رواية صدفة أم قدر للكاتبة سلسبيل كوبك الفصل الحادي والعشرون
اسيل: نيران ارفعي وشك.
نيران رفعت وشها، و بسمة اتصدمت...
بسمة(بهمس): اسيل عايزاكي...
اسيل: عن اذنكوا ثانية...
اسيل خدت بسمة و مشيت بعيد عن الباقي...
اسيل: في ايه؟
بسمة: دي دي...
اسيل: في ايه؟
بسمة: فاكرة اختي اللي قولتلك عليها...
اسيل: اه...
بسمة: دي اللي قتلتها...
اسيل اتصدمت جدا...
اسيل(بصدمة): ازاي؟
بسمة: لما روحت لاختي قبل ما تموت قالت ان البنت دي معاها عداوة و انها ممكن تقتلها باي لحظة و انها بتربي حيوانات، و اختي ماتت بثعبان نادر جدا مش موجود في مصر...
اسيل كانت مصدومة متلخبطة خايفة...
اسيل: بسمة هبقي اكلمك و اقولك وصلت لايه...
بسمة(بدموع): ماشي...
اسيل حضنت بسمة و باستها...
اسيل: انتي قوية...
بسمة مشيت و اسيل رجعت للترابيزة و هي مشتتة.
ادهم(بهمس): قومي يا نيران...
نيران: لا...
ادهم(بهمس): نيران لو بتحبيني...
نيران بدلت هي و ادهم، و ادهم قعد جمب اسيل...
ادهم(بهمس): اسف...
اما اسيل ملاحظتش اي حاجة و لا سمعت كلام ادهم...
ادهم: اسيل اسيل...
اسيل: ايه؟
ادهم: فينك يا بنتي؟
باسم: البت دي قالتلك حاجة!؟
اسيل: لا لا مقالتش حاجة...
رحيق: كانت عايزة ايه؟
اسيل: رحيق هو مش تحقيق...
ادهم: اسيل عايزك ثانية...
اسيل(ببرود و سخرية): لو في حاجة قولها هنا اصل انت كاتم اسرار اوي...
نيران: هو مقالش لحد غريب...
اسيل(بحدة): ممكن متدخليش في حياتي، لاني بجد ملييييت، حياتي قبل ما اشوف ادهم و اشوفك كانت احسن بكتير...
ليلي: اسيل هنحلي بإيه؟
اسيل: علي مزاجك يا روحي...
ادهم كان بيبص لاسيل بضيق ظاهر هو اضايق من تصرفها عارف انه غلط بس مش للدرجة دي...
كريم: انا عازمكوا علي الحلويات...
باسم: اومال مين اللي عازمنا علي الغداء؟
غزل: هو انت بخيل ما تعزمنا انت...
باسم: المدام اسيل خدت البطاقة اللي هدفع بيها...
اسيل طلعت تليفونها، الخظ اتفتح...
اسيل: الو...
شخص: الو، اقدر اساعد حضرتك بآيه؟
اسيل: لو سمحت انا اسمي اسيل الجارحي كنت عايزة احول فلوس من حسابي لحساب المهندس باسم الجارحي...
شخص: تمام يا فندم، المبلغ؟
اسيل: ربع مليون جنيه...
شخص: تمام يا فندم. هشوف الموضوع ده...
اسيل: شكرا معلش هتعب حضرتك...
اسيل: ملكش حجة يا باسم فلوسك هتتحول ليك قريب خلاص...
عدي: حقانية اوي يا اسيل...
اسيل: اه و بحب احقق العدالة اوي...
ادهم: مش يلا...
رحيق: مش هنحلي...
ادهم: نقعد علي الكورنيش شوية...
اسيل ابتسمت بخفة و ادهم قدر يلاحظ ابتسامتها...
ادهم: يلا يا اسيل...
اسيل: انا مالي...
اسيل سابته و مشيت...
و ركبوا العربيات و وصلوا للكورنيش...
نيران: تعالي يا ادهم نتمشي...
ادهم: هتمشي مع مراتي شوية...
اسيل(ببرود): لا هقدر اتمشي لوحدي...
اسيل سابتهم و مشيت و بعدين لقت اللي بيحط ايده علي كتفها...
اسيل: عايز ايه؟
ادهم: بحبك...
اسيل: اعملك ايه؟
ادهم: و الله يا اسيل مكنش قصدي...
اسيل: اومال؟
ادهم: كنت بحكي كل القصة علشان تساعدني اني اخليكي تحبيني...
اسيل(بحدة): لا و النبي فتحكي ليها سر محدش يعرفه الا عدد محدود...
ادهم: يا حبيبتي مكنش قصدي اسف حقك عليا...
اسيل(بضعف): يا ادهم...
ادهم: قلبه...
اسيل: ها؟
ادهم: قلب ادهم...
اسيل: عيونك حلوة اوي...
ادهم ضحك بصوت عالي...
اسيل: تحب اروح اجيبلك ارقام كل البنات...
ادهم: انتي حتى بتغيري عليا لما بضحك...
اسيل: تخيل كدة في مكان مليان رجالة و انا ضحكت بصوت عالي مثلا، هتعمل ايه؟
ادهم(بغضب): هكسر عضمك...
اسيل: ده اللي المفروض اعمله...
ادهم: ايوه بس انا راجل انتي الست...
اسيل: طول ما انتوا شايفينا اننا ملناش لازمة في الحياة مش هنعرف نعيش يا ادهم...
ادهم: انتوا ليكوا لازمة، بس برضو في فرق بين الراجل و الست...
اسيل: تعرف يا ادهم اني مش هكلمك الا لما تقتنع ان الست و الراجل واحد.
ادهم: لا و النبي...
اسيل زقت ايده و سابته و مشيت...
ادهم(بوجع): اسيل الحقيني...
اسيل جريت عليه بسرعة...
اسيل: انت كويس، حاسس بوجع. طمني.
اسيل لقت بيبص ليها بابتسامة...
اسيل: جتك القرف و انت مز...
ادهم: يعني كنتي خايفة عليا...
اسيل: ابدا...
كريم: هو انا مش شايف الا انكم انتوا اللي واكلين الجو...
اسيل: خليك في مراتك...
ادهم: بتتكلم كلام زي الفل، خليك في نفسك بقي...
رحيق: تعالوا نتصور...
اسيل: يلا، يلا يا غزل...
اسيل و غزل و ليلي و رحيق كانوا واقفين بيأخدوا وضعية الصورة...
ليلي: تعالي يا نوران...
نوران دخلت في الصورة...
باسم: بنات مجانين...
عدي: دول هيفضلوا ياخدوا الف صورة...
اسيل: ادهم يلا نتصور...
ادهم: يلا...
اسيل و ادهم اتصوروا كتير...
رحيق: هاتي اصوركوا صورة عادية مش سيلفي...
اسيل مسكت في رقبة ادهم و قربت منه و ادهم استغل قربها و مسكها و(لخيالكوا)...
عدي(بهمس): صاحبك ده هيفضحنا بين الناس...
اسيل: يا سافل...
ادهم(بحب): قلبه...
اسيل: ده حب اوفر الصراحة...
ادهم: انا بحب الحب الاوفر...
اسيل: اشبع بيه...
نوران: مش يلا...
اسيل(ببرود): لا هشرب حمص الشام...
نوران: يلا يا ادهم...
ادهم: احم اسيل معلش انا تعبت فنروح و اوعدك هجيبك هنا...
نيران بصت لاسيل بانتصار...
اسيل(ببرود): اه طبعا يا ادهم اتفضلوا، و انا هقعد هنا و هشرب حمص الشام و اللي مش عاجبه يتفضل يمشي، مش هاممني...
رحيق: و انا هقعد مع اختي...
عدي: و انا مش هسيب مراتي يعني...
ليلي: و انا عايزة اشرب حمص الشام...
كريم: قلبي هشربهولك...
نيران: خلاص نقعد يا دومي...
ادهم: ها يعني...
اسيل ضحكت ببرود...
اسيل: ايه التعب خف؟
اسيل سابتهم و مشيت...
رحيق: اسيل هاجي معاكي.
ادهم: خليكوا هنا...
ادهم راح لاسيل و مسكها و شدها ناحيته...
اسيل: ابعد يا ادهم، انا مش عايزة اضربك علشان الجرح اللي في ايدك...
ادهم: اسيل نيران طيبة و ملهاش حد فانا...
اسيل: فانا باجي عليكي علشان خاطرها...
ادهم: لا اكيد...
اسيل: ادهم انا و انت مينفعش نبقي مع بعض احنا عكس بعض تماما...
ادهم: قولي كلمة كمان و ربي هوريكي الجنون علي اصوله...
ادهم: يلا يا جماعة نروح...
و الكل ركب العربيات و وصلوا للقصر...
باسم: يلا يا جدعان باي انا تعبان...
غزل: و انا مش قادرة خدني معاك...
باسم خد غزل و طلعوا علي الفيلا...
رحيق: باي يا عدي...
عدي: باي يا روحي...
رحيق: عايز حاجة؟
عدي: لا هشوفك بكرة...
رحيق: باي...
كريم: كلها اسبوع و هتبقي في بيتي انا يا ليلي.
ليلي: اه اه ان شاء الله امشي بقي...
كريم: هاوديني هاوديني...
كريم راح علي فيلته...
و عدي و ليلي و نيران و اسيل و ادهم دخلوا القصر...
صفية: اهلا باللي مش معبرني...
اسيل: طنط ادهم تعبان...
صفية: متدخليش ده ابني...
اسيل: اوف و ده جوزي برضو يعني راحته مهمة...
نيران: ما انتي قولتي هتطلقوا...
اسيل: اه هنطلق عندك مانع...
اسيل: انا بجد زهقت...
اسيل طلعت علي اوضتها...
و بعدين باب القصر خبط...
الخدامة فتحت...
باسم(بصوت عالي): اسيييييل.
ادهم: في ايه؟
باسم: جدو و تيتة و مدام نيرة و بابا عملوا حادثة...
عبدالرحيم: لا...
باسم: بسرعة نادوا اسيل...
عدي: طب اهدوا...
ليلي طلعت جري و دخلت اوضة ادهم...
ليلي: اسيل اسيل...
اسيل: ايه يا بنتي لحقت اوحشك؟
ليلي(بدموع): جدو محمد و تيتة فردوس و عمو سامر و طنط نيرة عملوا حادثة...
اسيل اتصدمت و فضلت واقفة مش بتتحرك، فاقت علي حضن رحيق ليها...
رحيق(بعياط): الحقي يا اسيل...
اسيل بصت قصادها لقت ادهم واقف قدامها...
اسيل: كدب صح يا ادهم...
عدي مسك رحيق و حضنها...
ادهم حط وش اسيل بين ايده رغم وجع ايده بس استحمل...
ادهم(بحنية): حبيبتي احنا هنروح ليهم و هما هيبقوا بخير...
اسيل: مش هيسبوني صح؟
ادهم: لا يا حبيبتي...
اسيل: طب طب يلا نروح...
ادهم مسك ايد اسيل و نزل بيها...
عدي: رحيق متخافيش هما بخير...
رحيق(بعياط): بجد...
عدي: ان شاء الله...
ليلي نزلت وراهم...
و الكل ركب عربيته و راحوا علي المستشفي...
عبدالرحيم: اختي فردوس فين؟
احمد: اهدي يا بابا...
عدي: اهدي بس يا جدو...
اسيل(بهمس و ضعف): انت وعدتني انهم هيكونوا بخير صح؟
ادهم: اه يا روحي...
الدكتور: فردوس هانم في غيبوبة، نيرة هانم في كسر في ايديها. و سامر بيه كسر في رجله و ايديه، و للاسف فقدنا الاستاذ محمد...
اسيل كانت هتقع لكن ادهم مسكها...
رحيق(بعياط): جدو جدو يا اسيل...
عدي: هشششش اهدي يا حبيبتي...
عبدالرحيم(بدموع): صاحب عمري...
احمد: ادعيله يا بابا...
صفية(بهمس): الصبر...
غزل: هو في مكان احسن يا باسم...
باسم(بدموع): مش قادر اتحمل يا غزل...
غزل خدته في حضنها، عدي كان حاضن رحيق، ادهم ماسك اسيل...
اسيل: مش وعدتني انهم هيكونوا بخير...
ادهم: ده قضاء و قدر يا اسيل...
اسيل: بس ليه؟
ادهم: مش هنعترض علي حكم ربنا يا اسيل...
ادهم: جهزوا كل حاجة متعلقة بالدفن...
اسيل: يعني يعني هو هيسبني...
ادهم: انا معاكي...
اسيل(بصوت عالي): لا انت مش هتقدر تعوضني عن حبه هو...
ادهم(و هو بيحاول يهديها): هشششش، ادعيله يا اسيل هو محتاج دعواتك...
رحيق راحت حضنت اسيل و اسيل حضنتها جامد و عيطوا هما الاتنين...
سوزان(بهمس): اوفر...
باسم راح حضنهم...
باسم: خلاص هو عند ربنا...
اسيل: انا عايزة اروح...
ادهم قرب منها و شالها بالرغم من ان الجرح بتاعه اتفتح، و اسيل قعدت تعيط علي كتفه...
عدي: يلا يا حبيبتي اروحك...
رحيق: عايزة اشوفه...
عدي: مينفعش يا رحيق...
رحيق(بعياط): لا ينفع...
عدي شال رحيق...
رحيق(بعياط): ليه الكل عايز يسبني؟
عدي: انا مش هسيبك...
عبدالرحيم: احمد ظبط امور الدفن...
احمد: حاضر يا بابا...
احمد: طب روح انت...
عبدالرحيم: لا هقعد هنا جمب صاحب عمري و اختي...
صفية: اللي يريحك يا عمو...
عبدالرحيم: روحي انتي و سوزان و ليلي...
سوزان: يا عمو...
احمد: خلاص بقي اسمعوا الكلام...
باسم: خدوا غزل معاكوا...
غزل: مش عايزة اسيبك لوحدك...
باسم: لا متخافيش...
غزل و سوزان و صفية و ليلي مشيوا بسواق خاص...
باسم: هنعمل ايه؟
احمد: تعالي معايا يا ابني...
-في مكان تاني...
عند رحيق و عدي...
عدي وصل للقصر...
عدي: هتباتي هنا لغاية ما يرجعوا يعني...
رحيق بتعيط بس...
عدي شال رحيق و طلع علي اوضته و نيم رحيق في سريره...
رحيق(بعياط): بليز نام جمبي علشان بخاف...
عدي(بابتسامة): حاضر يا روحي...
عدي نام جمب رحيق و حضنها...
-عند ادهم و اسيل...
ادهم شال اسيل و وصل لاوضته و حطها علي السرير، اسيل قعدت موطية رأسها و بتعيط...
ادهم قعد قصادها و رفع وشها...
ادهم: حبيبتي. كلنا هنموت و هنطلع عند ربنا، انتي اصبري. ربنا هيعوضك...
اسيل(بعياط): انت بتنزل دم...
ادهم لاحظ ان التي شيرت بتاعه مليان دم و مبقاش حاسس بإيده...
اسيل قربت منه بخوف...
اسيل: استني هغيرلك علي الجرح...
ادهم: متخافيش انا هعمله...
اسيل: لا...
اسيل قامت جابت الاسعافات الاولية...
اسيل قلعته التي شيرت، و لقت جسمه مليان دم...
اسيل(بخوف): ان نتت حا سس س بب وج عع(انت حاسس بوجع)...
ادهم(بابتسامة): لا يا روحي...
اسيل بدأت تشيل الدم و لقت الجرح اتفتح و خيطته...
اسيل: هجبلك تي شيرت تلبسه.
اسيل لسه هتقوم ادهم شدها، قعدت ضهرها ليه. ادهم حط دقنه علي كتفها...
ادهم: عارف انه صعب بس انا جمبك مهما يحصل ماشي، بحبك...
اسيل قعدت تعيط و حضنته، ادهم حضنها...
اسيل(بعياط): هيوحشني...
ادهم: لا هو هيكون موجود معانا، و انا جمبك...
اسيل فضلت حاضنه ادهم لغاية ما نامت و ادهم نام...
و بعد كام ساعة...
الباب خبط...
عدي(بهمس): ادهم ادهم...
ادهم: في ايه؟
ادهم(بغضب): انت ازاي تدخل كدة و مراتي موجودة...
عدي وطي رأسه...
عدي(بهمس): الجنازة، اسف اني دخلت كدة...
ادهم: تمام امشي...
ادهم: اسيل اسيل، حبيبتي.
اسيل: نعم...
ادهم: هتقومي تلبسي علشان الجنازة...
اسيل بدأت تعيط تاني...
ادهم: اهدي يا روحي...
ادهم: قومي يلا...
ادهم قوم اسيل و دخلها اوضة الملابس...
اسيل: هات بنطلون و جاكت اسود يا ادهم...
ادهم: حاضر...
اسيل: و لا اقولك في فستان اسود عندي هاته.
ادهم دور في الهدوم و لقي فستان اسود بكم و طويل...
ادهم: اتفضلي...
ادهم خد هدومه و خرج من الاوضة...
ادهم لبس بدلة باللون الكحلي الغامق و قميص اسود، اسيل لبست فستان اسود طويل و بكم...
ادهم: جاهزة؟!
اسيل: اه...
ادهم مسك ايديها و نزل، لقي الكل تحت و لابس اسود...
رحيق(بعياط): شوفتي يا اسيل، هيدفنوه...
اسيل حضنت رحيق، و رحيق بتعيط...
اسيل: ادعيله يا روحي...
رحيق: هيوحشني اوي...
اسيل: بس انتي عارفاه هو هيبقي موجود معانا هو بيحبنا و مش هيسبنا...
رحيق: انا بحبه اوي...
اسيل: و انا كمان، و الكل بيحبه...
عدي: يلا...
كريم: العربيات جاهزة...
الكل ركب العربيات و راحوا علي المستشفي، و خدوه و راحوا للمدافن و دفنوه...
عبدالرحيم: هتوحشني يا صاحبي...
اسيل(بهمس): بحبك اوي و هنفذ رغبتك يا حبيبي...
ادهم جه و حط ايده علي كتفها...
ادهم: يلا...
اسيل: براحتك...
رحيق: هيوحشني يا عدي...
عدي حضنها جامد بيحاول يهديها...
عدي: هو هيوحش الكل يا روحي و هنبقي نيجي نزوره علطول متخافيش...
غزل: عارفة انه صعب بس ده قانون الدنيا يا باسم.
باسم: كنت بحبه اوي يا غزل...
غزل: و هو كان يتحب...
و الكل رجع علي بيته بعد يوم طويل متعب...
-في الصباح الباكر...
في اوضة ادهم و اسيل...
ادهم قام ملقاش اسيل جمبه...
اسيل: انا هنا...
ادهم قام بسرعة من علي السرير و راح علي الكنبه...
ادهم: ايه يا حبيبتي حصل حاجة؟
اسيل(بابتسامة): صباح الخير يا حبيبي...
ادهم اللي هو ايه مش مستوعب اساسا...
ادهم: انتي كويسة؟
اسيل شدت ادهم يقعد و هي قعدت علي رجله...
اسيل: بص يا ادهم عارفة اني غريبة بس اللي كان دايما جدو بيقوله ان الوجع بيبقي في القلب و ان لو شخص مات مش نوقف حياتنا عليه نكمل لاننا لو وقفنا حياتنا عليه يبقي الموت اهون لينا و طالما شخص راح مش هيرجع ليه منبصش للناس اللي مسئولة مننا و محتجانا، فانا قررت ارجع اسيل تاني في باسم و في رحيق محتاجني اني اقف جمبهم و في انت جوزي ليك حقوق عندي...
اسيل: تعرف ان جدو كان دايما بيطلب مني اسامح بابا و انا فعلا مسمحاه من زمان بس المرة دي مش هقوله يا استاذ سامر هقوله يا بابا، جدو هيفرح صح؟
ادهم: اكيد يا روحي...
ادهم باس رأسها...
ادهم: ربنا يكملك بعقلك...
الباب خبط...
اسيل كانت هتقوم ادهم مسك فيها...
ادهم: ادخل...
نيران: ازيك...
نيران: ده شكل واحدة جدها توفي؟
ادهم(بحدة): نيران متدخليش في حياة مراتي...
نيران: طيب تمام، هتبدأ شغل امتي؟
ادهم: هبقي اقولك...
نيران خرجت و قفلت الباب وراها بعصبية...
ادهم: اسف...
اسيل: اه انا هنزل الجريدة و هروح ابص علي تيتة و بابا و ماما...
ادهم: هاجي معاكي...
اسيل: لا انت بتتعب معايا كتير. خليك انت انت مقصر في شغلك شغلك مهم...
ادهم: بس انتي اهم...
اسيل(بهمس): اوفر...
ادهم: لا و النبي، طب ابقي قابليني لو قولتلك كلام حلو تاني...
اسيل: عادي، هروح اسمعه من بره...
ادهم: تمام علشان اكسر رقبتك...
اسيل: اهون عليك...
ادهم: لا طبعا...
اسيل: هخش البس...
ادهم: تمام، و انا هأخد دوش...
اسيل: اوك...
اسيل دخلت لبس بنطلون اسود و تي شيرت اسود عليه حروف باللون الابيض، و لبست كوتشي ابيض، ولمت شعرها...
ادهم: و بالنسبة للون الاسود هتغيريه امتي؟
اسيل: هشوف، خش انت البس...
ادهم: تمام...
ادهم لبس بدلة باللون الرصاصي و خرج لاسيل...
ادهم: يلا...
ادهم و اسيل نزلوا...
اسيل: اهلا...
احمد: اهلا يا حبيبتي...
اسيل: هي رحيق في الفيلا صح؟
احمد: لا انا خليت باسم و غزل و رحيق يجوا هنا...
اسيل: تمام، انا هطلع ليها...
اسيل طلعت علي اوضة رحيق ملقتهاش...
اسيل: لو سمحت، فين رحيق؟
خدامة: في اوضة عدي بيه...
اسيل: تمام شكرا...
الباب خبط...
عدي: ادخل...
اسيل دخلت لقت عدي حاضن رحيق و هي بتعيط.
رحيق(بعياط): اسيل...
رحيق قامت حضنت اسيل جامد و تعيط...
اسيل: معلش سبنا لوحدنا يا عدي...
عدي: تمام...
اسيل: رحيق انتي لازم تبقي قوية اجمدي كدة، لازم تفضي لشغلك و مستقبلك و جامعتك في ايه؟ لازم تشوفي حياتك المفروض كانت هتمشي ازاي، جدو كان موجود او مش موجود هتبقي واحد بمعني انه لو كان موجود كنتي هتشتغلي و هتروحي جامعتك و هو كان هيفرح ليه بقي منفرحوش و هو في تربته...
اسيل: انتي قوية و في ناس محتجاكي في عدي ده ليه حق عليكي، و هو عدي كفاية عنده انك تضحكي، رحيق احنا كلنا بنحبه بس لازم نتقدم في حياتنا...
رحيق: انا بحبك اوي.
اسيل: و انا بموت فيكي...
ادهم: طب انا مليش نصيب في الحب ده و لا ايه؟
اسيل: ده حب اخوي تحب تأخد منه معنديش مانع...
ادهم: لا و علي ايه...
عدي: فكي بقي يا رحيق...
رحيق: يعني انت لما تقولي فكي انا هفك علطول...
عدي: بس انا حابك تفكي علشان محبش اشوفك زعلانة...
اسيل: يلا نفطر...
رحيق: لا مش قادرة...
عدي: لا يا ماما مش هتفطسي عندي في الشركة...
ادهم: ملكش دعوة باختي...
اسيل: هروح اشوف باسم...
ادهم مسك رأس اسيل و باسها و حضنها...
اسيل(بكسوف): عن اذنكوا...
ادهم: يلا جيب مراتك و انزلوا...
عدي: تمام...
ادهم لحق اسيل و مسك ايديها و نزل جري من علي السلالم...
اسيل: يا مجنون ايه؟
اسيل: ايه الجنون ده؟
ادهم: بحبك...
احمد: يلا كلوا...
اسيل: فين جدو عبد الرحيم؟
صفية: مش عايز يأكل...
اسيل: طب انا هروح اشوفه، شوف انت يا ادهم باسم.
ادهم: تمام بس بقولك...
اسيل: ايه؟
ادهم: متتأخريش عليا...
اسيل: اشمعنا؟
ادهم(بضحك): اصلي بخاف و انتي مش جمبي...
اسيل(بعصبية): ادهممممممم، روح لباسم...
اسيل: اتجوزت بهلوان انا...
ادهم: بس احلي بلهوان و الله...
اسيل: تصدق مش فضيالك انا راحة لجدو...
اسيل راحت لاوضة عبد الرحيم، و خبطت.
عبد الرحيم: ادخل...
اسيل: كدة يا جدو مش هتفتح نفسي علي الفطار.
عبدالرحيم: اسف يا بنتي مش قادر...
اسيل: هو كان صاحبك اوي...
عبدالرحيم: طبعا يا بنتي...
اسيل: هو لو كان موجود مكنش هيحب يشوفك كدة...
عبدالرحيم: بس...
اسيل: متنساش ان في مسئوليات عليك ابنك و احفادك و شغلك...
عبدالرحيم: طيب يا بنتي هلبس و اجي...
اسيل: اشطا يا جميل...
عبدالرحيم: علفكرة ادهم بيحبك...
اسيل: بس انا سبب دمار في حياته و مش هسمح بكدة...
عبدالرحيم: قصدك ايه؟
اسيل: بسببي اضرب بالنار و كان ممكن يموت بس مش هستحمل اني اخسره...
اسيل: بعد ما الامور تستقر هسافر و هبعد عنه...
عبدالرحيم: بس...
ادهم: ثانية انت بس يا جدو...
اسيل اتصدمت من وجود ادهم...
ادهم: يعني و انتي لما تسيبيني مش هتخسريني.
اسيل(بصدمة): انت ايه اللي جابك؟
ادهم: جاي اشوف مراتي و هي بتخطط ازاي تسبني.
اسيل: ادهم...
ادهم: ادهم ايه ها كنتي عايرة تسيبيني ليه حرام عليكي هو ده كله علشان حبيتك ينعل ابو الحب اللي بيذل الانسان يا شيخة، حرام عليكي...
اسيل(بدموع): بس انا مستحيل اذلك انا بحبك و لو كنت هبعد عنك هبعد علشان بحبك...
عبدالرحيم: يا ادهم اسيل خايفة عليك لانها بتحبك، بس طريقتك يا اسيل برضو غلط...
اسيل: اومال اشوف جوزي و هو بيضيع قدامي.
ادهم: و لما تبعدي يعني انا مش هضيع...
عبدالرحيم: انتوا بتحبوا بعض كل واحد بالنسبة للتاني روحه و مفيش حد يقدر يعيش من غير روحه انتي لو مشيتي مش هتبقي كويسة و لا هو هيبقي كويس...
اسيل قربت من ادهم و حطت ايدها علي رقبته و حضنته...
اسيل: آسفة...
ادهم: ينعل ابو جمالك يا شيخة...
عبدالرحيم: طب اغير قدامكوا و لا ايه ما تمشوا...
اسيل: ده بيطردنا...
ادهم: احم طب يلا بينا...
عبدالرحيم(بهمس): ربنا يخليكوا لبعض...
اسيل: عملت ايه مع باسم؟
ادهم: نفس اللي عملتيه مع رحيق...
نيران: ادهم عايزاك...
ادهم: عن اذنك يا اسيل...
اسيل: اتفضل...
ادهم راح مع نيران، و اسيل نزلت لقت الكل قاعد.
اسيل: اهلين...
صفية: انتي ازاي قدرتي تعملي كدة؟
اسيل: عملت ايه؟
صفية(بدموع): انتي غيرتي ابني خلتيه يرجع ادهم بتاع زمان، خلتينا نتجمع كلنا نشرتي الحب، خلتيني احبك...
اسيل راحت حضنتها...
اسيل: ده واجبي كحفيدة في العائلة...
صفية: انا آسفة...
اسيل: مهما الكبار عملوا مش محتاجين لاعتذار اهم حاجة احتوائهم لينا...
صفية: خلتيني اعرف قد ايه انا كنت واحدة انانية...
احمد: خلاص بقي ما صدقنا تفك...
باسم: اهلا يا جماعة...
غزل: اخباركوا...
باسم راح باس رحيق و اسيل من رأسهم...
اسيل: من امتي يا اسطا؟
باسم: لا و الله...
عبدالرحيم: صباح الخير...
نيران: زي ما اتفقنا يا ادهم...
نيران راحت قعدت جمب ادهم مكان اسيل...
اسيل: مكاني بعد اذنك يا نيران...
نيران: نسيت روحي خدي كرسي تاني...
صفية: ده جوزها سيبيها تقعد جمبه...
نيران قامت بغيظ و اسيل قعدت جمب ادهم...
اسيل(بهمس): بتثق فيا؟
ادهم: ده مش سؤال...
اسيل(بهمس): لو قولتلك اي حاجة هتصدقها...
ادهم: اكيد، في ايه؟
اسيل: هحكيلك بليل...
اسيل: باسم متنساش تعدي علي بابا و ماما تشوفهم...
باسم: بابا مين؟
اسيل: بابا هو انا عندي مية اب...
باسم: هو شكل موت جدو اثر عليكي...
اسيل(بتحذير): باسم...
رحيق: خلاص هتأكلي الواد...
اسيل: انا راحة الجريدة، باي.
ادهم: استني هوصلك...
اسيل: تمام...
عدي: يلا علي الشركة...
رحيق: طب و الجامعة؟
عدي: ليلي تبقي تجيب ليكي المحاضرات، و كمان تتعرفي علي الشركة و بعدها نبقي نظبظها...
كريم: ما تعدلي طرحتك يا ليلي...
ليلي: مالها؟
كريم: شعرك باين...
ليلي خبت شعرها و ظبطت طرحتها...
كريم: يلا بينا...
صفية: ها ايه رأيكوا نروح علي الكورنيش نغير جو.
سوزان: كورنيش لا طبعا...
عبدالرحيم: انا موافق كان محمد بيحب يروح يقعد هناك...
احمد: طب يلا...
سوزان: روحوا انتوا...
باسم: يلا يا غزل اراجعلك علي اللي فات...
غزل: بس انت مش فايق.
باسم: اهو حاجة تشغلني يلا...
احمد و صفية و عبدالرحيم خرجوا بعربيتهم...
-في عربية ادهم و اسيل...
اسيل: عدي علي المستشفي نروح نطمن عليهم.
ادهم: تمام يا اميرتي...
ادهم و اسيل راحوا المستشفي...
اسيل: لو سمحت الاستاذ سامر الجارحي فين؟
ممرضة: في اوضة(، ).
اسيل: تمام شكرا...
اسيل و ادهم راحوا الاوضة و دخلوا...
اسيل: ماما انتي كويسة...
نيرة: الحمد لله...
اسيل: انت كويس يا بابا؟
سامر(بفرحة): بقيت كويس بقيت كويس...
ادهم: حمد لله علي السلامة...
نيرة: اخبار جدك و جدتك ايه؟
اسيل(بتوتر): تيتة في غيبوبة، جدو.
سامر: ماله جدك؟
ادهم: البقاء لله...
سامر(بصدمة): بابا...
نيرة: البقاء لله يا حبيبي معلش.
سامر بدأ يعيط، و اسيل راحت حضنته.
اسيل: خلاص معلش يا بابا، احنا كلنا محتاجينكم...
نيرة: اسمع كلام بنتك...
ادهم: انتوا هتخرجوا من هنا ان شاء الله بالليل...
نيرة: روحي يلا مع جوزك...
اسيل: جايلكوا، باي...
اسيل مشيت مع ادهم...
ادهم: مرتاحة...
اسيل: نوعا ما...
ادهم حضن اسيل و مشيوا وصلها للجريدة و مشي علي شركته...
-في عربية عدي و رحيق...
عدي: رحيق ضحك ممنوع، كلام خارج الشغل ممنوع، تقفي مع حد في الشغل ممنوع و متقوليش زميلي و مش زميلي معنديش الكلام ده.
رحيق(و هي بتكتم ضحكها): تمام...
عدي: تمام، و بطلي ضحك...
عدي نزل و رحيق نزلت و دخلوا الشركة...
عدي: دانا رحيق مراتي و السكرتيرة الجديدة...
دانا: تمام يا فندم...
عدي: و علميها كل حاجة و انا واخدلك اذن من ادهم...
دانا: حاضر يا فندم...
دانا: اهلا يا مدام رحيق...
رحيق: اسمي رحيق بس.
دانا: تمام، تعالي اعلمك...
-في الجريدة...
طارق: ايه نستينا يا اسيل؟
زينات: يعني طلعتي متجوزة ادهم الشافعي و مقولتيش...
اسيل: مبحبش المظاهر...
اسيل: المهم في قضية مهمة عايزاكوا فيها...
طارق: قولي...
اسيل: صحفية كان عندها سر علي حد و الحد ده موتها، و قفلت القضية ضد مجهول...
زينات: ايه بقي؟
اسيل: نعرف السر اللي الصحفية دي كانت عارفاه.
طارق: الصحفية دي يا اسيل كانت هنا معانا.
اسيل: طب ده كويس اوي...
زينات: ازاي بقي؟
اسيل: ننزل المخزن اللي في الجريدة اكيد في ورق...
طارق: المدير مش هيسمح بكدة...
اسيل: طب بصوا مبدأيا هتساعدوني...
طارق و زينات مترددين...
اسيل: هاااااا؟
طارق(بخوف و تردد): تمام.
زينات: اسيل انا عندي عيال...
اسيل: ربنا هيقف معانا لو احنا في الطريق السليم...
زينات: ماشي...
اسيل: تمام...
نيران: اسيل...
اسيل(بصدمة): ايه اللي جابك؟
نيران: جايالك...
اسيل: عايزة ايه؟
نيران: هنتكلم كدة...
اسيل: طارق زينات معلش امشوا...
نيران: دقيقة واحدة...
نيران راحت قعدت قدام اسيل...
اسيل: خير؟
نيران: مدوريش في القديم يا اسيل...
اسيل(ببرود): مش فاهمة...
نيران: انتي عرفتي الحكايةبس محتاجة دليل.
اسيل(ببرود): حكاية ايه؟
نيران: اني انا اللي قتلت الصحفية اللي كانت قاعدة مكانك...
اسيل(ببرود): هلاقي الدليل...
نيران: يبقي احلمي اني اسيبك تتهني مع ادهم...
اسيل(ببرود): بره...
نيران(بعصبية): هتندمي هخليكي تندمي يا اسيل.
اسيل(ببرود): بره.
نيران خرجت بعصبية، و طارق و زينات دخلوا...
طارق و زينات: في ايه؟
اسيل(ببرود): لقيت دليل...
طارق: ازاي؟
اسيل طلعت التسجيل اللي سجلته اول ما نيران دخلت و مخدتش بالها...
زينات: معلمة...
اسيل: جه وقت اللعب علي اصول...
اسيل: انا راحة مشوار مهم...
اسيل طلعت جري راحت علي شركة ادهم...
اسيل: لو سمحت ادهم موجود...
دانا: تفضلي يا اسيل هانم...
اسيل: شكرا...
اسيل دخلت...
اسيل: ادهم عايزة اتكلم معاك...
ادهم: خير؟
اسيل: نيران مجرمة...
ادهم: ده اللي هو ازاي؟
اسيل: في صحفية هي قتلتها...
ادهم(ببرود): و المفروض اصدقك...
اسيل: اكيد...
ادهم: هتقولي ان نيران قتلت واحدة صح، هي قتلتها لان البنت دي ابتزتها بصور فاضحة...
اسيل: يعني انت عارف انها قاتلة...
ادهم: لسة عارف...
اسيل: بس الصحفية دي كانت شريفة...
ادهم: الدليل فين؟ ردي ها...
ادهم(بزعيق): اسيل انسي الموضوع مش هدخل نيران السجن علشان حاجة معندكيش دليل عليها...
ادهم: عندك دليل؟
اسيل: لا...