رواية ضحايا الماضي الجزء الأول للكاتبة شهد الشورى فصل خاص بدر وحياة 3
ان ما يشعر به تخطى مرحلة العشق بكثير تلك الحياة اعطته حياة لم يكن يحلم بها لم يكن من محبين الجلوس بالمنزل بل كان يقضي معظم يومه بالشارع و يعود على موعد النوم لكن كل ذلك تغير لقد منحته حياة لا يوجد أجمل منها ثلاثة أطفال صغار منتهى الجمال و اللطافة ينهي عمله سريعا كل يوم حتى يعود مهرولا إليهم بشوق جارف كأنهم ابتعدوا عنه لسنوات و ليس ساعات قليلة.
ابدل ملابسه لملابس بيتية مريحة و ما انتهى كاد ان يغادر لكن توقف ما ان رأى مالكة قلبه حياة تقف أمام المرأة تصفف خصلات شعرها الطويل الناعم فجلس على طرف الفراش يراقبها بدون ملل ما ان مدت يدها لتلتقط ذلك السلسال الرفيع الذي يتوسطه قلب الماسي اهداه لها بعيد ميلادها سبقت يده يداها حتى بات يقف خلفها و انفاسه الساخنة تضرب عنقها مغلقا قفلها ثم انحنى مقبلا عنقها بحب و شغف مرددا بهيام: الجمال عدى الكلام.
ضحكت بسعادة قائلة بحب و هي تستدير له
تأخذ رأيه بثوبها الزهري الصيفي: ايه رأيك حلو عليا
ابتسم قائلا بهيام و غزل: انتي اللي حلوه عليه قبل ما تلبسيه كان شيء عادي ملوش قيمة بس انتي اللي بجمالك حلتيه
ضحكت بخفوت قائلة بخجل: بطل بقى
قبل انفها بخفة مرددا بمشاكسة: ابطل ايه يا صغنن
رفعت اصبعها بوجهها قائلة بخجل: بطل تقول يا صغنن و بطل تقول كلام حلو عشان مش هعرف ارد عليك.
قبل اصبعها قائلا بمشاكسة و عشق: اعمل ايه طيب ما الكلام الحلو اصلا اتعمل عشان يتقالك انتي و بس و مش مهمي تردي كل اللي عايزة تقوليه بشوفه في عنيكي اللي جابتني راكع
ابتسمت مقبلة وجنته بخجل ثم ابتعدت قائلة: بحبك
اقترب عدة خطوات منها تراجعت هي مثلهم للخلف مرددا بمكر: اسكتي مش فيه قرارات مهمة لازم اخدها انهاردة و اتناقش معاكي فيها و انتي عارفاني انا بآمن بالرأي الجماعي ازاي و خصوصا رأيك.
ضحكت بخجل قائلة و هي تبتعد عنه: اه انتي هتقولي بس اللي في دماغك ده مش هيحصل و يلا عشان الولاد مستنين تحت
قطب جبينه قائلا بتذمر: لأ انا عايز اناقش مواضيعي الأول
ضحكت بخفوت و خجل قائلة: خلاص هروح اتعشى انا و الأولاد و اسيبك تناقشه براحتك ايه رأيك
كادت ان تذهب لكنه جذبها من يدها لتصتدم بصدره قائلا بمكر و هو يلاعب حاجبيه
علي فين يا جميل ده الموضوع ده بالذات ما يتناقش غير معاك.
انحنى ليقبلها لكنها دفعته و ركضت و هو خلفها يحاول اللحاق بها لكنه فشل، ابتسم بخفوت عندما استمع لصوت ضحكاتها ترن بالأرجاء بشقاوة
حل الصباح و أشرقت شمس يوم جديد استيقظت حياة عندما شعرت ببرودة الفراش بجانبها بحثت بعيناها عنه بالغرفة لكنها لم تجده كادت ان تقف لكنها ظلت مكانها عندما خرج من غرفة الملابس يدندن بخفوت ابتسم بتوسع ما ان رآها مستيقظة اقترب منها قائلا بمشاكشة و حب: صباحك فل يا صغنن.
ابتسمت بزيف مربتة على وجنته: مش هرد عليك
اوقفها قائلا بجراءة و مكر اعتادت عليها منه: فيكي نفس اصلا تردي من معركة امبارح
ذمت شفتيها قائلة بغيظ: الناس بتصحى ع الصبح تقول يا هادي و انت بتصحى على قلة الأدب يا بدر
غمزها قائلا بضحك: وبنام عليها كمان و حياتك
توقفت قائلة بيأس قبل ان تدخل للمرحاض: مفيش فايدة انا عارفه!
بعد وقت قصير كان يجلس هو و هي و أطفالهم على مائدة الطعام بالحديقة و هو يستمع لحديث أكبر أطفاله يوسف البالغ من العمر عشر سنوات باهتمام حتى ذكر سيرة أكثر ما يبغض بتلك الدنيا: بابا انت ليه مش بتحب اونكل إلياس ده طيب خالص و بيحبنا و بيعمل لنا كل اللي عاوزينه.
ايدته طفلته الصغيرة عشق غير مدركة تأثير كلماتها على والدها: ثح يا بابي ده عمو إلياث حلو خالث و دايما يقولنا يا غالين يا ولاد الغالية و بيقولنا انا زي بابا!
انتفض بدر من مكانه بغضب و الغيرة اشتعلت بدمائه و تملك الغضب و الغيظ منه: غالية دي تبقى امه
زجرته حياة قائلة بعتاب: بدر حاسب على كلامك الولاد قاعدين
بدر بحدة و غيرة: اركني انتي على جنب دلوقتي.
ثم نظر لاطفاله الثلاثة قائلا بصرامة و غيرة: اسمعوا انتوا التلاتة تاني مرة لو قالكم يا ولاد الغالية قولوله غالية دي تبقى أمك و لو كلمكم قولوله بابا اللي قالنا نقول كده!
حياة بابتسامة لاطفالها: حبايب ماما روحوا يلا لدادة كريمة تغسلكم ايديكم الباص قرب يوصل
نفذ أطفالها ما قالت على الفور لتلتفت هي لبدر قائلة بتأنيب: يصح بردو تقول للأولاد الكلام ده يا بدر.
كور قبضة يده مغمغما بحدة و غيرة: لسه مطلعكيش من دماغه لسه بيفكر فيكي و بيقولها علنا كده قدام الكل و الولاد كمان حسابه معايا قال غالية قال
حياة بتهدئة: بدر مفيش داعي للعصبية ممكن يكون بيقولها بحسن نية عشان انا بنت عمه و ممكن عشان اللي حصل زمان و اتهامه ليا ظلم...
قاطعها قائلا بحدة: اه صح حسن نية و بنت عمه و ظلمك تقدري تقوليلي اطلق من نسرين ليه!
صمتت ليكمل هو بغيرة: عشان سعادته لسه بيفكر فيكي و موهوم انه ممكن تكوني ليه بيقول للولاد كده و الأسبوع اللي فات باعت ورد و بالعافية مسكت نفسي عشان مروحش البسه ليه في وشه بس الموضوع زاد عن حده يا حياة و تصرفات تانية كتير ممكن انتي تكوني تكون فاكراها تلقائية لكن انا فاهم كويس لأني راجل زيه و اعرف النظرات دي ايه.
احاطت وجهه بيدها قائلة بعشق و حنان: يعمل اللي هو عاوزه مش فارقه معايا و المفروض انت كمان كده انا معاك و ليك انت و بس يا بدر عشان خاطري بلاش مشاكل.
كعادتها لمسة واحدة منها و حديثها بكل ذلك العشق و الحنان قادرة على اخماد براكين غضبه لكن تلك المرة تختلف عن سابقيها وضع يده فوق يدها مبعدا اياها برفق: خاطرك غالي اوي يا حياتي بس المرة دي مش هينفع اسكت لأني لو سكت هيتمادى و فوق كل ده اللي يبصلك بصة اخزق عينيه الاتنين و هو اللي بدأ
قالها مغادرا المكان و الغضب متملكا منه متجها حيث يوجد ذلك البغيض متوعدا له بالويلات!
ها هو ينفذ ما قال اقتحم مكتبه بالشركة مغلقا الباب خلفه بالمفتاح متجاهلا نداء السكرتيرة ثم اقترب منه قائلا بغضب كبير: عايز توصل لأيه باللي بتعمله ده
إلياس بهدوء: هو ايه اللي بعمله.
اقترب منه بدر و وقف الأخر و صار كلاهما واقفان وجها لوجه ليقول بدر بتحذير و غضب: التصرفات اللي بتعملها دي مش من الرجولة و لا تصرفات حد محترم المفروض انه اب بيراعي تصرفاته عشان خاطر ولاده اللي المفروض يبقى قدوة ليهم عندك فكرة عن اللي بقوله ده و لا معندكش
إلياس بغضب: احترم نفسك عشان ما امدش ايدي عليك
بدر بسخرية: لأ خوفت تصدق.
قبض بيده على مقدمة ثيابه متابعا بغضب: حركات العيال دي بطلها و اوعى بعد كده اشوف منك نظرة لحياة متعحبنيش، الورد و الكلام اللي بتقوله لولادي ده ميتكررش و إلا قسما بالله ما هراعي حد و لا هراعي الجميل اللي عملته معايا زمان ساعة نسرين
إلياس بغضب مماثل و هو يدفعه بعيدا عنه: بلاش هبل و اوزن الكلام اللي بتقوله احسنلك.
بدر بغضب: الهبل انت اللي بتعمله مراتي متجيش سيرتها على لسانك و ولادي عايز تشوفهم انا ممانعتش بس كلام اهبل ليهم و تقولهم ولاد الغالية و تبعت ورد ليها ع البيت و نظراتك ليها في اي تجمع للعيلة مش مسموح بيه يا بن العمري، و مفيش داعي تنكر محدش هنا غيرنا و انا و انت فاهمين بعض.
كور إلياس قبضة يده بغضب فتمالك الأخر نفسه من لكمه قائلا بهدوء و جدية: اسمع مني الكلمتين دول انا مش هكدب عليك انا مش بطيق و اعتقد الشعور بينا متبادل و هيفضل كده طول العمر، بس ده مينعش اني لازم انبهك لحاجة زي ما كنت هعمل مع اي حد.
تنهد متابعا بجدية: حياة و خلاص بقت مراتي، و انت اتجوزت و الجوازة فشلت عادي بتحصل و ده نصيب بس الجوازة دي نتج عنها طفلين لازم تراعيهم و تاخد بالك منهم و تحط في بالك انهم محتاجين ام ليهم لأن مهما عملت عمرك ما هتعوضهم عن اللي حنان امهم
إلياس بسخرية: عايزني اتجوز عشان تضمن اني ابعد عن حياة.
بدر بغضب: انت غصب عن اهلك هتبعد عنها، كل همي هما العيال الصغيرة اللي ملهمش ذنب ان ليهم اب و ام مستهترين زيكم اتجوزوا بدون سبب و اتطلقوا بدون سبب متجاهيلن ان بينهم أطفال هيتبهدلوا بينكم
إلياس بغضب: ولادي عمرهم ما هيتبهدلوا طول ما انا على وش الدنيا انت سامع
بدر بحدة: انا نصحت و انت حر.
ثم تابع بتحذير و توعد: لكن قسما بالله لو شوفت منك تصرف ميعجبنيش او بس نظرة لحياة ما هيحصل خير ابدا، انت لحد دلوقتي ماشوفتش انا اقدر اعمل ايه و لا شوفت قلبتي ربنا ما يوريك ببقى وحش و اوحش مما عقلك ممكن يصورلك فاتقي شري، مراتي و ولادي خط احمر اتصرف على اساس انك ابن عمها و بحدود كمان.
قالها ثم غادر صافعا الباب خلفه تاركا إلياس حزينا لم يعطي بال لتهديده مهما انكر أمامه لكنه بالفعل يحاول لفت نظر حياة لربما لازالت تحبه و لكنها قبلت ببدر لوقوفه بجانبها، كان يوهم نفسه بذلك و يعشمها انها يمكن ان تكون من نصيبه بعد كل ما حدث لكن نظراتها عيناها التي دوما تكون لامعة بالحب ما ان ترى بدر تثيت له العكس، بكل مرة يراهما معا رغم مرور تلك السنوات ثبت له انها ابدا لن تكون من نصيبه لقد اخذ فرصته من قبل و خسرها ليفوز بها غيره.
بعد العديد من الاتصالات لم يجيب على اي واحدة من مكالماتها قررت الذهاب لشركته لتراه لتتفاجأ ما ان ذهبت بفتاة أقل ما يقال عنها انها فاتنة ترتدي ثوب قصير يكشف عن ساقيها و يلتصق بجسدها كاشفا عن قوامها الممشوق و خصلات شعرها المصففة على أحدث موضة و كذلك مساحيق التجميل التي تملىء وجهها
سألته حياة بحدة و غيرة: انتي مين و بتعملي ايه هنا!
ردت عليها الأخرى بغرور: انتي اللي مين و بتسألي ليه.
حياة بحدة و هي تضع حقيبتها على المكتب بعنف: انا مراة اللي مشغلك يا روحي
توترت الأخرى مرددة: انا اسفة يا فندم مكنتش اعرف، انا شذى سكرتيرة مستر بدر الجديدة مكان الأستاذة ميرفت اتعينت من اسبوع.
نظرت لها حياة بحدة و غيرة ثم دخلت لمكتبه صافعة الباب خلفها بقوة افزعتها و افزعت بدر بالداخل الذي تفاجأ من وجودها كاد ان يقترب منها لتلقي هي بحقيبتها ملتقطة فاتحة الأظرف من على مكتبه موجهة اياه تجاه عنقه و الأخر يتراجع للخلف مرددا بقلق: مالك يا حبيبتي استهدي بالله نزلي اللي في ايدك ده السلاح يطول و الشيطان شاطر.
هدرت به بحدة و غيرة: هو هيطول فعلا يا بدر يا جارجي لو حالا مردتش و قولت البتاعة اللي بره دي ايه اللي جابها هنا
اجابها ببراءة: دي السكرتيرة الجديدة
رفعت حاجبها قائلة بتفاجأ: ايه ده بجد تصدق كنت مفكراها رقاصة من كبارية شارع الهرم و طبعا سيادتك مفوتش فرصة و كنت بتبص عليها في الرايحة و الجاية
يتراجع و هي تتقدم منه مرددا بابتسامة لطيفة محاولا تهدئتها: ابص لأيه بس يا روحي و انا معايا الجمال كله.
اقتربت منه حتى اصطدم الحائط لتضع الألة على رقبته قائلة بحدة و غيرة: بدر يا جارحي انت مش هتضحك عليا بكلمتين
مسك يدها الممسكة بالألة مقبلا اياها ثم ردد بتهدئة: لا عاش و لا كان اللي يضحك عليكي بكلمتين يا روحي انا طلبت سكرتيرة او سكرتير بدل أستاذة ميرفت عشان سافرت هما جابوها هقعد اتشرط بقى و ادقق في حاجات ملهاش لازمة و اعطل شغلي يرضيكي يعني كده.
جزت على أسنانها مرردة بغضب و غيرة: اه يرضيني يولع الشغل كله، اسمع يا بدر يا جارجي انا عفاريت الدنيا كلها بتتنطط في وشي دلوقتي حالا انا قدامي نص ساعة و امشي البتاعة اللي بره دي تغور و يقعد مكانها راجل معاك نص ساعة اتصرف بقى مش همشي غير لما البتاعة دي تغور سامعني
ردد بتهدئة: حرام نقطع عيشها يا حبيبتي.
صرخت عليه بغيرة و هي تقبض بيدها بقوة على الألة ملوحة بها بيده أمام وجهه: حرام تقطع عيشها و لا حرام تمشيها عشان مش هتلاقي اللي تبص عليها و يسليك في الشغل
ردد بابتسامة و هو يبعد الألة بعيدا: استهدي بالله و اهدي، مين دي اللي ابصلها انتي ما بتبصيش لنفسك في المراية يا روحي و لا ايه ده انتي وولا حاجة جنبها هي اه حلوة بس انت...
قال الأخيرة قاصدا مشاكستها لتقاطعه قائلة بغيرة: حلوة في عينك يعني كان عندي حق بتبصلها.
التقط منها الألة ملقيا بها بأهمال على مكتبه ثم قلب الوضع لتصبح هي من تستند بظهرها على الحائط مرددا بجدية: اوعي تكوني فعلا بتتكلمي بجد، مين دي اللي ابصلها دي لا هي و لا عشرة غيرها و لا بنات حوا كلهم يملوا عيني مفيش غيرك بس في قلبي و مفيش غيرك عيني شايفاها، ما هم كانوا موجودين قدامي قبلك و مكنتش بعبر حد فيهم اقوم بعد ما اتجوزت اللي حبيتها و اللي فضلت سنين صابر لحد ما قدرت افوز بقلبها و اللي جابتلي ع الدنيا أجمل تلت مصايب ابص ليهم لو بتتكلمي بجد هتبقى زعلة كبيرة اوي بينا يا حياة عشر سنين جواز عيشناهم سوا مش واثقة في حبي ليكي.
قاطعته قائلة بضيق: واثقة فيك و عارفه انك لو وسط ألف بنت عمرك ما هتخوني بنظرة حتى بس لما شوفتها ح...
لم تكمل ليتولى هو الحديث بدلا عنها مرددا بمشاكسة: بتغير عليا يا صغنن
رددت سريعا بخجل و كذب: لأ طبعاً
ضحك بخفوت مرددا بثقة و مشاكسة: بتغيري
- مش بغير
- بتغيري انا عارف
- مش بغير
اقترب بوجهه منها مرددا بمكر: طب عيني في عينك كده
نظرت لداخل عيناه لحظات قائلة: اهو مش بغير.
لم تقوى على الثبات و هو يناظرها بكل تلك الثقة فاخفضت وجهها مرددة باستسلام: اه بغير عندك مانع، وحالا يا بدر عروسة المولد اللي قاعدة بره دي تمشي من هنا و يقعد مكانها راجل
جذبها من خصرها مقربا اياها منه مرددا بحب: يسلملي حبيبي الغيور.
ضحكت بخفوت و خجل ليردد هو بحب و همس و هو يمرر شفتيه على وجنتها: قال و ابص عليها قال، مغفل انا و لا اعمى ده انا معايا الجمال كله، كل يوم بتحلوي عن اللي قبله كل مرة تضحكي او تبتسمي بتخطفي قلبي اللي لو بيتكلم كان صرخ بعلو صوته و قال هو بيحبك قد ايه يا حياتي
ابتسمت بسعادة مقبلة وجنتيه ليبتسم بمكر دافعا اياها على الحائط لاثما شفتيها بقبلة شغوفة حارة.
دقائق مرت و هو لا يزال على وضعة غارقا في شهد شفتيها و لم يستمع لصوت طرقات الباب و لا بدخول سكرتيرته التي ملت من الطرق فدخلت و باقي الموظفين خلفها لتتفاجأ مثل الباقين بهيئة مديرهم الصارم يقبل زوجته بالمكتب: مستر بدر.
توسعت عيناه بصدمة كذلك حياة التي دفعته بعيدا عنها مستديرة بجسدها ليصبح وجهها مقابلا للحائط كذلك فعل هو بحرج و رفع يده يرتب خصلات شعره و هيئته قائلا بصرامة دون الالتفات لهم: اسبقوني على غرفة الاجتماعات
اومأ له الجميع مغادرين سريعا ليردد هو بضحك: الهيبة ضاعت خلاص، كله بسببك بتنسيني الدنيا باللي فيها كل ما بتكوني قدامي
نظرت له قائلة بتحذير: تمشيها يا بدر سامع و إلا انا هاجي امشيها بطريقتي.
جذبها من خصرها مرة أخرى قائلا بمشاكسة: طب ما توريني طريقتك
- بدر
تنهد مرددا بهيام: جننتي بدر و أهل بدر قال ناقص انا اتجنن اكتر ارحميني شوية انا مش قدك
ابتسمت حتى ظهرت أسنانها ثم قبلته من وجنته راكضة للخارج حتى تغادر و هو يراقبها بابتسامة سعيدة عاشقة لتلك الحياة التي اعطته حياة
كان الجميع مجتمعين كعادتهم كل يوم جمعة بقصر الجارحي و من ضمنهم عائلة العمري و كالعادة استقبله اشقائها بالتذمر منه.
حيث ردد أوس بغيرة و ضيق: هي مالها حاسة ليه اوعى تكون مش بتأكلها
بدر بسخرية: اه حابسها في قبو الفيلا عقبال عندك و بأكلها مرة واحدة في اليوم، زوج قاسي بقى
ضحكت حياة بخفوت محتضنة شقيقها مرددة بحب: انا كويسة يا حبيبي
جذبها بدر إليه قائلا بغيرة: حبه برص تعالي هنا انا بس حبيبك
أوس بتحدي و هو يجذبها إليه: اتعدل عشان هاخدها عندي شهر و مش هخليك تلمح طيفها.
جز بدر على اسنانه مرددا بغيظ: استاهل ضرب الجزمة ان جيت والله
ضحكت حياة مقبلة وجنت شقيقها ثم توجهت لبدر قائلة و هي تمسك وجنته بأصبعيها: بيهزر معاك
ابتسم قائلا: عارف احنا اصلا من قبل ما اشوفك متعودين ع الهزار ده بنحب نناغش بعض و لما خدتك منهم زاد اكتر انا اصلا عاذرهم هو انا لو عندي اخت زيك كده هفرط فيها ده انا احط حواليها سورو مخليش حد يقرب منها، الحمد لله انهم رضيوا تكوني ليا.
قبلت وجنته قائلة بحب و بابتسامة واسعة تزامنا مع اقتراب إلياس منهما: بموت فيك، هو انا بحبك من شوية
تنحنح إلياس قائلا بهدوء يخفى خلفه نيران مندلعة بداخله من الغيرة: ازيك يا حياة
رد بدر بدلا عنها: كويسة
اومأ إلياس برأسه و قبل ان يغادر من أمامهما ركض إليه ابناء بدر مهللين بفرح: اونكل إلياس.
ابتسم إلياس محتضنا اياهم بحب قائلا بما تعود لسانه عليه متناسيا حديثه مع بدر بالأمس: اهلا بالغالين ولاد الغالية، وحشتوني
ردد مروان البالغ من العمر خمس سنوات ببراءة: غالية تبقى امك
توسعت أعين حياة بحرج بينما بدر نظر إلياس بتحدي خاصة عندما قالت عشق ببراءة: بابي قالنا نقول كده لما تقولنا يا ولاد الغالية.
نظر إلياس بغضب لإلياس لينظر له الأخر بتحدي مغمغما بابتسامة استفزت الأخر و أشعلت غضبه لكنه تمالك نفسه: غالية بتنادي عليك روحلها يا إلياس
كاد إلياس ان يلكمه و بصعوبة تمالك حاله مغادرا من أمامهم لتقول حياة بتوبيخ: ينفع كده، ده اللي هتعمله للولاد هتبوظ اخلاقهم
بدر بمشاكسة متجاهلا الرد على توبيخها: وصلنا لبموت فيك، هو انا بحبك من شوية.
نظرت له حياة بتعجب سرعان ما شهقت عندما حملها على يديه راكضا بها قائلا بصوت عالي و حماس للأطفال: اللي هيلحقنا ليه لعبة كبيرة
هلل الأطفال راكضين خلفه و هو يركض بها و الاثنان يضحكان بقوة.
كانت حياة سعيدة حقا لقد عوضها الله عن أيام العذاب التي عاشتها بطفولتها بزوج مجنون يجعلها تعيش ما عجزت ان تعيشه بطفولتها يغرقها بحنانه الذي لم تحصل عليه من ابيها الراحل يعشقها و يجعلها دوما اول اهتمامته لقد أعطاها حياة لم تكن تتخيل ان تعيشها
بينما اشقائها يراقبون من بعيد شقيقتهم و كيف تضحك و سعيدة عكس السابق نظروا لبعضهم بابتسامة فخورة لقد سلموها لم يستحقها حقا.
ربما يتناوشون سويا مع بدر لكنه يكون على سبيل المزاح فبدر على مدار عشر سنوات يثبت لهم انه رجلا حقا و اوفى بوعده لهم ان يصونها و يحفظها.