رواية صفقة زواج للكاتبة سهام صادق الفصل الثالث
أيوه ياماما. أه اهي جت. ماشي هقولها
فرح بقلق: فيه أيه، مالك بتبصلي كده (بابا فيه حاجه
ياسمين بلا مبالاه: اصله في المستشفي. لم تنتظر فرح ان تكمل حديثها معاهاا. وفرت ذاهبه للمشفي
عبدالله بتعب شديد: فين فرح ياكريمه. جيبيهالي حالا
كريمه: اتصلت بيها وجايه
عبدالله: بسرعه ياكريمه. خلاص مش فاضل كتير
في هذه اللحظه وصلت فرح.
فرح ببكي: مالك يابابا، فيك ايه.
عبدالله: سامحيني يابنتي. مكنتش ليكي الاب إلى يستحقك ظلمتك كتير وجيت عليكي. ثم نظر لكريمه بكرهه. ابقي افتكريني يافرح وادعيلي ياحببتي
فرح بدموع: انت ليه بتقول كده يابابا، اوعي تسبني لوحدي انا ماليش حد غيرك. هتسبني زي ماما (وكمان انا مش زعلانه منك.
عبدالله بدموع: خلاص يابنتي انا دلوقتي بين ايد ربنا (ابقي روحي لكريم بيه هوالي هيساعدك ويقف جنبك، ثم تركها ورحل إلى العالم الذي سيذهب فيه كل منا ولكن للاسف دائما ننساها ونظن بأننا سننعم بالدنيا دائما
فرح ببكاء شديد: لاء يابابا كده هتسبني لوحدي. طيب انا هعيش ليه ولمين، ثم صرخت صرخه دوت كل ارجاء المشفي
كانت لاول مره تنظر لها كريمه بأشفاق.
مرت ايام العزاء بتثاقل شديد. كانت دائما حبيسة غرفتهاا لا تتحدث مع احد. كانت كل ما تفعله تصلي وتقرء القراءن
مي وهي تشفق على حال صديقتها: ده امر ربنا، وانتي انسانه مؤمنه وراضيه بقضائه.
فرح بدموع: انا راضيه والله راضيه (بس الفراق صعب. ماما راحت وبابا برضوه. عارفه انا عمري ماكرهته هو برضوه كان حنين اووي بس كان بيضطر يجي عليا عشانها عشان متفضلش تعكنن عليه حياته، مكنتش بزعل المهم هو يكون مرتاح بس خلاص هو راح وسبني لوحدي
مي وهي تحتضن صديقتهاا: ادعيلوه يافرح. وخليكي قويه (ربنا مبينساش حد. وكمان فين كلامك عن الصبر والتحمل. هاا
فرح بدموع: الحمدلله
بتقول ايه عمي في المستشفي انا جاي حالا.
كان يسرع بسيارته(يفكر ماذا سيحدث له اذا تركه ايضا عمه ورحل...
ها يادكتور عمي ماله
الطبيب: استاذ كريم انا قولتلكم مليون مره بلاش اجهاد على صحته القلب مش مستحمل. هو دلوقتي في العنايه المركزه ولو مرت ال 48 ساعه على الخير. يبقي عمك اتكتبله عمر جديد. لان المرادي بجد الحاله متاخره، ثم تركه الطبيب وذهب.
كان يقف أماما غرفته وينظر من الزجاج عليه (كان دائما حنون عليه كان مبثابة الاب. بل الاب حقا. فوالده كان دائم السفر ام عمه كان دائماا معه يرعاهه مثل ابنه تماما. حتى انه كتب كل ما يملكه له واصبح هو الوريث الشرعي لتلك الامبراطوريه الضخمه (ولكن هل للمال فائده مدام من نحبهم يتركونه.
عمر وهو يربط على كتف صديقه: طمني ياكريم، اخباره ايه دلوقتي
كريم: للاسف الحاله متأخره.
نظر عمر على صديقه واشفق على حالته تلك...
مضي اسبوع على وفاة والد فرح
كريمه بقسوه: ايه هتفضلي كده. لو فكره اني هصرف عليكي انسي انا كفايه عليا بنتي وكمان المعاش بتاع ابوكي عباره عن ملاليم يعني مش هيكفينا. ف زي الشاطره تدوريلك على شغل (ثم قالت بصوت واطي ولكن سمعته فرح: عقبال كمان ما تغوري من البيت داهيه تاخدك زي ابوكي
فرح بانكسار: انا اصلا كنت نزله أدور على شغل.
كريمه وهي تجلس على الكرسي امام مكنة الخياطه: شاطره. هو ده إلى لازم تعمليه
ذهبت فرح وظلت تبحث عن عمل، ولكن لا يوجد (فهي مازالت طالبه، جلست على احد الارائك بتعب ثم بدات تتذكر بعض لحظاتها مع والديها
فلاش باك!
حلوه اووي العروسه ديه يابابا. ثم جريت لحضنه وقبلته
عبدالله بحنان: عجبتك ياحببتي
فرح بحب: ايوه يابابا جميله اوووي.
زينب بتعب(والدة فرح: ليه بس ياعبدالله كده مكنتش جبتها شكلها غاليه وصرفت كل الفلوس إلى معاك
عبدالله (وهو يقترب من زوجته بحب: هو احنا عندنا كام فرح. وكمان جبتلك الدوا اه. اصل احمد بيه ربنا يكرمه ادانا مكافأه بسبب نجاح مشروع كده
زينب: ربنا يخليك لينا يارب
باك...
كانت تتذكر وتبكي في صمت فقد رحلوا من كانوا هم كل الحياه لها (فبعد وفاة والدتها قد تغيرت كل شئ. أصبح والدها دائما مهموما. ثم تزوج تلك السيده قاسيه القلب. التي رشحه له أحد اصدقائه
فلاش باك!
كريمه بدلع: اكيد ياحبيبي فرح ديه زي بنتي ياسمين بالظبط متقلقش هخلي بالي منها كويس.
عبدالله بأطمئنان وهو يذهب لعمله بعد ان تزوج تلك السيده: ربنا يخليكي لينا، عايزه حاجه اجيبهالك وانا راجع
كريمه: شويه خضار...
بعد ان تركهاا عبدالله وخرج. ياماما البت ديه خدت العروسه بتاعتي
فرح: والله العروسه ديه بتاعتي انا
كريمه بحده (وهي تمسك فرح من شعرها: مش عايزه اسمع صوتك فاهمه. يلا انجري اعمليلي شاي
فرح بدموع: بس انا مبعرفش اعمل
كريمه بغلظه: يبقي تتعلمي. ثم نظرت لابنتهاا المدلله (تعالي ياحبيبت ماما، وخدي العروسه اه.
كانت فرح تقف وتنظر عليهم وهي تبكي بصمت (كانت تراهه تحتضن ابنتها بحب. اما هي بدأت معاناتها، من كل شئ من اهانه وضرب حتى انها حرمتها ان تعيش طفولتهاا.
افاقت فرح من ذكرياتها تلك. ومسحت دموعهاا وذهبت لتكمل بحثها عن عمل مره أخري...
معلشي ياحبيبي مكنش ينفع أخرج الفتره إلى فاتت اصل جوز ماما مات
شادي بزعل مصطنع: ده انتي حتى التليفون مكنتيش بتردي عليا.
ياسمين وهي تقترب منه بدلال خلاص بقي متزعلش، هاا بقي هتعزمني فين (انا المود بتاعي زي الزفت
شادي (وهو يفتح باب السياره لهاا: في المكان إلى تختريه
ونتركهم في عالمهم تلك
ايه يابنتي مبترديش على تليفونك ليه
فرح بتعب: معلشي يامي، مكنتش سماعه
مي: انتي فين اصلا، شكلك بره البيت
فرح: اه انا بدور على شغل
مي باشفاق: هاا طيب لقيتي
فرح: للاسف عايزين حد عنده خبره
مي: طيب انتي فين وانا اجيلك.
وصفت لهاا فرح المكان وذهبت لهاا مي
هاا يادكتور عمي اخباره أيه دلوقتي، أنا ممكن اسفره امريكا بطياره خاصه
الطبيب: صدقني يا أستاذ كريم. مافيش حاجه هيعملوه اكتر من إلى احنا هنعملها. ادعيله ان ال 48 ساعه تعدي على خير. ثم تركه وانصرف
مي: هتعملي ايه دلوقتي.
فرح: مش عارفه يامي. أنا موافقه على اي شغلانه مش مهم
ثم بدأت تتذكر عندما قال لها والدها أن تذهب لشخص أسمه كريم.
فرح: بابا قبل ما يموت قالي اروح لصاحب الشركه إلى كان بيشتغل فيها
مي: وقاعده من الصبح تلفي طيب يلا تعالي نروح
فرح: يعني هما إلى هيوافقه بيا...
مي: يابنتي اكيد باباكي الله يرحمه كان واثق ان الشخص ده هيساعدك عشان كده قالك عليه. وتعالي نروح مش هنخسر حاجه
ذهبت الفتاتان معاا
مي: ايه ده ديه اكبر شركات الاستثمار في الشرق الاوسط
فرح: انا بقول نروح احسن.
مي يابنتي يلاا بقي (أنا متفائله خير وكمان أه حتى تسألي عن أجراءت معاش باباكي هتاخديه أمتا
ممكن لو سامحتي اقابل استاذ كريم
السكرتيره (وهي تنظر لها ببرود: عندك مقابله معاه يا انسه
فرح: لاء يافندم
السكرتيره: اولا استاذ كريم مش موجود. ابقي تعالي بعد اسبوع
مي بحده: اسبوع ليه. احنا عايزين نقبله ضروري وهما 5 دقايق
السكرتيره: اسفه يا انسه. اتفضلي لو سامحتي عندنا شغل.
في هذه اللحظه دخل كريم إلى مكتبه. وهمت رنداا بالوقوف
رندا بابتسامه: حالا واوراق المناقصه هتكون عندك يافندم
فرح: استاذ كريم ممكن دقيقه لو سامحت
كريم (وهو ينظر لهاا فقد كانت فتاه يكسوها الحزن. من رأها يشعر بأن هذه الفتاه تحمل هموما أكبر من سنهاا. كانت عيونهااا مليئه بالحزن: أتفضلي، ثم التف إلى رندا: دخليلي الورق حالا
دخلت رندا ومعها فرح. اخذ كريم الورق من رندا
كريم: اتفضلي انتي يا رندا.
نظرت رندا لفرح بشمئزاز وحقد ثم تركتها وذهبت
كريم (وهو ينظر في بعض الاوراق وقد نسي امرها تمام
فرح: لو حضرتك مش فاضي ممكن أجي لحضرتك في وقت تاني
كريم: أسف معلش، خير انتي كنتي بتقولي عايزاني في حاجه
فرح (وهي تنظر للارض: انا بنت عم عبدالله. هو قالي قبل ما يموت اني اجيلك. يعني حضرتك ممكن تساعدني اني الاقي شغل
كريم (بأسف على حالها: البقيه في حياتك (ثم نظر بحنان اتفضلي اقعدي واقفه ليه
فرح: لاء كده كويس.
كريم بأبتسامه: طيب أنتي متخرجه ولا لسا بتدرسي
فرح: لاء لسا بدرس. أنا في تالته تجاره
كريم: مممممممم , خلاص تمام يافرح هاتي اوراقك بكره وأعتبري نفسك أتعينتي
فرح بأبتسامه: كل الاوراق إلى حضرتك هتحتاجها أه
كريم (وهو ينظر للاوراق: مممم شكلك شاطره (تقديراتك كويسه جداا، تمام يبقي من بكره هتبتدي شغل يعني هيكون تدريب ليكي
فرح: بجد متشكره اووي لحضرتك.
كريم: متشكرنيش، عم عبدالله كان عزيز اووي عليا. وزعلت جدا لما سمعت خبر وفاته (ربنا يرحمه
تركته فرح وخرجت وهي تشعر بأن مازال في الحياه أشخاص رائعين مثل كريم (الحمدلله
مي بفرحه: يعني هتشتغلي
فرح بأبتسامه: أه ومن بكره، كانت تنظر عليهم راندا بغيظ (ثم تركوهاا وذهبواا
محمود بتعب: كريم لازم تنفذلي وصيتي قبل ما أموت. لو بتحبني أتجوز ياكريم
كريم بحب: طيب قوم أنت بس بسلامه وانا هعملك كل إلى عايزه.
محمود: الوقت بيعدي ياكريم. ومين عالم لو عشت النهارده وبكره هعيش اكتر من كده، عايز افرح بيك
في هذه اللحظه جاء الطبيب: استاذ كريم كفايه كده لو سمحت
كان ينظر له محمود برجاء. ثم تركه كريم وذهب وهو لا يعلم ماذا سيفعل(هل سيحقق لعمه تلك الامنيه ام لاء.
كريم: يارب ساعدني
البارت الرابع
مالك مهموم كده ليه ياصاحبي
كريم وهو يسند بظهره على سيارته، وينظر بشرود إلى ما أمامه.
: مش عارف ياعمر، خايف أنفذ وصيه عمي وأظلم الانسانه إلى هرتبط بيها. لان أنا بجد مش مستعد أرتبط بحد واتوجع تاني (انا ارتبط بسلمي عشان رغبة عمي ووصيه بابا الله يرحمه. بس ارتبط بحد تاني انا لسا لحد دلوقتي مش قادر انسي الوجع إلى جواياه منها
عمر بتنهيده: يا ياصاحبي انت لسا فاكرها، ده انا قولت نسيتها من زمان. والمفروض تنساهاا على هي عملته فيك (الهانم كانت بتمثل عليك الحب وكل ده عشان فلوسك ومركزك.
كريم بأسي: مين قالك أني فاكرها. ديه أكتر أنسانه أنا بحتقرهاا، بس الجرح إلى سببتهولي مش قادر انساه وانساه أزاي ولسا كلامها إلى من سنين سمعه
فلاش باك!
في أحد الحفلات الراقيه.
عمر: مش ديه نور إلى بترقص
كريم بصدمه: وهو ينظر عليهاا وعلى ملابسها الشبهه عاريه وهي ترقص في حضن شخص اخر(فهو لم يتخيل ان تكون نور في ذلك المنظر
نور بدهشه: كريم، انا.
كريم بأحتقار: انتي ايه بالنهار أنسانه محترمه وبالليل حاجه تانيه خالص. مكنتش فاكرك أنك بالحقاره ديه
نور بذله لسان (عندما لاحظة الكل ينظر اليهاا ): ديه حياتي وانا حره فيهاا. وياسيدي انا حقيره خلاص وكمان انا عمري ما حبيتك (صحيح أنت كل البنات بتتمناك بس انا لاء. انا بس كنت حبه شهرتك وفلوسك وبس
كريم بصدمه لما تقوله له: للاسف انا كنت مخدوع فيكي ثم تركها وذهب.
انتي هابله يابنت انتي ضيعتي كريم الشاذلي من ايدك. أنتي اتجننتي كل إلى احنا بنعمله ده وضيعتيه بغبائك(انتي فعلا غبيه
نور: ياماما. أنا زهقت من التمثليه ديه واتخنقت خلاص، انتي السبب أصلا أنتي حرمتيني من الشخص إلى بحبه كل ده عشان الفلوس والمظاهر (كل حاجه فلوس فلوس. وخلتيني امثل على مين على بن أختك، انا اصلاا مش هاعيش هنا تاني انا راجعه دبي اعيش مع بابا، عايزه تيجي معايا تعالي مش عايزه أنا هسافر.
ماجده بحده: وش فقر زي أبوكي وغبيه...
باك
عمر وهو يربط على كتف صديقه: ابدء حياه جديده ياكريم وانسي، انت كده بتظلم نفسك ظلمت نفسك لما حبيت نور وصدقتهاا، وضحيت لما اتجوزت سلمي عشان ترضي عمك، بس انت فين في كل ده
كريم (وهو يتذكر نور: فحقا هي استطاعت ان تملك قلبه ببرائتها وحبها بشده، كانت نور تعيش في دبي من صغرها مع والديهاا ولكن من 5 سنوات
فلاش باك!
تعال ياكريم ياحبيبي. سلم على نور بنت خالتك وخالتك.
كريم: ازيك يانور، ياا ده انتي كبرتي ماشاء الله
نور بطفوله: لاء انا لسا صغيره ياعم انت، انت إلى كبرت وبقيت رجل اعمال بقي
كريم بضحك: لسا لسانك طويل زي ما انتي.
نور: بس انا زعلانه منك. كنت بتجي ساعات دبي ومكنتش بتيجي تسأل عنا
كريم بأسف: صدقيني ديما كنت بحاول ازوركم بس للاسف كل مره بتحصل حاجه ( يومين وبرجع علطول...
خالته بضحك: ايه اتلهيت معاها ونستني كده ياكريم
كريم بحب: معلش ياخالتو. أنتي أخبار صحتك ايه.
ماجده: بخير الحمدلله ياحبيبي، واه رجعنا أه نعيش في مصر تاني
ومن هنا بدأت خطة ماجده التي جائت من أجلها (من أجل ان تجعل ابنتها تتزوج من كريم الشاذلي (هذا هو ما يهمها ان تزوج أبنتهااا من وريث عائلة الشاذلي
كريم بتنهيده: أنا تعبت ياعمر بجد، حاسس أني مش مخلوق عشان افرح وأعيش حياتي الطبيعيه زي اي انسان (كل ده عشان انا بن عائله الشاذلي تصدق انا ساعات كتير بتمني اكون شخص عادي. عايش حياته ومرتاح.
عمر(وهو يريد أن يخرج صديقه من هذا الحزن: بقولك أيه تعال يلاا (ماما مصممه أنك النهارده تيجي تتعشا معانا. أنت وحشها جداا ومش هسيبك
كريم بضحك. ماشي ياسيدي
عاد إلى منزله الفخم، بعد أن ذهب إلى المشفي ليطمئن على صحة عمه (التي أصبحت متأخره. وكلما تذكر نظرت الرجاء من عينيه يشعر بالحزن...
كان يجلس في مكتبه وهو يفكر ماذا سيفعل (وفجأه جائت أمامه صورة فرح...
كريم لنفسه: لاء مش معقول تكون هي، طيب واظلمها معايا ليه، عشان هي بنت على قد حالها وممكن ترضي بالوضع ده لفتره (لا لا انا مقدرش اعمل في واحده يتيمه كده. بس انا ممكن اعوضهاا بفلوس (ظل كريم طوال الليل يفكر في هذا الامر إلى انه عزم على امر ما
بدأت فرح اول يوم في عملهاا...
انسه فرح أستاذ كريم عايزك عشان في ورق ناقص
ذهبت فرح اليه، وعندما دخلت ترك كريم حسوبه ونظر اليهاا
كريم: اتفضلي اقعدي.
فرح (وهي تنظر للارض: لاء انا كده كويسه. حضرتك بتقول في ورق ناقص
كريم (وهو يقف ويقترب منهاا: اقعدي يا انسه فرح، انا عايزك في حاجه ضروري تخصك
فرح بقلق: خير في حاجه حضرتك صدرت مني اي تجاوزات
كريم بابتسامه هادئه زادت من وسمته: ههههه تجاوزات، ده انتي لساا مش بقيلك 3 ساعات بدء شغل، بس لاء ياستي ماحصلش منك اي تجاوزات
فرح بطمئننا (وهي تبعد نظرها عنه بعد ان جذبهاا صوته الحنون: طيب خير يافندم.
كريم: بصي يافرح انا هعرض عليكي عرض، وليكي حريه الاختيار انك توافقي وصدقيني هو ملهوش دعوه بالشغل
فرح (وبدء القلق يمتلكها مره اخري: عرض معايا انا
كريم بتنهيده: تتجوزيني
فرح بدهشه: نعم، حضرتك بتقول ايه (عن اذنك شكل حضرتك فاكر اني واحده رخيصه وعادي انك تلعب بيها يومين
كريم: انتي فاهمه غلط، احنا هنتجوز على سنه الله ورسوله(بس لفتره معينه.
فرح بحده: طبعا عرضت عليا العرض ده عشان انا بنت على قد حالها وهتوافق بي اي حاجه، ماهو طبعا حضرتك مين وانا مين (عرضك مرفوض يا استاذ كريم
كريم بحده وهو يمسك يدها: استني انا لسا مخلصتش كلامي (وبدء كريم يعرض عليها الطلب
هاا ياستي فهمتي اسبابي وعرفتي ليه انا بطلب منك كده (وصدقيني هديكي إلى انتي عايزاه وهيكون جواز على ورق بس.
فرح بحده: انا مش رخيصه يا استاذ كريم، ولولا اني محتاجه شغلك كنت سيبته فورا بس فتره مؤقته لحد مالاقي شغل. عن اذن حضرتك
تركته فرح وهو ينظر لها بذهول فكيف لفتاه في حالتها هذه ترفض عرضه
كانت فرح تقص ما حدث لهاا لصديقتها مي ببكاء
هو شايفني ايه يامي شايفني رخيصه اووي كده، ده بيقولي اتجوزك لفتره وهديكي إلى انتي عايزاه ولما تتخرجي هعينك في الوظيفه إلى انتي عايزاها في الشركه بس نتجوز لفتره (عشان وصية عمه.
مي وهو تربط على كتف صديقتها بأسي: لولا اني عارفه انك محتاجه الشغل عنده اووي، كنت هقولك سيبي الشغل
فرح بحزن: ليا رب هو الكريم (انا هدور على شغل تاني وبكره هروح اسحب ورقي، العالم ده احنا مالناش دخل بيه كله فلوس وصفقات، احنا بالنسبالهم ولا حاجه فاكريني انهم يقدروا يشترونا
مي: طيب يلا بقي كلي، ماما هتزعل اووي لو مأكلتيش وهتجي تضربنا احنا الاتنين
فرح بأبتسامه حزينه: حاضر هاكل اه
انت طلبت منها كده ياكريم.
كريم: اه ورفضت، بالرغم اني عرضت عليها اي مقابل هي عايزاه
عمر: مش كل الناس ياصاحبي تقدر تشتريها بالفلوس، في ناس مهما كان فكرامتها عندها اغلي بس يمكن معظم إلى اتعملت معاهم اهم حاجه عندهم الفلوس (فعشان كده معرفتش تميز بين إلى كرمته عنده اهم وبين الفلوس هي الاهم حتى لو هيبقي عبد ليها.
كريم بأسي: لو شوفت وهي بتكلمني، كانت الدموع هتنزل من عنيها بس كانت بتحاول متبينش اني جيت على كرامتهاا وجرحتها بالشكل ده، ده يمكن متجيش الشغل بكره وهيكون بسببي انا
عمر: ياسيدي ياسيدي شكلها أثرت فيك
كريم: فعلا اثرت فيا، يمكن زي ماقولت مقبلتش حد كده، معظم إلى بشوفهم اهم حاجه الفلوس وبس حتى لو هيبيعوا نفسهم عشانهاا.
عادت فرح إلى منزلهاا. وعندما وصلت إلى باب المنزل وجدت (هدومها وكتبها ملاقاه على الارض. وكريمه تخرج اليها من باب المنزل
كريمه بشر: يلا ياحلوه كده من غير مطرود شوفي حالك أنا استنيت عليكي اه اكتر من اسبوع احتراما بس للراجل إلى كان جوزي. بس البيت بيتي وانتي شوفيلك مكان تاني تعيشي فيه
فرح بحده(وقد جاء بعض الجيران بعد سماع صوتها: انتي بتقولي ايه البيت بيت بابا بيتك أزاي.
كريمه: هو انا مقولتلكيش، ابوكي قبل ما يموت كتبلي البيت بأسمي. والعقد اه (وكفايه الكام يوم إلى استحملتك فيهم وبكده يبقي معدنيش العيب
كان الجيران ينظرون على هذه الفتاه المسكينه ويشفقون عليهاا (ولكن ما بأيديهم حيله
فرح بحزن: طيب هروح دلوقتي فين، حرام عليكي ياشيخه (انا مش مصدقه ان بابا كتبلك البيت
كريمه بقسوه: روحي في ستين دهيه (مش كفايه فضلت مستحمله ابوكي كل ده، ثم اغلقت الباب في وجهه بدون رحمه.
فرح: انا هروح فين طيب دلوقتي يارب(يارب انا ماليش غيرك
مالك يافرح فيكي ايه (ومالك معيطه كده ايه إلى حصلك ما انتي كنتي مروحه من عندي كويسه. اوعي تكون الست ديه عملتلك حاجه
فرح ببكاء وهي تقص على صديقتها ما حدث
مي: ربنا ينتقم منهاا، وبدأت تحضن صديقتهاا بحزن على حالها.
فرح: انا اسفه يامي انا عارفه اني بتقل عليكي، بس انتي عارفه انا ماليش ولا عمام ولا خوال ولا حتى خالات (ماما مكنتش من هنا ومعرفش لينا قرايب. وقرايب بابا اصلا معرفش عنهم حاجه من سنين
مي: متقوليش كده يافرح (يلا تعالي استريحي وبكره نبقي نشوف هنعمل ايه مع الست ديه.
ظلت فرح طوال الليل تفكر في حالها فماذا ستفعل (فلو تحملها احد اليوم فلن يتحملهاا بعد ذلك والي اين ستذهب وكيف ستعيش فالعمل قد قررت تتركه، ومعاش والدهاا لا تعلم متي ستأخذه واذا أخذته فأين المكان الذي ستعيش فيه، ثم بدأت في البكاء على حالهاا
فرح بحزن: ممكن أقابل أستاذ كريم
رندا وهي تنظر لهاا بنظره كرهه: أستاذ كريم مش موجود ومش هيجي النهارده
كان يسمعها في هذه اللحظه احد العاملين
بعد أن تركتها وفرح وذهبت.
يا أنسه يا أنسه
فرح: نعم، حضرتك بتنادي عليا
العامل: أه يابنتي، ده عنوان فيله أستاذ كريم (هو النهارده مش جاي وممكن بكره كمان عشان عمه تعبان اوووي
فرح بأمتنان: بجد متشكره اوووي
العامل بأبتسامه: العفو يابنتي، ثم تركها وذهب.
كانت تقف امام هذا القصر وهي لا تعرف اهذا القرار صح ام خطئ، ولكن الظروف اجبرتها على هذا القرار ولم يوجد بيدهاا شئ سوا ان توافق على عرضه (فهو وعدها بأنها ستكون فتره مؤقته وسيكون مجرد زواج على ورق فقط...
فرح وهي تسأل الحارس: كريم بيه موجود
الحارس: كريم بيه خرج من بدري وفي هذه اللحظه...