قصص و روايات - قصص رومانسية :

رواية ضحايا الماضي الجزء الأول للكاتبة شهد الشورى فصل خاص عمر وسارة

رواية ضحايا الماضي الجزء الأول للكاتبة شهد الشورى فصل خاص عمر وسارة

رواية ضحايا الماضي الجزء الأول للكاتبة شهد الشورى فصل خاص عمر وسارة

مخطئة!
مخطئة حين ظنت ان الحياة ابتسمت لها اخيرا و انها ستعيش السعادة التي طالما حلمت بها
هو فقط عام واحد عاشته بسعادة كبيرة و بعدها تبخرت كل تلك السعادة!
رفعت اصبعها تطرق جرس باب الفيلا الداخلي بجانبها عربة ابنتها الصغيرة النائمة و حقيبة ملابس ما ان فتح الباب ظهرت حياة امامها لترتمي باحضانها على الفور تجهش في بكاء مرير لتسألها حياة بقلق: مالك يا سارة فيه ايه.

لم تجيب سارة ليأتي بدر من خلفهم علصوت البكاء العالي قائلا بقلق: في ايه
حياة بقلق و هي تجذب سارة للداخل: حبيبي معلش دخل شنطتها و عربية ريماس
اومأ لها على الفور و نفذ ما قالت ليدخل للصالون يجر امامه عربة الصغيرة الغارقة بالنوم لتغمم سارة بحزن و دموع: انا مش قادرة استحمل اكتر من كده
حياة بقلق و هي تربت على كتفها: ليه حصل ايه بس.

لم تجيب سارة و اخفضت وجهها بحرج من الحديث بوجود بدر ليلاحظ ذلك فردد بهدوء: طب انا هاخد ريماس تنام في الاوضة فوق مع الاولاد
قالها ثم غادر لتعاود حياة سؤالها مرة اخرى بعد ان طلبت كأس عصير لها حتى تهدأ فبدأت سارة بالحديث بحزن: بابا عمر والله انا بحاول اتجنبه على قد ما اقدر من ساعة ما اتجوزنا لكن هو بيستغل كل فرصة و يجرحني فيها بكلامه و ساعات توصل بأنه يشتمني بأهلي يا حياة.

توسعت اعين حياة بصدمة لتسألها: عمر عارف بكده
نفت برأسها قائلة بحزن: لأ، هو دايماً بيعمل كده و عمر مش موجود مش برضى اقوله عشان ما يفكرش اني بعمل مشكلة بينه و بين والده
كانت حياة تستمع لها بحزن و الأخرى تقص عليها ما يحدث معها: انا تعبت يا حياة، بقالنا تلت سنين متجوزين من ساعة ما نقلنا في شقته اللي فوق باباه و انا مستحملة العيشة دي بالعافيه و اللي كان مصبرني معاملة عمر ليا و انه بيحبني و كويس معايا.

اكملت حديثها بوجع: انا تعبت والله حاولت على قد ما اقدر استحمل بس خلاص جبت اخري.

نزلت دموعها بغزارة على وجنتها قائلة بحزن: تعبت من كلام باباه اللي زي السم ليا و كان بتوصل بيه للأهانة بالأب و الأم في غياب عمر و تعبت من عمر و اني لو زعقت لجومانا عشان غلطت في ريماس يبقى انا بدافع عن بنتي و قاسية على جومانا مع اني ربنا يشهد عليا بعامل الاتنين زي بعض يا حياة لو حضنت دي يبقى التانية لازم احضنها بردو بعدل بينهم في المشاعر و في المعاملة و عمري ما شوفت جومانا غير بنتي.

حياة بتساؤل: طب ازاي بيعاملك كويس و بعدين هو ليه بيقول انك مش بتعدلي بينهم
رددت الأخرى بحزن: كان كويس معايا بس بقاله اسبوعين متغير معايا و علطول عصبي و حمايا السبب مش بيقولوا الزن ع الودان امر من السحر اهو بيفضل يعمل كده طول بيفصل يقول لعمر اني بحب بنتي اكتر و بفرق بينها هي و ريماس
سألتها حياة بحزن: طب عرفتي منين
سارة بحزن: كنا معزومين عنده مرة ع الغدا و سمعتهم بالصدفة بيتكلموا و سمعت بيقوله ايه.

ثم تابعت بغضب و حزن: ده حتى جومانا مسلمتش منه، بيملى دماغها بكلام كله غلط مفهمها اني مش بحبها و ان انا بحب ريماس اكتر منها لدرجة البنت بقت بتكره اختها و علطول تتخانق معاها و بقت تصرفتها كلها غلط لدرجة انها كدبت و قالت لعمر اني بأكل ريماس و مش برضى اكلها و اني بعاملها وحش.

ارتشفت من كأس الماء الذي امامها قائلة بحزن: كنت مستغربة اللي بتعمله، عمر صدقها و اتخانق معايا و ده سبب وجودي هنا كلامه اللي قاله ليا جرحني مقدرتش استحمله و استنيت لحد ما راح الشغل و مشيت و سيبت البيت و خدت جومانا عند جدتها لاني مش هقدر اخدها معايا مع اني كنت عايزة، بس مش عايزاه يعرف مكاني و يقلق على جومانا و كمان عشان جدتها متقلقش عليها فسيبتها.

ثم تابعت بتعب: ده حتى مرات حسن اخوه مش متفقة معاها ابدا علطول في خناق و كل شوية ترمي بالكلام عليا انا نفسيتي بتدمر بينهم يا حياة معنتش قادرة استحمل والله من ساعة ما سيبنا البيت اللي اتجوزنا فيه و روحنا نعيش في بيته اللي فوق والده علطول عايشين في الموال ده كل يوم
تنهدت حياة بحزن قائلة: طب ما قولتيش ليه لعمر انك عايزة ترجعي بيتك.

غمغمت بضيق و سخرية: قولتله بس كلمتين من والده و كام دمعة منه صعب عليه و رفض و قالي ميقدرش يسيب والده ده محتاجلي جنبه و سكتت و رضيت
سألتها حياة بحذر: طب انتي ناوية على ايه و اوعي تقولي طلاق
سارة بحزن: انا مش عايزة اخرب بيتي يا حياة، انا عايزة ارجع بيتي انا و هو مع أولادنا و نبعد عن العمارة دي عن والده و عن اخوه و مراة اخوه لاني مبقتش مستحملة.

ثم تابعت بحزن و ألم: في نفس الوقت مش عاوزة ارجعله بالساهل عشان الموضوع ميعديش كده بالساهل
- طب قوليله اللي والده بيعمله
سارك بحزن و تعب: انا مش عارفه اتصرف ازاي يا حياة تعبت و جبت اخري خلاص
ربتت حياة على قدمها بحزن لتتزبع سارة برجاء: انا ليا عندك طلب و ياريت توافقي.

اومأت لها حياة و هي تستمع لها باهتمام و هي تقول بحرج: ممكن افضل هنا النهاردة و بكره الصبح اسافر الشاليه اللي في اسكندرية بتاع بابا يوسف اللي يرحمه اقعد هناك اريح اعصابي شوية و مش عايزة عمر يعرف مكاني
اومأت لها حياة قائلة: طبعا من غير ما تقولي خليهم يجهزوا الأوضة ليكي دقايق بس و الشاليه هبعت حد ينضفه انهاردة و سافري بكره لو تحبي براحتك.

اومأت لها سارة بامتنان و تتبادلوا الحديث دقائق قبل ان تصعد لغرفتها ترتمي بجسدها على الفراش تبكي بصمت حتى ذهبت في ثبات عميق من التعب
جلست حياة بذلك الكافية القريب من منزل عمر لحظات مرت قبل ان يسحب المقعد من امامها ثم يجلس والده قائلا بضيق: خير طلبتي تشوفيني
حياة بهدوء: معتقدش اني قتلت لحضرتك قتيل عشان تكلمني بالأسلوب ده.

طه بضيق و سخرية: انا حر اتعامل بالطريقه اللي تعجبني و لولا انك قولتي ان الموضوع يخص عمر ابني مكنتش هاجي اصلا و لا اشوف حد من اهلها
حياة بسخرية: عارف انا عندي كذا طريقة تخليك غصب عنك تحترمها و تحترم اهلها اللي مش عاجبينك دول
ذه بسخرية مماثلة و تهكم: والله تصدقي خوفت
حياة بسخرية: حد غيرك المفروض يخاف بس انا عذراك مش عارف انت قاعد قدام مين
طه باستهزاء: السفيرة عزيزة يعني.

حياة بازدراء: حقيقي انا مش عارفه انت تبقى والد الدكتور عمر ازاي، كنت اتوقع حد باخلاق تانية يبقى والده مش انت
طه بغضب: طولة لسان مش عايز
حياة بغضب هي الأخرى: عرفت طولة اللسان اللي مش عاجبه حضرتك دي بتوجع و تضايق ازاي
ثم تابعت بتهديد: تفتكر عمر ابنك لو عرف اهانتك لمراته و انك بتتعمد تعمل كده و هو مش موجود هيحصل ايه
- ملكيش دعوة
حياة بحدة: لأ ليا اللي بتهينها دي تبقى اختي و من عيلتي.

طه بتهكم: مش دي اللي اهلها عملوا فيكم العمايل حتى هي مسلمتوش منها
حياة بضيق و احتقار: انت مستحمل نفسك ازاي، انت مش عايز تسامح متسامحش بس ع الاقل اتعامل باحترام او متتكلمش ده الرسول قال فلتقل خيرا او لتصمت.

بتطبق عليها الاعدام لأنها غلطت في الماضي شوفت غلطها و مشوفتش توبتها مشوفتش هي ساكته لحد دلوقتي و مستحملة كلامك اللي زي السم مش راضية تقول لابنك عليه عشان متعملش مشاكل بينكم، شوفت كل الوحش بس و مشوفتش الحلو على فكرة كلنا مليانين عيوب و كلنا مرت علينا فترة و غلطنا فيها و كنا بنندم و نرجع لربنا، لو هي محكوم عليها بالإعدام تعيش منبوذة عشان غلطت اومال ليه ربنا قال ان بابه مفتوح لأي حد يتوب و يرجع ليه ربنا بيسامح و احنا البشر مش هنسامح اللي خلقنا مع ان كتير منا بيعصيه و بيسامحنا بردو احنا البشر مش هنسامح.

زفر طه بغضب لتتابع هي بحدة: لو حضرتك مغلطتش و لا مرة في حياتك روح حاسبها عشان غلطت كلنا ياما في حياتنا بلاوي محدش يعرفها و في منا اللي ربنا بيستره و فيه اللي بينكشف ستره، انا كان ممكن مقعدش معاك و لا اتكلم الكلام ده كله كان ممكن اروح لابنك و اقوله ع اللي بتعمله معاها و او اقول بس لحد من اخواتي او جوزي اللي متأكدة ان محدش فيهم كان هيسكتلك على طريقتك دي اللي بتتكلم بيها معايا و لا على معاملتك لواحدة من عيلتهم، بس انا فضلت الكلام يكون بيني و بينك.

ثخ تابعت بهدوء: راجع نفسك يا استاذ طه مش مستاهلة كل اللي بتعمله ده و اسفه يعني ع اللي هقوله بس حضرتك ربنا يديك طولة العمر في اخر ايامك سيب لولادك ذكرى حلوة يفتكروك بيها، سارة و اهلها مأذوش حد في الدنيا قدي انا و اخواتي مع ذلك سامحنا معتقدش انها عملتك حاجة كبيرة اوي تستحق الكره ده كله اللي اذته و اللي هو ابنك مسامح يبقى الموضوع ما يخصكش من الأساس و بعد كل الكلام ده ياريت تكون اقتنعت.

طه بغضب و عناد: اعلى ما في خيلك اركبيه انتي و اخواتك و اي حد يتشددلها اما خليت ابني يرميلها ورقة طلاقها في وشها و يطلعها بره حياته ما ابقاش طه ابو زيد عايزة تروحي تقوليله قوليله شوفي هيصدق مين ابوه و لا هي اللي ماضيها كله مصايب
قالها ثم غادر بغضب اتصلت حياة على سارة تطمئن عليها و اخبرتها بما حدث فرفضت سارة بشدة ان تذهب حياة لعمر و تقص لها ما يفعله والده!
- اقعدوا.

قالتها حياة لاخوانها الذين استدعتهم صباح اليوم التالي فقد فشلت في ايجاد حل لمشكلة سارة و لا تعرف كيفية التصرف
ادم بقلق: فيه ايه يا حياة قلقتينا حصل حاجة
حياة بعد صمت رددت بتردد و هي تنظر لأوس بتوتر لاحظه الأربعة: سارة
زفر أوس بضيق ليتسأل امير: مالها!
حياة بضيق: متخانقة مع جوزها و حماها و سابت البيت
أوس بضيق: طب احنا مالنا بيها.

حياة بهدوء: تعتبر أمانة ابونا لينا و هي ملهاش حد و ابوكم وصانا عليها حتى لو هنساعدها من بعيد لكن ما نسيبهاش في مشكلة
انتفض أوس غاضبا مرددا: الموضوع ده بره عني انا لا نسيت و لا يمكن انسى اللي عملته فيا و في مراتي و لولا ان احنا لحقنا اتصرفنا كنت انا و مراتى انفضحنا
ادم بهدوء: من حقك ترفض تساعد و من حقك كمان ما تسامحش ده يرجعلك.

تدخلت حياة قائلة بينما ريان كعادته يستمع بصمت دون حديث: بس هقول حاجة ليك و ليهم ده امانة ابونا مينفعش نتجاهلها و هو وصانا عليها و هي دلوقتى واقعة في مشكلة يعني لازم نقف جنبها بعيد عن اي خلاف لحد ما تنتهي محنتها و كل حاجة ترجع زي ما كانت تسامحها او لأ براحتك
تنهدت ثم تابعت بحزن: بس نفذ وصية ابوك
صمت عم المكان قطعه ادم قائلا بهدوء: حصل معاها ايه.

تنهدت حياة بعمق و بدأت في قص كل ما حدث عليهم و ما ان انتهت سألها امير بضيق: المطلوب
حياة بهدوء: تقفوا ليها قصاده احنا علطول بعيد عنها و الراجل ده عارف كويس ان ملهاش حد تلجأ ليه عشان كده مبهدلها و اهانة كل شوية حتى سلفتها نفس الكلام
ريان بهدوء: طب ما تقول لجوزها و تشتكي ليه
حياة بضيق: هتشتكي ليه من ابوه
ادم بضيق: هيكدبها يعني.

نفت حياة قائلة: لأ بس هي خايفة توقع بينهم و تبقى عي السبب و تخلي عمر بخسر ابوه
امير بسخرية: طب ما كانت سكتت و كملت في اللي بتعمله
زفرت بضيق قائلة: كانت ناوية كده فعلا بس ابوه وصلت بيه انه يكره احفاده في بعض و يطلعها كدابة و مراة اب قاسية
ادم بعد صمت طويل ردد بضيق: طب المفروض نعمل ايه.

اجابته بحيرة: الصراحة انا مش عارفه عشان لجأت ليكم، ابو عمر صعب اوي اتكلمت معاه بس حقيقي راجل مستفز لا و كمان قاسي توصل بيه الدرجة يزرع كره و غيرة بين اطفال المفروض انهم احفاده
امير بسخرية: ربك بيسلط ناس على ناس من عمايلها
بهدوء وقف ادم قائلا: خلاص اخنا هنتصرف
سألتهم حياة بضيق: هتعملوا ايه يعني، هتروحوا تتكلموا معاه!
ادم بجدية: قولت هنتصرف يا حياة خلاص متشغليش بالك انتي و طمنيها.

غادر ادم و خلفه امير و ريان بينما أوس القى نظرة معاتبة لشقيقته قبل لن يغادر!
ما ان علمت مهرة ما حدث من أوس رددت بغضب كبير و عصبية: هي حياة بتستهبل و لا ايه، ازاي تطلب منك كده هي مش فارق معاها اللي عملته سارة فيا و فيك
كان أوس يضع رأسه بين يديه يفكر بما قالته شقيقته و مهرة تتابع حديثها بغضب و عدم وعي لما تقول: للدرجة دي مش بتحترم مشاعرنا بحد زدوتها اوي
انا بقيت اكرهها بسبب تصرفتها.

زفر أوس بصوت مسموع لتقف هي امامه مرددة بغضب كبير: انت ناوي تسمع كلامها يا اوس
لم يجبيب لتصرخ هي بغضب: لو ساعدتها انا من طريق و انت من طريق انا لا يمكن هقبل ان جوزي يساعد واحدة كانت هتفرقنا عن بعض زمان و تسبب فضيحة كبيرة لينا
كان اجابته الصمت مثل السابق لتصرخ عليه بغيظ كبير من صمته و من حياة و موقفها مع سارة: ما ترد يا أوس هتسمع لمين انا و لا اختك.

نفت أوس برأسه و قبل ان يتحدث قاطعه صوت طرق على الباب الذي لم يغلق للأخر و لم يكن الطارق يوى حياة التي لم تتحمل نظرة شقيقها لتأتي خلفه على الفور تشرح له وجهة نظرها لتستمع لكل ما قالت مهرة!
اقتربت مهرة من الباب فتحته بغضب لتجد حياة امامها فرددت بحدة: نعم، خير
دفعتها حياة برفق و دخلت للداخل لتجد شقيقها يجلس على الفراش صامت في حيرة لتقول دون ان تنظر لمهرة: اطلعي بره.

توسعت اعين مهرة من الصدمة لتتابع حياة بهدوء مفتعل: عايزة اتكلم مع اخويا لوحدنا لو سمحتي
مهرة بحدة و حسدها بأكمله يغلي من الغضب فيكفي سيرة سارة تذكر حتى تقلب كيانها بأكملهو تجعلها تفقد اعصابها: اللي هتتكلمي عنه يخصني و يخصه
حياة بهدوء: اوس
تنهد اوس بعمق قائلا: تعالي يا حياة
ثم تابع قائلا لمهرة: مهرة روحي شوفي الأولاد
- بس
زفر بضيق قائلا بحدة: سمعتي انا قولت ايه.

غادرت مهرة صافعة الباب خلفها فجلست حياة بجانب شقيقها قائلة بهدوء: انا عارفه انك زعلان مني و فاكر اني بكلامي مع سارة اني كده مش مقدرة شعورك و نسيت هي عملت ايه فيك و في مراتك
اوس بعتاب: مش هي دي الحقيقة
نفت قائلة بهدوء: لا مش الحقيقة يا اوس انت المفروض تكون عارف الحقيقة من نفسك من غير ما اقول
تنهد اوس بعمق و لم يجيب لتتابع هي بلوم: من امتى و انا كده اصلا من امتى تجاهلت مشاعر حد فيكم قصد لو قللت منكم.

لم يجيب و ادار وجهه بعيدا فرفعت يده و جعلته ينطر لها قائلة: الماضي جزء مننا محدش يقدر ينساه انا سامحت سارة بس ده مش معناه اني نسيت هي عملت ايه انا فاكرة كويس هي عملت ايه.

ابعد أوس يدها عن وجهه لتتابع هي بحزن: علاقتي بيها محدودة مكالمة كل فين و فين الكلام مش مقطع بعضه يعني و لا طول اليوم بكلمها و لا بشوفها اصلا الا فين و فين، بنفذ وصية ابونا بأني اسال عليها و اساعدها لو احتاجت حاجة و كمان عشان انا شايفة انها اتغيرت بجد مش عايزة اكون قاسية معاها و كلنا نبقى قفلنا بابنا في وشها.

لم يجيب لتتابع هي بحزن: انا يا اوس مش عايزة اخسرك و لا عايزاك تزعل مني و لو المكالمة اللي فين و فين دي لو مضيقاك اوي كده همنعها كمان عشان خاطرك و حتى هشيل ايدي من موضوعها هي و جوزها ده خالص عشان بس متضايقش مني و لا تحس اني متجاهلة اللي عملته فيك و في مراتك و لا هاممني
أوس بهد صمت دام للحظات: انت صح يا حياة مغلطتيش في اللي بتعمليه.

ثم تابع بحزن: انا بس زعلت لاني فكرت انك متجاهلة هي عملت فينا ايه و بتكلميها عادي و حسيت اني مش فارق معاكي موقفي من ناحيتها
حياة بحزن: ابدا والله يا أوس انا بس زي ما قولتلك مش عايزة كلنا نقفل بابنا في وشها خصوصا انها اتغيرت بجد لما حكيت ليكم اللي حصل كان ممكن اخبي عليك انت بس و الجأ لاخواتك بس خوفت تزعل اني ملجأتش ليك و خبيت عليك.

اومأ لها قائلا بعد صمت دام لدقائق قليلة بهدوء: انا مش عايز ازعل مهرة لأني عارف الموضوع ده قد ايه صعب بالنسبة ليها تنساه
اومأت له بصمت و استمر الحديث بينهم لدقائق قبل ان تغادر لتلتقي بمهرة بالأسفل تجلس تحرك قدمها بعصبية
لتقف حياة امامها قائلة: مكنتش مستنية منك كده
مهرة بحدة و عتاب: انا كمان مكنتش مستنية منك كده، انك تقفي مع اللي اذتني و اذت جوزي اللي هو اخوكي يا حياة.

حياة بعتاب: طالما شوفتيني غلطانة مجتيش ليه و اتكلمتي معايا بدل ما تقلبي اخويا عليا و توقعي بينا
مهرة بصدمة و استنكار: انا وقعت بينكم
حياة بحدة: اومال متنسية ايه من كلامك معاه و انتي بتقوليله اختك مش بتحترم مشاعرك و ازاي تتجاهل اللي عملته ساره فينا و اني زودتها و انك ابتديتي تكرهيني بسبب تصرفاتي، ايه مقولتيش ليه كل ده.

حياة بسخرية و لوم: مستنية ايه بعد كلامك اللي اكيد هيشيله من ناحيتي و هيوتر علاقتي باخويا هو متضايق و تيجي انتي تشحنيه من ناحيتي اكتر و اكتر و تخيريه بيني انه يسمع كلامي و انك تسيبيه
مهرة بتبرير: مكنش قصدي يل حياة
حياة بحدة: اخويا متضايق مني تيجي و تقوليلي و تعرفيني مش تشحنيه ناحيتي اكتر لمجرد ان غضبانة من اللي بعمله مع سارة
مهرة بحدة: ما انتي فعلا غلطانة.

حياة بغضب: غلطانة او لأ طول ما سارة بعيد عنك و مش بتدخل في حياتك يبقى ملكيش تتكلمي و تقوليلي اعمل ايه يا مهرة
مهرة بضيق و غضب: ما انتي عايزة تدخلي جوزي في الموضوع و نسيتي هي عملت ايه فينا.

حياة بحدة: جوزك رفض يبقى خلاص الموضوع اتقفل مش هنفضل نعيد و نزيد فيه انا مش بضربه على ايده و بقوله هتدخل غصب عنك انا مش بشده من ايده غصب انا عرضت عليه و هو رفض احتراما لمشاعرك و لأنه مش ناسي اللي عملته فيه يبقى خلاص الموضوع خلص، كان ايه لازمة كلامك اللي زي السم ليه و تشيليه مني يا مراة اخويا.

زفرت مهرة بضيق لتتابع حياة بصرامة: اسمعي مني الكلمتين دول يا مهرة كويس علاقتي مع اخويا ملكيش دعوة بيها عندك كلمة حلوة قوليها يأما تسكتي و مهما كان غضبك مني على حاجة غلط عملتها اوعي تدخلي اخويا بينا و تسخنيه عليا تعالي و عاتبيني و قوليلي حصل منك كذا كذا و انتي غلطتي و نتفاهم سوى.

ثم تابعت بهدوء مفتعل: انا مقدرة غضبك من سارة و مقدرة بردو موقفك منها انا لجأت لاخواتي الأربعة لما طلبت مساعدتي لأني مكنتش عارفه اعمل ايه و خوفت اوس يعرف ان لجئت لادم و ريان و امير و اتجاهلته
قالت ما قالت ثم غادرت من المكان بضيق اخطأت عندما ادخلت أوس بالموضوع لكنها ايضا خشيت حزنه لأنها لم تلجأ له مثل الباقي.

كان عمر يجلس على الفراش يضع رأسه بين يديه حزين يتألم مصدوم بها لما تكذب ابنته الطفلة الصغيرة و تقول هكذا إلا اذا كان قد حدث لما تتحدث طفلته هكذا فجأة عنها و هي تحبها بشدة مشتت بين ما قالت طفلته و صمت زوجته التي غادرت المنزل و ها هو عاد بعد ان بحث عنها بكل مكان حتى بقصر العمري و منزلها السابق و عند حياة و اشقائها و خالة زوجتها اين اختفت!
افيق من شروده على صوت جومانا قائلة: بابا.

رفع رأسه قائلا بابتسامة لم تصل لعيناه: نعم يا جومانا عايزة حاجة يا حبيبتي
- انا جعانة
اومأ لها قائلا و هو يلتقط هاتفه: حاضر لحظة و هطلب اكل عايزة بيتزا
اومأت له و ما ان انتهى سألها عمر: جومانا مش عايزة ماما.

جومانا بنفي و غضب طفولي: لأ مش عايزة ماما دي وحشة يا بابا هاتلي ماما غيرها هي بتحب ريماس اكتر مني و هتحبسني في اوضة ضلمة و مش هتحطلي اكل و هتضربني كتير انا مش عايزاها ترجع خالص انا بكرهها و بكره ريماس
عمر بصدمة: انتي بتقولي ايه يا جومانا عي ماما عملت معاكي كل الحاجات دي طب مقولتليش ليه
جومانا بحزن: هي معملتش بس هتعمل
عمر بصدمة و عدم فهم: مين قالك كده.

جومانا بحزن و ني تنظر ارضا: جدو يا بابا هو قالي ان مامي مش بتحبني و بتحب ريماس بس و انها هتضربني و تحبسني في اوضة ضلمة و تمنع عني الاكل عشان انا مش بنتها و ريماس بس اللي بنتها و ا، ااا...
عمر بصدمة: ايه جومانا.

جومانا بخوف: قالي اكدب و اقولك ان مامي بتعاملني وحش و انها مش بترضى تأكلني و بتأكل ريماس بس و تلاعبها عشان انت تمشيها هي و ريماس و تجيب لي ماما ليا لوحدي تحبني و متضربنيش خالص حتى مرات عمو قالتلي كده
صمت عمر للدقائق بصدمة والده!
سبب ما يحدث مع و تعاسته والده و زوجة اخيه!
نظر لابنته قائلا بحزن و عتاب: احنا مش قولنا قبل كده الكدب حرام.

نظرت للارض متهربة من النظر لوالدها ليحدثها قائلا بحدة طفيفة: بعدين بصيلي هنا
نظرت له و هي تزم شفتيها بحزن ليسألها: هي ماما عمرها حرمتك من حاجه او عملتك وحش
نفت برأسها ليسألها برفق: طب عملتي كده ليه
جومانا بحزن و بكاء: خوفت يا بابي انا بحبها اوي بس مش عايزاها تضربني هي هتحب ريماس اكتر مني
عمر بعتاب: مين قال كده هي بتحبك و بتحب ريماس انتوا الاتنين زي بعض بس انتي اللي مش بتحبيها.

جومانا بنفي: لا يا بابا والله بحبها خالص بس جدو قالي اعمل كده
عمر بعتاب و هوويجذبها لتقف امامه: مش اي حد يقولنا حاجة نعملها من غير ما نفكر يا جومانا كان المفروض تيجي تقوليلي او تاخدي رأي حد كبير لكن انتي كدبتي و اتصرفتي غلط و زعلتي ماما و انا منك اوي و كمان غلطتي لما قولتي بتكرهي اختك
جومانا بحزن و بكاء: هي هتاخد مامي مني.

عمر برفق و هو يمسح دموعها: مين قالك كده يا جومانا حبيبتي انت بتشوفي ماما بتعامل واحدة منكم احسن من التانية و لا بتعاملكم زي بعض مش لما بتدي فريدة شكولاته بتدكي زيها بتحضنك زي ما بتحضن اختك معاملتها ليكم زي بعض
جومانا بحزن: بس بعد كده هتكرهني و تبعد عني
عمر برفق: حبيبتي بابا ممكن يأذيكي
نفت برأسها ليعاود سؤالها: طب انا ممكن اشوف حاجة بتضرك و اعملها او اكدب عليكي.

نفت برأسها مرة اخرى ليحدثها هو برفق: يبقى صدقيني ماما بتحبك و ريماس كمان بتحبك انتي باللي عملتيه و بتقوليه ده هتزعليهم منك و هتخلي ماما تبعد عنك، لازم تحبي الكل و تبقي حلوة معاهم عشان يحبوكي لكن لو اتصرفتي وحش و كدبتي زي ما عملتي كده هيبعدوا عنك
جومانا بلهفة: يعني لو بقيت شاطرة و سمعت الكلام و ما كدبتش مامي هتفضل تحبني زي ريماس علطول و مش هتبعد عني و تكرهني زي ما جدو قال.

اغمض عمر عيناه بحزن قائلا: اه يا حبيبتي
ابتسمت قائلة: هتأسف ليها يا بابي و هقولها مش هعمل كده تاني هسمع الكلام كله بس خدني عندها هي وحشتني اوي اوي
اومأ لها قائلا بحزن: حاضر يا حبيبتي روحي اتفرجي ع الكرتون و انا هنزل شوية صغيرين و طالع تاني
بغصب نزل عمر للأسفل حيث منزل والده الذي يجلس برفقة شقيقه حسن و زوجته قائلا بغضب: انت السبب
لم يفهم الجميع فتابع عنر بغضب: مراتي بعدت عني بسببك.

حسن بصدمة و ضيق: انت بتقول ايه يا عمر بابا ذنبه ايه
عمر بغضب و عصبية و هو يركل المقعد بقدمه: ذنبه انه مش قادر يعيش من غير ما يتدخل في حياتي و يعاقبني عشان عصيت أمره و اتجوزت اللي بحبها و عايش مبسوط وصلت بيه انه يكره ولادي في بعض و يزرع بينهم الغيرة عشان يثبت ليا ان انا غلط في اختياري حتى لو على حساب اولادي و خراب بيتي
حسن بحدة: عمر فوق و اعرف انت بتقول ايه ده ابوك
عمر بخذلان: ياريته ما كان ابويا.

كان طه يستمع له بصدمة و قبل ان يتحدث قال عمر بغضب: الأب بيفرح لولاده و يشوف اللي يسعدهم و يعملوا لكن هو بيعمل العكس، معرفش يجوزني على مزاجه زي ما عمل ما نهال اللي يرحمها فكمل معاك انت اختارلك زوجة على ذوقه و كأنه هو اللي هيتجوز و يعيش مكانا.

ثم تابع و هو ينظر لزوجة حسن قائلا بحدة: مراتك كانت بردو سبب في ان مراتي تسيب بيتي و تمشي ساعدته في زرع كره و غيرة بين ولادي ابوك اختارلك واحدة شبهة قلبها اسود و عندها استعداد تعمل اي حاجة عشان تثبت ان كلامها صح حتى لو غلط و لو على حساب اطفال نسي ان الاتنين احفاده و من لحمه و دمه و بيزرع بينهم كره
صدم حسن مما قال فنظر لزوجته ليجد التوتر ظاهرا بوضوح عليها ليعلم ان شقيقه يقول الحقيقة.

عمر بغضب و ندم: اكبر غلط عملته لما سيبت بيتي انا و مراتي و جينا نعيش في العمارة هنا من بكره هاخدهم و نسكن هناك لكن احب اقولك حاجة عمري ما هنسى اللي عملته ده و لا هسامحك عليه، مش هسامحك ع الكره اللي شوفته في عين بنتي لاختها بسبب كلامك اللي ذرعته جواها.

قالها ثم غادر بغضب لمنزله بالأعلى ثم ضب اغراضه هو و ابنته و توجه لمنزله القديم بعدما امر حارس البناية بتنظيفها و مرر ابنته على بيت خالته لحين عثوره على زوجته التي ظلمها
بينما بمدينة الإسكندري.

كانت سارة تجلس بشرفة غرفتها تنظر للبحر بشرود تفكر بما قالته حياة لها: غلطتي من الأول يا سارة لما سكتي، مش معنى انك غلطتي مع عمر زمان او مع اي حد ده مش معناه انك تشوفي نفسك ملكيش الحق تعترضي على وضع مش عاجبك لمجرد انك شايفة ان تحمدي ربنا انهم قبلكوكي من الأساس.

محقة حياة فيما قالت لماذا هربت و اكتفت بالصمت فليظن بها ما يريد لن تقبل ان تكون بعينيه امرأة سيئة مثل السابق تلك المرة هي ليست مخطئة حتى تهرب و ترفض الحديث معه او مواجهته يصدقها او لا الأمر بيده!
دخلت للداخل و حزمت اغراضها و تجهزت ستعود للقاهرة و تضع عينيها بعينه و تخبره الحقيقة والده راهن على صمتها يريد ان يهدم بيتها و ما سعت لأجله لكنها لن تجعله يصل لمراده ستحافظ على بيتها و زوجها.

بعد مرور ساعات وصلت في لمنزل حياة مساءا تعجبت حياة من عودتها بتلك السرعة لتخبرها سارة بامتنان: شكرا ليكي و انك اتدخلتي و اشكري اخواتك بالنيابة عني عشان فكروا يساعدوني بس انتي عندك حق يا حياة غلطت من الأول لما سكت و غلطت لما هربت و حققت لحمايا غرضه بأني ابعد عن ابنه و اهدم بيتي و اظهر في نظر حوزي وحشة و قاسية هو راهن على سكوتي بس غلط لاني مغلطتش عشان اخاف هقول لعمر الحقيقة و يصدق او ما يصدقش اهو اعمل اللي عليا مش ههدم بيتي بأيدي و هدمرله كل الديسعى عشان يحققه و هيشوف.

ابتسمت لها حياة مشجعة اياها لتقول سارة بحرج: معلش انا بس ليا عندك طلب تخلي ريماس عندك هروح مشوار و ارجع اخدها علطول
حياة بابتسامه: اكيد طبعا متقلقيش عليها و لو احتاجتي حاجة كلميني علطول
ابتسمت لها سارة بامتنان و قبل ان تغادر تفاجأت سارة بعمر خلفها يبدو انه وصل للتو اقترب منها بلهفة قائلا: سارة
قبل ان يتحتضنها ابتعدت للخلف فغادرت حياة تركت لهم المكان ليكونوا على راحتهم.

سارة بجدية: انا مش غلطانة يا عمر و عمري ما فرقت بين بناتي انت عارف كده كويس و...
عمر بحزن و خزى: انا عرفت كل حاجة جومانا قالتلي اللي بابا عمله.

سارة بحدة: باباك موقعش بيني و بينك و بين بناتك بابك كان بيهني و بيتعمد يعمل كده في غيابك و وصلت بيه انه كان بيشتمني بالأب و بالأم و مرات اخوك علطول تعايرني و كنت بسكت و اقول معلش استحملي بلاش توقعي بينهم لكن توصل ان يحرض واحدة من بناتي ع التانية و يحرضك كمان عليا و يسبب بينا مشكلة زي دي مكنش ينفع اسكت و كنت خايفة اكتر انك تكدبني زي ما صدقت جومانا و مسمعتش مني.

عمر بخجل و ندم: جومانا بتحبك ليه هتقول كده و تتهمك الا اذا كان حصل و هي كمان طفلة مفكرتش انها ممكن تعمل كده ابدا
مسك يدها قائلا برجاء: حقك عليا سامحيني انا اسف لنا غبي و حمار
سارة بهدوء: انا هسامحك يا عمر بس عندي طلب
اجابها على الفور: موافق عليه.

تنهدت قائلة بهدوء: انا مش عايزة اخرب بيتي بس انا عندي استعداد انسى كل حاجة لاني عارفه انك اتقبلت حاجات كتير على نفسك بسببي و عندك كتير اوي يشفعلك في قلبي على اي غلطة مهما كانت، انا عايزة ارجع بيتنا القديم و منرجعش البيت ده نهائي و مش عايزة اي موقف يجمعني بوالدك مهما كان مش بعمم انت حر ده والدك و ليه حقوق عليك لكن مش والدي.

اومأ لها قائلا: انا طلبت منهم يفرشوا البيت زمانهم نضفوه و نقلت هدومي انا و جومانا هناك و الباقي هروح احيبهم بنفسي من غير ما تقولي ده اللي لازم يحصل
ثم تابع بعتاب: بس انا كمان ليا عندك طلب
اومأت له بصمت ليتابع قائلا بعتاب: انتي مراتي و كرامتك من كرامتي اي اهانة ليكي اهانة ليا متخبيش عني اي حاجة مهما كانت يا سارة.

انا اسف ليكي بالنيابه عن باطاو جومانا انا عرفتها غلطها و اتكلمت معاها بالراحة و هي عايزة تشوفك عشان تعتذر منك ع اللي عملته
اومأت له بصمت ليسألها بلهفة: خلاص صافي يا لبن متصالحين
ابتسمت بهدوء و اومأت له بنعم فأخذها و غادر برفقة ابنته لمنزلهم و دعتهم حياة بابتسامة سعيدة لأجلهم.

مرت فترة طويلة استقرت الأمور بين سارة و عمر الذي بصعوبة استطاع ان يتحدث مع والده لكنه للآن لم ينسى ما فعل و اصبح كلما اراد ان يرى احفاد يجب ان يتواجد عمر معهم فهو لا يضمن والده و ما سيقوله لبناته في غيابه
اما عن سارة فأصبحت تهتم يجومانا اكثر من قبل حتى لا تجعلها تشعر بفرق في المعاملة بينها و بين شقيقتها و الآن تحمل بطفل اخر
تصالحت مهرة و حياة بعد ايام من الخصام اخيرا.

عادت حياتهم كما كانت لكن الفارق الوحيد ان طه خسر ثقة ابناءه.

تمت
نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة