رواية طبيبة قلبي الجزء الأول للكاتبة سلسبيل كوبك الفصل الأول
في الصباح الباكر.
في قصر ليث بيه، في الجنينة.
تالا(بمرح): ماما يا ماما يا حتة سكرة.
صفاء: عايزة ايه يا تالا؟
تالا: ايتا قفشتيني يا صفصف.
صفاء: يا بت ما تلمي نفسك شوية و لا عايزاني اقول ل ليث.
تالا(بشئ من الخوف): لا يا ستي و علي ايه؟
صفاء: ايوه كدة اتعدلي. عايزة ايه؟
تالا: فلوس.
صفاء: هو مش اخوكي لسة موديكي مصروفك.
تالا: يا صفصف ما هو بيديني بالاسبوع ليه مودنيش في الشهر و بدل ما كل اسبوع عشر الآف جنيه يديني في الشهر خمسين الف اينعم مش هيكفوا بس مش مشكلة هتنازل.
صفاء: تعرفي يا تالا انا دقيقة كمان و هنزل عليكي بالشبشب. في ناس غيرك بتأخد العشر الآف اللي مش عاجبينك في كذا شهر متتبتريش يا اختي.
تالا: انا مالي بغيري، اخويا الحمد لله بيشتغل و اسمه مسمع في كل العالم و معاه فلوس كتير و مكون ثروة كبيرة فيها ايه بقي لما يديني في الشهر خمسين الف ده بدل ما يوديني مية الف جنيه.
صفاء(بعصبية): بطلي بقي افتراء يا شيخة شوية.
فهد(بحدة): مضايقة مامتك ليه يا تالا؟
تالا: يا ربي هو انا هلاقيها منك و لا من ليث ايه ده.
فهد: احمدي ربك انك بتعرفي تأخدي و تدي معايا...
تالا: انا قايمة رايحة النادي، ايه ده؟
فهد: طبعا ما الهانم خلصت كلية ماشي يا اختي. روحي بحراسة.
تالا: طيب يا فهد بيه حاجة تاني يا فهد بيه تؤمر بحاجة تاني يا فهد بيه.
فهد: غوري يا بت من قدامي.
تالا: طيب.
تالا سابتهم و مشيت طلعت علي اوضتها.
صفاء: اخبارك يا حبيبي؟
فهد: بخير الحمد لله.
صفاء: مش ناوي تتجوز يا فهد؟
فهد(لنفسه): موال كل يوم.
فهد: قريب ان شاء الله ان شاء الله. عن اذنك.
صفاء: رايح فين؟
فهد: ابنك الباشا بيؤمر و احنا علينا ننفذ.
صفاء: معلش يا ابني ده اخوك برضو.
فهد: انا ذنبي ايه انه تربيته؟
صفاء: فهد عيب ده برضو مهما كان والدك.
فهد: انا ماشي عن اذنك يا صفصف.
صفاء: ماشي...
فهد خرج و ركب عربيته و مشي...
محمد: ست الكل.
صفاء: هو يوم باين من اوله. اتفضل عايز ايه؟
محمد(بخفوت): هو ليث لسة مخرجش؟
صفاء: اه لسة مخرجش.
محمد: طبعا ما هو عريس. حقه.
ليث(ببرود): بتقول حاجة يا محمد؟
محمد(بخضة): اعوذ بالله من الشيطان الرجيم...
محمد بيبص يمين و شمال و هو عايز يهرب.
ليث(ببرود): خير؟ مالك؟
محمد(بارتباك): لا مفيش انا ورايا شغل.
محمد(بارتباك): شغل ايه ورايا جامعة ايوه جامعة. صح و لا ايه؟
صفاء(و هي بتكتم ضحكها): طب اطلع البس يلا.
محمد: صح عندك حق. عن اذنكوا.
-و بعدين محمد لسة هيطلع لقي واحدة ست نازلة و ماسكة شنطة هدومها...
محمد: حد قالك اترمي في سكته يا قطة؟
ليث(ببرود): محمد اطلع علي اوضتك.
محمد: حاضر.
صفاء: بسنت.
ليث(بلامبالاة): فلوسك هتوصلك علي بيتك.
البنت سابتهم و مشيت.
صفاء(بعتاب): حرام عليك يا ليث هو انت كل يوم هتتجوز و تطلق ده انت مش بتعدي يوم واحد علي جوازكوا.
ليث(ببرود): مش احسن ما المسهم من غير جواز. و انتي عارفة البنات تتمني مني ساعة...
صفاء: براحتك يا ليث، بس اهدي شوية يا ابني.
ليث: تمام، بتأخدي الدواء بتاعك؟
صفاء: اه يا حبيبي.
ليث(ببرود): متحاوليش تكدبي، المرة الجاية تصرفي مش هيبقي كدة. حذرتك.
ليث سابها و راح علي القصر و طلع علي الطابق الخاص بيه...
صفاء(و هي بتأخد نفسها): الحمد لله، ايه الرعب ده؟
فريد(بمرح): ايه يا مزة؟
صفاء: انتوا ناوين تجيبوا ليا سكتة قلبية و لا ايه؟
فريد: ليه بس مالك؟
صفاء: يعني الاول تالا و بعدين فهد و بعدين محمد و بعدين ليث و انت دلوقتي.
فريد(بمرح): سلامتك من السكتة يا ابلتي.
صفاء: و الله مش عارفة بوجودك كان مين هيهون عليا...
فريد: انا مين هيهون عليا من ابنك اللي ما يتسمي ليث ده؟
صفاء: معلش يا حبيبي ده يعتبر اخوك.
فريد: ما هو علشان اخويا انا معاه لغاية دلوقتي.
فريد: يلا كل واحد بيأخد علي قد نيته. هو فوق؟
صفاء: اه يا حبيبي اطلعله.
فريد: عن اذنك يا صفصف.
فريد ساب صفاء و دخل القصر...
محمد(بابتسامة): ايه ده اخيرا شوفتك.
فريد(بابتسامة): ازيك يا محمد.
محمد: انا الحمدلله كويس. انت ايه الاخبار؟
فريد: حد يبقي مع اخوك و يبقي كويس بذمتك.
محمد: الصراحة عندك حق.
تالا: هروح اقوله.
محمد: يا شيخة اتلهي انتي بتعرفي تقوليله صباح الخير الاول.
تالا: ظريف. يلا بااااي.
فريد: ثانية هقول للحراسة يستعدوا.
تالا: تمام.
فريد طلع تليفونه و اتصل بكبير الحراس...
الخط اتفتح.
فريد: جهز العربية و الحراسة الهانم الصغيرة خارجة.
كبير الحراس: تمام يا فريد بيه.
فريد: اتفضلي كل حاجة جاهزة.
تالا: شكرا يا فريد. باي محمد باي فريد.
تالا نزلت من القصر و ركبت العربية و راحت للنادي.
محمد: يلا اشوفك بليل.
فريد: تمام.
فريد كان هيمشي بس رجع تاني...
فريد: اه. خف شوية ها خف اخوك لو عرف هيفصلك من الجامعة.
محمد(بخوف و توتر): الله يطمنك.
فريد: يعني مش تهرب من كل المحاضرات احضر واحدة اتنين و الباقي صيع براحتك.
محمد: طيب. يلا باي.
فريد: باي.
محمد خرج من القصر و ركب عربيته و راح للجامعة.
-فريد طلع الطابق التالت من القصر و بدأ يمشي في الممر الطويل اللي قدامه...
فريد خبط الباب.
ليث: ادخل...
فريد: جاهز لاجتماع النهاردة؟
ليث: من امتي و انا مش جاهز؟
فريد: خلاص يا عم الواثق...
ليث: جهزت البنود؟
فريد: من امتي و انا مش جاهز؟
ليث قرب منه بخطوات واثقة و بطئية و فريد بيرجع لورا.
فريد: اهدي يا عم ليث.
ليث: تعرف اني بكره حد يقلدني يا فريد.
فريد: آسف يا عم آسف.
فريد(لنفسهه): ينعل ابو غرورك و ثقتك اللي بتهز اي حد دي...
ليث: اعتذارك شبه مقبول. ورايا.
ليث كان لابس بدلة باللون الكحلي الغامق و جذمة باللون الجملي ماركة و لبس ساعته الجلد الماركة. و حط البرفيوم بتاعه.
-ليث خرج من اوضته بخطوات واثقة و مشي و فريد ماشي وراه. ليث نزل للجنينة.
صفاء: خارج يا حبيبي؟
ليث: اه. يلا يا فريد.
ليث: و اه قولي لابنك يحضر محاضراته بدل ما يبقي رفض رسمي.
فريد و صفاء بصوا لبعض بصدمة. ليث سابهم و مشي.
صفاء: عرف منين ده؟
فريد: و حياتك معرفش، انا ماشي يلا.
ليث ركب عربيته و جه فريد قعد جمبه في الكرسي اللي ورا.
فريد: اطلع يا ابني علي الشركة.
السواق: تمام يا فندم.
-و اتحركت عربتين حراسة و بعدها عربية ليث و وراهم عربيتن حراسة تاني.
-في مكان تاني.
في عمارة في الدور الثالث...
في شقة باين عليها الحالة المادية المتوسطة.
حور(بصريخ و ضحك): حياة الحقيني.
حور جريت علي اوضة من الاوض و فتحتها و نطت جمب اللي نايمة علي السرير...
حياة(بفزع): في ايه الله يخرب بيتك.
حور(بضحك): نازلي بتجري ورايا.
نازلي(بعصبية): انتي يا بت يا حرامية تعالي هنا.
حور(بشئ من الحدة): نازلي عيب لفظ زي ده.
نازلي(بعصبية): خدت مني ال20 جنيه اللي معايا.
حياة: الكلام ده صح يا حور؟
حور هزت رأسها بمعني لا.
نازلي(بعصبية): يا كدابة.
حياة: خلاص يا نازلي. هوديكي فلوسك روحي بس البسي هدومك...
نازلي: وعد.
حياة: من امتي بخليكي تنزلي من غير فلوس؟
نازلي: طيب.
نازلي سابتهم و خرجت، حياة بصت لحور بتعمق.
حور: اسفة يا حياة.
حياة: تعرفي ان اللي انتي عملتيه غلط صح؟
حور: صح.
حياة: لما تكوني عايزة فلوس تعالي لعندي.
حور: حاضر.
حياة: شطورة. هاتي الفلوس بقي.
حور: اتفضلي.
حياة: طب يلا قومي سيبيني البس.
حور: حاضر.
حياة: نعمان و فردوس صحيوا؟
حور: فردوس صاحية و قاعدة في البلكونة نعمان نايم.
حياة: يا نهار اسود ده عليه امتحان في الدرس. روحي صحيه بسرعة.
حور: حاضر.
حور طلعت جري من اوضة حياة و راحت لاوضة نعمان.
حور: نعمان يا زفت.
نعمان(بنوم): عايزة ايه يا رخمة؟
حور: حياة بتقولك قوم عليك امتحان.
نعمان: قوليلها اتلغي الدرس. امشي بقي و خدي الباب في ايدك.
حور: طيب براحتك...
-حياة خرجت من اوضتها و راحت الحمام غسلت وشها و رجعت اوضتها تاني بدأت تطلع هدومها.
حياة طلعت بنطلون جينز كحلي و تي شيرت ب ¾ كم باللون الكحلي في جملي و لبست كوتشي ابيض و لمت شعرها علي شكل كحكة عالية و نزلت كام خصلة بس. و اختارت شنطة ضهر جملي و خدت البالطو الابيض.
حياة خرجت حطت شنطتها و البالطو علي الكنبة اللي في الصالة الصغيرة.
حياة: فردوس يا قمر انتي.
فرودس(بابتسامة بسيطة): صباح الخير.
حياة: صباح النور. عاملة ايه؟
فردوس: عايشة.
حياة قربت منها و حضنتها و هي قاعدة علي الكرسي.
حياة: يا حبيبتي قدر الله و ما شاء فعل، لازم نصبر و ربنا هيعوضنا بكل حاجة سئية في حياتنا.
حور: حياة نعمان مش عايز يصحي و بيقول الدرس اتلغي.
حياة(بنفاذ صبر): الفاشل الضايع.
حياة: جايالك يا فردوس. حور روحي شوفي الزفتة نازلي خلصت الفطار و لا لا، بيت مجانين.
حور: حاضر.
حور راحت للمطبخ. و حياة راحت لاوضة اخوها خبطت و دخلت.
حياة: نعمان. نعمان انت يا زفت.
حياة(بعصبية): نعمان.
نعمان(بخضة): ايه يا حياة؟
حياة: يا حرام كنت نايم و انا صحيتك.
نعمان: خير في ايه؟
حياة: فاضل علي الامتحان ساعة. قدامك نص ساعة تلبس و تفطر و قدامك ربع ساعة تروح فيها الدرس و تكون هناك قبل الامتحان بربع ساعة و الا شوف مين هيوديك فلوس. و ترجع البيت علطول متسبش اختك فردوس فاهم؟
نعمان: ايه العيشة دي؟ فين ايا.
حياة(قطعت كلامه): احمد ربك احمد ربك يا نعمان. يلا قوم.
حياة سابته و خرجت بعصبية بس لقته بيحضنها بسرعة.
نعمان: اسف اسف يا حياة. متزعليش مني.
حياة(بحنية): انا بس عايزاك تقدر اننا احسن من غيرنا بكتير يا نعمان. و لازم تشتغل علشان تحقق احلامك، و انا علي قد ما بقدر مبخليش اي حد محتاج حاجة...
نعمان: طول عمرك كدة، حاضر هذاكر و هطلع الاول كمان.
حياة: طيب يا حبيبي يلا روح البس.
حور: حياة حياة.
حياة: عيوني.
حور: عايزة حضن زي نعمان...
حياة(بضحك): يا غيورة انتي.
حياة(و هي بتشيل حور): ادي حضن زي نعمان.
حور: انتي احلي اخت...
نازلي: يا بشاوات ياللي في البيت الاكل جهز، ما اصل انا الخدامة اللي بتعمل الاكل.
حياة: علي كدة بقي انا خدامة، طب ما انا اللي بجيب الفلوس اللي بنأكل منها.
نازلي: يا ستي بهزر متزعليش...
حياة: طيب. يلا يا فردوس يلا يا نعمان يلا يا حور.
و الكل جه و بدأ يأكل.
فتون(يصوت عالي): انتي يا ست ياللي في البيت.
نعمان: اهي اللي فضحاكي في كل حتة تحت اهي.
حياة: طيب الحمد لله. كملوا اكل انتوا.
حياة طلعت البلكونة.
حياة: حاضر يا صاحبة الست.
فتون: كبدي.
حياة(بضحك): كليتي.
فتون: مستنياكي يلا.
حياة: حاضر.
حياة مسكت البالطو و الشنطة بتاعتها.
حياة: خدي يا نازلي خمسين جنيه مش عشرين.
حياة: خد يا نعمان فلوس الدرس و لو جعت في الطريق اشتري حاجة.
نعمان: تسلمي يا احلي اخت.
حياة: فردوس فلوس البيت في مكانها لو عوزتي تجيبي اي حاجة للبيت اتصرفي.
فرودس: تمام.
حياة: خدي يا قردة يلا كلها يومين و تخشي المدرسة.
حور: و ابقي دكتورة زيك.
حياة: اه يا روحي. ان شاء الله.
حياة: لو حصلت حاجة كلموني. باي.
حياة لبست شنطتها و نزلت علي السلم لقت فتون تحت مستنياها...
فتون: هقعد استني جنابك ساعتين.
حياة: هو لو مكنتش انا اللي هدفع كنتي هتستني.
فتون: اموت فيكي و انتي حفظاني.
حياة: طيب يا اختي قدامي نلحق الميكروباص.
حياة و فتون ركبوا الميكروباص اللي كان مليان ناس. و مش عارفين يقعدوا و لا يقفوا...
حياة: لو سمحت ابعد شوية.
شخص: ها؟
حياة: ابعد شوية مينفعش حضرتك تلزق فيا كدة ايه اعمي مش بتشوف.
شخص: هو انا جيت جمبك يا مرة(إمراة)انتي.
حياة: هو انا قولت حاجة، بقولك ابعد شوية حضرتك لازق فيا اوي.
فتون: ما خلاص يا عم ابعد ايه معندكش اخوات بنات.
شخص: علي اساس هي الاميرة.
حياة: اوف، لو سمحت وقف الميكروباص وقف.
-بعد شوية الميكروباص وقف. و حياة و فتون نزلوا.
فتون: حرام عليكي هنستني لسة عربية و ندفع فلوس زيادة و انتي حسباها بالورقة و القلم...
حياة: انتي عارفة اني بتخنق من الميكروباصات الزحمة و كل مرة بقعد جمب الشباك المرة دي كان زحمة اوي و كمان اي حد ممكن يتحرش بينا.
حياة: و اساسا بقي احنا هنمشي انا مش هدفع فلوس تاني انا. ده انا لسة مودية نازلي و نعمان و حور فلوس قبل ما اجي.
حياة: انا بحمد ربنا اني بشتغل في مستشفي خاصة مش حكومي كان زمان دلوقتي بنشحط.
فتون: انتي وراكي حاجة و حاجة كبيرة اوي يا حياة. ازاي دخلتي مستشفي خاصة و.
حياة: هش هش وصلنا ايه مش بتزهقي كل يوم بتسألي السؤال ده. و انا برد عليكي و بقولك حظ.
فتون: ماشي يا صاحبي الانتيم ماشي ماشي.
حياة: قدامي يا بت...
حياة و فتون دخلوا المستشفي و قابلوا دكتور زميل.
فتون: اه واضح من جيتك ان في مصيبة احكي.
احمد(بضيق): انتي يا بت ابعدي عني مش ناقصك.
حياة: مالك يا احمد؟
احمد: هيغيروا شوية نظام في المستشفي.
حياة: و ده مزعلك ليه؟
احمد: احتمال ينقلوني او ينقلوكي او ينقلوا الزفتة اللي مش بطيقها جمبك دي لمستشفي تانية...
فتون(بحزن): لا و النبي انا مش عايزة ابعد عن هنا و بيتي و بابا و ماما. مليش فيه اتصرفوا.
حياة(بهدوء): مبدأيا خليكوا عارفين اي حاجة بتحصل خير ليكوا. و لو اي حاجة سئية حصلت ليكوا اعرفوا ان ربنا هيعوضكوا خير...
احمد: ربع إيجابية من اللي عندك يا شيخة. ايه يا بت جايبة التفاؤل ده منين؟
حياة: يلا كله علي شغله.
فتون: هو انا احتمال مشوفش الواد الاقرع ده.
احمد: يا بت هزعلك انا مش اقرع ده كان زمان.
فتون: شيفاك اقرع. عندك مانع؟
احمد كان هيقرب علي فتون يضربها...
حياة: اهدي يا وحش، في ايه؟ كله علي شغله مش ناقصين خصم احنا محتاجين كل قرش بنأخده.
فتون: عندك حق.
احمد: طيب يا فتون لما اشوفك بره المستشفي الصبر...
احمد: اقابلكوا في الاستراحة...
احمد مشي. و فتون راحت مكتبها و حياة راحت المكتب بتاعها.
حياة حطت شنطتها علي الكنبة اللي في اوضتها و لبست البالطو الابيض، و خرجت بدأت تشوف الحالات اللي تحت ايديها و اللي هي بتعالجها...
-في مكان تاني.
في شركة ليث.
ليث قاعد منشغل في شغله اللي بيحبه.
الباب خبط.
ليث: ادخل...
فهد: اهلا يا كبير...
ليث مشالش عيونه من علي الورق اللي في ايده و مركز فيهم جدا...
ليث: انجز يا فهد عايز ايه؟
فهد: يا ابني انت طلبتني.
ليث: قولت بعد ساعتين من دخولي للمكتب، عدي من الوقت ساعة و ربع فاضل ساعة الا ربع و اكون محتاجك.
فهد: ايه ايه يا ابني ايه يا حبيبي هموت منك.
ليث: انت عارف وقت الشغل شغل يا فهد، علي شركتك.
فهد: قلبي يا رب. خدني و ريحيني.
الباب خبط.
فهد: ادخل.
ليث: لما يكون مكتبك ابقي اتكلم.
فريد دخل و قعد و حط ل ليث ورق علي المكتب...
ليث: قوم اقف يا فريد...
فريد: ليه يا رب ليه يا رب خلتني اشتغل معاه؟
ليث: او انت اقعد يا فهد.
فهد: يبقي اقعد.
فهد: خير؟
فريد: عايز ايه بالورق ده؟
ليث: شريف فاكرينه؟
فريد: اه رجل اعمال.
فهد: ماله ده يا ليث؟
ليث: عايز يدخل معايا شراكة و حاطط بنود لعب عيال.
فهد: زي؟
ليث: ان محدش من العمال عندي يشرف علي المصنع في حين العمل فيه.
فريد: قصدك انه بيورطك في مصيية؟
ليث: بس علي مين؟
فهد: غبي وقع في ايد الليث...
ليث: اتمنوا تكونوا فهمتوا و الا تبقوا مطرودين...
فهد و فريد: تمام.
ليث: اه فريد نقيلي واحدة و جهز الورق العرفي.
فهد: مش هتبطل حرام عليك يا شيخ بنات مصر قربوا يخلصوا...
ليث: مصر بقي لكن لسة في لبنان في باريس في كوريا في دبي في قطر البحرين في بلاد كتير يعني.
فريد: مش هتتغير. يلا يا ابني مرارتي اتفقعت مرة مش ناقصة تاني.
فريد و فهد خرجوا، و ليث كمل شغله باهتمام...
و بعد فترة جه تليفون ل ليث.
الخط اتفتح...
ليث: الو.
بنت: الو ليث بيه؟
ليث: خير؟
بنت(بخوف): والدة حضرتك جتلها الازمة و الدكتور جه و انقذها في الوقت المناسب.
ليث(بعمق): الكلام من امتي؟
بنت(بخوف): من من ساعة.
ليث: مطرودة...
بنت(بخوف و عياط): اسفة يا بيه و الله هي اللي قالت مقولش لحضرتك و الله اخر مرة اسفة.
ليث: لو رجعت و لقيك موجودة يبقي اكل الكلاب النهاردة هيبقي انتي.
ليث قفل في وشها التليفون. و اتصل بوالدته.
الخط اتفتح...
صفاء(بتوتر): اهلا يا ليث يا حبيبي.
ليث: بسبب سكوتك المرة دي طردت واحدة المرة الجاية ممكن يكون فيها موتها.
صفاء(بتوتر): يا ابني حرام.
ليث: قولت كلمتي. و اعتقد كلامي مش بيتكسر.
صفاء: اللي تشوفه يا ابني.
ليث: تمام.
ليث قفل التليفون و كمل شغل...
- ليث كان عارف باللي حصل الدكتور كلمه.
-في مكان تاني...
عند حياة في المستشفي.
حياة كانت قاعدة في اوضة المكتب بتاعتها و هي بتكلم حالة عندها في الاوضة.
حياة: كدة تمام. حضرتك حاليا هتروحي للدكتور احمد و هو هيحدد ميعاد العملية...
ست: ربنا يعمر بيتك يا بنتي. و يديكي علي قد نيتك.
حياة: شكرا يا مدام سامية.
تليفون حياة رن.
حياة: ثانية.
الخط اتفتح...
حياة: الو.
نعمان: حياة ارجوكي تعالي.
حياة(بشوية قلق): مالك؟
نعمان: الفلوس اتسرقت و المدرس طردني.
حياة: ايه الكلام ده؟ و انت عيل صغير علشان الفلوس تضيع منك.
نعمان: يا حياة مش وقته. المدرس بيتخانق معايا دلوقتي...
حياة: طيب يا نعمان جاية ليك.
حياة قفلت التليفون.
حياة(لنفسها): اهدي يا حياة خير...
حياة: زي ما قولت لحضرتك يا مدام سامية هتروحي حضرتك لدكتور احمد...
سامية: تمام اشكرك يا بنتي.
حياة رفعت سماعة التليفون اللي عندها في مكتبها.
حياة: مريم تعالي.
و في لحظة الباب خبط و مريم دخلت...
مريم: نعم يا دكتورة.
حياة(و هي بتقوم): ودي مدام سامية للدكتور احمد.
مريم: حاضر.
مريم: اتفضلي معايا يا مدام.
حياة قلعت البالطو و لبست شنطتها و خرجت من اوضتها، و هي ماشية سمعت حد بينادي عليها.
حياة: مش نقصاكي انتي كمان.
حياة(بابتسامة مصطنعة): اتفضلي يا نهلة.
نهلة: ايه يا حياة مالك مودياني الوش الخشب.
حياة بصت يمين و شمال و بصت ل نهلة باستغراب.
حياة: هي الابتسامة مش باينة و لا انتي جالك حول و لا ايه يا نهلة.
نهلة: ضحكة من تحت الدرس يا حبيبتي...
حياة: هو في ضحك من تحت الدرس الصراحة اول مرة اعرف.
حياة: بصي يا نهلة انا جاية هنا اكل عيش و انتي كلي عيش تمام. و سيبيني في حالي. عن اذنك.
حياة سابتها و راحت علي اوضة المدير، حياة خبطت علي الباب.
المدير: ادخل.
حياة(بابتسامة): اهلا استاذ مرزوق.
مرزوق: اهلا اهلا يا حياة اخبارك؟
حياة: تمام. بص حضرتك كنت عايزة اخد بريك ساعة واحدة و هعوضها لحضرتك بليل بس في مشكلة حصلت و لازم امشي.
مرزوق: يا حياة انا عارف انك منضبطة في شغلك و مبتسبهوش الا في الشديد القوي. ربنا معاكي روحي.
حياة(بدموع): شكرا جدا لحضرتك. و لثقتك بيا. عن اذنك.
حياة سابته و خرجت بسرعة ركبت ميكروباص و مشيت...
مرزوق: ربنا معاكي يا بنتي. الدنيا مش عايزة تضحكلك.
حياة راحت لمكان الدرس...
حياة: فين الزفت يا نعمان اللي بيزعق ده؟
نعمان: جوا مع العيال...
حياة: طيب.
حياة(بغيظ مكتوم): حسابنا في البيت يا استاذ نعمان و لا استاذ ليه ده انت طفل الفلوس تتسرق منك.
حياة دخلت مكان الدرس.
حياة: لو سمحت ممكن لحظة...
كل الشباب ركزوا مع حياة و هي بتتكلم و اول ما دخلت...
نعمان: عينك ياض منك ليه.
حياة: لو سمحت ممكن اتكلم مع حضرتك لحظة.
المدرس: اتفضلي يا انسة؟
حياة: حياة انسه حياة.
المدرس: انسه حياة اتفضلي.
حياة: اعتقد دي مش طريقة للتعليم. لاما تدفع او يروح عليك الدرس...
حياة: المفروض حضرتك همك الاول يكون الحرص علي تعليم الطالب، و كمان هو اكيد قال لحضرتك ان الفلوس اتسرقت يعني حضرتك كنت تعذره عادي يعني.
المدرس: ايوه بس.
حياة: مبسش حضرتك همك الاول الفلوس حضرتك عايز بس تشرح علشان الفلوس مع انه المفروض تشرح من غير فلوس خالص بس نقول ايه احنا بنقدر تعب حضرتك، بس دي اول مرة يتأخر فيها في دفع الفلوس و كمان مش ذنبه، و كمان انت كدة بتمنعه من انه يحدد مستواه في الامتحان...
حياة: اسفة اني طولت علي حضرتك.
حياة فتحت شنطتها و طلعت فلوس و ودتهم للمدرس.
حياة: اتفضل الفلوس اهي. اعتقد وقت كافي ضاع و مفيش فايدة انه يمتحن مش هيلحق، يلا يا نعمان.
حياة: عن اذنك.
حياة و نعمان خرجوا.
المدرس: مين دي؟ و ايه علاقتها ب الواد نعمان.
شاب: اخته يا مستر...
المدرس(بانبهار و لنفسه): دي اخته؟
المدرس: خلاص يلا كله يكمل.
حياة و نعمان خرجوا...
نعمان: متشكر جدا و اسف.
حياة: ماشي يا نعمان ده كله بسببك، دلوقتي عارف يعني ايه هيحصل خلل في المصروف.
نعمان(بحزن): اسف يا حياة جدا. معرفش ازاي حصل كدة و الله.
حياة: طيب.
و بعدها تليفون حياة رن.
الخط اتفتح.
حياة: خير يا جلابة المصايب...
نازلي(بصريخ): الحقيني يا حياة...