رواية صدفة أم قدر للكاتبة سلسبيل كوبك الفصل السادس والعشرون
ادهم و رحيق نزلوا و قعدوا و بيتكلموا و بيضحكوا...
الباب خبط...
مها(بعياط): ادهم الحقني...
الكل اتصدم...
صفية: انتي ليكي عين تيجي هنا تاني...
مها: بليز يا ادهم الحقني...
ادهم قام و حط ايده في جيبه و قرب من مها...
ادهم(ببرود): خير؟
مها(بعياط): ابويا محتاج علاج ضروري يا ادهم و عملية ممكن تساعدني عارفة اني ظلمتك بس ممكن اعيش خدامة او اتجوزني فعلا انا آسفة اوعدك هجبلك البيبي اللي انت نفسك فيه...
ادهم: نسيت اعرفك بمراتي...
ادهم شال ايده من جيبه و اسيل قربت منه و شبكت ايدها في ايد ادهم، و ادهم قرب ايدها منه و باسها.
ادهم: مراتي اسيل...
مها(لنفسها): الخطة هتفشل...
مها غارت جدا من اسيل لانها خدت مكانها...
مها(بدموع): بجد الف مبروك مبروك...
مها: ممكن تساعديني انتي؟
اسيل(ببرود): معرفكيش علشان اساعدك...
مها لسة هتقرب من ادهم، اسيل زقتها بعيد عنه.
اسيل: يعني يستحسن انك تروحي تشوفي حضن تاني يحميكي لان ادهم يبقي جوزي انا...
اسيل مسكت في ادهم اوي و حضنته...
رحيق: ما تمشي يا بت الله...
مها(بصريخ): و ربي لاوريكي يا بت انتي، ادهم ده يبقي حبيبي انا فاهمة...
اسيل(ببرود): كانت معاكي صلاحية و استخدمتيها غلط، و وقت الصلاحية انتهي من سنتين...
ادهم: عدي ابعت الحراس يخرجوها بره.
الباب خبط و مها بتخرج، باسم و غزل دخلوا...
غزل: صباح الخير.
اسيل(بابتسامة): صباح النور...
اسيل: هو انت مش ناوي تروح للدكتور علشان تتابع الحمل يا ابني...
باسم: اه صح...
غزل: يعني كنت ناسي انت مبقتش تحبني...
عدي: يا الله انا زهقت ليك يا باسم...
باسم: شوفتوا هرمونات الحمل.
ادهم: طب فين حماتي و حمايا؟
باسم: راحوا يجيبوا حاجات لرحيق...
رحيق: ليا انا؟!
باسم: اه...
ادهم: اسيل تعالي معاايا.
اسيل: فين؟
ادهم: تعالي بس...
ادهم خد اسيل و ركبها العربية و مشي...
عبدالرحيم: ادهم خلع انتوا مش هتخلعوا...
احمد: عندك حق يلا يا صفية...
صفية: اكيد مش قصده علينا...
احمد: لا انا عارف هو قصده علينا...
عدي: في ايه يا حاج الصبر...
سوزان: انا راحة النادي باي...
عدي: مش هتتغير...
عبدالرحيم: صفية اتغيرت اكيد هتتغير...
باسم: طب نخلع بقي نروح لدكتورة...
عدي: طير يا ابني...
عدي: يلا يا رحيق علي الشركة...
رحيق: لاحظ ان مستقبلي بيضيع...
عدي: طب انا و لا مستقبلك...
رحيق: ازاي تسأل السؤال ده يا عدي. مستقبلي طبعا.
عدي: يا واطية...
رحيق(بضحك): طب يلا...
رحيق و عدي مشيوا، و باسم و غزل...
احمد: تعالي يا صفية معايا...
صفية: ايه هتخرجني زيهم؟
احمد: ليه لا؟
عبدالرحيم: روحوا يلا...
عبدالرحيم برضو خرج من القصر...
-في عربية ادهم و آسيل...
ادهم مشغل اغاني رومانسية...
اسيل: هو احنا رايحين فين؟
ادهم(بحب): هنتغدي مع بعض...
اسيل: اه تمام...
ادهم مسك ايد اسيل و باسها...
ادهم: اسيل انا مش عايز غيرك في الدنيا دي انتي الاول و الاخيرة، مها كانت تجربة مكنتش حب حقيقي. انتي اللي ملكتي قلبي يا اسيل، بحبك.
اسيل: تمام...
ادهم: لا و النبي...
اسيل: قدامك لسة اسبوعين و خمس ايام، و اللي انا متأكدة منه انك هتعجز انك تخليني اثق فيك.
ادهم بصلها بحزن، اسيل مكنتش قادرة تستحمل نظرته دي و هي في ايدها سعادته...
اسيل: بص ايه رأيك نعمل اتفاق؟
ادهم: ايه؟
اسيل نامت علي كتف ادهم و مسكت في ايده.
اسيل: ننسي كل حاجة و نعتبر اننا اتنين مرتبطين بيتعرفوا علي بعض...
ادهم(بابتسامة): فكرة حلوة موافق...
ادهم وصل لمطعم و نزل فتح الباب لاسيل...
ادهم: يعني ملقتيش غير الفستان ده.
اسيل: ادهم هنتكلم في الموضوع ده كتير كدة...
ادهم مسك ايديها و دخلوا المطعم...
ادهم: عايزة اي ترابيزة؟
اسيل: براحتك...
ادهم اختار اخر ترابيزة بعيدة عن الناس نسبيا...
اسيل: ليه اختارت دي؟
ادهم: علشان اقدر اسبلك براحتي...
اسيل(بضحك): تسبلي، و انت بتعرف تقول كلام حلو.
ادهم: و كل اللي كنت بقوله ده ايه؟
اسيل: لا عايزة اسمع بقي...
ادهم: اقول ايه بقي...
اسيل و ادهم كانوا قاعدين جمب بعض و اسيل حطت دقنها علي ايديها و باصة لادهم...
ادهم: لا انا مش قد البصة دي...
اسيل(بابتسامة): ليه؟
ادهم: هضعف و ربنا...
جرسون: تحبوا تأكلوا ايه يا فندم؟
ادهم(بهمس): الله يخرب بيتك قطعت اللحظة...
ادهم(بضحكة صفراء): اه ما انا كنت مستمتع حضرتك قطعت اللحظة...
اسيل كانت بتحاول تكتم ضحكها...
اسيل(بضحك): احم آسفين حضرتك...
اسيل: تأكل ايه؟
ادهم: اي حاجة.
اسيل: هو القائمة فيها ايه؟
الجرسون: كل حاجة...
اسيل: اطلب انت يا ادهم.
ادهم: هات سي فود و.
اسيل: لا لا طبعا يعععع يا ادهم انت بتحبه.
ادهم: انتي مش بتحبيه؟
اسيل: هات يا بني وجبة علي مزاجك بس مش سمك و لا لحمة...
جرسون: يعني اعمل ايه؟
اسيل: هات الmenu و امشي.
ادهم: انتي مبتحبيش اللحمة و لا السمك.
اسيل: No...
ادهم: اومال لو عشنا لوحدنا هتعمليلي اكل ايه؟
اسيل قربت منه و وشهم كان قريب من بعض.
اسيل: هتأكل اللي انا هأكله صح؟
ادهم: يا بت انتي خطر و ربنا عليا.
اسيل(بضحك): يعني عجبتك...
اسيل: بص نجيب بيتزا...
ادهم: تمام...
و طلبوا بيتزا و قعدوا يتكلموا و يضحكوا...
-عند باسم و غزل...
غزل: مالك يا ابني؟
باسم: مش عارف متوتر خايف...
غزل: انا اللي حامل يا ابني.
باسم: برضو مش عارف.
ممرضة: مدام غزل.
غزل: تمام، هتيجي معايا و لا ايه؟
باسم: اه اه اكيد...
غزل و باسم دخلوا للدكتورة...
دكتورة(بابتسامة): اهلا اهلا، اتفضلوا...
دكتورة: ها اقدر اساعدكوا في ايه؟
باسم: هي حامل في الشهور الاولي يعني هو كدة...
دكتورة: شكلك متوتر...
غزل: معرفش ليه؟
دكتورة: هو شكل ده اول حمل...
غزل: اه...
دكتورة: طب اتفضلي معايا.
غزل نامت علي السرير و الدكتورة بدأت تفحصها...
الدكتورة: شايفين النقطة دي...
باسم: اه...
الدكتورة: هو ده البيبي...
باسم(بفرحة و دموع): بجد!
غزل: شكرا يا دكتورة...
دكتورة: ربنا يحفظه...
دكتورة: الادوية دي تمشي عليها علشان صحة البيبي ربنا يتمم علي خير...
باسم: شكرا يا دكتورة بجد شكرا...
باسم و غزل خرجوا...
باسم: انا مبسوط اوي حاسس باحساس جميل اوي...
غزل: و انا كمان...
باسم: تعالي هغديكي.
غزل: تمام يا حبيبي...
باسم: يا ايه؟
غزل: يا رزل...
باسم: بحبك...
-في مكان تاني...
عند احمد و صفية...
صفية(بدموع): بجد يا احمد انا كنت غبية اوي.
احمد: متقوليش كدة يا روحي...
صفية: مكنتش مقدرة حبك ليا و لا اني المفروض احب بيتي اكتر حاجة، بجد بشكر ربنا اني رجعت عن اللي كنت فيه...
احمد: حبيبتي يا صفية و انا بحبك في كل الاقات...
احمد: يلا بقي علشان المفأجاة...
صفية: يلا...
احمد خد صفية و راح علي محل مجوهرات...
احمد: انا شاري العقد ده مخصوص علشانك...
صفية: لا يا حبيبي ده غالي ايه رأيك نجيبه لاسيل كهدية جواز...
احمد: الغالي يرخصلك انتي و بس...
احمد حضن صفية و اشتروا عقد ليها و عقد لاسيل و روحوا...
-في مكان تاني...
عند عبدالرحيم...
عبدالرحيم راح المستشفي لاخته...
عبدالرحيم: يا دكتور هي اخبارها ايه؟
دكتور: حالتها مستقرة لكن لسة في الغيبوبة...
دكتور: الغيبوبة ممكن تقعد يوم شهر سنة عشر سنين مية سنة، منعرفش هتفوق امتي...
عبدالرحيم: شكرا...
عبدالرحيم راح لقبر صاحبه محمد و اتكلم معاه كتير و قرأ ليه الفاتحة و مشي...
-في مكان تاني...
عند كريم و ليلي...
كريم: ليلي ليلي...
ليلي: خير؟
كريم: شكل حضني لا يقاوم...
ليلي(باحراج): لا ابدا...
كريم: اه عارف، يلا قومي بقينا المغرب...
ليلي(بخضة): يا نهار بابا و ماما دول هينفخوني.
كريم: انتي ليه محسساني انك كنتي نايمة مع عشيقك انا جوزك يا بنتي...
ليلي قامت بسرعة و دخلت الحمام غسلت وشها و رتبت هدومها و شعرها، و خرجت...
ليلي: و لما يسألوني اشتريتي ايه و لا اختارتي ايه اقولهم ايه؟
كريم: قولي ليهم اني كنت مع حبيبي و جوزي بس.
كريم مسك ايدها و نزلوا راحوا القصر ملقوش غير احمد و صفية و عبدالرحيم...
صفية: ايه اللي اخرك؟
كريم: هي لما جت انا خلتها تنام و لسة صاحين...
احمد: نوم...
كريم: بس و الله.
احمد: ماشي يا كريم. ما هي مراتك حد يقدر يتكلم.
كريم: بقولها كدة من الصبح و الله...
-في مكان تاني...
عند عدي و رحيق...
رحيق: يا عدي امشي بقي حرام عليك...
عدي: لا ابدا...
رحيق: هتفضل باصص ليا و انا بشتغل كدة و فاتح باب مكتبك علي اخره.
عدي: بحبك بقي اعمل ايه؟
رحيق: يا رب عايز تحرجني و خلاص...
عدي: انا بحبك يا رحيق اعملك ايه. انتي بقي سحرتيني و لا عملتي ايه عايز اعرف...
رحيق: لا و الله...
عدي: اه...
-عند ادهم و اسيل...
اسيل: هتفضل باصص ليا كتير.
ادهم(بحزن): انتي ممكن تسيبيني و تمشي يا اسيل.
اسيل: و الله انت و قدراتك بقي...
ادهم(بحزن): و لو مقدرتش...
اسيل: اووووووووف...
ادهم: آسف...
اسيل خدت نفس عميق غمضت عنيها ثانية اتنين تلاته و فتحتهم...
اسيل: ادهم انا بحبك...
اسيل: و بثق فيك و بحس بالامان معاك، و مستحيل ابعد عنك...
اسيل: بس بربيك و بعاقبك عندك مانع...
ادهم ابتسم و بعدين ضحكته وصلت لغاية ودانه و بصلها بكل حب...
ادهم: و انا بحبك اوي...
اسيل: بس انا مليش في جو الرومانسية الاوفر تمام.
ادهم: بمعني؟!
اسيل: ماشي يعني ممكن تقولي كلمة حلوة تدلعني لكن علطول رومانسية و كدة لا...
ادهم: تمام...
اسيل: عايزين نعمل فرح كريم و ليلي و عدي و رحيق بقي...
ادهم: تمام، هشوف الموضوع ده...
اسيل: ممكن اطلب طلب...
ادهم: اكيد.
اسيل: كنت عايزاك تعلم طارق ازاي يعني يعتمد علي نفسه و كدة...
ادهم(بصوت عالي نسبيا): و النبي انا و انتي مع بعض تقومي تجيبي سيرة الزفت طارق...
اسيل: لا مش كدة اقصد يعني انا وعدته...
ادهم(بعصبية خفيفة): اعمله ايه يعني الله؟
اسيل باست ادهم من خده و من رأسه...
اسيل(برقة): بليز يا ادهم مترفضش...
ادهم: لو مكنتيش حلفتي بس...
اسيل ضحكت و ادهم ضحك...
ادهم: يلا نروح...
اسيل: تمام...
ادهم مسك ايد اسيل و كان في قمة سعادته و ركبها العربية و ركب جمبها...
ادهم: شوفي عايزة شهر العسل يبقي فين؟
اسيل(بصدمة): شهر عسل مين؟
ادهم: انا و انتي، اومال هنفضل زي الاخوات كدة.
اسيل: ابقي افكر ان شاء الله سوق انت بس...
ادهم: بتتكسفي يا بيضة...
اسيل: ابدا...
ادهم و اسيل وصلوا للقصر...
ادهم: اهلا يا جماعة...
صفية: اهلا يا حبيبي، اخبارك يا اسيل؟
اسيل: الحمد لله يا طنط...
صفية: انا جيبالك هدية صغيرة ممكن تقبليها...
اسيل(بحرج): يعني علي حسب يعني علي حسب الشخص و علي حسب الهدية و المناسبة...
صفية: انا جايباها علشان اعتذرلك عن اللي عملته معاكي...
اسيل: لايا طنط عادي انا مسمحاكي.
ادهم: طب و انا...
اسيل: لسة فاضل اسبوعين و خمس ايام...
عبدالرحيم: انا عايزك تربيه كدة يا اسيل...
ادهم: ما تخليك في حالك...
عبدالرحيم: ولد...
صفية طلعت علبة فيها عقد شيك من الماس.
اسيل: ماس لا مبحبش البسه...
صفية: طب علشان خاطري...
اسيل: طيب يا طنط...
ادهم: خلي عنك يا ماما انا هلبسه ليها فوق...
اسيل: لا مش بثق فيك...
ادهم: هلبسهولها هنا...
ادهم لبس لاسيل العقد و كان عليها جميل اوي...
ليلي: شيك اوي...
اسيل: خديه يا روحي براحتك...
كريم: هتجوز امتي؟
عدي: جواز انا سمعت سيرة جواز ها هتجوز امتي بقي؟
احمد: انتوا مستعجلين كدة ليه؟
رحيق: معرفش ايه ده؟
ادهم: خلاص بكرة ننزل و ننقي الفساتين و البدل...
ليلي: تمام...
ادهم: و الفرح هيبقي بعد امتحانات غزل و ليلي و رحيق...
كريم: ماشي نستني شهر مش مشكلة...
عدي: طب نطلع ننام...
اسيل: انت استحلتها...
رحيق: معرفش يا اسيل...
عدي: و النبي...
اسيل: رحيق اتصلي بباسم و قوليله اذا كان في البيت روحي مش في البيت خليكي هنا لغاية ما يجي...
رحيق: لا ماما و بابا هناك، هروح.
رحيق حضنت اسيل وجريت علي بره...
اسيل: احم هو فين الاكل؟
ادهم شال اسيل...
ادهم: الغداء فوق بقي...
اسيل: لا ادهم نزلني...
ادهم: ابدا...
عدي: لاحظ ان في شغل متأخر بس ليكون في علمك...
كريم: طيب استأذن انا...
كريم مشي...
-في مكان تاني...
في فيلا عائلة الجارحي...
نيرة: بصي بقي يا رحيق اشتريت ليكي هدوم حاجات كتيرة للجواز يا روحي...
رحيق(بدموع): شكرا يا ماما...
سامر: مفيش شكرا لبابا اللي لف علي رجله طول النهار...
رحيق(بدموع): شكرا شكرا اوي...
رحيق حضنتهم هما الاتنين...
باسم: خيانة.
باسم: بتعيطي مين مزعل مراتي و بنتي و اختي و حبيبتي و كل حاجة؟
سامر: انت عارف رحيق هي كدة لوحدها...
باسم: يا سلام...
باسم شال رحيق علي كتفه و لف بيها، و رحيق بتضحك...
باسم: تيجي يا غزل؟
غزل: لا ابني...
باسم: براحتك كنت هدلعك، مدلعة يا رحيق؟
رحيق(بفرحة): اه انا بحب الحركة دي...
غزل طلعت و باسم طلع وراهم...
-عند ادهم و اسيل...
اسيل: يا ادهم عايزة اتغدي ابعد...
ادهم: لا مفيش نزول...
اسيل(بعصبية): ادهم عايزة اكل الله...
ادهم: طب تتأكلي و لا تأكلي؟
اسيل: لا و النبي ازاي يعني هتأكلني مثلا، انا عايزة اكل...
ادهم: لا...
اسيل: رزل، طب نزلني طب...
ادهم رمي اسيل علي السرير، و نام جمبها و قيد حركتها...
اسيل: يا ادهم بتخنق اوف...
ادهم: في كذا حاجة نتكلم فيها بقي...
اسيل: و انت ماسكني كدة؟!
ادهم: اه...
ادهم: مبدأيا كدة احنا ان شاء الله هنكمل حياتنا مع بعض لازم بقي تحترميني قدام الكل و تبقي زوجة مطيعة شطورة جميلة كدة، تلبسي حلو و محترم. و تسمعي الكلام يا اسيل، و متتكلميش مع اي راجل غريب و متضحكيش مع حد و لا تهزري مع حد غيري فاهمة، و اللي اقولك متلبسهوش و انتي خارجة تلبسيه هنا عادي قدامي انا و بس، و متروحيش في اي حتة غير بأذني المهم اكون عارف، وقت ما تحتاجي حاجة تيجي تقوليلي انا وقت ما تكوني زعلانة مني تيجي تعاتبيني و تقوليلي انا زعلانة منك، وقت ما تكوني فرحانة بخبر انا اول واحد اكون مشاركك فرحتك، فاهمة؟!
ادهم بص علي اسيل لقاها نامت...
ادهم(بضيق): اسيل اسيل...
ادهم كان هيقوم لقي اسيل شدته تاني...
اسيل: مبدأيا كدة لازم تحترمني قدام الكل و متكلمش اي ست غيري انا و امك و اختك، و متهزرش مع اي بنت و متضحكش قدام اي بنت و تتعامل مع العملاء الستات عندك برسمية، ترد غيبتي قدام الكل و تلبس دبلة فضي للدلالة علي انك متجوز، و تلبس اللي انا اقول عليه، و تجبلي كل شوية هدايا و شيكولاتات، و تعاملني كأني بنتك، و كل يوم تجيب ليا شيكولاتة بليل، و تحكي ليا قصة و تشاركني مشاكلك اللي في الشغل، و لما تكسب صفقة نحتفل انا و انت بيها، فاهم؟!
ادهم: يعني صاحية...
اسيل: كنت بسمعك مش ده من صفات الزوجة المطيعة...
ادهم: كلي بعقلي حلاوة...
اسيل: و اه كل اسبوع نلعب ملاكمة مع بعض...
ادهم: موافق...
اسيل(بابتسامة): تمام...
ادهم: بحبك...
ادهم و اسيل قعدوا يتكلموا و يضحكوا...
ادهم: هقوم انا اشوف شغلي...
اسيل: تمام...
اسيل: هقوم اغير...
اسيل قامت و لسة هتمشي ادهم حضنها من ورا و باسها من رقبتها و كتفها...
ادهم: اوعديني انك تفضلي معايا...
اسيل لفت ليه و حضنته...
اسيل(بهمس): موعدكش يا ادهم...
و بعدين بعدت عنه شوية...
اسيل: انا ملغتش تذكرتي لامريكا يا ادهم...
- اسيل سابته و دخلت غيرت لبيجامة عبارة عن شورت و تي شيرت و لمت شعرها علي شكل كحكة و حطت روچ وردي هادي.
اسيل: انا هتفرج علي التلفزيون...
ادهم(بحزن): و انا هغير و ادخل اشتغل في المكتب.
ادهم غير هدومه لبنطلون وتيشيرت بيتي و دخل اوضة المكتب و اسيل بتتفرج علي التلفزيون...
-عند باسم و غزل...
باسم: شايف ان في ناس بدأت تغير.
غزل: لا ابدا...
باسم: ممكن...
و بعدين باسم شال غزل و قعد يلف بيها، و هي تضحك بصوت عالي...
باسم: مبسوطة؟
غزل(بضحك): اه...
باسم: دايما، تعالي بقي ننام.
غزل: اشطا.
باسم حط غزل علي السرير و حضنها...
باسم: بصي بعد ما تولدي هنأخد فيلا في الكمبوند هنا جمب الكل و نبقي نجيب مامتك و والدك علشان الولادة و كدة...
غزل: طب ما تخلينا جمب طنط و عمو...
باسم(بتفكير): هبقي اشوف.
غزل: هتخليني اروح اشوف ماما...
باسم: انا خايف علي البيبي.
غزل: بس انا نفسي اشوف ماما و بابا...
باسم: هخليهم يجيوا في فرح كريم و ليلي و عدي و رحيق...
غزل: شكرا...
-عند نيرة و سامر...
نيرة: انا خايفة سالي و سارة مش ظاهرين...
سامر: انا مش عايز أذي سالي علشان باسم و رحيق.
نيرة: مش عارفة نعمل ايه...
سامر: انا خايف علي اسيل...
نيرة: ربنا يحفظها و ادهم بيحبها اكيد هيحميها بروحه...
سامر: ادهم بيحب اسيل و انا بموت فيكي...
نيرة(باحراج): شكرا...
سامر: نفسي اعرف اسيل مطلعتش بتتحرج ليكي ليه؟
نيرة: مين قالك كدة اسيل بتتحرج بسرعة علفكرة بس قناع البرود هو اللي مش مبين...
سامر: ماشي يا ستي، اخيرا هبقي جد.
نيرة: ايوه، و انا كمان عقبال اسيل و رحيق...
سامر: ان شاء الله...
-عند ليلي...
تليفون ليلي رن، الخط اتفتح...
ليلي: الو، مين؟
مجهول: ازيك يا ليلي.
ليلي: مين؟
مجهول: مش مهم...
ليلي: خلاص هقفل...
مجهول: عندي كلام مهم ليكي...
ليلي: خير و مين انت اساسا؟
مجهول: هبعتلك صور كدة شوفيها و قولي ايه رأيك.
ليلي لقت صور كتير اتبعتت ليها متركبة و كانت صور ل ليلي في اوضاع مختلفة...
ليلي(بخوف و دموع): ايه ده؟
مجهول: ايه رأيك بقي يا حلوة.
ليلي: الصور دي مش حقيقية...
مجهول: قدامك يومين لتجيبي 5 مليون جنيه لصورك تنزل علي النت، و كمان انتي من عائلة الشافعي يعني سمعتكوا مهمة...
ليلي(بدموع): بس انا مش هعرف اجيب المبلغ ده كله ارجوك...
مجهول: قدامك يومين اتصرفي، و لو قولتي لحد من عائلتك اعتبري ان صورتك اتنشرت...
المجهول ده قفل الخط، و ليلي قعدت تعيط لغاية ما نامت...
-عند ادهم و اسيل...
ادهم كان تعب اوي لانه اشتغل كتير و خرج لاسيل.
ادهم(بتعب): منمتيش.
اسيل: لا نايمة بس عاملة نفسي صاحية...
ادهم(بتعب): لمضة و مش هتتغيري...
اسيل: طول عمري...
اسيل: مالك شكلك تعبان؟
ادهم: خديني يا بنتي جمبك اشتغلت شغل شهر كامل...
اسيل: متعطلش شغلك بعد كدة.
ادهم رمي نفسه علي السرير و حط رأسه علي رجل اسيل، اسيل لعبت في شعره...
ادهم: بطلي الحركة دي، بتبوظي شعري...
اسيل: لا بقي هلعب براحتي...
ادهم(بحدة): اسيل...
اسيل(بحزن): خلاص مش عايزة العب...
ادهم(لنفسه): و ربنا طفلة ينعل او كدة...
ادهم عدل من نومته، و مسك دقن اسيل...
اسيل: ابعد...
ادهم: خلاص يا ستي آسف تمام كدة...
اسيل: بص بعد كدة متعتذرش علي اي حاجة.
ادهم: اومال بلاش تجننيني...
اسيل: بص بعد كدة لو موضوع كبير اكيد اعتذر، لو حاجات تانية عادية جيب شيكولاتة و بوسة علي خدي...
ادهم: حاضر يا طفلتي...
اسيل: تمام...
و بعدين جت رسالة لادهم علي تليفونه...
اسيل: مين؟
ادهم: بلاش شك، هفتحها قدامك...
ادهم فتح الرسالة لقي صورة لاسيل و هي في حضن واحد...
ادهم بص لاسيل...