجت ل ليث و لقته مشغول في تليفونه.
حياة: ليث.
ليث: غيرتيه؟
حياة: شايف ايه؟
ليث: طيب مش بطال يلا.
حياة: انت اساسا مفيش اي حاجة بتعجبك شخص رزل...
ليث: بتقولي حاجة؟
حياة: مبقولش.
ليث: طيب.
حياة و ليث مشيوا و نزلوا من الفندق. و حياة لقت عربية مستنياهم.
ليث: اركبي.
حياة: ليث بيه بنفسه بيفتحلي الباب.
ليث: بطلي كلام كتير.
حياة: الحلو مش بيكمل.
حياة ركبت و ليث لف و ركب و بدأ يسوق.
حياة: اوووه ليث بيه مش معاه حراسة و هو اللي بيسوق.
ليث: يا بت انتي قاصدة تضايقيني و خلاص...
حياة: سوري.
ليث: طيب.
و بعد فترة حياة لقت ليث واقف قدام ملهي ليلي.
حياة(بصدمة): جايبنا كباريه؟
ليث(بسخرية): كباريه! ليه متجوزة سوسن؟
ليث: ده بار او ديسكو.
حياة: لا تصدق صدمتني كنت فاكراه جامع.
ليث: شكلك اول مرة تيجي هنا صح؟
حياة: بص هو هنا شرب و رقص بس صح؟
ليث: اه. مش اللي جه في بالك يا ام تفكير منحرف.
حياة(بصدمة): انا تفكيري منحرف ده انت.
ليث: طب يلا.
ليث و حياة نزلوا و دخلوا البار.
ليث: تعالي هنا.
ليث و حياة اختاروا ترابيزة و قعدوا عليها.
ليث: مبسوطة؟
حياة: ايوه. ايه رأيك نرقص؟
ليث: بتعرفي؟
حياة: حبيبي انا في اي حاجة دايسة. يلا.
ليث و حياة قاموا و وقفوا جمب الكل.
-ليث قرب حياة منه اوي و حياة حاوطته بايديها و وشهم قريب جدا من بعض. و بدأ يرقصوا.
ليث: مالك؟
حياة: مفيش.
ليث: و لمعة الدموع اللي في عينك دي من ايه؟
حياة دفنت رأسها في رقبة ليث و حاولت تمنع دموعها.
حياة(بدموع): افتكرت حاجة مكنتش عايزة افتكرها.
ليث: هشششش طول ما انا معاكي اياكي تزعلي فاهمة.
حياة(بدموع): ما انت هطلقني زي اللي قبلي.
ليث: لسة بدري يا حياة، متسبقيش الاحداث استمتعي باللحظة.
حياة و ليث بدأوا يرقصوا و نسيوا كل حاجة حواليهم. و في تواصل بصري بينهم...
و بعد فترة كبيرة.
حياة: ايه ده دي الاغنية اتغيرت ده احنا نسينا نفسنا.
ليث: اه.
و اول لما وقفوا رقص. لقوا الكل بيصقف ليهم.
حياة بصت ل ليث و اتحرجت و انبسطت.
بنت: ده انتوا قعدتوا ساعة ترقصوا.
ليث(لنفسه): ايه الورطة دي؟
حياة(باحراج): احم هتلاقينا بس.
بنت: واضح واضح.
ليث: بتعرفي تجري؟
حياة: اه. بس ليه؟
ليث مسك ايد حياة و راح علي الترابيزة مسك شنطتها و طلعوا جري جريوا مسافة كبيرة.
حياة(و هي بتأخد نفسها): حرام عليك حصل ايه؟
ليث: لو كنا فضلنا مكنوش هيسكتوا و كان ممكن يكتبوا في الاخبار عني. و انا مبحبش كدة.
حياة: طيب.
ليث: يلا نروح.
حياة: طب ما تيجي نتمشي علي البحر شوية.
ليث: طيب. اركبي العربية.
و ركبوا العربية و بعد فترة وصلوا للفندق. ليث ركن العربية و نزل مسك ايد حياة و راحوا ناحية البحر بدأوا يتمشوا.
ليث: كلميني عن عائلتك.
حياة: عائلة بسيطة كنا عايشين بسعادة و في الاخر والدي و والدتي توفوا و انا اللي شلت مسئولية البيت...
ليث: والدك توفي امتي؟
حياة: من سنة و نص.
حياة: عايزة اقعد شوية لوحدي. عن اذنك.
حياة سابت ليث و مدت مشيت قدامه و بدأت تعيط. ليث قرب منها و حضنها.
حياة(بعياط): في اليوم ده حضنت اخواتي كلهم. لكن ملقتش حد يحضني.
حياة(بعياط): في اليوم ده حسيت ان ضهري اتكسر.
حياة(بعياط): الكل بصلي بشفقة لكن محدش اتجرأ و يجي يحسسني بشوية حنان او دفئ.
حياة(بعياط): معرفتش اجيب حقهم لغاية دلوقتي.
ليث(بعدم فهم): حقهم ازاي يعني؟
حياة(بعياط): اتقتلوا قدام عيني. كانت النار بتحرق جثتهم و انا و اخواتي متكتفين مش عارفين نعمل حاجة.
ليث(بصدمة): هما ماتوا بفعل فاعل؟!
حياة(بعياط و وجع): عمي قتلهم يا ليث.
حياة(بعياط و وجع): ضحكوا علينا كلنا و قتلوا بابا و ماما قدام عيني. و خلوني امضي علي تنازل بكل املاكنا.
ليث(بصدمة): لحظة لحظة انا مش فاهم حاجة.
حياة(بعياط): هحكيلك...