رواية صدفة أم قدر للكاتبة سلسبيل كوبك الفصل التاسع والعشرون
اسيل لسة هتتكلم باسم دخل...
باسم(بزعيق): الحقونا البيت بيولع...
باسم طلع جري و ادهم و اسيل نزلوا بسرعة وراه.
عدي: كل سنة و انت طيب يا كبير...
عبدالرحيم: جه اليوم االلي هنحتفل بيه بعيد ميلادك...
ادهم حضن اسيل جامد...
اسيل: و الله مكنتش اعرف اسفة...
ادهم: مش مهم...
ادهم: طب انتوا لابسين و جاهزين حد ينزلني كدة انا و مراتي...
احمد: اطلع غير انت و مراتك يا ابني...
صفية: يلا مستنينكم...
ادهم و اسيل طلعوا اوضتهم...
اسيل: اسفة مكنتش اعرف. و مجبتش هدية...
ادهم: يا قلبي انتي وجودك اجمل هدية...
اسيل: طيب...
- ادهم لبس بدلة باللون الكحلي و قميص ابيض و فتح اول زرارين و لبس جذمته السوداء و ساعته و حط البرفيوم بتاعه...
- اسيل لبست فستان باللون الاسود و فيه ورود حمراء بشكل جميل اوي و كان بنص كم و واسع و لبست صندل احمر. و حطت روچ بنفس لون الورود و سيبت شعرها و حطت كحل...
ادهم: جاهزة؟
اسيل: اه، شكلك وسيم...
ادهم: بس انتي احلي...
اسيل و ادهم نزلوا بشكل جميل و متناسق...
رحيق: اختي قمر يا اخواتي...
عدي: اخويا قمرين...
اسيل: ياض انا انثي قولي كلمة حلوة...
ادهم(بهمس): انا قولت ايه؟
اسيل(بهمس): ده عدي يا ادهم...
ادهم راح عند جده و باس ايده و سلم علي والده و والد اسيل...
اسيل سلمت علي نيرة و صفية...
ليلي: هنقطع التورتة بقي...
ادهم: مستعجلين علي الاكل...
اسيل: انجز يا ابني قطع التورتة...
غزل: بص البيبي بيقولك قطع التورتة انجز جعانة...
كريم: خد بالك يا باسم هي هدخل كل حاجة في البيبي...
باسم: لا ما انا واخد بالي...
اسيل: محدش يضايقها ياض منك ليه...
عبدالرحيم: طب يلا...
ادهم: ثانية بس هي فين التورتة اللي بتتكلموا عليها؟
احمد: برة في الجنينة...
الكل خرج للجنينة متزينة بشكل بسيط و ترابيزة عليها تورتة كبيرة عليها صورة ادهم...
اسيل: بص بقي يا ادهم انت ايه تقطع رقبتك و تديها ليا...
ادهم: هو علي اخر الزمن هوديكي انتي رقبتي.
رحيق: انجز قطع...
ادهم بدأ يقطع التورتة و طلع اول قطعة لاسيل...
عبدالرحيم: ايه اختفينا؟
اسيل(باحراج): وديهم الاول...
ادهم: لا انتي يلا...
اسيل كلت من ايده و اكلته، و مسحت ايدها...
و بعدين ادهم اكل كل اللي موجود...
و قعدوا في مكان خصصوه ليهم...
رحيق: تعالوا نعمل اي شي مفيد...
كريم: زي؟
رحيق: لا انا بقول فكرة انتوا قولوا بقي...
عدي: عمرنا ما هننتفع منك بحاجة...
اسيل: ليه متجوز مجدي يعقوب...
رحيق: شايف يا بابا اسيل بتقول ايه؟
سامر: يا بنتي متبقيش قفوشة...
غزل: لا الرجالة هي اللي قفوشة...
عبدالرحيم: الصراحة عندها حق...
كل البنات ضحكوا...
ادهم: لا و النبي و انتوا قموصين...
عبدالرحيم: الصراحة عنده حق...
صفية: هو حضرتك معاهم معاهم عليهم عليهم...
كريم: نسينا امر الهدايا خالص...
ادهم: يا ابني عادي...
اسيل: انت مش بتحب الهدايا.
ادهم: عادي...
باسم: اسيل بتعشق الهدايا...
اسيل: لو كانت شيكولاتة او كتب او شي قيم يعني حاجة انتفع بيها...
رحيق: دي مني انا و عدي...
اسيل: هاتي هاتي...
كريم: دي انا و ليلي...
اسيل: هات يا ابني...
ادهم(برفعة حاجب): هي هدايا ليكي انتي و لا ليا.
اسيل: مش انا و انت واحد...
كل واحد ودي لادهم هدية و اسيل خدتهم...
ادهم(بهمس): يلا...
اسيل: تمام...
ادهم: طب عن اذنكوا...
باسم: رايح فين مع اختي ها؟
ادهم: هحتفل بعيد ميلادي.
كريم: حقك يا معلم...
ادهم خد اسيل و ركبها عربيته و مشي...
كريم: يا بت فكي...
ليلي: ما انا فاكة اهو اعمل ايه؟
كريم: بحبك.
ليلي: و انا كمان...
عدي: تحبوا تطلعوا فوق شوية مثلا...
كريم: عيل فصيل...
كريم: تعالي يا بنتي معايا استفرد بيكي...
كريم خد ليلي و قعدوا في مكان لوحدهم في الجنينة...
عدي: وحشتيني...
رحيق: طب ما انا معاك من الصبح ايه؟
عدي: عيلة فصيلة...
رحيق: ما انت لسة فاصل كريم و ليلي...
عدي: و النبي...
عدي قام و شال رحيق...
رحيق: يا رزل شايلني ليه...
عدي: هستفرد بيكي زيهم.
عدي خد رحيق في مكان بعيد نسبيا و قاعدين عمالين يهزروا...
احمد: طب يعني انا استفرد بيكي و لا ايه بجمالك ده.
صفية(بكسوف): شكرا...
احمد: لا مش قد كسوفك...
سامر: يا ابني الستات دول محتاجين خبرة.
احمد: لا و النبي...
نيرة: و يا تري ايه بقي هي الخبرة؟
باسم(بضحك): قصف جبهة...
غزل: عيل رزل سيبهم يهزروا الله...
باسم: طيب اقوم بقي استفرد بيكي.
عبدالرحيم: امشوا امشوا...
باسم خد غزل و راح عمل زي عدي و رحيق...
و الكبار قعدوا يتكلموا، و سوزان مش موجودة...
-عند ادهم و اسيل...
اسيل: رحت ليه علي الشركة؟
ادهم: هتلبسي.
اسيل: تمام...
ادهم خد اسيل و راحوا للمكتب بتاعه...
ادهم: اللبس في الحمام...
اسيل: تمام. طب البس علي الفستان و لا اعمل ايه؟
ادهم: براحتك...
اسيل دخلت الحمام لقت نقاب، لبست النقاب علي الفستان و بقي زي كأنه فستان، و لمت شعرها و لبست بندانة و حاولت تلبس النقاب لغاية ما لبسته. و حطت عدسات بنفس لون عيون ليلي، و خرجت لادهم...
ادهم: ما تفضلي كدة علطول...
اسيل ابتسمت ابتسامة باهتة بانت في عيونها...
ادهم: مالك؟
اسيل: لا مفيش انا بخير...
ادهم: طب قربي...
اسيل لسة هتقرب من ادهم وقعت...
ادهم(بخضة): مالك؟
اسيل: مش قادرة اخد نفسي...
ادهم شال النقاب من علي وشها، اسيل خدت نفسها بحرية...
ادهم: خلاص يا اسيل مش لازم انتي اي حد غيرك يروح.
اسيل: لا لا هروح انا...
ادهم: قولت لا...
اسيل(بعناد): انا اللي هروح يا ادهم...
ادهم: لا.
اسيل: ادهم بليز.
ادهم: يا رب...
اسيل: علشان خاطري بليز...
ادهم: لو في اي وقت حسيتي باختناق قوليلي فاهمة.
اسيل: حاضر حاضر...
ادهم: اهو تليفون ليلي...
اسيل: تمام، انا جاهزة.
اسيل نزلت و ركبت عربية بسواق و ادهم وراها بعربيته...
اسيل وصلت للكافيه و هي لابسة النقاب و كانت بتأخد نفسها بصعوبة، و راحت قعدت علي ترابيزة...
تليفون ليلي رن، الخط اتفتح...
اسيل: الو حضرتك فين؟
مجهول: انتي لابسة ايه؟
اسيل: نقاب في اخر ترابيزة...
مجهول: ارفعي ايدك...
اسيل رفعت ايدها...
مجهول: شوفتك...
ادهم كان علي الترابيزة اللي قبل اسيل.
اسيل لقت شخص بنقاب قعد قدامها...
اسيل: لو سمحت مستنية حد...
مجهول: انا...
اسيل(بصدمة): انتي ست؟
مجهول: اه ست...
اسيل(بصدمة): اومال ازاي صوتك كان راجل؟
مجهول: برنامج...
اسيل: تمام، الصور فين؟
مجهول: الفلوس؟
اسيل: هو مش لما اشوف الصور هو انا اسااسا هتأكد ازاي ان مفيش نسخ منها...
مجهول: نظرتك مش مطمناني.
اسيل(ببرود): ده اللي عندي...
مجهول: انتي لابسة نقاب ليه؟
اسيل: علشان محدش يشوفني، و انجزي فين الصور؟
البنت طلعت و حطت الصور قدامها و الموبايل و فلاشة...
اسيل خدتهم منها...
المجهول: الفلوس؟
اسيل: تعرفي حاجة عن فلوس الحكومة؟
ادهم كان مبسوط من اسيل و من قوتها...
المجهول(بخوف): انتي مين؟
اسيل شالت النقاب و قلعته...
اسيل: انا اسيل الجارحي...
المجهول(بصدمة): اسيل...
البنت كان هتهرب ادهم مسكها و شال النقاب من عليها...
اسيل(بصدمة): انتي!
ادهم: انتي ازاي تعمل كدة؟
سالي(بشر): علشان انتقم من شرف عائلة الشافعي...
اسيل: انتي احقر بني ادمة انا شوفتها...
ادهم: حضرة الظابط اتصرف...
في ظباط جت و خدت سالي اللي قعدت تصرخ و تزعق، ادهم حضن اسيل...
ادهم(بخضة): اسيل اسيل...
ادهم لقي اسيل بتغمض عنيها و تفتحهم و وقعت في دراع ادهم، ادهم شالها بسرعة و راح علي المستشفي...
ادهم(بزعيق): دكتور...
ممرضة: اتفضل معايا...
ادهم دخل حط اسيل في الطوارئ...
الدكتور: اتفضل بره.
ادهم(بعصبية): مش خارج و انجز شوف مالها.
الممرضة: دي مضروبة بسكينة في جمبها...
الدكتور بص لقي انها مجروحة في جمبها...
ادهم: ايه؟
الدكتور: جرح بسيط...
الدكتور بدأ يخيط الجرح لاسيل و فوقها...
اسيل: ادهم...
ادهم: نعم يا حبيبتي.
اسيل: انت كويس؟
ادهم: اه...
اسيل: تمام.
الدكتور: تقدروا تروحوا بس الجرح يتغير كل شوية.
ادهم: تمام.
ادهم شال اسيل و ركبها عربيته و وصلوا للقصر...
اسيل: هقدر انزل خليك هنا بقي...
اسيل و ادهم نزلوا...
نيرة: حمد لله بالسلامة...
اسيل: الله يسلمك يا طنط.
رحيق: كل حاجة جاهزة.
ادهم: في ايه؟
اسيل: معرفش، خليك هنا هطلع و ابقي تعالي.
ادهم: هساعدك...
اسيل: لا...
اسيل طلعت علي اوضتها...
عدي: تعالي بقالنا كتير مشتغلناش...
ادهم: مش دلوقتي.
كريم: لا دلوقتي...
عدي و كريم خدوا ادهم و اشتغلوا شوية...
رحيق(بفرحة): يا رب يعجبها اللي احنا عملناه...
غزل: ان شاء الله...
-بعد فترة...
كريم: خلاص انت اشتغلت كتير، قوم بقي...
ادهم: تمام...
ادهم طلع لاوضته...
كريم: اوف انا زهقت.
عدي: انا عايز اتجوز و اخلص...
-عند ادهم...
اول ما دخل اتفأجي بالاوضة و جمالها...
لقي الاوضة متزينة و في بلالين و صورة كبيرة لادهم و اسيل، و علي الترابيزة في شموع و تورتة صغيرة مكتوب عليها بحبك، و ورود علي السرير بحرف الA، والبلالين مرمية علي الارض و مالية الاوضة...
و بعدين لقي اسيل بتحضن ادهم من ضهره...
اسيل: عجبتك؟
ادهم(بانبهار): الصراحة اه.
اسيل: آسفة اني مكنتش اعرف انه عيد ميلادك و آسفة ان الاحتفال بسيط...
-ادهم لف ليها و لسة هيتكلم انبهر بجمالها...
- آسيل كانت لابسة فستان باللون الاحمر طويل و مفتوح من الجمب و بكم بس مبين اكتافها و لبست صندل باللون الاحمر بكعب بسيط، و حطت روچ احمر بنفس لون الفستان. و كانت حاطة كحل محدد لون عنيها الزرقاء، و كانت مسيبة شعرها بطريقة جميلة...
اسيل: سرحت في ايه؟
ادهم: هيكون ايه غيرك...
اسيل: تمام...
اسيل غمضت عنيها و فتحتهم و بصت في عيون ادهم...
اسيل: اللي هقوله مقولتوش لاي شخص و لا هقوله لاي شخص غيرك يا ادهم، اينعم مليش في الرومانسية اوي بس نجرب...
اسيل: الصراحة مكنتش من النوع اللي بيعجب برجال الاعمال و لما اعمل اي لقاء صحفي معجبتش باي حد الصراحة، لغاية ما شوفتك اول مرة في العربية اينعم مكنتش طايقاك لانك طردتني من العربية بس عجبتني لما انقذتني من الرجالة و وصلتني بعربيتك طبعا بشكرك كنت فاكراها صدفة بس يشاء القدر اني اقابلك في اللقاء، في اللقاء الصراحة خطفتني بجاذبيتك بس اكيد طنشت لاني اسيل الجارحي...
-ادهم كان باصص ليها و كان مركز مع كل كلمة بتقولها، اسيل سكتت و بعدين كملت...
اسيل: اينعم اضايقت لانك كنت هتمد ايدك عليا بس عذرتك لاني زودتها شوية آسفة، لما اكتشفت اننا عائلة واحدة مكنتش عارفة اتصرف ازاي يعني اللي هو انسي الشد اللي حصل بينا في النقاش و لا لا، المهم انه لما جدو عرض عليا اني اتجوزك انا رفضت لاني مكنتش مستعدة للخطوة دي ابدا اني اتجوز يعني ممكن يحصل بينا اي حاجة يعني اني هتجوز شخص متملك و شخص بارد و مستفز و انا اينعم كنت مستفزة و باردة بس انا كنت محتاجة حد يطلعني من جو البرود ده...
اسيل: لما اتجوزنا كنت مبسوطة شوية لان في النهاية حلم اي بنت انها تتجوز بس مكنتش عايزاك تبقي جوزي و مكنتش عايزة اتجوز بالطريقة دي بس اهو اللي حصل...
اسيل: لما قولت ليا اني انسي الاتفاق اللي بينا اللي هو انك مش هتلمسني الصراحة خوفت جدا لاني مبحبش حد يفرض عليا حاجة و خاصة لو كانت امور زي دي، بس ساعتها ضرب نار حصل و هكذا بقي...
اسيل: لما روحنا امريكا و فيكي حاول يعتدي عليا معرفش ليه انت اللي جيت في بالي انت اللي كنت هنادي عليه و هطلب منه النجدة، و بعدين لما لقيتك قدامي احتميت في ضهرك بس كسرتني لما كنت هتقرب مني و تغتصبني. بس يشاء القدر ان صوفيا تيجي و تحكي كل الامور وتتراجع عن قرارك...
-اسيل خدت نفس عميق و ادهم مركز معاها برضو...
اسيل: منساش اني كنت برضو بنبسط لما تدخل في لبسي، انا اساسا بحب الرجالة الشرقيون بحب الراجل و انت تستحق تكون راجل و بجدارة يا ادهم، كنت بحب اعاندك و استفزك كنت ببقي مستمتعة و انا بعصبك. انا اسيل بعصب البارد ادهم الشافعي، لما رؤوف خطفني كنت عارفة انك هتلاقيني و هتنقذني و كنت مبسوطة لما جييت و انقذتني، و لما عملنا حادثة و انت خدتني الصبح و كشفت و انا كنت بعيط و كنت ماسكة في رقبتك كنت حاسة بأمان معاك، و لما كنت بتحب تضايقني. و لما روحت المنطقة العشوائية و انت جيت ورايا و انقذتني. بس اضايقت لما فضحتني قدام نفسي حسيتك ساعتها انك مش قد الثقة دي. و لما عرفت انك كنت متجوز حسيت ان كل الثقة وقعت في الارض اينعم قاومت اني اكون ضعيفة بس كنت مجروحة اوي من جوايا...
اسيل: كنت مبسوطة لما عملت الاوضة اللي في المطعم كنت فرحانة بس كابرت و عاندت، و بما اعترفت ليك اني بحبك بس بطريقة غير مباشرة اضربت بالنار كنت حاسة بأن قلبي اتشال من مكانه يا ادهم، و لما سمعنا الدكتور و هو بيقول القلب وقف ساعتها الدنيا اسودت حواليا و اغمي عليا، و لما فوقت و اطمنت عليك حسيت ان روحي رجعت ليا، بس الصدمة الكبيرة لما انت صدقت عليا اني ممكن اسرقك و اخونك، و طلقتني كنت حاسة بأني ضايعة بس وعدت نفسي اني هثبتلك الحقيقة. و لما ردتني ساعتها حسيت اني رجعت للحياة بس كابرت و عاندت مع نفسي، و لما كنت بقولك كلمة تجرحك او تضايقك كنت بضايق اضعاف يا ادهم...
اسيل: انا لغيت تذكرتي يا ادهم لامريكا لاني عايزة اكمل حياتي جمبك و معاك انت و بس، انا بثق فيك قد الدنيا كلها يا ادهم، انت ملكت قلبي يا ادهم و انت الوحيد اللي قدرت تعمل كدة...
اسيل وقفت كلام و بصت في الارض و بعدين بصت لادهم...
اسيل: انا بحبك يا ادهم...
-ادهم كل كلمة هي قالتها كانت بتتردد في عقله كان مبسوط منها اوي. كانت نبضات قلبه سريعة مكنش عارف يعمل ايه، كأن اسيل سحرته...
ادهم(بابتسامة): و انا بعشقك يا اميرتي...
ادهم حضن اسيل و اسيل بادلته الحضن...
ادهم بص لاسيل اسيل فهمت نظرته...
اسيل(بتوتر): بص لسة في تورتة تعالي، و في هدية.
ادهم: اه ما انا هأكل التورتة بس بعدين بقي...
اسيل(بتوتر): اومال عايز ايه؟
ادهم: الصراحة مش عارف...
و بعدين ادهم شال اسيل و قربها منه و(لخيالكوا).
-في الصباح الباكر...
عند الكل...
عدي: هو ادهم لسة منزلش ليه؟
كريم: عريس يا ابني سيبه...
باسم: طب كل منك ليه...
عدي: ما انا بأكل اهو...
عبدالرحيم: ها يا ولاد هتعملوا ايه النهاردة؟
كريم: علي حسب ادهم هنشوف...
عدي: لا بصوا بقي انا عايز اتجوز، اتصرفوا لاما هخطف البت و ههرب...
رحيق: احترم نفسك...
غزل: انتي اللي معجبكيش الفساتين امبارح...
ليلي: اللي انا خايفة منه اني هسقط...
غزل: حاسة بكدة، و انا و حياتك...
باسم: طب ما انا بذاكرلك.
غزل: كدااااااااااب...
نيرة: اهدوا بقي...
صفية: ما بتبطلوش لك...
و بعدين الباب خبط...
عدي: مين ده يا امي؟
سوزان: اقدملكوا رفعت جوزي...
الكل بصلها بصدمة...
رفعت: هاي شباب...
- رفعت كان شاب في العشرينات و صايع...
عدي: نعم يا اختي، انتي اتجننتي...
سوزان: اياك تتكلم معايا كدة فاهم، انت ناسي اني امك...
عدي: ام مين يا ام ام انتي ام انتي...
رحيق(بتوتر): اهدي يا عدي.
عدي خد حاجته و خرج بسرعة من القصر...
نيرة: روحي وراه يا حبيبتي...
رحيق جريت و لقته لسه هيمشي بالعربية و ركبت العربية معاه...
عدي(بعصبية): انزلي يا رحيق حالا من غير نقاش...
رحيق: لا...
عدي(بعصبية): بقولك انزلي...
رحيق: لا يا عدي...
عدي ساق العربية بسرعة و رحيق خايفة من سرعته.
عبدالرحيم(بسخرية): متجوزة واحد قد عيالك...
سوزان: حريتي...
سوزان: يلا يا بيبي نطلع فوق...
احمد: الواد ده ميقعدش هنا خالص فاهمة...
سوزان: متنساش اني ليا نصيب في القصر...
سوزان خدت رفعت و طلعت علي اوضتها...
صفية: يادي المصيبة، ادهم لو عرف هينفخنا...
نيرة: هو في كدة...
سامر: هي ازاي تعمل كدة اساسا؟
كريم: المهم دلوقتي عدي...
ليلي: هو ممكن يعمل حاجة لرحيق...
غزل: اكيد لا...
باسم: هي ايه اللي خلاها تعمل كدة مش عارف...
و الكل قاعد بيحاول يفكر في المصيبة دي...
-عند ادهم و اسيل...
ادهم قام قبل اسيل و خد دوش و خرج ليها...
ادهم(بحنية): اسيل اسيل...
اسيل: ابعد يا ادهم...
ادهم: يلا قومي يا كسولية.
اسيل: خمس دقايق بس، خمس دقايق.
ادهم: يلا بقي الوقت اتأخر...
ادهم: اسيل قومي يلا...
اسيل فتحت عنيها و شافت ادهم قدامها خبت وشها تحت البطانية...
اسيل(بخجل): عايز ايه؟
ادهم(بابتسامة): قومي علشان ننزل.
اسيل: طب انزل انت الاول.
ادهم: لا.
اسيل: انت رزل...
ادهم: عارف...
اسيل: طب لف وشك و انا هقوم...
ادهم: لا.
ادهم شال اسيل و دخلت علي الحمام و حطها في البانيو...
ادهم: خدي دوش سريع و متناميش تمام...
اسيل: اوف حاضر حاضر...
- ادهم خرج لبس بدلة باللون الزيتي(الاخضر الغامق). و لبس جذمة باللون الاسود و ساعة باللون الاسود. و حط البرفيوم بتاعه...
ادهم(بصوت عالي): يلا يا اسيل ده كله...
اسيل خرجت بسرعة و جريت علي اوضة الملابس مبصتش لادهم اللي ضحك علي تصرفها...
- اسيل لبست بنطلون جينز و تي شيرت ابيض بكم و دخلته في البنطلون و سيبت شعرها و حطت روچ بسيط و كحل و لبست كوتشي ابيض عالي...
اسيل: جاهزة متزعقش.
ادهم قام و باسها من رأسها و حط وشها بين ايده.
ادهم: ممكن استناكي العمر كله...
اسيل(بضحك): فكرتني بيوسف...
ادهم(بضيق): فصيلة يا اسيل...
اسيل(بضحك): اضايقتي يا بيضة...
ادهم شال اسيل و قعد يلف بيها كتير. و بعدين وقفها فجأة، اسيل كانت هتقع...
ادهم: ها ايه رأيك؟
اسيل(بدوخة): حرام عليك هرجع...
ادهم: طب يلا يا بيضة...
اسيل: لا مش قادرة امشي...
ادهم شال اسيل و اسيل نامت علي كتفه، و نزل بيها.
ادهم: متجمعين علي الخير ان شاء الله...
اسيل: مالكوا في ايه؟
ليلي: طنط سوزان اتجوزت...
ادهم نزل اسيل علي الارض...
ادهم(بحدة): و ده ازاي ان شاء الله؟
ادهم: فين عدي؟
كريم: اول ما سمع الخبر مشي و هو في قمة عصبيتة...
ادهم(بصوت عالي): سوزان سوزان...
اسيل: ادهم بليز اهدي.
ادهم(و هو بيحاول مينفعلش عليها): اسيل روحي اقعدي او ابعدي عني دلوقتي علشان منفعلش عليكي...
سوزان: ايه الدوشة دي؟
ادهم: فين المحروس جوزك؟
رفعت: نعم...
ادهم: لا و النبي متجوزة واحدة اصغر من ابنك كمان. مش مكسوفة و انتي راحة تتجوزي و يا تري الشهود كانوا مين و لا ده يبقي مين. و اتعرفتي عليه ازاي؟
سوزان: انا اتعرفت عليه في النادي و حبيته و اتجوزته، و ده شي خاص بيا...
ادهم(بعصبية): طب اسمعي بقي قدامك خيارين لاما تتطلقي من الواد الزبالة ده و تأخدي ورثك، لاما متطلقيش منه و تأخديه كدة و تغوري بره البيت ده.
سوزان: انا ليا نصيب في البيت...
ادهم: طب بصي متخلنيش ارميكي بإيدي بره البيت ده...
رفعت: حبيبتي ليها نصيب هنا و مش هتمشي...
ادهم طلع و ضرب رفعت و سوزان بتحاول تبعده...
اسيل: خلاص يا ادهم...
اسيل طلعت لادهم علي السلالم و كريم و باسم طلعوا لكن ادهم نازل ضرب في رفعت...
سوزان(بشر): ادهم...
ادهم بص ليها، و لقي سوزان بتوقع اسيل من علي السلم، ادهم اتصدم.
اسيل(بصريخ): ادهم...
اسيل وقعت من علي السلم و دماغها اتفتحت و اغمي عليها، ادهم نزل جري وراها...
ادهم(بخضة): اسيل حبيبتي اسيل ردي يا حبيبتي.
ادهم: اسيل اسيل...
ادهم شالها و راح علي المستشفي...
عبدالرحيم(بحدة): سوزان اللي عملتيه ده ليه عقاب...
سوزان: كان بيموت جوزي حبيبي...
رفعت: خلاص يا روحي انا مسامحه.
نيرة: بنتي لو حصلها حاجة مش هيكفيني اني اقتلك يا سوزان.
سامر: يلاا نروح وراهم...
نيرة و سامر و احمد و صفية و عبد الرحيم ركبوا العربية...
و ادهم كان خد اسيل و ركبها العربية و معاه باسم و غزل. و وراهم كريم و ليلي في عربيته...
ادهم وصل للمستشفي...
ادهم(بزعيق): دكتور انجزوا.
ممرضة(بهمس): دي تاني مرة يجي بيها للمستشفي.
ممرضة: اتفضل معايا...
خدوا منه اسيل و الدكتور كشف عليها و ربط رأسها بشاش.
الدكتور: كدة علفكرة غلط عليها يا ادهم بيه كل شوية بتيجي المستشفي و تكون مجروحة شكل مختلف ده غلط عليها و علي جسمها و علي مناعتها.
ادهم(بقلق): اسيل طيب دلوقتي عاملة ايه؟
الدكتور: مش هقدر اقول دلوقتي الخبطة كانت قوية علي دماغها و هي تحت المخدر و احنا هنعمل ليها اشاعة علي الجمجمة...
ليلي(بخوف): طب هو ممكن يحصل اضرار ايه؟
الدكتور: فقدان ذاكرة، ارتجاج في المخ...
ادهم وقع علي الكرسي و حط وشه بين ايده و كان خايف و متوتر و قلقان علي اسيل.
كريم: شد حيلك يا بطل هي هتبقي بخير...
باسم: انا عارف اختي قوية و هتبقي احسن...
غزل: اكيد يا حبيبي...
نيرة(بخضة): بنتي حصلها ايه؟
سامر: مالك يا ادهم مالها حصلها ايه؟
عبدالرحيم(بزعيق): حصل ايه ردوا؟
الدكتور: لسة بعد الاشاعة.
صفية: خلاص يا حبيبي هي هتبقي بخير...
ادهم: لو حصلها حاجة مش هسيب سوزان في حالها.
احمد: اهدي يا ابني...
-عند عدي و رحيق...
عدي راح لمكان خالي من الناس و نزل من عربيته، و رحيق كانت مش عارفة تعمل ايه، و نزلت وراه.
رحيق: عدي.
عدي حضن رحيق جامد و قعد يعيط زي الاطفال...
رحيق: خلاص يا حبيبي...
عدي: امي اتجوزت يا رحيق و خلت منظري وحش قدام كل العائلة...
عدي: امي مرجعتش ليا و لا احترمتني و لا احترمت بابا المتوفي يا رحيق...
عدي: خلتني مكسور، مش هعرف ارفع وشي قدام الكل يا رحيق...
رحيق: انت معملتش حاجة علشان مترفعش وشك انت راجل يا رحيق و مفيش حد يقدر يخليك توطي رأسك، بس لازم نفكر الاول اهدي انت و هنفكر بهدوء.
-و بعد فترة من الوقت...
تليفون عدي رن...
الخط اتفتح.
كريم: عدي انت فين؟
عدي: ليه يا كريم؟
كريم: امك وقعت اسيل من علي السلم و احنا دلوقتي في المستشفي.
عدي(بصدمة): ازاي كدة؟
كريم: بعدين يا عدي، تعالي لمستشفي(، ).
عدي: تمام تمام...
رحيق: حصل ايه؟
عدي: اركبي بس...
رحيق ركبت هي و عدي و عدي ساق بسرعة...
رحيق(بخوف): حد حصله حاجة؟
عدي: اسيل في المستشفي...
رحيق قعدت تعيط و عدي حاسس بالذنب لانه بسبب امه...
عدي: وصلنا...
رحيق نزلت جري و هي بتعيط...
رحيق(بعياط): اسيل فين ردوا فين اسيل؟
نيرة: اهدي يا حبيبتي...
عدي(بقلق): حصل ايه؟
ادهم مسك عدي من رقبته و زقه علي الحيطة...
ادهم(بغضب): قسما بربي يا عدي لو اسيل حصلها حاجة امك مش هتأخد في ايدي ثانية، فاهم؟
رحيق(بخوف و عياط): حصل ايه؟ سيبه يا ادهم...
ادهم بعد عنه و راح وقف جمب اوضة اسيل...
باسم: اهدي بس يا ادهم مينفعش كدة...
الدكتور: مدام اسيل بدأت تفوق...
رحيق: هدخل اشوفها...
الدكتور: اتفضلوا بس مطولوش.
الكل دخل ما عدا عدي و ادهم...
عدي: انا اسف يا صاحبي و الله مكنتش اعرف...
ادهم: انت عارف ان اسيل حياتي يا عدي.
-عند اسيل...
عبدالرحيم: حمد لله بالسلامة يا حبيبتي...
اسيل(و هي مغمضة عنيها): الله يسلم حضرتك...
الدكتور: مدام اسيل افتحي عينك...
اسيل(بتعب): مش قادرة...
الدكتور: طب حاولي معايا و افتحي...
اسيل: لا مش قادرة...
سامر: هي مالها؟
الدكتور: مش عارف و الله.
ليلي: ازاي يعني؟
اسيل(بتعب): فين ادهم؟
احمد: نادي ادهم يا كريم...
كريم: ادهم اسيل عايزاك...
الدكتور: لو سمحت اخرجوا كلكوا...
ادهم: اسيل مالها؟
رحيق(بعياط): مش قادرة تفتح عنيها...
ادهم اتصدم جدا...
ادهم(بصدمة): ي يع ن يا يه(يعني ايه؟! ).
ادهم دخل لاسيل وكان ماشي براحة و خايف...
الدكتور: مدام اسيل حاولي افتحي كدة معايا.
اسيل: كل ما احاول توجعني صدقني...
ادهم(بدموع): حبيبتي حاولي.
اسيل مدت ايديها لادهم و ادهم مسكها...
اسيل: شكل في شخص هنا قلقان...
ادهم(بدموع): انا اسف يا اسيل اسف جدا اني مقدرتش احميكي...
اسيل: و شكل في شخص هنا حاسس بالذنب.
اسيل: بص يا باشا و لا تضايق نفسك انا كويسة.
ادهم: اسيل ده مش وقت هزار...
اسيل: دكتور انت لسة هنا.
الدكتور: اه يا مدام...
اسيل: طب المفروض اعمل ايه علشان الباشا ميقلقش.
الدكتور: حاولي تفتحي عينك...
اسيل بدأت تحاول تفتح عنيها و ادهم خايف اوي عليها. فتحت و غمضتهم بسرعة. و قعدت تكرر الحركة دي لمدة دقيقيتن و بعدين فتحت عنيها.
اسيل: اهو فتحت عيني يا باشا.
ادهم باس عنيها و عيونه دمعت، اسيل حطت ايدها علي خده...
اسيل: انا جمبك و قاعدة علي قلبك متخافش.
ادهم: بحبك...
اسيل: و انا كمان...
ادهم قرب من اسيل اوي...
الدكتور: ادهم بيه احنا هنا...
ادهم(بهمس): ينعل ابو شكلك.
ادهم(بعصبية): طب ما تمشي.
الدكتور و الممرضة خرجوا...
عبدالرحيم: ها يا ابني؟
الدكتور: تمام بس ادهم بيه طردنا...
كريم: مبيضيعش فرص...
ادهم: اه و يا ريت بقي الكل يمشي انا هجيب مراتي و نرجع.
احمد: ماشي يا ابني...
الكل مشي...
ادهم: اتفضل علي شغلك يا دكتور...
ادهم دخل لاسيل تاني و قفل الباب و نزل الستارة اللي علي الازاز...
اسيل(بتوتر): عايز ايه؟
ادهم نام جمبها علي السرير و هي اتأخرت...
ادهم: اسيل لو عايزاني اجبلك حقك من ام عدي معنديش مانع...
اسيل: لا مش عايزة، و اصبر عليها.
ادهم: كنت عارف انك هترفضي، بس انا مش موافق و هجبلك حقك يا حبيبتي...
اسيل: لا يا ادهم بليز علشان خاطري...
ادهم: لا يا اسيل.
اسيل: طب يلا بقي خرجني علشان زهقت...
ادهم: حاسة بوجع؟
اسيل: اه.
ادهم: اسف.
اسيل: متعتذرش...
ادهم قوم اسيل و عدل ليها هدومها...
ادهم: جاهزة؟
اسيل: اه.
ادهم مسك اسيل و اول ما فتح الباب الاوضة اتصدموا...