قصص و روايات - قصص رومانسية :

رواية صدفة أم قدر للكاتبة سلسبيل كوبك الفصل الرابع

رواية صدفة أم قدر للكاتبة سلسبيل كوبك الفصل الرابع

رواية صدفة أم قدر للكاتبة سلسبيل كوبك الفصل الرابع

نبدأ فصلنا في وقت الفجر مع بداية الشروق...
سعيد و غزل وصلوا لعمارة باين عليها الرقي...
سعيد: انا عائلتي بتشتغل هنا...
غزل: بجد يا سعيد شكرا ليك...
سعيد: انتي تؤمري بس يا غزل، و انتي خسارة في البلطجي اللي كان ابوكي هيجوزه ليكي.
غزل: تسلم...
سعيد: استني هنادي عليهم...
سعيد دخل لقي والده واقف بيحرس العمارة...
سعيد: ازيك يا حاج...
والد سعيد: اهلا يا سعيد عامل ايه وحشتني...
و حضنوا بعض...
سعيد: دي غزل...

غزل(باحراج): ازيك يا عمو...
والد سعيد: هو انتي متعرفيش اني خالك و لا ايه؟!
غزل(بصدمة): انت اخو ماما...
والد سعيد: اه يا روحي...
غزل حضنته و قعدت تعيط...
والد سعيد: خلاص يا بنتي اديكي قاعدة معايا اهو تملي علينا الدنيا...
غزل: بجد شكرا شكرا لحضرتك يا خالو...
سعيد: الحق ارجع علشان محدش يشك فيا. باي.
سعيد مشي، و والد سعيد خد غزل و دخل باب صغير كدة في جنينة العمارة...
والد سعيد: يا ام سعيد...

مامت سعيد: اهلا اخيرا جيتي اتوحشك اوي يا روحي.
غزل: شكرا يا طنط...
مامت سعيد: نامي بقي لغاية الصبح...
غزل دخلت نامت...
-الصباح طلع و بقوا في وقت الظهر...
رحيق: بت بت بت...
اسيل: ايه يا رحيق؟!
رحيق: انتي من ساعة ما صحيتي مسبتيش اللاب بتاعك...
اسيل: اكيد بظبط الاسئلة و المعلومات علشان متلغبطش...
رحيق: طب هتلبسي ايه؟
اسيل: بدلة...
رحيق: لا لا يا اسيل طب في امريكا عادي هنا لا.

اسيل(ببرود): روحي شوفي انتي هتلبسي ايه و متشغلنيش...
رحيق: محدش يقدر يغير رأيك...
اسيل: ادعي بقي...
رحيق: تيب...
اسيل: تيب...
رحيق: اتريقي اتريقي دي ثقافة التافهين بس علفكرة.
اسيل: قصدك المجانين يا مجنونتي...
رحيق: انا راحة اشوف البس ايه سلام مؤقت...
رحيق قعدت تدور هتلبس ايه، و اسيل كملت شغل...
-في مكان تاني...
في قصر عائلة الشافعي...
عدي: فاضل ساعة الكل يطلع يجهز...

ليلي: ادهم انا مش عايزة اروح علشان شكلي...
ادهم(بحنية): انتي هتفضلي جميلتي مهما حصل فاهمة و هتيجي...
ليلي: بجد!
ادهم: انتي مراتي و حبيبتي و اختي و كل حاجة.
كريم(بهمس): طب اقوم اضربه و لا اعمل ايه؟
عدي(بهمس): راجل اعملها...
كريم بصله بكل غضب...
كريم: طب يلا نطلع بقي نلبس، هروح فيلتي باي.
كريم مشي و ادهم و الكل طلع يلبس.

-ادهم اختار بدلة رمادي زي لون عيونه و جذمته السوداء اللي بتلمع و ساعته السوداء الماركة. و حط البرفيوم الخاص بيه، و نزل...
-عدي لبس بدلة سوداء و جذمته و ساعته الماركة و حط البرفيوم بتاعه، و نزل...
-كريم لبس بدلة رصاصي زي لون عيونه و جذمته و ساعته و حط البرفيوم بتاعه، و خرج من الفيلا لقصر ادهم الشافعي...

-ليلي لبست فستان شيك باللون الاسود مفتوح من الجمب و لمت شعرها علي شكل كحكة، و لبست صندل و بعض الاكسسوارات، و نزلت...
-عبد الرحيم لبس بدلة تناسب سنه و نزل للباقي.
-سوزان و صفية لبسوا افضل و اشهر الماركات و فساتين تليق بيهم...
-احمد لبس بدلة زي ابنه بنفس اللون...
ادهم: يلا الكل علي العربيات...
و كل واحد ركب عربية...
-في مكان تاني...
في امريكا...
فردوس: شغلوا التلفزيون...
محمد: انا جاهز...
و الكل راح قعد...

باسم(لنفسه): استرها يا رب...
-عند رحيق و اسيل...
-رحيق لبست فستان باللون الكشميري قصير لقبل الركبة بحمالة عريضة شفاف من قدام، و مفتوح من ورا، و لبست صندل شيك و سيبت شعرها...
اما اسيل لبست بدلة باللون الكشميري الغامق. و سيبت شعرها و صندل اسود بكعب، زي في الصورة...

رحيق: مع انك لابسة بدلة بس قمر...
اسيل: انتي احلي. يلا بينا.
رحيق و اسيل نزلوا...
اسيل: اهلا.
والد سعيد: اهلا يا ست هانم...
اسيل: اسيل بس...
والد سعيد: حاضر يا ست اسيل...
رحيق: يلا بينا...
فادي: انا جيت و في حراس موجودين.
اسيل: تمام...
اسيل: عايز حاجة حضرتك؟
والد سعيد: لا شكرا...
اسيل و رحيق ركبوا عربية و ليها سواق خاص و فادي قاعد قدام جمب السواق...
-عائلة الشافعي وصلت لمكان المؤتمر...

و ادهم نزل بكل وقار و كل العائلة راحت قعدت لترابيزة خاصة بيهم...
رحيق: خايفة.
اسيل: انا معاكي...
و بعدين الكل لاحظ عربيتين سوداء جت و نزل منها في حدود عشر حراس، و كلهم عملوا زي دايرة، و فادي نزل فتح الباب لاسيل...
اسيل نزلت بكل رقي و كل برود و ثقة...
كانت في كاميرا قدام باب قاعة المؤتمر بتتعرض في القاعة. و الكل كان مركز علي البنت اللي نزلت دي.
صحفي: دي الصحفية اسيل الجارحي...

عبدالرحيم و احمد ركزوا في الشاشة. و ادهم بص مرة و لقي انها نفس البنت اللي هو انقذها...
ادهم(لنفسه): كدبت ليه و قالت انها اسمها نرمين.
و بعدين اسيل راحت فتحت الباب لاختها رحيق. و مدت ليها ايديها...
رحيق: مش خايفة؟
اسيل: سألتي السؤال ده مية مرة. يلا.
فادي: متخافيش هنراقب الكل...
اسيل(ببرود): تمام.
اسيل دخلت هي و رحيق و كل الانظار متجهة ناحيتهم...
رحيق: الكل بيبصلنا ليه؟

اسيل(ببرود): رحيق انتي بقالك قد ايه مجتيش معايا مؤتمر جمهوري؟!
رحيق: كتير.
اسيل: اه تمام.
و اسيل و رحيق قعدوا في الترابيزة اللي قدام عائلة الشافعي، و فادي جه قعد...
فادي: كله تمام يا اسيل.
اسيل: تمام...
عدي كان مركز مع رحيق و اسيل اوي...
ليلي: عمرك ما شفت بنات؟
عدي: ها لا هما دول مش بنات دول ملائكة...
ادهم(ببرود): ميغركش المظهر...
احمد و عبد الرحيم قاموا ناحية اسيل و رحيق...
صفية: ابوك رايح فين؟

ادهم: معرفش...
احمد: احم انسة اسيل ممكن نقعد؟
اسيل(باحترام): اتفضلوا...
عبدالرحيم: ممكن نسأل حضرتك كام سؤال؟
اسيل: كارنية الصحافة.
احمد: احنا مش صحفيين...
اسيل(ببرود): يبقي مش مجبورة اني اجاوب.
عبدالرحيم: هو ممكن بس تشابه اسماء ممكن تسمعينا؟
رحيق(بهمس): اسيل بلاش تكسفيهم...
اسيل خدت نفس عميق...
اسيل: اتفضلوا.
احمد و عبد الرحيم قعدوا مع اسيل و فادي و رحيق.

عبدالرحيم: هو انتي اسمك اسيل الجارحي حفيدة محمد الجارحي؟
اسيل: اه انا...
عبدالرحيم: جدة حضرتك اسمها فردوس؟
اسيل(ببرود): اه، حاجة تاني؟
احمد: لا شكرا معلش عطلناكي...
اسيل(باحترام): و لا يهم حضرتك...
احمد و عبدالرحيم رجعوا ترابيزتهم...
صفية: ايه عجبوكوا؟!
احمد: صفية دول قد ولادنا...
ادهم: في ايه يا بابا؟
عدي: وقت المؤتمر...
كل رجال الاعمال قاموا و قعدوا زي علي منصة...
و كل الصحفين قعدوا في مكان مخصص ليهم.

رحيق: بالتوفيق...
اسيل: تمام، فادي خلي بالك منها...
اسيل راحت قعدت في الصف الاول...
و الصحفيين بدأوا يسألوا، اسيل بتسمع اجابات رجال الاعمال و اسئلة الصحفيين...
رحيق(بخوف): هي اسيل مش بتتكلم ليه؟
فادي: هو انتي متعرفيش اختك و لا ايه؟
بعد ما الكل خلص...
اسيل: استاذ عبد الرحيم الشافعي...
عبدالرحيم: اتفضلي.

اسيل: حضرتك طبعا ليك اسرة او بمعني اصح كونت اسرتك اللي هي بتتكون من ابناء و احفاد. بالنسبة لعائلتك ذات نفسها اللي هي والدك و اخواتك طبعا حضرتك فاهمني، عائلة حضرتك الماضية فين لم يسبق ان حضرتك تكلمت في الامور دي...
عبدالرحيم كان ساكت خالص و احمد مش عارف يعمل ايه...
عدي(بهمس): مش قولتلك خد بالك منها اذا كان عملت كدة مع جدك هتعمل معاك ايه؟
ادهم(بهمس): طب اخرس...
اسيل: ملقتش جواب...

عبدالرحيم: احم ايوه انا ليا عيلة بس والدي و والدتي توفوا و ليا اخت وحيدة بس...
اسيل: هل هي موجودة مع حضرتك هنا؟
عبدالرحيم: لا...
اسيل: طب اسمها ايه؟ او هي بتعاني من اي مرض لم يمسح ليها بالتواجد معنا هنا؟
عبد الرحيم خد نفس عميق و بص لاسيل بتعمق.
عبدالرحيم: اسمها فردوس، و بما انك جيبتي السيرة عايز اقول ليها حاجة، تسمحيلي؟!
-اما علي الوجه الاخر...

كانت فردوس و محمد و سامر و نيرة مصدومين، و فردوس كانت عنيها بتدمع...
فردوس(بهمس): قول يا اخويا...
اسيل: طبعا اتفضل استاذ عبد الرحيم...
اسيل شكت بان هو قصده جدتها بس حاولت تتناسي.

عبدالرحيم: عايز اقولك اني مفتقدك اوي اوي يا فردوس و انتي وحشاني اوي. ليه سبتيني و مشيتي. عارف اني قسيت عليكي بس ارجوكي ارجعي محتاجك اوي. مشتاق ليكي لما كنت بحط رأسي علي رجلك و كنت بشكيلك همي كنتي بتخففي عني، انا آسف ممكن ترجعي...
اسيل اتأثرت و كل اللي عندهم قلب اتأثر و رحيق عيطت و عدي كان مركز عليه و استغرب انها بتعيط.
اسيل(خدت نفس عميق): بعتذر لو كنت فتحت جرح قديم او اني تدخلت في شئ زي ده يعني...

اسيل: تمام...
اسيل: استاذ احمد.
احمد: اتفضلي...
اسيل: هل حضرتك فخور بابنائك الاستاذ ادهم الشافعي و الانسة ليلي؟
-علي الوجه الاخر...
فردوس كانت بتعيط و كانت مركزة معاهم...
محمد: انا لاول مرة معرفتش احدد قدرات اسيل...
باسم: حد يفهمني...
سالي: انا مش فاهمة برضو...
فردوس: انا بعد المؤتمر ده لازم اروح ليهم...
محمد: متأكدة من الخطوة دي؟
فردوس: اه...
محمد(بحب): و انا معاكي...
نيرة: ربنا يخليكوا لبعض...

احمد: طبعا فخور بابني و بنتي و كمان فخور بعدي هو ابن اخويا بس بعتبره ابني و كريم برضو، انا فخور بيهم كلهم...
اسيل: ربنا يخليهم لحضرتك، اكتر حاجة حضرتك ندمت عليها في ال business؟
احمد خد وقت يفكر...
عدي(بهمس): دي هتفرمك يا ادهم...
ادهم(بهمس): و لا عاش و لا كان...
كريم(بهمس): هنشوف...
احمد: معتقدش اني ندمت علي حاجة في الشغل...
اسيل: تمام شكرا...
المفروض ادهم اللي عليه الدور...
اسيل: استاذ رؤوف...

كريم(و هو بيحاول يكتم ضحكه): الحق...
عدي(بضحك): ادهم بقي بيطلع نار...
رؤوف: اتفضلي...
اسيل: طبعا كلنا عارفين ان ابن حضرتك في السجن.
الكل اتصدم و قعدوا يتهامسوا، رؤوف بص بغضب لاسيل، و ادهم و عبدالرحيم و احمد و عدي و كريم استغربوا...
اسيل(باستفزاز): شكله كان سر؟ بس الكل اكتشفه بقي النهاردة معلش...
اسيل: نكمل.

اسيل: بما ابن حضرتك اتقبض عليه بتهمة مخدرات اكيد اكيد الابن مش هيمشي في الطريق الغلط الا اذا شاف حد كبير بيعمل كدة...
اسيل: و اكيد حضرتك كنت قدوته، فايه اللي يثبت انك مش بتاجر في المخدرات؟
رؤوف(بغيظ مكتوم): مبدأيا ابني هيخرج لانه مظلوم ثانيا انا بخاف علي البلد اكتر من اي حد...
اسيل(بثقة): حضرتك عايز تفهمني ان الصحفية اللي شافته و هو بيسلم و بيستلم الفلوس و البضاعة كانت عامية و غلطت في الشخص مثلا...

رؤوف: و يا تري عرفتي منين انها صحفية...
اسيل: لان الصحفية اللي قدمت الشكوي و البلاغ و اللي هي تعتبر بالنسبة ليكوا مجهولة هي انا اسيل الجارحي...
رؤوف: انتي قد كلامك ده؟!
اسيل(بكل ثقة): طبعا...
روؤف لسة هيتكلم...
اسيل: تمام شكرا لوقت حضرتك...
و بعدها اسيل اجرت مع كذا رجل اعمال...
اسيل: استاذ ادهم الشافعي...
ادهم شاور ليها بمعني اتكلمي، لكن اسيل فضلت ساكتة، و الكل مستغرب...
ادهم: ما تتكلمي...

اسيل(ببرود): اعتقد انا مش خدامة عندك علشان تؤمرني بحركة ايدك...
ادهم: انتي اللي محتاجة مني الاجابات...
اسيل: بالعكس انا مجرد وسيط بينك و بين الناس. انا اللي بخلي الناس تشوف رجال و سيدات الاعمال ازاي، و مش بتكلم عليا كشخص بتكلم كصحفية.
ادهم(بغضب بسيط): اتفضلي...
اسيل(ببرود): كم عدد علاقاتك النسائية؟
الكل اتصدم من جرائتها و من كلامها المباشر...
رحيق: دي هتجيب مصيبة...
ادهم اتعصب جدا.

ادهم(بعصبية): ازاي بتقولي حاجة زي دي؟
اسيل(ببرود): مبدأيا علو صوتك دليل علي ضعف موقفك ثانيا تقدر تجد ليا تفسير بتغيير السكرتيرات بتاعة حضرتك في اقل من يومين بمعني ان كل يومين بتتوظف واحدة مختلفة...
ادهم: عادي ده شئ عادي هما مبيقدروش يتعاملوا مع طبعي...
اسيل(ببرود): يعني حضرتك شايف انهم هما اللي غلطانين مش العيب فيك؟
ادهم: طبعا هما...
اسيل(ببرود): بس انا متفقش مع حضرتك.
ادهم: شئ ميهمنيش...

اسيل(باستفزاز): تمام، تقدر تقول ليا البنت اللي قامت بالاعتداء بالضرب علي اخت حضرتك الانسة ليلي احمد الشافعي مع خمسة من زملاؤها ليه اختفت من الوسط و لقوا جثتها في بحر و بعد الشتريح طلع التقرير بانه تم تعذيبها و اغتصبها حتى الموت...
ليلي(بخوف): هي ازاي ازاي عرفت و ازاي ده حصل...
سوزان(بشماتة): علشان كدة...
صفية: اخرسي يا سوزان...
رحيق: اسيل بتدخل في اعراض...
فادي: هي مستحيل تعمل كدة...

ادهم كان متعصب جدا و عبد الرحيم و احمد وعدي و كريم خايفين من تهوره...
فردوس: اسيل غلطت اوي...
محمد: هي مش هتتعلم...
و في اقل من لحظة ادهم قرب من اسيل و رفع ايده علشان يضربها، اسيل ربعت ايديها و بصتله بتحدي...
اسيل(ببرود): اتفضل اضرب و نكشف عن الوجه الحقيقي لادهم الشافعي...
ادهم نزل ايده بغضب...
عبدالرحيم: خلاص يا ادهم...
عدي: بعد اذنك امشي يا انسة...
كريم: امشي...

اسيل: انا جاية هنا لوظيفة و اتفضلوا علي اماكنكوا هنهي الحوار...
الكل راح مكانه...
اسيل: بعتذر جدا لو كنت تدخلت في امور او قولت شئ مكنش ينفع اقوله بس انا بقدم اعتذاري للانسة ليلي احمد الشافعي مش للاستاذ ادهم احمد الشافعي، تمام...
ادهم استغرب جدا من كبريائها اللي منعها من الاعتذار ليه.
اسيل: و بكدة ابقي نهيت حواري، عن اذنكوا...
كل رجال الاعمال راحوا لاماكنهم و المؤتمر تحول لحفلة...

رحيق: انتي مجنونة ازاي تقولي كدة؟
اسيل(ببرود): رحيق مش فايقة...
فادي: و ربنا انتي معلمة، ادهم الشافعي اللي مستحيل حد يعصبه انتي قدرتي تعملي كدة...
اسيل(ببرود): الاستفزاز و البرود بيجروا في دمي...
اسيل: تعالي ثانية يا رحيق...
اسيل خدت رحيق و راحت لترابيزة ادهم الشافعي.
صفية: جاية ليه ها؟ و ربنا لاربيكي.
اسيل(ببرود): لما اكون جاية لحضرتك تقدري تربيني تمام...
عدي: حضرتك جاية ليه؟

اسيل: انا بعتذر لحضرتك يا انسة ليلي...
ليلي: و لا يهمك...
رحيق(بخوف): بعتذر ليكوا يا جماعة...
فادي: اسيل جدك و جدتك عرفوا انك قدمتي المؤتمر. و هما علي الفون...
اسيل خدت نفس عميق، و خدت الفون...
اسيل: الو...
فردوس: كسرتي كلامنا يا اسيل...
اسيل(ببرود): تيتة انتي عارفة عنادي لابعد حدود و انتوا اللي خلتوني اكدب عليكوا. و خدي رحيق كلميها بتزن علشان تكلمك...
رحيق(بهمس): يا كدابة بتلبسيني في الحيطة...

رحيق(بخوف): ازيك يا تيتة.
فردوس: متخافيش يا روحي انا عارفة انها بتلبسك...
رحيق: و ربنا يا تيتة هي غصبتني اجي معاها لمصر انتي عارفة انا قد ايه مطيعة و مؤدبة و محترمة صح هي عيلة صايعة و سافلة و قليلة الأدب...
اسيل(ببرود): طالعة لامك في الواطينة...
اسيل: تيتة باي احنا في اجازة لمدة شهر...
الخط اتقفل...
عبدالرحيم: هي جدتك هتنزل امتي؟
اسيل: اوعي تقول حضرتك ان جدتي تبقي اختك علشان هنزعل اوي.

احمد: احم ليه يعني؟
رحيق: اسيل بتكره حد يكدب عليها، و لما كانت بتسأل تيتة كانت بتخترع اسباب وهمية.
اسيل: عن اذنكوا يلا يا رحيق...
اسيل: فادي امن المكان...
فادي: انا مش مطمن لرؤوف...
اسيل(ببرود): ده واحدة ست مش هيقدر يعمل حاجة.
اسيل خدت رحيق و مشيت، و وصلوا البيت...
اسيل: مين انتي؟
غزل: انا غزل يا ست هانم...
اسيل: بتشتغلي هنا ايه؟
غزل: خدامة.
اسيل: متأكدة؟
رحيق: في ايه؟
اسيل: وراكي حكاية يا غزل...

غزل(بتوتر): ها لا خالص...
اسيل: ممكن، بس وقت ما تحبي تحكي اسمي اسيل الجارحي و هسمعك...
اسيل طلعت هي و رحيق. و رحيق طلعت اترمت علي السرير...
اسيل قعدت تشتغل علي اللاب لغاية ما نامت و هي قاعدة...
-في مكان تاني...
في الارياف...
والد غزل: و ربنا لاجيبها...
مامت غزل(بعياط): بنتي بنتي، انت السبب...
والد غزل: لو بتكدبي مش هتعرفي هعمل ايه؟
مامت غزل: حرام عليك بنتي...
والد غزل: اقول لشيخ البلد ايه؟ اقوله ايه؟

مامت غزل: بسبب ديونك هي هربت يا حبيبتي يا بنتي...
-في مكان تاني.
في امريكا...
الكل جهز هدومه و ذهبوا للمطار...
محمد: الطيارة جاهزة يلا.
فردوس: وحشتني مصر اوي...
سامر: اهو هنوصل.
نيرة: مصر دي جميلة...
باسم: اوي اوي لما روحتها كانت تحفة...
فردوس: بس لازم انزل بالشبشب علي اسيل.
سالي: مصر دي مقرفة اوي و فيها عدد سكان كبير و اماكن عشوائية و حاجة قرف...
نيرة: مصر من افضل و احسن البلاد...
-في مكان تاني...

في قصر عائلة الشافعي...
ادهم(بغضب): هي اتجننت ازي تقول كلام زي ده في المؤتمر؟
عدي: مش قولتلك خلي بالك...
كريم: دلوقتي هنعمل ايه بقي؟
احمد: انت اتسرعت و روحت كنت هتضربها...
ادهم: دي مكنتش خايفة و بصتلي بتحدي، العيلة دي تتحداني انا...
صفية: دي لازم تتكسر...
عبدالرحيم(بصوت عالي): اللي هيقرب منها هيلاقي عقابه مني...
احمد: خلاص يلا يا جماعة...
كريم: هستأذن انا.
عبدالرحيم: خليك معايا انا حاسس بحاجة...

ادهم: حاسس بإيه؟
عبدالرحيم: سعادتي هتكمل النهاردة...
سوان: حب و لا ايه يا uncle...
عبدالرحيم: يا رب احساسي يبقي صح...
-اما عائلة اسيل نزلت مصر...
محد: نروح نرتاح و بعدين نروح ليهم بكرة...
فردوس: لا لا النهاردة...
محمد: يا بنتي...
فردوس(بتصميم): النهاردة...
باسم: اسمع الكلام الستات نكدية اسمع مني...
محمد: يلا يا روحي...
فردوس: شكرا...
باسم: هتصل باسيل اخضها تمام...
باسم اتصل باسيل كتير...
الخط اتفتح...

اسيل(بخضة): في ايه يا باسم؟
باسم(بسرعة و خوف): اسيل هاتي هاتي رحيق و تعالي علي قصر عائلة الشافعي بسرعة...
و قفل التليفون...
اسيل(بخضة): باسم باسم...
و اتصلت بيه مردش...
نيرة: دي لما تشوفك هتأخد علقة محترمة...
باسم: ربنا يسترها...
الكل راح علي قصر الشافعي...
اسيل قامت بسرعة...
اسيل: رحيق رحيق...
رحيق(بخضة): ايه؟
اسيل: قومي البسي بسرعة من غير كلام...

-اسيل قامت لبست بنطلون اسود و تي شيرت ابيض بكم ¾ و مبين بطنها و لبست جاكت جلد اسود و كوتشي...
-رحيق لبست بنطلون واسع و تي شيرت بحمالة و علي القمر و كوتشي...
اسيل خدت رحيق بسرعة و مشيت...
نزلت جري تأخد العربية و طلعت علي قصر ادهم...
رحيق: حصل ايه يا اسيل؟
اسيل: معرفش.
اما عائلة اسيل وصلت للقصر...
حارس: مين؟
فردوس: نادي الاستاذ عبد الرحيم...
حارس: نقوله مين؟
محمد: قوله فردوس...

الحارس دخل بلغ الكل، عبدالرحيم طلع جري و اول ما شاف اخته جري عليها حضنها و قعدوا يعيطوا تحت نظرات الباقي...
عبدالرحيم: هونت عليكي يا فردوس...
فردوس: كنت خايفة يا اخويا...
ادهم: طب نخش جوا...
باسم: قولوا للحراس في بنتين جايين يدخلوا علطول.
عدي: تمام...
عبدالرحيم خد فردوس و قعدوا يتكلموا و يسلموا علي بعض...
اسيل وصلت و نزلت من العربية بسرعة و رحيق و راها...
اسيل: لو سمحت كنت عايزة...

لقت الحارس بيفتح الباب بدون كلام...
اسيل دخلت هي و رحيق بسرعة و خبطوا الباب...
الخدامة فتحت...
الخدامة: مين انتوا؟
اسيل: انتي لسة بتسألي؟
اسيل(بصوت عالي): باسم باسم
رحيق: باسم...
اسيل سمعت صوت باسم، راحت ناحية الصوت...
و لقت الكل مجتمع...
اسيل(بخضة): انتوا كويسين؟
فردوس: اه يا روحي...
رحيق: الله يسامحكوا خضتونا...
باسم(بخوف): بتبصيلي كدة ليه يا اسيل؟
اسيل(ببرود): ابدا بفكر هقتلك ازاي؟
باسم: ده انا اخوكي...

اسيل(ببردو): لا معرفكش...
رحيق: اسيل و ربنا المرة دي ما هخليكي تسيبيه، انطلقي...
نيرة: اسيل طب سلمي الاول...
اسيل: بعدين بعدين...
اسيل نزلت ضرب في باسم، تحت صرخات باسم...
اسيل: انا بقي مش هخليك تشقط ستات تاني...
باسم(بصريخ): الحقوني انتوا اتجننتوا...
سالي: يا مجنونة ابني.
نيرة و فردوس و محمد مسكوا اسيل...
اسيل(ببرود): و ربي و ربي لولا جدو و تيتة كنت خليتك متسواش شلن.
رحيق: روحي روحي خلاص اهدي...

باسم كان خلاص هيعيط...
اسيل كانت قعدت و الكل باصص ليها باستغراب شديد...
باسم(باختناق): انا همشي عن اذنكوا...
اسيل(ببرود): آسفة...
باسم: انا ماشي...
اسيل: اوف باسم خلاص...
باسم كان لسة هيمشي...
رحيق مسكته و اسيل نطت علي ضهره...
اسيل: انتي زعلانة يا بيضة؟
رحيق: ياختي بيضة بيضة...
باسم: و النبي...
اسيل: سماح يا ريس...
باسم: احم سيبوني افكر.
اسيل نزلت من علي ضهر باسم.
اسيل(ببرود): فكر بقي براحتك.

باسم: تعالي هنا بس انتي كلتي الجو في المؤتمر.
اسيل(بغرور): ده الطبيعي.
اسيل: بس ثانية ثانية هو احنا هنا ليه و انتوا جيتوا ليه و ازاي؟
عبدالرحيم: فردوس أختي...
رحيق و اسيل: اه يعني ده كان السر...
محمد: احم بنات.
اسيل: طب خليك في جمب يا عم محمد علشان دقيقة كمان و هغير من ام حلاوتك...
رحيق: ده انتي يغير منك بلد...
و الكل اتعرف علي بعضه.
فردوس: انا بعتذر يا ليلي يا حبيبتي علي اللي قالته اسيل...

ليلي: و لا يهمك يا تيتة...
رحيق: صحاب.
ليلي: طبعا...
ليلي: صحاب يا اسيل...
اسيل: احنا قرايب ايه لازمة الصداقة...
ادهم: بس اسيل لازم تعتذر ليا...
اسيل(ببرود): احلم...
ادهم: انتي غلطتي فيا...

اسيل: تنكر انك متعدد العلاقات النسائية. تنكر انك بتبدل كل يومين سكرتيرة ليك لانك بتكره ان شركتك تبقي مشبوهه. تنكر ان تم حادثة اغتصاب في جراج شركتك من يومين و تم رفض كلا من الشاب و الشابة مع اعطاء الشابة مبلغ مالي، تنكر انك انتقمت من البنت و الخمس شباب علشان اختك.
الكل انصدم من كم المعلومات الهائل اللي عندها...

الفصل التالي
جميع الفصول
روايات الكاتب
روايات مشابهة